નારદ પુરાણ · અધ્યાય 1.85

ઇતિ શ્રીબૃહન્નારદીચયપુરણે પૂર્વભાગે બૃહદુપાખ્યાને તૃતીયપાદે દેવીમન્ત્રનિરૂપણં નામ ચતુરશીતિતમો ઽધ્યાયઃ
સનત્કુમાર ઉવાચ
વાગ્દેવતા વતારો ઽન્યઃ કાલિકેતિ પ્રકીર્તિતા ।
તસ્યા મન્ત્રં પ્રવક્ષ્યામિ ભુક્તિમુક્તિપ્રદં નૃણામ્

સૃષ્ટિક્રિયાન્વિતા શાન્તિર્બિદ્વાઢ્યા ચ ત્રિધા પુનઃ ।
અરુણાક્ષ્યાદીપિકા ચ બિન્દુયુક્તા દ્વિધા તતઃ

માયાદ્વયં તતઃ પશ્ચાદ્દક્ષિણે કાલિકે પદમ્ ।
પુનશ્ચ સપ્તબીજાનિ સ્વાહાન્તો ઽયં મનૂત્તમઃ

ભૈરવો ઽસ્ય ઋષિશ્છન્દ ઉષ્ણિક્કાલી તુ દેવતા ।
બીજં માયાદીર્ઘવર્ત્મ શક્તિરુક્તા મુનીશ્વર

ષડ્દીર્ધાઢ્યે બીજેન વિદ્યાયા અઙ્ગમીરિતમ્ ।
માતૃકાર્ણાન્દશ દશ હૃદયે ભુજયોઃ પદોઃ

વિન્યસ્ય વ્યાપકં કુર્યાન્મૂલમન્ત્રેણ સાધકઃ ।
શિરઃ કૃપાણમભયં વરં હસ્તૈશ્ચ બિભ્રતીમ્

મુણ્ડસ્રઙ્મસ્તકાં મુક્તકેશાં પિતૃવનસ્તિતામ્ ।
સર્વાલઙ્કૃતવર્ણાં ચ શ્યામાઙ્ગીં કાલિકાં સ્મરેત્

એવં ધ્યાત્વા જપેલ્લક્ષં જુહુયાદયુતં તતઃ ।
પ્રસૂનૈઃ કરવીરોત્થૈઃ પૂજાયન્ત્રમથોચ્યતે

વિલિખ્ય પૂર્વં ષટ્કોણં ત્રિકોણત્રિતયં તતઃ ।
પદ્મમષ્ટદલં બાહ્યે ભૂપુરં તત્ર પૂજયેત્

જયા ચ વિજયા ચાપિ અજિતા ચાપરાજિતા ।
નિત્યા વિલાસિની વાપિ દોગ્ધ્યઘોરા ચ મઙ્ગલા

પીઠસ્ય શક્તયો માયાત્મને હૃત્પીઠમન્ત્રકઃ ।
શિવરૂપશવશ્થાં ચ શિવાભિર્દિક્ષુ વેષ્ટિતામ્

મહાકાલરતાસક્તાં ધ્યાત્વાઙ્ગાન્યર્ચયેત્પુરા ।
કાલીં કપાલિનીં કુલ્લાં કુરુકુલ્લાં વિરોધિનીમ્

વિપ્રચિત્તાં ચ ષટ્કોણે નવકોણે તતોર્ઽચયેત્ ।
ઉગ્રામુષ્ણપ્રભાં દીપ્તાં નીલાધાનાં બલાકિકામ્

માત્રાં મુદ્રાં તથા મિત્રાં પૂજ્યાઃ પત્રેષુ માતરઃ ।
પદ્મસ્યાસ્ય સુયત્નેન બ્રાહ્મી નારાયણીત્યપિ

માહેશ્વરી ચ ચામુણ્ડા કૌમારી ચાપરાજિતા ।
વારાહી નારસિંહા ચ પુનરેતાસ્તુ ભૂપુરે

ભૈરવીં મહદાદ્યાં તાં સિંહાદ્યાં ધૂમ્રપૂર્વિકામ્ ।
ભીમોન્મત્તાદિકાં ચાપિ વશીકરણભૈરવીમ્

