નારદ પુરાણ · અધ્યાય 1.87

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને તૃતીયપાદે યક્ષિણીમન્ત્રસાધનનિરૂપણં નામ ષડશીતિતમો ઽધ્યાયઃ
સનત્કુમાર ઉવાચ
અવતારત્રયં લક્ષ્મ્યાઃ કથિત તે દ્વિજોત્તમ ।
દુર્ગાયાશ્ચાભિધાસ્યામિ સર્વલોકોપકારકાન્

પ્રણવઃ શ્રીઃ શિવાયુગ્મં વાણીવૈરોચનીપદમ્ ।
વજ્રાદ્યં ક્ષુધિતા સૂક્ષ્મા મૃતા સ્વાગ્નીન્દુસંયુતા

પ્રતિષ્ઠાપ્ય શિવા ફટ્ ચ સ્વાહાન્તો ઽત્યષ્ટિવર્ણવાન્ ।
ભૈરવો ઽસ્ય મુનિઃ સમ્રાટ્ છન્દો મન્ત્રસ્ય દેવતા

છિન્નમસ્તા રમા બીજં સ્વાહા શક્તિરુદીરિતા ।
આં ખડ્ગાય હૃદાખ્યાતમીં ખડ્ગાય શિરઃ સ્મૃતમ્

ઓં વજ્રાય શિખા પ્રોક્તા ઐં પાશાય તનુચ્છદમ્ ।
ઔમઙ્કુશાય નેત્રં સ્યાદ્વિસર્ગો વસુરક્ષયુક્

માયાયુગ્મં ચાસ્ત્રમઙ્ગં મનવઃ પ્રણવાદિકાઃ ।
સ્વાહાન્તાશ્ચૈવમઙ્ગાનિ કૃત્વા ધ્યાયેદ્થાંબિકામ્

ભાનુમણ્ડલસંસ્થાનાં પ્રવિકીર્ણાલકં શિરઃ ।
છિન્નં સ્વકં સ્ફઆરમુખં સ્વરક્તં પ્રપિબદ્ગલત્

ઉપરિસ્થાં રતાસક્તરતિમન્મથયોર્નિજે ।
ડાકિનીવર્ણિનીસખ્યૌ દૃષ્ટ્વા મોદભરાકુલામ્

ધ્યાત્વૈવં પ્રજપેલ્લક્ષચતુષ્કં તદ્દશાંશતઃ ।
પાલાશૈર્વિલ્વજૈર્વાપિ જુહુયાત્કુસુમૈઃ ફલૈઃ

આધારશક્તિમારભ્ય પરતત્ત્વાન્તપૂજિતે ।
પીઠે જયાખ્યા વિજયા જિતા ચાપિ પરાજિતા

નિત્યા વિલાસિની ષષ્ઠી દોગ્ધ્ય ઘોરા ચ મઙ્ગલા ।
દિક્ષુ મધ્યે ચ સંપૂજ્યા નવ પીઠસ્ય શક્તયઃ

સર્વબુદ્ધિપ્રદે વર્ણનીયે સર્વભૃગુઃ સદૃક્ ।
સિદ્ધિપ્રદે ડાકિનીયે તારો વજ્રઃ સભૌતિકઃ

ખડ્ગીશો રોચનીયેન્તે ભગં ધેહિ નમોન્તકઃ ।
તારાદિપીઠમન્ત્રો ઽયં વેદરામાક્ષરો મતઃ

સમર્પ્યાસનમેતેન તત્ર સંપૂજયેચ્છિવામ્ ।
ત્રિકોણમધ્યષટ્કોણપદ્મભૂપુરમધ્યતઃ

બાહ્યાવરણમારભ્ય પૂજયેત્પ્રતિલોમતઃ ।
ભૂપુરે બાહ્યભાગેષુ વજ્રાદીનિ પ્રપૂજયેત્

તદન્તઃ સુરરાજાદીન્પૂજયેદ્ધરિતાં પતીન્ ।
ભૂપુરસ્ય ચતુર્દ્વાર્ષુ દ્વારપાલાન્યજેદથ

કરાલવિકરાલાખ્યાવતિકાલસ્તૃતીયકઃ ।
મહાકાલશ્ચતુર્થઃ સ્યાદથ પદ્મેષ્ટશક્તયઃ

એકલિઙ્ગા યોગિની ચ ડાકિની ભૈરવી તથા ।
મહાભૈરવકેન્દ્રાક્ષી ત્વસિતાઙ્ગી તુ સપ્તમી

સંહારિણ્યષ્ટમી ચેતિ ષટ્કોણેષ્વઙ્ગમૂર્તયઃ ।
ત્રિકોણગા છિન્નમસ્તા પાર્શ્વયોસ્તુ સખીદ્વયમ્

ડાકિનીવર્ણનીસંજ્ઞં તારાવાગ્ભ્યાં પ્રપૂજયેત્ ।
એવં પૂજાદિભિઃ સિદ્ધે મન્ત્રે મન્ત્રી મનોરથાન્

