નારદ પુરાણ · અધ્યાય 1.76

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને તૃતીયપાદે દીપવિધિનિરૂપણં નામ પઞ્ચસપ્તતિતમો ઽધ્યાયઃ
નારદ ઉવાચ
કાર્તવીર્યતપ્રભૃતયો નૃપા બહુવિધા ભુવિ ।
જાયન્તે ઽથ પ્રલીયન્તે સ્વસ્વકર્માનુસારતઃ

તત્કથં રાજવર્યો ઽસૌ લોકેસેવ્યત્વમાગતઃ ।
સમુલ્લઙ્ઘ્ય નૃપાનન્યાનેતન્મે નુદ સંશયમ્

સનત્કુમાર ઉવાચ
શૃણુ નારદ વક્ષ્યામિ સંદેહવિનિવૃત્તયે ।
યથા સેવ્યત્વમાપન્નઃ કાર્તવીર્યાર્જુનો ભુવિ

યઃ સુદર્શનચક્રસ્યાવતારઃ પૃથિવીતલે ।
દત્તાત્રેયં સમારાધ્ય લબ્ધવાંસ્તેજ ઉત્તમમ્

તસ્ય ક્ષિતીશ્વરેદ્રસ્ય સ્મરણાદેવ નારદ ।
શત્રૂઞ્જયતિ સંગ્રામે નષ્ટં પ્રાપ્નોતિ સત્વરમ્

તેનાસ્ય મન્ત્રપૂજાદિ સર્વતન્ત્રેષુ ગોપિતમ્ ।
તુભ્યં પ્રકાશયિષ્યે ઽહં સર્વસિદ્ધિપ્રદાયકમ્

વહ્નિતારયુતા રૌદ્રી લક્ષ્મીરગ્નીન્દુશાન્તિયુક્ ।
વેધાધરેન્દુશાન્ત્યાઢ્યો નિદ્રયાશાગ્નિ બિન્દુયુક્

પાશો માયાઙ્કુશં પદ્માવર્માસ્ત્રે કાર્તવીપદમ્ ।
રેફોવા દ્યાસનો ઽનન્તો વહ્નિજૌ કર્ણસંસ્થિતૌ

મેષઃ સદીર્ઘઃ પવનો મનુરુક્તો હૃદન્તિમઃ ।
ઊનર્વિશતિવર્ણો ઽયં તારાદિર્નખવર્ણકઃ

દત્તાત્રેયો મુનિશ્ચાસ્યચ્છન્દો ઽનુષ્ટુબુદાહૃતમ્ ।
કાર્તવીર્યાર્જુનો દેવો બીજશક્તિર્ધ્રુવશ્ચ હૃત્

શેષાઢ્યબીજયુગ્મેન હૃદયં વિન્યસેદધઃ ।
શાન્તિયુક્તચતુર્થેન કામાદ્યેન શિરાઃએંઽગકમ્

ઇન્દ્વાઢ્યં વામકર્ણાદ્યમાયયોર્વીશયુક્તયા ।
શિખામઙ્કુશપદ્માભ્યાં સવાગ્ભ્યાં વર્મ વિન્યસેત્

વર્માસ્ત્રાભ્યામસ્ત્રમુક્તં શેષાર્ણૈર્વ્યાપકં પુનઃ ।
હૃદયે જઠરે નાભૌ જઠરે ગુહ્યદેશતઃ

દક્ષપાદે વામપાદે સક્થ્નિ જાનુનિ જઙ્ઘયોઃ ।
વિન્યસેદ્બીજદશકં પ્રણવદ્વયમધ્યગમ્

તારાદ્યાનથ શેષાર્ણાન્મસ્તકે ચ લલાટકે ।
ભ્રુવોઃ શ્રુત્યોસ્તથૈવાક્ષ્ણોર્નસિ વક્ત્રે ગલેંઽસકે

સર્વમન્ત્રેણ સર્વાઙ્ગે કૃત્વા વ્યાપકમાદૃતઃ ।
સર્વેષ્ટસિદ્ધયે ધ્યાયેત્કાર્તવીર્યં જનેશ્વરમ્