મોહનાદ્યાં સમારાધ્ય શક્રાદીન્યાયુધાન્યપિ ।
એવમારાધિતા કાલી સિદ્ધા ભવતિ મન્ત્રિણામ્

તતઃ પ્રયોગાન્કુર્વીત મહાભૈરવભાષિતાન્ ।
આત્મનો વા પરસ્યાર્થં ક્ષિપ્રસિદ્ધિપ્રદાયકાન્

સ્ત્રીણાં પ્રહારં નિન્દાં ચ કૌટિલ્યં વાપ્રિયં વચઃ ।
આત્મનો હિતમન્વિચ્છન્ કાલીભક્તો વિવર્જયેત્

સુદૃશો મદનાવાસં પશ્યન્યઃ પ્રજપેન્મનુમ્ ।
અયુતં સો ઽચિરાદેવ વાક્પતેઃ સમતામિયાત્

દિગમ્બરો મુક્તકેશઃ શ્મશાનસ્થો ઽધિયામિનિ ।
જપેદ્યો ઽયુતમેતસ્ય ભવેયુઃ સર્વસિદ્ધયઃ

શવસ્ય હૃદયે સ્થિત્વા નિર્વાસાઃ પ્રેતભૂમિગઃ ।
અર્કપુષ્પસહસ્રેણાભ્યક્તેન સ્વીયરેતસા

દેવીં યઃ પૂજયેદ્ભક્ત્યા જપન્નેકૈકશો મનુમ્ ।
સો ઽચરેણૈવ કાલેન ધરણીપ્રભુતાં વ્રજેત્

રજઃ કીર્ણં ભગં નાર્યા ધ્યાયન્યો હ્યયુતં જપેત્ ।
સકવિત્વેન રમ્યેણ જનાન્મોહયતિ ધ્રુવમ્

ત્રિપઞ્ચારે મહાપીઠે શિવસ્ય હૃદિ સંસ્થિતામ્ ।
મહાકાલેન દેવેન મારયુદ્ધં પ્રકુર્વતીમ્

તાં ધ્યાયન્સ્મેરવદનાં વિદધત્સુરતં સ્વયમ્ ।
જપેત્સહસ્રમપિ યઃ સ શઙ્કરસમો ભવેત્

અસ્થિલોમત્વચાયુક્તં માંસં માર્જારમેષયોઃ ।
ઉષ્ટ્રસ્ય મહિષસ્યાપિ બલિં યસ્તુ સમર્પયેત્

ભૂતાષ્ટમ્યોર્મધ્યરાત્રે વશ્યાઃ સ્યુસ્તસ્ય જન્તવઃ ।
વિદ્યાલક્ષ્મીયશઃપુત્રૈઃ સ ચિરં સુખમેધતે

યો હવિષ્યાશનરતો દિવા દેવીં સ્મરન્ જપેત્ ।
નક્તં નિધુવનાસક્તો લક્ષં સ સ્યાદ્ધરાપતિઃ

રક્તાંભોજૈર્હુનેન્મન્ત્રી ધનૈર્જયતિ વિત્તપમ્ ।
બિલ્વપત્રૈર્ભવેદ્રાજ્યં રક્તપુષ્પૈર્વશીકૃતિઃ

અસૃજી મહિષાદીનાં કાલિકાં યસ્તુ તર્પયેત્ ।
તસ્ય સ્યુરચિરાદેવ કરસ્થાઃ સર્વસિદ્ધયઃ

યો લક્ષં પ્રજપેન્મન્ત્રં શવમારુહ્ય મન્ત્રવિત્ ।
તસ્ય સિદ્ધો મનુઃ સદ્યઃ સર્વેપ્સિતફલપ્રદઃ

તેનાશ્વમેધપ્રમુખૈર્યાગૌરિષ્ટં સુજન્મના ।
દત્તં દાનં તપસ્તપ્તં ઉપાસ્તે યસ્તુ કાલિકામ્

બ્રહ્મા વિષ્ણુઃ શિવો ગૌરી લક્ષ્મીર્ગણપતી રવિઃ ।
પૂજિતાઃ સકલા દેવા યઃ કાલીં પૂજયેત્સદા

અથાપરઃ સરસ્વત્યા હ્યવતારો નિગદ્યતે ।
યાં નિષેવ્ય નરા લોકે કૃતાર્થાઃ સ્યુર્ન સંશયઃ

