Nārāyaṇīya · Chapter 3.11

krameṇa sarge parivardhamāne kadāpi divyāḥ sanakādayaste /
bhavadvilokāya vikuṇṭhalokaṃ prapedire mārutamandireśa! //

manojñanaiḥ śreyasakānanādyairanekavāpamiṇimandiraiśca /
anopamaṃ taṃ bhavato niketaṃ munīśvarāḥ prāpuratītakakṣyāḥ //

bhavaddidṛkṣūn bhavanaṃ vivikṣūn dvāḥsthau jayastān vijayo'pyarundhām /
teṣāṃ ca citte padamāpa kopaḥ sarvaṃ bhavatpreraṇayaiva bhūman //

vaikuṇṭhalokānucitapraceṣtau kaṣṭau yuvāṃ daityagatiṃ bhajetam /
iti praśaptau bhavadāśrayau tau harismṛtirno'stviti nematustān //

tedetadājñāya bhavānavāptaḥ sahaiva lakṣmyā bahirambujākṣa! /
khageśvarāṃsārpitacārubāhurānandayaṃstīnabhirāmamūrtyā //

prasādya gīrbhiḥ stuvato munīndrānananyanāthāvatha pārṣadau tau /
saṃrambhayogena bhavaistribhirmāmupetamityāttakṛpāṃ nyagādīḥ //

tvadīyabhṛtyau kila kāśyapāt tau surārivīrāvuditau ditau dvau /
sandhyāsamutpādanakaṣṭaceṣtau yamau ca lokasya yamāvivāyau //

hiraṇyapūrvaḥ kaśipuḥ kilaikaḥ puro hiraṇyākṣa iti pratītaḥ /
ubhau bhavannāthamaśeṣalokaṃ ruṣā nyarundhāṃ nijavāsanāndhau //

tayorhiraṇyākṣamahāsurendro raṇāya dhāvannanavāptavairī /
bhavatpriyāṃ kṣmāṃ salile nimajjya cacāra garvād vinadan gadāvān //

tato jaleśāt sadṛśaṃ bhavantaṃ niśamya babhrāma gaveṣayaṃstvām /
bhaktaikadṛśyaḥ sa kṛpānidhe! tvaṃ nirundhi rogān marudālayeśa! //