નારદ પુરાણ · અધ્યાય 1.89

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને તૃતીયપાદે રાધાદિમન્ત્રનિરૂપણં નામાષ્ટાશીતિતમો ઽધ્યાયઃ
સનત્કુમાર ઉવાચ
અથાસામાવૃતિસ્થાનાં શક્તીનાં સમયેન ચ ।
નામ્નાં સહસ્રં વક્ષ્યામિ ગુરુધ્યાનપુરઃ સરમ્

નાથા નવ પ્રકાશાદ્યાઃ સુભગાન્તાઃ પ્રકીર્તિતાઃ ।
ભૂમ્યાદીનિશિવાન્તાનિ વિદ્ધિ તત્ત્વાનિ નારદ

ગુરુજન્માદિપર્વાણિ દર્શાન્તાનિ ચ સપ્ત વૈ ।
એતાનિ પ્રાહમનોવૃત્ત્યા ચિન્તયેત્સાધકોત્તમઃ

ગુરુસ્તોત્રં જપેચ્ચાપિ તદ્ગતેનાન્તરાત્મના ।
નમસ્તે નાથ ભગવઞ્શિવાય ગુરુરૂપિણે

વિદ્યાવતારસંસિદ્ધ્યૈ સ્વૌકૃતાનેકવિગ્રહ ।
નવાય નવરૂપાય પરમાર્થૈકરૂપિણે

સર્વાજ્ઞાનતમોભેદભાનવે ચિદ્ધનાય તે ।
સ્વતન્ત્રાય દયાકૢપ્તવિગ્રહાય શિવાત્મને

પરતન્ત્રાય ભક્તાનાં ભવ્યાનાં ભવ્યરૂપિણે ।
વિવેકિનાં વિવેકાય વિમર્શાય વિમર્શિનામ્

પ્રકાશાનાં પ્રકાશાય જ્ઞાનિનાં જ્ઞાનરૂપિણે ।
પુરસ્તાત્પાર્શ્વયોઃ પૃષ્ઠે નમઃ કુર્યામુપર્યધઃ

સદા મઞ્ચિત્તસદને વિધેહિ ભવદાસનમ્ ।
ઇતિ સ્તુત્વા ગુરું ભક્ત્યા પરાં દેવીં વિચિન્તયેત્

ગણેશગ્રહનક્ષત્રયોગિનીરાશિરૂપિણીમ્ ।
દેવીં મન્ત્રમયીં નૌમિ માતૃકાપીઠરૂપિણીમ્

પ્રણમામિ મહાદેવીં માતૃકાં પરમેશ્વરીમ્ ।
કાલહૃલ્લોહોલોલ્લોહકલાનાશનકારિણીમ્

યદક્ષરૈ કમાત્રે ઽપિ સંસિદ્ધે સ્પર્દ્ધતે નરઃ ।
રવિતાર્ક્ષ્યેન્દુકન્દર્પૈઃ શઙ્કરાનલવિષ્ણુભિઃ

યદક્ષરશશિજ્યોત્સ્નામણ્ડિતં ભુવનત્રયમ્ ।
વન્દે સર્વેશ્વરીં દેવીં મહાશ્રીસિદ્ધમાતૃકામ્

યદક્ષરમહાસૂત્રપ્રોતમેતજ્જગત્ત્રયમ્ ।
બ્રહ્માણ્ડાદિકટાહાન્તં તાં વન્દે સિદ્ધમાતૃકામ્

યદેકાદશમાધારં બીજં કોણત્રયોદ્ભવમ્ ।
બ્રહ્માણ્ડાદિકટાહાન્તં જગદદ્યાપિ દૃશ્યતે

અકચાદિટતોન્નદ્ધપયશાક્ષરવર્ગિણીમ્ ।
જ્યેષ્ઠાઙ્ગબાહુહૃત્કણ્ઠકટિપાદનિવાસિનીમ્

નૌમીકારાક્ષરોદ્ધારાં સારાત્સારાં પરાત્પરામ્ ।
પ્રણમામિ મહાદેવીં પરમાનન્દરૂપિણીમ્

અથાપિ યસ્યા જાનન્તિ ન મનાગપિ દેવતાઃ ।
કેયં કસ્માત્ક્વ કેનેતિ સરૂપારૂપભાવનામ્

વન્દે તામહમક્ષય્યાં ક્ષકારાક્ષરરૂપિણીમ્ ।
દેવીં કુલકલોલ્લોલપ્રોલ્લસન્તીં શિવાં પરામ્

વર્ગાનુક્રમયોગેન યસ્યાખ્યોમાષ્ટકં સ્થિતમ્ ।
વન્દે તામષ્ટવર્ગોત્થમહાસિદ્ધ્યાદિકેશ્વરીમ્

