નારદ પુરાણ · અધ્યાય 1.77

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને તૃતીયપાદે કાર્તવીર્યમાહાત્મ્યમન્ત્રદીપકથનં નામ ષટ્સપ્તતિતમો ઽધ્યાયઃ
નારદ ઉવાચ
સાધુ સાધુ મહાપ્રાજ્ઞ સર્વ તન્ત્રવિશારદ ।
ત્વયા મહ્યં સમાખ્યાતં વિધાનં તન્ત્રગોપિતમ્

અધુના તુ મહાભાગ કીર્તવીર્યહનૂમતોઃ ।
કવચે શ્રોતુમિચ્છામિ તદ્વદસ્વકૃપાનિધે

સનત્કુમાર ઉવાચ
શૃણુ વિપ્રેન્દ્ર વક્ષ્યામિ કવચં પરમાદ્ભુતમ્ ।
કાર્તવીર્યસ્ય યેનાસૌ પ્રસન્નઃ કાર્યસિદ્ધિકૃત્

સહસ્રાદિત્યસંકાશે નાનારત્નસમુજ્જ્વંલે ।
ભાસ્વદ્ધ્વજપતાકાઢ્યે તુરગાયુતભૂષિતે

મહાસંવર્તકાંભોધિભીમરાવવિરાવિણિ ।
સમુદ્ધૃતમહાછત્ત્રવિતાનિતવિયત્પથે

મહારથવરે દીપ્તનાનાયુધવિરાજિતે ।
સુસ્થિતં વિપુલોદારં સહસ્રભુજમણ્ડિતમ્

વામૈરુદ્દણ્ડકોદણ્ડાન્દધાનમપરૈઃ શરાન્ ।
કિરીટહારમુકુટકેયૂરવલયાઙ્ગદૈઃ

મુદ્રિકોદરબન્ધાદ્યૈર્માઐઞ્જીનૂપુરકાદિભિઃ ।
ભૂષિતં વિવિધાકલ્પૈર્ભાસ્વરૈઃ સુમહાધનૈઃ

આબદ્ધકવચં વીરં સુપ્રસન્નાનનાંબુજમ્ ।
ધનુર્જ્યા સિંહનાદેન કંપયન્તં જગત્ત્રયમ્

સર્વશત્રુક્ષયકરં સર્વવ્યાધિવિનાશનમ્ ।
સર્વસંપત્પ્રદાતારં વિજયશ્રીનિષેવિતમ્

સર્વસૌભાગ્યદં ભદ્રં ભક્તાભયવિધાયિનમ્ ।
દિવ્યમાલ્યાનુલેપાઢ્યં સર્વલક્ષણસંયુતમ્

રથનાગાશ્વપાદાતવૃન્દમધ્યગમીશ્વરમ્ ।
વરદં ચક્રવર્તીનં સર્વલોકૈકપાલકમ્

સમાનોદિતસાહસ્રદિવાકરસમદ્યુતિમ્ ।
મહાયોગભવૈશ્વર્યકીર્ત્યાક્રાન્તજગત્ત્રયમ્

શ્રીમઞ્ટતં હરેરંશાદવતીર્ણં મહીતલે ।
સમ્યગાત્માદિભેદેન ધ્યાત્વા રક્ષામુદીરયેત્

અસ્યાઙ્ગમૂર્તયઃ પઞ્ચ પાન્તુ માં સ્ફટિકોજ્જ્વલાઃ ।
અગ્નીશાસુરવાયવ્યકોણેષુ હૃદયાદિકાઃ