ઉદ્યદ્રર્કસહસ્રાભં સર્વભૂપતિવન્દિતમ્ ।
દોર્ભિઃ પઞ્ચાશતા દક્ષૈર્બાણાન્વામૈર્ધનૂંષિ ચ

દધતં સ્વર્ણમાલાઢ્યં રક્તવસ્ત્રસમાવૃતમ્ ।
ચક્રાવતારં શ્રીવિષ્ણોર્ધ્યાયેદર્જુનભૂપતિમ્

લક્ષમેકં જપેન્મન્ત્રં દશાંશં જુહુયાત્તિલૈઃ ।
સતણ્ડુલૈઃ પાયસેન વિષ્ણુપીઠે યજત્તુતમ્

ષટ્કોણેષુ ષડઙ્ગાનિ તતો દિક્ષુ વિવિક્ષુ ચ ।
ચૌરમદવિભઞ્જનં મારીમદવિભઞ્જનમ્

અરિમદવિભઞ્જનં દૈત્યમદવિભઞ્જનમ્ ।
દુષ્ટનાશં દુઃખનાશં દુરિતાપદ્વિનાશકમ્

દિક્ષ્વષ્ટશક્તયઃ પૂજ્યાઃ પ્રાચ્યાદિષ્વસિતપ્રભાઃ ।
ક્ષેમઙ્કરી વશ્યકરી શ્રીકરી ચ યશસ્કરી

આયુઃ કરી તથા પ્રજ્ઞાકરી વિદ્યાકરી પુનઃ ।
ધનકર્યષ્ટમી પશ્ચાલ્લોકેશા અસ્ત્રસંયુતાઃ

એવં સંસાધિતો મન્ત્રઃ પ્રયોગાર્હઃ પ્રજાયતે ।
કાર્તવીર્યાર્જુનસ્યાથ પૂજાયન્ત્રમિહોચ્યતે

સ્વબીજાનઙ્ગધ્રુવવાક્કર્ણિકં દિગ્દલં લિખેત્ ।
તારાદિવર્માન્તદલં શેષવર્ણદલાન્તરમ્

ઊષ્માન્ત્યસ્વરકિઞ્જલ્કં શેષાર્ણૈઃ પરિવેષ્ટિતમ્ ।
કોણાલઙ્કૃતભૂતાર્ણભૂગૃહં યન્ત્રમીશિતુઃ

શુદ્ધભૂમાવષ્ટગન્ધૈર્લિખિત્વા યન્ત્રમાદરાત્ ।
તત્ર કુંભં પ્રતિષ્ઠાપ્ય તત્રાવાહ્યાર્ચયેન્નૃપમ્

સ્પૃષ્ટ્વા કુંભં જપેન્મન્ત્રં સહસ્રં વિજિતેન્દ્રિયઃ ।
અભિષિં ચેત્તદંભોભિઃ પ્રિયં સર્વેષ્ટસિદ્ધયે

પુત્રાન્યશો રોગનાશમાયુઃ સ્વજનરઞ્જનમ્ ।
વાક્સિદ્ધિં સુદૃશઃ કુમ્ભાભિષિક્તો લભતે નરઃ

શત્રૂપદ્રવ આપન્ને ગ્રામે વા પુટભેદને ।
સંસ્થાપંયેદિદં યન્ત્રં શત્રુભીતિનિવૃત્તયે

સર્ષપારિષ્ટલશુનકાર્પાસૈર્માર્યતે રિપુઃ ।
ધત્તૂરૈઃ સ્તભ્યતે નિમ્બૈર્દ્વેષ્યતે વશ્યતેંઽબુજૈઃ

ઉઞ્ચાટને વિભીતસ્ય સમિદ્ભિઃ ખદિરસ્ય ચ ।
કટુતૈલમહિષ્યાજ્યૈર્હેમદ્રવ્યાઞ્જનં સ્મૃતમ્