કામપૂર્ણજકારાખ્ય સુપીઠાન્તર્ન્નિવાસિનીમ્ ।
ચતુરાજ્ઞાકોશભૂતાં નૌમિ શ્રીત્રિપુરામહમ્

એતત્સ્તોત્રં તુ નિત્યાનાં યઃ પઠેત્સુસમાહિતઃ ।
પૂજાદૌ તસ્ય સર્વાતા વરદાઃ સ્યુર્ન સંશયઃ

અથ તે કવચં દેવ્યા વક્ષ્યે નવરતાત્મકમ્ ।
યેન દેવાસુરનરજયી સ્યાત્સાધકઃ સદા

સર્વતઃ સર્વદાત્માનં લલિતા પાતુ સર્વગા ।
કામેશી પુરતઃ પાતુ ભગમાલી ત્વનન્તરમ્

દિશં પાતુ તથા દક્ષપાર્શ્વં મે પાતુ સર્વદા ।
નિત્યક્લિન્નાથં ભેરુણ્ડાદિશં મે પાતુ કૌણપીમ્

તથૈવ પશ્ચિમં ભાગં રક્ષતાદ્વહ્નિવાસિની ।
મહાવજ્રેશ્વરી નિત્યા વાયવ્યે માં સદાવતુ

વામપાર્શ્વં સદા પાતુ ઇતીમેલરિતા તતઃ ।
માહેશ્વરી દિશં પાતુ ત્વરિતં સિદ્ધિદાયિની

પાતુ મામૂર્ધ્વતઃ શશ્ચદ્દૈવતાકુલસુંદરી ।
અધો નીલપતાકાખ્યા વિજયા સર્વતશ્ચ મામ્

કરોતુ મે મઙ્ગલાનિ સર્વદા સર્વમઙ્ગલા ।
દેહૄન્દ્રિયમનઃ પ્રાણાઞ્જ્વાલામાલિનિવિગ્રહા

પાલયત્વનિશં ચિત્તા ચિત્તં મે સર્વદાવતુ ।
કામાત્ક્રોધાત્તથા લોભાન્મોહાન્માનાન્મદાદપિ

પાપાન્માં સર્વતઃ શોકાત્સંક્ષયાત્સર્વતઃ સદા ।
અસત્યાત્ક્રૂરચિન્તાતોહિંસાતશ્ચૌરતસ્તથા ।
સ્તૈમિત્યાચ્ચ સદા પાન્તુ પ્રેરયન્ત્યઃ શુભં પ્રતિ

નિત્યાઃ ષોડશ માં પાન્તુ ગજારૂઢાઃ સ્વશક્તિભિઃ ।
તથા હયસમારૂઢાઃ પાન્તુ માં સર્વતઃ સદા

સિંહારૂઢાસ્તથા પાન્તુ પાન્તુ ઋક્ષગતા અપિ ।
રથારૂઢાશ્ચ માં પાન્તુ સર્વતઃ સર્વદા રણે

તાર્ક્ષ્યારૂઢાશ્ચ માં પાન્તુ તથા વ્યોમગતાશ્ચ તાઃ ।
ભૂતગાઃ સર્વગાઃ પાન્તુ પાન્તુ દેવ્યશ્ચ સર્વદા

ભૂતપ્રેતપિશાચાશ્ચ પરકૃત્યાદિકાન્ ગદાન્ ।
દ્રાવયન્તુ સ્વશક્તીનાં ભૂષણૈરાયુધૈર્મમ

ગજાશ્વદ્વીપિપઞ્ચાસ્યતાર્ક્ષ્યારૂઢાખિલાયુધાઃ ।
અસંખ્યાઃ શક્તયો દેવ્યઃ પાન્તુ માં સર્વતઃ સદા

સાયં પ્રાતર્જપન્નિત્યાકવચં સર્વરક્ષકમ્ ।
કદાચિન્નાશુભં પશ્યેત્સર્વદાનન્દમાસ્થિતઃ

ઇત્યેતત્કવચં પ્રોક્તં લલિતાયાઃ શુભાવહમ્ ।
યસ્ય શન્ધારણાન્મર્ત્યો નિર્ભયો વિજયી સુખી

અથ નામ્નાં સહસ્રં તે વક્ષ્યે સાવરણાર્ચનમ્ ।
ષોડશાનામપિ મુને સ્વસ્વક્રમગતાત્મકમ્

લલિતા ચાપિ વા કામેશ્વરી ચ ભગમાલિની ।
નિત્યક્લિન્ના ચ ભેરુણ્ડા કીર્તિતા વહ્નિવાસિની

વજ્રેશ્વરી તથા દૂતી ત્વરિતા કુલસુંદરી ।
નિત્યા સંવિત્તથા નીલપતાકા વિજયાહ્વયા

સર્વમઙ્ગલિકા ચાપિ જ્વાલામાલિનિસંજ્ઞિતા ।
ચિત્રા ચેતિ ક્રમાન્નિત્યાઃ ષોડશપીષ્ટવિગ્રહાઃ

