નારદ પુરાણ · અધ્યાય 1.78

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને તૃતીયપાદે કાર્તવીર્યકવચકથનં નામ સપ્તસપ્તતિતોમો ઽધ્યાયઃ
સનત્કુમાર ઉવાચ
કાર્તવીર્યસ્ય કવચં કથિતં તે મુનીશ્વર ।
મોહવિધ્વંસનં જૈત્રં મારુતેઃ કવચં શૃણુ

યસ્ય સંધારણાત્સદ્યઃ સર્વે નશ્યન્ત્યુપદ્રવાઃ ।
ભૂતપ્રેતારિજં દુઃખં નાશમેતિ ન સંશયઃ

એકદાહં ગતો દ્રષ્ટું રામં રમયતાં વરમ્ ।
આનન્દવનિકાસંસ્થં ધ્યાયન્તં સ્વાત્મનઃ પદમ્

તત્ર રામં રમાનાથં પૂજિતં ત્રિદશેશ્વરૈઃ ।
નમસ્કૃત્ય તદાદિષ્ટમાસનં સ્થિતવાન્ પુરઃ

તત્ર સર્વં મયા વૃત્તં રાવણસ્ય વધાન્તકમ્ ।
પૃષ્ટં પ્રોવાચ રાજેન્દ્રઃ શ્રીરામઃ સ્વયમાદરાત્

તતઃ કથાન્તે ભગવાન્મારુતેઃ કવચં દદૌ ।
મહ્યં તત્તે પ્રવક્ષ્યામિ ન પ્રકાશ્યં હિ કુત્રચિત્

ભવિષ્યદેતન્નિર્દ્દિષ્ટં બાલભાવેન નારદ ।
શ્રીરામેણાઞ્જનાસૂનાસૂનોર્ભુક્તિમુક્તિપ્રદાયકમ્

હનુમાન્ પૂર્વતઃ પાતુ દક્ષિણે પવનાત્મજઃ ।
પાતુ પ્રતીચ્યામક્ષઘ્નઃ સૌમ્યે સાગરતારકઃ

ઊર્દ્ધ પાતુ કપિશ્રેષ્ઠઃ કેસરિપ્રિયનન્દનઃ ।
અધસ્તાદ્વિષ્ણુભક્તસ્તુ પાતુ મધ્યે ચ પાવનિઃ

લઙ્કાવિદાહકઃ પાતુ સર્વાપદ્ભ્યો નિરન્તરમ્ ।
સુગ્રીવસચિવઃ પાતુ મસ્તકં વાયુનન્દનઃ

ભાલં પાતુ મહાવીરો ભ્રુવોર્મધ્યે નિરન્તરમ્ ।
નેત્રે છાયાપહારી ચ પાતુ નઃ પ્લવગેશ્વરઃ

કપોલૌ કર્ણમૂલે ચ પાતુ શ્રીરામકિઙ્કરઃ ।
નાસાગ્રમઞ્જનાસૂનુઃ પાતુ વક્ત્રં હરીશ્વરઃ

પાતુ કણ્ઠે તુ દૈત્યારિઃ સ્કન્ધૌ પાતુ સુરારિજિત્ ।
ભુજૌ પાતુ મહાતેજાઃ કરૌ ચ ચરણાયુધઃ

નખાન્નાખાયુધઃ પાતુ કુક્ષૌ પાતુ કપીશ્વરઃ ।
વક્ષો મુદ્રાપહારી ચ પાતુ પાર્શ્વે ભુજાયુધઃ

લઙ્કાનિભઞ્જનઃ પાતુ પૃષ્ટદેશે નિરન્તરમ્ ।
નાભિં શ્રીરામભક્તસ્તુ કટિં પાત્વનિલાત્મજઃ

ગુહ્યં પાતુ મહાપ્રજ્ઞઃ સક્થિની અતિથિપ્રિયઃ ।
ઊરૂ ચ જાનુની પાતુ લઙ્કાપ્રાસાદભઞ્જનઃ

જઙ્ઘે પાતુ કપિશ્રેષ્ઠો ગુલ્ફૌ પાતુ મહાબલઃ ।
અચલોદ્ધારકઃ પાતુ પાદૌ ભાસ્કરસન્નિભઃ

અઙ્ગાનિ પાતુ સત્ત્વાઢ્યઃ પાતુ પાદાઙ્ગુલીઃ સદા ।
મુખાઙ્ગાનિ મહાશૂરઃ પાતુ રોમાણિ ચાત્મવાન્

દિવારાત્રૌ ત્રિલોકેષુ સદાગતિલુતો ઽવતુ ।
સ્થિતં વ્રજન્તમાસીનં પિબન્તં જક્ષતં કપિઃ

લોકોત્તરગુણઃ શ્રીમાન્ પાતુ ત્ર્યંબકસંભવઃ ।
પ્રમત્તમપ્રમત્તં વા શયાનં ગહનેંઽબુનિ

સ્થલેંઽતરિક્ષે હ્યગ્નૌ વા પર્વતે સાગરે દ્રુમે ।
સંગ્રામે સંકટે ઘોરે વિરાઙ્રૂપધરો ઽવતુ

ડાકિનીશાકિનીમારીકાલરાત્રિમરીચિકાઃ ।
શયાનં માં વિભુઃ પાતુ પિશાચોરગરાક્ષસીઃ

દિવ્યદેહધરો ધીમાન્સર્વસત્ત્વભયઙ્કરઃ ।
સાધકેન્દ્રાવનઃ શશ્વત્પાતુ સર્વત એવ મામ્

યદ્રૂપં ભીષણં દૃષ્ટ્વા પલાયન્તે ભયાનકાઃ ।
સ સર્વરૂપઃ સર્વજ્ઞઃ સૃષ્ટિસ્થિતિકરો ઽવતુ

