નારદ પુરાણ · અધ્યાય 1.86

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને તૃતીયપાદે યક્ષિણીમન્ત્રભેદનિરૂપણં નામ પઞ્ચાશીતિતમો ઽધ્યાયઃ
સનત્કુમાર ઉવાચ
સરસ્વત્યવતારાસ્તે કથિતાઃ સિદ્ધિદા નૃણામ્ ।
અથ લક્ષ્મ્યવતારાંસ્તે વક્ષ્યે સર્વાર્થસિદ્ધિદાન્

વાણીમન્મથશક્ત્યાખ્યં બીજત્રિતયમીરિતમ્ ।
ઋષિઃ સ્યાદ્દક્ષિણામૂર્તિઃ પઙ્ક્તિશ્છન્દઃ પ્રકીર્તિતમ્

દેવતા ત્રિપુરા બાલા મધ્યાન્તે શક્તિબીજકે ।
નાભેરાપાદમાદ્યં તુ નાભ્યન્તં હૃદયાત્પરમ્

મૃર્ધ્નો હ્રદન્તં તર્તીયં ક્રમાદ્દેહેષુ વિન્યસેત્ ।
આદ્યં વામકરે દક્ષકરે તદુભયોઃ પરમ્

પુનર્બીજત્રયં ન્યસ્ય મૂર્ધ્નિ ગુહ્યે ચ વક્ષસિ ।
નવ યોન્પાભિધં ન્યાસે નવકૃત્વો મનું ન્યસેત્

કર્ણયોશ્ચિબુકે ન્યસ્યેચ્છઙ્ખયોર્મુખપઙ્કજે ।
નેત્રયોર્નાસિકાયાં ચ સ્કન્ધયોરુદરે તથા

ન્યસેત્કૂર્પરયોર્નાભૌ જાનુનોર્લિઙ્ગમસ્તકે ।
પાદયોરપિ ગુહ્યે ચ પાર્શ્વયોર્હૃદયે પુનઃ

સ્તનયોઃ કણ્ઠદેશે ચ વામાઙ્ગાદિષુ વિન્યસેત્ ।
વાગ્ભવાદ્યાં રતિં ગુહ્યે પ્રીતિમત્યાદિકાં હૃદિ

કામબીજાદિકાન્પશ્યેદ્ભૂમધ્યે તુ મનોભવામ્ ।
પુનર્વાગકાત્મમાદ્યાસ્તિસ્રએવ ચ વિન્યસેત્

અમૃતેશીં ચ યોગેશીં વિશ્વયોનિં તૃતીયકામ્ ।
મૂર્ધ્નિં વક્ત્રે હૃદિ ન્યસ્યેદ્ગુહ્યે ચરણયોરપિ

કામેશી પઞ્ચબીજાઢ્યાં સ્મરાત્પઞ્ચન્યસેત્ક્રમાત્ ।
માયાકામૌ ચ વાગ્લક્ષ્મી કામેશી પઞ્ચબીજકમ્

મનોભવશ્ચ મકરધ્વજકન્દર્પમન્મથાઃ ।
કામદેવઃ સ્મરઃ પઞ્ચ કીર્તિતાન્યાસસિદ્ધિદાઃ

શિરઃપન્મુખાગુહ્યેષુ હૃદયે બાણદેવતાઃ ।
દ્રાવિણ્યાદ્યાઃ ક્રમાન્ન્યસ્યેદ્વાણેશીબીજપૂર્વકઃ

દ્રાન્દ્રીં ક્લીઞ્જૂંસ ઇતિ વૈબાણેશબીજકં ચ કમ્ ।
દ્રાવિણી ક્ષોભિણી વશીકરણ્યાઙ્કર્ષણી તથા

સંમોહની ચ બાણાનાં દેવતાઃ પઞ્ચ કીર્તિતાઃ ।
તાર્તીયવાગ્મધ્યગેન કામેન સ્યાત્ષડઙ્ગકમ્

