નારદ પુરાણ · અધ્યાય 1.73

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને સનત્કુમારવિભાગે તૃતીયપાદે હયગ્રીવોપાસનાનિરૂપણં નામ દ્વિસપ્તતિતમો ઽધ્યાયઃ
સનત્કુમાર ઉવાચ
અથ રામસ્ય મનવો વક્ષ્યન્તે સિદ્ધિદાયાકાઃ ।
યેષામારાધનાન્મર્ત્યાસ્તરન્તિ ભવસાગરમ્

સર્વેષુ મન્ત્રવર્યેષુ શ્રેષ્ઠં વૈષ્ણવમુચ્યતે ।
ગાણપત્યેષુ સૌરેષુ શાક્તશૈવેષ્વભીષ્ટદમ્

વૈષ્ણવેષ્વપિ મન્ત્રેષુ રામમન્ત્રાઃ ફલાધિકાઃ ।
ગાણપત્યાદિમન્ત્રેભ્યઃ કોટિકોટિગુણાધિકાઃ

વિષ્ણુશય્યાસ્થિતો વહ્નિરિન્દુભૂષિતમસ્તકઃ ।
રામાય હૃદયાન્તો ઽયં મહાઘૌધવિનાશનઃ

સર્વેષુ રામમન્ત્રષુ હ્યતિશ્રેષ્ઠઃ ષડક્ષરઃ ।
બ્રહ્મહત્યાસહસ્રાણિ જ્ઞાતાજ્ઞાતકૃતાનિ ચ

સ્વર્ણસ્તેય સુરાપાનગુરુતલ્પાયુતાનિ ચ ।
કોટિકોટિસહસ્રાણિ હ્યુપપાપાનિ યાનિ વૈ

મન્ત્રસ્યોઞ્ચારણાત્સદ્યો લયં યાન્તિ ન સંશયઃ ।
બ્રહ્મા મુનિઃ સ્યાદ્ગાયત્રી છન્દો રામશ્ચ દેવતા

આદ્યં બીજં ચ હૃચ્છક્તિર્વિનિયોગો ઽખિલાપ્તયે ।
ષડ્દીર્ઘભાજા બીજેન ષડઙ્ગાનિ સમાચરેત્

બ્રહ્મરન્ધ્રે ભ્રુવોર્મધ્યે હૃન્નાભ્યોર્ગુહ્યપાદયોઃ ।
મન્ત્રવર્ણાન્ક્રમાન્ન્યસ્ય કેશવાદીન્પ્રવિન્યસેત્

પીઠન્યાસાદિકં કૃત્વા ધ્યાયેદ્ધૃદિ રઘૂત્તમમ્ ।
કાલાંભોધરકાન્તં ચ વીરા સનસમાસ્થિતમ્

જ્ઞાનમુદ્રાં દક્ષહસ્તે દધતં જાનુનીતરમ્ ।
સરોરુહકરાં સીતાં વિદ્યુદાભાં ચ પાર્શ્વગામ્

પશ્યન્તીં રામવક્રાબ્જં વિવિધાકલ્પભૂષિતામ્ ।
ધ્યાત્વૈવં પ્રજપેદ્વર્ણલક્ષં મન્ત્રી દશાંશતઃ

કમલૈર્જુહુયાદ્વહ્નૌ બ્રાહ્મણાન્ભોજયેત્તતઃ ।
પૂજયેદ્વૈષ્ણવે પીઠે વિમલાદિસમન્વિતે

મૂર્તિં મૂલેન સંકલ્પ્ય તસ્યામાવાહ્ય સાધકઃ ।
સીતાં વામે સમાસીનાં તન્મન્ત્રેણ પ્રપૂજયેત્

રમાસીતાપદં ઙેંતં દ્વિઠાન્તો જાનકીમનુઃ ।
અગ્રેઃ શાર્ઙ્ગં ચ સમ્પૂજ્ય શરાન્પાર્શ્વદ્વયેર્ઽચયેત્

કેશરેષુ ષડઙ્ગાનિ પત્રેષ્વેતાન્સમર્ચયેત્ ।
હનુમન્તં ચ સુગ્રીવં ભરતં સબિભીષણમ્

લક્ષ્મણાઙ્ગદશત્રુઘ્નાન્ જાંબવન્તં ક્રમાત્પુનઃ ।
વાચયન્તં હનૂમન્તગ્રતો ધૃતપુસ્તકમ્

