નારદ પુરાણ · અધ્યાય 1.90

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને તૃતીયપાદે લલિતાસ્તોત્ર કવચસહસ્રનામકથનં નામૈકોનનવતિતમો ઽધ્યાયાઃ ॥ 89 ॥
સનત્કુમાર ઉવાચ
અથાતો વિપ્ર નિત્યાનાં પ્રયોગાદિસમન્વિતમ્ ।
પટલં તે ઽભિધાસ્યામિ નિત્યાભ્યર્ચનદીપકમ્

લલિતાયાસ્ત્રિભિવર્ણૈઃ સકલાર્થો ઽભિધીયતે ।
શેષેણ દેવીરૂપેણ તેન સ્યાદિદમીરિતમ્

અશેષતો જગત્કૃત્સ્નં હૃલ્લેખાત્મકમુચ્યતે ।
તસ્યાશ્ચાર્થસ્તુ કથિતઃ સર્વતન્ત્રેષુ ગોપિતઃ

વ્યોમ્ના પ્રકાશમાનત્વં ગ્રસમાનત્વમગ્નિના ।
તયોર્વિમર્શ ઈકારો બિન્દુના તન્નિફઆલનમ્

પિણ્ડકર્તરિ બીજાખ્યા મન્ત્રા માલાભિધાઃ ક્રમાત્ ।
એકાર્ણવન્તો દ્વ્યર્ણાશ્ચ ત્રિદિઙ્મુખાર્ણકાઃ

વૃત્તિજાર્ણાંલ્લિખેદઙ્કૈર્વ્યત્યસ્તક્રમયોગતઃ ।
તૈર્ભેદયો જનં કુર્યાત્સંદર્ભાણામશેષતઃ

દેવ્યાત્મકં સમુદયં વિશ્રાન્તિં ચ શિવાત્મકમ્ ।
ઉભયાત્મકમપ્યાત્મસ્વરૂપં તૈશ્ચ ભાવયેત્

કાલેનાન્યઞ્ચ દુઃખાર્ત્તિવાસનાનાશનો ધ્રુવમ્ ।
પરાહૄન્તામયં સર્વસ્વરૂપં ચાત્મવિગ્રહમ્

સદાત્મકં સ્ફુરતાખ્યમરોષોપાધિવર્જિતમ્ ।
પ્રકાશરૂપમાત્મત્વે વસ્તુ તદ્ભાસતે પરમ્

યત એવમતો લોકે નાસ્ત્યમન્ત્રં યદક્ષરમ્ ।
યદ્વિદ્યેતિ સમાખ્યાતં સર્વથા સર્વતઃ સદા

વાસરેષુ તુ તેષ્વેવં સર્વાપત્તારકં ભવેત્ ।
તદ્વિધાનં ચ વક્ષ્યામિ સમ્યગાસવકલ્પનમ્

ગૌડી પૈષ્ટી તથા માધ્વીત્યેવં તત્ત્રિવિધં સ્મૃતમ્ ।
ગતુડમુષ્ણોદકે ક્ષિપ્ત્વા સમાલોડ્ય વિનિક્ષિપેત્

ઘટે કાચમયે તસ્મિન્ ધાતકીસુમનોરજઃ ।
ખાત્વા ભૂમૌ સંધ્યયોસ્તુ કરૈઃ સંક્ષોભ્ય ભૂયસા

માસમાત્રે ગતે તસ્મિન્નિમગ્ને રજસિ દ્રુતમ્ ।
સંશોધ્ય પૂજયેત્તેન ગૌડી સા ગુડયોગતઃ

એવં મધુસમાયોગાન્માધ્વી પૈષ્ટીં શૃણુ પ્રિય ।
અધ્યર્દ્ધદ્વિગુણે તોયે શ્રપયેત્તન્દુલં શનૈઃ

દિનત્રયોષિતે તસ્મિન્ધાત્ર્યઙ્કુરરજઃ ક્ષિપેત્ ।
દિનમેકં ધૃતે વાતે નિવાતે સ્થાપયેત્તતઃ

ઉદકૈર્લિલિતં પશ્ચાદ્ગલિતં પૈષ્ટિકં મધુ ।
વૃક્ષજં ફલજં ચેતિ દ્વિવિધં ક્રિયતે મધુ

તન્નિર્માણં શૃણુષ્વાદ્ય યદાસ્વાદાન્મનોલયઃ ।
મૃદ્વીકાંવાથ ખર્જૂરફલં પુષ્પમથાપિ વા

મધૂકસ્યાંભસિ ક્ષિપ્ત્વા શતૃમર્દ્ધાવશેષિતમ્ ।
પ્રાક્સૃતાસવલેશેન મિલિતં દિવસદ્વયાત્

ગાલિતં સ્વાદુ પૂજાર્હં મનોલયકરં શુભમ્ ।
વાર્ક્ષં તુ નાલિકેરં સ્યાદ્ધિન્તાલસ્યાથ તાલતઃ

ફલકાણ્ડાત્સ્નુતં દુગ્ધં નીતં સદ્યો રસાવહમ્ ।
નાલિકે રફલાન્તસ્થસલિલે શશિના યુતે

અર્દ્ધપૂગફલોત્થં તુ રમં સંક્ષિપ્ય તાપયેત્ ।
આતપે સદ્ય એવૈતદાસવં દેવતાપ્રિયામ્

આસવૈરેભિરુદિતૈરર્ધ્યં દેવ્યૈ નિવેદયેત્ ।
દેવૈઃ કૃત્વા તતઃ સદ્યો દદ્યાત્તત્સિદ્ધયે દ્વયમ્

સાધકો નિયતાહારઃ સમાધિસ્થઃ પિબેત્સદા ।
ન કદાચિત્પિબોત્સિદ્ધો દેવ્યર્થમનિવેદિતમ્

પાનં ચ તાવત્કુર્વીત યાવતા સ્યાન્મનોલયઃ ।
તતઃ કરોતિ ચેત્સદ્યઃ પાતકી ભવતિ ધ્રુવમ્

દેવતાગુરુશિષ્ટાન્યં પિબન્નાસવમાશયા ।
પાતકી રાજદણ્ડ્યશ્ચ રિક્થોપાસક એવ

સાધ્યસાધકયોરેતત્કામ્ય એવ સમીરિતમ્ ।
સિદ્ધસ્ય સર્વદા પ્રોક્તં યતો ઽસૌ તન્મયો ભવેત્

પૂજયેત્પ્રોક્તરૂપસ્તુ પ્રોક્તરૂપાશ્ચ તાઃ ક્રમાત્ ।
ઉપચારૈરાસવૈશ્ચ મત્સ્યૈર્માંસૈસ્તુ સંસ્કૃતૈઃ

અથ કામ્યાર્ચનં વક્ષ્યે પ્રયોગાંશ્ચાપિ નારદ ।
યેષામાચરણાત્સિદ્ધિં સાધકો લભતે ધ્રુવમ્

ચૈત્રે દમનકૈરર્ચેત્પૂર્ણાયાં મદનોત્સવમ્ ।
વૈશાખે માસિ પૂર્ણાયાં પૂજયેદ્ધેમપુષ્પકૈઃ