કુરુકુલ્લા ચ વારાહી દ્વે એતે ચેષ્ટવિગ્રહે ।
વશિની ચાપિ કામેશી મોહિની વિમલારુણા

તપિની ચ તથા સર્વેશ્વરી ચાપ્યથ કૌલિની ।
મુદ્રાણન્તનુરિષ્વર્ણરૂપા ચાપાર્ણવિગ્રહા

પાશવર્ણશરીરા ચાકુર્વર્ણસુવપુર્દ્ધરા ।
ત્રિખણ્ડા સ્થાપની સન્નિરોધની ચાવગુણ્ઠની

સન્નિધાનેષુ ચાપાખ્યા તથા પાશાઙ્કુશાભિધા ।
નમસ્કૃતિસ્તથા સંક્ષોભણી વિદ્રાવણી તથા

આકર્ષણી ચ વિખ્યાતા તથૈવાવે શકારિણી ।
ઉન્માદિની મહાપૂર્વા કુશાથો ખેચરી મતા

બીજા શક્ત્યુત્થાપના ચ સ્થૂલસૂક્ષ્મપરાભિધા ।
અણિમા લઘિમા ચૈવ મહિમા ગરિમા તથા

પ્રાપ્તિઃ પ્રકામિતા ચાપિ ચેશિતા વશિતા તથા ।
ભુક્તિઃ સિદ્ધિસ્તથૈવેચ્છા સિદ્ધિરૂપા ચ કીર્તિતા

બ્રાહ્મી માહેશ્વરી ચૈવ કૌમારી વૈષ્ણવી તથા ।
વારાહીન્દ્રાણી ચામુણ્ડા મહાલક્ષ્મીસ્વરૂપિણી

કામા બુદ્ધિરહૄઙ્કારશબ્દસ્પર્શસ્વરૂપિણી ।
રૂપરૂપા રસાહ્વા ચ ગન્ધવિત્તધૃતિસ્તથા

નાભબીજામૃતાખ્યા ચ સ્મૃતિદેહાત્મરૂપિણી ।
કુસુમા મેખલા ચાપિ મદના મદનાતુરા

રેખા સંવેગિની ચૈવ હ્યઙ્કુશા માલિનીતિ ચ ।
સંક્ષોભિણી તથા વિદ્રાવિણ્યાકર્ષણરૂપિણી

આહ્લાદિનીતિ ચ પ્રોક્તા તથા સમોહિનીતિ ચ ।
સ્તંભિનીજંભિનીચૈવ વશઙ્કર્યથ રઞ્જિની

ઉન્માદિની તથૈવાર્થસાધિનીતિ પ્રકીર્તિતા ।
સંપત્તિપૂર્ણા સા મન્ત્રમયી દ્વન્દ્વક્ષયઙ્કરી

સિદ્ધિઃ સંપત્પ્રદાચૈવ પ્રિયમઙ્ગલકારિણી ।
કામપ્રદા નિગદિતા તથા દુઃખવિમોચિની

મૃત્યુપ્રશમનીચૈવ તથા વિઘ્નનિવારિણી ।
અઙ્ગસુંદરિકા ચૈવ તથા સૌભાગ્યદાયિની

જ્ઞાનૈશ્વર્યપ્રદા જ્ઞાનમયી ચૈવ ચ પઞ્ચમી ।
વિન્ધ્યવાસનકા ઘોરસ્વરૂપા પાપહારિણી

તથાનન્દમયી રક્ષા રૂપેપ્સિતફલપ્રદા ।
જયિની વિમલા ચાથ કામેશી વજ્રિણી ભહગા

ત્રૈલોક્યમોહના સ્થાના સર્વાશાપરિપૂરણી ।
સર્વસક્ષોભણગતા સૌભાગ્યપ્રદસંસ્થિતા

સર્વાર્થસાધકાગારા સર્વરોગહરાસ્થિતા ।
સર્વરક્ષાકરાસ્થાના સર્વસિદ્ધિપ્રદસ્થિતા

સર્વાનન્દમયાધારબિન્દુસ્થાનશિવાત્મિકા ।
પ્રકૃષ્ટા ચ તથા ગુપ્તા જ્ઞેયા ગુપ્તતરાપિ ચ

