નારદ પુરાણ · અધ્યાય 1.74

ઇતિ શ્રીબૃહન્નારદીયપુરાણે પૂર્વભાગે બુહદુપાખ્યાને સનત્કુમારવિભાગે તૃતીયપાદે રામાદ્યુપાસનાવર્ણનં નામ ત્રિસપ્તતિતમો ઽધ્યાયઃ
સનત્કુમાર ઉવાચ
અથોચ્યન્તે હનુમતો મન્ત્રાઃ સર્વેષ્ટદાયકાઃ ।
યાન્સમારાધ્ય વિપ્રેન્દ્ર તત્તુલ્યાચરણા નરાઃ

મનુઃ સ્વરેદુસંયુક્તં ગગનં ચ ભગાન્વિતાઃ ।
હસફઆગ્નિનિશાધીશાઃદ્વિતીયં બીજમીરિતમ્

સ્વફઆગ્નયો ભગેન્દ્વાઢ્યાસ્તૃતીયં બીજમીરિતમ્ ।
વિયદ્ભૃગ્વગ્નિમન્વિન્દુયુક્તં સ્યાઞ્ચ ચતુર્થકમ્

પઞ્ચમં ભગચન્દ્રાઢ્યાવિયદ્ભૃગુસ્વકાગ્નયઃ ।
મન્વિન્દ્વાઢ્યૌ હસૌ ષષ્ટં ઙેંતઃ સ્યાદ્ધનુમાંસ્તતઃ

હૃદયાન્તો મહામન્ત્રરાજો ઽયં દ્વાદશાક્ષરઃ ।
રામચન્દ્રો મુનિશ્ચાસ્ય જગતીછન્દ ઈરિતમ્

દેવતા હનુમાન્બીજં ષષ્ટં શક્તિર્દ્વતીયકમ્ ।
ષડ્બીજૈશ્ચ ષડઙ્ગાનિ શિરોભાલે દૃશોર્મુખે

ગલબાહુદ્વયે ચૈવ હૃદિ કુક્ષૌ ચ નાભિતઃ ।
ધ્વજે જાનુદ્વયે પાદદ્વયે વર્ણાન્ક્રમાન્ન્યસેત્

ષડ્બીજાનિ પદદ્વન્દ્વં મૂર્ધ્નિ ભાલે મુખે હૃદિ ।
નાભાવૂર્વોર્જઙ્ઘયોશ્ચ પાદયોર્વિન્યસેત્ક્રમાત્

અઞ્જનીગર્ભસંભૂતં તતો ધ્યાયેત્કપીશ્વરમ્ ।
ઉદ્યત્કોટ્યર્કસંકાશં જગત્પ્રક્ષોભકારકમ્

શ્રીરામાઙ્ઘ્રિધ્યાનનિષ્ટં સુગ્રીવપ્રમુખાર્ચિતમ્ ।
વિત્રાસયન્તં નાદેન રાક્ષસાન્મારુતિં ભજેત્

ધ્યાત્વૈવં પ્રજપેદ્ભાનુસહસ્રં વિજિતૈન્દ્રિયઃ ।
દશાંશં જુહુયાદ્બીહીન્પયોદધ્યાજ્યમિશ્રિતાન્

પૂર્વોક્તે વૈષ્ણવે પીઠે મૂર્ત્તિં સંકલ્પ્ય મૂલતઃ ।
આવાહ્ય તત્ર સંપૂજ્ય પાદ્યાદિભિરુપાયનૈઃ

કેશરેષ્વઙ્ગપૂજા સ્યાત્પત્રેષુ ચ તતોર્ઽચયેત્ ।
રામભક્તો મહાતેજાઃ કપિરાજો મહાબલઃ

દ્રોણાદ્રિહારકો મેરુપીઠકાર્ચનકારકઃ ।
દક્ષિણાશાભાસ્કરશ્ચ સર્વવિઘ્નવિનાશકઃ

ઇત્થં સમ્પૂજ્ય નામાનિ દલાગ્રેષુ તતોર્ઽચયેત્ ।
સુગ્રીવમઙ્ગદ નીલં જાંબવન્તં નલં તથા

સુષેણં દ્વિવિદં મૈન્દં લોકપાલસ્તતોર્ઽચયેત્ ।
વજ્રાદ્યાનપિ સંપૂજ્ય સિદ્ધશ્ચૈવં મનુર્ભવેત્

મન્ત્રં નવશતં રાત્રૌ જપેદ્દશદિનાવધિ ।
યો નરસ્તસ્ય નશ્યન્તિ રાજશત્રૂત્થભીતયઃ

માતુલિઙ્ગામ્રકદલીફલૈર્હુત્વા સહસ્રકમ્ ।
દ્વાવિંશતિબ્રહ્મચારિ વિપ્રાન્સંભોજયેચ્છુચીન્

એવઙ્કૃતે ભૂતવિષગ્રહરોગાદ્યુપદ્રવાઃ ।
નશ્યન્તિ તત્ક્ષણાદેવ વિદ્વેષિગ્રહદાનવાઃ

અષ્ટોત્તરશતેનાંબુ મન્ત્રિતં વિષનાશનમ્ ।
ભૂતાપસ્મારકૃત્યોત્થજ્વરે તન્મન્ત્રમન્ત્રિતૈઃ

ભસ્મભિઃ સલિલૈર્વાપિ તાડયેજ્જ્વરિણં ક્રુધા ।
ત્રિદિનાજ્જ્વરમુક્તો ઽસૌ સુખં ચ લભતે નરઃ

ઔષધં વા જલં વાપિ ભુક્ત્વા તન્મન્ત્રમન્ત્રિતમ્ ।
સર્વાન્રોગાન્પરાભૂય સુખી ભવતિ તત્ક્ષણાત્

