પદ્મ પુરાણ · અધ્યાય 6.146

મહાદેવ ઉવાચ ।
તતો ગચ્છેત દેવેશિ તીર્થં રુદ્ર મહાલયમ્ ।
કેદારાનુપમં સાક્ષાદ્રુદ્રેણ પરિનિર્મિતમ્

શ્રાદ્ધં તત્રૈવ કર્તવ્યં પિતૄણાં તૃપ્તિકારણમ્ ।
તત્ર શ્રાદ્ધપ્રદાનેન પિતરઃ સપિતામહાઃ

તૃપ્તાઃ સમભિગચ્છંતિ રુદ્રસ્ય પરમં પદમ્ ।
વૃષમુત્સૃજતે યસ્તુ તત્ર રુદ્ર મહાલયે

કાર્તિક્યામથ વૈશાખ્યાં રુદ્રેણ સહ મોદતે ।
કેદારે ઉદકં પીત્વા પુનર્જન્મ ન વિદ્યતે

અત્ર તુ સ્નાનમાત્રેણ મુક્તિભાગી ન સંશયઃ ।
એકસ્મિન્સમયે દેવિ ત્યક્ત્વા કૈલાસમાગતઃ

સાભ્રમતીં મહાગંગાં જ્ઞાત્વા લોકહિતાય વૈ ।
તત્ર સ્નાત્વા ચ પીત્વા ચ કૃત્વા તીર્થમનુત્તમમ્

તતોહં ચ સ્વકં સ્થાનં કૈલાસં પ્રતિ ભામિનિ ।
તદનંતરં મહાપુણ્યં તીર્થં જાતં મહાલયમ્

રુદ્ર મહાલયમિતિ લોકે ખ્યાતિં ગમિષ્યતિ ।
કાર્તિક્યામથ વૈશાખ્યાં યે ગચ્છંતિ સુરોત્તમે ।
ન તેષાં વિદ્યતે દુઃખં સર્વસંસારજં પુનઃ

ઇતિ શ્રીપાદ્મેમહાપુરાણે પંચપંચાશત્સાહસ્ર્યાં સંહિતાયાંમુત્તરખંડે ઉમામહેશ્વરસંવાદે રુદ્ર મહાલયતીર્થંનામ ષટ્ચત્વારિંશાધિકશતતમોઽધ્યાયઃ