નારદ પુરાણ · અધ્યાય 1.88

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને તૃતીયપાદે દુર્ગામન્ત્રચતુષ્ટયવર્ણનં નામ સપ્તાશીતિતમો ઽધ્યાયઃ
સૂત ઉવાચ
શ્રુત્વેત્થં યજનં વિપ્રા મન્ત્રધ્યાનપુરઃસરમ્ ।
સર્વાસામવતારાણાં નારદો દેવદર્શનઃ

સર્વાદ્યાયા જગન્માતુઃ શ્રીરાધાયાઃ સમર્ચનમ્ ।
અવતારકલાનાં હિ પપ્રચ્છ વિનયાન્વિતઃ

નારદ ઉવાચ
ધન્યો ઽસ્મિકૃતકૃત્યો ઽસ્મિ જાતો ઽહં ત્વત્પ્રસાદતઃ ।
પજ્જગન્માતૃમન્ત્રાણાં વૈભવં શ્રુતવાન્મુને

યથા લક્ષ્મીમુખાનાં તુ અવતારાઃ પ્રકીર્તિતાઃ ।
તથા રાધાવતારાણાં શ્રોતુમિચ્છામિ વૈભવમ્

યત્સંખ્યાકાશ્ચ યદ્રૂપા યત્પ્રભાવા વિદાંવર ।
રાધાવતારાસ્તાન્સત્યં કીર્તયાશેષસિદ્ધિદાન્

એતચ્છુત્વા વચસ્તસ્ય નારદસ્ય વિધેઃ સુતઃ ।
સનત્કુમારઃ પ્રોવાચ ધ્યાત્વા રાધાપદાંબુજમ્

સનત્કુમાર ઉવાચ
શૃણુ વિપ્ર પ્રવક્ષ્યામિ રહસ્યાતિરહસ્યકમ્ ।
રાધાવતારચરિતં ભજતામિષ્ટિસિદ્ધિદમ્

ચન્દ્રાવલી ચ લલિતા દ્વે સખ્યૌ સુપ્રિયે સદા ।
માલાવતીમુખાષ્ટાનાં ચન્દ્રાવલ્યધિપાસ્મૃતા

કલાવતીમુખાષ્ટાનામીશ્વરી લલિતા મતા ।
રાધાચરણપૂજાયામુક્તા માલાવતીમુખાઃ

લલિતાધીશ્વરીણાં તુ નામાનિ શૃણુ સાંપ્રતમ્ ।
કલાવતી મધુમતી વિશાખા શ્યામલાભિધા

શૈબ્યા વૃન્દા શ્રીધરાખ્યા સર્વાસ્તુત્તુલ્યવિગ્રહાઃ ।
સુશીલાપ્રમુખા શ્ચાન્યાઃ સખ્યો દ્વાત્રિંશદીરિતાઃ

તાઃ શૃણુષ્વ મહાભાગ નામતઃ પ્રવદામિ તે ।
સુશીલાં શશિલેખા ચ યમુના માધવી રતિઃ

કદમ્બમાલા કુન્તી ચ જાહ્નવી ચ સ્વયંપ્રભા ।
ચન્દ્રાનના પદ્મમુખી સાવિત્રી ચ સુધામુખી

શુભા પદ્મા પારિજાતા ગૌરિણી સર્વમઙ્ગલા ।
કાલિકા કમલા દુર્ગા વિરજા ભારતી સુરા

ગઙ્ગા મધુમતી ચૈવ સુન્દરી ચન્દના સતી ।
અપર્ણા મનસાનન્દા દ્વાત્રિંશદ્રાધિકાપ્રિયાઃ

કદાચિદ્છલિલા દેવી પુંરૂપા કૃષ્ણવિગ્રહા ।
સસર્જ ષોડશકલાસ્તાઃ સર્વાસ્તત્સમપ્રભાઃ

તાસા મન્ત્રં તથા ધ્યાનં યન્ત્રાર્ચાદિક્રમં તથા ।
વર્ણયે સર્વતન્ત્રેષુ રહસ્યં મુનિસત્તમ

વાતો મરુચ્ચાગ્રિવહ્ની ધરાક્ષ્મે જલચારિણી ।
વિમુખં ચરશુચિવિભૂ વનસ્વશક્તયઃ સ્વરાઃ

પ્રાણસ્તેજઃ સ્થિરા વાયુર્વાયુશ્ચાપિ પ્રભા તથા ।
જ્યકુમભ્રં તથા નાદો દાવકઃ પાથ ઇત્યથ

વ્યોમરયઃ શિખી ગોત્રા તોયં શૂન્યજવીદ્યુતિઃ ।
ભૂમી રસો નમો વ્યાપ્તં દાહશ્ચાપિ રસાંબુ ચ

વિયત્સ્પર્શશ્ચ હૃદ્ધંસહલાગ્રાસો હલાત્મિકાઃ ।
ચન્દ્રાવલી ચ લલિતા હંસેલા નાયકે મતે

ગ્રાસસ્થિતા સ્વયં રાધા સ્વયં શક્તિસ્વરૂપિણી ।
શેષાસ્તુ ષોડશકલા દ્વાત્રિંશત્તત્કલાઃ સ્મૃતાઃ

વાઙ્મયં નિખિલં વ્યાપ્તમાભિરેવ મુનીશ્વર ।
લલિતાપ્રમુખાણાં તુ ષોડશીત્વમુપાગતા

શ્રીરાધા સુન્દરી દેવી તાન્ત્રિકૈઃ પરિકીર્ત્યતે ।
કુરુકુલ્લા ચ વારાહી ચન્દ્રાલિલલિતે ઉભે

સંભૂતે મન્ત્રવર્ગં તે ઽભિધાસ્યે ઽહં યથાતથમ્ ।
હૃત્પ્રાણેલાહંસદાવહ્નિસ્વૈર્લલિતેરિતા

ત્રિવિધા હંસભેદેવ શૃણુ તાં ચ યથાક્રમમ્ ।
હંસાદ્યયાદ્યા મધ્યા સ્યાદાદિમધ્યસ્થહંસયા

તૃતીયા પ્રકૃતિઃ સૈવ તુર્યા તૈરન્ત્યમાયયા ।
આસુ તુર્યાભવન્મુક્ત્યૈ તિસ્રો ઽન્યાઃ સ્યુશ્ચસંપદે

ઇતિ ત્રિપુરસુંદર્યા વિદ્યા સરુમતસમીરિતા ।
દાહભૂમીરસાક્ષ્માસ્વૈર્વશિનીબીજમીરિતમ્

પ્રાણો રસાશક્તિયુતઃ કામેશ્વર્યક્ષરં મહત્ ।
શૂન્યમંબુરસાવહ્નિસ્વયોગાન્મોહનીમનુઃ

વ્યાપ્તં રસાક્ષ્માસ્વયુતં વિમલાબીજમીરિતમ્ ।
જ્યાનભોદાહવહ્નિસ્વયોગૈઃ સ્યાદરુણામનુઃ

જયિન્યાસ્તુ સમુદ્દિષ્ટઃ સર્વત્ર જયદાયકઃ ।
કં નભોદાહસહિતં વ્યાપ્તક્ષ્માસ્વયુતં મનુઃ

સર્વેશ્વર્યાઃ સમાખ્યાતઃ સર્વસિદ્ધિકરઃ પરઃ ।
ગ્રાસો નભોદાહવહ્નિસ્વૈર્યુક્તઃ કૌલિનીમનુઃ