તજ્જપ્તભસ્મલિપ્તાઙ્ગો ભુક્ત્વા તન્મન્ત્રિતં પયઃ ।
યોદ્ધું ગચ્છેચ્ચ યો મન્ત્રી શસ્ત્રસંઘૈર્ંન બાધ્યતે

શસ્ક્ષતં વ્રણસ્ફોટો લૂતાસ્ફોટો ઽપિ ભસ્મના ।
ત્રિર્જપ્તેન ચ સંસ્પૃષ્ટાઃ શુષ્યન્ત્યેવ ન સંશયઃ

જપેદર્કાસ્તમારભ્ય યાવદર્કેદયો ભવેત્ ।
મન્ત્રં સપ્તદિનં યાવઞ્ચાદાય ભસ્મકીલકૌ

નિખનેદભિમન્ત્ર્યાશુશત્રૂણાં દ્વાર્યલક્ષિતઃ ।
વિદ્વેષં મિથ આપન્નાઃ પલાયન્તે ઽરયો ઽચિરાત્

ભસ્માંબુ ચન્દનં મન્ત્રી મન્ત્રેણાનેન મન્ત્રિતમ્ ।
ભક્ષ્યાદિયોજિતં યસ્મૈ દદાતિ સ તુ દાસવત્

ક્રૂરાશ્ચ જન્તવો ઽપ્યેવં ભવન્તિ વશવર્તિનઃ ।
ગૃહીત્વેશનદિસ્કંસ્થં કરઞ્જતરુમૂલકમ્

કૃત્વા તેનાઙ્ગુષ્ટમાત્રાં પ્રતિમાં ચ હનૂમતઃ ।
કૃત્વા પ્રાણપ્રતિષ્ટાં ચ સિંદૂરાદ્યૈઃ પ્રપૂજ્ય ચ

ગૃહસ્યાભિમુખી દ્વારે નિખનેન્મન્ત્રમુઞ્ચરન્ ।
ગ્રહાભિચારરોગાગ્નિવિષચૌરનૃપોદ્ભવાઃ

ન જાયન્તે ગૃહે તસ્મિન્ કદાચિદપ્યુપદ્રવાઃ ।
તદ્ગૃહં ધનપુત્રાદ્યૈરેધતે પ્રત્યહં ચિરમ્

નિશિ યત્ર વને ભસ્મ મૃત્સ્નયા વાપિ યત્નતઃ ।
શત્રોઃ પ્રતિકૃતિં કૃત્વા હૃદિ નામ સમાલિખેત્

કૃત્વા પ્રાણપ્રતિષ્ટાન્તં ભિન્દ્યાચ્છસ્ત્રૈર્મનું જપન્ ।
મન્ત્રાન્તે પ્રોઞ્ચરેચ્છત્રોર્નામ છિન્ધિ ચ ભિન્ધિ ચ

મારયેતિ ચ તસ્યાન્તે દન્તૈરોષ્ટં નિપૂડ્ય ચ ।
પાણ્યોસ્તલે પ્રપીડ્યાથ ત્યક્ત્વા તં સ્વગૃહં વ્રજેત્

કુર્વન્સપ્તદિનં ચૈવં હન્યાચ્છત્રું ન સંશયઃ ।
રાજિકાલવણૈર્મુક્તચિકુરઃ પિતૃકાનને

ધત્તૂરફલપુષ્પૈશ્ચ નખરોમવિષૈરપિ ।
દ્વિક(કાક)કૌશિકગૃધ્રાણાં પક્ષૈઃ શ્લેષ્માન્તકાક્ષજૈઃ

સમિદ્ધિસ્ત્રિશતં યામયદિઙ્મુખો જુહુયાન્નિશિ ।
એવં સપ્તદિનં કુર્વન્મારયેદુદ્ધતં રિપુન્

વિત્રાસસ્ત્રિદિનં રાત્રૌ શ્મશાને ષટ્શતં જપેત્ ।
તતો વેતાલ ઉત્થાય વદેદ્ભાવિ શુભાશુભમ્

કિઙ્કરીભૂય વર્ત્તેત કુરુતે સાધકોદિતમ્ ।
ભાસ્માંબુમન્ત્રિતં રાત્રૌ સહસ્રાવૃત્તિકં પુનઃ

દિનત્રયં ચ તત્પશ્ચાત્પ્રક્ષિપેત્પ્રતિમાસુ ચ ।
યાસુ કાસુ ચ સ્થૂલાસુ લઘુષ્વપિ વિશેષતઃ

મન્ત્રપ્રભાવાઞ્ચલનં ભવત્યેવ ન સંશયઃ ।
અષ્ટમ્યાં વા ચતુર્દશ્યાં કુજે વા રવિવાસરે

હનુમત્પ્રતિમાં પટ્ટે માષૈઃ સ્નેહપરિપ્લુતૈઃ ।
કુર્યાદ્રમ્યાં વિશુદ્ધાત્મા સર્વલક્ષણલક્ષિતામ્

તૈલદીપં વામભાગે ઘૃતદીપં તુ દક્ષિણે ।
સંસ્થાપ્યાવાહયેત્પશ્ચાન્મૂલમન્ત્રેણ મન્ત્રવિત્

પ્રાણપ્રતિષ્ટાં કૃત્વા ચ પાદ્યાદીનિ સમર્પયેત્ ।
રક્તચન્દનપુષ્પૈશ્ચ સિંદૂરાદ્યૈઃ સમર્ચયેત્

ધૂપં દીપં પ્રદાયાથ નૈવેદ્યં ચ સમર્પયેત્ ।
અપૂપમોદનં શાકમોદકાન્વટકાદિકમ્

સાજ્યં ચ તત્સમર્પ્યાથ મૂલમન્ત્રેણ મન્ત્રવિત્ ।
અખણ્ડિતાન્યહિલતાદલાનિ સપ્તવિંશતિમ્