પ્રાપ્નુયાન્નિખિલાન્સદ્યો દુર્લભાંસ્તત્પ્રસાદતઃ ।
શ્રીપુષ્પૈર્લભતે લક્ષ્મીં તત્ફૈલશ્ચ સમીહિતમ્

વાક્સિદ્ધિં માલતીપુષ્પૈશ્ચંપકૈર્હવનાત્સુખમ્ ।
ઘૃતાક્તં છાગમાંસં યો જુહુયાત્પ્રત્યહં શતમ્

માસમેકં તુ વશગાસ્તસ્ય સ્યુઃ સર્વપાર્થિવાઃ ।
કરવીરસુમૈઃ શ્વતૈર્લક્ષસંખ્યૈર્જુહોતિ યઃ

રોગજાલં પરાભૂય સુખી જીવેચ્છતં સમાઃ ।
રક્તૌ સ્તત્સંખ્યયા હુત્વા વશયેન્મન્ત્રિણો નૃપાન્

ફલૈર્હુત્વામુયાલ્લક્ષ્મીમુદુંબરપલાશજૈઃ ।
ગોમાયુમાંસૈસ્તામેવ કવિતાં પાયસાંધસા

બન્ધૂકકુસુમૈર્ભાગ્યં કર્મિકારૈઃ સમીહિતમ્ ।
તિલતણ્ડુલહોમેન વશયેન્નિખિલાઞ્જનાન્

નારીરજોભિરાકૃષ્ટૈર્મૃગમાંસૈઃ સમીહિતમ્ ।
સ્તંભનં માહિષૈર્માંસૈઃ પઙ્કજૈઃ સઘૃતૈરપિ

ચિતાગ્નૌ પરભૃત્પક્ષૈર્જુર્હુયાદરિમૃત્યવે ।
ઉન્મત્તકાષ્ઠદીપ્તે ઽગ્નૌ તત્ફલં વાયસચ્છદૈઃ

દ્યૂતે વને નૃપદ્વારે સમરે વૈરિસંકટે ।
વિજયં લભતે મન્ત્રી ધ્યાયન્દેવીં જપન્મનુમ્

ભુક્ત્યૈ મુક્ત્યૈ સિતાં ધ્યાયેદુચ્ચાટે નીલરોચિષમ્ ।
રક્તાં વશ્યે મૃતૌ ધૂમ્રાં સ્તંભને કનકપ્રભામ્

નિશિ દદ્યાદ્બલિં તસ્યૈ સિદ્ધયે મદિરાદિના ।
ગોપનીયઃ પ્રયોગો ઽય પ્રોચ્યતે સર્વસિદ્ધિદઃ

ભૂતાહે કૃષ્ણપક્ષસ્ય મધ્યરાત્રે તમોઘને ।
સ્નાત્ત્વા રક્તામ્બરધરો રક્તમાલ્યાનુલેપનઃ

આનીય પૂજયેન્નારીં છિન્નમસ્તાસ્વરૂપિણીમ્ ।
સુન્દરીં યૌવનાક્રાન્તાં નરપઞ્ચકગામિનીમ્

સુસ્મિતાં મુક્તકબીરીં ભૂષાદાનપ્રતોષિતામ્ ।
વિવસ્ત્રાં પૂજયિત્વૈનામયુતં પ્રજપેન્મનુમ્

બલિં દત્ત્વા નિશાં નીત્વા સંપ્રેષ્ય ધનતોષિતામ્ ।
ભોજયેદ્વિવિધૈરન્નૈર્બ્રાહ્મણાન્ભોજનાદિના

અનેન વિધિના લક્ષ્મીં પુત્રાન્પૌત્રાન્ધનં યશઃ ।
નારીમાયુઃ સુખં ધર્મમિષ્ટં ચ સમવાપ્નુયાત્

તસ્યાં રાત્રૌ વ્રતં કાર્યં વિદ્યાકામેન મન્ત્રિણા ।
મનોરથેષુ ચાન્યેષુ ગચ્છેત્તાં પ્રજપન્મનુમ્

ઉષસ્યુત્થાય શય્યાયામુપવિષ્ટો જપેચ્છતમ્ ।
ષણ્માસાભ્યન્તરેમન્ત્રી કવિત્વેન જયેત્કવિમ્

શિવેન કીલિતા ચેયં તદુત્કીલનમુચ્યતે ।
માયાં તારપુટાં મન્ત્રી જપેદષ્ટોત્તરં શતમ્

મન્ત્રસ્યાદૌ તથૈવાન્તે ભવેત્સિદ્ધિપ્રદા તુ સા ।
ઉદિતા છિન્નમસ્તેયં કલૌ શીઘ્રમભીષ્ટદા

અવતારાન્તરં દેવ્યા વચ્મિ તે મુનિસત્તમ ।
જ્ઞાનામૃતારુણા શ્વેતાક્રોધિનીન્દુસમન્વિતા

શાન્તિસ્તથાવિધા ચાપિ નીચસર્ગાન્વિતાસ્તથા ।
વાગ્ભવં કામરાજાખ્યં શક્તિબીજાહ્વયં તથા