એતૈર્મનુભિરષ્ટાભિઃ શક્તિભિર્વર્ગસંયુક્તૈઃ ।
વાગ્દેવતાન્તૈર્ન્યાસઃ સ્યાદ્યેન દેવ્યાત્મકો ભવેત્

રન્ધ્રે ભાલે તથાજ્ઞાયાં ગલે હૃદિ તથા ન્યસેત્ ।
નાભાવાધારકે પાદદ્વયે મૂલાગ્રકાવધિ

ષડ્દીર્ઘાઢ્યેન બીજેન કુર્યાશ્ચૈવ ષડઙ્ગકમ્ ।
લોહિતાં લલિતાં બાણચાપપાશસૃણીઃ કરૈઃ

દધાનાં કામરાજાઙ્કે યન્ત્રીતાં મુદુતાં સ્મરેત્ ।
મધ્યસ્થદેવી ત્વેકૈવ ષોડશાકારતઃ સ્થાતા

યતસ્તસ્માત્તનૌ તસ્યાસ્ત્વન્યાઃ પઞ્ચદશાર્ચયેત્ ।
ઋષિઃ શિવશ્છન્દ ઉક્તા દેવતા લલિતાદિકાઃ

સર્વાસામપિ નિત્યાનામાવૃતીર્નામસંચયે ।
પટલે તુ પ્રયોગાંશ્ચ વક્ષ્યામ્યગ્રે સવિસ્તરમ્

અથ ષોડશનિત્યાસુ દ્વિતીયા યા સમીરિતા ।
કામેશ્વરીતિ તાં સર્વકામદાં શૃણુ નારદ

શુચિઃ સ્વેન યુતસ્ત્વાદ્યો લલિતા સ્યાદ્દ્વિતીયકઃ ।
શૂન્યમગ્નિયુતં પશ્ચાદ્રયોવ્યાપ્તેન સંયુતમ્

પ્રાણો રસાગ્નિસહિતઃ શૂન્યયુગ્મં ચરાન્વિતમ્ ।
નભોગોત્રા પુનશ્ચૈષાં દાહેન સમયોજિતા

અંબુ સ્યાચ્ચરસંયુક્તં નવશક્તિયુતં ચ હૃત્ ।
એષા કામેશ્વરી નિત્યા કામદૈકાદશાક્ષરી

મૂલવિદ્યાક્ષરૈરેવ કુર્યાદઙ્ગાનિ ષટ્ ક્રમાત્ ।
એકેન હૃદયં શીર્ષં તાવતાથો દ્વયં દ્વયાત્

ચતુર્ભિર્નયનં તદ્વદસ્ત્રમેકેન કીર્તિતમ્ ।
દૃક્શ્રોત્રનાસાદ્વિતયે જિહ્વાહૃન્નાભિગુહ્યકે

વ્યાપકત્વેન સર્વાઙ્ગે મૂર્દ્ધાદિપ્રપદાવધિ ।
ન્યસેદ્વિદ્યાક્ષરાણ્યેષુ સ્થાનેષુ તદનન્તરમ્

સમસ્તેન વ્યાપકં તુ કુર્યાદુક્તક્રમેણ તુ ।
અથ ધ્યાનં પ્રવક્ષ્યામિ નિત્યપૂજાસુ ચોદિતમ્

યેન દેવી સુપ્રસન્ના દદાતીષ્ટમયત્નતઃ ।
બાલાર્કકોટિસંકાશાં માણિક્યમુકુટોજ્જ્વલામ્

હારગ્રૈવેયકાઞ્ચીભિરૂર્મિકાનૂપુરાદિભિઃ ।
મણ્ડિતાં રક્તવસનાં રત્નાભરણશોભિતામ્

ષડ્ભુજાં ત્રીક્ષણામિન્દુકલાકલિતમૌલિકામ્ ।
પઞ્ચાષ્ટષોડશદ્વન્દ્વષટ્કોણચતુરસ્રગામ્

મન્દસ્મિતલસદ્વક્ત્રાં દયામન્થરવીક્ષણામ્ ।
પાશાઙ્કુશૌ ચ પુણ્ડ્રેક્ષુચાપં પુષ્પશિલીમુખમ્

રત્નપાત્રં સીધુપૂર્ણં વરદં બિભ્રતીં કરૈઃ ।
તતઃ પ્રયોગાન્કુર્વીત સિદ્ધે મત્રે તુ સાધકઃ

તૃતીયામથ વક્ષ્યામિ નામ્ના તુ ભગમાલિની ।
કામેશ્વર્યાદિરાદિઃ સ્યાદ્રસશ્ચાપસ્થિરારસઃ

ધરાયુક્સચરા પશ્ચાત્સ્થિરા પશ્ચાદ્રસઃ સ્મૃતઃ ।
સ્થિરાશૂન્યે ઽગ્નિસંયુક્તે રસઃ સ્યાત્તદનન્તરમ્

સ્થિરા ભૂસહિતા ગોત્રા સદાહો ઽગ્નિરસઃ સ્થિરા ।
નભશ્ચ મરુતા યુક્તં રસવર્ણસમન્વિતમ્

તતો રસઃ સ્થિરા પશ્ચાન્મરુતા સહ યોજિતા ।
અંબહંસચરો ઽથિક્તો રસો ઽથ સ્યાત્સ્થિરા પુનઃ

સ્થિરાધરાન્વિતા હંસો વ્યાપ્તેન ચ ચરેણ ચ ।
રસઃ સ્થિરા તતો વ્યાપ્તં ભૂયુતં શૂન્યમગ્નિયુક્

રસઃ સ્થિરા તતઃ સાગ્નિશૂન્યં તવિયુતો મરુત્ ।
રયઃ શૂન્યં ચાગ્નિયુતં હૃદાહંસાચ્ચ તત્પરમ્

રસઃ સ્થિરાંબુ ચ વિયત્સ્વયુતં પ્રાણ એવ ચ ।
દાહો ઽગ્રિયુગ્રસસ્તસ્માસ્થિરાક્ષ્મા દાહસંયુતા ।
સચરઃ સ્યાજ્જવીપૂર્વવિદ્યા તર્તીયતઃ ક્રમાત્

ચતુષ્ટયમથાર્ણાનાં રસસ્તદનુ ચ સ્થિરા ।
હૃદંબુયુક્ ક્ષ્મયા દાહઃ સચરઃ સ્યાજ્જવી ચ હૃત્

દાહો ઽંબુમરુતા યુક્તો વ્યોમ્નિ સાગ્નિરસસ્તુતઃ ।
સ્થિરા તુ મરુતા યુક્તા શૂન્યં સાગ્નિનભશ્ચરૌ

હંસો વ્યાપ્તમરુદ્યુક્તઃ શૂન્યં વ્યાપ્તમતોંઽબુ ચ ।
દાહો ગોત્રાચરયુતા તથા દાહસ્તથા રયઃ

હૃદ્ધરાસહિતં દાહરયૌ ચરસમન્વિતૌ ।
રસઃ સ્થિરા તતઃ પ્રાણો રસાગ્નિસહિતો ભવેત્

શૂન્યયુગ્મં ચરયુતં તતઃ પૂર્વમતઃ પરમ્ ।
શૂન્યયુગ્મં ચ ગોત્રા સ્યાદ્વાહયુક્તાંબુના ચરઃ

પ્રાણો રસા ચરયુતો ગોત્રવ્યસિમતઃ પરમ્ ।
ગોત્રાદાહમરુદ્યુક્તા ત્વંબુન્યાસમતો ભવેત્

યુક્તોનાંભશ્ચ ભૂયુક્તં વાશ્ચરેણ સમન્વિતમ્ ।
ગ્રાસો ધરાયુતઃ પશ્ચાદ્રસઃ શક્ત્યા સમન્વિતઃ