સ્વયં બ્રહ્મા સ્વયં વિષ્ણુઃ સાક્ષાદ્દેવો મહેશ્વરઃ ।
સૂર્યમણ્ડલગઃ શ્રીદઃ પાતુ કાલત્રયે ઽપિ મામ્

યસ્ય શબ્દમુપાકર્ણ્ય દૈત્યદાનવરાક્ષસાઃ ।
દેવા મનુષ્યાસ્તિર્યઞ્ચઃ સ્થાવરા જઙ્ગમાસ્તથા

સભયા ભયનિર્મુક્તા ભવન્તિ સ્વકૃતાનુગાઃ ।
યસ્યાનેકકથાઃ પુણ્યાઃ શ્રૂયન્તે પ્રતિકલ્પકે

સો ઽવતાત્સાધકશ્રેષ્ઠં સદા રામપરાયણમઃ ।
વૈધાત્રધાતૃપ્રભૃતિ યત્કિઞ્ચિદ્દૃશ્યતે ઽત્યલમ્

વિદ્ધ્વિ વ્યાપ્તં યથા કીશરૂપેણાનઞ્જનેન તત્ ।
યો વિભુઃ સો ઽહમેષો ઽહં સ્વીયઃ સ્વયમણુર્બૃહત્

ઋગ્યજુઃસામરૂપશ્ચ પ્રણવસ્ત્રિવૃદધ્વરઃ ।
તસ્મૈ સ્વસ્મૈ ચ સર્વસ્મૈ નતો ઽસ્મ્યાત્મસમાધિના

અનેકાનન્તબ્રહ્માણ્ડધૃતે બ્રહ્મસ્વરૂપિણે ।
સમીરણાત્મને તસ્મૈ નતો ઽસ્મ્યાત્મસ્વરૂપિણે

નમો હનુમતે તસ્મૈ નમો મારુતસૂનવે ।
નમઃ શ્રીરામભક્તાય શ્યામાય મહતે નમઃ

નમો વાનર વીરાય સુગ્રીવસખ્યકારિણે ।
સંકાવિદહનાયાથ મહાસાગરતારિણે

સીતાશોકવિનાશાય રામમુદ્રાધરાય ચ ।
રાવણાન્તનિદાનાય નમઃ સર્વોત્તરાત્મને

મેઘનાદમખધ્વંસકારણાય નમોનમઃ ।
અશોકવનવિધ્વંસકારિણે જયદાયિને

વાયુપુત્રાય વીરાય આકાશોદરગામિને ।
વનપાલશિરશ્છેત્રે લઙ્કાપ્રાસાદભઞ્જિને

જ્વલત્કાઞ્ચનવર્ણાય દીર્ઘલાઙ્ગૂલધારિણે ।
સૌમિત્રિજયદાત્રે ચ રામદૂતાય તે નમઃ

અક્ષસ્ય વધકર્ત્રે ચ બ્રહ્મશસ્ત્રનિવારિણે ।
લક્ષ્મણાઙ્ગમહાશક્તિજાતક્ષતવિનાશિને

રક્ષોઘ્નાય રિપુઘ્નાય ભૂતઘ્નાય નમોનમઃ ।
ઋક્ષવાનરવીરૌઘપ્રાસાદાય નમોનમઃ

પરસૈન્યબલઘ્નાય શસ્ત્રાસ્ત્રઘ્નાય તે નમઃ ।
વિષઘ્નાય દ્વિષઘ્નાય ભયઘ્નાય નમોનમઃ

મહીરિપુભયઘ્નાય ભક્તત્રાણૈકકારિણ ।
પરપ્રેરિતમન્ત્રાણાં મન્ત્રાણાં સ્તંભકારિણે

પયઃ પાષાણતરણકારણાય નમોનમઃ ।
બાલાર્કમણ્ડલગ્રાસકારિણે દુઃખહારિણે

નખાયુધાય ભીમાય દન્તાયુધધરાય ચ ।
વિહૄઙ્ગમાય શવાય વજ્રદેહાય તે નમઃ

પ્રતિગ્રામસ્થિતાયાથ ભૂતપ્રેતવધાર્થિને ।
કરસ્થશૈલશસ્ત્રાય રામ શસ્ત્રાય તે નમઃ

કૌપીનવાસસે તુભ્યં રામભક્તિરતાય ચ ।
દક્ષિણાશાભાસ્કરાય સતાં ચન્દ્રોદયાત્મને

કૃત્યાક્ષતવ્યથાઘ્નાય સર્વક્લેશહરાય ચ ।
સ્વામ્યાજ્ઞાપાર્થસંગ્રામસખ્યસંજયકારિણે

ભક્તાનાં દિવ્યવાદેષુ સંગ્રામે જયકારિણે ।
કિલ્કિલાવુવકારાય ઘોરશબ્દકરાય ચ

સર્વાગ્નિવ્યાધિસંસ્તંભકારિણે ભયહારિણે ।
સદા વનફલાહારસંતૃપ્તાય વિશેષતઃ

મહાર્ણવશિલાબદ્ધ્વસેતુબન્ધાય તે નમઃ ।
ઇત્યેતત્કથિતં વિપ્ર મારુતેઃ કવચં શિવમ્

યસ્મૈ કસ્મૈ ન દાતવ્યં રક્ષણીયં પ્રયત્નતઃ ।
અષ્ટગન્ધૈર્વિલિખ્યાથ કવચં ધારયેત્તુ યઃ

કણ્ઠે વા દક્ષિણે બાહૌ જયસ્તસ્ય પદે પદે ।
કિં પુનર્બહુનોક્તેન સાધિતં લક્ષમાદરાત્

પ્રજપ્તમેતત્કવચમસાધ્યં ચાપિ સાધયેત્