ત્રિભિર્બીજૈઃ પઞ્ચકૂટાત્મિકા ત્રિપુરભૈરવી ।
ઋષિઃ સ્યાદ્દક્ષિણામૂર્તિશ્છન્દઃ પઙ્ક્તિરુદીરિતા

દેવતા દેશિકૈરુક્તા દેવી ત્રિપુરભૈરવી ।
નાભેરાચરણં ન્યસ્ય વાગ્ભવં મન્ત્રવિત્પુનઃ

હૃદયાન્નાભિપર્યન્તં કામબીજં પ્રવિન્યસેત્ ।
શિરસો હૃત્પ્રદેશાન્તં તાર્તીયં વિન્યસેત્તતઃ

આદ્યં દ્વિતીયં કરયોસ્તાર્તીયમુભયં ન્યસેત્ ।
મૂલાધારે હૃદિ ન્યસ્ય ભૂયો બીજત્રયં ક્રમાત્

નવયોન્યાત્મકં ન્યાસં કુર્યાદ્બીજૈસ્ત્રિભિઃ પુનઃ ।
બાલોદિતપ્રકારેણ મૂર્તિન્યાસમથાચરેત્

સ્વસ્વબીજાદિકં પૂર્વં મૂર્ધ્નીશાનમનોભવમ્ ।
ન્યસેદ્વક્ત્રે તત્પુરુષં મકરધ્વજમાત્મવિત્

હૃદ્યઘોરકુમારાદિકન્દર્પ્પં તદનન્તરમ્ ।
ગુહ્યદેશે પ્રવિન્યસ્યેદ્વામદેવાદિમન્મથમ્

સદ્યોજાતં કામદેવં પાદયોર્વિન્યસેત્તતઃ ।
ઊર્દ્ધ્વંપ્રાગ્દક્ષિણોદીચ્યપશ્ચિમેષુ મુખેષુ તાન્

પ્રવિન્યસેદ્ય ધાપૂર્વ ભૃગુર્વ્યોમાગ્નિસંસ્થિતઃ ।
સદ્યાદિપઞ્ચહ્રસ્વાદ્યા બીજમેષાં પ્રકીર્તિતમ્

ષડ્દીર્ઘયુક્તેનાદ્યેન બીજેનાઙ્ગક્રિયા મતા ।
પઞ્ચબાણાંસ્તતો ન્યસ્યેન્મન્ત્રી ત્રૈલોક્યમોહનાન્

દ્રામાદ્યાં દ્રાવિણીં મૂર્ધ્નિં દ્રામાદ્યાં ક્ષોભણી પદે ।
ક્લીંવશીકરણીં વક્ત્રે ગુહ્યે બૢં બીજપૂર્વિકામ્

આકર્ષણીં હૃદિ પુનઃ સર્વાન્તભૃગુસંસ્થિતામ્ ।
સંમોહનીં ક્રમાદેવં બાણન્યાસો ઽયમીરિતઃ

ભાલભ્રૂમધ્યવદને ઘણ્ટિકાકણ્ઠહૃત્સુ ચ ।
નાભ્યધિષ્ઠાનયોઃ પઞ્ચ તારાદ્યાઃ સુભગાદિકાઃ

મસ્તકાવિધિ નાભેશ્ચ મન્ત્રિણા સુભગા ભગા ।
ભગસર્પિણ્યથ પરા ભગમાલિન્યનન્તરમ્

અનઙ્ગાનઙ્ગકુસુમા ભૂયશ્ચાનઙ્ગમેખલા ।
અનઙ્ગમદના સર્વા મદવિભ્રમમન્થરા

પ્રધાનદેવતા વર્ણભૂષણાદ્યૈરલઙ્કૃતાઃ ।
અક્ષસ્રક્પુસ્તકાભીતિવરદાઢ્યકરાંબુજાઃ

વાક્કામબ્લૂં સ્ત્રીં સરાન્તે તારાઃ પઞ્ચ પ્રકીર્તિતાઃ ।
તતઃ કુર્યાદ્ભૂષણાખ્યં ન્યાસમુક્તદિશા મુને

એવં ન્યસ્તશરીરો ઽસૌ ધ્યાયેત્ત્રિપુરભૈરવીમ્ ।
સહસ્રભાનુસંકાશામરુણક્ષૌમવાસસીમ્

શિરોમાલામસૃગ્લિપ્તસ્તનીં જપવટીં કરૈઃ ।
વિદ્યામભીતિં ચ વરં દધતીં ત્રીક્ષણાનનામ્

દીક્ષાં પ્રાપ્ય જપેન્મન્ત્રં તત્ત્વલક્ષં જિતેન્દ્રિયઃ ।
પુષ્પૈર્ભાનુસહસ્રાણિ જુહુયાદ્બહ્મવૃક્ષજૈઃ

ત્રિમધ્વક્તૈઃ પ્રસૂનૈર્વા કરવીરસમુદ્ભવૈઃ ।
પદ્મં વસુદલોપેતં નવયોન્યષ્ટકર્ણિકમ્

ઇચ્છાદિશક્તિભિર્યુક્તં ભૈરવ્યાઃ પીઠમર્ચયેત્ ।
ઇચ્છા જ્ઞાના ક્રિયા પશ્ચાત્કામિની કામદાયિની