ગ્રાસો ભૂસહિતો વિપ્ર રસો વ્યાપ્તં તતશ્ચ હૃત્ ।
દાહોનાંબુ ચ હૃત્પશ્ચાદ્રયેંઽબુમરુદન્વિતઃ

શૂન્યં ચ કેવલં ચૈવ રસશ્ચ સચરસ્થિરા ।
વિયદંબુયુતં દાહસ્ત્વગ્નિયુક્સયુતઃ શુચિઃ

ભૂમી રસાક્ષ્માસ્વયુતા પઞ્ચૈકાન્તરિતાઃ સ્થિરાઃ ।
તદન્તરિત બીજાનિ સ્વસંયુક્તાનિ પઞ્ચ વૈ

તાનિ ક્રમાજ્જ્યાસચરો રસો ભૂશ્ચ નભોયુતા ।
હંસશ્ચરયુતો દ્વિઃ સ્યાત્તતઃ પ્રાણો રસાગ્નિયુક્

શૂન્યયુગ્મં ચરયુતં હૃદ્દાહો ઽમ્બુમરુદ્યુતઃ ।
વ્યોમાગ્નિસહિતં પશ્ચાદ્રસશ્ચ મરુતા સ્થિરા

શૂન્યં સાગ્નિનભશ્ચૈવ ચરેણ સહિતં તથા ।
અંબુ પશ્ચાદ્વિયત્તસ્માન્નભશ્ચ મરુદન્વિતમ્

શૂન્યં વ્યાપ્તં ચ દદ્યુક્તં રયદાહસ્વવહ્નિભિઃ ।
હંસઃ સદાહો ઽમ્બગુરસા ચરસ્વૈઃ સંયુતો ભવેત્

હંસઃ સદાહવહ્નિસ્વૈર્યુક્તમન્ત્યમુદીરિતમ્ ।
સપ્તત્રિંશચ્છતાર્ણૈઃ સ્યાન્નિત્યા સૌભાગમાલિની

અઙ્ગાનિ મન્ત્રવર્ણૈઃ સ્યુરાદ્યેન હૃદુદીરિતમ્ ।
તતશ્ચતૃર્ભિઃ શીર્ષં સ્યાચ્છિખા ત્રિભિરુદીરિતા

ગુણવેદાક્ષરૈઃ શેષાણ્યઙ્ગાનિ ષડિતિ ક્રમાત્ ।
અરુણામરુણાકલ્પાં સુંદરીં સુસ્મિતાનનામ્

ત્રિનેત્રાં બાહુભિઃ ષડ્ભિરુપેતાં કમલાસનામ્ ।
કહ્લારપાશપુણ્ડ્રેક્ષુકોદણ્ડાન્વામબાહુભિઃ

દધાનાં દક્ષિણૈઃ પદ્મમઙ્કુશં પુષ્પસાયકમ્ ।
તથાવિધાભિઃ પરિતો યુતાં શક્તિગણૈઃ સ્તુતૈઃ

અક્ષરોક્તાભિરન્યાભિઃ સ્મરોન્માદમદાત્મભિઃ ।
એષા તૃતીયા કથિતા વનિતા જનમોહિની

ચતુર્થીં શૃણુ વિપ્રેન્દ્ર નિત્યક્લિન્નાસમાહ્વયામ્ ।
હંસસ્તુ દાહવહ્નિસ્વૈર્યુક્તઃ પ્રથમમુચ્યતે

કામેશ્વર્યાસ્તૃતીયાદિવર્ણાનામષ્ટકં ભવેત્ ।
હૃદંબુમરુતા યુક્તઃ સ એવૈકાદશાક્ષરઃ

એકાદશાક્ષરી ચેયં વિદ્યાર્ણૈરઙ્ગકલ્પનમ્ ।
આદ્યેન મન્ત્રવર્ણેન હૃદયં સમુદીરિતમ્

દ્વાભ્યાં દ્વાભ્યાં તુ શેષાણિ અઙ્ગાનિ પરિકલ્પયેત્ ।
ન્યસેદઙ્ગુષ્ઠમૂલાદિકનિષ્ઠાગ્રાન્તમૂર્દ્ધ્વગમ્

શેષં તદ્વલયે ન્યસ્ય હૃદ્દૃક્છ્રોત્રે નસોર્દ્વયોઃ ।
ત્વચિ ધ્વજે ચ પાયૌ ચ પાદયો રર્ણકાન્ન્યસેત્

અરુણામરુણાકલ્પામરુણાંશુકધારિણીમ્ ।
અરુણસ્રગ્વિલેપાં તાં ચારુસ્મેરમુખાંબુજામ્

નેત્રત્રયોલ્લસદ્વક્ત્રાં ભાલેઘર્માંબુમૌક્તિકે ।
વિરાજમાનાં મુકુટલસદર્દ્ધેન્દુશેખરામ્

ચતુર્ભિર્બાહુભિઃ પાશમઙ્કુશં પાનપાત્રકમ્ ।
અભયં બિભ્રતીં પદ્મમધ્યાસીનાં મદાલસામ્

ધ્યાત્વૈવં પૂજયેન્નિત્યક્કિન્નાં નિત્યાં સ્વશક્તિભિઃ ।
પુણ્યા ચતુર્થી ગદિતા નિત્યાક્કિન્નાહ્વયા મુને

વનિતા નવનીતસ્ય દાવિકાગ્નિર્જયાદિના ।
ભૂઃ સ્વેન યુક્તા પ્રથમં પ્રાણો દાહેન તદ્યુતઃ

રસો દાહેન તદ્યુક્તં પ્રભાદાહેન તદ્યુતા ।
જ્યા ચ દાહેન તદ્યુક્તા નિત્યાક્લિન્નાન્તગદ્વયમ્

એષા નવાક્ષરી નિત્યા ભેરુણ્ડા સર્વસિદ્ધિદા ।
પ્રણવં ઠદ્વયં ત્યક્ત્વા મધ્યસ્થૈઃ ષડ્ભિરક્ષરૈઃ

ષડઙ્ગાનિ પ્રકુર્વીત વર્ણન્યાસં તતઃ પરમ્ ।
રન્ધ્રાદ્યામુખકણ્ઠેષુ હન્નાભ્યાં ધારયદ્વયમ્

ન્યસેન્મન્ત્રાર્ણનવકં માતૃકાન્યાસપૂર્વકમ્ ।
અથ ધ્યાનં પ્રવક્ષ્યામિ દેવ્યાઃ સર્વાર્થસિદ્ધિદમ્

તપ્તકાઞ્ચનસંકાશદેહાં નેત્રત્રયાન્વિતામ્ ।
ચારુસ્મિતાં ચિતમુખીં દિવ્યાલઙ્કારભૂષિતામ્

તાટઙ્કહારકેયૂરરત્નસ્તબકમણ્ડિતામ્ ।
રસનાનૂપુરોર્મ્યાદિભૂષણૈરતિસુન્દરીમ્

પાશાઙ્કુશૌ ચર્મખઙ્ગૌ ગદાવહ્નિધનુઃશરાન્ ।
કરૈર્દધાનામાસીના પૂજાયાં મત્પસસ્થિતામ્

શક્તીશ્ચ તત્સમાકારતેજોહેતિભિરન્વિતાઃ ।
પૂજયેત્તદ્વદભિતઃ સ્મિતાસ્યા વિજયાદિકાઃ

પઞ્ચમીય સમાખ્યાતા ભેરુણ્ડાખ્યા મુનીશ્વર ।
યસ્યાઃ સ્મરણતો નશ્યેદ્ગરલં ત્રિવિધં ક્ષણાત્

