પદ્મ પુરાણ · અધ્યાય 3.28

નારદ ઉવાચ-।
તતો ગચ્છેત ધર્મ્મજ્ઞ ધર્મ્મતીર્થં પુરાતનમ્ ।
યત્ર ધર્મો મહાભાગસ્તપ્તવાનુત્તમં તપઃ

તેન તીર્થં કૃતં પુણ્યં સ્વેન નામ્ના ચ ચિહ્નિતમ્ ।
તત્ર સ્નાત્વા નરો રાજન્ધર્મશીલઃ સમાહિતઃ

આસપ્તમં કુલં ચૈવ પુનીતે નાત્ર સંશયઃ ।
તતો ગચ્છેત ધર્મજ્ઞ કલાપ વનમુત્તમમ્

કૃચ્છ્રેણ મહતા ગત્વા તત્ર સ્નાત્વા સમાહિતઃ ।
અગ્નિષ્ટોમમવાપ્નોતિ વિષ્ણુલોકં ચ ગચ્છતિ

સૌગંધિકં વનં રાજંસ્તતો ગચ્છેત માનવઃ ।
યત્ર બ્રહ્માદયો દેવા ઋષયશ્ચ તપોધનાઃ

સિદ્ધચારણગંધર્વાઃ કિન્નરાઃ સ મહોરગાઃ ।
તદ્વનં પ્રવિશન્નેવ સર્વપાપૈઃ પ્રમુચ્યતે

તતો હિ સા સરિચ્છ્રેષ્ઠા નદીનામુત્તમા નદી ।
પ્લક્ષાદેવી સ્મૃતા રાજન્મહા પુણ્યા સરસ્વતી

તત્રાભિષેકં કુર્વીત વલ્મીકાન્નિઃસૃતે જલે ।
અર્ચયિત્વા પિતૄન્દેવાનશ્વમેધફલં લભેત્

ઈશાનાધ્યુષિતં નામ તત્ર તીર્થં સુદુર્લભમ્ ।
ષડ્ગુણં યન્નિપાતેષુ વલ્મીકાદિતિ નિશ્ચયઃ

કપિલાનાં સહસ્રં ચ વાજિમેધં ચ વિંદતિ ।
તત્ર સ્નાત્વા નરવ્યાઘ્ર દૃષ્ટમેતત્પુરાતનૈઃ

સુગંધાં શતકુંભાં ચ પંચયજ્ઞં ચ ભારત ।
અભિગમ્ય નરશ્રેષ્ઠ સ્વર્ગલોકે મહીયતે

ત્રિશૂલપાત્રં તત્રૈવ તીર્થમાસાદ્ય દુર્લભમ્ ।
તત્રાભિષેકં કુર્વીત પિતૃદેવાર્ચને રતઃ

ગાણપત્યં ચ લભતે દેહં ત્યક્ત્વા ન સંશયઃ ।
તતો રાજગૃહં ગચ્છેદ્દેવ્યાઃ સ્થાનં સુદુર્લભમ્

શાકંભરીતિ વિખ્યાતા ત્રિષુલોકેષુ વિશ્રુતા ।
દિવ્યં વર્ષસહસ્રં ચ શાકેન કિલ ભારત

આહારં સા કૃતવતી માસિમાસિ નરાધિપ ।
ઋષયોઽભ્યાગતાસ્તત્ર દેવ્યા ભક્તાસ્તપોધનાઃ

આતિથ્યં ચ કૃતં તેષાં શાકેન કિલ ભારત ।
તતઃ શાકંભરીત્યેવં નામ તસ્યાઃ પ્રતિષ્ઠિતમ્

શાકંભરીં સમાસાદ્ય બ્રહ્મચારી સમાહિતઃ ।
ત્રિરાત્રમુષિતઃ શાકં ભક્ષયેન્નિયતઃ શુચિઃ

શાકાહારસ્ય યત્સમ્યગ્વર્ષૈર્દ્વાદશભિઃ ફલમ્ ।
તત્ફલં તસ્ય ભવતિ દેવ્યાશ્છંદેન ભારત

તતો ગચ્છેત્સુવર્ણાખ્યં ત્રિષુલોકેષુ વિશ્રુતમ્ ।
યત્ર કૃષ્ણઃ પ્રસાદાર્થં રુદ્રમારાધયત્પુરા

વરાંશ્ચ સુબહૂઁલ્લેભે દેવૈરપિ સ દુર્લ્લભાન્ ।
ઉક્તશ્ચ ત્રિપુરઘ્નેન પરિતુષ્ટેન ભારત

અપિ ચાત્માપ્રિયતરો લોકે કૃષ્ણ ભવિષ્યસિ ।
ત્વન્મુખં ચ જગત્કૃત્સ્નં ભવિષ્યતિ ન સંશયઃ

તત્રાભિગમ્ય રાજેંદ્ર પૂજયિત્વા વૃષધ્વજમ્ ।
અશ્વમેધમવાપ્નોતિ ગાણપત્યં ચ વિંદતિ

ધૂમાવતીં તતો ગચ્છેત્ત્રિરાત્રમુષિતો નરઃ ।
મનસા પ્રાર્થિતાન્કામાઁલ્લભતે નાત્ર સંશયઃ

દેવ્યાસ્તુ દક્ષિણાર્ધે નરથાવર્ત્તો નરાધિપ ।
તત્રાગત્ય તુ ધર્મજ્ઞ શ્રદ્દધાનો જિતેંદ્રિયઃ

મહાદેવપ્રસાદેન ગચ્છેત પરમાં ગતિમ્ ।
પ્રદક્ષિણમુપાવૃત્ય ગચ્છેત ભરતર્ષભ