આપ્યાયિની ચન્દ્રયુક્તા માયા ચ વદનાન્તરે ।
સકામિકા ક્રુધા શાન્તિશ્ચન્દ્રાલઙ્કૃતમસ્તકા

દીપિકા સાસના ચન્દ્રયુગસ્ત્રં મનુરીરિતઃ ।
મુનિરક્ષોભ્ય ઉદ્દિષ્ટશ્છન્દસ્તુ બૃહતી મતમ્

તારાખ્યા દેવતા બીજં દ્વિતીયઞ્ચ ચતુર્થકમ્ ।
શક્તિઃ ષડ્દીર્ઘયુક્તેન દ્વિતીયેનાઙ્ગકલ્પનમ્

ષોઢા ન્યાસં તતઃ કુર્યાત્તારાયાઃ સર્વસિદ્ધિમ્ ।
શ્રીકણ્ઠાદીન્ન્યસેદ્રુદ્રાન્માતૃકાવર્ણપૂર્વકાન્

માતૃકોક્તસ્થલે માયા તૃતીયક્રોધપૂર્વકાન્ ।
ચતુર્થીનમસાયુક્તાન્પ્રથમો ન્યાસ ઈરિતઃ

શવપીઠસમાસીનાં નીલકાન્તિં ત્રિલોચનામ્ ।
અર્દ્ધેન્દુશેખરાં નાનાભૂષણાઢ્યાં સ્મરન્ન્યસેત્

દ્વિતીયે તુ ગ્રહન્યાસં કુર્યાત્તાં સમનુસ્મરન્ ।
ત્રિબીજસ્વરપૂર્વં તુ રક્તસૂય હૃદિ ન્યસેત્

તથા પવર્ગપૂર્વં તુ શુક્લં લોમં ભ્રુવોદ્વેયે ।
કવર્ગપૂર્વં રક્તાભં મઙ્ગલં લોચનત્રયમ્

ચવર્ગાદ્યં બુધં શ્યામં ન્યસેદ્વક્ષઘસ્થલે બુધઃ ।
ઢવર્ગાદ્યં પીતવર્ણં કઠ્ણકૂપે બૃહસ્પતિમ્

તવર્ગાદ્યં શ્વેતવર્ણં ઘટિકાયાં તુ ભાર્ગવમ્ ।
નીલવર્ણં પવર્ગાદ્યં નાભિદેશે શનૈશ્ચરમ્

શવર્ગાદ્યં ધૂમ્રવર્ણં ધ્યાત્વા રાહું મુખે ન્યસેત્ ।
ત્રિબીજપૂર્વકશ્ચૈવં ગ્રહન્યાસઃ સમીરિતઃ

તૃતીયં લોકપાલાનાં ન્યાસં કુર્યાત્પ્રયત્નતઃ ।
માયાદિબીજત્રિતયપૂર્વકં સર્વસિદ્ધયે

સ્વમસ્તકે લલાટાદિ દિક્ષ્વષ્ટસ્વધૌર્દ્ધ્વતઃ ।
હ્રસ્વદીર્ઘકાદિકાષ્ટવર્ગપૂર્વાન્દિશાધિપાન્

શિવશક્ત્યભિધે ન્યાસં ચતુર્થે તુ સમાચરેત્ ।
ત્રિબીજપૂર્વકાન્ન્યસ્યેત્ષટ્શિવાઞ્છક્તિસંયુતાન્

આધારાદિષુ ચક્રેષુ સ્વચક્રવર્ણપૂર્વકાન્ ।
બ્રહ્માણં ડાકિનીયુક્તં વાદિસાંતાર્ણપૂર્વકમ્

મૂલાધારે વિન્યસેચ્ચ ચતુર્દ્દલસમન્વિતમ્ ।
શ્રીવિષ્ણું રાકિણીયુક્તબાદિલાન્તાર્ણપૂર્વકમ્

સ્વાધિષ્ઠનાભિધે ચક્રે લિઙ્ગસ્થે ષડ્દલે ન્યસેત્ ।
રુદ્રં તુ ડાકિનીયુક્તં ડાદિફઆન્તાર્ણપૂર્વકમ્