ષડ્દીર્ઘસ્વરયુક્તેન તતો દેવીં વિચિન્તયેત્ ।
ધ્યાયેદ્રક્તસરોજસ્થાં રક્તવસ્ત્રાં ત્રિલોચનમ્

ઉદ્યદર્કનિભાં વિદ્યાં માલાભયવરોદ્વહામ્ ।
લક્ષત્રયં જપેન્મન્ત્રં દશાંશં કિંશુકોદ્ભવૈઃ

પુષ્પૈર્હયારિજૈર્વાપિ જુહુયાન્મધુરાન્વિતૈઃ ।
નવયોન્યાત્મકં યન્ત્રં બહિરષ્ટદલાવૃતમ્

કેસરેષુ સ્વરાન્ન્યસ્યેદ્વર્ગાનષ્ટૌદલેષ્વપિ ।
દલાગ્રેષુ ત્રિશૂલાનિ પદ્મ તુ માતૃકાવૃતમ્

એવં વિલિખિતે યન્ત્રે પીઠશક્તીઃ પ્રપૂજયેત્ ।
ઇચ્છા જ્ઞાના ક્રિયા ચૈવ કામિની કામદાયિની

રતી રતિપ્રિયા નન્દા મનોન્મન્યપિ ચોદિતાઃ ।
પીઠશક્તીરિમા ઇષ્ટ્વા પીઠં તન્મનુના દિશેત્

વ્યોમપૂર્વે તુ તાર્તીયં સદાશિવમહાપદમ્ ।
પ્રેતપદ્માસનં ઙેંતં નમોન્તઃ પીઠમન્ત્રકઃ

ષોડશાર્ણસ્તતો મૂર્તૌં કૢપ્તાયાં મૂલમન્ત્રતઃ ।
આવાહ્ય પ્રજપેદ્દેવીમુપચારૈઃ પૃથગ્વિધૈઃ

દેવીમિષ્ટ્વા મધ્યયોનૌ ત્રિકોણે રતિપૂર્વિકામ્ ।
વામકોણે રતિં દક્ષે પ્રીતિમગ્રે મનોભવામ્

યોન્યન્તર્વહ્નિકોણાદવઙ્ગાન્યગ્નેર્વિદિક્ષ્વપિ ।
મધ્યયોમેર્હહિઃ પૂર્વાદિષુ ચાગ્રે સ્મરાનપિ

વાણદેવીસ્તદ્વદેવ શક્તીરષ્ટસુ યોનિષુ ।
સુભગાખ્યા ભાગા પશ્ચાત્તૃતીયા ભગસર્પિણી

ભગમાલા તથાનઙ્ગા નગાદ્યા કુસુમાપરા ।
અનઙ્ગમેખલાનઙ્ગમદનેત્યષ્ટશક્તયઃ

પદ્મકેશરગા બ્રાહ્મી મુખાઃ પત્રેષુ ભૈરવાઃ ।
દીર્ઘાદ્યા માતરઃ પૂજ્યા હ્રસ્વાદ્યાશ્ચાષ્ટભૈરવાઃ

દલાગ્રેષ્વષ્ટપીઠાનિ કામરૂપાખ્યમાદિમમ્ ।
મલયં કોલ્લગિર્ય્યાખ્યં ચૌહારાખ્યં કુલાન્તકમ્

જાલન્ધરં તથોન્નાસં કોટપીઠમથાષ્ટમમ્ ।
ભૂગૃહે દશદિક્ષ્વર્ચેદ્ધેતુકં ત્રિપુરાન્તકમ્

વૈતાલમગ્નિ જિહ્વં ચ કમલાન્તકાલિનૌ ।
એકપાદં ભીમરૂપં વિમલં હાટકેશ્વરમ્

શક્રાદ્યાનાયુધૈઃ સાર્દ્ધં સ્વસ્વદિક્ષુ સમર્ચયેત્ ।
તદ્બહિર્દિક્ષુ બટુકં યોગિનીં ક્ષેત્રનાયકમ્