યજેદ્ભરતશત્રુઘ્નૌ પાર્શ્વયોર્ધૃતચામરૌ ।
ધૃતાતપત્રં હસ્તાભ્યાં લક્ષ્મણં પૃષ્ટતોર્ઽચયેત્

તતો ઽષ્ટપત્રે સૃષ્ટિં ચ જપન્તં વિજયં તથા ।
સુરાષ્ટ્રં રાષ્ટ્રપાલં ચ અકોપં ધર્મપાલકમ્

સુમન્તં ચેતિ સમ્પૂજ્ય લોકે શાનાયુધૈર્યુતાન્ ।
એવં રામં સમારાધ્ય જીવન્મુક્તઃ પ્રજાયતે

ચન્દનાક્તૈઃ પ્રજુહુયાજ્જાતીપુષ્પૈઃ સમાહિતઃ ।
રાજવશ્યાય કમલૈર્ધનધાન્યાદિસિદ્ધયે

લક્ષ્મીકામઃ પ્રજુહુયાત્પ્રસૂનૈર્વિલ્વસંભવૈઃ ।
આજ્યાક્તૈર્નીલકમલૈર્વશયેદખિલં જગત્

ઘૃતાક્તશતવર્વીભિર્દીર્ઘાયુશ્ચ નિરામયઃ ।
રક્તોત્પલાનાં હોમેન ધનં પ્રાપ્નોતિ વાઞ્છિતમ્

પાલાશકુસુમૈર્હુત્વા મેધાવી જાયતે નરઃ ।
તજ્જપ્તાંભઃ પિબેત્પ્રાતર્વત્સરાત્કવિરાડ્ ભવેત્

તન્મન્ત્રિતાન્નં ભુઞ્જીતમહારોગપ્રશાન્તયે ।
રોગોક્તૌષધહોમેન તદ્રોગાન્મુચ્યતે ક્ષણામ્

નદીતીરે ચ ગોષ્ઠે વા જપેલ્લક્ષં પયોબ્રતઃ ।
પાયસેનાજ્યયુક્તેન હુત્વા વિદ્યાનિધિર્ભવેત્

પરિક્ષીણાધિપત્યો યઃ શાકાહારો જલાન્તરે ।
જપેલ્લક્ષં ચ જુહુયાદ્વિલ્વપુષ્પૈર્દશાંશતઃ

તદૈવ પુનરાપ્નોતિ સ્વાધિપત્યં ન સંશયઃ ।
ઉપોષ્ય ગઙ્ગાતીરાન્તે સ્થિત્વા લક્ષં જપેન્નરઃ

દશાંશં કમલૈર્હુત્વા વિલ્વોત્થૈર્વા પ્રસૂનકૈઃ ।
મધુરત્રયસંયુક્તૈરાદજ્યશ્રિયમવાપ્નુયાત્

માર્ગમાસે જલે સ્થિત્વા કન્દમૂલફલાશનઃ ।
લક્ષં જપ્ત્વા દશાંશેન પાયસૈર્જુહુયાદ્વસૌ

શ્રીરામચન્દ્રસદૃશઃ પુત્રઃ પૌત્રો ઽપિ જાયતે ।
અન્યે ઽપિ બહવઃ સંતિ પ્રયોગામન્ત્રરાજકે

કિન્તુ પ્રયોગકર્તૃઆણાં પરલોકો ન વિદ્યતે ।
ષટ્કોણં વસુપત્રં ચ તદ્બાહ્યાર્કદલં લિખેત્

ષટ્કોણેષુ ષડર્ણાનિ મન્ત્રસ્ય વિલિખેદ્ બુધઃ ।
અષ્ટપત્રે તથાષ્ટાર્ણાંલ્લિખેત્પ્રણવગર્ભિતાન્

કામબીજં રવિદલે મધ્યે મન્ત્રાવૃતાભિધામ્ ।
સુદર્શનાવૃતં બાહ્યે દિક્ષુ યુગ્માવૃતં તથા

વજ્રોલ્લસદ્ભૂમિગેહં કન્દર્પાઙ્કુશપાશકૈઃ ।
ભૂમ્યા ચ વિલસત્કોણં યન્ત્રરાજમિદં સ્મૃતમ્

ભૂર્જે ઽષ્ટગન્ધૈઃ સંલિખ્ય પૂજયેદુક્તવર્ત્મના ।
ષટ્કોણેષુ દલાર્કાબ્જાન્યાવેષ્ટવૃત્તયુગ્મતઃ

