Scripture Library

Narada Purana · Chapter 1.86

1.86.1

iti śrībṛhannāradīyapurāṇe pūrvabhāge bṛhadupākhyāne tṛtīyapāde yakṣiṇīmantrabhedanirūpaṇaṃ nāma pañcāśītitamo 'dhyāyaḥ
sanatkumāra uvāca
sarasvatyavatārāste kathitāḥ siddhidā nṛṇām /
atha lakṣmyavatārāṃste vakṣye sarvārthasiddhidān

1.86.2

vāṇīmanmathaśaktyākhyaṃ bījatritayamīritam /
ṛṣiḥ syāddakṣiṇāmūrtiḥ paṅktiśchandaḥ prakīrtitam

1.86.3

devatā tripurā bālā madhyānte śaktibījake /
nābherāpādamādyaṃ tu nābhyantaṃ hṛdayātparam

1.86.4

mṛrdhno hradantaṃ tartīyaṃ kramāddeheṣu vinyaset /
ādyaṃ vāmakare dakṣakare tadubhayoḥ param

1.86.5

punarbījatrayaṃ nyasya mūrdhni guhye ca vakṣasi /
nava yonpābhidhaṃ nyāse navakṛtvo manuṃ nyaset

1.86.6

karṇayościbuke nyasyecchaṅkhayormukhapaṅkaje /
netrayornāsikāyāṃ ca skandhayorudare tathā

1.86.7

nyasetkūrparayornābhau jānunorliṅgamastake /
pādayorapi guhye ca pārśvayorhṛdaye punaḥ

1.86.8

stanayoḥ kaṇṭhadeśe ca vāmāṅgādiṣu vinyaset /
vāgbhavādyāṃ ratiṃ guhye prītimatyādikāṃ hṛdi

1.86.9

kāmabījādikānpaśyedbhūmadhye tu manobhavām /
punarvāgakātmamādyāstisraeva ca vinyaset

1.86.10

amṛteśīṃ ca yogeśīṃ viśvayoniṃ tṛtīyakām /
mūrdhniṃ vaktre hṛdi nyasyedguhye caraṇayorapi

1.86.11

kāmeśī pañcabījāḍhyāṃ smarātpañcanyasetkramāt /
māyākāmau ca vāglakṣmī kāmeśī pañcabījakam

1.86.12

manobhavaśca makaradhvajakandarpamanmathāḥ /
kāmadevaḥ smaraḥ pañca kīrtitānyāsasiddhidāḥ

1.86.13

śiraḥpanmukhāguhyeṣu hṛdaye bāṇadevatāḥ /
drāviṇyādyāḥ kramānnyasyedvāṇeśībījapūrvakaḥ

1.86.14

drāndrīṃ klīñjūṃsa iti vaibāṇeśabījakaṃ ca kam /
drāviṇī kṣobhiṇī vaśīkaraṇyāṅkarṣaṇī tathā

1.86.15

saṃmohanī ca bāṇānāṃ devatāḥ pañca kīrtitāḥ /
tārtīyavāgmadhyagena kāmena syātṣaḍaṅgakam

1.86.16

ṣaḍdīrghasvarayuktena tato devīṃ vicintayet /
dhyāyedraktasarojasthāṃ raktavastrāṃ trilocanam

1.86.17

udyadarkanibhāṃ vidyāṃ mālābhayavarodvahām /
lakṣatrayaṃ japenmantraṃ daśāṃśaṃ kiṃśukodbhavaiḥ

1.86.18

puṣpairhayārijairvāpi juhuyānmadhurānvitaiḥ /
navayonyātmakaṃ yantraṃ bahiraṣṭadalāvṛtam

1.86.19

kesareṣu svarānnyasyedvargānaṣṭaudaleṣvapi /
dalāgreṣu triśūlāni padma tu mātṛkāvṛtam

1.86.20

evaṃ vilikhite yantre pīṭhaśaktīḥ prapūjayet /
icchā jñānā kriyā caiva kāminī kāmadāyinī

1.86.21

ratī ratipriyā nandā manonmanyapi coditāḥ /
pīṭhaśaktīrimā iṣṭvā pīṭhaṃ tanmanunā diśet

1.86.22

vyomapūrve tu tārtīyaṃ sadāśivamahāpadam /
pretapadmāsanaṃ ṅeṃtaṃ namontaḥ pīṭhamantrakaḥ