સંપ્રદાયસ્વરૂપા ચ કુલકૌલનિગર્ભગા ।
રહસ્યાપરાપરપ્રાકૃત્તથૈવાતિરહસ્યકા

ત્રિપુરા ત્રિપુરેશી ચ તથૈવ પુરવાસિની ।
શ્રીમાલિની ચ સિદ્ધાન્તા મહાત્રિપુરસુંદરી

નવરત્નમયદ્વીપનવખણ્ડવિરાજિતા ।
કલ્પકોદ્યાનસંસ્થા ચ ઋતુરૂપેન્દ્રિયાર્ચકા

કાલમુદ્રા માતૃકાખ્યા રત્નદેશોપદેશિકા ।
તત્ત્વાગ્રહગાભિધા મૂર્તિસ્તથૈવ વિષયદ્વિપા

દેશકાલાકારશબ્દરૂપા સંગીતયોગિની ।
સમસ્તગુપ્તપ્રકટસિદ્ધયોગિનિચક્રયુક્

વહ્નિસૂર્યેન્દુભૂતાહ્વા તથાત્માષ્ટાક્ષરાહ્વયા ।
પઞ્ચધાર્યાસ્વરૂપા ચ નાનાવ્રતસમાહ્વયા

નિષિદ્ધાચારરહિતા સિદ્ધચિહ્નસ્વરૂપિણી ।
ચતુર્દ્ધા કૂર્મભાગસ્થા નિત્યાદ્યર્ચાસ્વરૂપિણી

દમનાદિસમભ્યર્ચા ષટ્કર્મસિદ્ધિદાયિની ।
તિથિવારપૃથગ્દ્રવ્યસમર્ચનશુભાવહા

વાયોશ્યનઙ્ગકુસુમા તથૈવાનઙ્ગમેખલા ।
અનઙ્ગમદનાનઙ્ગમદનાતુરસાહ્વયા

મદદેગિનીકા ચૈવ તથા ભુવનપાલિની ।
શશિલેખા સમુદ્દિષ્ટા ગતિલેખાહ્વયા મતા

શ્રદ્ધા પ્રીતિ રતિશ્ચૈવ ધૃતિઃ કાન્તિર્મનોરમા ।
મનોહરા સમાખ્યાતા તથૈવ હિ મનોરથા

મદનોન્માદિની ચૈવ મોદિની શઙ્ખિની તથા ।
શોષિણી ચૈવ શઙ્કારી સિંજિની સુભગા તથા

પૂષાચેદ્વાસુમનસા રતિઃ પ્રીતિર્ધૃતિસ્તથા ।
ઋદ્ધિઃ સૌમ્યા મરીચિશ્ચ તથૈવ હ્યંશુમાલિની

શશિની ચાઙ્ગિરા છાયા તથા સંપૂર્ણમણ્ડલા ।
તુષ્ટિસ્તથામૃતાખ્યા ચ ડાકિની સાથ લોકપા

બટુકેભાસ્વરૂપા ચ દુર્ગા ક્ષેત્રેશરૂપિણી ।
કામરાજસ્વરૂપા ચ તથા મન્મથરૂપિણી

કન્દર્પ્પરૂપિણી ચૈવ તથા મકરકેતના ।
મનોભવસ્વરૂપા ચ ભારતી વર્ણરૂપિણી

મદના મોહિની લીલા જંભિની ચોદ્યમા શુભા ।
હ્લાદિની દ્રાવિણી પ્રીતી રતી રક્તા મનોરમા

સર્વોન્માદા સર્વમુખા હ્યભઙ્ગા ચામિતોદ્યમા ।
અનલ્પાવ્યક્તવિભવા વિવિધાક્ષોભવિગ્રહા

રાગશક્તિર્દ્વેષશક્તિસ્તથા શબ્દાદિરૂપિણી ।
નિત્યા નિરઞ્જના ક્લિન્ના ક્લેદેની મદનાતુરા

મદદ્રવા દ્રાવિણી ચ દ્રવિણી ચૈતિ કીર્તિતા ।
મદાવિલા મઙ્ગલા ચ મન્મથાની મનસ્વિની

મોહા મોદા માનમયી માયા મન્દા મિતાવતી ।
વિજયા વિમલા ચૈવ શુભા વિશ્વા તથૈવ ચ

વિભૂતિર્વિનતા ચૈવ વિવિધા વિનતા ક્રમાત્ ।
કમલા કામિની ચૈવ કિરાતા કીર્તિરૂપિણી

કુટ્ટિની ચ સમુદ્દિષ્ટા તથૈવ કુલસુંદરી ।
કલ્યાણી કાલકોલા ચ ડાકિની શાકિની તથા

લાકિની કાકિની ચૈવ રાકિની કાકિની તથા ।
ઇચ્છાજ્ઞાના ક્રિયાખ્યા ચાપ્યાયુધાષ્ટકધારિણી