સર્વતોસ્રજ્વલદ્રૂપા દરચર્માસિપાણયઃ ।
અવ્યાહતબલૈશ્વર્યશક્તિસામર્થ્યવિગ્રહાઃ

ક્ષેમઙ્કરીશક્તિયુતશ્ચૌરવર્ગવિભઞ્જનઃ ।
પ્રાચીં દિશં રક્ષતુ મે બાણબાણાસનાયુધઃ

શ્રીકરીશક્તિસહિતો મારીભયવિનાશકઃ ।
શરચાપધરઃ શ્રીમાન્ દિશં મે પાતુ દક્ષિણામ્

મહાવશ્યકરીયુક્તઃ સર્વશત્રુવિનાશકૃત્ ।
મહેષુચાપધૃક્પાતુ મમ પ્રાચેતસીં દિશમ્

યશઃકર્યા સમાયુક્તો દૈત્યસંઘવિનાશનઃ ।
પરિરક્ષતુ મે સમ્યગ્વિદિશં ચૈત્રભાનવીમ્

વિદ્યાકરીસમાયુક્તઃ સુમહહુઃખનાશનઃ ।
પાતુ મે નૈરૃતીં ચાપપાણિર્વિદિશમીશ્વરઃ

ધનકર્યા સમાયુક્તો મહાદુરિત નાશનઃ ।
ઇષ્વાસનેષુધૃક્પાતુ વિદિશં મમ વાયવીમ્

આયુઃકર્યા યુતઃ શ્રીમાન્મહાભયવિનાશનઃ ।
ચાપેષુધારી શૈવીં મે વિદિશં પરિરક્ષતુ

વિજયશ્રીયુતઃ સાક્ષાત્સહસ્રારધરો વિભુઃ ।
દિશમૂર્દ્ધ્વામવતુ મે સર્વદુષ્ટભયઙ્કરઃ

શઙ્ખભૃત્સુમહાશક્તિસંયુતો ઽપ્યધરાં દિશમ્ ।
પરિરક્ષતુ મે દુઃખધ્વાન્તસમ્ભેદભાસ્કરઃ

મહાયોગસમાયુક્તઃ સર્વદિક્ચક્રમણ્ડલઃ ।
મહાયોગીશ્વરઃ પાતુ સર્વતો મમ પદ્મભૃત્

એતાસ્તુ મૂર્તયો રક્તા રક્તમાલ્યાંશુકાવૃતાઃ ।
પ્રધાનદેવતારૂપાઃ પૃથગ્રથવરે સ્થિતાઃ

શક્તયઃ પદ્મહસ્તાશ્ચત નીલેન્દીવરસન્ન્નિભાઃ ।
શુક્લમાલ્યાનુવસનાઃ સુલિપ્તતિલકોજ્જ્વલાઃ

તત્પાર્શદેશ્વરાઃ સ્વસ્વવાહનાયુધભૂષણાઃ ।
સ્વસ્વદિક્ષુ સ્થિતાઃ પાન્તુ મામિન્દ્રાદ્યા મહાબલાઃ

એતસ્તસ્ય સમાખ્યાતાઃ સર્વાવરણદેવતાઃ ।
સર્વતો માં સદા પાતું સર્વશક્તિસમન્વિતાઃ

હૃદયે ચોદરે નાભૌ જઠરે ગુહ્યમણ્ડલે ।
તેજોરૂપાઃ સ્થિતાઃ પાતું વાઞ્છાસુખનદ્રુમાઃ

દિશં ચાન્યે મહાવર્ણા મન્ત્રરૂપા મહોજ્જ્વલાઃ ।
વ્યાપકત્વેન પાન્ત્વસ્માનાપાદતલમસ્તકમ્

કાર્તવીર્યઃ શિરઃ પાતુ લલાટં હૈહયેશ્વરઃ ।
સુમુખો મે મુખં પાતુ કર્ણૌં વ્યાપ્તજગત્ત્રયઃ

સુકુમારો હનું પાતુ ભ્રૂયુગં મે ધનુર્ધરઃ ।
નયનં પુંમડરીકાક્ષગો નાસિકાં મે ગુણાકરઃ

અધરોષ્ઠૌ સદા પાતુ બ્રહ્જ્ઞેયો દ્વિજાન્કવિઃ ।
સર્વશાસ્ત્રકલાધારી જિહ્વાં ચિબુકમવ્યયઃ