યવૈર્હુતે શ્રિયઃ પ્રાપ્તિસ્તિલૈરાજ્યૈરઘક્ષયઃ ।
તિલતણ્ડુલસિદ્ધાર્થજાલૈર્વશ્યો નૃપો ભવેત્

અપામાર્ગાર્કદૂર્વાણાં હોમો લક્ષ્મીપ્રદો ઽઘનુત્ ।
સ્ત્રીવશ્યકૃત્પ્રિયઙ્ગૂણાં મુરાણાં ભૂતશાન્તિદઃ

અશ્વત્થોદુંબરપ્લક્ષવટબિલ્વસમુદ્ભવાઃ ।
સમિધો લભતે હુત્વા પુત્રાનાયુર્દ્ધનં સુખમ્

નિર્મોકહેમસિદ્ધાર્થલવણૈશ્ચૌરનાશનમ્ ।
રોચનાગોમયૈસ્તંભો ભૂપ્રાપ્તિઃ શાલિભિર્હુતૈઃ

હોમસંખ્યા તુ સર્વત્ર સહસ્રાદયુતાવધિ ।
પ્રકલ્પનીયા મન્ત્રજ્ઞૈઃ કાર્ય્યગૌરવલાઘવાત્

કાર્તવીર્ય્યસ્ય મન્ત્રાણામુચ્યતે લક્ષણં બુધાઃ ।
કાર્તવીર્યાર્જુનં ઙેંતં સર્વમન્ત્રેષુ યોજયેત્

સ્વબીજાદ્યો દશાર્ણો ઽસૌ અન્યે નવશિવાક્ષરાઃ ।
આદ્યબીજદ્વયેનાસૌ દ્વિતીયો મન્ત્ર ઈરિતઃ

સ્વકામાભ્યાં તૃતીયો ઽસૌ સ્વભ્રૂભ્યાં તુ ચતુર્થકઃ ।
સ્વપાશાભ્યાં પઞ્ચમો ઽસૌ ષષ્ટઃ સ્વેન ચ માયયા

સ્વાઙ્કુશાભ્યાં સપ્તમઃ સ્યાત્સ્વરમાભ્યામથાષ્ટમઃ ।
સ્વવાગ્ભવાભ્યાં નવમો વર્માસ્ત્રાભ્યામથાન્તિમઃ

દ્વિતીયાદિનવાન્તેષુ બીજયોઃ સ્યાદ્વ્યતિક્રમઃ ।
મન્ત્રે તુ દશમે વર્ણા નવવર્માસ્ત્રમધ્યગાઃ

એતેષુ મન્ત્રવર્યેષુ સ્વાનુકૂલં મનું ભજેત્ ।
એષામાદ્યે વિરાટ્છદો ઽન્યેષુ ત્રિષ્ટુબુદાહૃતમ્

દશ મન્ત્રા ઇમે પ્રોક્તા યદા સ્યુઃ પ્રણવાદિકાઃ ।
તદાદિમઃ શિવાર્ણઃ સ્યાદન્યે તુ દ્વાદશાક્ષરાઃ

ત્રિષ્ટુપૂછન્દસ્તથાદ્યે સ્યાદન્યેષુ જગતી મતા ।
એવં વિંશતિમન્ત્રાણાં યજનં પૂર્વવન્મતમ

દીર્ઘાઢ્યમૂલબીજેન કુર્યાદેષાં ષડઙ્ગકમ્ ।
તારો હૃત્કાર્તવીર્યાર્જુનાય વર્માસ્ત્રઠદ્વયમ્

ચતુર્દશાર્ણો મન્ત્રો ઽયમસ્યેજ્યા પૂર્વવન્મતા ।
ભૂનેત્રસમનેત્રાક્ષિવર્ણેરસ્યાઙ્ગપઞ્ચકમ્

તારો હૃદ્ભગવાન્ ઙેંતઃ કાર્તવીર્યાર્જુનસ્તથા ।
વર્માસ્ત્રાગ્નિપ્રિયામન્ત્રઃ પ્રોક્તો હ્યષ્ટાદશાર્ણકઃ