કપર્દિની સમુદ્દિષ્ટા તથૈવ કુલસુંદરી ।
જ્વાલિની વિસ્ફુલિઙ્ગા ચ મઙ્ગલા સુમનોહરા

કનકા કિનવા વિદ્યા વિવિધા ચ પ્રકીર્તિતા ।
મેષા વૃષાહ્વયા ચૈવ મિથુના કર્કટા તથા

સિંહા કન્યા તુલા કીટા ચાપા ચ મકરા તથા ।
કુમ્ભા મીના ચ સારા ચ સર્વભક્ષા તથૈવ ચ

વિશ્વાત્મા વિવિધોદ્ભૂતચિત્રરૂપા ચ કીર્તિતા ।
નિઃસપત્ના નિરાતઙ્કા યાચનાચિન્ત્યવૈભવા

રક્તા ચૈવ તતઃ પ્રોક્તાવિદ્યાપ્રાપ્તિસ્વપિણી ।
હૃલ્લેખા ક્લેદિની ક્લિન્ના ક્ષોભિણી મદનાતુરા

નિપન્દના રાગવતી તથૈવ મદનાવતી ।
મેખલા દ્રાવિણી વેગવતી ચૈવ પ્રકીર્તિતા

કમલા કામિની કલ્પા કલા ચ કલિતાદ્ભુતા ।
કિરતા ચ તથા કાલા કદના કૌશિકા તથા

કંબુવાદનિકા ચૈવ કાતરા કપટા તથા ।
કીર્તિશ્ચાપિ કુમારી ચ કુઙ્કુમા પરિકીર્તિતા

ભઞ્જિની વેગિની નાગા ચપલા પેશલા સતી ।
રતિઃ શ્રદ્ધા ભોગલોલા મદોન્મત્તા મનસ્વિની

વિહ્વલા કર્ષિણી લોલા તથા મદનમાલિની ।
વિનોદા કૌતુકા પુણ્યા પુરાણા પરિકીર્તિતા

વાગીશી વરદા વિશ્વા વિભવાવિઘ્નકારિણી ।
બીજવિઘ્નહરા વિદ્યા સુમુખી સુંદરી તથા

સારા ચ સુમના ચૈવ તથા પ્રોક્તા સરસ્વતી ।
સમયા સર્વગા વિદ્ધા શિવા વાણી ચ કીર્તિતા

દૂરસિદ્ધા તથા પ્રોક્તાથો વિગ્રહગવતી મતા ।
નાદા મનોન્મની પ્રાણપ્રતિષ્ઠારુણવૈભવા

પ્રાણાપાના સમાના ચ વ્યાનોદાના ચ કીર્તિતા ।
નાગા કૂર્મા તચ કૃકલા દેવદત્તા ધનઞ્જયા

ફટ્કારી કિઙ્કરારાધ્યા જયા ચ વિજયા તથા ।
હુઙ્કારી ખેટચરી ચણ્ડાછેદિની ક્ષપિણી તથા

સ્ત્રીહુઙ્કારી ક્ષેમકારી ચતુરક્ષરરૂપિણી ।
શ્રીવિદ્યામતવર્ણાઙ્ગી કાલી યામ્યા નૃપાર્ણકા

ભાષા સરસ્વતી વાણી સંસ્કૃતા પરા ।
બહુરૂપા ચિત્તરૂપા રમ્યાનન્દા ચ કૌતુકા

ત્રયાખ્યા પરમાત્માખ્યાપ્યમેયવિભવા તથા ।
વાક્સ્વરૂપા બિન્દુસર્ગરૂપા વિશ્વાત્મિકા તથા

તથા ત્રૈપુરકન્દાખ્યા જ્ઞાત્રાદિત્રિવિધાત્મિકા ।
આયુર્લક્ષ્મીકીર્તિભોગસૈન્દર્યારોગ્યદાયિકા

ઐહિકામુષ્મિકજ્ઞાનમયી ચ પરિકીર્તિતા ।
જીવાખ્યા વિજયાખ્યા ચ તથૈવ વિશ્વવિન્મયી

હૃદાદિવિદ્યા રૂપાદિભામુરૂપાઃ જગદૂપુઃ ।
વિશ્વમો હનિકા ચૈવ ત્રિપુરામૃતસંજ્ઞિકા

સર્વાપ્યાયનરૂપા ચ મોહિની ક્ષોભણી તથા ।
ક્લેદિની ચ સમાખ્યાતા તથૈવ ચ મહોદયા

સંપત્કરી હલક્ષાર્ણા સીમામાતૃતનૂ રતિઃ ।
પ્રીતિર્મનોભવા વાપિ પ્રોક્તા વારાધિપા તથા

ત્રિકૂટા ચાપિ ષટ્કૂટા પઞ્ચકૂટા વિશુદ્ધગા ।
અનાહત ગતા ચૈવ મણિપૂરકસંસ્થિતા

સ્વાધિષ્ઠાનસમાસીનાધારસ્થાજ્ઞાસમાસ્થિતા ।
ષટ્ત્રિંશત્કૂટરૂપા ચ પઞ્ચાશન્મિથુનાત્મિકા