1.86.23

ṣoḍaśārṇastato mūrtauṃ kḷptāyāṃ mūlamantrataḥ /
āvāhya prajapeddevīmupacāraiḥ pṛthagvidhaiḥ

1.86.24

devīmiṣṭvā madhyayonau trikoṇe ratipūrvikām /
vāmakoṇe ratiṃ dakṣe prītimagre manobhavām

1.86.25

yonyantarvahnikoṇādavaṅgānyagnervidikṣvapi /
madhyayomerhahiḥ pūrvādiṣu cāgre smarānapi

1.86.26

vāṇadevīstadvadeva śaktīraṣṭasu yoniṣu /
subhagākhyā bhāgā paścāttṛtīyā bhagasarpiṇī

1.86.27

bhagamālā tathānaṅgā nagādyā kusumāparā /
anaṅgamekhalānaṅgamadanetyaṣṭaśaktayaḥ

1.86.28

padmakeśaragā brāhmī mukhāḥ patreṣu bhairavāḥ /
dīrghādyā mātaraḥ pūjyā hrasvādyāścāṣṭabhairavāḥ

1.86.29

dalāgreṣvaṣṭapīṭhāni kāmarūpākhyamādimam /
malayaṃ kollagiryyākhyaṃ cauhārākhyaṃ kulāntakam

1.86.30

jālandharaṃ tathonnāsaṃ koṭapīṭhamathāṣṭamam /
bhūgṛhe daśadikṣvarceddhetukaṃ tripurāntakam

1.86.31

vaitālamagni jihvaṃ ca kamalāntakālinau /
ekapādaṃ bhīmarūpaṃ vimalaṃ hāṭakeśvaram

1.86.32

śakrādyānāyudhaiḥ sārddhaṃ svasvadikṣu samarcayet /
tadbahirdikṣu baṭukaṃ yoginīṃ kṣetranāyakam

1.86.33

gaṇeśaṃ vidiśāsvarcedvasūnsūryācchivāṃstathā /
bhūtāṃścetthaṃ bhajanbālāmīśaḥ syāddhanavidyayoḥ

1.86.34

raktāṃbhojairhuternāryovaśyāḥ syuḥ sarṣapairnṛpāḥ /
nandyāvartai rājavṛkṣaiḥ kundaiḥ pāṭalacaṃpakaiḥ

1.86.35

puṣpairbilvaphalairvāpi homāllakṣmīḥ sthirā bhavet /
apamṛtyuṃ jayenmantrī guḍūcyā dugdhayuktayā

1.86.36

yathoktadūrvāhomena nīrogāyuḥ samaśnute /
jñānaṃ kavitvaṃ labhate candrāgurusurairhutaiḥ

1.86.37

palāśapuṣpairvāksiddhirannāptiścānnahomataḥ /
surabhikṣīradadhyaktāṃllājānhutvā rujo jayet

1.86.38

raktacandanakarpūrakarcūrāgururocanāḥ /
candanaṃ keśaraṃ māṃsīṃ kramādbhāgainiṃyojayet

1.86.39

bhūmicandraikanandābdhidiksaptanigamonmitaiḥ /
śmaśāne kṛṣṇabhūtasya niśi nīhārapāthasā

1.86.40

kumāryā peṣayettāni mantreṇāthābhimantrya ca /
vidaddhyāttilakaṃ tena darśanādvaśayejjanān

1.86.41

gajasiṃhādibhūtāni rākṣasāñchākinīrapi /
prayojanānāṃ siddhyai tu devyāḥ śāpaṃ nivartya ca

1.86.42

vidhāyotkīlitāṃ paścājjapamasya samācaret /
yo japedādime bīje varāhabhṛgupāvakān

1.86.43

madhyamādau nabhohaṃsau madhyamānte tu pāvakam /
ādāvante ca tārtūyakramātsvaṃ dhūmraketanam

1.86.44

evaṃ japtvā śataṃ vidyā śāpahīnā phalapradā /
yadvādye carame bīje naiva rephaṃ viyojayet

1.86.45

śāpoddhāraprakāro 'nyo yadvāyaṃ kīrtito budhaiḥ /
ādyamādyaṃ hi tārtīyaṃ kāmaḥ kāmo 'tha vāgbhavam