ગણેશં વિદિશાસ્વર્ચેદ્વસૂન્સૂર્યાચ્છિવાંસ્તથા ।
ભૂતાંશ્ચેત્થં ભજન્બાલામીશઃ સ્યાદ્ધનવિદ્યયોઃ

રક્તાંભોજૈર્હુતેર્નાર્યોવશ્યાઃ સ્યુઃ સર્ષપૈર્નૃપાઃ ।
નન્દ્યાવર્તૈ રાજવૃક્ષૈઃ કુન્દૈઃ પાટલચંપકૈઃ

પુષ્પૈર્બિલ્વફલૈર્વાપિ હોમાલ્લક્ષ્મીઃ સ્થિરા ભવેત્ ।
અપમૃત્યું જયેન્મન્ત્રી ગુડૂચ્યા દુગ્ધયુક્તયા

યથોક્તદૂર્વાહોમેન નીરોગાયુઃ સમશ્નુતે ।
જ્ઞાનં કવિત્વં લભતે ચન્દ્રાગુરુસુરૈર્હુતૈઃ

પલાશપુષ્પૈર્વાક્સિદ્ધિરન્નાપ્તિશ્ચાન્નહોમતઃ ।
સુરભિક્ષીરદધ્યક્તાંલ્લાજાન્હુત્વા રુજો જયેત્

રક્તચન્દનકર્પૂરકર્ચૂરાગુરુરોચનાઃ ।
ચન્દનં કેશરં માંસીં ક્રમાદ્ભાગૈનિંયોજયેત્

ભૂમિચન્દ્રૈકનન્દાબ્ધિદિક્સપ્તનિગમોન્મિતૈઃ ।
શ્મશાને કૃષ્ણભૂતસ્ય નિશિ નીહારપાથસા

કુમાર્યા પેષયેત્તાનિ મન્ત્રેણાથાભિમન્ત્ર્ય ચ ।
વિદદ્ધ્યાત્તિલકં તેન દર્શનાદ્વશયેજ્જનાન્

ગજસિંહાદિભૂતાનિ રાક્ષસાઞ્છાકિનીરપિ ।
પ્રયોજનાનાં સિદ્ધ્યૈ તુ દેવ્યાઃ શાપં નિવર્ત્ય ચ

વિધાયોત્કીલિતાં પશ્ચાજ્જપમસ્ય સમાચરેત્ ।
યો જપેદાદિમે બીજે વરાહભૃગુપાવકાન્

મધ્યમાદૌ નભોહંસૌ મધ્યમાન્તે તુ પાવકમ્ ।
આદાવન્તે ચ તાર્તૂયક્રમાત્સ્વં ધૂમ્રકેતનમ્

એવં જપ્ત્વા શતં વિદ્યા શાપહીના ફલપ્રદા ।
યદ્વાદ્યે ચરમે બીજે નૈવ રેફં વિયોજયેત્

શાપોદ્ધારપ્રકારો ઽન્યો યદ્વાયં કીર્તિતો બુધૈઃ ।
આદ્યમાદ્યં હિ તાર્તીયં કામઃ કામો ઽથ વાગ્ભવમ્

અન્ત્યમન્ત્થમનઙ્ગશ્ચ નવાર્ણઃ કીર્તિતો મનુઃ ।
જપ્તો ઽયં શતધા શાપં બાલાયા વિનિવર્તયેત્

ચૈતન્યાહ્લાદિનૂમન્ત્રૌ જપ્તૌ નિષ્કીલતાકરૌ ।
ત્રિસ્વરાશ્ચેતનં મન્ત્રી ધરઃ શાન્તિરનુગ્રહઃ

તારાદિહૃદયાન્તઃ સ્યાત્કામ આહ્લાદિનીમનુઃ ।
તથા ત્રયાણાં બીજાનાં દીપનૈર્મનુભિસ્ત્રિભિઃ