યા તુ ષષ્ઠી દ્વિજશ્રેષ્ઠ સા નિત્યા વહ્નિવાસિની ।
તદ્વિધાનં શૃણુષ્વાદ્ય સાધકાનાં સુસિદ્ધિદમ્

ભેરુણ્ડાદ્યમિહાદ્યં સ્યાન્નિત્યક્લિન્નાદ્યનન્તરમ્ ।
તતોંઽબુશૂન્યે હંસાગ્નિહ્યુત્તમંબુમરુદ્યુતમ્

હૃદગ્નિના યુતં શૂન્યં વ્યાપ્તેન શુચિના ચ યુક્ ।
શૂન્યં નભઃ શક્તિયુતં નવાર્ણેયમુદાહૃતા

વિદ્યા દ્વિતીયબીજેન સ્વરાન્દીર્ઘાન્નિયોજયેત્ ।
માયાન્તાન્ષડ્ભિરેવાં ગાન્યાચરેત્સકરાઙ્ગયોઃ

નવાક્ષરાણિ વિદ્યાયા નવરન્ધ્રેષુ વિન્યસેત્ ।
વ્યાપકં ચ સમસ્તેન કુર્યાદેવાત્મસિદ્ધયે

સર્વાસ્વપિ ચ વિદ્યાસુ વ્યાપકન્યાસમાચરેત્ ।
તપ્તકાઞ્ચનસંકાશાં નવયૌવનસુન્દરીમ્

ચારુસ્મેરમુખાંભોજાં વિલસન્નયનત્રયામ્ ।
અષ્ટાભિર્બાહુભિર્યુક્તાં માણિક્યાભરણોજ્જ્વલામ્

પદ્મરાગકિરીટાંશુસંભેદારુણિતાંબરામ્ ।
પીતકૌશેયવસનાં રત્નમઞ્જીરમેખલામ્

રક્તમૌક્તિકસકંભિન્નસ્તબકાભરણોજ્જ્વલામ્ ।
રત્નાબ્જકંબુપુણ્ડ્રેક્ષુચાપપૂર્ણેન્દુમણ્ડલમ્

દધાનાં બાહુભિર્વામૈઃ કહ્લારં હેમશૃઙ્ગકમ્ ।
પુષ્પેષું માતુલિઙ્ગં ચ દધાનાં દક્ષિણૈઃ કરૈઃ

સ્વસ્વનામાભિરભિતઃ શક્તિભિઃ પરિવારિતામ્ ।
એવં ધ્યાત્વાર્ચયેદ્વહ્નિવાસિનીં વહ્નિવિગ્રહમ્

યસ્યાઃ સ્મરપતો વશ્યં જાયતે ભુવનત્રયમ્ ।
અથ યા સપ્તમી નિત્યા મહાવજ્રેશ્વરી મુને

તસ્યા વિદ્યાં પ્રવક્ષ્યામિ સાધકાનાં સુસિદ્ધિદામ્ ।
દ્વિતીયં વહ્વિવાસિન્યા નિત્યક્લિન્ના ચતુર્થકમ્

પઞ્ચમં ભગમાલાદ્યં ભેરુણ્ડાયા દ્વિતીયકમ્ ।
નિત્યક્લિન્નાદ્વિતીયં ચ તૃતીયં ષષ્ઠસપ્તમૌ

અષ્ટમં નવમં ચાપિ પૂર્વં સ્યાદન્તિમં પુનઃ ।
દ્વયમેકૈકમથ ચ દ્વયદ્વયમથ દ્વયમ્

માયયા પુટિતં કૃત્વા કુર્યાદઙ્ગાનિ ષટ્ ક્રમાત્ ।
પ્રત્યેકં શક્તિપુટુતૈર્મન્ત્રાર્ણૈર્દશભિર્ન્યસેત્

દૃક્છ્રોત્રનાસાવાગ્વક્ષોનાભિગુહ્યેષુ ચ ક્રમાત્ ।
રક્તાં રક્તાંબરાં રક્તગઙ્ઘમાલાવિભૂષણામ્

ચતુર્ભુજાં ત્રિનયનાં માણિક્યમુકુટોજ્જ્વલામ્ ।
પાશાઙ્કુશામિક્ષુચાપં દાડિમીશાયકં તથા

દધાનાં બાહુભિર્નેત્રૈર્દયાસુપ્રીતિશીતલૈઃ ।
પશ્યન્તી સાધકે અસ્ત્રષટ્કોણાબ્જમહીપુરે

ચક્રમધ્યે સુખાસીનાં સ્મેરવક્ત્રસરોરુહામ્ ।
શક્તિભિઃ સ્વસ્વરૂપાભિરાવૃતાં પીતમધ્યગામ્

સિંહાસને ઽભિતઃ પ્રેઙ્ખત્પોતસ્થાભિશ્ચ શક્તિભિઃ ।
વૃતાં તાભિર્વિનોદાનિ યાતાયાતાદિભિઃ સદા

કુર્વાણામરુણાંભોધૌ ચિન્તયેન્મન્ત્રનાયકમ્ ।
એષા તુ સપ્તમીપ્રોક્તા દૂતિં ચાપ્યષ્ટમીં શૃણુ

વજ્રેશ્વર્યાદ્યમાદ્યં સ્યાદ્વિયદગ્નિયુતં તતઃ ।
અંબુ સ્યાન્મરુતા યુક્તં ગોત્રા ક્ષ્માસંયુતા તતઃ

રયોવ્યાસેન શુચિના યુતઃ સ્યાત્તદનન્તરમ્ ।
અત્યાર્ણાં વહ્નિવાસિન્યા દૂતી નિત્યા સમીરિતાઃ

ષડ્દીર્ઘસ્વરયુક્તેન વિદ્યાયાઃ સ્યાત્ષડઙ્ગકમ્ ।
તેનૈવ પુટિતૈરર્ણૈર્ન્યસેચ્છ્રોત્રાદિપઞ્ચસુ

ષષ્ઠકં નસિ વિન્યસ્ય વ્યાપકં વિદ્યયા ન્યસેત્ ।
નિદાઘકાલમધ્યાહ્નદિવાકરસમપ્રભામ્

નવરત્નકિરીટાં ચ ત્રીક્ષણામરુણાંબરામ્ ।
નાનાભરણસંભિન્નદેહકાન્તિવિરાજિતામ્

શુચિસ્મિતામષ્ટભુજા સ્તૂયમાનાં મહર્ષિભિઃ ।
પાશં ખેટં ગદાં રત્નચષકં વામબાહુભિઃ

દક્ષિણૈરઙ્કુશં ખડ્ગં કટ્ટારં કમલં તથા ।
દધાનાં સાધકાભીષ્ટદાનોદ્યમસમન્વિતામ્

ધ્યાત્વૈવં પૃનયેદ્દેવીં દૂતીં દુર્ન્નીતિનાશિનીમ્ ।
ઇત્યેષા કથિતા તુભ્યં સમસ્તાપન્નિવારિણી

શ્રીકરી શિવતાવાસકારિણી સર્વસિદ્ધિદા ।
અથ તે નવમીં નિત્યાં ત્વરિતાં નામ નારદ

પ્રવક્ષ્યામિ યશોવિદ્યાધનારોગ્યસુખપ્રદામ્ ।
આદ્યં તુ વહ્નિવાસિન્યા દૂત્યાદિસ્તદનન્તરમ્

