નારદ પુરાણ · અધ્યાય 1.97

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને ચતુર્થપાદે શ્રીમદ્ભાગવતાનુક્રમણીનિરૂપણં નામ ષણ્ણવતિતમો ઽધ્યાયઃ
શ્રીબ્રહ્મોવાચ
શૃણુ વિપ્ર પ્રવક્ષ્યામિ પુરાણં નારદીયકમ્ ।
પઞ્ચવિંશતિસાહસ્રં બૃહત્કલ્પકથાશ્રયમ્

સૂતશૌનકસંવાદઃ સૃષ્ટિસંક્ષેપવર્ણનમ્ ।
નાનાધર્મકથાઃ પુણ્યાઃ પ્રવૃત્તે સમુદાહૃતાઃ

પ્રાગ્ભાગે પ્રથમે પાદે સનકેન મહાત્મના ।
દ્વિતીયે મોક્ષધર્માખ્યે મોક્ષોપાયનિરૂપણમ્

વેદાઙ્ગાનાં ચ કથનં શુકોત્પત્તિશ્ચ વિસ્તરાત્ ।
સનન્દનેન ગદિતા નારદાય મહાત્મને

મહાતન્ત્રે સમુદ્દિષ્ટં પશુપાશવિમોક્ષણમ્ ।
મન્ત્રાણાં શોધનં દીક્ષામન્ત્રોદ્ધારશ્ચ પૂજનમ્

પ્રયોગાઃ કવચં નામસહસ્રં સ્તોત્રમેવ ચ ।
ગણેશસૂર્યવિષ્ણૂનાં શિવશક્ત્યોરનુક્રમાત્

સનત્કુમારમુનિના નારદાય તૃતીયકે ।
પુરાણલક્ષણં ચૈવ પ્રમાણં દાનમેવ ચ

પૃથક્પૃથક્ સમુદ્દિષ્ટં દાનકાલપુરઃસરમ્ ।
ચૈત્રાદિસર્વમાસેષુ તિથીનાઞ્ચપૃથક્પૃથક્

પ્રોક્તં પ્રતિપદાદીનાં વ્રતં સર્વાઘનાશનમ્ ।
સનાતનેન મુનિના નારદાય ચતુર્થકે

પૂર્વભાગો ઽયમુદિતો બૃહદાખ્યાનસંજ્ઞિતઃ ।
અસ્યોત્તરે વિભાગે તુ પ્રશ્ન એકાદશીવ્રતે

વસિષ્ઠેનાથ સંવાદો માન્ધાતુઃ પરિકીર્તિતઃ ।
રુક્માઙ્ગદકથા પુણ્યામોહિન્યુત્પત્તિકર્મ ચ

વસુશાપશ્ચ મોહિન્યૈ પશ્ચાદુદ્ધરણક્રિયા ।
ગઙ્ગાકથા પુણ્યતમા ગયાયાત્રાનુકીર્તનમ્

કાશ્યા માહાત્મ્યમતુલં પુરુષોત્તમવર્ણનમ્ ।
યાત્રાવિધાનં ક્ષેત્રસ્ય બહ્વાખ્યાનસમન્વિતમ્

પ્રયાગસ્યાથ માહાત્મ્યં કુરુક્ષેત્રસ્ય તત્પરમ્ ।
હરિદ્વારસ્ય ચાખ્યાનં કામોદાખ્યાનકં તથા

બદરીતીર્થમાહાત્મ્યં કામાક્ષાયાસ્તથૈવ ચ ।
પ્રભાસસ્ય ચ માહાત્મ્યં પુષ્કરાખ્યાનકં તતઃ

ગૌતમાખ્યાનકં પશ્ચાદ્વેદપાદસ્તવસ્તતઃ ।
ગોકર્ણક્ષેત્રમાહાત્મ્યં લક્ષ્મણાખ્યાનકં તથા

સેતુમાહાત્મ્યકથનં નર્મદાતીર્થવર્ણનમ્ ।
અવન્ત્યાશ્ચૈવ માહાત્મ્યં મધુરાયાસ્તતઃ પરમ્

બૃન્દાવનસ્ય મહિમા પશોર્બ્રહ્માન્તિકે ગતિઃ ।
મોહિનીચરિતં પશ્ચાદેવં પશ્ચાદેવં વૈ નારદીયકમ્

યઃ શૃણોતિ નરો ભક્ત્યાશ્રાવયેદ્વા સમાહિતઃ ।
સ યાતિ બ્રહ્મણો ધામ નાત્ર કાર્યા વિચારણા

યસ્ત્વેતદિષુપૂર્ણાયાં ધેનૂનાં સપ્તકાન્વિતમ્ ।
પ્રદદ્યાદ્દિજર્ંયાય સંલભેન્મોક્ષમેવ ચ

યશ્ચાનુક્રમણીમેતાં નારદીયસ્ય વર્ણયેત્ ।
શૃણુયદ્વૈકચિત્તેન સો ઽપિ સ્વર્ગગતિં લભેત્