1.86.46

antyamantthamanaṅgaśca navārṇaḥ kīrtito manuḥ /
japto 'yaṃ śatadhā śāpaṃ bālāyā vinivartayet

1.86.47

caitanyāhlādinūmantrau japtau niṣkīlatākarau /
trisvarāścetanaṃ mantrī dharaḥ śāntiranugrahaḥ

1.86.48

tārādihṛdayāntaḥ syātkāma āhlādinīmanuḥ /
tathā trayāṇāṃ bījānāṃ dīpanairmanubhistribhiḥ

1.86.49

sudīptāni vidhāyādau japettānīṣṭasiddhaye /
vadayugmaṃ sadīrghāṃbu smṛtivālāvanaṅgatau

1.86.50

satyaḥ sanetro nastādṛgvā vāgvarṇādyadīpinī /
klinne kledini vaikuṇṭho dīrghaṃ svaṃ sadyagontimaḥ

1.86.51

nidrā sacandrā kurvīta śivārṇā madhyadīpinī /
tāro mokṣaṃ ca kurute nāyaṃ varṇāsyadīpinī

1.86.52

dīpinīmantarā bālā sādhitāpi na siddhyati /
vāgantyakāmān prajayedarīṇā kṣobhahetave

1.86.53

kāmavāgantyabījāni trailokyasya vaśīkṛtau /
kāmāntyavāṇībījāni muktaye niyato japet

1.86.54

pūjāraṃbhe tu bālāyāstrividhānarcayedgurūn /
divyaughaścaiva siddhaugho mānavaugha iti tridhā

1.86.55

paraprakāśaḥ parame śānaḥ paraśivastathā /
kāmeśvarastato mokṣaḥ ṣaṣṭhaḥ kāmo 'mṛtoṃ'timaḥ

1.86.56

ete daptaiva divyaughā ānandapadapaścimāḥ /
īśānākhyastatpuruṣo 'ghorākhyovāmadevakaḥ

1.86.57

sadyojāta ime pañca siddhaudhākhyāḥ smṛtā mune /
mānavaughāḥ parijñeyāḥ svaguroḥ sampradāyataḥ

1.86.58

navayonyātmake yantre vilikhenmadhyayonitaḥ /
prādakṣiṇyena bījāni trivāraṃ sādhakottamaḥ

1.86.59

trīṃstrīnvarṇāṃstu gāyatryā aṣṭapatreṣu saṃlikhet /
bahirmātṛkayā'veṣṭya tadbahirbhūpuradvayam

1.86.60

kāmabījalasatkoṇana vyatibhinnaṃ parasparam /
patre traipuramākhyātaṃ japasaṃpātasādhitam

1.86.61

bāhunā vidhṛte dadyāddhanaṃ kīrtiṃ sukhaṃ sutān /
kāmānte tripurā devī vidmahe kaviṣaṃ bhahim

1.86.62

bakaḥ khaḍgī samārūḍhaḥ sanetro 'gniśca dhīmahi /
tatra klinne pracodānte yādityeṣā prakīrtitā

1.86.63

gāyatrī traipurā sarsiddhidā surasevitā /
atha lakṣmyavatāro 'nyaḥ kīrtyate siddhido nṛṇām

1.86.64

vedādirgirijā padmā manyatho hṛdayaṃ bhṛguḥ /
bhagavati māheśvarī ṅente 'nnapūrṇe dahanāṅganā

1.86.65

proktā viṃśativarṇeyaṃ vidyā syāddruhiṇo muniḥ /
dhṛtiśchando 'nnapūrṇeśī devatā parikīrtitā

1.86.66

ṣaḍdīrghāḍhyena hṛllekhābī'jena syātṣaḍaṅgakam /
mukhanāsākṣikarṇāṃsagudeṣu navasu nyaset

1.86.67

padāni nava tadvarṇasaṃkhyedānīmudīryate /
bhūmicandradharaikākṣivedābdhiyugabāhubhiḥ

1.86.68

padasaṃkhyāmitā varṇaistato dhyāyetsureśvarīm /
svarṇābhāṅgāṃ trinayanāṃ vastrālaṅkāraśobhitām

1.86.69

bhūramāsaṃ yutāṃ devīṃ svarṇāmatrakarāṃbujām /
lakṣaṃ japo 'yutaṃ homo ghṛtāktacaruṇā tathā