જ્યૈષ્ઠ્યાં ફલૈર્યજેન્દ્દેવીં કદલીપનસામ્નજૈઃ ।
આષાઢ્યાં ચન્દનૈરેલાજાતીકઙ્કોલકુઙ્કુમૈઃ

શ્રાવણ્યામાગમોક્તેન વિધિનાર્ચેત્પવિત્રકૈઃ ।
પ્રૌષ્ઠપદ્યાં ગન્ધપુષ્પૈર્યજેદ્વા કેતકીસુમૈઃ

આશ્વાયુજ્યાં કન્યકાર્ચા ભૂષાવસ્ત્રધનાદિભિઃ ।
કાર્તિક્યાં કુઙ્કુમૈશ્ચૈવ નિશિ દીપગણૈરપિ

સચન્દ્રૈર્માર્ગશીર્ષ્યાં તુ નાલિકેરૈરપૂપકૈઃ ।
પૌષ્યાં સશર્કરગુડૈર્ગવાં દુગ્ધૈઃ સમર્ચયેત્

સ્વર્ણરૌપ્યૈઃ પઙ્કજૈસ્તુ માઘ્યાં સૌગન્ધિકાદિભિઃ ।
ફઆલ્ગુન્યાં વિવિધૈર્દ્રવ્યૈઃ ફલૈઃ પુષ્પૈઃ સુગન્ધિભિઃ

પર્વતાગ્રે યજેદ્દેવીં પલાશકુસુમૈર્નિશિ ।
સિદ્ધદ્રવ્યૈશ્ચ સપ્તાહાત્ખેચરીમેલનં ભવેત્

અરણ્યે વટમૂલે વા કુઞ્જે વા ધરણીભૃતામ્ ।
કદમ્બગજાતિપુષ્પાભ્યાં સિદ્ધદ્રવ્યૈઃ શિવાં યજેત્

માસેન સિદ્ધા યક્ષિણ્યઃ પ્રત્યક્ષા વાઞ્છિતપ્રદાઃ ।
કેતકીકુસુમૈઃ સિદ્ધાશ્ચેટકા વારિધેસ્તટે

આજ્ઞામભીષ્ટાં કુર્વન્તિ રણે માયાં મહાદ્ભુતામ્ ।
વસૂનિ માલાં ભૂષાં ચ દદ્યુરસ્યેહયાનિશમ્

પીઠમૃક્ષદ્રુમૈઃ કૃત્વા તત્ર દેવીં યજેન્નિશિ ।
શાલ્મલૈઃ કુસુમૈઃ સિદ્ધદ્રવ્યૈર્માસં તુ નિર્ભયમ્

શ્યશાનદેશે વિપ્રેન્દ્ર સિદ્ધ્યન્ત્યસ્ય પિશાચકાઃ ।
અશ્મપાતપ્રહારાદ્યૈર્જીયાદાભિર્દ્વિષશ્ચિરમ્

નિર્જને વિપિને રાત્રૌ માસમાત્રં તુ નિર્ભયઃ ।
યજેદ્દેવીં ચક્રગતાં સિદ્ધદ્રવ્યસમન્વિતામ્

માલતીજાતપુન્નાગકેતકીમરુભિઃ ક્રમાત્ ।
તેન સિદ્ધ્યન્તિ વેતાલાસ્તાનારુહ્યેચ્છયા ચરેત્

શ્મશાને ચણ્ડિકાગેહે નિર્જને વિપિને ઽપિ વા ।
મધ્યરાત્રે યજેદ્દેવીં કૃષ્ણવસ્ત્રવિભૂષણૈઃ

કૃષ્ણચક્રે ઽતિકૃષ્ણાં તામતિક્રુદ્ધાશયો યજેત્ ।
સાધ્ય યોનિં તદગ્રે તુ બલિં છિન્દન્નિવેદયેત્

સિદ્ધદ્રવ્યસમેતં તુ માસાત્તદ્ભાલલોચનાત્ ।
જાયન્તે ભીષણાઃ કૃત્યાસ્તાભ્યઃ સિદ્ધિં નિવેદયેત્

વિશ્વસંહારસંતુષ્ટાઃ પુનરેત્ય નિજેચ્છયા ।
દેવ્યા લલાટનેત્રે સ્યુઃ પ્રાર્થિતે તુ તિરોહિતાઃ

રક્તભૂષાંબરાલેપમાલાભૂષિતવિગ્રહાઃ ।
ઉદ્યાને નિર્જને દેવીં ચક્રે સંચિન્ત્ય પૂજયેત્

કહ્લારચંપકાશોકપાટલાશતપત્રકૈઃ ।
સિદ્ધદ્રવ્યસમોપેતૈર્માયાઃ સિદ્ધ્યન્તિ માસતઃ

યાસાં પ્રસાદલાભેન કામરૂપો ભવેન્નરઃ ।
યાભિર્વિશ્વજયી વિશ્વચારી વિશ્વવિનોદવાન્

ષડાધારાબ્જમધ્યે તુ ચક્રં સંછિત્ય પૂજયેત્ ।
ચન્દ્રચન્દનકસ્તૂરીમૃગનાભિમહોદયૈઃ

ત્રિકાલજ્ઞો ભવેદ્દેવીં તેષુ સમ્યગ્વિચિન્તયેત્ ।
પૂર્ણપ્રતીતૌ ભવ્યાનિ વિકલે ઽભવ્યમીરિતમ્

દેવીં ચક્રેણ સહિતાં સ્મરેદ્ભક્તિયુતો નરઃ ।
વિવેકા વિભવા વિશ્વા વિતતા ચ પ્રકીર્તિતા

કામિની ખેચરી ગર્વા પુરાણા પરમેશ્વરી ।
ગૌરી શિવા હ્યમેયા ચ વિમલા વિજયા પરા

પવિત્રા પીડની વિદ્યા વિશ્વેશી શિવવલ્લભા ।
અશેષરૂપા સ્વાનન્દાંબુજાક્ષી ચાપ્યનિન્દિતા

વરદા વાક્યદા વાણી વિવિધા વેદવિગ્રહા ।
વિદ્યા વાગીશ્વરી સત્યા સંયતા ચ સરસ્વતી

નિર્મલાનન્દરૂપા ચ હ્યમૃતા માનદા તથા ।
પૂષા ચૈવ તથા તુષ્ટિઃ પુષ્ટિશ્ચાપિ રતિર્ધૃતિઃ

શાશિની ચન્દ્રિકા કાન્તિર્જ્યોત્સ્ના શ્રીઃ પ્રીતિરઙ્ગદા ।
દેવીનામાનિ ચૈતાનિ ચુલુકે સલિલે સ્મરન્

માતૃકાસહિતાં વિગ્નાં ત્રિરાવૃત્ત્યામૃતાત્મિકામ્ ।
તાડીં સારસ્વતીં જિહ્વાં દીપાકારાં સ્મરન્પિબેત્

અબ્દાઞ્ચતુર્વિધં તસ્ય પાણ્ડિત્યં ભુવિ જાયતે ।
એવં નિત્યમુષઃ કાલે યઃ કુર્યાચ્છુદ્ધમાનસઃ