ચક્રે દશદલે ન્યસ્યેન્નાભિસ્થે મણિપૂરકે ।
ઈશ્વરં કાદિઠાન્તાર્ણપૂર્વકં શાકિનીયુતમ્

વિન્યસેદ્દ્વાદશદલેહૃદયસ્થે ત્વનાહતે ।
સદાશિવં શાકિનીં ચ ષોડશસ્વરપૂર્વકમ્

કણ્ઠસ્થે ષોડશદલે વિશુદ્ધાખ્યે પ્રવિન્યસેત્ ।
આજ્ઞાચક્રે પરશિવં હાકિનીસંયુતં ન્યસેત્

લક્ષાર્ણપૂવં ભ્રૂમધ્યસંસ્થિતે ઽતિમનોહરે ।
તારાદિપઞ્ચમં ન્યાસં કુર્યાત્સર્વેષ્ટસિદ્ધયે

અષ્ટૌ વર્ગાન્સ્વરદ્વન્દ્વપૂર્વકાન્ બીજસંયુતાન્ ।
તારાદ્યા ન્યાસપૂર્વાશ્ચ પ્રયોજ્યા અષ્ટશક્તયઃ

તારાથોગ્રા મહોગ્રાપિ વજ્રા કાલી સરસ્વતી ।
કામેશ્વરી ચ ચામુણ્ડા ઇત્યષ્ટૌ તારિકાઃ સ્મૃતાઃ

બ્રહ્મરન્ધ્રે લલાટે ચ ભ્રૂમધ્યે કણ્ઠદેશતઃ ।
હૃદિ નાભૌ ફલે મૂલાધારે ચેતાઃ ક્રમાન્ન્યસેત્

અઙ્ગન્યાસં તતઃ કુર્યાત્પીઠાખ્યં સર્વસિદ્ધિદમ્ ।
આધારે કામરૂપાખ્યં બીજં હ્રસ્વાર્ણપૂર્વકમ્

હૃદિ જાલન્ધરં બીજં દીર્ઘપૂર્વં પ્રવિન્યસેત્ ।
લલાટે પૂર્ણગિર્યાખ્યં કવર્ગાદ્યં ન્યસેત્સુધીઃ

ઉડ્ડીયાનં ચવર્ગાદ્યં કેશસન્ધૌ પ્રવિન્યસેત્ ।
કણ્ઠે તુ મથુરાપીઠં દશમ યાદિકં ન્યસેત્

ષોઢા ન્યાસસ્તુ તારાયાઃ પ્રોક્તો ઽભીષ્ટપ્રદાયકઃ ।
હૃદિ શ્રીમદેકજટાં તારિણીં શિરસિ ન્યસેત્

વજ્રોદકે શિખાં પાતુ ઉગ્રતારાં તુ વર્મણિ ।
મહોગ્રા વત્સરે નેત્રે પિઙ્ગાગ્રૈકજટાસ્ત્રકે

ષડ્રદીર્ગયુક્તમાયાયા એતાન્યષ્ટૌ ષડઙ્ગકે ।
અઙ્ગુષ્ઠાદિષ્વઙ્ગુલીષુ પૂર્વં વિન્યસ્ય યત્નતઃ

તર્જનીમધ્યમાભ્યાં તુ કૃત્વા તાલત્રયં તતઃ ।
છોટિકામુદ્રાયા કુર્યાદ્દિગ્બન્ધં દેવતાં સ્મરન્

વિદ્યયા તારપુટયા વ્યાપકં સપ્તધા ચરેત્ ।
ઉગ્રતારાં તતો ધ્યાયેત્સદ્યો વાદે ઽતિસિદ્ધિદામ્

લયાબ્ધાવંબુજન્મસ્થાં નીલાભાં દિવ્યભૂષણામ્ ।
કમ્બું ખડ્ગં કપાલં ચ નીલાબ્જં દધતીં કરૈઃ

નાગશ્રેષ્ઠાલઙ્કૃતાઙ્ગીં રક્તનેત્રત્રયાં સ્મરેત્ ।
જપેલ્લક્ષચતુષ્કં હિ દશાંશં રક્તપદ્મકૈઃ

હુનેત્ક્ષીરાજ્યસંમિશ્રૈઃ શઙ્ખં સંસ્થાપ્ય સંજપેત્ ।
નારીં પશ્યન્સ્પૃશન્ગચ્છન્મહાનિશિ બલિં ચરેત્