સુદીપ્તાનિ વિધાયાદૌ જપેત્તાનીષ્ટસિદ્ધયે ।
વદયુગ્મં સદીર્ઘાંબુ સ્મૃતિવાલાવનઙ્ગતૌ

સત્યઃ સનેત્રો નસ્તાદૃગ્વા વાગ્વર્ણાદ્યદીપિની ।
ક્લિન્ને ક્લેદિનિ વૈકુણ્ઠો દીર્ઘં સ્વં સદ્યગોન્તિમઃ

નિદ્રા સચન્દ્રા કુર્વીત શિવાર્ણા મધ્યદીપિની ।
તારો મોક્ષં ચ કુરુતે નાયં વર્ણાસ્યદીપિની

દીપિનીમન્તરા બાલા સાધિતાપિ ન સિદ્ધ્યતિ ।
વાગન્ત્યકામાન્ પ્રજયેદરીણા ક્ષોભહેતવે

કામવાગન્ત્યબીજાનિ ત્રૈલોક્યસ્ય વશીકૃતૌ ।
કામાન્ત્યવાણીબીજાનિ મુક્તયે નિયતો જપેત્

પૂજારંભે તુ બાલાયાસ્ત્રિવિધાનર્ચયેદ્ગુરૂન્ ।
દિવ્યૌઘશ્ચૈવ સિદ્ધૌઘો માનવૌઘ ઇતિ ત્રિધા

પરપ્રકાશઃ પરમે શાનઃ પરશિવસ્તથા ।
કામેશ્વરસ્તતો મોક્ષઃ ષષ્ઠઃ કામો ઽમૃતોંઽતિમઃ

એતે દપ્તૈવ દિવ્યૌઘા આનન્દપદપશ્ચિમાઃ ।
ઈશાનાખ્યસ્તત્પુરુષો ઽઘોરાખ્યોવામદેવકઃ

સદ્યોજાત ઇમે પઞ્ચ સિદ્ધૌધાખ્યાઃ સ્મૃતા મુને ।
માનવૌઘાઃ પરિજ્ઞેયાઃ સ્વગુરોઃ સમ્પ્રદાયતઃ

નવયોન્યાત્મકે યન્ત્રે વિલિખેન્મધ્યયોનિતઃ ।
પ્રાદક્ષિણ્યેન બીજાનિ ત્રિવારં સાધકોત્તમઃ

ત્રીંસ્ત્રીન્વર્ણાંસ્તુ ગાયત્ર્યા અષ્ટપત્રેષુ સંલિખેત્ ।
બહિર્માતૃકયાઽવેષ્ટ્ય તદ્બહિર્ભૂપુરદ્વયમ્

કામબીજલસત્કોણન વ્યતિભિન્નં પરસ્પરમ્ ।
પત્રે ત્રૈપુરમાખ્યાતં જપસંપાતસાધિતમ્

બાહુના વિધૃતે દદ્યાદ્ધનં કીર્તિં સુખં સુતાન્ ।
કામાન્તે ત્રિપુરા દેવી વિદ્મહે કવિષં ભહિમ્

બકઃ ખડ્ગી સમારૂઢઃ સનેત્રો ઽગ્નિશ્ચ ધીમહિ ।
તત્ર ક્લિન્ને પ્રચોદાન્તે યાદિત્યેષા પ્રકીર્તિતા

ગાયત્રી ત્રૈપુરા સર્સિદ્ધિદા સુરસેવિતા ।
અથ લક્ષ્મ્યવતારો ઽન્યઃ કીર્ત્યતે સિદ્ધિદો નૃણામ્

વેદાદિર્ગિરિજા પદ્મા મન્યથો હૃદયં ભૃગુઃ ।
ભગવતિ માહેશ્વરી ઙેન્તે ઽન્નપૂર્ણે દહનાઙ્ગના