સ યોગી બ્રહ્મવિજ્ઞાની શિવયોગી તથાત્મવિત્ ।
અનુગ્રહોક્તચક્રસ્થાં દેવીં તાભિર્વૃતાસ્મરેત્

ચંપકેન્દીવરૈર્માસાદારોગ્યમુપજાયતે ।
જ્વરભૂતગ્રહોન્માદશીતકાકામલાક્ષિહૃત્

દન્તકર્ણજ્વરશિરઃ શૂલગુલ્માદિ કુક્ષિજાઃ ।
વ્રણપ્રમેહચ્છર્દ્યર્શોગ્રહણ્યામત્રિદોષજાઃ

સર્વે તથા શમં યાન્તિ પૂજયા પરમેશ્વરી ।
દ્રવ્યં ચક્રસ્ય નિર્માણે કાશ્મીરં સમુદી રિતમ્

સિંદૂરં ગૈરિકં લાક્ષા દરદં ચન્દનદ્વયમ્ ।
બિલદ્વારે લિખેત્ત્ર્યસ્રં ષોડશત્ર્યસ્રસંયુતમ્

દરદેનાસ્ય મધ્યસ્થાં પૂજયેત્પરમેશ્વરીમ્ ।
તાભિસ્તચ્છક્તિભિઃ સાકં સિદ્ધદ્રવ્યૈઃ સુગન્ધિભિઃ

કુસુમૈર્માસમાત્રેણ નાગકન્યાસમન્વિતમ્ ।
પાતાલાદિષુ લોકેષુ રમયત્યનિશં ચિરમ્

યક્ષરાક્ષસગન્ધર્વસિદ્ધવિદ્યાધરાઙ્ગનાઃ ।
પિશાચા ગુહ્યકા વીરાઃ કિન્નિરા ભુજગાસ્તથા

સિદ્ધ્યન્તિ પૂજનાત્તત્ર તથા તત્પ્રોક્તકાલતઃ ।
કિંશુકૈર્ભૂષણાવાપ્તૌ પાટલૈર્ગજસિદ્ધયે

રક્તોત્પલૈરશ્વસિદ્ધૌ કુમુદૈશ્ચરસિદ્ધયે ।
ઉત્પલૈરુષ્ટ્રસંસિદ્ધ્યૈ તગરૈઃ પશુસિદ્ધયે

જંબીરૈર્મહિષાવાપ્ત્યૈ લકુચૈરજસિદ્ધયે ।
દાડિમૈર્નિધિસંસિદ્ધ્યૈ મધુકૈર્ગાનસિદ્ધયે

બકુલૈરઙ્ગનાસિદ્ધ્યૈ કહ્લારૈઃ પુત્રસિદ્ધયે ।
શતપત્રૈર્જયાવાપ્ત્યૈ કેતકૈર્વાહનાપ્તયે

સૌરભાઢ્યૈઃ પ્રસૂનૈસ્તુ નિત્યં સૌભાગ્યસિદ્ધયે ।
પૂજયેન્માસમાત્રં વા દ્વિગુણં ત્રિગુણં તુ વા

યાવત્ફલાવાપ્તિકાઙ્ક્ષી શર્કરાઘૃતપાયસૈઃ ।
સચક્રપરિવારાં તાં દેવીં સલિલમધ્યગામ્

તર્પ્પયેત્કુસુમૈઃ સાર્ધ્યૈઃ સર્વોપદ્રવશાન્તયે ।
ઘૃતૈઃ પૂર્ણાયુષઃ સિદ્ધ્યૈ ક્ષૌદ્દ્રૈઃ સૌભાગ્યસિદ્ધયે

દુગ્ધૈરારોગ્યસંસિદ્ધ્યૈ ત્રિભિરૈશ્વર્યસિદ્ધયે ।
નાલિકેરોદકૈઃ પ્રીત્યૈ હિમતોયૈર્નૃપાપ્તયે ।
સર્વાર્થસિદ્ધય તૌર્યૈરભિષિઞ્ચેન્મહેશ્વરીમ્

પૂગોદ્યાને યજેદ્દેવીં સિદ્ધદ્રવ્યૈર્દિવાનિશમ્ ।
નિવસંસ્તત્ર તત્પુષ્પૈર્જાયતે મન્મથોપમઃ

પૂર્ણાસુ નિયત્તં દેવીં કન્યકાયાં સમર્ચયન્ ।
કૃત્યાઃ પરેરિતા મન્ત્રા વિમુખાંસ્તાન્ ગ્રસંતિ વૈ

લિઙ્ગત્રયમયીં દેવીં ચક્રસ્થાભિશ્ચ શક્તિભિઃ ।
પૂજયન્નિષ્ટમખિલં લભતે ઽત્ર પરત્ર ચ

શતમાનકૃતૈઃ સ્વર્ણપુષ્પૈઃ સૌરભ્યવાસિતૈઃ ।
પૂજયન્માસમાત્રેણ પ્રાગ્જન્માદ્યૈર્વિમુચ્યતે

તથા રત્નૈશ્ચ નવભિર્માસં તુ યદિ પૂજયેત્ ।
વિમુક્તસર્વપાપૌઘૈસ્તાં ચ પશ્યતિ ચક્ષુષા

અંશુકૈરર્ચયેદ્દેવીં માસમાત્રં સુગન્ધિભિઃ ।
મુચ્યતે પાપકૃત્યાદિદુઃખૌઘૈરિતરૈરપિ

દેવીરૂપં સ્વમાત્માનં ચક્રં શક્તીઃ સમન્તતઃ ।
ભાવયન્વિષયૈઃ પુષ્પૈઃ પૂજયંસ્તન્મયો ભવેત્

ષોડશાનાં તુ નિત્યાનાં પ્રત્યેક તિથયઃ ક્રમાત્ ।
તત્તિત્તિથૌ તદ્ભજનં જપહોમાદિકં ચરેત્

ઘૃતં ચ શર્કરા દુગ્ધમપૂપં કદલીપલમ્ ।
ક્ષૌદ્રં ગુડં નાલિકેરફલં લાજા તિલં દધિ

પૃથુકં ચણકં મુદ્ગપાયસં ચ નિવેદયેત્ ।
કામેશ્વર્યાદિશક્તીનાં સર્વાસામપિ ચોદિતમ્

આદ્યાયા લલિતાયાસ્તુ સર્વાણ્યેતાનિ સર્વદા ।
નિવેદયેઞ્ચ જુહુયાદ્વહ્નૌ દદ્યાન્નૃણામપિ

તત્તદ્વિદ્યાક્ષરપ્રોક્તમૌષધં તત્પ્રમાણતઃ ।
સંપિષ્ય ગુટિકીકૃત્ય તાભિઃ સર્વં ચ સાધયેત્