હંસો ધરા સ્વયં યુક્તસ્તેજશ્ચરસમન્વિતમ્ ।
વાયુઃ પ્રભાચરયુતા ગ્રાસશક્તિસમન્વિતઃ

હૃદાર યેણ દાહેન વહ્નિસ્વાષ્ટમં તથા ।
હંસઃ ક્ષ્માખંયુતો ગ્રાસશ્ચરયુક્તો દ્વિતીયકઃ

દ્વિતિર્નાદયુતા નિત્યા ત્વરિતા દ્વાદશાક્ષરી ।
વિદ્યા ચતુર્થવર્ણાદિસપ્તભિસ્ત્વક્ષરૈસ્તથા

કુર્યાદઙ્ગાનિ યુગ્માર્ણૈઃ ષટ્ક્રમેણ કરાઙ્ગયોઃ ।
શિરોલલાટકણ્ઠેષુ હૃન્નાભ્યાધારકે તથા

ઊરુયુગ્મે તથા જાનુદ્વયે જઙ્ઘાદ્વયે તથા ।
પાદયુગ્મે તથા વર્ણાન્મન્ત્રજાન્દશ વિન્યસેત્

દ્વિતીયોપાન્ત્યમધ્યસ્થૈર્મન્ત્રાર્ણૈરિતરૈરપિ ।
તારાદ્યૈઃ શૃણુ તદ્ધ્યાનં સર્વસિદ્ધિવિધાયકમ્

શ્યામવર્ણશુભાકારાં નવયૌવનશોભિતામ્ ।
દ્વિદ્વિક્રમાદષ્ટનાગૈઃ કલ્પિતાભરણોજ્જ્વલૈઃ

તાટઙ્કમઙ્ગદં તદ્વદ્રસના નૂપુરં ચ તૈઃ ।
વિપ્રક્ષત્રિયવિટ્શૂદ્રજાતિભિર્ભીમવિગ્રહૈઃ

પલ્લવાંશુકસંવીતાં શિખિપિચ્છકૃતૈઃ શુભૈઃ ।
વલયૈર્ભૂષિતભુજાં માણિક્યમુકુટોજ્જ્વલામ્

બર્હિબર્હિકૃતાપીડાં તચ્છત્રાં તત્પતાકિનીમ્ ।
ગુઞ્જાગુણલસદ્વક્ષઃ કુચકુઙ્કુમમણ્ડલામ્

ત્રિનેત્રાં ચારુવદનાં મન્દસ્મિતમુખાંબુજામ્ ।
પાશાઙ્કુશવરાભીતિલસદ્ભુજચતુષ્ટયામ્

ધ્યાત્વૈવં તોતલાં દેવીં પૂજયેચ્છક્તિભિર્વૃતામ્ ।
તદગ્રસ્થા લુ ફટ્કારી શરચાપકરોજ્જ્વલા

પ્રસીદેત્ફલદાને ચ સાધકાનાં ત્વરાન્વિતાં ।
એષા તુ નવમી નિત્યા ત્વરિતોક્તા મુનીશ્વર

વિધ્નદુઃસ્વપ્રશમની સર્વાભીષ્ટપ્રદાયિની ।
શુચિઃ સ્વેન યુતસ્ત્વાદ્યો રસાવહ્નિસમન્વિતઃ

પ્રાણો દ્વિતીયઃ સ્વયુતો વનદુચ્છક્તિભિઃ પરઃ ।
ઇતીરિતા ત્ર્યક્ષરાખ્યા નિત્યેયં કુલસુંદરી

યસ્યાઃ સ્મરણ માત્રેણ સર્વજ્ઞત્વં પ્રજાયતે ।
ત્રિભિસ્તૈરુદિતૈર્મૂલવર્ણૈઃ કુર્ય્યાત્ષડઙ્ગકમ્

આદિમધ્યાવસાનેષુ પૂજાજપવિધિક્રમાત્ ।
પ્રત્યેક તૈસ્ત્રિભિર્બીજૈર્દીર્ઘસ્વરસમન્વિતૈઃ

કુર્યાત્કરાઙ્ગવક્ત્રાણાં ન્યાસં પ્રોક્તં યથાવિધિ ।
ઊર્દ્ધ્વપ્રાગ્દક્ષિણોદક્ચ પશ્ચિમાધસ્નાગ્નભિઃ

સુવિનદ્યન્તરસ્થૈસ્તન્નદાત્મસુ યથાક્રમમ્ ।
આધારરન્ધ્રહૃત્સ્વેકં દ્વિતીયં લોચનત્રયે

તૃતીયં શ્રોત્રચિબુકે ચતુર્થં ઘ્રાણતાલુષુ ।
પઞ્ચમં ચાંસનાભીષુ તતઃ પાણિપદદ્વયે

મૂલમધ્યાગ્રતો ન્યસ્યેન્નવધા મૂલવર્ણકૈઃ ।
લોહિતાં લોહિતાકારશક્તિંબૃદનિષેવિતામ્

લોહિતાંશુકભૂષાસ્રગ્લેપનાં ષણ્મુખાંબુજામ્ ।
અનર્ધ્યરત્નઘટિતમાણિક્યમુકુટોજ્વલામ્

રત્નસ્તબકસંભિન્નલસદ્વક્ષઃસ્થલાં શુભામ્ ।
કારુણ્યાનન્દપરમા મરુણાંબુજવિષ્ટરામ્

ભુજૈર્દ્વાદશભિર્યુક્તાં સર્વેષાં સર્વવાઢ્મયીમ્ ।
પ્રવાલાક્ષસ્રજં પદ્મં કુણ્ડિકાં રત્નનિર્મિતામ્

રત્નપૂર્ણં તુ ચષકં લુઙ્ગીં વ્યાખ્યાનમુદ્રિકામ્ ।
દધાનાં દક્ષિણૈર્વામૈઃ પુસ્તકં ચારુણોત્પલમ્

હૈમીં ચ લેખનીં રત્નમાલાં કંબુવરં ભુજૈઃ ।
અભિતઃ સ્તૂયમાનાં ચ દેવગન્ધર્વકિન્નરૈઃ

યક્ષરાક્ષસદૈત્યર્ષિસિદ્ધવિદ્યાધરાદિભિઃ ।
ધ્યાત્વૈવમર્ચન્નિત્યાં વાગ્લક્ષ્મીકાન્તિસિદ્ધયે

સિતાં કેવલવાક્સિદ્ધ્યૈ લક્ષ્મ્યૈ હેમપ્રભામપિ ।
ધૂમાભાં વૈરિવિદ્વિષ્ટ્યૈ મૃતયે નિગ્રહાય ચ

નીલાં ચ મૂકીકરણે સ્મરેત્તત્તદપેક્ષયા ।
ઇત્યેષા દશમી નિત્યાપ્રોક્તા તે કુલસુન્દરી

નિત્યાનિત્યાં તુ દશમીં ત્રિકુટાં વચ્મિ સાંપ્રતમ્ ।
હંસશ્ચ હૃત્પ્રાણરસાદાહકર્ણૈઃ સમન્વિતઃ

વિદ્યયા કુલસુંદર્યા યોજિતઃ સંપ્રદાયતઃ ।
નિત્યાનિત્યત્રિવર્ણેયં ષડ્ભિઃ કૂટાક્ષરૈર્યુતા