શ્મશાને શૂન્યસદને દેવાગારે ઽથ નિર્જને ।
પર્વતે વનમધ્યે વા શવમારુહ્ય મન્ત્રવિત્

સમરે શત્રુનિહતં યદ્વા ષાણ્યાસિકં શિશુમ્ ।
વિદ્યાં સાધયતઃ શીઘ્રં સાધિતૈવં પ્રસિદ્ધ્યતિ

મેધા પ્રજ્ઞા પ્રભા વિદ્યા ધીવૃત્તિસ્મૃતિબુદ્ધયઃ ।
વિશ્વેશ્વરીતિ સંપ્રોક્તાઃ પીઠસ્ય નવ શક્તયઃ

ભૃગુમન્વિન્દુસંયુક્તં મેઘવર્ત્મ સરસ્વતી ।
યોગપીઠાત્મને હાર્દ્દં પીઠસ્ય મનુરીરિતઃ

દત્ત્વાનેનાસનં મૂર્તિં મૂલમન્ત્રેણ કલ્પયેત્ ।
પૂજયેદ્વિધિવદ્દેવીં તદ્વિધાનમથોચ્યતે

તારો માયા ભગં બ્રહ્મા જટે સૂર્યઃ સદીર્ઘકમ્ ।
યક્ષાધિપતયે તન્દ્રીસોપનીતં બલિં તતઃ

ગૃહયુગ્મં શિવા સ્વાહા બલિમન્ત્રો ઽયમીરિતઃ ।
દદ્યાન્નિત્યં બલિં તેન મધ્યરાત્રે ચતુષ્પથે

જલદાનાદિકં મન્ત્રૈર્વિદધ્યાદ્દશભિસ્તતઃ ।
ધ્રુવો વજ્રોદકે વર્મ ફટ્સપ્તાર્ણો જલગ્રહે

તારાદ્યા વહ્નિજાયાન્તા માયા હિ ક્ષાલને મતા ।
તારો માયાઃ ભૃગુઃ કર્ણોવિશુદ્ધં ધર્મવર્મતઃ

સર્વપાપાનિ શામ્યન્તે છેતો નેત્રયુતં જલમ્ ।
કલ્પાન્તનયનસ્વાહા મન્ત્ર આચમને મતઃ

ધ્રુવો મણિધરીત્યન્તે વજ્રિણ્યક્ષિયુતા મૃતિઃ ।
ખરિવિદ્યાયુગ્રિજશ્વ સર્વવાન્તે બકો ઽબ્જવાન્

કારિણ્યન્તે દીર્ઘવર્મ અસ્ત્રં વહ્નિપ્રિયાન્તિમઃ ।
ત્રયોવિંશતિવર્ણાત્મા શિખાયા બન્ધને મનુઃ

પ્રણવો રક્ષયુગલં દીર્ઘવર્માસ્ત્રઠદ્વયમ્ ।
નવાર્ણેનામુના મન્ત્રી કુર્યાદ્ભૂમિવિશોધનમ્

નારાન્તે સર્વવિઘ્નાનુત્સારયેતિ પદં તતઃ ।
હું ફટ્ સ્વાહા ગુણેન્દ્વર્ણો મનુર્વિઘ્નનિવારણમ્

માયાબીજં જપાપુષ્પનિભં નાભૌ વિચિંયેત્ ।
તદુત્થેનાગ્નિના દેહં દહેત્સાદ્ધસ્વપાપ્મના

તારાબીજં સુવર્ણાભં ચિન્તયેદ્ધૃદિ મન્ત્રવિત્ ।
પવનેન તદુત્થેન પાપભસ્મ ક્ષિપેદ્ભુવિ

તુરીયં ચન્દ્રકુન્દાભં બીજં ધ્યાત્વાલલાટતઃ ।
તદુત્થસુધયાદે હં સ્વયં વૈ દેવતાનિભમ્

અનયા ભૂતશુદ્ધ્યા તુ દેવીસાદૃશ્યમાપ્નુયાત્ ।
તારો ઽનન્તો ભગુઃ કર્ણો પદ્મનાભયુતો બલી