પાદુકાદિકસિદ્ધીશા તથા વિજયદાયિની ।
કામરૂપપ્રદા વેતાલરૂપા ચ પિશાચિકા

વિચિત્રા વિભ્રમા હંસી ભીષણી જનરઞ્જિકા ।
વિશાલા મદના તુષ્ટા કાલકણ્ઠી મહાભયા

માહેન્દ્રી શઙ્ખિની ચૈન્દ્રી મઙ્ગલા વટવાસિની ।
મેખલા સકલા લક્ષ્મીર્માલિનીવિશ્વનાયિકા

સુલોચના સુશોભા ચ કામદા ચ વિલાસિની ।
કામેશ્વરી નન્દિની ચ સ્વર્ણરેખા મનોહરા

પ્રમોદા રાગિણી સિદ્ધા પદ્મિની ચ રતિપ્રિયા ।
કલ્યાણદા કલાદક્ષા તતશ્ચ સુરસુન્દરી

વિભ્રમા વાહકા વીરા વિકલા કોરકાકવિઃ ।
સિંહનાદા મહાનાદા સુગ્રીવા મર્કટા શઠા

બિડાલાક્ષા બિડાલાસ્યા કુમારી ખેચરી ભવા ।
મયૂરા મઙ્ગલા ભીમા દ્વિપવક્ત્રા ખરાનના

માતઙ્ગી ચ નિશાચારા વૃષગ્રાહા વૃકાનના ।
સૈરિભાસ્યા ગજમુખા પશુવક્ત્રા મૃગાનના

ક્ષોભકા મણિભદ્રા ચ ક્રીડકા સિંહચક્રકા ।
મહોદરા સ્થૂલશિખા વિકૃતાસ્યા વરાનના

ચપલા કુક્કુટાસ્યા ચ પાવિની મદનાલસા ।
મનોહરા દીર્ઘજઙ્ઘા સ્થૂલદન્તા દશાનના

સુમુખા પણ્ડિતા ક્રુદ્ધા વરાહાસ્યા સટામુખા ।
કપટા કૌતુકા કાલા કિઙ્કરા કિતવા ખલા

ભક્ષકા ભયદા સિદ્ધા સર્વગા ચ પ્રકીર્તિતા ।
જયા ચ વિજયા દુર્ગા ભદ્રા ભદ્રકરી તથા

અમ્બિકા વામદેવી ચ મહામાયાસ્વરૂપિણી ।
વિદારિકા વિશ્વમયી વિશ્વા વિશ્વવિભઞ્જિતા

વીરા વિક્ષોભિણી વિદ્યા વિનોદા બીજવિગ્રહા ।
વીતશોકા વિષગ્રીવા વિપુલા વિજયપ્રદા

વિભવા વિવિધા વિપ્રા તથૈવ પરિકીર્તિતા ।
મનોહરા મઙ્ગલી ચ મદોત્સિક્તા મનસ્વિની

માનિની મધુરા માયા મોહિની ચ તથા સ્મૃતા ।
ભદ્રા ભવાની ભવ્યા ચ વિશાલાક્ષી શુચિસ્મિતા

કકુભા કમલા કલ્પા કલાથો પૂરણી તથા ।
નિત્યા ચાપ્યમૃતા ચૈવ જીવિતા ચ તથા દયા

અશોકા હ્યમલા પૂર્ણા પૂર્ણા ભાગ્યોદ્યતા તથા ।
વિવેકા વિભવા વિશ્વા વિતતા ચ પ્રકીર્તિતા

કામિની ખેચરી ગર્વા પુરાણાપરમેશ્વરી ।
ગૌરી શિવા હ્યમેયા ચ વિમલા વિજયા પરા

પવિત્રા પદ્મિની વિદ્યા વિશ્વેશી શિવવલ્લભા ।
અશેષરૂપા હ્યાનન્દાંબુજાક્ષી ચાપ્યનિન્દિતા

વરદા વાક્યદા વાણી વિવિધા વેદવિગ્રહા ।
વિદ્યા વાગીશ્વરી સત્યા સંયતા ચ સરસ્વતી

નિર્મલાનન્દરૂપા ચ હ્યમૃતા મનિદા તથા ।
પૂષા ચૈવ તથા પુષ્ટિસ્તુષ્ટિશ્ચાપિ રતિર્ધૃતિઃ

શશિની ચૈદ્રિકા કાન્તિજ્યોત્સ્ના શ્રીઃ પ્રીતિરઙ્ગગદા ।
પૂર્ણા પૂર્ણામૃતા કામદાયિનીન્દુકલાત્મિકા

તપિની તાપિની ધૂમ્રા મરીચિર્જ્વાલિની રુચિઃ ।
સુષુમ્ણા ભોગદા વિશ્વા બાધિની ધારિની ધારિણી ક્ષમા