પ્રતિલોમાદિભી રૂપૈર્દ્વિસપ્તતિભિદા મતા ।
યસ્યા ભજનતઃ સિદ્ધો નરઃ સ્યાત્ખેચરઃ સુખી

નિગ્રહાનુગ્રહૌ કર્તું ક્ષમઃ સ્યાદ્ભુવનત્રયે ।
દીર્ઘસ્વરસમેતાભ્યાં હંસહૃભ્દ્યાં ષડઙ્ગકમ્

ભ્રૂમધ્યે કણ્ઠહૃન્નાભિગુહ્યાધારેષુ ચ ક્રમાત્ ।
વિદ્યાક્ષરાણિ ક્રમશો ન્યસેદ્વિન્દુયુતાનિ ચ

વ્યાપકં ચ સમસ્તેન વિધાય વિધિના પુનઃ ।
ધ્યાયેત્સમસ્તસંપત્તિહેતોઃ સર્વાત્મિકાં શિવામ્

ઉદ્યદ્ભાસ્કરબિંબાભાં માણિક્યમુકુટોજ્જ્વલામ્ ।
પદ્મરાગકૃતાકલ્પામરુણાંશુકધારિણીમ્

ચારુસ્મિતલસદ્વક્ત્રષટ્સરોજવિરાજિતામ્ ।
પ્રતિવક્ત્રં ત્રિનયનાં ભુજૈર્દ્વાદશભિર્યુતામ્

પાશાક્ષગુણપુણ્ડ્રેક્ષુચાપખેટત્રિશૂલકાન્ ।
કરૈર્વામૈર્દધાનાં ચ અઙ્કુશં પુસ્તકં તથા

પુષ્પેષુમંબુજં ચૈવ નૃકપાલાભયે તથા ।
દધાનાં દક્ષિણૈર્હસ્તૈર્ધ્યાયેદ્દેવીમનન્યધીઃ

ઇત્યેષૈકા દશી પ્રોક્તા દ્વાદશીં શૃણુ નારદ ।
ત્વરિતોયાન્ત્યમાદ્યં સ્યાદ્યુતિદોહચરસ્વયુક્

હૃઞ્ચ દાહક્ષ્માસ્વયુતં વજ્રેશીપઞ્ચમં તથા ।
મરુત્સ્વયુક્તો મધ્યાઢ્યો દશમ્યાઃ પરતઃ પુનઃ

ભૂમી રસાક્ષ્માસ્વયુતા વજ્રેશીત્યષ્ટમઃ ક્રમાત્ ।
ષડક્ષરાણિ ત્વરિતા તૃતીયં તદનન્તરમ્

દ્યુતિર્દાહચરસ્વેન અસ્યા આદ્યમનન્તરમ્ ।
ઉક્તા નીલપતાકાખ્યા નિત્યા સપ્તદશાક્ષરી

દ્વિદ્વિપક્ષાક્ષિષડ્વર્ણૈર્મન્ત્રોત્થૈરઙ્ગકલ્પનમ્ ।
શ્રોત્રાદિનાસાયુગલે વાચિ કણ્ઠે હૃદિ ક્રમાત્

નાભાવાધારકે ઽથાપિ પાદસંધિષુ ચ ક્રમાત્ ।
મન્ત્રાક્ષરાણિ ક્રમશો ન્યસેત્સપ્તદશાપિ ચ

વ્યાપકં ચ સમસ્તેન વિદધ્યાઞ્ચ યથાવિધિ ।
ઇન્દ્રનીલનિભાં ભાસ્વન્મણિમૌલિવિરાજિતામ્

પઞ્ચવક્ત્રાં ત્રિનયનામરુણાંશુકધારિણીમ્ ।
દશહસ્તાં લસન્મુક્તામણ્યાભરણમણ્ડિતામ્

રત્નસ્તબકસંપન્નદેહાં ચારુસ્મિતાનનામ્ ।
પાશં પતાકાં ચર્માપિ શાર્ઙ્ગચાપં વરં કરૈઃ

દધાનાં વામપાર્શ્વસ્થૈઃ સર્વાભરણભૂષિતૈઃ ।
અઙ્કુશે ચ તથા શર્ક્તિ ખઙ્ગં બાણં તથાભયમ્

દધાનાં દક્ષિણૈર્હસ્તૈરાસીનાં પદ્મવિષ્ટરે ।
સ્વાકારવર્ણવેષાસ્યપાણ્યાયુધવિભૂષણૈઃ

શક્તિવૃન્દૈર્વૃતાં ધ્યાયેદ્દેવીં નિત્યાર્ચનક્રમે ।
ત્રિષટ્કોણયુતં પદ્મમષ્ટપત્રં તતો બહિઃ

અષ્ટાસ્રં ભૂપુરદ્વન્દ્વાવૃતં તત્પુરયુગ્મકમ્ ।
ચતુર્દ્વારયુતં દિક્ષુ શાખાભિશ્ચ સમન્વિતમ્

કૃત્વા નામાવૃતાં શક્તિં ગણૈસ્તત્રાર્ચયેચ્છિવામ્ ।
એષા તે દ્વાદશી નિત્યા પ્રોક્તા નીલપતાકિની

સમરે વિજયં ખઙ્ગપાદુકાઞ્જનસિદ્ધિદા ।
વેતાલયક્ષિણીચેટપિશાચાદિપ્રસાધિની

નિધાનબિલસિદ્ધાન્નસાધિની કામચોદિતા ।
અથ ત્રયોદેશીં નિત્યાં વક્ષ્યામિ શૃણુ નારદ

રસો નભસ્તથા દાહો વ્યાપ્તક્ષ્માવનપૂર્વિકા ।
ખેન યુક્તા ભવેન્નિત્યા વિજયૈકાક્ષરા મુને

વિદ્યાયા વ્યઞ્જનૈર્દીર્ઘસ્વરયુક્તૈશ્ચતુષ્ટયમ્ ।
શેષાભ્યાં ચ દ્વયં કુર્યાત્ષડઙ્ગાનિ કરાઙ્ગયોઃ

જ્ઞાનેન્દ્રિયેષુ શ્રોત્રાદિષ્વથ ચિત્તે ચ વિન્યસેત્ ।
અક્ષરાણિ ક્રમાદ્બિન્દુયુતાન્યન્યત્તુ પૂર્વવત્

પઞ્ચ વક્ત્રાં દશભુજાં પ્રતિવક્ત્રં ત્રિલોચનામ્ ।
ભાસ્વન્મુકુટવિન્યાસચન્દ્રલેખાવિરાજિતામ્

સર્વાભરણસંયુક્તાં પીતાંબરસમુજ્જ્વલામ્ ।
ઉદ્યદ્ભાસ્વદ્બિંબતુલ્યદેહકાન્તિં શુચિસ્મિતામ્

શઙ્ખં પાશં ખેટચાપૌ કહ્લારં વામબાહુભિઃ ।
ચક્રં તથાઙ્કુશં ખઙ્ગં સાયકં માતુલું ગકમ્

દધાનાં દક્ષિણૈર્હસ્તૈઃ પ્રયોગે ભીમદર્શનામ્ ।
ઉપાસનેતિ સૌમ્યાં ચ સિંહોપરિ કૃતાસનામ્

વ્યાઘ્રારૂઢાભિરભિતઃ શક્તિભિઃ પરિવારિતામ્ ।
સમરે પૂજને ઽન્યેષુ પ્રયોગેષુ સુખાસનામ્

