પદ્મ પુરાણ · અધ્યાય 6.160

મહાદેવ ઉવાચ।
અસ્માત્તીર્થાત્પરં તીર્થં તીર્થરાજેતિ વિશ્રુતમ્ ।
સપ્તનદ્યો વહંત્યત્ર ચંદનોદકમિશ્રિતમ્

અન્યતીર્થાચ્છતગુણં સ્નાનં ચાત્ર વિશિષ્યતે ।
દેવાનાં પ્રવરો દેવો યત્રાસ્તે વામનઃ સ્વયમ્

દ્વાદશ્યાં માઘમાસસ્ય દદ્યાદ્યસ્તિલધેનુકમ્ ।
વિમુક્તઃ સર્વપાપેભ્યઃ કુલાનાં તારયેચ્છતમ્

પાનીયમપ્યત્ર તિલૈર્વિમિશ્રં દદ્યાત્પિતૃભ્યઃ પ્રયતો મનુષ્યઃ ।
શ્રાદ્ધં કૃતં તેન સમાઃ સહસ્રં રહસ્યમેતત્પિતરો વદંતિ

તીર્થેઽસ્મિન્ભોજયેદ્યો વૈ બ્રાહ્મણાન્ગુડપાયસૈઃ ।
એકસ્મિન્ભોજિતે વિપ્રે સહસ્રં ભોજિતં ભવેત્

ઇતિ શ્રીપાદ્મે મહાપુરાણે પંચપંચાશત્સાહસ્ર્યાં સંહિતાયાં ઉત્તરખંડે વામનતીર્થં નામ ષષ્ટ્યધિકશતતમોઽધ્યાયઃ