ત્રિવેદસપ્તયુગ્માક્ષિવર્ણૈઃ પઞ્ચાઙ્ગકં મનોઃ ।
નમો ભગવતે શ્રીતિ કાર્તવીર્યાર્જુનાય ચ

સર્વદુષ્ટાન્તકાયેતિ તપોબલપરાક્રમઃ ।
પરિપાલિતસપ્તાન્તે દ્વીપાય સર્વરાપદમ્

જન્યચૂડા મણાન્તે યે મહાશક્તિમતે તતઃ ।
સહસ્રદહનપ્રાન્તે વર્માસ્ત્રાન્તો મહામનુઃ

ત્રિષષ્ટિવર્ણવાન્પ્રોક્તઃ સ્મરમાત્સર્વવિઘ્નહૃત્ ।
રાજન્યક્રવર્તી ચ વીરઃ શૂરસ્તૃતીયકઃ

માહિષ્મતીપતિઃ પશ્ચાઞ્ચતુર્થઃ સમુદીરિતઃ ।
રેવાંબુપરિતૃપ્તશ્ચ કાણો હસ્તપ્રબાધિતઃ

દશાસ્યેતિ ચ ષડ્ભિઃ સ્યાત્પદૈર્ઙેતૈઃ ષડઙ્ગકમ્ ।
સિંચ્યમાનં યુવતિભિઃ ક્રીડન્તં નર્મદાજલે

હસ્તૈર્જલૌધં રુન્ધન્તં ધ્યાયેન્મત્તં નૃપોત્તમમ્ ।
એવં ધ્યાત્વાયુતં મન્ત્રં પજેદન્યત્તુ પૂર્વવત્

પૂર્વં તુ પ્રજપેલ્લક્ષં પૂજાયોગશ્ચ પૂર્વવત્ ।
કાર્તવીર્યાર્જુનો નામ રાજા બાહુસહસ્રવાન્

તસ્ય સંસ્મરણાદેવ હૃતં નષ્ટં ચ સંવદેત્ ।
લભ્યતે મન્ત્રવર્યો ઽયં દ્વાત્રિંશદ્વર્ણસંયુતઃ

પાદૈઃ સર્વેણ પઞ્ચાઙ્ગં ધ્યાનપૂજાદિ પૂર્વવત્ ।
કાર્તવીર્યાય શબ્દાન્તે વિદ્મહે પદમુઞ્ચરેત્

મહાવીર્યાય વર્ણાન્તે ધીમહીતિ પદં વદેત્ ।
તન્નોર્ઽજુનઃ પ્રવર્ણાન્તે ચોદયાત્પદમીરયેત્

ગાયત્ર્યેષાર્જુન સ્યોક્તા પ્રયોગાદૌ જપેત્તુ તામ્ ।
અનુષ્ટુભં મનું રાત્રૌ જપતાં ચૌરસંચયાઃ

પલાયન્તે ગૃહાદ્દૂરં તર્પણાદ્ધ્રવનાદપિ ।
અથો દીપવિધિં વક્ષ્યે કાર્તવીર્યપ્રિયઙ્કરમ્

વૈશાખે શ્રાવણે માર્ગે કાર્તિકાશ્વિનપૌષતઃ ।
માઘફાલ્ગુનયોર્માસોર્દીપારંભં સમાચરેત્

તિથૌ રિક્તાવિહીનાયાં વારે શનિકુજૌ વિના ।
હસ્તોત્તરાશ્વિરૌદ્રેયપુષ્યવૈષ્ણવવાયુભે

દ્વિદૈવતે ચ રોહિણ્યાં દીપારંભો હિતાવહઃ ।
ચરમે ચ વ્યતીપાતે ધૃતૌ વૃદ્ધૌ સુકર્મણિ

પ્રીતૌ હર્ષં ચ સૌભાગ્યે શોભનાયુષ્મતોરપિ ।
કરણે વિષ્ટિરહિતે ગ્રહણે ઽર્દ્ધોદયાદિષુ

યોગેષુ રાત્રૌ પૂર્વાહ્ને દીપારંભઘઃ કૃતઃ શુભઃ ।
કાર્તિકે શુક્લસપ્તમ્યાં નિશીથે ઽતીવ શોભનઃ