રતિપ્રિયા મદાનન્દા નવમી સ્યાન્મનોન્મની ।
વરદાભયધારિણ્યઃ સંપ્રોક્તા નવ શક્તયઃ

વાગ્ભવં લોહિતો રાયૈ શ્રીકણ્ઠો લોહિતો ઽનલઃ ।
દીર્ઘવાન્યૈ પરા પશ્ચાદપરાયૌ હસૌ યુતઃ

સદાશિવમહાપ્રેતઙેંતં પદ્માસનં નમઃ ।
અનેન મનુના દદ્યાદાસનં શ્રીગુરુક્રમમ્

પ્રાઙ્મધ્યયોન્યન્તરાલે પૂજયેત્કલ્પયેત્તતઃ ।
પઞ્ચભિઃ પ્રણવૈર્મૂર્તિં તસ્યામાવાહ્ય દેવતામ્

પૂજયેદગમોક્તેન વિધાનેન સમાહિતઃ ।
તારાવાક્છક્તિકમલા હસખૂફ્રેં હસૌઃ સ્મૃતાઃ

વામકોણે યજેદ્દેવ્યા રતિમિન્દુસમપ્રભામ્ ।
સૃણિપાશધરાં સૌમ્યાં મદવિભ્રમવિહ્વલામ્

પ્રીતિં તક્ષિણકોણસ્થાં તપ્તકાઞ્ચનસન્નિભામ્ ।
અઙ્કુશં પ્રણતં દોભ્યાં ધારયન્તીં સમર્ચયેત્

અગ્રે મનોભવાં રક્તાં રક્તપુષ્પાદ્યલઙ્કૃતામ્ ।
ઇક્ષુકાર્મુકપુષ્પેષુધારિણીં સસ્મિતાનનામ્

અઙ્ગાન્યભ્યર્ચયેત્પશ્ચાદ્યથાપૂર્વં વિધાનવિત્ ।
દિક્ષ્વગ્રે ચ નિજૈર્મન્ત્રૈઃ પૂજયેદ્બાણદેવતાઃ

હસ્તાબ્જૈર્ધૃતપુષ્પેષુપ્રણામામૃતસપ્રભાઃ ।
અષ્ટયોનિષ્વષ્ટશક્તીઃ પૂજયેત્સુભગાદિકાઃ

માતરો ભૈરવાઙ્કસ્થા મદવિભ્રમવિહ્વલાઃ ।
અષ્ટપત્રેષુ સંપૂજ્યા યથાવત્કુસુમાદિભિઃ

લોકપાલાંસ્તતો દિક્ષુ તેષામસ્ત્રાણિ તદ્બહિઃ ।
પૂર્વજન્મકૃતૈઃ પુણ્યૈર્જ્ઞાત્વૈનાં પરદેવતામ્

યો ભજેદુક્તમાર્ગેણ સ ભવેત્સંપદાં પદમ્ ।
એવં સિદ્ધમનુર્મન્ત્રી સાધયેદિષ્ટમાત્મનઃ

જુહુયાદરુણાંભોઞ્જૈરદોષૈર્મધુરાપ્લુતૈઃ ।
લક્ષસંખ્યં તદર્દ્ધં વા પ્રત્યહં ભોજયેદ્દ્વિજાન્

વનિતા યુવતી રમ્યાઃ પ્રીણયેદ્દેવતાધિયા ।
હોમાન્તે ધનધાન્યાદ્યૈસ્તોષયેદ્ગુરુમાત્મનઃ

એવં કૃતે જગદ્વશ્યો રમાયા ભવનં ભવેત્ ।
રક્તોત્પલૈસ્ત્રિમધ્વક્તૈરરુણૈર્વા હયારિજૈઃ

પુષ્પૈઃ પયોન્નૈઃ સઘૃતૈર્હેમાદ્વિશ્વં વશં નયેત્ ।
વાક્સિદ્ધં લભતે મન્ત્રી પલાશકુસુમૈર્હુતૈઃ

કર્પૂરાગુરુસંયુક્તં ગુગ્ગુલં જુહુયાત્સુધીઃ ।
જ્ઞાનં દિવ્યમવાપ્નોતિ તેનૈવ સ ભવેત્કવિઃ

ક્ષીરાક્તૈરમૃતાખણ્ડૈર્હેમઃ સર્વાપમૃત્યુજિત્ ।
દૂર્વાભઘિરાયુષે હોમઃ ક્ષીરાક્તાભિર્દિનત્રયમ્

ગિરિકર્ણીભવૈઃ પુષ્પૈર્બ્રાહ્મણાન્વશયેદ્ધુતૈઃ ।
કહ્લારૈઃ પાર્થિવાન્પુષ્પૈસ્તદ્વધૂઃ કર્ણિકારજૈઃ

મલ્લિકાકુસુમૈર્હુત્વા રાજપુત્રાન્વશં નયેત્ ।
કોરણ્ટકુસુમૈર્વૈંશ્યાન્વૃષલાન્પાટલોદ્ભવૈઃ