પ્રોક્તા વિંશતિવર્ણેયં વિદ્યા સ્યાદ્દ્રુહિણો મુનિઃ ।
ધૃતિશ્છન્દો ઽન્નપૂર્ણેશી દેવતા પરિકીર્તિતા

ષડ્દીર્ઘાઢ્યેન હૃલ્લેખાબીઽજેન સ્યાત્ષડઙ્ગકમ્ ।
મુખનાસાક્ષિકર્ણાંસગુદેષુ નવસુ ન્યસેત્

પદાનિ નવ તદ્વર્ણસંખ્યેદાનીમુદીર્યતે ।
ભૂમિચન્દ્રધરૈકાક્ષિવેદાબ્ધિયુગબાહુભિઃ

પદસંખ્યામિતા વર્ણૈસ્તતો ધ્યાયેત્સુરેશ્વરીમ્ ।
સ્વર્ણાભાઙ્ગાં ત્રિનયનાં વસ્ત્રાલઙ્કારશોભિતામ્

ભૂરમાસં યુતાં દેવીં સ્વર્ણામત્રકરાંબુજામ્ ।
લક્ષં જપો ઽયુતં હોમો ઘૃતાક્તચરુણા તથા

જયાદિનવશક્તયાઢ્યે પીઠે પૂજા સમીરિતા ।
ત્રિકોણા વેદપત્રાષ્ટપત્રષોડશપત્રકે

ભૂપુરેણ યુતે યન્ત્રે પ્રદદ્યાન્માયયા મનુમ્ ।
અગ્ન્યાદિકોણત્રિતયે શિવવારાહમાધવાન્

અચર્યયેત્સ્વસ્વમન્ત્રૈસ્તુ પ્રોચ્યન્તે મનવસ્તુ તે ।
પ્રણવો મનુચન્દ્રાઢ્યં ગગનં હૃદયં શિવા

મારુતઃ શિવમન્ત્રો ઽયં સપ્તાર્ણઃ શિવપૂજને ।
વારાહનારાયણયોર્મન્ત્રૌ પૂર્વમુદીરયેત્

ષડઙ્ગાનિ તતો ઽભ્યર્ચ્ય વામે દક્ષે ધરાં રમામ્ ।
યજેત્સ્વસ્વમનુભ્યાં તુ તાવુચ્યેતે મુનીશ્વર

અન્નં મહ્યન્નમિત્યુક્ત્વા મે દેહ્યન્નાધિપોર્ણકાઃ ।
નયેમમન્નં પ્રાણાન્તે દાપયાનલસુંદરી

દ્વાવિંશત્યક્ષરો મન્ત્રો ભૂમીષ્ટૌ ભૂમિસંપુટઃ ।
લક્ષ્મીષ્ટૌ શ્રીપુટો વિપ્ર સ્નૃતિર્લભનુચન્દ્રયુક્

ભુવો બીજમિતિ પ્રોક્તં શ્રીબીજં પ્રાગુદાહૃતમ્ ।
મન્ત્રાદિસ્થચતુર્બીજપૂર્વિકાઃ પરિપૂજયેત્

શક્તીશ્ચતસ્રો વેદાસ્રે પરા ચ ભુવનેશ્વરી ।
કમલા સુભગા ચતિ બ્રાહ્મ્યાદ્યા અષ્ટપત્રગાઃ

ષોડશારે સ્મૃતે ચવ માનદાતુષ્ટિપુષ્ટયઃ ।
પ્રીતી રતિર્હ્નીઃ શ્રીશ્ચાપિ સ્વધા સ્વાહા દશમ્યથ

જ્યોત્સ્ના હૈમવતી છાયા પૂર્ણિમા સંહતિસ્તથા ।
અમાવાસ્યેતિ સંપૂજ્યા મન્ત્રેશે પ્રાણપૂર્વિકા

ભૂપુરે લોકપાલાઃ સ્યુસ્તદસ્ત્રાણિ તદગ્રતઃ ।
ઇત્થં જપાદિભિઃ સિદ્ધે મન્ત્રે ઽસ્મિન્ધનસંચયૈઃ