રવિવારે ઽરુણાંભોજૈઃ કુમુદૈઃ સોમવારકે ।
ભૌમે રક્તોત્પલૈઃ સૌમ્યે વારે તગરસંભવૈઃ

ગુરુવારે સુકહ્લારૈઃ શુક્રવારે સિતાંબુજૈઃ ।
નીલોત્પલૈર્મન્દવારે પૂજયેદિષ્ટમાદરાત્

નિવેદયેત્ક્રમાત્તેષુ રવિવારાદિષુ ક્રમાત્ ।
પાયસં દુગ્ધકદલીનવનીતસિતાઘૃતમ્

એવમિષ્ટં સમારાધ્ય દેવીં ગન્ધાદિભિર્યજેત્ ।
ગ્રહપીડાં વિજિત્યાશુસુખાનિ ચ સમશ્નુતે

અર્ધરાત્રે તુ સાધ્યાં સ્ત્રીં સ્મરન્મદનવહ્નિના ।
દહ્યમાનાં હૃતસ્વાન્તાં મસ્તકસ્થાપિતાઞ્જલિમ્

વિકીર્ણકેશીમાલોલલોચનામરુણારુણામ્ ।
વાયુપ્રેઙ્ખત્પતાકાસ્થપદા પદ્મકલેવરામ્

વિવેકવિધુરાં મત્તાં માનલજ્જાભયાતિગામ્ ।
ચિન્તયન્નર્ચયેઞ્ચક્રં મધ્યે દેવીં દિગંબરામ્

જપાદાડિમબન્ધૂકકિંશુકાદ્યૈઃ સમર્ચયેત્ ।
અન્યૈઃ સુગન્ધિશેફઆલીકુસુમાદ્યૈઃ સમર્ચયેત્

ત્રિસપ્તરાત્રાદાયાતિ પ્રોક્તરૂપા મદાકુલા ।
યાવચ્છરીરપાતઃ સ્યાચ્છાપો વાનપગાસ્ય સા

પદ્મૈરક્તૈસ્ત્રિમધ્વક્તૈર્હેમાલ્લક્ષ્મીમવાપ્નુયાત્ ।
તથૈવ કૈરવૈ રક્તૈરઙ્ગનાઃ સ્વવશં નયેત્

સમાનરૂપવત્સાયાઃ શુક્લાયા ગોઃ પયઃપ્લુતૈઃ ।
મલ્લિકામાલતીજાતીશતપત્રૈર્હુતૈર્ભવેત્

કીર્તિવિદ્યાધનારોગ્યસૌભાગ્યવિત્તપાદિકમ્ ।
આરગ્વધપ્રસૂનૈસ્તુ ક્ષૌદ્રાક્તૈર્હવનાદ્ભવેત્

સ્વર્ણાદિસ્તં ભનં શત્રોર્નૃપાદીનાં ક્રુધો ઽપિ ચ ।
આજ્યાક્તૈઃ કરવીરોત્થૈઃ પ્રસૂનૈરરુણૈર્હુતૈઃ

રક્તાંબરાણિ વનિતા ભૂપામાત્યવશં તથા ।
ભૂષાવાહનવાણિજ્યસિદ્ધયશ્ચાસ્ય વાઞ્છિતાઃ

લવણૈઃ સર્ષર્પૈરૈરિતરૈર્વાથ હોમતઃ ।
સતૈલાક્તૈર્નિશામધ્યે ત્વાનયેદ્વાઞ્છિતાં વધૂમ્

તૈલાક્તૈર્જુહુયાત્કૃષ્ણદરપુષ્પૈર્નિશાતરે ।
માસાદરાતેસ્તસ્યાર્તિર્જ્વરેણ ભવતિ ધ્રુવમ્

આરુષ્કરૈર્ધૃતાભ્યક્તૈસ્તદ્બીજૈર્નિશિ હોમતઃ ।
શત્રોર્દ્દાહવ્રણાનિ સ્યુર્દુઃસાધ્યાનિ ચિકિત્સકૈઃ

તથા તત્તૈલસંસિક્તૈર્બીજૈરઙ્કોલકૈરપિ ।
મરિચૈઃ સર્ષપાજ્યાક્તૌનશિ હોમાનુસારતઃ

વાઞ્છિતાં વનિતાં કામજ્વરાર્તામાનયેદ્દ્રુતમ્ ।
શાલિભિશ્ચાજ્યસંસિક્તૈર્હેમાચ્છાલીનવાપ્નુયાત્

મુદ્ગૈર્મુદ્ગં ઘૃતૈરાજ્યં સિદ્ધૈરિત્થં હુતૈર્ભવેત્ ।
સાધ્યર્ક્ષવૃક્ષસંભૂતાં પિષ્ટપાદરજઃકૃતામ્

રાજીમરીચિલોણોત્થાં પુત્તલીં જુહુયાન્નિશિ ।
પ્રપદાભ્યાં ચ જઙ્ઘાભ્યાં જાનુભ્યામુરુયુગ્મતઃ

નાભેરધસ્તાદ્ધૃદયાદ્ભિન્નેનાકણ્ઠસ્તથા ।
શિરસા ચ સુતીક્ષ્ણેન ચ્છિત્વા શસ્ત્રેણ વૈ ક્રમાત્

એવં દ્વાદશધા હોમાન્નરનારીનરાધિપાઃ ।
વશ્યા ભવન્તિ સપ્તાડાજ્જ્વરાર્ત્તીશ્ચાસ્ય વાઞ્છયા

પિષ્ટેન ગુડયુક્તેન મરિચૈર્જીરકૈર્યુતામ્ ।
કૃત્વા પુત્તલિકાં સાધ્યનામયુક્તામથો હૃદિ

સનામહોમસંપાતઘૃતેપાચ્યતાં પુનઃ ।
સ્પૃશન્નિજકરાગ્રેણ સહસ્રં પ્રજપેન્મનુમ્

અભ્યર્ચ્ય તદ્ ઘૃતાભ્યક્તં ભક્ષયેત્તદ્ધિયા જપન્ ।
નરનારીનૃપાસ્તસ્ય વશ્યાઃ સ્યુર્મરણાવધિં

શક્તયષ્ટગન્ધં સંપિષ્ય કન્યયા શિશિરે જલે ।
તેન વૈ તિલકં ભાલે ધારયન્વશયેજ્જગત્

શાલિતન્દુલમાદાય પ્રસ્થં ભાણ્ડે નવે ભિપેત્ ।
સમાનવર્ણેવત્સાયા રક્તાયા ગોઃ પયસ્તથા

દ્વુગુણં તત્ર નિક્ષિપ્ય શ્રપયેત્સંસ્કૃતે ઽનલે ।
ઘૃતેન સિક્તં સિક્થં તુ કૃત્વા તત્સસિતં કરે

વિધાય વિદ્યામષ્ટોર્દ્ધૂશતં જસ્વા હુનેત્તતઃ ।
એવં હોમો મહાલક્ષ્મીમાવહેત્પ્રતિપત્કૃતઃ

શુક્રવારેષ્વપિ તથા વર્ષાન્નૃપસમો ભવેત્ ।
પઞ્ચમ્યાં તુ વિશેષેણ પ્રાગ્વદ્ધોમં સમાચરેત્

તસ્યાં તિથૌ ત્રિમધ્વક્તૈર્મલ્લિકાદ્યૈઃ સિતૈર્હુનેત્ ।
અન્નાજ્યાભ્યાં ચ નિયતં હુત્વાન્નાઢ્યો ભવેન્નરઃ