યદિ તત્ર રવેર્વારઃ શ્રવણં ભં ચ દુર્લભમ્ ।
અત્યાવશ્યકકાર્યેષુ માસાદીનાં ન શોધનમ્

આદ્યે હ્યુપોષ્ય નિયતો બ્રહ્મચારી સપીતકૈઃ ।
પ્રાતઃ સ્નાત્વા શુદ્ધભૂમૌ લિપ્તાયાં ગોમયોદકૈઃ

પ્રાણાનાયમ્ય સંકલ્પ્ય ન્યાસાન્પૂર્વોદિતાંશ્ચરેત્ ।
ષટ્કોણં રચયેદ્ભૂમૌ રક્તચન્દનતણ્ડુલૈઃ

અતઃ સ્મરં સમાલિખ્ય ષટ્કોણેષુ સમાલિખેત્ ।
નવાર્ણૈર્વેષ્ટયેત્તઞ્ચ ત્રિકોણં તદ્બહિઃ પુનઃ

એવં વિલિખિતે યન્ત્રે નિદધ્યાદ્દીપભાજનમ્ ।
સ્વર્ણજં રજતોત્થં વા તામ્રજં તદભાવતઃ

કાંસ્યપાત્રં મૃણ્મયં ચ કનિષ્ઠં લોહજં મૃતૌ ।
શાન્તયે મુદ્ગચૂર્ણોત્થં સંધૌ ગોધૂમચૂર્ણજમ્

આજ્યે પલસહસ્રે તુ પાત્રં શતપલં સ્મૃતમ્ ।
આજ્યે ઽયુતપલે પાત્રં પલપઞ્ચશતા સ્મૃતમ્

પઞ્ચસપ્તતિસંખ્યે તુ પાત્રં ષષ્ટિપલં સ્મૃતમ્ ।
ત્રિસાહસ્રી ઘૃતપલે શર્કરાપલભાજનમ્

દ્વિસાહખ્ત્ર્યાં દ્વિશતમિતં ચ ભાજનમિષ્યતે ।
શતે ઽક્ષિચરસંશ્યાતમેવમન્યત્ર કલ્પયેત્

નિત્યદીપે વહ્નિપલં પાત્રમાજ્યં પલં સ્મૃતમ્ ।
એવં પાત્રં પ્રતિષ્ઠાપ્ય વર્તીઃ સૂત્રોત્થિતાઃ ક્ષિપેત્

એકા તિસ્રો ઽથવા પઞ્ચસપ્તાદ્યા વિષમા અપિ ।
તિથિમાનાદાસહસ્રં તન્તુસંખ્યા વિનિર્મિતા

ગોઘૃતં પ્રક્ષિપેત્તત્ર શુદ્ધવસ્ત્રવિશોધિતમ્ ।
સહસ્રપલસંખ્યાદિદશાંશં કાર્યગૌરવાત્

સુવર્ણાદિકૃતાં રમ્યાં શલાકાં ષોડશાઙ્ગુલામ્ ।
તદર્દ્ધાં વા તદર્દ્ધાં વા સૂક્ષ્માગ્રાં સ્થૂલમૂલિકામ્

વિમુઞ્ચેદ્દક્ષિણે પાત્રમધ્યે ચાગ્રે કૃતાગ્રિકામ્ ।
પાત્રદક્ષિણદિગ્દેશે મુક્ત્વાં ગુલચતુષ્ટયમ્

અધોગ્રાં દક્ષિણાધારાં નિખનેચ્છુરિકાં શુભામ્ ।
દીપં પ્રજ્વાલયેત્તત્ર ગણેશસ્મૃતિપૂર્વકમ્