ત્રિધા કૃત્વા સપૂગાનિ મૂલેનૈવ સમર્પયેત્ ।
એવં સંપૂજ્ય મન્ત્રજ્ઞો જપેદ્દશશન્ત મનુમ્

કર્પૂરારાર્તિકં કૃત્વા સ્તુત્વા ચ બહુધા સુધીઃ ।
નિજેપ્સિતં નિવેદ્યાથ વિધિવદ્વિસૃજેત્તતઃ

નૈવેદ્યાન્નેન સંભોજ્ય બ્રાહ્મણાન્સપ્તસંખ્યયા ।
નિવેદિતાનિ પર્ણાનિ તેભ્યો દદ્યાદ્વિભજ્ય ચ

દક્ષિણાં ચ યથા શક્તિ દત્ત્વા તાન્ વિસૃજેત્સુધીઃ ।
તત ઇષ્ટગણૈઃ સાર્દ્ધં સ્વયં ભુઞ્જીત વાગ્યતઃ

તદ્દિને ભૂમિશય્યાં ચ બ્રહ્મચર્ય્યં સમાચરેત્ ।
એવં યઃ કુરુતે મર્ત્યઃ સો ઽચિરાદેવ નિશ્ચિતમ્

પ્રાપ્નુયાત્સકલાન્કામાન્કપીશસ્ય પ્રસાદતઃ ।
હનુમત્પ્રતિમાં ભૂમૌ વિલિખેત્તત્પુરો મનુમ્

સાધ્યનામ દ્વિતીયાન્તં વિમોચય વિમોચય ।
તત્પૂર્વં માર્જયેદ્વામપાણિનાથ પુનર્લિખેત્ ।
એવમષ્ટોત્તરશતં લિખિત્વા માર્જયેત્પુનઃ

એવં કૃતે મહાકારાગૃહાચ્છીઘ્રં વિમુચ્યતે ।
એવમન્યાનિ કર્માણિ કુર્ય્યાન્ત્પલ્લવમુલ્લિખન્

સર્ષપૈર્વશ્યકૃદ્ધોમો વિદ્વેષે હયમારજૈઃ ।
કુઙ્કુમૈરિધ્મકાષ્ઠૈર્વા મરીચૈર્જીરકૈરપિ

જ્વરે દૂર્વાગુડૂચીભિર્દધ્ના ક્ષીરેણ વા ઘૃતૈઃ ।
શૂલે કરઞ્જવાતારિસમિદ્ભિસ્તૈલલોલિતૈઃ

તૈલાક્તાભિશ્ચ નિર્ગુણ્ડીસમિદ્ભિર્વા પ્રયત્નતઃ ।
સૌભાગ્યે ચન્દનૈશ્ચેન્દ્રલોચનૈર્વા લવઙ્ગકૈઃ

સુગન્ધપુષ્પૈર્વસ્ત્રાપ્ત્યૈ તત્તદ્ધાન્યૈસ્તદાપ્તયે ।
રિપુપાદરજોભિશ્ચ રાજીલવણમિશ્રિતૈઃ

હોમયેત્સપ્તરાત્રં ચ રિપુર્યાતિ યમાલયમ્ ।
ધાન્યૈઃ સંપ્રાપ્યતે ધાન્યમન્નૈરન્નસમુચ્છ્રયઃ

તિલાજ્યક્ષીરમધુભિર્મહિષીગોસમૃદ્ધયે ।
કિં બહૂક્તૈર્વિષે વ્યાધૌ શાન્તૌ મોહે ચ મારણે

વિવાદે સ્તંભને દ્યૂતે ભૂતભીતૌ ચ સંકટે ।
વશ્યે યુદ્ધે ક્ષતે દિવ્યે બન્ધમોક્ષે મહાવને

સાધિતો ઽયં નૃણાં દદ્યાન્મન્ત્રઃ શ્રેયઃ સુનિશ્ચિતમ્ ।
વક્ષ્યે ઽથ હનુમદ્યન્ત્રં સર્વસિદ્ધિપ્રદાયકમ્

લાઙ્ગૂલાકારસંયુક્તં વલયત્રિતયં લિખેત્ ।
સાધ્યનામ લિખેન્મધ્યે પાશિબીજ પ્રવેષ્ટિતમ્

ઉપર્યષ્ટચ્છદં કૃત્વા પત્રેષુ કવચં લિખેત્ ।
તદ્બહિર્દંહમાલિખ્ય તદ્બહિશ્ચતુરસ્રકમ્

ચતુરસસ્રસ્ય રેખાગ્રે ત્રિશૂલાનિ સમાલિખેત્ ।
સૈં બીજં ભૂપુરસ્યાષ્ટવજ્રેષુ વિલિખેત્તતઃ

કોણેષ્વકુંશમાલિખ્ય માલામન્ત્રેણ વેષ્ટયેત્ ।
તત્સર્વં વેષ્ટયેદ્યન્ત્રવલયત્રિતયેન ચ

શિલાયાં ફલકે વસ્ત્રે તામ્રપત્રે ઽથ કુડ્યકે ।
તાડપત્રે ઽથ ભૂર્જે વા રોચનાનાભિકુઙ્કુભૈઃ

યન્ત્રમેતત્સમાલિખ્ય નિરાહારો જિતેન્દ્રિયઃ ।
કપેઃ પ્રાણાન્પ્રતિષ્ટાપ્ય પૂજયેત્તદ્યથાવિધિ

અશેષદુઃખશાન્ત્યર્થઃ યન્ત્રં સંધારયેદ્ બુધઃ ।
મારીજ્વરાભિચારાદિસર્વોપદ્રવનાશનમ્

યોષિતામપિ બાલાનાં ધૃતં જનમનોહરમ્ ।
ભૂતકૃત્યાપિશાચાનાં દર્શનાદેવ નાશનમ્

માલામન્ત્રમથો વક્ષ્યે તારો વાગ્વિષ્ણુગેહિની ।
દીર્ઘત્રયાન્વિતા માયા પ્રાગુક્તં કૂટપઞ્ચકમ્