યદ્યદ્ધિ વાઞ્છિતં વસ્તુ તત્તત્સર્વં તુ સર્વદા ।
ઘૃતહોમાદવાપ્નોતિ તથૈવ તિલતન્દુલૈઃ

અરુણૈઃ પઙ્કજૈર્હેમં કુર્વંસ્ત્રિમધુરાપ્લુતૈઃ ।
મણ્ડલાલ્લભતે લક્ષ્મીં મહતીં શ્લાધ્યવિગ્રહામ્

કહ્લારૈઃ ક્ષૌદ્રસંસિક્તૈઃ પૂર્ણાદ્યં તદ્દિનાવધિ ।
જુહુયાન્નિત્યશો ભક્ત્યા સહસ્રં વિકચૈઃ શુભૈઃ

સ તુ કીર્તિં ધનં પુત્રાન્પ્રાપ્નુયાન્નાત્ર સંશયઃ ।
ચંપકૈઃ ક્ષૌદ્રસંસિક્તૈઃ સહસ્રહવનાદ્ધ્રુવમ્

લભતે સ્વર્ણનિષ્કાણાં શતં માસેન નારદ ।
પાટલૈર્ઘૃતસંસિક્તૈસ્ત્રિસહસ્રં હુતૈસ્તથા

દર્શાદિમાસાલ્લભતે ચિત્રાણિ વસનાનિ ચ ।
કર્પૂરચન્દનાદ્યાનિ સુગન્ધાનિ તુ માસતઃ

વસ્તૂનિ લભતે હૃદ્યૈરન્યૈર્ભોગોપયોગિભિઃ ।
શાલિભિઃ ક્ષીરસિક્તાભિઃ સપ્તમીષુ શતં હુતમ્

તેન શાલિસમૃદ્ધિઃ સ્યાજ્માસૈઃ ષડ્રભિરસંશયમ્ ।
તિલૈર્હુતૈસ્તુ દિવસૈર્વર્ષાદારોગ્યમાપ્નુયાત્

સ્વજન્મર્ક્ષત્રિષુ તથા દૂર્વાભિર્જ્જુહુયાન્નરઃ ।
નિરાતઙ્કો મહાભોગઃ શતં વર્ષાણિ જીવતિ

ગુડૂચીતિલદૂર્વાભિસ્ત્રિષુ જન્મસુ વા હુનેત્ ।
તેનાયુઃશ્રીયશોભોગપુણ્યનિધ્યાદિમાન્ભવેત્

ઘૃતપાયસદુગ્ધૈસ્તુ હુતૈસ્તેષુ ત્રિષુ ક્રમાત્ ।
આયુરારોગ્યવિભવૈર્નૃપામાત્યો ભવેત્તથા

સપ્તમ્યાં કદલીહોમાત્સૌભાગ્યં લભતે ઽન્વહમ્ ।
દૂર્વાત્રિકૈસ્તુ પ્રાદેશમાનૈસ્ત્રિસ્વાદુસંયુતૈઃ

જુહુયાદ્દિનશો ઘોરે સન્નિપાતજ્વરે તથા ।
તદ્દિનેષુ જપેદ્વિદ્યાં નિત્યશઃ સલિલં સ્પૃશન્

સહસ્રવારં તત્તોયૈઃ સ્નાનં પાનં સમાચરેત્ ।
પાકાદ્યમપિ તૈરવ કુર્યાદ્રોગવિમુક્તયે

સાધ્યર્ક્ષવૃક્ષસંચૂર્ણં ત્ર્યૂષણં સર્ષપં તિલમ્ ।
પિષ્ટં ચ સાધ્યપાદોત્થરજસા ચ સમન્વિતમ્

કૃત્વા પુત્તલિકાં સમ્યગ્ધૃદયે નામસંયુતામ્ ।
પ્રાગ્વચ્છિત્વાયસૈસ્તીક્ષ્ણૈઃ શસ્ત્રૈઃ પુત્તલિકાં હનેત્

એવં દિનૈઃ સપ્તભિસ્તુ સાધ્યો વશ્યો ભવેદ્દૃઢમ્ ।
તથાવિધાં પુત્તલિકાં કુણ્ડમધ્યે નિખન્ય ચ

ઉપર્યગ્નિં નિધાયાથ વિદ્યયા દિનશો હુનેત્ ।
ત્રિસહસ્રં ત્રિયમાયાં સર્ષપૈસ્તદ્રસાપ્લુતૈઃ

શતયોજનદૂરાદપ્યાનયેદ્વનિતાં બલાત્ ।
વશયેદ્વનિતાં હાએંમાત્કૌશિકૈર્મધુમિશ્રિતૈઃ

નાલિકેરફલોપે તૈર્ગુડૈર્લક્ષ્મીમવાપ્નુયાત્ ।
તથાજ્યસિક્તૈઃ કહ્લારૈઃ ક્ષીરાક્તૈરરુણોત્પલૈઃ

ત્રિમધ્વક્તૈશ્ચંપર્કશ્ચ પ્રસૂનૈર્બકુલોદ્ભવૈઃ ।
મધૂકજૈઃ પ્રસૂનૈશ્ચ હુતૈઃ કન્યામવાપ્નુયાત્

પુન્નાગજૈર્હુતૈર્વસ્ત્રાણ્યાજ્યૈરિષ્ટમવાપ્નુયાત્ ।
માહિષૈર્મહિષીરાજૈરજાન્ ગવ્યૈશ્ચ ગાસ્તથા

અવાપ્નોતિ હુતૈરાજ્યૈઃ રત્નૈ રત્નં ચ સાધકઃ ।
શાલિપિષ્ટમયીં કૃત્વા પુત્તલીં સસિતાં તતઃ

હૃદ્દેશન્યસ્તનામાર્ણાં પચેત્તૈલાજ્યયોર્નિશિ ।
તન્મનાશ્ચ દિવારાત્રૌ વિદ્યાજપ્તાં તુ ભક્ષયેત્

સપ્તરાત્રપ્રયોગેણ નરો નારી નૃપો ઽપિ વા ।
દાસવદ્વશમાયાતિ ચિત્તપ્રાણાદિ ચાર્પયેત્

હયારિપુષ્પૈરરુણૈઃ સિતૈર્વા જુહુયાત્તથા ।
ત્રિસપ્તરાત્રાન્મહતીમવાપ્નોતિ શ્રિયન્નરઃ

છાગમાંસૈસ્ત્રિમધ્વક્તૈર્હેમાત્સ્વર્ણમવાપ્નુયાત્ ।
ક્ષીરાક્તૈઃ સસ્યસંપન્નાં ભુવમાપ્નોતિ મણ્ડલાત્

પદ્માક્ષૈર્હવનાલ્લક્ષ્મીમવાપ્નોતિ ત્રિભિર્દિનૈઃ ।
બિલ્વૈર્દશાંશં જુહુયાન્મન્ત્રાદ્યૈઃ સાધને જપે

એવં સંસિદ્ધમન્ત્રસ્તુ મન્ત્રિતૈશ્ચુલુકોદકૈઃ ।
ફણિદષ્ટમૃતાનાં તુ મુખે સંતાડ્ય જીવયેત્

