નારદ પુરાણ · અધ્યાય 1.98

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને ચતુર્થપાદે નારદીયપુરાણાનુક્રમણીકથનં નામ સપ્તનવતિતમો ઽધ્યાયઃ
શ્રીબ્રહ્મોવાચ
અથ તે સંપ્રવક્ષ્યામિ માર્કણ્ડેયાભિધં મુને ।
પુરાણં સુમહત્પુણ્યં પઠતાં શૃણ્વતાં સદા

યત્રાધિકૃત્ય શકુનીન્સર્વધર્મનિરૂપણમ્ ।
માર્કણ્ડેયપુરાણં તન્નવસાહસ્રમીરિતમ્

માર્કણ્ડેયમુનેઃ પ્રશ્નો જૈમિનેઃ પ્રાક્સમીરિતઃ ।
પક્ષિણાં ધર્મસંજ્ઞાનં તતો જન્મનિરૂપણમ્

પૂર્વજન્મકથા ચૈષાં વિક્રિયા ચા દિવસ્પતેઃ ।
તીર્થયાત્રા બલસ્યાથ દ્રૌપદેયકથાનકમ્

હરિશ્ચન્દ્રકથા પુણ્યા યુદ્ધમાડીબકાભિધમ્ ।
પિતાપુત્રસમાખ્યાનં દત્તાત્રેયકથ તતઃ

હૈહસસ્યાથ ચરિતં મહાખ્યાનસમન્વિતમ્ ।
મદાલકસાકથા પ્રોક્તા હ્યલર્કચરિતાન્વિતા

સૃષ્ટિસંકીર્તનં પુણ્યં નવધાપારિકીર્તિતમ્ ।
કલ્પાન્તકાલનિર્દેશો યક્ષસૃષ્ટિનિરૂપણમ્

રુદ્રાદિસૃષ્ટિરપ્યુક્તા દ્વીપચર્યાનુકીર્તનમ્ ।
મનૂનાં ચ કથા નાનાકીર્તિતાઃ પાપહારિકાઃ

તાસુ દુર્ગાકથાત્યન્તં પુણ્યદા ચાષ્ટમેંઽતરે ।
તત્પશ્ચાત્પ્રણવોત્પત્તિસ્ત્રયીતેજઃ સમુદ્ભવા

માર્તણ્ડસ્ય ચ જન્માખ્યાતન્માહાત્મ્યસમન્વિતા ।
વૈવસ્વતાન્વયશ્ચાપિ વત્સપ્રીશ્ચરિતં તતઃ

ખનિત્રસ્ય તતઃ પ્રોક્તા કથા પુણ્યા મહાત્મનઃ ।
અવિક્ષિચ્ચરિતં ચૈવ કિમિચ્છવ્રતકીર્ત્તનમ્

નરિષ્યન્તસ્ય ચરિતં ઇક્ષ્વાકુચરિતં તતઃ ।
નલસ્ય ચરિતં પશ્ચાદ્રામચન્દ્રસ્ય સત્કથા

કુશવંશસમાખ્યાનં સોમવંશાનુકીર્ત્તનમ્ ।
પુરુરવઃ કથા પુણ્યા નહુષસ્ય કથાદ્ભુતા

યયાતિચરિતં પુણ્યં યદુવંશાનુકીર્ત્તનમ્ ।
શ્રીકૃષ્ણબાલચરિતં માથુરં ચરિતં તતઃ

દ્વારકાચરિતં ચાથ કથા સર્વાવતારજા ।
તતઃ સાંખ્યસમુદ્દેશઃ પ્રપઞ્ચાસત્ત્વકીર્તનમ્

માર્કણ્ડેયસ્ય ચરિતં પુરાણશ્રવણે ફલમ્ ।
યઃ શૃણોતિ નરો ભક્ત્યા પુરાણમિદમાદરાત્

માર્કણ્ડેયાભિધં વત્સ સ લભેત્પરમાં ગતિમ્ ।
યસ્તુ વ્યાકુરુતે ચૈતચ્છૈવં સ લભતે પદમ્

તત્પ્રયચ્છેલ્લિખિત્વા યઃ સૌવર્ણકરિસંયુતમ્ ।
કાર્તિક્યાં દ્વિજવર્યાય સ લભેન્દ્બ્રહ્મણઃ પદમ્

શૃણોતિ શ્રાવયેદ્વાપિ યશ્ચાનુક્રમણીમિમામ્ ।
માર્કણ્ડેયપુરાણસ્ય સ લભેદ્વાઞ્છિતં ફલમ્