અનુલોમાં વિલોમાન્તસ્થિતસાધ્યાહ્વયાન્વિતમ્ ।
મન્ત્રમુચ્ચાર્ય જુહુયાન્મન્ત્રી મધુરલોલિતૈઃ

સર્ષપૈર્મધુસંમિશ્રૈર્વશયેત્પાર્થિવાન્ ક્ષણાત્ ।
અનેનૈવ વિધાનેન તત્પત્નીસ્તત્સુતાનપિ

જાતિબિલ્વભવૈઃ પુષ્પૈર્મધુરત્રયસંયુતૈઃ ।
નરનારીનરપતીન્હોમેન વશયેત્ક્રમાત્

માલતીબકુલોદ્ભૂતૈઃ પુષ્પૈશ્ચન્દનલોલિતૈઃ ।
જુહુયાત્કવિતાં મન્ત્રી લભતે વત્સરાન્તરે

મધુરત્રઘયસંયુક્તૈઃ ફલૈર્બિલ્વસમુદ્ભવૈઃ ।
જુહુયાદ્વાશયેલ્લોકં શ્રિયં પ્રાપ્નોતિ વાઞ્છિતામ્

સાજ્યમન્નં પ્રજુહુયાદ્ભવેદન્નસમૃદ્ધિમાન્ ।
કસ્તૂરીકુઙ્કુમોપેતં કર્પૂરં જુહુયાદ્વશી

કન્દર્પાદધિકં સદ્યઃ સૈન્દર્યમધિગચ્છતિ ।
લાજાન્પ્રજુહુયાન્મન્ત્રી દધિક્ષીરમધુપ્લુતાન્

વિજિત્ય રોગાનખિલાન્સ જીવેચ્છરદાં શતમ્ ।
પાદદ્વયં મલયજં પાદં કુઙ્કુમકેસરમ્

પાદં ગોરોચનાન્તાનિ ત્રીણિ પિષ્ટ્વાહિમાંભસા ।
વિદધ્યાત્તિલકં ભાલે યાન્પશ્યેદ્યૈર્વિલોક્યતે

યાન્સ્પૃશેત્સ્પૃશ્યતે યૈર્વા વશ્યાઃ સ્યુસ્તસ્ય તે ઽચિરાત્ ।
કર્પૂરકપિચોરાણિ સમભાગાનિ કલ્પયેત્

ચતુર્ભુજા જટામાંસી તાવતી રોચના મતા ।
કુઙ્કુમં સમભાગં સ્યાદ્દિગ્ભાતં ચન્દનં મતમ્

અગુરુર્નવભાગં સ્યાદિતિભાગક્રમેણ ચ ।
હિમાદ્ભિઃ કન્યયા પિષ્ટમેતત્સર્વં સુસાધિતમ્

આદાય તિલકં ભાલે કુર્ય્યાદ્ભૂમિપતીન્નરાન્ ।
વનિતામદગર્વાઢ્યા મદોન્મત્તાન્મતન્દજાન્

સિંહવ્યાઘ્રાન્મહાસર્પાન્ભૂતવેતાલરાક્ષસાન્ ।
દર્શનાદેવ વશયેત્તિલકં ધારયન્નરઃ

ઇત્યેષા ભૈરવી પ્રોક્તા હ્યવતારાન્તરં શૃણુ ।
વાઙ્માયા કમલા તારો નમોન્તે ભગવત્યથ

શ્રીમાતઙ્ગેશ્વરિ વદેત્સર્વજનમનોહરિ ।
સર્વાદિસુખરાજ્યન્તે સર્વાદિસુખરઞ્જની

સર્વરાજવશં પશ્ચાત્કરિસર્વપદં વદેત્ ।
સ્ત્રીપુરુષવશં સૃષ્ટિવિદ્યાક્રોધિનિકાન્વિતા

સર્વં દુષ્ટમૃગવશં કરિસર્વપદં તતઃ ।
સર્વસત્ત્વવશઙ્કરિસર્વલોકં તતઃ પરમ્

અમુકં મે વશં પશ્ચાદાનયાનલસુન્દરી ।
અષ્ટાશીત્યક્ષરો મન્ત્રો મુન્યાદ્યા ભૈરવીગતાઃ

ન્યાસાન્મન્ત્રી તનૌ કુર્યાદ્વક્ષ્યમાણાન્યથાક્રમમ્ ।
શિરોલલાટભ્રૂમધ્યે તાલુકણ્ઠગલોરસિ

અનાહતે ભુજદ્વન્દ્વે જઠરે નાભિમણ્ડલે ।
સ્વાધિષ્ઠાને ગુપ્તદેશે પાદયોર્દક્ષવામયોઃ

મૂલાધારે ગુદે ન્યસ્યેત્પદાન્યષ્ટાદશ ક્રમાત્ ।
ગુણૈકદ્વિચતુઃ ષડ્ભિર્વસુપર્વનવાષ્ટભિઃ

