નારાયણીય · અધ્યાય 3.11

ક્રમેણ સર્ગે પરિવર્ધમાને કદાપિ દિવ્યાઃ સનકાદયસ્તે ।
ભવદ્વિલોકાય વિકુણ્ઠલોકં પ્રપેદિરે મારુતમન્દિરેશ! ॥

મનોજ્ઞનૈઃ શ્રેયસકાનનાદ્યૈરનેકવાપમિણિમન્દિરૈશ્ચ ।
અનોપમં તં ભવતો નિકેતં મુનીશ્વરાઃ પ્રાપુરતીતકક્ષ્યાઃ ॥

ભવદ્દિદૃક્ષૂન્ ભવનં વિવિક્ષૂન્ દ્વાઃસ્થૌ જયસ્તાન્ વિજયોઽપ્યરુન્ધામ્ ।
તેષાં ચ ચિત્તે પદમાપ કોપઃ સર્વં ભવત્પ્રેરણયૈવ ભૂમન્ ॥

વૈકુણ્ઠલોકાનુચિતપ્રચેષ્તૌ કષ્ટૌ યુવાં દૈત્યગતિં ભજેતમ્ ।
ઇતિ પ્રશપ્તૌ ભવદાશ્રયૌ તૌ હરિસ્મૃતિર્નોઽસ્ત્વિતિ નેમતુસ્તાન્ ॥

તેદેતદાજ્ઞાય ભવાનવાપ્તઃ સહૈવ લક્ષ્મ્યા બહિરમ્બુજાક્ષ! ।
ખગેશ્વરાંસાર્પિતચારુબાહુરાનન્દયંસ્તીનભિરામમૂર્ત્યા ॥

પ્રસાદ્ય ગીર્ભિઃ સ્તુવતો મુનીન્દ્રાનનન્યનાથાવથ પાર્ષદૌ તૌ ।
સંરમ્ભયોગેન ભવૈસ્ત્રિભિર્મામુપેતમિત્યાત્તકૃપાં ન્યગાદીઃ ॥

ત્વદીયભૃત્યૌ કિલ કાશ્યપાત્ તૌ સુરારિવીરાવુદિતૌ દિતૌ દ્વૌ ।
સન્ધ્યાસમુત્પાદનકષ્ટચેષ્તૌ યમૌ ચ લોકસ્ય યમાવિવાયૌ ॥

હિરણ્યપૂર્વઃ કશિપુઃ કિલૈકઃ પુરો હિરણ્યાક્ષ ઇતિ પ્રતીતઃ ।
ઉભૌ ભવન્નાથમશેષલોકં રુષા ન્યરુન્ધાં નિજવાસનાન્ધૌ ॥

તયોર્હિરણ્યાક્ષમહાસુરેન્દ્રો રણાય ધાવન્નનવાપ્તવૈરી ।
ભવત્પ્રિયાં ક્ષ્માં સલિલે નિમજ્જ્ય ચચાર ગર્વાદ્ વિનદન્ ગદાવાન્ ॥

તતો જલેશાત્ સદૃશં ભવન્તં નિશમ્ય બભ્રામ ગવેષયંસ્ત્વામ્ ।
ભક્તૈકદૃશ્યઃ સ કૃપાનિધે! ત્વં નિરુન્ધિ રોગાન્ મરુદાલયેશ! ॥