તત્કર્ણયોર્જપન્વિદ્યાં યષ્ટ્યા વા જપસિદ્ધયા ।
સંતાડ્યશીર્ષં સહસા મૃતમુત્થાપયેદિતિ

કૃત્વા યોનિં કુણ્ડમધ્યે તત્રાગ્નૌ વિધિવદ્ધ્રુનેત્ ।
તિલસર્ષપગોધૂમશાલિધાન્યયવૈર્હુનેત્

ત્રિમધ્વક્તૈરેકશો વા સમેતૈર્વા સમૃદ્ધયે ।
બકુલૈશ્ચંપકૈરબ્જૈઃ કહ્લારૈરરુણોત્પલૈઃ

કૈરવૈર્મલ્લિકાકુન્દમધૂકૈરિન્દિરાપ્તયે ।
અશોકૈઃ પાટલૈર્વિલ્વૈર્જાતીવિકઙ્કતૈઃ સિતૈઃ

નવનીલોત્પલૈરશ્વરિપુજૈઃ કર્ણિકારજૈઃ ।
હોમાલ્લક્ષ્મીં ચ સૌભાગ્યં નિધિમાયુર્યશો લભેત્

દૂર્વાં ગુડૂચીમશ્વત્થં વટમારગ્વધં તથા ।
સિતાર્કપ્લક્ષજં હુત્વા ચિરાન્મુચ્યેત રોગતઃ

ઇક્ષુજંબૂનાલિકેરમોચાગુડસિતાયુતૈઃ ।
અચલાં લભતે લક્ષ્મીં ભોક્તા ચ ભવતિ ધ્રુવમ્

સર્ષપાજ્યૈર્હુતે મૃત્યુઃ કાષ્ઠાગ્નૌ વૈરિમૃત્યવે ।
ચતુરઙ્ગુલજૈર્હેમાઞ્ચતુરઙ્ગબલે રિપોઃ

સપ્તાહાદ્રોગદુઃખાર્તિર્ભવત્યેવ ન સંશયઃ ।
નિત્યં નિત્યાર્ચનં કુર્યાત્તથા હોમં ઘૃતેન વૈ

વિદ્યાભિમન્ત્રિતં તોયં પિબેત્પ્રાતસ્તદાપ્તયે ।
ચન્દનોશીરકર્પૂરકસ્તૂરીરોચનાન્વિતૈઃ

કાશ્મીરકાલાગુરુભિર્મૃગસ્વેદમયૈરપિ ।
પૂજયેચ્ચ શિવામેતૈર્ગન્ધૈઃ સર્વાર્થસિદ્ધયે

સર્વાભિરપિ નિત્યાભિઃ પ્રાતર્માતૃકયા સમમ્ ।
ત્રિજપ્તાભિઃ પિબેત્તોયં તથા વાક્સિદ્વયે શિવમ્

વિદધ્યાત્સાધનં પ્રાગ્વદ્વર્ણલક્ષં પયોવ્રતઃ ।
ત્રિસ્વાદુસિક્તૈરરુણૈરંબુજૈર્હવનં ચરેત્

જપતર્પણહોમાર્ચાસેકસિદ્ધમનુર્નરઃ ।
કુર્યાદુક્તાન્પ્રયોગાંશ્ચ ન ચેત્તન્મનુદેવતાઃ

પ્રાણાંસ્તસ્ય ગ્રસંત્યેવ કુપિતાસ્તત્ક્ષણાન્મુને ।
અનયા વિદ્યયા લોકે યદસાધ્યં ન તત્ક્વચિત્

અરણ્યવટમૂલે ચ પર્વતાગ્રગુહાસુ ચ ।
ઉદ્યાનમધ્યકાન્તારે માતૃપાદપમૂલતઃ

સિંધુતીરે વને ચૈતા યક્ષિણીઃ સાધયેન્નરઃ ।
કમલૈઃ કૈરવૈ રક્તૈઃ સિતૈઃ સૌગન્ધિકોત્પલૈઃ

સુગન્ધિશિફઆલિકયા ત્રિમધ્વક્તૈર્યથાવિધિ ।
હોમાત્સપ્તસુ વારેષુ તન્મણ્ડલત એવ વૈ

વિજયં સમવાપ્રોતિ સમરે દ્વન્દ્વયુદ્ધકે ।
મલ્લયુદ્ધે શસ્ત્રયુદ્ધે વાદે દ્યૂતહ્નયે ઽપિ ચ

વ્યવહારેષુ સર્વત્ર જયમાપ્નોતિ નિશ્ચિતમ્ ।
ચતુરઙ્ગુલજૈઃ પુપ્પૈર્હેમાત્સંસ્તંભયેદરીન્

તથૈવ કર્ણિકારોત્થૈઃ પુન્નાગોત્થૈર્નમેરુજૈઃ ।
ચંપકૈઃ કેતકૈ રાજવૃક્ષજૈર્માધવોદ્ભવૈઃ

પ્રાગ્વદ્દારેષુ જુહુયાત્ક્રમાત્પુષ્પૈસ્તુ સપ્તભિઃ ।
પ્રોક્તેષુ સ્તંભનં શત્રોર્ભઙ્ગો વા ભવતિ ધ્રુવમ્

શત્રોર્નક્ષત્રવૃક્ષાગ્નૌ તત્સમિદ્ધિસ્તુ હોમતઃ ।
સર્ષપાજ્યપ્લુતાભિસ્તે પ્રણમન્ત્યેવ પાદયોઃ

મૃત્યુકાષ્ઠાનલે મૃત્યુપત્રપુષ્પફલૈરપિ ।
સમિદ્ભિર્જુહુયાત્સમ્યગ્વારે શાર્ચનપૂર્વકમ્

અરાતેશ્ચતુરઙ્ગં તુ બલં રોગાર્દ્દિતં ભવેત્ ।
તેનાસ્ય વિજયો ભૂયાન્નિધનેનાપિ વા પુનઃ

અર્કવારેર્ઽકજૈરિધ્મૈઃ સમિદ્ધે ઽગ્નૌ તદુદ્ભવૈઃ ।
પત્રૈઃ પુષ્પૈઃ ફલૈઃ કાણ્ડૈર્મૂલૈશ્ચાપિ હુનેત્ક્રમાત્

સવર્ણારુણવત્સાયા ઘૃતસિક્તૈસ્તુ મણ્ડલાત્ ।
અરાતિદિઙ્મુખો ભૂત્વા કુણ્ડે ત્ર્યસ્રે વિધાનતઃ

પલાયતે વા રોગાર્તઃ પ્રણમેદ્વા ભયાન્વિતઃ ।
પલાશેધ્માનલે તસ્ય પઞ્ચાઙ્ગૈસ્તદ્ઘૃતાપ્લુતૈઃ

હોમેન સોમવારે ચ ભવેત્પ્રાગ્વન્ન સંશયઃ ।
ખાદિરેધ્માનલે તસ્ય પઞ્ચાઙ્ગૈસ્તદ્ઘૃતાપ્લુતૈઃ