1.86.70

jayādinavaśaktayāḍhye pīṭhe pūjā samīritā /
trikoṇā vedapatrāṣṭapatraṣoḍaśapatrake

1.86.71

bhūpureṇa yute yantre pradadyānmāyayā manum /
agnyādikoṇatritaye śivavārāhamādhavān

1.86.72

acaryayetsvasvamantraistu procyante manavastu te /
praṇavo manucandrāḍhyaṃ gaganaṃ hṛdayaṃ śivā

1.86.73

mārutaḥ śivamantro 'yaṃ saptārṇaḥ śivapūjane /
vārāhanārāyaṇayormantrau pūrvamudīrayet

1.86.74

ṣaḍaṅgāni tato 'bhyarcya vāme dakṣe dharāṃ ramām /
yajetsvasvamanubhyāṃ tu tāvucyete munīśvara

1.86.75

annaṃ mahyannamityuktvā me dehyannādhiporṇakāḥ /
nayemamannaṃ prāṇānte dāpayānalasuṃdarī

1.86.76

dvāviṃśatyakṣaro mantro bhūmīṣṭau bhūmisaṃpuṭaḥ /
lakṣmīṣṭau śrīpuṭo vipra snṛtirlabhanucandrayuk

1.86.77

bhuvo bījamiti proktaṃ śrībījaṃ prāgudāhṛtam /
mantrādisthacaturbījapūrvikāḥ paripūjayet

1.86.78

śaktīścatasro vedāsre parā ca bhuvaneśvarī /
kamalā subhagā cati brāhmyādyā aṣṭapatragāḥ

1.86.79

ṣoḍaśāre smṛte cava mānadātuṣṭipuṣṭayaḥ /
prītī ratirhnīḥ śrīścāpi svadhā svāhā daśamyatha

1.86.80

jyotsnā haimavatī chāyā pūrṇimā saṃhatistathā /
amāvāsyeti saṃpūjyā mantreśe prāṇapūrvikā

1.86.81

bhūpure lokapālāḥ syustadastrāṇi tadagrataḥ /
itthaṃ japādibhiḥ siddhe mantre 'smindhanasaṃcayaiḥ

1.86.82

kuberasadṛśo mantrī jāyate janavanditaḥ /
atha lakṣmyavatāro 'nyaḥ kīrtyate munisattama

1.86.83

praṇavaḥ śāntiraruṇākriyāḍhyācandrabhūṣitāḥ /
bagalāmukhasarvānte indhikāhrādinīyutā

1.86.84

pītājarāyukpratiṣṭhā punardīrdhodasaṃyutā /
vācaṃ mukhaṃ padaṃ staṃbhayānte jihvāpadaṃ vadet

1.86.85

kīlayeti ca buddhiṃ vināśayānte svabījakam /
tāro 'gnisuṃdarī mantro bagalāyāḥ prakīrtitaḥ

1.86.86

munistu nāradaśchado bṛhatī bagalāmukhī /
devatā netrapañceṣunavapañcadigarṇakaiḥ

1.86.87

aṅgāni kalpayitvā ca dhyāyetpītāmbarāṃ tataḥ /
svarṇāsanasthāṃ hemābhāṃ staṃbhinīminduśekharām

1.86.88

dadhatīṃ mudgaraṃ pāśaṃ vajraṃ ca rasanāṃ karaiḥ /
evaṃ dhyātvājapellakṣamayutaṃ caṃpakodbhavaiḥ

1.86.89

kusumairjuhuyātpīṭhe bālāyāḥ pūjayedimām /
candanāgurucandrādyaiḥ pūjārthaṃ yantramālikhet

1.86.90

trikoṇaṣaḍdalāṣṭāsraṣoḍaśāre yajedimām /
maṅgalā staṃbhinī caiva jṛṃbhiṇī mohinī tathā

1.86.91

vaśyā calā balākā ca bhūdharā kalmaṣābhidhā /
dhātrī ca kalanā kālakarṣiṇī bhrāmikāpi ca

1.86.92

mandagāpi ca bhogasthā bhāvikā ṣoḍaśī smṛtā /
bhūgṛhasya caturdikṣu pūrvādiṣu yajetkramāt

1.86.93

gaṇeśaṃ baṭukaṃ cāpi yoginīḥ kṣetrapālakam /
indrādīṃśca tato bāhye nijāyudhasamanvitān