દત્તાત્રેયપ્રિયઃ કણ્ઠં સ્કન્ધૌ રાજકુલેશ્વરઃ ।
ભુજૌ દશાસ્યદર્પઘ્નો હૃદયં મે મહાબલઃ

કુક્ષિં રક્ષતુ મે વિદ્વાન્ વક્ષઃ પરપુરઞ્જયઃ ।
કરૌ સર્વાર્થદઃ પાતુકરાગ્રાણિ જગત્પ્રિયઃ

રેવાંબગુલીલાસંહપ્તો જઠરં પરિરક્ષતુ ।
વીરશૂરસ્તુ મે નાભિં પાર્શ્વૌ મે સર્વદુષ્ટહા

સહસ્રભુજનૃત્પૃષ્ટં સપ્તદ્વીપાધિપઃ કટિમ્ ।
ઊરૂ માહિષ્મતીનાથો જાનુની વલ્લભો ભુવઃ

જઙ્ઘે વીરાધિપઃ પાતુ પાતુ પાદૌ મનોજવઃ ।
પાતુ સર્વાયુધધરઃ સર્વાઙ્ગં સર્વમર્મસુ

સર્વદુષ્ટાન્તકઃ પાતુ ધાત્વષ્ટકકલેવરમ્ ।
પ્રાણાદિદશજીવેશાન્સર્વશિષ્ટેષ્ટદો ઽવતુ

વશીકૃતેન્દ્રિયગ્રામઃ પાતુ સર્વેન્દ્રિયાણિ મે ।
અનુક્તમપિ યત્સ્થાન શરીરાન્તર્બહિશ્ચ યત્

તત્સર્વં પાતુ મે સર્વલોકનાથેશ્વરેશ્વરઃ ।
વજ્રાત્સારતરં ચેદં શરીરં કવચાવૃતમ્

બાધાશતવિનિર્મુક્તમસ્તુ મે ભયવર્જિતમ્ ।
બદ્ધેદં કવચં દિવ્યમભેદ્યં હૈહયેશિતુઃ

વિચરામિ દિવા રાત્રૌ નિર્ભયેનાન્તરાત્મના ।
રાજમાર્ગે મહાદુર્ગે માર્ગે ચૌરા દિસંકુલે

વિષમે વિપિને ઘોરે દાવાગ્નૌ ગિરિકન્દરે ।
સંગ્રામે શસ્ત્રસંઘાતે સિંહવ્યાઘ્રનિષેવિતે

ગહ્વરે સર્વસંકીર્ણે સંધ્યાકાલે નૃપાલયે ।
વિવાદે વિપુલાવર્તે સમુદ્રે ચ નદીતટે

પરિપન્થિજનાકીર્ણે દેશે દસ્યુગણાવૃતે ।
સર્વસ્વહરણે પ્રાપ્તે પ્રાપ્તે પ્રાણસ્ય સંકટે