ખે વજ્રરેખે ક્રોધાખ્યં બીજં પાવકલ્લભા ।
અમુના દ્વાદશાર્ણેન રચયેન્મણ્ડલં શુભમ્

તારો યથાગતા નિદ્રા સદૃક્ષેકભૃગુર્વિષમ્ ।
સદીર્ઘસ્મૃતિરૌ સાક્ષૌ મહાકાલો ભગાન્વિતઃ

ક્રોધો ઽસ્ત્રં મનુવર્ણો ઽયં મનુઃ પુષ્પાદિશોધને ।
તારઃ પાશઃ પરા સ્વાહા પઞ્ચાર્ણશ્ચિત્તશોધને

મનવો દશ સંપ્રોક્તા અર્ધ્યસ્થાપનમુચ્યતે ।
સેંદુભ્યાં માસતો માયા ભુવં સંસૃજ્ય ભૂગૃહમ્

વૃતં ત્રિકોણસંયુક્તં કુર્યાન્મણ્ડલમન્ત્રતઃ ।
યજેત્તત્રાધારશક્તિં વહ્નિમણ્ડલમધ્યગામ્ ।
વહ્નિમણ્ડલમભ્યર્ચ્ય મહાશઙ્ખં નિધાપયેત્

વામકર્ણેન્દુયુક્તેન ફડન્તેન વિહાયસા ।
પ્રક્ષાલિતં ભૃગુર્દણ્ડી ત્રિમૂર્તીન્તુયુતં પઠેત્

તતોર્ઽચયેન્મહાશઙ્ખં જપન્મન્ત્રચતુષ્ટયમ્ ।
દીર્ઘત્રયાન્વિતા માયા કાલી સૃષ્ટિઃ સદીર્ઘસઃ

પ્રતિમાસંયુતં માસં યવનં હૃદયં તતઃ ।
એકાધશાર્ણઃ પ્રથમો મહાશઙ્ખાર્ચને મનુઃ

હંસો હરિભુજઙ્ગેશયુક્તો દીર્ઘન્ત્રયેન્દુયુક્ ।
તારિણ્યન્તે કપાલાય નમોન્તો દ્વાદશાક્ષરઃ

સ્વં દીર્ઘત્રયમન્વાઢ્યમેષો વામદગન્વિતઃ ।
લોકપાલાય હૃદયં તૃતીયો ઽયં શિવાક્ષરઃ

માયાસ્ત્રીબીજમર્દ્ધૈદુયુતં સ્વં સ્વર્ગખાદિમઃ ।
પાલાય સર્વાધારાય સર્વઃ સર્વોદ્ભવસ્તથા

સર્વશુદ્ધિમયશ્ચેતિ ઙેંતાઃ સર્વાસુરાન્તિકમ્ ।
રુધિરા રતિદીર્ઘા ચ વાયુઃ શુભ્રાનિલઃ સુરા

ભાજનાય ભગી સત્યા વિકપાલાય હૃન્મનુઃ ।
તુર્યો રસેષુ વર્ણો ઽયં મહાશઙ્ખપ્રપૂજને

નવાર્કમણ્ડલં ચેષ્ટ્વા સલિલં મૂલમન્ત્રતઃ ।
પ્રપૂરયેત્સુધાબુદ્ધ્યા ગન્ધપુષ્પાક્ષતાદિભિઃ

મુદ્રાં ત્રિખણ્ડાં સંદર્શ્ય પૂજયેચ્ચન્દ્રમણ્ડલમ્ ।
વાક્સત્યપદ્માગગને રેફઆનુગ્રહબિન્દુયુક્

મૂલમન્ત્રો વિપદ્ધ્વંસમનુસર્ગસમન્વિતમ્ ।
અષ્ટકૃત્વો ઽમુના મન્ત્રી મન્ત્રયેત્પ્રયતો જલમ્

માયયા મદિશં ક્ષિપ્ત્વા ખં યોનિં ચ પ્રદર્શયેત્ ।
તત્ર વૃત્તાષ્ટષટ્કોણં ધ્યાત્વા દેવીં વિચિન્તયેત્

પૂર્વોક્તાં પૂજયેત્ત્વેનાં મૂલેનાથ પ્રતર્પયેત્ ।
તર્જનૂમધ્યમાનામાકનિષ્ઠાભિર્મહેશ્વરીમ્