દીપાત્પૂર્વત્ર દિગ્ભાગે સર્વતોભદ્રમણ્ડલે ।
તણ્ડુલાષ્ટદલે વાપિ વિધિવત્સ્થાપયેદ્ધૂટમ્

તત્રાવાહ્ય નૃપાધીશં પૂજયેત્પૂર્વવત્સુધીઃ ।
જલાક્ષતાન્સમાદાય દીપં સંકલ્પયેત્તતઃ

દીપસંકલ્પમન્ત્રો ઽયં કથ્યતે દ્વીષુભૂમિતઃ ।
પ્રણવઃ પાશમાયે ચ શિખા કાર્તાક્ષરાણિ ચ

વીર્યાર્જુનાય માહિષ્મતીનાથાય સહસ્ર ચ ।
બાહવે ઇતિ વર્ણાન્તે સહસ્રપદમુચ્ચરેત્

ક્રતુદીક્ષિતહસ્તાય દત્તાત્રેયપ્રિયાય ચ ।
આત્રેયાયાનુસૂયાન્તે ગર્ભરત્નાય તત્પરમ્

નમો ગ્રીવામકર્ણેન્દુસ્થિતૌ પાશ ઇમં તતઃ ।
દીપં ગૃહાણ અમુકં રક્ષ રક્ષ પદં પુનઃ

દુષ્ટાન્નાશયયુગ્મં સ્યાત્તથા પાતય ઘાતય ।
શત્રૂન્ જહિદ્વયં માયા તારઃ સ્વં બીજમાત્મભૂઃ

વહ્નીપ્રિયા અનેનાથ દીપવર્યેણ પશ્ચિમા ।
ભિમુખેનામુકં રક્ષ અમુકાન્તે વરપ્રદ

માયાકાશદ્વયં વામનેત્રચન્દ્રયુતં શિવા ।
વેદાદિકામચામુણ્ડાઃ સ્વાહા તુ પૂસબિન્દુકૌ

પ્રણવો ઽગ્નિપ્રિયા મન્ત્રો નેત્રબાણાધરાક્ષરઃ ।
દત્તાત્રેયો મુનિર્માલામન્ત્રસ્ય પરિકીર્તિતઃ

છન્દો ઽમિતં કાર્તવીર્યુર્જુનો દેવો ઽખિલાપ્તિકૃત્ ।
ચામુણ્ડયા ષડઙ્ગાનિ ચરેત્ષડ્દીર્ઘયુક્તયા

ધ્યાત્વા દેવં તતો મન્ત્રં પઠિત્વાન્તે ક્ષિપેજ્જજલમ્ ।
ગોવિન્દાઢ્યો હલી સેંદુશ્ચામુણ્ડાબીજમીરિતમ્

તતો નવાક્ષરં મન્ત્રં સહસ્રં તત્પુરો જપેત્ ।
તારો ઽનન્તો બિન્દુયુક્તો માયાસ્વં વામનેત્રયુક્

કૂર્માગ્ની શાન્તિબિન્દ્વાઢ્યૌ વહ્નિ જાયાઙ્કુશં ધ્રુવમ્ ।
ઋષિઃ પૂર્વોદિતોનુષ્ટુપ્છન્દો ઽન્યત્પૂર્વવત્પુનઃ

સહસ્રં મન્ત્રરાજં ચ જપિત્વા કવચં પઠેત્ ।
એવં દીપપ્રદાનસ્ય કર્તાપ્નોત્યખિલે ઽપ્સિતમ્

દીપપ્રબોધકાલે તુ વર્જયેદશુભાં ગિરમ્ ।
વિપ્રસ્ય દર્શનં તત્ર શુભદં પરિકીર્તિતમ્

શૂદ્રાણાં પ્રધ્યમં પ્રોક્તં મ્લેચ્છસ્ય વધબન્ધનમ્ ।
આખ્વોત્વોર્દર્શનં દુષ્ટં ગવાશ્વસ્ય સુખાવહમ્