નાનારોગજ્વરાવેશે પિશાચપ્રેતયાતને ।
મારીદુઃસ્વપ્નપીડાસુ ક્લિષ્ટે વિશ્વાસઘાતકે

શારીરે ચ મહાદુઃખે માનસે ચ મહાજ્વરે ।
આધિવ્યાધિભયે વિઘ્નજ્વાલોપદ્રવકે ઽપિ ચ

ન ભવતુ ભયં કિઞ્ચિત્કવચેનાવૃતસ્ય મે ।
આઙ્ગુતુકામાનખિલાનસ્મદ્વસુવિલુંપકાન્

નિવારયતુ દોર્દણ્ડસહસ્રેણ મહારથઃ ।
સ્વકરોદ્ધૃતસાહસ્રપાશબદ્ધાન્સુદુર્જયાન્

સંરુદ્ધૂગતિસામર્થ્યાન્કરોતુ કૃતવીર્યજઃ ।
સૃણિસાહસ્રનિર્ભિન્નાન્સહસ્રશરખણ્ડિતાન્

રાજચૂડામણિઃ ક્ષિપ્રં કરોત્વસ્મદ્વિરોધકાન્ ।
ખડ્ગ સાહસ્રદલિતાન્સહસ્રમુશલાર્દિતાન્

ચૌરાદિ દુષ્ટસત્ત્વૌઘાન્કરોતુ કમલેક્ષણઃ ।
સ્વશઙ્ખનાદસંત્રસ્તાન્સહસ્રારસહસ્રભૃત્

અવતારો હરેઃ સાક્ષાત્પાલયત્વખિલં મમ ।
કાર્તવીર્ય મહાવીર્ય સર્વદુષ્ટવિનાશન

સર્વત્ર સર્વદા દુષ્ટચૌરાન્નાશાય નાશય ।
કિં ત્વં સ્વપિષિ દુષ્ટઘ્ન કિં તિષ્ટસિ ચિરાયાસિ

ઉત્તિષ્ઠ પાહિ નઃ સર્વભયેભ્યઃ સ્વસુતાનિવ ।
યે ચૌરા વસુહર્તારો વિદ્વિષો યે ચ હિંસકાઃ

સાધુભીતિકરા દુષ્ટાશ્છદ્મકા યે દુરાશયાઃ ।
દુર્હૃદો દુષ્ટભૂ પાલા દુષ્ટામાત્યાશ્ચ પાપકાઃ

યે ચ કાર્યવિલોપ્તોરો યે ખલાઃ પરિપન્થિનઃ ।
સર્વસ્વહારિણાં યે ચ પઞ્ચ માયાવિનો ઽપરેઃ

મહાક્લેશકરા મ્લેચ્છા દસ્યવો વૃષલાશ્ચ યે ।
યે ઽગ્નિદા ગરદાતારો વઞ્ચકાઃ શસ્ત્રપાણયઃ

યે પાપા દુષ્ટકર્માણો દુઃખદા દુષ્ટબુદ્ધયઃ ।
વ્યાજકાઃ કુપથાસક્તા યે ચ નાનાભયપ્રદાઃ

છિદ્રાન્વેષરતા નિત્યં યે ઽસ્માન્બાધિતુમુદ્યતાઃ ।
તે સર્વે કાર્તવીર્યસ્ય મહાશઙ્ખરવાહતાઃ

સહસા વિલયં યાન્તુ દૂરદિવ વિમોહિતાઃ ।
યે દાનવા મહાદિત્યા યે યક્ષા યે ચ રાક્ષસાઃ

પિશાચા યે મહાસત્ત્વા યે ભૂતબ્રહ્મરાક્ષસાઃ ।
અપસ્મારગ્રહા યે ચ યે ગ્રહાઃ પિશિતાશનાઃ

મહાલોહિતભોક્તારો વેતાલા યે ચ ગુહ્યકાઃ ।
ગન્ધર્વાપ્સરસઃ સિદ્ધા યે ચ દેવાદિયોનયઃ

ડાકિન્યો દ્રુણસાઃ પ્રેતાઃ ક્ષેત્રપાલા વિનાયકાઃ ।
મહાવ્યાઘ્રમહામેઘા મહાતુરાગરૂપકાઃ

મહાગજા મહાસિંહા મહામહિષયોનયઃ ।
ઋક્ષવારાહશુનકવાનરોલૂકમૂર્તયઃ

મહોષ્ટ્રખરમાર્જારસર્પગોવૃષમસ્તકાઃ ।
નાનારૂપા મહાસત્ત્વા નાનાક્લેશસહસ્રદાઃ

નાનારોગકરાઃ ક્ષુદ્રા મહાવીર્યા મહાબલાઃ ।
વાતિકાઃ પૈત્તિકા ઘોરા શ્લૈષ્મિકાઃ સાન્નિપાતિકાઃ

