નારાયણીય · અધ્યાય 10.43

ત્વમેકદા ગુરુમરુત્પુરનાથ! વોઢું
ગાઢાધિરૂડ્ઃઅગરિમાણમપારયન્તી ।
માતા નોધાય શયને કિમિદં બતેતિ
ધ્યાયન્ત્યચેષ્ટત ગૃહેષુ નિવિષ્ટશઙ્કા ॥

તાવદ્ વિદૂરમુપકર્ણિતઘોરઘોષ-
વ્યાજૃમ્ભિપાંસુપટલીપરિપૂરિતાશઃ ।
વાત્યાવપુઃ સ કિલ દૈત્યવરસ્તૃણાવ-
ર્તાખ્યો જહાર જનમાનસહારિણં ત્વામ્ ॥

ઉદ્દામપાંસુતિમિરાહતદૃષ્તિપાતે
દ્રષ્ટું કિમપ્યકુશલે પશુપાલલોકે ।
હા બાલક્સ્ય કિમિતિ ત્વદુપાન્તમાપ્તા
માતા ભવન્તમવિલોક્ય ભૃશં રુરોદ્ ॥

તાવત્ સ દાનવવરોઽપિ ચ દીનમૂર્તિર્-
ભાવત્કભારપરિધારણલૂનવેગઃ ।
સઙ્કોચમાપ તદનુ ક્ષતપાંસુઘોષે
ઘોષે વ્યતાયત ભવજ્જનનીનિનાદઃ ॥

રોદોપકર્ણનવશાદુપગમ્ય ગેહં
ક્રન્દત્સુ નન્દમુખગોપકુલેષુ દીનઃ ।
ત્વાં દાનવસ્ત્વખિલમુક્તિકરં મુમુક્ષુસ્-
ત્વય્યપ્રમુઞ્ચતિ પપાત્ વિયત્પ્રદેશાત્ ॥

રોદાકુલાસ્તદનુ ગોપગણા બહિષ્ઠ-
પાષાણપૃષ્ઠભુવિ દેહમતિસ્થવિષ્ઠમ્ ।
પ્રૈક્ષન્ત હન્ત નિપન્તમમુષ્ય વક્ષ-
સ્યક્ષીણમેવ ચ ભવન્તમલં હસન્તમ્ ॥

ગ્રાવપ્રપાતપરિપિષ્ટગરિષ્ઠદેહ-
ભ્રષ્ટાસુદુષ્ટદનુજોપરિ ધૃષ્ટહાસમ્ ।
આઘ્નાનમમ્બુજકરેણ ભવન્તમેત્ય
ગોપ દધુર્ગિરિવરાદિવ નીલરત્નમ્ ॥

એકૈકમાશુ પરિગૃહ્ય નિકામનન્દ-
ન્નન્દાદિગોપપરિરબ્ધવિચુમ્બતાઙ્ગમ્ ।
આદાતુકામપરિશઙ્કિતગોપનારી-
હસ્તામ્બુજપ્રપતિતં પ્રણુમો ભવન્તમ્ ॥

ભૂયોઽપિ કિન્નુ કૃણુમઃ પ્રણતાર્તિહારી
ગોવિન્દ એવ પરિપાલયતાત્ સુતં નઃ ।
ઇત્યાદિ માતરપિતૃપ્રસુખૈસ્તદાનીં
સમ્પ્રાર્થિતસ્ત્વદવનાય વિભો! ત્વમેવ ॥

વાતાત્મકં દનુજમેવમયિ પ્રધૂન્વન્
વાતોદ્ભવાન્ મમ ગદાન્ કિમુ નો ધુનોષિ ।
કિં વા કરોમિ પુરનપ્યનિલાલયેશ!
નિશ્શેષરોગશમનં મુહુરર્થયે ત્વામ્ ॥