ધ્રુવો હૃદ્ધનુમાન્ઙેંતો ઽથ પ્રકટપરાક્રમઃ ।
આક્રાન્તદિગ્મણ્ડલાન્તે યશોવિતાનસંવદેત્

ધવલીકૃતવર્ણાન્તે જગત્ત્રિતયવજ્ર ચ ।
દેહજ્વલદગ્નિસૂર્ય કોટ્યન્તે ચ સમપ્રભ

તનૂરુહપદાન્તે તુ રુદ્રાવતાર સંવદેત્ ।
લઙ્કાપુરી તતઃ પશ્ચાદ્દહનોદધિલઙ્ઘન

દશગ્રીવશિરઃ પશ્ચાત્કૃતાન્તકપદં વદેત્ ।
સીતાન્તે શ્વસનપદં વાય્વન્તે સુતમીરયેત્

અઞ્જનાગર્ભસંભૂતઃ શ્રીરામલક્ષ્મણાન્વિતઃ ।
નન્દન્તિ કર વર્ણાન્તે સૈન્યપ્રાકાર ઈરયેત્

સુગ્રીવસખ્યકાદૂર્ણાદ્રણવાલિનિવર્હણ ।
કારણદ્રોણશબ્દાન્તે પર્વતોત્પાટનેતિ ચ

અશોકવનવીથ્યન્તે દારુણાક્ષકુમારક ।
છેદનાન્તે વનરક્ષાકરાન્તે તુ સમૂહ ચ

વિભઞ્જનાન્તે બ્રહ્માસ્ત્રબ્રહ્મશક્તિ ગ્રસેતિ ચ ।
લક્ષ્મણાન્તે શક્તિભેદનિવારણપદં વદેત્

વિશલ્યોષધિશબ્દાન્તે સમાનયન સંપઠેત્ ।
બાલોદિત તતો ભાનુમણ્ડલગ્રસનેતિ ચ

મેઘનાદહોમપદાદ્વિધ્વંસનપદં વદેત્ ।
ઇન્દ્રજિદૂધકારાન્તે ણસીતાસક્ષકેતિ ચ

રાક્ષસીસંઘશબ્દાન્તે વિદારણપદં વદેત્ ।
કુંભકર્ણાદિસંકીર્ત્યવધાન્તે ચ પરાયણ

શ્રીરામભક્તિવર્ણાન્તે તત્પરેતિ સમુદ્ર ચ ।
વ્યોમદ્રુમલઙ્ઘનેતિ મહાસામર્થ્ય સંવદેત્

મહાતેજઃપુઞ્જશબ્દાદ્વિરાજમાનવોઞ્ચરેત્ ।
સ્વામિવચનસંપાદિતાર્જુનાન્તે ચ સંયુગ

સહાયાન્તે કુમારેતિ બ્રહ્મચારિન્પદંવદેત્ ।
ગંભીરશબ્દોદયાન્તે દક્ષિણાપથ સંવદેત્ ।
માર્ત્તાણ્ડમેરુ શબ્દાન્તે વદેત્પર્વતપીટિકા

અર્ચનાન્તે તુ સકલમન્ત્રાન્તે મપદં વદેત્ ।
આચાર્યમમ શબ્દાન્તે સર્વગ્રહવિનાશન

સર્વજ્વરોઞ્ચાટનાન્તે સર્વવિષવિનાશન ।
સર્વાપત્તિનિવારણ સર્વદુષ્ટનિબર્હણ

સર્વવ્યાધ્યાદિ સમ્પ્રોચ્ય ભયાન્તે ચ નિવારણ

સર્વશત્રુચ્છેદનેતિ તતો મમ પરસ્ય ચ

તતસ્ત્રિભુવનાન્તે તુ પુંસ્ત્રીનપુંસકાત્મકમ્ ।
સર્વજીવપદાન્તે તુ જાતં વશયયુગ્મકમ્

મમાજ્ઞાકારકં પશ્ચાત્સંપાદય યુગં પુનઃ ।
તતો નાનાનામધેયાન્સર્વાન્ રાજ્ઞઃ સ સંપઠેત્

પરિવારાન્મમેત્યન્તે સેવકાન્ કુરુ યુગ્મકમ્ ।
સર્વશસ્ત્રવીત્યન્તે ષાણિ વિધ્વંસય દ્વયમ્

લજ્જાદીર્ઘત્રયોપેતા હોત્રયં ચૈહિ યુગ્મકમ્ ।
વિલોમં પઞ્ચકૂટાનિ સર્વશત્રૂન્હનદ્વયમ્

પરબલાનિ પરાન્તે સૈન્યાનિ ક્ષોભયદ્વયમ્

મમ સર્વં કાર્યજાતં સાધયેતિ દ્વયં તતઃ

સર્વદુષ્ટદુર્જનાન્તે મુખાનિ કીલયદ્વયમ્ ।
ધેત્રયં વર્મત્રિતયં ફટ્ત્રયં હાન્ત્રયં તતઃ

વહ્નિપ્રિયાન્તો મન્ત્રો ઽયં માલાસંજ્ઞો ઽખિલેષ્ટદઃ

વસ્વષ્ટબાણવર્ણો ઽયં મન્ત્રઃ સર્વેષ્ટાસાધકઃ

મહાભયે મહોત્પાતે સ્મૃતો ઽયં દુઃખનાશનઃ ।
દ્વાદશાર્ણસ્ય ષટ્કૂટં ત્યક્ત્વા બીજં તથાદિમમ્

પઞ્ચકૂટાત્મકો મન્ત્રઃ સર્વકામપ્રદાયકઃ ।
રામચન્દ્રો મુનિશ્ચાસ્ય ગાયત્રી છન્દ ઈરિતમ્