1.86.94

itthaṃ siddhe manau mantrī staṃbhayeddevatādikān /
pītavastrapadāsīnaḥ pītamālyānulepanaḥ

1.86.95

pītapuṣpairyajeddevīṃ haridrotthasrajā japet /
pītāṃ dhyāyanbhagavatīṃ payomadhye 'yutaṃ japet

1.86.96

trimadhvā jyatilairhemo nṝṇāṃ vaśyakaro mataḥ /
madhuratritayāktaiḥ syādākarṣo lavarṇairdhruvam

1.86.97

tailābhyaktairnimbapatrairhemo vidveṣakārakaḥ /
tālaloṇaharidrābhirdviṣāṃ saṃstaṃbhanaṃ bhavet

1.86.98

āgāradhūmaṃ rājīśca māhiṣaṃ guggulaṃ niśi /
śmaśāne pāvake hutvā nāśayedacirādarīn

1.86.99

garuto gṛdhrakākānāṃ kaṭutailaṃ vibhītakam /
gṛhadhūmaṃ citāvahnau hutvā proccāṭayedripūn

1.86.100

dūvārguḍūcīlājānyo madhuratritayānvitān /
juhoti so 'khilān rogān śamayeddarśanādapi

1.86.101

parvatāgre mahāraṇye nadīsaṃge śivālaye /
brahmacaryarato lakṣaṃ japedakhilasiddhaye

1.86.102

eka varṇagavīdugdhaṃ śarkarāmadhusaṃyutam /
triśataṃ mantritaṃ pītaṃ hanyādviṣaparābhavam

1.86.103

śvetapālaśakāṣṭhena racite ramyapādake /
alaktarañjite lakṣaṃ mantrayenmanunāmunā

1.86.104

tadārūḍhaḥ pumān gacchatkṣaṇena śatayojanam /
pāradaṃ ca śilāṃ tālaṃ piṣṭaṃ madhusamanvitam

1.86.105

manunā mantrayellakṣaṃ liṃpettenākhilāṃ tanum /
adṛśyaḥ syānnṛṇāmeṣa āścaryyaṃ dṛśyatāmidam

1.86.106

ṣaṭkoṇaṃ vilikhadbījaṃ sādhyanāmānvitaṃ manoḥ /
haritālaniśācūrṇairunmatturasasaṃyutaiḥ

1.86.107

śeṣākṣaraiḥ samānītaṃ dharāgehavirājitam /
tadyantraṃ sthāpitaprāṇaṃ pītasūtreṇa veṣṭayet

1.86.108

bhrāmyatkulālacakrasthāṃ gṛhītvā mṛttikāṃ tathā /
racayedṛṣabhaṃ ramyaṃ yantraṃ tanmadhyataḥ kṣipet

1.86.109

haritālena saṃlipya vṛṣaṃ pratyahamarcayet /
staṃbhayedvidviṣāṃ vācaṃ gatiṃ kāryaparaṃparām

1.86.110

ādāya vāmahastena pretabhūsthitakarparam /
aṅgāreṇa citāsthena tatra yantraṃ samālikhet

1.86.111

mantritaṃ nihitaṃ bhūmau ripūṇāṃ staṃbhayedgatim /
pretavastre likhedyantraṃ aṅgāreṇaiva tatpunaḥ

1.86.112

maṇḍūkavadane nyasyetpītasūtreṇa veṣṭitam /
pūjitaṃ pītapuṣpaistadvācaṃ saṃstaṃbhayeddviṣām

1.86.113

yadbhūmau bhavitā divyaṃ tatra yantraṃ samālikhet /
mārjitaṃ taddviṣāṃ pātrairdivyastambhanakṛdbhavet

1.86.114

indravāruṇikāmūlaṃ saptaśo manumantritam /
kṣiptaṃ jale divyakṛtaṃ jalastaṃbhanakārakam

1.86.115

kiṃ bahūktyā sādhakena mantraḥ samyagupāsitaḥ /
śatrūṇāṃ gatibuddhyādeḥ staṃbhano nātra saṃśayaḥ

Original text: Nāradapurāṇa (or Nāradīyapurāṇa) · Data entry members of the Sansknet Project · GRETIL (Göttingen) · CC BY-NC-SA 4.0