નન્દપઙ્ક્ત્યષ્ટવેદાગ્નિચન્દ્રયુગ્મગુણા ક્ષિભિઃ ।
યદુકૢપ્તિરિયં પ્રોક્તા મન્ત્રવર્ણૈર્યથાક્રમમ્

રત્યાદ્યા મૃલહૃદયભ્રુમધ્યેષુ વિચક્ષણઃ ।
વાક્શક્તિલક્ષ્મીબીજાદ્યા માતઙ્ગ્યન્તાઃ પ્રવિન્યસેત્

શિરોવદનહૃદ્ગુહ્યપાદેષુ વિધિના ન્યસેત્ ।
હૃલ્લેખાં ગગનાં રક્તાં ભૂયો મન્ત્રી કરાલિકામ્

મહોચ્છુષ્માં સ્વનામાદિવર્ણબીજપુરઃ સરાઃ ।
માતઙ્ગ્યન્તાઃ ષડઙ્ગાનિ તતઃ કુર્વીત સાધકઃ

વર્ણૈશ્ચતુર્વિંશતિભિર્હૃત્ત્રયોદશભિઃ શિરઃ ।
શિખાષ્ટાદશભિઃ પ્રોક્તા વર્મ તાવદ્ભિરક્ષરૈઃ

સ્યાત્ત્રયોદશભિર્નેત્રં દ્વાભ્યામસ્ત્રં પ્રકીર્તિતમ્ ।
બાણન્યાસં તતઃ કુર્યાદ્ભૈરવીપ્રોક્તવર્ત્મના

માતઙ્ગીપદયોશ્ચાન્યં મન્મથાન્વદનાંશયોઃ ।
પાર્સ્વકટ્યોર્નાભિદેશે કટિપાર્શ્વાંશકે પુનઃ

બીજત્રયાદિકાન્મન્ત્રી મન્મથં મકરધ્વજમ્ ।
મદનં પુષ્પધન્વાનં પઞ્ચમં કુસુમાયુધમ્

ષષ્ઠં કન્દર્પનામાનં મનોભવરતિપ્રિયૌ ।
માતઙ્ગ્યન્તાસ્તતો ન્યસ્યેત્સ્થાનેષ્વેતેષુ મન્ત્રવિત્

કુસુમા મેખલા ચૈવ મદના મદના તુરા ।
મદનવેગા સમ્ભવા ચ ભુવનપાલેન્દુરેખિકા

અનઙ્ગપદપૂર્વાશ્ચ માતઙ્ગ્યન્તાઃ સમીરિતાઃ ।
વિન્યસ્તવ્યાસ્તતો મૂલે ઽધિષ્ઠાને મણિપૂરકે

હૃત્કણ્ઠાસ્યે ભ્રુવોર્મધ્યે મસ્તકે ચાપિ મત્રિણા ।
આદ્યે લક્ષ્મીસરસ્વત્યૌ રતિઃ પ્રીતિશ્ચ કૃત્તિકા

શાન્તિઃ પુષ્ટિઃ પુનસ્તુષ્ટિમાર્તગંપદશેખરા ।
મૂલમન્ત્રં પૃથઙ્ન્યસ્યેન્નિજમૂર્દ્ધનિ મન્ત્રવિત્

આધારદેશે ઽધિષ્ઠાને નાભૌ પશ્ચાદનાહતે ।
કણ્ઠદેશે ભ્રવોર્મધ્યે બિન્દૌ ભૂયઃ કલા પદોઃ

નિરોધિકાયામર્દ્ધેન્દુનાદે નાદાન્તયોઃ પુનઃ ।
ઉન્નતાંસેષુ વક્ત્રે ચ ધ્રુવમણ્ડલકે શિવે

માતઙ્ગ્યન્તાઃ પ્રવિન્યસ્યે દ્વામાં જ્યેષ્ઠમતઃ પરમ્ ।
રૌદ્રીં પ્રશાન્તાં શ્રદ્ધાખ્યાં પુનર્માહેશ્વરીમથ

ક્રિયાશક્તિં સુલક્ષ્મીં ચ સૃષ્ટિં સંજ્ઞાં ચ મોહિનીમ્ ।
પ્રમથાશ્વાસિનીં વિદ્યુલ્લતાં ચિચ્છક્તિમપ્યથ

તતશ્ચ સુન્દરીં નિન્દાં નન્દબુદ્ધિમિમાઃ ક્રમાત્ ।
શિરોભાલહૃદાધારેષ્વેતા બીજત્રયાધિકાઃ

માતઙ્ગ્યાદ્યાઃ પ્રવિન્યસ્યેદ્યથાવદ્દેશિકોત્તમઃ ।
માતઙ્ગીં મહદાદ્યાં તાં મહાલક્ષ્મીપદાદિકામ્

સિદ્ધલક્ષ્મીપદાદ્યાં ચ મૂલમાધારમણ્ડલમ્ ।
ન્યસેત્તેનૈવ કુર્વીત વ્યાપકં દેશિકોત્તમઃ