ધૂમ્રાર્ચિરૂષ્મા જ્વલિની જ્વાલિની વિસ્ફુલિઙ્ગિની ।
સુશ્રીઃ સ્વરૂપા કપિલા હવ્યકવ્યવહા તથા

ઘસ્મરા વિશ્વકવલા લોલાક્ષી લોલજિહ્વિકા ।
સર્વભક્ષા સહસ્રાક્ષી નિઃસંગા ચ ગતિપ્રિયા

અર્ચિત્યાચાપ્રમેયા ચ પૂર્ણરૂપા દુરાસદા ।
સર્વા સંસિદ્ધિરૂપા ચ પાવનીત્યેકરૂપિણી

તથા યામલવેધાખ્યા શાક્તે વેદસ્વરૂપિણી ।
તથા શાંભવવેધા ચ ભાવનાસિદ્ધિસૃચિની

વહ્નિરૂપા તથા દસ્રા હ્યમાવિઘ્ના ભુજઙ્ગમા ।
ષણ્મુખા રવિરૂપા ચ માતા દુર્ગા દિશા તથા

ધનદા કેશવા ચાપિ યમી ચૈવ હરા શશા ।
અશ્વિની ચ યમી વહ્નિ રૂપા ધાત્રીતિ કીર્તિતા

ચન્દ્રા શિવાદિતિર્જીવા સર્પિણી પિતૃરૂપિણી ।
અર્યમ્ણા ચ ભગા સૂર્યા ત્વાષ્ટ્રિમારુતિસંજ્ઞિકા

ઇન્દ્રાગ્નિરૂપા મિત્રા ચાપીન્દ્રાણી નિરૃતિર્જલા ।
વૈશ્વદેવી હરિતભૂર્વાસવી વરુણા જયા

અહિર્બુધ્ન્યા પૂષણી ચ તથા કારસ્કરામલા ।
ઉદુંબરા જંબુકા ચ ખદિરા કૃષ્ણારૂપિણી

વંશા ચ પિપ્પલા નાગા રોહિણા ચ પલાશકા ।
પક્ષકા ચ તથામ્બષ્ઠા બિલ્વાચાર્જુનરૂપિણી

વિકઙ્કતા ચ કકુભા સરલા ચાપિ સર્જિકા ।
વઞ્જુલા પનસાર્કા ચ શમી હલિપ્રિયામ્રકા

નિમ્બા મધૂકસંજ્ઞા ચાપ્યશ્વત્થા ચ ગજાહ્વયા ।
નાગિની સર્પિણી ચૈવ શુની ચાપિ બિડાલિકી

છાગી માર્જારિકા મૂષી વૃષભા માહિષી તથા ।
શાર્દૂલી સૈરિભી વ્યાઘ્રી હરિણી ચ મૃગી શુની

કપિરૂપા ચ ગોઘણ્ટા વાનરી ચ નરાશ્વિની ।
નગા ગૌર્હસ્તિની ચેતિ તથા ષટ્ચક્રવાસિની

ત્રિખણ્ડા તીરપાલાખ્યા ભ્રામણી દ્રવિણી તથા ।
સોમા સૂર્યા તિથિર્વારા યોગાર્ક્ષા કરણાત્મિકા

યક્ષિણી તારણા વ્યોમશબ્દાદ્યાપ્રાંણિની ચ ધીઃ ।
ક્રોધિની સ્તંભિની ચણ્ડોઞ્ચણ્ડા બ્રાહ્માદિરૂપિણી

સિંહસ્થા વ્યાઘ્રગા ચૈવ ગજાશ્વગરુડસ્થિતા ।
ભૌમાપ્યા તૈજસીવાયુરૂપીણી નાભસા તથા

એકાવક્ત્રા ચતુર્વક્ત્રા નવક્ત્રા નવવક્ત્રા કલાનના ।
પઞ્ચવિંશતિવક્ત્રા ચ ષડ્વિંશદ્વદના તથા

ઊનપઞ્ચાશદાસ્યા ચ ચતુઃષષ્ટિ મુખા તથા ।
એકાશીતિમુખા ચૈવ શતાનનસમન્વિતા

સ્થૂલરૂપા સૂક્ષ્મરૂપા તેજોવિગ્રહધારિણી ।
વૃણાવૃત્તિસ્વરૂપા ચ નાથાવૃત્તિસ્વરૂપિણી

તત્ત્વાવૃત્તિસ્વરૂપાપિ નિત્યાવૃત્તિવપુર્દ્ધરા

અઙ્ગાવૃત્તિસ્વરૂપા ચાપ્યાયુધાવૃત્તિરૂપિણી ।
ગુરુપઙ્ક્તિસ્વરૂપા ચ વિદ્યાવૃત્તિતનુસ્તથા