કેશરેષ્વષ્ટપત્રસ્ય સ્વરદ્વન્દ્વં લિખેદ્ બુધઃ ।
બહિસ્તુ માતૃકાં ચૈવ મન્ત્રં પ્રાણનિધયનમ

યન્ત્રમેતચ્છુભે ઘસ્રે કણ્ઠે વા દક્ષિણે ભુજે ।
મૂર્ધ્નિ વા ધારયેન્મન્ત્રી સર્વપાપૈઃ પ્રમુચ્યતે

સુદિને શુભનક્ષત્રે સુદેશે શલ્યવર્જિતે ।
વશ્યાકર્ષણવિદ્વેષદ્રાવણોચ્ચાટનાદિકમ્

પુષ્યદ્વયં તથાદિત્યાર્દ્રામઘાસુ યથાક્રમમ્ ।
દૂર્વોત્થા લેખની વશ્યે તથાકૃષ્ટૌ કરઞ્જજા

નરાસ્થિજા મારણે તુ સ્તંભને રાજવૃક્ષજા ।
શાન્તિપુષ્ટષ્ટ્યાયુષાં સિદ્ધયૈ સર્વાપચ્છમનાય ચ

વિભ્રમોત્પાદને ચૈવ શિલાયાં વિલિખેદ્ બુધઃ ।
ખરચર્મણિ વિદ્વેષે ધ્વજે તૂઞ્ચાટનાય ચ

શત્રૂણાં જ્વરસન્તાપશોકમારણકર્મણિ ।
પીતવસ્રં લિખિત્વા તુ સાધયેત્સાધકોત્તમઃ

વશ્યાકૃષ્ટૌ ચાષ્ટગન્ધૈઃ સમ્પૂજ્ય ચ યથાવિધિ ।
ચિતાઙ્ગારાદિના ચૈવ તાડનોચ્ચાટનાદિકમ્

વિષાર્કક્ષીરયોગેન મારણં ભવતિ ધ્રુવમ્ ।
લિખિત્વૈવં યન્ત્રરાજં ગન્ધપુષ્પાદિભિર્યજેત્

ત્રિલોહવેષ્ટિતં કૃત્વા ધારયેત્સાધકોત્તમઃ ।
બીજં રામાય ઠદ્વન્દ્વં મન્ત્રો ઽયં રસવર્ણકઃ

મહાસુદર્શનમનુઃ કથ્યતે સિદ્ધિદાયકઃ ।
સુદર્શનમહાશબ્દાચ્ચક્રરાજેશ્વરેતિ ચ

દુષ્ટાન્તકદુષ્ટભયાનકદુષ્ટભયઙ્કરમ્ ।
છિન્ધિદ્વયં ભિન્ધિયુગ્મં વિદારયયુગં તતઃ

પરમન્ત્રાન્ ગ્રસદ્વન્દ્વં ભક્ષયદ્વિતયં તતઃ ।
ત્રાસયદ્વિતયં વર્માસ્ત્રાગ્નિજાયાન્તિમો મનુઃ

અષ્ટષષ્ટ્યક્ષરઃ પ્રોક્તો યન્ત્રસંવેષ્ટને ત્વયમ્ ।
તારો હૃદ્ભગવાન્ ઙેંતો ઙેંતો હિ રઘુનન્દનઃ

રક્ષોઘ્નવિશદાયાન્તે મધુરાદિપ્રસન્ન ચ ।
વરદાનાયામિતાન્તે નુતેજસેપદમીરયેત્

બાલાયાન્તે તુ રામાય વિષ્ણવે હૃદયાન્તિમઃ ।
સપ્તચત્વારિંશદર્ણો માલામન્ત્રો ઽયમીરિતઃ

વિશ્વામિત્રો મુનિશ્ચાસ્ય ગાયત્રી છન્દ ઈરિતમ્ ।
શ્રીરામો દેવતા બીજં ધ્રુવઃ શક્તિશ્ચ ઠદ્વયમ્

ષડ્દીર્ઘસ્વરયુગ્માયાબીજેનાઙ્ગાનિ કલ્પયેત્ ।
ધ્યાનપૂજાદિકં સર્વમસ્ય પૂર્વવદાચરેત્

અયમારાધિતો મન્ત્રઃ સર્વાન્કામાન્પ્રયચ્છતિ ।
સ્વકામસત્યવાગ્લક્ષ્મીતારાઢ્યઃ પઞ્ચવર્ણકઃ