સાંગુષ્ઠાનિશ્ચુતુર્વારં મહાશઙ્ખસ્થિતે જલે ।
ખંરેફમનુબિન્દ્વાઢ્યાં ભૃગુમન્વિન્દુયુક્તયા

ધ્રુવાદ્યેન નમોન્તેન તર્પ્યાદાનન્દભૈરવમ્ ।
તતસ્તેનાર્ધતોયેન પ્રોક્ષેત્પૂજનસાધનમ્

યોમિમુદ્રાં પ્રદર્શ્યાપિ પ્રણમેદ્ભવતારિણીમ્ ।
વિધાનમર્ઘે સંપ્રોક્તં સર્વસિદ્ધિપ્રદાયકમ્

પૂર્વોક્તે પૂજયેત્પીઠે પદ્મે ષટ્કોણકર્ણિકે ।
ધરાગૃહાવૃતે રમ્યે દેવીં રમ્યોપચારકૈઃ

મહીગૃહે ચતુર્દિક્ષુ ગણેશાદીન્પ્રપૂજયેત્ ।
પાશાઙ્કુશૌ કપાલં ચ ત્રિશૂલં દધતં કરૈઃ

અલઙ્કારચયોપેતં ગણેશં પ્રાક્તમર્ચયેત્ ।
કપાલશૂલે હસ્તાભ્યાં દધતં સર્પભૂષણમ્

સ્વયૂથવેષ્ટિતં રમ્યં બટુકં દક્ષિણેર્ઽચયેત્ ।
અસિશૂલકપાલાનિ ડમરું દધતં કરૈઃ

કૃષ્ણં દિગંબરં ક્રૂરં ક્ષેત્રપાલં ચ પશ્ચિમે ।
કપાલં ડમરું પાશં લિઙ્ગં શંબિભ્રતીં કરૈઃ

અધ્યાકન્યા રક્તવસ્ત્રા યોગિનીરુત્તરે યજેત્ ।
અક્ષોભ્યં પ્રયજેન્મૂર્ધ્નિ દેવ્યા મન્ત્રઋષિં શુભમ્

અક્ષોભ્યં વસ્ત્રપુષ્પં ચ પ્રતીચ્છાનવલ્લભા ।
અક્ષોભ્યપૂજને મન્ત્રઃ ષટ્કોગકમ્

વૈરાચનં ચામિતાભં પદ્મનાભિભિધં તથા ।
શઙ્ખં પાણ્ડુરસંજ્ઞં ચ દિગ્દલેષુ પ્રપૂજયેત્

લાભકાં માનકાં ચૈવ પાણ્ડુરાં તારકાં તથા ।
વિદિગ્ગતાબ્જપત્રેષુ પૂજયેદિષ્ટસિદ્ધયે

બિન્દુનામાદિવર્ણાદ્યાઃ સંબુદ્ધ્યન્તાસ્તથાભિધાઃ ।
વ્રજપુષ્પં પ્રતીચ્છાગ્નિપ્રિયાન્તાઃ પ્રણવાદિકાઃ

વૈરાચનાદિ પૂજાયાં મનવઃ પરિકીર્તિતાઃ ।
ભૂધરશ્ચ ચતુર્દ્વાર્ષુ પદ્માન્તકયમાન્તકૌ

વિદ્યાન્તકાભિધઃ પશ્ચાન્નરાન્તક ઇમાન્યજેત્ ।
શક્રાદીંશ્ચૈવ વજ્રાદીન્પ્રજપેત્તદનન્તરમ્

એવં સંપૂજયન્દેવીં પાણ્ડિત્યં ધનમદ્ભુતમ્ ।
પુત્રાન્પૌત્રાઞ્છુભાં કીર્તિં લભતે જનવશ્યતામ્

તારો માયા શ્રીમદકજટે નીલસરસ્વતી ।
મહોપ્રતારે દેવાસઃ સનેત્રો ગદિયુગ્મકમ્

સર્વદેવપિશાકર્મો દીર્ઘોગ્રિર્મરુસાન્મસ ।
અભ્રગુમમ જાડ્યં ચ છેદયદ્વિતયં રમા

માયાસ્ત્રાગ્નિપ્રિયાન્તો ઽયં દ્વિપઞ્ચાશલ્લિપિર્મનુઃ ।
અનેન નિત્યં પૂજતિઽન્વહં દેવ્યૈ બલિં હરેત્