શક્તયશ્ચાપિ પૂજાયાં સુખાસનસમન્વિતાઃ ।
સર્વા દેવ્યાઃ સમાકારમુખપાણ્યાયુધા અપિ

ચતુરસ્રદ્વયં કૃત્વા ચતુર્દ્વારોપશોભિતમ્ ।
શાખષ્ટકસમોપેતં તત્ર પ્રાગ્વત્સમર્ચયેત્

તદન્તર્વૃતયુગ્માન્તરષ્ટકોણં વિધાય તુ ।
તદન્તશ્ચ તથા પદ્મં ષોડશચ્છદસંયુતમ્

તથૈવાષ્ટચ્છદ પદ્મં વિધાયાવાહ્ય તત્ર તામ્ ।
તત્તચ્છક્ત્યા વૃતાં સમ્યગુપચારૈસ્તથાર્ચયેત્

એષા ત્રઘયોદશી પ્રોક્તા વાદેયુદ્ધે જયપ્રદા ।
ચતુર્દશીં પ્રવક્ષ્યે ઽથ નિત્યાં વૈ સર્વમઙ્ગલામ્

હૃદંબુવનયુક્તં ખં નિત્યા સ્યાત્સર્વમઙ્ગલા

એકાક્ષર્યનયા સિદ્ધો જાયતે ખેચરઃ ક્ષણાત્ ।
ષડ્દીર્ઘાઢ્યાં મૂલવિદ્યાં ષડઙ્ગેષુ પ્રવિન્યસેત્

તાં નિત્યાં જાતરૂપાભાં મુક્તામાણિક્યભૂષણામ્ ।
માણિક્યમુકુટાં નેત્રદ્વયપ્રેઙ્ખદ્દયાપરામ્

દ્વિભુજાં શાસનાં પદ્મે ત્વષ્ટષોડશતદ્દ્વયૈઃ ।
પત્રૈરુપેતે સચતુદ્વારંભૂસદ્મયુગ્મકે

માતુલુઙ્ગફલં દક્ષે દધાનાં કરપઙ્કજે ।
વામેન નિજભક્તાનાં પ્રયચ્છન્તીં ધનાદિકમ્

સ્વસમાનાભિરભિતઃ શક્તિભિઃ પરિવારિતામ્ ।
ષટ્સપ્તાતીભિરન્યાભિરપ્સરોત્થાભિરન્વિતામ્

પ્રયોગેષ્વન્યદા નિત્યં સપર્યાસૂક્તશક્તિકામ્ ।
એષા ચતુર્દશી પ્રોક્તા તથા પઞ્ચદશીં શૃણુ

ભૂઃ શૂન્યં નભસા ભૂશ્ચ રસશ્ચાથ સ્થિરાંબુ ચ ।
રયોગ્નિના યુતીજ્યાંબુમરુદ્યુક્તારસા મરુત્

નભશ્ચ મરુતા યુક્તં રસા શૂન્યે ઽપિ સંયુતે ।
ગોત્રા ચરેણ સહિતા અંબુપૂર્વાક્ષરસ્તથા

અંબ્વગ્ની હૃઞ્ચ દાહાંબુરસક્ષ્મારયહૃત્સ્વયુક્ ।
હંસશ્ચ મરુતા દાહઃ પ્રાણશ્ચ મરુતા યુતઃ

દાહઃ સાગ્નિપ્રાણચરૌ જ્યામરુત્સહિતારયઃ ।
ચરેણાંબુ ચ ગોત્રાહૃત્સાગ્નિર્જ્યાંબુરસા સ્વયુક્

રયઃ સાગ્નિર્જ્યાંબુરસા પુનરેતે જવી તતઃ ।
દાહેનાનેન તે દ્વિઃ સ્યાદ્ભસ્વો દાહમરુત્સ્વયુક્

હંસઃ સદાહવહ્નિસ્વો દાહક્ષ્માસ્વયુતશ્ચ સઃ ।
સપ્તદાહાસ્તતો ઽસ્યાઃ સ્યુરષ્ટમાદ્યાસ્તુ પઞ્ચ તે

ઉપાન્ત્યાધઃ સ્થિતં નીલપતાકાયા અનન્તરમ્ ।
ત્વરિતા ત્વં ચ ભેરુણ્ડાષ્ટમં ચ નવનં તથા

સા જ્વાલામાલિનીનિત્યા ત્રિષષ્ટ્યર્ણા સમીરિતા ।
એકદ્વયચતુઃપઞ્ચચતુષ્ટયદશાક્ષરૈઃ

કુર્યાદઙ્ગાનિ મૂલાર્ણૈરાદિતઃ ષટ્કરાઙ્ગયોઃ ।
શેષૈસ્તુ વ્યાપકં કુર્યાત્તતો ધ્યાયેત્સનાતનીમ્

જ્વલજ્જ્વલનસંકાશાં માણિક્યમુકુટોજ્જ્વલામ્ ।
ષડ્વક્ત્રાં દ્વાદશભુજાં સર્વાભરણભૂષિતામ્

પાશાઙ્કુશૌ ખઙ્ગખેટૌ ચાપબાણૌ ગદાદરૌ ।
શૂલવહ્ની વરાભીતી દધાનાં કપપઙ્કજૈઃ

સ્વપ્રમાણાભિરભિતઃ શક્તિભિઃ પરિવારિતામ્ ।
ચારુસ્મિતલસદ્વક્ત્ર સરોજાં ત્રીક્ષણાન્વતામ્

ધ્યાત્વૈવમુપચારૈસ્તૈરર્ચયેત્તાં તુ નિત્યશઃ ।
ચતુરસ્રદ્વયં કૃત્વા ચતુર્દ્વારસમન્વિતમ્

સશાખમષ્ટપત્રાબ્જમન્તરા ત્ર્યસ્રકં તતઃ ।
ષટ્કોણં મધ્યતસ્ત્ર્યસ્રં વિધાયાત્ર શિવાં જયેત્

એષા પઞ્ચદશી પ્રોક્તા ષોડશીં શૃણુ નારદ ।
વાયુપ્રણવતત્ત્વૈસ્તુ ચિત્રાસ્યાદક્ષરદ્વયા

યા સિદ્ધા ધનધાન્યાત્મનિધિલાભાય કલ્પ્યતે ।
વિદ્યાદ્યવાયુના કુર્યાદ્દીર્ઘસ્વરયુજા ક્રમાત્

ષડઙ્ગાનિ યથાપૂર્વં માતૃકાં વિદ્યયા ન્યસેત્ ।
ઉદ્યદાદિત્યબિંબાભાં નવરત્નવિભૂષણામ્

નવરત્નકિરીટાં ચ ચિત્રપટ્ટાંશુકોજ્જ્વલામ્ ।
ચતુર્ભુજાં ત્રિનયનાં શુચિસ્મિતલસન્મુખીમ્

સર્વાનન્દમયીં નિત્યાં સમસ્તેપ્સિતદાયિનીમ્ ।
ચતુર્ભુજેષુ વૈ પાશમઙ્કુશં વરદાભયે

દધાનાં મઙ્ગલાં પદ્મકર્ણિકાયોનિમધ્યગામ્ ।
તચ્છક્તિભિશ્ચ તચ્ચક્રે તથૈવાર્ચનમીરિતમ્

પ્રાણદાહૌ ધરાયુક્તો પુનરાદ્યં રસે મરુત્ ।
વ્યાસં મરુચ્છક્તિયુતં ભૂઃ સ્વયુક્તા તતસ્ત્રયમ્

અસ્યા આદ્યાં રસાયુગ્મં ચરણેન પ્રયોજિતમ્ ।
દાહેન વહ્નિશક્તિભ્યાં યુતો હંસસ્તતઃ પરમ્