માહેશ્વરા વૈષ્ણવાશ્ચ વૈરિઞ્ચ્યાશ્ચ મહાગ્રહાઃ ।
સ્કાન્દા વૈનાયકાઃ ક્રૂરા યે ચ પ્રમથગુહ્યકાઃ

મહાશત્રુહા રૌદ્રા મહામારીમસૂરિકાઃ ।
ઐકાહિકા વ્દ્યાહિકાશ્ચ ત્ર્યાહિકાશ્ચ મહાજ્વરાઃ

ચાતુર્થિકાઃ પાક્ષિકાશ્ચ માસ્યાઃ ષાણ્માસિકાશ્ચ યે ।
સાંવત્સરા દુર્નિવાર્યા જ્વરાઃ પરમદારુણાઃ

સ્વાપ્નિકા યે મહોત્પાતા યે ચ દુઃસ્વાપ્નિકા ગ્રહાઃ ।
કૂષ્માણ્ડા જૃંભિકા ભૌમા દ્રોણાઃ સાન્નિધ્યવઞ્ચકાઃ

ભ્રમિકાઃ પ્રાણહર્તારો યે ચ બાલગ્રહાદયઃ ।
મનોબુદ્વીન્દ્રિયહરાઃ સ્ફોટકાશ્ચ મહાગ્રહાઃ

મહાશના બલિભુજો મહાકુણપભોજનાઃ ।
દિવાચરા રાત્રિચરા યે ચ સંધ્યાસુ દારુણાઃ

પ્રમત્તા વાપ્રમત્તા વૈ યે માં બાધિતુમુદ્યતાઃ ।
તે સર્વે કાર્ત્તવીર્યસ્ય ધનુર્મુક્તશરાહતાઃ

સહસ્રધા પ્રણશ્યન્તુ ભગ્નસત્ત્વબલોદ્યમાઃ ।
યે સર્પા યે મહાનાગા મહાગિરિબિલેશયાઃ

કાલવ્યાલા મહાદંષ્ટ્રા મહાજગરસંજ્ઞકાઃ ।
અનન્તશૂલિકાદ્યાશ્ચ દંષ્ટ્રાવિષમહાભયાઃ

અનેકશત શીર્ષાશ્ચ ખણ્ડપુચ્છાશ્ચ દારુણાઃ ।
મહાવિષજલૌકાશ્ચ વૃશ્ચિકા રુક્તપુચ્છકાઃ

આશીવિષાઃ કાલકૂટા મહાહાલાહલાહ્વયાઃ ।
જલસર્પા જલવ્યાલા જલગ્રાહાશ્ચ કચ્છપાઃ

મત્સ્યકા વિષપુચ્છાશ્ચ યે ચાન્યે જલવાસિનઃ ।
જલજાઃ સ્થલજાશ્ચૈવ કૃત્રિમાશ્ચ મહાવિષાઃ

ગુપ્તરૂપા ગુપ્તવિષા મૂષિકા ગૃહગોધિકાઃ ।
નાનાવિષાશ્ચ યે ઘોરા મહોપવિષસંજ્ઞકાઃ

યે ઽસ્માન્બાધિતુમિચ્છન્તિ શરીરપ્રાણનાશકાઃ ।
તે સર્વે કાર્તવીર્યસ્ય ખઙ્કસાહસ્રદારિતાઃ

દૂરાદેવ વિનશ્યન્તુ પ્રણષ્ટેન્દ્રિયસાહસાઃ ।
મનુષ્યાઃ પશવો ત્વૃક્ષવાનરા વનગોચરાઃ

સિંહવ્યાઘ્રવરાહાશ્ચ મહિષા યે મહામૃગાઃ ।
ગજાસ્તુરઙ્ગા ગવયા રાસભાઃ શરભા વૃકાઃ

શુનકા દ્વીપિનઃ શુભ્રા માર્જારા બિલલોલુપાઃ ।
શૃગાલાઃ શશકાઃ શ્યેના ગુરુત્મન્તો વિહૄઙ્ગમાઃ