કુબેરસદૃશો મન્ત્રી જાયતે જનવન્દિતઃ ।
અથ લક્ષ્મ્યવતારો ઽન્યઃ કીર્ત્યતે મુનિસત્તમ

પ્રણવઃ શાન્તિરરુણાક્રિયાઢ્યાચન્દ્રભૂષિતાઃ ।
બગલામુખસર્વાન્તે ઇન્ધિકાહ્રાદિનીયુતા

પીતાજરાયુક્પ્રતિષ્ઠા પુનર્દીર્ધોદસંયુતા ।
વાચં મુખં પદં સ્તંભયાન્તે જિહ્વાપદં વદેત્

કીલયેતિ ચ બુદ્ધિં વિનાશયાન્તે સ્વબીજકમ્ ।
તારો ઽગ્નિસુંદરી મન્ત્રો બગલાયાઃ પ્રકીર્તિતઃ

મુનિસ્તુ નારદશ્છદો બૃહતી બગલામુખી ।
દેવતા નેત્રપઞ્ચેષુનવપઞ્ચદિગર્ણકૈઃ

અઙ્ગાનિ કલ્પયિત્વા ચ ધ્યાયેત્પીતામ્બરાં તતઃ ।
સ્વર્ણાસનસ્થાં હેમાભાં સ્તંભિનીમિન્દુશેખરામ્

દધતીં મુદ્ગરં પાશં વજ્રં ચ રસનાં કરૈઃ ।
એવં ધ્યાત્વાજપેલ્લક્ષમયુતં ચંપકોદ્ભવૈઃ

કુસુમૈર્જુહુયાત્પીઠે બાલાયાઃ પૂજયેદિમામ્ ।
ચન્દનાગુરુચન્દ્રાદ્યૈઃ પૂજાર્થં યન્ત્રમાલિખેત્

ત્રિકોણષડ્દલાષ્ટાસ્રષોડશારે યજેદિમામ્ ।
મઙ્ગલા સ્તંભિની ચૈવ જૃંભિણી મોહિની તથા

વશ્યા ચલા બલાકા ચ ભૂધરા કલ્મષાભિધા ।
ધાત્રી ચ કલના કાલકર્ષિણી ભ્રામિકાપિ ચ

મન્દગાપિ ચ ભોગસ્થા ભાવિકા ષોડશી સ્મૃતા ।
ભૂગૃહસ્ય ચતુર્દિક્ષુ પૂર્વાદિષુ યજેત્ક્રમાત્

ગણેશં બટુકં ચાપિ યોગિનીઃ ક્ષેત્રપાલકમ્ ।
ઇન્દ્રાદીંશ્ચ તતો બાહ્યે નિજાયુધસમન્વિતાન્

ઇત્થં સિદ્ધે મનૌ મન્ત્રી સ્તંભયેદ્દેવતાદિકાન્ ।
પીતવસ્ત્રપદાસીનઃ પીતમાલ્યાનુલેપનઃ

પીતપુષ્પૈર્યજેદ્દેવીં હરિદ્રોત્થસ્રજા જપેત્ ।
પીતાં ધ્યાયન્ભગવતીં પયોમધ્યે ઽયુતં જપેત્

ત્રિમધ્વા જ્યતિલૈર્હેમો નૄણાં વશ્યકરો મતઃ ।
મધુરત્રિતયાક્તૈઃ સ્યાદાકર્ષો લવર્ણૈર્ધ્રુવમ્

તૈલાભ્યક્તૈર્નિમ્બપત્રૈર્હેમો વિદ્વેષકારકઃ ।
તાલલોણહરિદ્રાભિર્દ્વિષાં સંસ્તંભનં ભવેત્