દીપજ્વાલા સમા સિદ્ધ્યૈ વક્રા નિશવિધાયિની ।
શબ્દા ભયદા કર્તુરુજ્જ્વલા સુખદા મતા

કૃષ્ણા શત્રુભયોત્પત્ત્યે વમન્તી પશુનાશિની ।
કૃતે દીપે યદા પાત્રં ભગ્નં દૃશ્યતે દૈવતઃ

પક્ષાદર્વાક્તદા ગચ્છેદ્યજમાનો યમાલયમ્ ।
વર્ત્યતરં યદા કુર્યાત્કાર્યં સિદ્ધ્યેદ્વિલંબતઃ

નેત્રહીનો ભવેત્કર્તા તસ્મિન્દીપાન્તરે કૃતે ।
અશુચિસ્પર્શને વ્યાધિર્દીપનાશે તુ ચૌરભીઃ

શ્વમાર્જારાખુસંસ્પર્શે ભવેદ્ભૂપતિતો ભયમ્ ।
પાત્રારંભે વસુપલૈઃ કૃતો દીપો ઽખિલેષ્ટદઃ

તસ્માદ્દીપઃ પ્રયત્નેન રક્ષણીયોંઽતરાયતઃ ।
આસમાપ્તેઃ પ્રકુર્વીત બ્રહ્મચર્યં ચ ભૂશયઃ

સ્ત્રીશૂદ્રપતિતાદીનાં સંભાષામપિ વર્જયેત્ ।
જપેત્સહસ્રં પ્રત્યેકં મન્ત્રરાજં નવાક્ષરમ્

સ્તોત્રપાઠં પ્રતિદિનં નિશીથિન્યાં વિશેષતઃ ।
એકપાદેન દીપાગ્રે સ્થિત્વા યો મન્ત્રનાયકમ્

સહસ્રં પ્રજપેદ્વાત્રૌ સો ઽભીષ્ટં ક્ષિપ્રમાપ્નુયાત્ ।
સમાપ્ય શોભનદિને સંભોજ્ય દ્વિજસત્તમાન્

કુંભોદકેન કર્તારમભિષિઞ્ચન્મનું જપેત્ ।
કર્તા તુ દક્ષિણાં દદ્યાત્પુષ્કલાં તોષહેતવે

ગુરૌ તુષ્ટે દદાતીષ્ટં કૃતવીર્યસુતો નૃપઃ ।
ગુર્વાજ્ઞયા સ્વયં કુર્યાદ્યદિ વા કારયે દ્ગુરુઃ

દત્ત્વા ધનાદિકં તસ્મૈ દીપદાનાય નારદ ।
ગુર્વાજ્ઞામન્તરા કુર્યાદ્યો દીપં સ્વેષ્ટસિદ્ધયે

સિદ્ધિર્ન જાયતે તસ્ય હાનિરેવ પદે પદે ।
ઉત્તમં ગોઘૃતં પ્રોક્તં મધ્યમં મહષીભવમ્

તિલતૈલં તુ તાદૃક્ સ્યાત્કનીયો ઽજાદિજં ઘૃતમ્ ।
આસ્યરોગે સુગન્ધેન દદ્યાત્તૈલેન દીપકમ્

સિદ્ધ્વાર્થસંભવેનાથ દ્વિષતાં નાશનાય ચ ।
સહસ્રેણ પલૈર્દીપે વિહિતે ચ ન દૃશ્યતે

કાર્યસિદ્ધસ્તદા કુર્યાત્ર્રિવારં દીપજં વિધિમ્ ।
તદા સુદુર્લભમપિ કાર્ય્યં સિદ્ધ્વ્યેન્ન સંશયઃ

દીપપ્રિયઃ કાર્તવીર્યો માર્તણ્ડો નતિવલ્લભઃ ।
સ્તુતિપ્રોયો મહાવિષ્ણુર્ગણેશ સ્તપર્ણપ્રિયઃ

દુર્ગાર્ચનપ્રિયા નૂનમભિષેકપ્રિયઃ શિવઃ ।
તસ્માત્તેષાં પ્રતોષાય વિદધ્યાત્તત્તદાદરાત્