ભેરુણ્ડા વાયસા ગૂધ્રા હંસાદ્યાઃ પક્ષિજાતયઃ ।
ઉદ્ભિજ્જાશ્ચાણ્ડજાશ્ચૈવ સ્વેદજાશ્ચ જરાયુજાઃ

નાનાભેદકુલે જાતા નાનાભેદાઃ પૃથગ્વિધાઃ ।
યે ઽસ્માન્બાધિતુમિચ્છન્તિ સેધ્યાસુ ચ દિવા નિશિ

તે સર્વે કાર્તવીર્યસ્ય ગદાસાહસ્રદારિતાઃ ।
દૂરાદેવ વિનશ્યન્તુ વિનષ્ટગતિપૌરુષાઃ

યે ચાક્ષેમપ્રદાતારઃ કૂટમાયાવિનશ્ચ યે ।
મારણોત્સાદનોન્મૂલદ્વેષમોહનકારકાઃ

વિશ્વાસ ઘાતકા દુષ્ટા યે ચ સ્વામિદ્રુહો નરાઃ ।
યે ચાતતાયિનો દુષ્ટા યે પાપા ગોપ્યહારિણઃ

દાહોપદ્યાતગરલશસ્ત્રપાતાતિદુઃખદાઃ ।
ક્ષેત્રવિત્તાદિહરણબન્ધનાદિભયપ્રદાઃ

ઈતયો વિવિધાકારો યે ચાન્યે દુષ્ટજાતયઃ ।
પીડાકરા યે સતતં છિદ્રમિચ્છન્તિ બાધિતુમ્

તે સર્વે કાર્તવીર્યસ્ય ચક્રસાહસ્રદારિતાઃ ।
દૂરાદેવ ક્ષયં યાન્તુ વિનષ્ટબલસાહસાઃ

યે મેઘા યે મહાવર્ષા યે વાતા યાશ્ચ વિદ્યુતઃ ।
યે મહાશનયો દીપ્તા યે નિર્ઘાતાશ્ચ દારુણાઃ

ઉલ્કાપાતાશ્ચ યે ઘોરા યે મહેન્દ્રાયુધાદયઃ ।
સૂર્યેન્દુકુજસૌમ્યાશ્ચ ગુરુકાવ્યશનૈશ્ચરાઃ

રાહુશ્ચ કેતવો ઘોરા નક્ષત્રા રાશયસ્તથા ।
તિથયઃ સંક્રમા માસા હાયના યુગનાયકાઃ

મન્વન્તરાધિપાઃ સિદ્ધા ઋષયો યોગસિદ્ધયઃ ।
નિધયો ઋગ્યજુઃસામાથર્વાણશ્ચૈવ વહ્નયઃ

ઋતવો લોકપાલાશ્ચ પિતરો દેવસંહતિઃ ।
વિદ્યાશ્ચૈવ ચતુઃષષ્ટિભેદા યા ભુવનત્રયે

યે ત્વત્ર કીર્તિતાઃ સર્વે ચયે ચાન્યે નાનુકીર્તિતાઃ ।
તે સંતુ નઃ સદા સૌમ્યાઃ સર્વકાલસુખાવહાઃ

આજ્ઞયા કાર્તવીર્યસ્ય યોગીન્દ્રસ્યામિતદ્યુતેઃ ।
કાર્તવીર્યાર્જુનો ધન્વી રાજેન્દ્રો હૈહયેશ્વરઃ