એવં ન્યસ્તશરીરો ઽસૌ ચિન્તયેન્મન્ત્રદેવતામ્ ।
શ્યામાં શુકોક્તિં શૃણ્વન્તીં ન્યસ્તૈકાઙ્ઘ્રિશિરોરુહામ્

શશિખણ્ડધરાં વીણાં વાદયન્તીં મધૂન્મદામ્ ।
રક્તાંશુકાં ચ કહ્લારમાલાશોભિતચૂલિકામ્

શઙ્ખપત્રાં તુ માતઙ્ગીં ચિત્રકોદ્ભાસિમસ્તકામ્ ।
અયુતં પ્રજપેન્મન્ત્રં તદ્દશાંશં મધૂકજૈઃ

પુષ્પૈસ્ત્રિમધુરોપેતૈર્જુહુયાન્મન્ત્રસિદ્ધયે ।
ત્રિકોણકર્ણિકં પદ્મમષ્ટપત્રં પ્રકલ્પયેત્

અષ્ટપત્રાવૃતં બાહ્યે વૃતં ષોડશભિર્દલૈઃ ।
ચતુરસ્રીકૃતં બાહ્યે કાન્ત્યા દૃષ્ટિમનોહરમ્

એતસ્મિન્પૂજયેત્પીઠે નવશક્તીઃ ક્રમાદિમાઃ ।
વિભૂતિપૂર્વાઃ પૂર્વોક્તા માતઙ્ગીપદપશ્ચિમાઃ

સર્વાન્તે શક્તિકમલાસનાય નમ ઇત્યથ ।
વાક્સત્યલક્ષ્મી બીજાદ્ય ઉક્તઃ પીઠાર્ચને મનુઃ

મૂલેન મૂર્તિં સંકલ્પ્ય તસ્યામાવાહ્ય દેવતામ્ ।
અર્ચયેદ્વિધિનાનેન વક્ષ્યમાણેન મન્ત્રવિત્

રત્યાદ્યાસ્ત્રિષુ કોણેષુ પૂજયેત્પૂર્વવત્સુધીઃ ।
હૃહૃલ્લેખાઃ પઞ્ચપૂજ્યા મધ્યે દિક્ષુ ચ મન્ત્રિણા

પાશાઙ્કુશાભયાભીષ્ટધારિણ્યો ભૂતસપ્રભાઃ ।
અઙ્ગાનિ પૂજયેત્પશ્ચાદ્યથાપૂર્વં વિધાનવિત્

બાણાનભ્યર્ચયેદ્દિક્ષુ પઞ્ચમં પુરતો યજેત્ ।
દલમધ્યે ઽથ સંપૂજ્યા અનઙ્ગકુસુમાદિકાઃ

પાશાઙ્કુશાભયાભીષ્ટધારિણ્યો ઽરુણવિગ્રહાઃ ।
પત્રાગ્રેષુ પુનઃ પૂજ્યા લક્ષ્મ્યાદ્યા વલ્લકીકરાઃ

બહિરષ્ટદલેષ્વર્ચ્યા મન્મથાદ્યા મદોદ્ધતાઃ ।
અપરાઙ્ગા નિષઙ્ગાદ્યાઃ પુષ્પાસ્ત્રેષુધનુર્દ્ધરાઃ

પત્રસ્થા માતરઃ પૂજ્યા બ્રાહ્માદ્યાઃ પ્રોક્તલક્ષણાઃ ।
તદગ્રેષ્વર્ચયેદ્વિદ્વાનસિતાઙ્ગાદિભૈરવાન્

પુનઃ ષોડશ પત્રેષુ પૂજ્યાઃ ષોડશ શક્તયઃ ।
વામાદ્યાઃ કલવીણાભિર્ગાયન્ત્યઃ શ્યામવિગ્રહાઃ

ચતુરસ્રે ચતુર્દિક્ષુ ચતસ્રઃ પૂજયેત્પુનઃ ।
માતઙ્ગ્યાદ્યામદોન્મત્તા વીણોલ્લસિતપાણયઃ

આગ્નેયકોણે વિઘ્નેશં દુર્ગાં નૈશાચરેઃ યજેત્ ।
વાયવ્યે બટુકાન્ પશ્ચાદીશાને ક્ષેત્રપં યજેત્

લોકપાલા બહિઃ પૂજ્યા વજ્રાદ્યૈરાયુધૈઃ સહ ।
મન્ત્રે ઽસ્મિન્સંધિતે મન્ત્રી સાધયેદિષ્ટમાત્મનઃ

મલ્લિકાજાતિપુન્નાગૈર્હેમાદ્ભાગ્યાલયો ભવેત્ ।
ફલૌર્બિલ્યસમુદ્ભૂતૈસ્તત્પત્રૈર્વા હુતાદ્ભવેત્

રાજપુત્રસ્ય રાજ્યાપ્તિઃ પઙ્કજૈઃ શ્રિયમાપ્નુયાત્ ।
ઉત્પલૈર્વશયેદ્વિશ્વં ક્ષારૈર્મધ્વાશ્રિતૈઃ સ્ત્રિયમ્