વારે ભૌમસ્ય હવનાત્તદાપ્નોતિ સુનિશ્ચિતમ્ ।
અપામાર્ગસ્ય સૌમ્યે ઽહ્નિ પિપ્પલસ્ય ગુરોર્દિને

ઉદુંબરસ્ય ભૃગુજે શમ્યા માન્દે ઽહ્નિ ગોઘૃતૈઃ ।
શુભ્રપીતસિતશ્યામવર્ણાદ્યાઃ પૂર્વવત્તથા

તત્ફલં સમવાપ્નોતિ તત્સમિદ્દીપિતે ઽનલે ।
પ્રતિપત્તિથિમારભ્ય પઞ્ચમ્યન્તં ક્રમેણ વૈ

શાલીચણકમુદ્ગૈશ્ચ યવમાષૈશ્ચ હોમતઃ ।
માહિષાજ્યપ્લુતૈસ્તાભિસ્તિથિભિઃ સમવાપ્નુયાત્

ષષ્ઠ્યાદિસપ્તમ્યન્તં તુ ચાજાભવઘૃતૈસ્તથા ।
પ્રાગુક્તૈર્નિસ્તુષૈર્હેમાત્પ્રાગુક્તફલમાપ્નુયાત્

તદ્વર્દ્ધં પઞ્ચકે ત્વેતૈઃ સમસ્તૈશ્ચ તિલદ્વયૈઃ ।
સિતાન્નૈઃ પાયસૈઃ સિક્તૈરાવિકૈસ્તુ ઘૃતૈસ્તથા

હવનાત્તદવાપ્નોતિ યદાદૌ ફલમીરિતમ્ ।
એવં નક્ષત્રવૃક્ષોત્થવહ્નૌ તૈસ્તૈર્મધુપ્લુતૈઃ

હવનાદપિ તત્પ્રાપ્તિર્ભવત્યેવ ન સંશયઃ ।
વિદ્યાં સંસાધ્ય પૂર્વં તુ પશ્ચાદુક્તાનશેષતઃ

પ્રયોગાન્સાધયેદ્ધીમાન્ મઙ્ગલાયાઃ પ્રસાદતઃ ।
સંપૂજ્ય દેવતાં વિપ્રકુમારીં કન્યકાં તુ વા

સશુભાવયવાં મુગ્ધાં સ્નાતાં ધૌતાંબરાં શુભામ્ ।
તથાવિધં કુમારં વા સંસ્થાપ્યભ્યર્ચ્ય વિદ્યયા

સ્પૃષ્ટશીર્ષો જપેદ્વિદ્યાં શતવારં તથાર્ચયેત્ ।
પ્રસૂનૈરરુણૈઃ શુભ્રૈઃ સૌરભાઢ્યૈરથાપિ વા

દદ્યાદ્ગુગ્ગુલધૂપં ચ યાવત્કર્માવસાનકમ્ ।
તતો દેવ્યા સમાવિષ્ટે તસ્મિન્સંપૂજ્ય ભક્તિતઃ

તતસ્તામુપચારૈસ્તૈઃ પ્રાગુક્તૈર્વિદ્યયા વ્રતી ।
પ્રજપંસ્તાં તતઃ પૃચ્છેદભીષ્ટં કથયેચ્ચ સા

ભૂતં ભવદ્ભવિષ્યં ચ યદન્યન્મનસિ સ્થિતમ્ ।
જન્માન્તરાણ્યતીતાનિ સર્વં સા પૂજિતા વદેત્

તતસ્તાં પ્રાગ્વદભ્યર્ચ્ય સ્વાત્મન્યુદ્વાસ્ય તાં જપેત્ ।
સહસ્રવારં સ્થિરધીઃ પૂર્ણાત્મા વિચરેત્સુખી

મધુરત્રયસંસિક્તૈરરુણૈરંબજૈઃ શ્રિયમ્ ।
પ્રાપ્નોતિ મણ્ડલં હોમાત્સિતૈશ્ચ મહદ્યશઃ

ક્ષૌદ્રાક્તૈરુપ્તલૈ રક્તૈર્હવનાત્પ્રોક્તકાલતઃ ।
સુવર્ણં સમવાપ્નોતિ નિધિં વા વસુધાં તુ વા

ક્ષીરાક્તૈઃ કૈરવૈર્હેમાત્પ્રોક્તં કામમવાપ્નુયાત્ ।
ધાન્યાનિ વિવિધાન્યાશુ સુભગઃ સ ભવેન્નરઃ

આજ્યાક્તૈરુત્પલૈર્હેમાદ્વાઞ્છિતં સમવાપ્નુયાત્ ।
તદક્તૈરપિ કહ્લારૈર્હવનાદ્રાજવલ્લભઃ

પલાશપુષ્પૈસ્ત્રિસ્વાદુયુક્તૈસ્તત્કાલહોમતઃ ।
ચતુર્વિધં તુ પાણ્ડિત્યં ભવત્યેવ ન સંશયઃ

લાજૈસ્ત્રિમધુરોપેતૈસ્તત્કાલહવનેન વૈ ।
કન્યકાં લભતે પત્નીં સમસ્તગુણસંયુતામ્

નાલિકેરફલક્ષોદં સસિતં સગુડં તુ વા ।
ક્ષૌદ્રાક્ષં જુહુયાત્તદ્વદયત્નાદ્ધનદોપમઃ

તથૈવાન્નાજ્યહોમેન સતન્દુલતિલૈરપિ ।
પ્રસૂનૈરરુણૈસ્તદ્વત્તથા બન્ધૂકસંભવૈઃ

સિતૈઃ પ્રસૂનર્વાક્સિદ્ધિં હવનાત્સમવાપ્નુયાત્ ।
સિતરક્તૈસ્તુમિલિતૈરાયુરારોગ્યમાપ્નુયાત્

દૂર્વાત્રિકૈસ્ત્રિમધ્વક્તૈર્હવનાત્તુ જયેચ્ચ તાન્ ।
તથા ગુડૂચ્યા હોમેન પાયસેન તિલેન ચ

શ્રીખણ્ડપઙ્કકર્પૂરમિલિતૈઃ શતપત્રકૈઃ ।
હવનાચ્છ્રિયમાપ્નોતિ યાવદન્વયગા ભવેત્

કુઙ્કુમં હિમતોયેન પિષ્ટ્વા કર્પૂરસંયુતમ્ ।
તત્પઙ્ક મર્દ્દિતૈર્હેમાત્કહ્લારૈર્વિકચૈઃ સુમૈઃ

રાજકલ્પઃ શ્રિયા ભૂયાજ્જીવેદ્વર્ષશતં ભુવિ ।
નિઃસપત્નો નિરાતઙ્કો નિર્દ્રન્દો નિર્મલાશયઃ

ઇક્ષુકાણ્ડસ્ય શકલૈર્હવનાદ્વસ્ત્રમાપ્નુયાત્ ।
તથૈવ કરવીરોત્થૈઃ પ્રસૂનૈરરુણૈઃ સિતૈઃ