નભોદિર્હૃત્સદાહાંબુજ્યા શૂન્યં સ્વેન સંયુતમ્ ।
અંબુ પશ્ચાદ્વિષયુક્તં મરુતા તુ નભોયુતમ્

શૂન્યં વ્યાપ્તં ભુવા હંસઃ પૂર્વાન્ત્યૌ સ્યાન્મનુત્રયમ્ ।
અસ્યાઃ ષષ્ઠાદિપઞ્ચાર્ણા દૈત્યાસ્યાદાદ્ય ઈરિતઃ

એકાદશાક્ષરાદન્ત્યા દ્વિતીયઃ ખણ્ડ ઈરિતઃ ।
તૃતીયઃ પઞ્ચવિંશાર્ણઃ પ્રોક્તા મન્ત્રા ઇતિ ક્રમાત્

બાલા બીજત્રયાદ્યૈર્દ્વિસ્ત્રિભિર્મન્ત્રૈઃ ષડગઙ્કમ્ ।
વિકીર્ણકુન્તલાં નગ્રાં રક્તામાનન્દવિગ્રહામ્

દધાનાં ચિન્તયેદ્બાણચાપપાશસૃણીકરૈઃ ।
તત્સમાનાયુધાકારવર્ણા દેવ્યાસ્તુ વા

ઋતુસ્રાતાઃ સ્ફુરદ્યોન્યઃ સદાનન્દારુણેક્ષણાઃ ।
ઇત્યેષા કુરુકુલ્લાન્તે પ્રોક્તા ચન્દ્રાવલીસ્વયમ્

વારાહીમભિધાસ્યામિ લલિતાયાઃ પરા તનુઃ ।
શુચિઃ સ્વેનાથ શૂન્યં સ્યાન્નભસાભ્રરસિસ્થિરા

અંબુ પશ્ચાદ્રયઃ સાગ્નિર્મરુતાંબુરયૌ તથા ।
ઇલસાયુતો ઽગ્નિરેતાનિ પુનરંબુમરુદ્યુતમ્

દાહાંબુમરુતાહંસસ્ત્વગ્નિનૈતત્ત્રયં પુનઃ ।
અમ્બુદાહૌ મરુદ્યુક્તૌ હંસો ઽથ ધરયા નભઃ

તેજોગ્નિના પુનઃ પઞ્ચ વાતઃ સ્વેન સમાયુતઃ ।
તોયં ચરેણ તત્પૂર્વં તોયમગ્નિયુતં તતઃ

શૂન્યં વ્યાપ્તેન શુચિના શૂન્યં શક્ત્યા નભો યુતમ્ ।
દાહો ધરા સ્વસહરિતસ્તોયં ચરસમન્વિતમ્

એતત્પૂર્વમધુઃ પ્રોક્તં ચતુષ્ટયમતઃ પરમ્ ।
જ્યાખ્યેન યુક્તા સચરો રભશ્ચૈતસ્ય પૂર્વકમ્

રસો ઽગ્નિના પુનઃ પ્રોક્તં ચતુષ્કા અપયં તતઃ ।
શુભોભ્રતા ચરેણાપિ હંસઃ સ્વેન સપૂર્વકમ્

હંસો ઽગ્નિના પ્રાક્ ત્રિતયં હૃદયં સ્વસમાયુતમ્ ।
રસશ્ચરેણ તત્પૂર્વમગ્નિના ચ રસો યુતઃ

પશ્ચાદુક્તસ્ત્રયં વાતો ધરયા ચ નભોન્વિતમ્ ।
પ્રાણઃ સ્વેન યુતઃ પશ્ચાદ્ધૃદયસ્વયુતં રસઃ

વ્યાપ્તમેતત્ત્રયં પશ્ચાદ્દાહેનાંબુ સમન્વિતમ્ ।
ગોત્રાભરાયુતા સ્પર્શો નાદયુક્તો જવીયુતઃ

દાહેન પૂર્વપૂર્વં ચ પૂર્વં ચ મરુતા યુતમ્ ।
શૂન્યં મરુત્સ્વસહિતં હૃદ્દાહેનાંબુના ચરઃ

સ્પર્શો મરુત્સ્વસહિતો હૃદ્દાહેનાંબુસંયુતમ્ ।
જ્યાગ્નિઃ સ્વસંયુતો હંસસ્તથાંબુ મરુતા સહ

હૃદ્રૂપ્રેણ સ્વેન યુતં રસશ્ચ સ્વેન સંયુતઃ ।
પ્રાણદાહૌ ધરાયુક્તૌ પુનસ્તૌ વહ્નિના વિયત્

વાર્દ્દાહયુક્તમંબુ સ્યાદિષષ્ટ્યાસસ્વસંયુતમ્ ।
પૂર્વદ્વિરુક્તવર્ણૌ ચ શુદ્ધિઃ સ્વેન યુતસ્તથા

સ્થિરા રસા વતસ્વેન દાવૌ હંસૌ ધરા સ્વયુક્ ।
યુતિર્નાદવતી પશ્ચાદ્ધૃદંબુમરુતા યુતમ્

હંસશ્ચ મરુતા વિદ્યઃ દશોત્તરશતાક્ષરી ।
વારાહી પઞ્ચમી વિશ્વવિજયા ભદ્રકૌમુદી

વાર્તાલીતિ ચ વિખ્યાતા સ્તંભનાદ્યખિલેષ્ટદા ।
અઙ્ગાનિ કુર્યાન્મન્ત્રાર્ણૈઃ સપ્તભિષડ્ભિરેવ ચ

દશભિઃ સપ્તભિઃ સપ્તસંખ્યૈર્જાતિભિર્દિતાઃ ।
ત્રિકોણવૃત્તષટ્કોણવૃત્તદ્વયસમન્વિતમ્

વિધાય ચક્રં તત્રૈવ સ્વનામાલિખ્યપૂજયેત્ ।
ધ્યાયેચ્ચ દેવીં કીલાસ્યાં તતઃ કાઞ્ચનસન્નિભામ્

આકણ્ઠં વનિતારૂપાં જ્વલત્પિઙ્ગસરોરુહામ્ ।
ત્રિનેત્રામષ્ટહસ્તાં ચ ચક્રં શઙ્ખમથાઙ્કુશમ્

પાશં ચ મુશલં શીર્ષમભયં વરદં તથા ।
દધાનાં ગરુડસ્કન્ધે સુખાસીનાં વિચિન્તયેત્

નિત્યપૂજાસુ તચ્છક્તીસ્તત્સમાનાઃ સ્મરેન્મુને ।
પ્રયોગેષુ સ્મરેદ્દેવીં સિંહસ્થાં વ્યાઘ્રગામપિ

ગજારૂઢાં હયારૂઢાં તર્શ્યારૂઢાં ચ શક્તિભિઃ ।
શ્યામામપ્યરુણાં પીતામસિતાંભોજવિગ્રહામ્

તત્તત્ત્પ્રયોગેષુ તથા ધ્યાયેત્તત્તદવાપ્તયે ।
અરુણાં પઞ્ચમીં વશ્યે પીતાં સ્તંભનકે સ્મરેત્

શ્યામાં ચ દુર્ગમે માર્ગે સિતાં યુદ્ધે ઽરિનષ્ટયે ।
ધૂમ્રામુચ્ચાટને ધ્યાયેત્સાધકો દ્વિજસત્તમઃ

એતાઃ ષોડશ નિત્યાસ્તે સંક્ષપાત્સમુદીરિતાઃ ।
ભજતામિષ્ટદાઃ સદ્યઃ સર્વપાપક્ષયઙ્કરાઃ