દશાસ્યદર્પહા રેવાલીલાદૃપ્તકઃ સુદુર્જયઃ ।
દુઃખહા ચૌરદમનો રાજરાજેશ્વરઃ પ્રભુઃ

સર્વજ્ઞઃ સર્વદઃ શ્રીમાન્ સર્વશિષ્ટેષ્ટદઃ કૃતી ।
રાજચૂડામણિર્યોગી સપ્તદ્વીપાધિનાયકઃ

વિજયી વિશ્વજિદ્વાગ્મી મહાગતિરલોલુપઃ ।
યજ્વા વિપ્રપ્રિયો વિદ્વાન્ બ્રહ્મજ્ઞેયઃ સનાતનઃ

માહિષ્મતીપતિર્યોધા મહાકીર્તિર્મહાભુજઃ ।
સુકુમારો મહાવીરો મારીઘ્નો મદિરેક્ષણઃ

શત્રુઘ્નઃ શાશ્વતઃ શૂરઃ શઙ્ખભૃદ્યોગિવલ્લભઃ ।
મહાભાગવતો ધીમાન્મહાભયવિનાશનઃ

અસાધ્યી વિગ્રહો દિવ્યો ભાવો વ્યાપ્તજગત્ત્રયઃ ।
જિતેન્દ્રિયો જિતારાતિઃ સ્વચ્છન્દો ઽનન્તવિક્રમમઃ

ચક્રભૃત્પરચક્રઘ્નઃ સંગ્રામવિધિપૂજિતઃ ।
સર્વશાસ્ત્રકલાધરી વિરજા લોકવન્દિતઃ

વીરો વિમલસત્ત્વાઢ્યો મહાબલપરાક્રમઃ ।
વિજયશ્રીમહામાન્યો જિતારિર્મન્ત્રનાયકઃ

ખડ્ગભૃત્કામદઃ કાન્તઃ કાલઘ્નઃ કમલેક્ષણઃ ।
ભદ્રવાદપ્રિયો વૈદ્યો વિબુધો વરદો વશી

મહાધનો નિધિપતિર્મહાયોગી ગુરુપ્રિયઃ ।
યોગાઢ્યઃ સર્વરોગઘ્નો રાજિતાખિલભૂતલઃ

દિવ્યાસ્ત્રભૃદમેયાત્મા સર્વગોપ્તા મહોજ્જ્વલઃ ।
સર્વાયુધધરો ઽભીષ્ટપ્રદઃ પરપુરઞ્જયઃ

યોગસિદ્ધો મહાકાયો મહાવૃન્દશતાધિપઃ ।
સર્વજ્ઞાનનિધિઃ સર્વસિદ્ધ્વિદાનકૃતોદ્યમઃ

ઇત્યષ્ટશતનામોત્ત્યા મૂર્તયો દશ દિક્પથિ ।
સમ્યગ્દશદિશો વ્યાપ્ય પાલયન્તુ ચ માં સદા

સ્વસ્થાઃ સર્વેન્દ્રિયાઃ સંતું શાન્તિરસ્તુ સદા મમ ।
શેષાદ્યા મૂર્તયો ઽષ્ટૌ ચ વિક્રમેણૈવ ભાસ્વરાઃ

અગ્નિનિરૃતિવાય્વીશકોણગાઃ પાન્તુ માં સદા ।
મમ સૌખ્યમસંબાધમારોગ્યમપરાજયઃ

દુઃખહાનિરવિઘ્નશ્ચ પ્રજાવૃદ્ધિઃ સુખો દયઃ ।
વાઞ્છાપ્તિરતિકલ્યાણમવૈષમ્યમનામયમ્

અનાલસ્યમભીષ્ટં સ્યાન્મૃત્યુહાનિર્બલોન્નતિઃ ।
ભયહાનિર્યશઃ કાન્તિર્વિદ્યા ઋદ્ધિર્મહાશ્રિયઃ