બ્રહ્માદ્યાવૃત્તિરૂપા ચ પરા પશ્યતિકા તથા ।
મધ્યમા વૈખરી શીર્ષકણ્ઠતાલ્વોષ્ઠદન્તગા

જિહ્વામૂલગતા નાસાગતોરઃ સ્થલગામિની ।
પદવાક્યસ્વરૂપા ચ વેદભાષાસ્વરૂપિણી

સેકાખ્યા વીક્ષણાખ્યા ચોપદેશાખ્યા તથૈવ ચ ।
વ્યાકુલાક્ષરસંકેતા ગાયત્રી પ્રણવાદિકા

જપહોમાર્ચનધ્યાનયન્ત્રતર્પણરૂપિણી ।
સિદ્ધસારસ્વતા મૃત્યુઞ્જયા ચ ત્રિપુરા તથા

ગારુડા ચાન્નપૂર્ણા ચાપ્યશ્વરૂઢા નવાત્મિકા ।
ગૌરી ચ દેવી હૃદયા લક્ષદા ચ મતઙ્ગિની

નિષ્કત્રયપદા ચેષ્ટા વાદિની ચ પ્રકીર્તિતા ।
રાજલક્ષ્મીર્મહાલક્ષ્મીઃ સિદ્ધલક્ષ્મીર્ગવાનના

ઇત્યેવં લલિતાદેવ્યા દિવ્યં નામસહસ્રકમ્ ।
સર્વાર્થસિદ્ધિદં પ્રોક્તં ચતુર્વર્ગફલપ્રદમ્

એતન્નિત્યમુષઃકાલે યો જપેચ્છુદ્ધમાનસઃ ।
સ યો ગી બ્રહ્મવિજ્જ્ઞાની શિવયોગી તથાત્મવિત્

દ્વિરાવૃત્ત્યા પ્રજપતો હ્યાયુરારોગ્યસંપદઃ ।
લોકાનુરઞ્જનં નારીનૃપાવર્જનકર્મ ચ

અપૃથક્ત્વેન સિદ્ધ્યન્તિ સાધકસ્યાસ્ય નિશ્ચિતમ્ ।
ત્રિરાવૃત્ત્યાસ્ય વૈ પુંસો વિશ્વં ભૂયાદ્વશે ઽખિલમ્

ચતુરાવૃત્તિતશ્ચાસ્ય સમીહિતમનારતમ્ ।
ફલત્યેવ પ્રયોગાર્હે લોકરક્ષાકરો ભવેત્

પઞ્ચાવૃત્ત્યા નરા નાર્યો નૃપા દેવાશ્ચ જન્તવઃ ।
ભજન્ત્યેનં સાધકં ચ દેવ્યામાહિતચેતસઃ

ષડાવૃત્ત્યા તન્મયઃ સ્યાત્સાધકશ્ચાસ્ય સિદ્ધયઃ ।
અચિરેણૈવ દેવીનાં પ્રસાદાત્સંભવન્તિ ચ

સપ્તાવૃત્ત્યારિરોગાદિકૃત્યાપસ્મારનાશનમ્ ।
અષ્ટાવૃત્ત્યા નરો ભૂપાન્નિગ્રહાનુગ્રહક્ષમઃ

નવાવૃત્ત્યા મન્મથાભો વિક્ષોભયતિ ભૂતલમ્ ।
દશાવૃત્ત્યા પઠેન્નિત્યં વાગ્લક્ષ્મીકાન્તિસિદ્ધયે

રુદ્રાવૃત્ત્યાખિલર્દ્ધિશ્ચ તદાયત્તં જગદ્ભવેત્ ।
અર્કાવૃત્ત્યા સિદ્ધિભિઃ સ્યાદ્દિગ્ભિર્મર્ત્યો હરોપમઃ

વિશ્વાવૃત્ત્યા તુ વિજયી સર્વતઃ સ્યાત્સુખી નરઃ ।
શક્રાવૃત્ત્યાખિલેષ્ટાપ્તિઃ સર્વતો મઙ્ગલં ભવેત્

તિથ્યાવૃત્ત્યાખિલાનિષ્ટાનયન્તાદાપ્નુયાન્નરઃ ।
ષોડશાવૃત્તિતો ભૂયાન્નરઃ સાક્ષાન્મહેશ્વરઃ

વિશ્વં સ્રષ્ટું પાલયિતું સંહતુ ચ ક્ષમો ભવેત્ ।
મણ્ડલં માસમાત્રં વા યો જપેદ્યદ્યદાશયઃ

તત્તદેવાપ્નુયાત્સત્યં શિવસ્ય વચનં યથા ।
ઇત્યેતત્કથિતં વિપ્ર નિત્યાવૃત્ત્યર્ચનાશ્રિતમ્

નામ્નાં સહસ્રં મનસો ઽભીષ્ટસંપાદનક્ષમમ્