હનુમાન્દેવતા પ્રોક્તો વિનિયોગો ઽખિલાપ્તયે ।
પઞ્ચબીજૈઃ સમસ્તેન ષડઙ્ગાનિ સમાચરેત્

રામદૂતો લક્ષ્મણાન્તે પ્રાણદાતાઞ્જનીસુતઃ ।
સીતાશોકવિનાશો ઽયં લઙ્કાપ્રાસાદભઞ્જનઃ

હનુમદાદ્યાઃ પઞ્ચૈતે બીજાદ્યા ઙેયુતાઃ પુનઃ ।
ષડઙ્ગમનવો હ્યેતે ધ્યાનપૂજાદિ પૂર્વવત્

પ્રણવો વાગ્ભવં પદ્મા માયા દીર્ઘત્રયાન્વિતા ।
પઞ્ચકૂટાનિ મન્ત્રો ઽયં રુદ્રાર્ણઃ સર્વસિદ્ધિદઃ

ધ્યાનપૂજાદિકં સર્વમસ્યાપિ પૂર્વવન્મતમ્ ।
અયમારાધિતો મન્ત્રઃ સર્વાભીષ્ટપ્રદાયકઃ

નમો ભગવતે પશ્ચાદનન્તશ્ચન્દ્રશેખરાં ।
જનેયાય મહાન્તે તુ બલાયાન્તે ઽગ્નિવલ્લભા

અષ્ટાદશાર્ણો મન્ત્રો ઽયં સુનિરીશ્વરસંજ્ઞકઃ ।
છન્દો ઽનુષ્ટુપ્દેવતા તુ હનુમાન્પવનાત્મજઃ

હં બીજં વહ્નિવનિતા શક્તિઃ પ્રોક્તા મનીષિભિઃ ।
આઞ્જનેયાય હૃદયં શિરશ્ચ રુદ્રમૂર્તયે

શિખાયાં વાયુપુત્રાયાગ્નિગર્ભાય વર્મણિ ।
રામદૂતાય નેત્રં સ્યાદ્બહ્યાસ્ત્રાયાસ્ત્રમીરિતમ્

તત્પચામીકરનિભં ભીઘ્નસંવિહિતાઞ્જલિમ્ ।
ચલત્કુણ્ડલદીપ્તાસ્યં પદ્મક્ષં મારુતિં સ્મરેત્

ધ્યાત્વૈવમયુતં જપ્ત્વા દશાંશં જુહુયાત્તિલૈઃ ।
વૈષ્ણવે પૂજયેત્પીઠે પ્રાગુદ્દિષ્ટેન વર્ત્મના

અષ્ટોત્તરશતં નિત્યં નક્તભોજી જિતેન્દ્રિયઃ ।
જપિત્વા ક્ષુદ્રરોગેભ્યો મુચ્યતે નાત્ર સંશયઃ

મહારોગનિવૃત્ત્યૈ તુ સહસ્રં પ્રત્યહં જપેત્ ।
રાક્ષસૌઘં વિનિઘ્નન્તં કપિં ધ્યાત્વાધનાશનમ્

અયુતં પ્રજપેન્નિત્યમચિરાજ્જ યતિ દ્વિષમ્ ।
સુગ્રીવેણ સમં રામં સંદધાનં કપિં સ્મરન્

પ્રજપેદયુતં યસ્તુ સંધિં કુર્યાદ્દ્વિપદ્વયોઃ ।
ધ્યાત્વા લઙ્કાં દહૄન્તં તમયુતં પ્રજપેન્મનુમ્

અચિરાદેવ શત્રૂણાં ગ્રામાન્સંપ્રદહેત્સુધીઃ ।
ધ્યાત્વા પ્રયાણસમયે હનુમન્તં જપેન્મનુમ્

યો યાતિ સો ઽચિરાત્સ્વેષ્ટં સાધયિત્વા ગૃહે વ્રજેત્ ।
હનુમન્તં સદા ગેહે યોર્ઽચયેજ્જપતત્પરઃ

આરોગ્યં ચ શ્રિયં કાન્તિં લભતે નિરુપદ્રવમ્ ।
કાનને વ્યાઘ્રચૌરેભ્યો રક્ષેન્મનુરયં સ્મૃતઃ

પ્રસ્વાપકાલે શય્યાયાં સ્મરેન્મન્ત્રમનન્યધીઃ ।
તસ્ય દુઃસ્વપ્નચૌરાદિભયં નૈવ ભવેત્ક્વચિત્

વિયત્સેંદુર્હનુમતે તતો રુદ્રાત્મકાય ચ ।
વર્માસ્ત્રાન્તો મહામન્ત્રો દ્વાદશાર્ણો ઽષ્ટસિદ્ધિકૃત્

રામચન્દ્રો મુનિશ્ચાસ્ય જગતી છન્દ ઈરિતમ્ ।
હનુમાન્દેવતાં બીજમાદ્યં શક્તિર્હુમીરિતા

ષડ્દીર્ઘભાજા બીજેન ષડઙ્ગાનિ સમાચરેત્ ।
મહાશૈલં સમુત્પાટ્ય ધાવન્તં રાવણં પ્રતિ

લાક્ષારક્તારુણં રૌદ્રં કાલાન્તકયમોપમમ્ ।
જ્વલદગ્નિસમં જૈત્રં સૂર્યકોટિસમપ્રભમ્

અઙ્ગદાદ્યૈર્મહાવીરૈર્વેષ્ટિતં રુદ્રરૂપિણમ્ ।
તિષ્ઠ તિષ્ઠ રણે દુષ્ટ સૃજન્તં ઘોરનિઃ સ્વનમ્

શૈવરૂપિણમભ્યર્ચ્ય ધ્યાત્વા લક્ષ જપેન્મનુમ્ ।
દશાંશં જુહુયાદ્વીહીન્પયોદધ્યાજ્યમિશ્રિતાન્