અનષ્ટદ્રવ્યતા ચૈવ નષ્ટસ્ય પુનરાગમઃ ।
દીર્ઘાયુષ્યં મનોહર્ષઃ સૌકુમાર્યમભીપ્સિતમ્

અપ્રધૃષ્યતમત્વં ચ મહાસામર્થ્યમેવ ચ ।
સંતુ મે કાર્તવીર્ય્યસ્ય હૈહયેન્દ્રસ્ય કીર્તનાત્

ય ઇદં કાર્તવીર્ય્યસ્ય કવચ પુણ્યવર્દ્ધનમ્ ।
સર્વપાપપ્રશમનં સર્વોપદ્રવનાશનમ્

સર્વશાન્તિકરં ગુહ્યં સમસ્તભયનાશનમ્ ।
વિજયાર્થપ્રદં નૄણાં સર્વસંપત્પ્રદં શુભમ્

શૃણુયાદ્વા પઠેદ્વાપિ સર્વકામાનવાપ્નુયાત્ ।
ચૌરૈર્હૃતં યદા પશ્યેત્પશ્વાદિધનમાત્મનઃ

સપ્તવારં તદા જપ્યેન્નિશિ પશ્ચિમદિઙ્મુખઃ ।
સપ્તરાત્રેણ લભતે નષ્ટદ્રવ્યં ન સંશયઃ

સપ્તવિંશતિધા જપ્ત્વા પ્રાચીદિગ્વદનઃ પુમાન્ ।
દેવાસુરનિભં ચાપિ પરચક્રં નિવારયેત્

વિવાદે કલહેઘોરે પઞ્ચધા યઃ પઠેદિદમ્ ।
વિજયો જાયતે તસ્ય ન કદાચિત્પરાજયઃ

સર્વરોગપ્રપીડાસુ ત્રેધા વા પઞ્ચધા પઠેત્ ।
સ રોગમૃત્યુવેતાલભૂતપ્રેતૈર્ન બાધ્યતે

સમ્યગ્દ્વાદશાધા રાત્રૌ પ્રજપેદ્બન્ધમુક્તયે ।
ત્રિદિનાન્નિગડાદૂદ્ધ્વો મુચ્યતે નાત્ર સંશયઃ

અનેનૈવ વિધાનેન સર્વસાધનકર્મણિ ।
અસાધ્યમપિ સપ્તાહાત્સાધયેન્મન્ત્રવિત્તમઃ

યાત્રાકાલે પઠિત્વેદં માર્ગે ગચ્છતિ યઃ પુમાન્ ।
ન દુષ્ટચૌરવ્યાઘ્રાદ્યૈર્ભયં સ્યાત્પરિપન્થિભિઃ

જપન્નાસેચનં કુર્વઞ્જલેનાઞ્જલિના તનૌ ।
ન ચાસૌ વિષકૃત્યાદિરોગસ્ફોટૈઃ પ્રબાધ્યતે

કાર્તવીર્યઃ ખલદ્વેષી કૃતવીર્યસુતો બલી ।
સહસ્રબાહુઃ શત્રુઘ્નો રક્તવાસા ધનુર્ધરઃ

રક્તગન્ધોરક્તમાલ્યો રાજા સ્મર્તુરભીષ્ટદઃ ।
દ્વાદશૈતાનિ નામાનિ કાર્તવીર્યસ્ય યઃ પઠેત્

સંપદસ્તસ્ય જાયન્તે જનાસ્તસ્ય વશે સદા ।
યઃ સેવતે સદા વિપ્ર શ્રીમઞ્ચક્રાવતારકમ્

તસ્ય રક્ષાં સદા કુર્યાઞ્ચક્રં વિષ્ણોર્મહાત્મનઃ ।
મયૈતત્કવચં વિપ્ર દત્તાત્રેયાન્મુનીશ્વરાત્

શ્રુતં તુભ્યં નિગદિતં ધારયસ્વાખિલેષ્ટદમ્