પદ્મ પુરાણ · અધ્યાય 6.147

મહાદેવ ઉવાચ।
દેવિ વૈ શ્રૂયતાં તીર્થં દેવાનામપિ દુર્લ્લભમ્ ।
ખડ્ગતીર્થમિતિ ખ્યાતં સર્વપાપપ્રણાશનમ્

ખડ્ગતીર્થે નરઃ સ્નાત્વા દૃષ્ટ્વા ખઙ્ગેશ્વરં શિવમ્ ।
ન નરો દુર્ગતિં ગચ્છેત્સ્વર્ગલોકં પ્રગચ્છતિ

ખડ્ગધારેશ્વરં દેવં યઃ પશ્યતિ સુરોત્તમે ।
કાર્તિક્યાં તુ વિશેષેણ પૂજનં તત્ર કારયેત્

અયં વિશ્વેશ્વરો દેવઃ સર્વદા ભુવિ વલ્લભે ।
સર્વં દદાતિ સર્વેશો વાંચ્છિતાર્થપ્રદાયકઃ

વૈશાખે રાજ્યકામાર્થી યઃ પશ્યતિ તમીશ્વરમ્ ।
તમર્થં લભતે ક્ષિપ્રં વિશ્વનાથપ્રસાદતઃ

પુષ્પૈર્ધૂપૈશ્ચ નૈવેદ્યૈર્દીપૈર્વા નગનંદિનિ ।
ફલપ્રદાનૈર્બિલ્વૈશ્ચ વિશ્વેશં પૂજયેત્તતઃ

ધનધાન્યપ્રદં ચાશુ પુત્રપૌત્રાદિસંપદઃ ।
પ્રાપ્યંતે નાત્ર સંદેહઃ શ્રીવિશ્વેશ્વરપૂજનાત્

ઇતિ શ્રીપાદ્મેમહાપુરાણે પંચપંચાશત્સાહસ્ર્યાં સંહિતાયામુત્તરખંડે ઉમામહેશ્વરસંવાદે ખડ્ગતીર્થં નામ સપ્તચત્વારિંશદધિકશતતમોઽધ્યાયઃ