પૂર્વોક્તે વૈષ્ણવે પીઠે વિમલાદિસમન્વિતે ।
મૂર્તિં સંકલ્પ્ય મૂલેન પૂજા કાર્યા હનૂમતઃ

ધ્યાનૈકમાત્રો ઽપિ નૃણાં સિદ્ધિરેવ ન સંશયઃ ।
અથાસ્ય સાધનં વક્ષ્યે લોકાનાં હિતકામ્યયા

હનુમત્સાધનં પુણ્યં મહાપાતકનાશનમ્ ।
એતદ્ગુહ્યતમં લોકે શીઘ્રસિદ્ધિકરં પરમ્

મન્ત્રી યસ્ય પ્રસાદેન ત્રૈલોક્યવિજયી ભવેત્ ।
પ્રાતઃ સ્નાત્વા નદીતીરે ઉપવિશ્ય કુશાસને

પ્રાણાયામષડઙ્ગે ચ મૂલેન સકલં ચરેત્ ।
પુષ્પાઞ્જલ્યષ્ટકં દત્વા ધ્યાત્વા રામં સસીતકમ્

તામ્રપાત્રે તતઃ પદ્મમષ્ટપત્રં સકેશરમ્ ।
કુચન્દનેન ઘૃષ્ટેન સંલિખેત્તચ્છલાકયા

કર્મિકાયાં લિખેન્મન્ત્રં તત્રાવાહ્ય કપીશ્વરમ્ ।
મૂર્તિં મૂલેન સંકલ્પ્ય ધ્યાત્વા પાદ્યાદિકં ચરેત્

ગન્ધપુષ્પાદિકં સર્વં નિવેદ્ય મૂલમન્ત્રતઃ ।
કેસરેષુ ષડઙ્ગાનિ દલેષુ ચ તતોર્ઽચયેત્

સુગ્રીવં લક્ષ્મણં ચૈવ હ્યઙ્ગદં નલનીલકૌ ।
જાંબવન્તં ચ કુમુદં કેસરીશં દલેર્ઽચયેત્

દિક્પાલાંશ્ચાપિ વજ્રાદીન્પૂજયેત્તદનન્તરમ્ ।
એવં સિદ્ધે મનૌ મન્ત્રી સાધયેત્સ્વેષ્ટમાત્મનિ

નદીતીરે કાનને વા પર્વતે વિજને ઽથવા ।
સાધયેત્સાધક શ્રેષ્ઠો ભૂમિગ્રહણપૂર્વકમ્

જિતાહારો જિતશ્વાસો જિતવાક્ચ જિતેન્દ્રિયઃ ।
દિગ્બન્ધ નાદિકં કૃત્વા ન્યાસધ્યાનાદિપૂર્વકમ્

લક્ષં જપેન્મન્ત્રરાજં પૂજયિત્વા તુ પૂર્વવત્ ।
લક્ષાન્તિ દિવસં પ્રાપ્ય કુર્ય્યાઞ્ચ પૂજનં મહત્

એકાગ્રમનસા સમ્યગ્ધ્યાત્વા પવનનન્દનમ્ ।
દિવારાત્રૌ જપં કુર્યાદ્યાવત્સંદર્શનં ભવેત્

સુદૃઢં સાધકં મત્વા નિશીથે પવનાત્મજઃ ।
સુપ્રસન્નસ્તતો ભૂત્વા પ્રયાતિ સાધકાગ્રતઃ

યથેપ્સિતં વરં દત્વા સાધકાય કપીશ્વરઃ ।
વરં લબ્ધ્વા સાધકન્દ્રો વિહરેદાત્મનઃ સુખૈઃ

એતદ્ધિ સાધનં પુણ્યં લોકાનાં હિતકામ્યયા ।
પ્રકાશિતં રહસ્યં વૈ દેવાનામપિ દુર્લભમ્

અન્યાનપિપ્રયોગાંશ્ચ સાધયેદાત્મનો હિતાન્ ।
વિયદિન્દુયુતં પશ્ચાન્ઙેંતં પવનનન્દનમ્

વહ્નિપ્રિયાન્તો મન્ત્રો ઽયં દશાર્ણઃ સર્વકામદઃ ।
મુન્યાદિકં ચ પૂર્વોક્તં ષડઙ્ગાન્યપિ પૂર્વવત્

ધ્યાયેદ્રણે હનૂમન્તં સૂર્યકોટિસમપ્રભમ્ ।
ધાવન્તં રાવણં જેતું દૃષ્ટ્વા સત્વરમુત્થિતમ્

લક્ષ્મણં ચ મહાવીરં પતિતં રણભૂતલે ।
ગુરું ચ ક્રોધમુત્પાદ્ય ગ્રહોતું ગુરુપર્વતમ્

હાહાકારૈઃ સદર્પૈશ્ચ કંપયન્તં જગત્ત્રયમ્ ।
આબ્રહ્માણ્ડં સમાખ્યાપ્ય કૃત્વા ભીમં કલેવરમ્

લક્ષં જપેદ્દશાંશેન જુહુયાત્પૂર્વવત્સુધીઃ ।
પૂર્વવત્પૂજનં પ્રોક્તં મન્ત્ર સ્યાસ્ય વિધાનતઃ

એવં સિદ્ધે મનૌ મન્ત્રી સાધયેદાત્મનો હિતમ્ ।
અસ્યાપિ મન્ત્રવર્યસ્ય રહસ્યં સાધનં તુ વૈ

સુગોપ્યં સર્વતન્ત્રેષુ ન દેયં યસ્ય કસ્યચિત્ ।
બ્રાહ્મે મુહૂર્તે ચોત્થાય કૃતનિત્યક્રિયઃ શુચિઃ

ગત્વા નદીં તઃ સ્નાત્વા તીર્થમાવાહ્ય ચાષ્ટધા ।
મૂલમન્ત્રં તતો જપ્ત્વા સિંચેદાદિત્યસંખ્યયા

