નારાયણીય · અધ્યાય 3.9

સ્થિતઃ સ કમલોદ્ભવસ્તવ હિ નાભિપઙ્કેરુહે
કુતઃ સ્વિદિદમમ્બુધાવુદિતમિત્યનાલોકઅયન્ ।
તદીક્ષણકુતૂહલાત્ પ્રતિદિશં વિવૃત્તાનનશ્
ચતુર્વદનતામગાદ્ વિકસદષ્ટદૃષ્ટ્યમ્બુજામ્ ॥

મહાર્ણવવિઘૂર્ણ્તં કમલમેવ તત્ કેવલં
વિલોક્ય તદુપાશ્રયં તવ તનું તુ નાલોકયન્ ।
ક એષ કમલોદરે મહતિ નિસ્સહાયો હ્યહં
કુતઃ સ્વિદિદમમ્બુજં સમજનીતિ ચિન્તામગાત્ ॥

અમુષ્ય હિ સરોરુહઃ કિમપિ કારણં સમ્ભવેદ્
ઇતિસ્મ કૃતનિશ્ચયઃ સ ખલુ નાલરન્ધ્રાધ્વના ।
સયોગબલવિદ્યયા સમવરૂઢવાન્ પ્રૌઢધીસ્
ત્વદીયમતિમોહનં ન તુ કલેબરં દૃષ્ટવાન્ ॥

તતઃ સકલનાલિકાવિવરમાર્ગગો માર્ગયન્
પ્રય્સ્ય શતવત્સરં કિમપિ નૈવ સન્દૃષ્ટવાન્ ।
નિવૃત્ય કમલોદરે સુખનિષણ્ણ એકાગ્રધીઃ
સમાધિબલમાદધે ભવદનુગ્રહૈકાગ્રહી ॥

શતેન પરિવત્સરૈર્દૃઢસમાધિબન્ધોલ્લસત્
પ્રબોધવિશ્દીકૃતઃ સ ખલુ પદ્મિનીસમ્ભવઃ ।
અદૃષ્ટચરમદ્ભુતં તવ હિ રૂપમન્તર્દૃશા
વ્યચષ્ટ પરિતુષ્ટધીર્ભુજગભોગભાગાશ્રયમ્ ॥

કિરીટમકૃટોલ્લસત્ કટકહારકેયૂરયુગ્
મણિસ્ફુરિતમેખલં સુપરિવીતપીતામ્બરમ્ ।
કલાયકુસુમપ્રભં ગલતલોલ્લસત્કૌસ્તુભં
વપુસ્તદયિ! ભાવયે કમલજન્મને દર્શિતમ્ ॥

શ્રુતિપ્રકરદર્શિતપ્રચુરવૈભવ! શ્રીપતે!
હરે! જય જય પ્રભો! પદમુપૈષિ દિષ્ટ્યા દૃશોઃ ।
કુરુષ્વ ધિયમાશુ મે ભુવનનિર્મિતૌ કર્મઠામ્
ઇતિ દ્રુહિણવર્ણિતસ્વગુણબંહિમા પાહિ મામ્ ॥

લભસ્વ ભુવનત્રયીરચનદક્ષતામક્ષતાં
ગૃહાણ મદનુગ્રહં કુરુ તપશ્ચ ભૂયો વિધે! ।
ભવત્વખિલસાધની મયિ ચ ભક્તિરત્યુત્કટે-
ત્યુદીર્ય ગિરમાદધા મુદિતચેતસં વેધસમ્ ॥

શતં કૃતતપાસ્તતઃ સ ખલુ દિવ્યસંવત્સરા-
નવાપ્ય ચ તપોબલં મતિબલં ચ પૂર્વાધિકમ્ ।
ઉદીક્ષ્ય કિલ કમ્પિતં પયસિ પઙ્કજં વાયુના
ભવત્બલવિજૃમ્ભિતઃ પવનપાથસી પીતવાન્ ॥

તવૈવ કૃપયા પુનઃ સરસિજેન તેનૈવ સ
પ્રકલ્પ્ય ભુવનત્રયીં પ્રવવૃતે પ્રજાનિર્મિતૌ ।
તથાવિધકૃપાભરો ગુરુમરુત્પુરાધીશ્વર!
ત્વમાશુ પરિપાહિ માં ગુરુદયોક્ષિતૈરીક્ષિતૈઃ ॥