વઞ્જુલસ્ય સમિદ્ભોમો વૃષ્ટિં વિતનુતે ઽચિરાત્ ।
ક્ષીરાક્તૈરમૃતાખણ્ડૈર્હેમાન્નાશયતિ જ્વરમ્

દૂર્વાભિરાયુરાપ્નોતિ તન્દુલૈર્ધનવાન્ભવેત્ ।
કદંબૈર્વશ્યમાપ્નોતિ સર્વં ત્રિમધુરપ્લુતમ્

નન્દ્યાવર્તભવૈઃ પુષ્પૈર્હેમો વાક્સિદ્ધિદાયકઃ ।
નિંબપ્રસૂનૈર્જુહુયાદીપ્સિતશ્રીસમૃદ્ધયે

પલાશકુસુમૈર્હેમાત્તેજસ્વી જાયતે નરઃ ।
ચન્દનાગુરુકસ્તૂરી ચન્દ્રકુઙ્કુમરોચનાઃ

વશ્યાય ચ પ્રિયત્વાય હુતાશ્ચ તિલકીકૃતાઃ ।
નિર્ગુણ્ડીમૂલહોમેન નિગડાન્મુચ્યતે નરઃ

નિંબતૈલાન્વિતૈર્લોણૈર્હેમઃ શત્રુવિનાશનઃ ।
હરિદ્રાચૂર્ણસંમિશ્રૈર્લવણૈઃ સ્તંભયેજ્જગત્

માતઙ્ગીસિદ્ધવિદ્યૈષા પ્રોક્તા તે દ્વિજસત્તમ ।
અવતારાન્તરં ભૂયો વર્ણયામિ નિશામય

દીપકાપ્રીતિચન્દ્રાઢ્યા દ્વિધા ચેદ્રઞ્જિતાપુનઃ ।
વતિવહ્નિપ્રિયામન્ત્રો ધૂમાવત્યા ગજાક્ષરઃ

પિપ્પલાદો મુનિશ્છન્દો નિવૃદ્ધૂમાવતીશ્વરી ।
બીજેન ષડ્દીર્ઘજાતિયુક્તેન પરિકલ્પયેત્

તતો ધૂમાવતીં ધ્યાયેચ્છત્રુનિગ્રહકારિણીમ્ ।
વિવર્ણાં ચઞ્ચલાં દુષ્ટાં દીર્ઘાં ચ મલિનાંબરામ્

વિમુક્તકુન્તલાં સૂક્ષ્માં વિધવાં વિરલદ્વિજામ્ ।
કઙ્કધ્વજરથારૂઢાં પ્રલંબિતપયોધરમ્

સૂર્યહસ્તાં નિરુક્ષાઙ્કધૃતહસ્તાંબરાન્વિતામ્ ।
પ્રવૃદ્ધલોમાં તુ ભૃશં કુટિલાકુટિલેક્ષણામ્

ક્ષુત્પિપાસાર્દિતાં નિત્યં ભયદાં કલહપ્રિયામ્ ।
એવંવિધાં તુ સંચિન્ત્ય નમઃ સ્વાહા ફડન્તકમ્

બીજં સાધ્યોપરિ ન્યસ્ય તસ્મિન્સ્થાપ્ય શવં જપેત્ ।
અવષ્ટભ્ય શવં શત્રુનામ્નાથ પ્રજપેન્મનુમ્

સોષ્ણીષકઞ્ચુકો વિદ્વાન્કૃષ્ણે ભૂતે દિવાનિશમ્ ।
ઉપવાસી શ્મશાને વા વિપિને શૂન્યમન્દિરે

મન્ત્રસ્ય સિદ્ધ્યૈ યતવાગ્ધ્યાયન્દેવીં નિરન્તરમ્ ।
સહસ્રાદૂર્દ્ધૂતઃ શત્રુર્જ્વરેણ પરિગૃહ્યતે

પઞ્ચગવ્યેન શાન્તિઃ સ્યાજ્જ્વરસ્ય પયસાપિ વા ।
મન્ત્રાદ્યા ક્ષરમાલિખ્ય શત્રૂનામ તતઃ પરમ્

દ્વિતીયં મનુવર્ણં ચ શત્રુનામૈવમાલિખેત્ ।
સર્વં મનુદિક્સહસ્રજપાચ્છવમૃતિર્ભવેત્

દગ્ધ્વા કઙ્કં શ્યશાનાગ્નૌ તદ્ભસ્માદાય મન્ત્રવિત્ ।
વિરોધિનામ્નાષ્ટશતં જપ્તમુચ્ચાટનં રિપોઃ

શ્મશાનભસ્મના કૃત્વા શવં તસ્યોપરિ ન્યસેત્ ।
વિરોધિનામસંરુદ્ધં કૃષ્ણે પક્ષે સમુચ્ચરેત્

મહિષીક્ષીરધૂપં ચ દદ્યાચ્છત્રુવિપત્કરમ્ ।
એવં સંક્ષેપતઃ પ્રોક્તં અવતારચતુષ્ટયમ્

દુર્ગાયા જગદંબાયાઃ કિં પુનઃ પ્રષ્ટુમિચ્છસિ