એવં સ્નાનાદિકં કૃત્વા ગઙ્ગાતીરે ઽથવા પુનઃ ।
પર્વતે વા વને વાપિ ભૂમિગ્રહણપૂર્વકમ્

આદ્યવર્ણૈઃ પૂરકં સ્યાત્પઞ્ચવર્ગૈશ્ચ કુમ્ભકમ્ ।
રેચકં ચ પુનર્યાદ્યૈરેવં પ્રાણાન્નિયન્ય ચ

વિધાય ભૂતશુદ્ધ્યાદિ પીઠન્યાસાવધિ પુનઃ ।
ધ્યાત્વા પૂર્વોક્તવિધિના સંપૂજ્ય ચ કપીશ્વરમ્

તદગ્રે પ્રજપેન્નિત્યં સાધકો ઽયુતમાદરાત્ ।
સપ્તમે દિવસે પ્રાપ્તે કુર્યાઞ્ચ પૂજનં મહત્

એકાગ્રમનસા મન્ત્રી દિવારાત્રં જપેન્મનુમ્ ।
મહાભયં પ્રદત્વા ત્રિભાગશેષાસુ નિશ્ચિતમ્

યામિનીષુ સમાયાતિ નિયતં પવનાત્મજઃ ।
યથેપ્સિતં વરં દદ્યાત્સાધકાય કપીશ્વરઃ

વિદ્યાં વાપિ ધનં વાપિ રાજ્યં વા શત્રુનિગ્રહમ્ ।
તત્ક્ષણાદેવ ચાપ્નોતિ સત્યં સત્યં ન સંશયઃ

ઇહ લોકે ઽખિલાન્કામાન્ભુક્ત્વાન્તે મુક્તિમાપ્નુયાત્ ।
સદ્યાચિતં વાયુયુગ્મં હનૂમન્તેતિ ચોદ્ધરેત્

ફલાન્તે ફક્રિયાનેત્રયુક્તા ચ કામિકા તતઃ ।
ધગ્ગન્તે ધગિતેત્યુક્ત્વા આયુરાસ્વ પદં તતઃ

લોહિતો ગરુડો હેતિબાણનેત્રાક્ષરો મનુઃ ।
મુન્યાદિકં તુ પૂર્વોક્તં પ્લીહરોગહરો હરિઃ

દેવતા ચ સમુદ્દિષ્ટા પ્લીહયુક્તોદરે પુનઃ ।
નાગવલ્લીદલં સ્થાપ્યમુપર્યાચ્છાદયેત્તતઃ

વસ્ત્રં ચૈવાષ્ટગુણિતં તતઃ સાધકસત્તમઃ ।
શકલં વંશજં તસ્યોપરિ મુઞ્ચેત્કપિં સ્મરેત્

આરણ્યસાણકોત્પન્ને વહ્નૌ યષ્ટિં પ્રતાપયેત્ ।
બદરીભૂરુહોત્થાં તાં મન્ત્રેણાનેન સપ્તધા

તયા સંતાડયેદ્વંશશકલં જઠરસ્થિતમ્ ।
સપ્તકૃત્વઃ પ્લીહરોગો નાશમાયાતિ નિશ્ચિતમ્

તારો નમો ભગવતે આઞ્જનેયાય ચોઞ્ચરેત્ ।
અમુકસ્ય શૃઙ્ખલાં ત્રોટયદ્વિતયમીરયેત્

બન્ધમોક્ષં કુરુયુગં સ્વાહાન્તો ઽયં મનુર્મતઃ ।
ઈશ્વરો ઽસ્ય મુનિશ્છન્દો ઽનુષ્ટુપ્ચ દેવતા પુનઃ

શૃઙ્ખલામોચરઃ શ્રીમાન્હનૂમાન્પવનાત્મજઃ ।
હં બીજં ઠદ્વયં શક્તિર્બન્ધમોક્ષે નિયોગતા

ષડ્દીર્ઘવહ્રિયુક્તેન બીજેનાઙ્ગાનિ કલ્પયેત્ ।
વામે શૈલં વૈરિભિદં વિશુદ્ધં ટઙ્કમન્યતઃ

દધાનં સ્વર્ણવર્ણં ચ ધ્યાયેત્કુણ્ડલિનં હરિમ્ ।
એવં ધ્યાત્વા જપેલ્લક્ષદશાંશં ચૂતપલ્લવૈઃ

જુહુયાત્પૂર્વવત્પ્રોક્તં યજનં વાસ્ય સૂરિભિઃ ।
મહાકારાગૃહે પ્રાપ્તો હ્યયુતં પ્રજપેન્નરઃ

શીઘ્રં કારાગૃહાન્મુક્તઃ સુખી ભવતિ નિશ્ચિતમ્ ।
યન્ત્રં ચાસ્ય પ્રવક્ષ્યામિ બન્ધમોક્ષકરં શુભમ્

અષ્ટચ્છદાન્તઃ ષટ્કોણં સાધ્યનામસમન્વિતમ્ ।
ષટ્કોણેષુ ધ્રુવં ઙેંતમાઞ્જનેયપદં લિખેત્

અષ્ટચ્છદેષુ વિલિખેત્પ્રણવો વાતુવાત્વિતિ ।
ગોરોચનાકુઙ્કુમેન લિખિત્વા યન્ત્રમુત્તમમ્

ધૃત્વા મૂર્ધ્નિ જપેન્મન્ત્રમયુતં બન્ધમુક્તયે ।
યન્ત્રમેતલ્લિખિત્વા તુ મૃત્તિકોપરિ માર્જયેત્

દક્ષહસ્તેન મન્ત્રજ્ઞઃ પ્રત્યહં મણ્ડલા વધિ ।
એવં કૃતે મહાકારાગૃહાન્મન્ત્રી વિમુચ્યતે