આગારધૂમં રાજીશ્ચ માહિષં ગુગ્ગુલં નિશિ ।
શ્મશાને પાવકે હુત્વા નાશયેદચિરાદરીન્

ગરુતો ગૃધ્રકાકાનાં કટુતૈલં વિભીતકમ્ ।
ગૃહધૂમં ચિતાવહ્નૌ હુત્વા પ્રોચ્ચાટયેદ્રિપૂન્

દૂવાર્ગુડૂચીલાજાન્યો મધુરત્રિતયાન્વિતાન્ ।
જુહોતિ સો ઽખિલાન્ રોગાન્ શમયેદ્દર્શનાદપિ

પર્વતાગ્રે મહારણ્યે નદીસંગે શિવાલયે ।
બ્રહ્મચર્યરતો લક્ષં જપેદખિલસિદ્ધયે

એક વર્ણગવીદુગ્ધં શર્કરામધુસંયુતમ્ ।
ત્રિશતં મન્ત્રિતં પીતં હન્યાદ્વિષપરાભવમ્

શ્વેતપાલશકાષ્ઠેન રચિતે રમ્યપાદકે ।
અલક્તરઞ્જિતે લક્ષં મન્ત્રયેન્મનુનામુના

તદારૂઢઃ પુમાન્ ગચ્છત્ક્ષણેન શતયોજનમ્ ।
પારદં ચ શિલાં તાલં પિષ્ટં મધુસમન્વિતમ્

મનુના મન્ત્રયેલ્લક્ષં લિંપેત્તેનાખિલાં તનુમ્ ।
અદૃશ્યઃ સ્યાન્નૃણામેષ આશ્ચર્ય્યં દૃશ્યતામિદમ્

ષટ્કોણં વિલિખદ્બીજં સાધ્યનામાન્વિતં મનોઃ ।
હરિતાલનિશાચૂર્ણૈરુન્મત્તુરસસંયુતૈઃ

શેષાક્ષરૈઃ સમાનીતં ધરાગેહવિરાજિતમ્ ।
તદ્યન્ત્રં સ્થાપિતપ્રાણં પીતસૂત્રેણ વેષ્ટયેત્

ભ્રામ્યત્કુલાલચક્રસ્થાં ગૃહીત્વા મૃત્તિકાં તથા ।
રચયેદૃષભં રમ્યં યન્ત્રં તન્મધ્યતઃ ક્ષિપેત્

હરિતાલેન સંલિપ્ય વૃષં પ્રત્યહમર્ચયેત્ ।
સ્તંભયેદ્વિદ્વિષાં વાચં ગતિં કાર્યપરંપરામ્

આદાય વામહસ્તેન પ્રેતભૂસ્થિતકર્પરમ્ ।
અઙ્ગારેણ ચિતાસ્થેન તત્ર યન્ત્રં સમાલિખેત્

મન્ત્રિતં નિહિતં ભૂમૌ રિપૂણાં સ્તંભયેદ્ગતિમ્ ।
પ્રેતવસ્ત્રે લિખેદ્યન્ત્રં અઙ્ગારેણૈવ તત્પુનઃ

મણ્ડૂકવદને ન્યસ્યેત્પીતસૂત્રેણ વેષ્ટિતમ્ ।
પૂજિતં પીતપુષ્પૈસ્તદ્વાચં સંસ્તંભયેદ્દ્વિષામ્

યદ્ભૂમૌ ભવિતા દિવ્યં તત્ર યન્ત્રં સમાલિખેત્ ।
માર્જિતં તદ્દ્વિષાં પાત્રૈર્દિવ્યસ્તમ્ભનકૃદ્ભવેત્

ઇન્દ્રવારુણિકામૂલં સપ્તશો મનુમન્ત્રિતમ્ ।
ક્ષિપ્તં જલે દિવ્યકૃતં જલસ્તંભનકારકમ્

કિં બહૂક્ત્યા સાધકેન મન્ત્રઃ સમ્યગુપાસિતઃ ।
શત્રૂણાં ગતિબુદ્ધ્યાદેઃ સ્તંભનો નાત્ર સંશયઃ