એવં સિદ્ધે મનૌ મન્ત્રી પ્રયોગાન્વિદધાતિ ચ ।
જાતમાત્રસ્ય બાલસ્ય દિવસત્રિતયાદધઃ

જિહ્વાયાં વિલિખેન્મન્ત્રં મધ્વાજ્યાભ્યાં શલાકયા ।
સુવર્ણ કૃતયા યદ્વા મન્ત્રી ધવલદૂર્વયા

ગતે ઽષ્ટમે ઽબ્દે બાલો ઽપિ જાયતે કવિરદ્બુતમ્ ।
તથાપરૈરજેયો ઽપિ ભૂપસંઘૈર્દ્ધનાર્ચિતઃ

ઉપરાગે દતાનીવ નરદારુસરોજલે ।
નિર્માય કીલકં તેન તૈલમધ્વમૃતૈર્લિખેત્

સરોજિનીદલે મન્ત્રં વેષ્ટયેન્માતૃકાક્ષરૈઃ ।
નિખાય તદલં કુણ્ડે ચતુરસ્રે સમેખલે

સંસ્થાપ્ય પાવકં તત્ર જુહુયાન્મનુનામુના ।
સહસ્રં રક્તપદ્માનાં ધેનુદુગ્ધજલાપ્લુતમ્

હોમાન્તે વિવધૈ રત્નૈઃ પલૈરપિ બલિં હરેત્ ।
બલિં મન્ત્રેણ વિધિવદ્બલિમન્ત્રઃ પ્રકાશ્યતે

તારઃ પદ્મે યુગ તન્દ્રી વિયદ્દીર્ઘં ચ લોહિતઃ ।
અત્રિર્વિષભગારૂઢો વદત્પદ્માવતીપદમ્

ઝિણ્ટીશાઢ્યોનિલસ્વાહા ષોડશાર્ણો બલેર્મનુઃ ।
તતો નિશીથે ચ બલિં પૂર્વોક્તમનુના હરેત્

એવં કૃતે પણ્ડિતાનાં સ જયી કવિરાડ્ ભવેત્ ।
નિવાસો ભારતીલક્ષ્મ્યોર્જનતારઞ્જનક્ષમઃ

શતાભિજપ્ત્યા યો મન્ત્રી રોચનાં મસ્તાકે ધરેત્ ।
યં યં પશ્યતિ તસ્યાસૌ દાસવજ્જાયતે ક્ષણાત્

શ્મશાનાઙ્ગારમાશ્રિત્ય પૂર્વાયાં કુજવાસરે ।
તેન મત્રેણ સંવેષ્ટ્ય નિબદ્ધં રક્તતન્તુભિઃ

શતાભિજપ્તં મૂલેન નિક્ષિપેદ્વૈરિવેશ્મનિ ।
ઉચ્ચાટયતિ સપ્તાહાત્સકુણ્ટુબાન્વિરોધિનઃ

ક્ષીરાઢ્યયા નિશામન્ત્રં લિખિત્વા પૌરુષે ઽસ્થનિ ।
રવિવારે નિશીથિન્યાં સહસ્રમભિમન્ત્રયેત્

તત્ક્ષિપ્તં શત્રુસદને મણ્ડલાદ્ભ્રંશકં ભવેત્ ।
ક્ષેત્રે ક્ષિપ્તં સસ્યહાન્યોજવહૃત્તુરમાલયેત્

ષટ્કોણાન્તર્લિખેન્મૂલં સાધ્યાર્ણં કેશરે સ્વરૈઃ ।
બાહ્યે ઽષ્ટવર્ગયુક્પત્રં પદ્મભૂમિપરાવૃતમ્

યન્ત્રં ભૂર્જે જહુરસૈર્લિખેત્પૂતામ્બરાવૃતમ્ ।
પટ્ટસૂત્રેણ સન્નદ્ધં શિશુકણ્ઠગતં ધ્રુવમ્

ભૂતભીતિહરં વામવાહૌ સ્ત્રીણાં ચ પુત્રદમ્ ।
નૃણાં દક્ષિણબાહુસ્થં નિર્ધનાનાં ધનપ્રદમ્

જ્ઞાનદં જ્ઞાનમિચ્છૂનાં રાજ્ઞાં તુ વિજયપ્રદમ્