ક્ષૌદ્રાક્તૈઃ પાટલાપુષ્પૈર્હવનાદ્વશયેદ્વધૂઃ ।
તથૈવ પઙ્કજૈર્હેમાદ્રૂપાજીવાં વશં નયેત્

સરૂપવત્સાસિતગોક્ષીરાક્તસિતહોમતઃ ।
લભતે ઽનુપમાં લક્ષ્મીમપિ પાપિષ્ઠચેતનઃ

સૌવીરાક્તૈસ્તુ કાર્પાસબીજસ્તત્કાલહોમતઃ ।
અર્દ્ધેન્દુકુણ્ડે નિયતં વશગા રિપવો મુને

અરિષ્ટપત્રૈસ્તદ્બીજૈસ્તદ્વહ્નૌ તૈસ્તથા હુતૈઃ ।
મૃત્યુબીજૈર્નિમ્બતૈલસિક્તૈર્હેમાન્નિહૄન્તિ તાન્

રોગાર્તાંસ્તુરગાંસ્તદ્વત્પઞ્ચગવ્યૈર્હુતૈર્ધ્રુવમ્ ।
અક્ષબીજૈસ્તુ તૈલાક્તૈર્હેમઃ સર્વવિનાશનઃ

કરઞ્જબીજૈઃ સંસિક્તૈર્હેમાદ્વૈરી પિશાચવાન્ ।
તથૈવાક્ષતરૂદ્ભૂતપઞ્ચાઙ્ગહવનાદપિ

નિંબતૈલાન્વિતૈરક્ષદ્રુમબીજૈસ્તુ હોમતઃ ।
તદ્દિને સ્યાદપસ્મારી વૈરી ભવતિ નિશ્ચિતમ્

અરાતેર્જન્મનક્ષત્રવૃક્ષેન્ધનગતે ઽનલે ।
તદ્યોનિપિશિતૈસ્તૈશ્ચ હવનાન્મૃત્યુકૃદ્રિપોઃ

પદ્માક્ષબીજૈઃ સર્ષપતૈલાક્તૈર્હવનાત્તથા ।
જાયન્તે વૈરિણઃ કુષ્ઠરોગા દેહવિલોપકાઃ

મરિચૈઃ સર્ષપૈર્હેમાત્તૈલાક્તૈર્મધ્યરાજકે ।
દાહજ્વરેણ ગ્રસ્તઃ સ્યાદરાતિસ્તદ્દિને ધ્રુવમ્

એવં નિગ્રહહોમેષુ સ્વરક્ષાયૈ તથાન્વહમ્ ।
સ્નિગ્ધૈઃ સંપ્રાપ્તસદ્વિદ્યૈર્જપહોમાદિ કારયેત્

મૃત્યુઞ્જયેન વા તત્તત્પ્રયોગસ્થાભિરેવ વા ।
વિદ્યાભિરન્યથાસિદ્ધમન્ત્રમસ્યાશુ નાશયેત્

લક્ષત્રયં કૃતે પ્રોક્તં ત્રેતાયાં દ્વિગુણં તથા ।
દ્વાપરે ત્રિગુણં પ્રોક્તં કલૌતત્તુ ચતુર્ગુણમ્

દશાંશં હવનં કાર્યં તર્પણં તદ્દશાંશતઃ ।
તદ્દશાંશં માર્જનં સ્યાદ્દશાંશં દ્વિજભોજનમ્

એવં ક્રમેણ સર્વાસાં યા યા સંખ્યા જપસ્ય સા ।
કાર્યા સિદ્ધ્યૈ તુ વિદ્યાયાસ્તતઃ કુર્યાત્પ્રયોગકાન્

દ્વિગુણો હિ જપઃ કાર્યઃ કામેશ્વર્યા મુનીશ્વર ।
સિદ્ધે મન્ત્રે પ્રયોગાંસ્તુ વિદધીત યથા તથા

જપો લક્ષં સમાખ્યાતો હોમાદિસ્તદ્ધશાંશતઃ ।
કર્તવ્યો ભગમાલાયા વિદ્યાસિદ્ધ્યૈમુનીશ્વર

નિત્યક્લિન્નાજપઃ પ્રોક્તો લક્ષં હોમો હશાંશતઃ ।
કાર્યઃ સિદ્ધ્યૈ તુ વિદ્યાયાઃ પ્રયોગાન્સાધયેત્તતઃ

તતો મૌની પયોભક્ષઃ પ્રજપેન્નવલક્ષકમ્ ।
ભેરુડામન્ત્રમુક્તં તુ શેષં કુર્યાત્પ્રયત્નતઃ

લક્ષત્રયં જપો વહ્નિવાસિન્યાઃ સમુદીરિતઃ ।
અન્યત્સર્વં પુરાવચ્ચ કાર્ય્યં સાધકસત્તમૈઃ

મહાવજ્રેશ્વરીવિદ્યાજપો લક્ષત્રયો મતઃ ।
હવનાદિ દશાંશેન કાર્યં પ્રોક્તક્રમેણ હિ

અતન્દ્રિતો જપેલ્લક્ષમિતં દૂતીમનું મુને ।
તદ્દશાંશક્રમેણૈવ હોમાદિઃ પ્રોક્તમાર્ગતઃ

ત્વરિતાં પ્રજપેલ્લક્ષપ્રમિતાં તદ્દશાંશતઃ ।
કૃત્વા હોમાદિકં સર્વં વિદ્યાસિદ્ધિયૈમુનીશ્વર

જપો લક્ષં સમાખ્યાતો હોમાદિસ્તદ્દશાંશતઃ ।
વિદ્યાયાઃ કુલસુન્દર્યાઃ કર્તવ્યો દ્વિજસત્તમ

નિત્યાનિત્યાજપો વિપ્રત્રિલક્ષપ્રમિતો મતઃ ।
હોમાદિસ્તદ્દશાંશેન પ્રોક્તઃ પ્રોક્તવિધાનતઃ

ત્રિપઞ્ચાશલ્લક્ષમુક્તો નિયમેન મુનીશ્વર ।
જપો નિત્યપતાકાયા હોમાદિસ્તદ્દશાંશતઃ

વિજયાયા જયઃ પ્રોક્તો લક્ષમાનેન નારદ ।
અન્યત્પૂર્વવદાખ્યાતં વિદ્યાસિદ્ધ્યૈ તુ સાધનમ્

દન્તલક્ષપ્રમાણેન સર્વમઙ્ગાલિકાં જપેત્ ।
તદ્દશાંશક્રમેણૈવ હોમાદિ સમુદીરિતમ્

અષ્ટલક્ષં હવિષ્યાશી જ્વાલામાલિનિકાં જપેત્ ।
હોમાદિસ્તદ્દશાંશેન પ્રોક્તદ્રવ્યૈઃ સમીરિતઃ

ચિત્રાયા ભૂપલક્ષં તુ જપો હોમાદિકસ્તતઃ ।
પ્રોક્તેન વિધિના કાર્યો વિદ્યાસિદ્ધ્યૈ મુનીશ્વર

એતત્સંક્ષેપતઃ પ્રોક્તં નિત્યાપટલમાદિત ।
જ્ઞાતવ્યં સર્વમેવાત્ર યન્ત્રસાધનપૂર્વકમ્