ગગનં જ્વલનઃ સાક્ષી મર્કટેતિ દ્વયં તતઃ ।
તોયં શશેષે મકરે પરિમુઞ્ચતિ મુઞ્ચતિ

તતઃ શૃઙ્ખલિકાં ચેતિ વેદનેત્રાક્ષરો મનુઃ ।
ઇમં મન્ત્રં દક્ષકરે લિખિત્વા વામહસ્તતઃ

દૂરિકૃત્ય જપેન્મન્ત્રમષ્ટોત્તરશતં બુધઃ ।
ત્રિસપ્તાહાત્પ્રબદ્ધો ઽસૌ મુચ્યતે નાત્ર સંશયઃ

મુન્યાદ્યર્ચાદિકં સર્વમસ્ય પૂર્વવદાચરેત્ ।
લક્ષં જપો દશાંશેન શુભૈર્દ્રવ્યૈશ્ચ હોમયેત્

પુચ્છાકારે સુવસ્ત્રે ચ લેખન્યા ક્ષુરકોત્થયા ।
ગન્ધાષ્ટકૈર્લિખેદ્વૂપં કપિરાજસ્ય સુન્દરમ્

તન્મધ્યે ઽષ્ટદશાર્ણં તુ શત્રુનામાન્વિતં લિખેત્ ।
તેન મન્ત્રાભિજપ્તેન શિરોબદ્ધ્વેન ભૂમિપઃ

જયત્યરિગણં સર્વં દર્શનાદેવ નિશ્ચિતમ્ ।
ચન્દ્રસૂર્યો પરાગાદૌ પૂર્વોક્તં લેખયેદ્ધ્વજે

ધ્વજમાદાય મન્ત્રજ્ઞઃ સંસ્પર્શાન્મોક્ષણાવધિ ।
માતૃકાં જાપયેત્પશ્ચાદ્દશાંશેન ચ હોમયેત્

તિલૈઃ સર્ષપસંમિશ્રૈઃ સંસ્કૃતે હવ્યવાહને ।
ગજે ધ્વજં સમારોપ્ય ગચ્છેદ્યુદ્ધ્વાય ભૂપતિઃ

ગજસ્થં તં ધ્વજં દૃષ્ટ્વા પલાયન્તે ઽરયો ધ્રુવમ્ ।
મહારક્ષાકરં યન્ત્રં વક્ષ્યે સમ્યગ્ધનૂમતઃ

લિખેદ્વસુદલં પદ્મં સાધ્યાખ્યાયુતકર્ણિકમ્ ।
દલે ઽષ્ટકોણમાલિખ્ય માલામન્ત્રેણ વેષ્ટયેત્

તદ્બહિર્ માયયાવેષ્ટ્ય પ્રાણસ્થાપનમાચરેત્ ।
લિખિતં સ્વર્ણલેખન્યા ભૂર્જપત્રે સુશોભને

કાશ્મીરરોચનાભ્યાં તુ ત્રિલોહેન ચ વેષ્ટિતમ્ ।
સમ્પાતસાધિતં યન્ત્રં ભુજે વા મૂર્ધ્નિ ધારયેત્

રણે દુરોદરે વાદે વ્યવહારે જયં લભેત્ ।
ગ્રહૈર્વિઘ્નૈર્વિષૈઃ શસ્ત્રૈશ્ચૌરૈર્નૈવાભિભૂયતે

સર્વાન્રો ગાનપાકૃત્ય ચિરં જીવેચ્છતં સમાઃ ।
ષડ્દીર્ઘયુક્તં ગગન વહ્ન્યાખ્યં તારસંપુટમ્

અષ્ટાર્ણો ઽયં મહામન્ત્રો માલામન્ત્રો ઽથ કથ્યતે ।
પ્રણવો વજ્રકાયેતિ વજ્રતુણ્ડેતિ સંપઠેત્

કપિલાન્તે પિઙ્ગલેતિ ઉર્દ્ધ્વકેશમહાપદમ્ ।
બલરક્તમુખાન્તે તુ તડિજ્જિહ્વ મહા તતઃ

રૌદ્રદંષ્ટ્રોત્કટં પશ્ચાત્કહદ્વન્દ્વં કરાલિતિ ।
મહદૃઢપ્રહારેણ લઙ્કેશ્વરવધાત્તતઃ

વાયુર્મહાસેતુપદં બન્ધાન્તે ચ મહા પુનઃ ।
શૈલપ્રવાહ ગગનેચર એહ્યેહિ સંવદેત્

ભગવન્મહાબલાન્તે પરાક્રમપદં વદેત્ ।
ભૈરવાજ્ઞાપયૈહ્યેહિ મહારૌદ્રપદં તતઃ

દીર્ઘપુચ્છેન વર્ણાન્તે વદેદ્વેષ્ટય વૈરિણમ્ ।
જંભયદ્વયમાભાષ્ય વર્માસ્ત્રાન્તો મનુર્મતઃ

માલાહ્વયો દ્વિજશ્રેષ્ઠ શરનેત્રધરાક્ષરઃ ।
માલામન્ત્રાષ્ટાર્ણયોશ્ચ મુન્યાદ્યર્ચા તુ પૂર્વવત્

જપ્તો યુદ્ધે જયં દદ્યાદ્વ્યાધૌ વ્યાધિવિનાશનઃ ।
એવં યો ભજતે મન્ત્રી વાયુપુત્રં કપીશ્વરમ્

સર્વાન્સ લભતે કામાન્દે વૈરપિ સુદુર્લભાન્ ।
ધનં ધાન્યં સુતાન્પૌત્રાન્સૌભાગ્યમતુલં યશઃ

મેધાં વિદ્યાં પ્રભાં રાજ્યં વિવાદે વિજયં તથા ।
વશ્યાદ્યાનિ ચ કર્માણિ સંગરે વિજયં તથા

ઉપાસિતોંઽજનાગર્ભસંભૂતઃ પ્રદદાત્યલમ્