ષડક્ષરઃ ષડ્વિધઃ સ્યાઞ્ચતુર્વર્ગફલપ્રદઃ ।
બ્રહ્મા સંમોહનઃ શક્તિર્દક્ષિણામૂર્તિસંજ્ઞકઃ

અગસ્ત્યઃ શ્રીશિવઃ પ્રોક્તાસ્તે તેષાં મુનયઃ ક્રમાત્ ।
અથવા કામબીજાદેર્વિશ્વામિત્રો મુનિઃ સ્મૃતઃ

છન્દઃ પ્રોક્તં ચ ગાયત્રી શ્રીરામો દેવતા પુનઃ ।
બીજશક્તિરાધમાન્ત્યં મન્ત્રાર્ણૈઃ સ્યાત્ષડઙ્ગકમ્

બીજૈઃ ષડ્દીર્ઘયુક્તૈર્વા મન્ત્રાર્ણાન્પૂર્વવન્ન્યસેત્ ।
ધ્યાયેત્કલ્પતરોર્મૂલે સુવર્ણમયમણ્ડપે

પુષ્પકાખ્યવિમાનાન્તઃ સિંહાસનપરિચ્છદે ।
પદ્મે વસુદલેદેવમિન્દ્રનીલસમપ્રભમ્

વીરાસનસમાસીનં જ્ઞાનમુદ્રોપશોભિતમ્ ।
વામોરુન્યસ્તતદ્ધસ્તસીતાલક્ષ્મણસેવિતમ્

રત્નાકલ્પં વિભુન્ધ્યાત્વા વર્ણલક્ષં જપેન્મનુમ્ ।
યદ્વા સ્મારાદિમન્ત્રાણાં જયાભં ચ હરિં સ્મરેત્

યેજનં કામ્યકર્માણિ સર્વં કુર્યાત્ષડર્ણવત્ ।
રામશ્ચ ચન્દ્રભ દ્રાન્તો ઙેનમોન્તો ધ્રુવાદિકઃ

મન્ત્રાવષ્ટાક્ષરૌ હ્યેતૌ તારાન્ત્યૌ ચેન્નવાક્ષરૌ ।
એતેષાં યજનં સર્વં કુર્યાન્મન્ત્રી ષડર્ણવત્

જાનકીવલ્લભો ઙેંતો દ્વિઠાન્તઃ કવચાદિકઃ ।
દશાર્ણો ઽયં મહામન્ત્રો વિશિષ્ટો ઽસ્ય મુનિઃ સ્વરાટ્

છન્દશ્ચ દેવતા સીતા પતિર્બીજં તથાદિમમ્ ।
સ્વાહા શક્તિશ્ચ કામેન કુર્યાદઙ્ગાનિ ષટ્ ક્રમાત્

શિરોલલાટભ્રૂમધ્યતાલુકણ્ઠેષુ હૃદ્યપિ ।
નાભ્યઙ્ઘ્રિજાનુપાદેષુ દશાર્ણાન્વિન્યસેન્મનોઃ

અયોધ્યાનગરે રત્નચિત્રસૌવર્ણમણ્ડપે ।
મન્દારપુષ્પૈરાબદ્ધવિતાને તોરણાન્વિતે

સિંહાસનસમાસીન પુષ્પકોપરિ રાઘવમ્ ।
રક્ષોભિર્હરિભિર્દેવૈઃ સુવિમાનગતૈઃ શુભૈઃ

સંસ્તૂયમાનં મુનિભિઃ પ્રહ્વૈશ્ચ પરિસેવિતમ્ ।
સીતાલઙ્કૃતવામાઙ્ગં લક્ષ્મણેનોપશોભિતમ્

શ્યામં પ્રસન્નવદનં સર્વાભરણભૂષિતમ્ ।
એવં ધ્યાત્વા જપેન્મન્ત્રી વર્ણલક્ષં સમાહિતઃ

દશાંશઃ કમલૈર્હેમો યજનં ચ ષડર્ણવત્ ।
રામો ઙેંન્તો ધનુષ્પાણિર્ઙૈતોંઽતે વહ્નિસુંદરી

દશાક્ષરો ઽયં મન્ત્રો ઽસ્ય મુનિર્બ્રહ્મા વિરાટ્ પુનઃ ।
છન્દસ્તુ દેવતા પ્રોક્તો રામો રાક્ષસમર્દનઃ

આદ્યં બીજં દ્વિઠઃ શક્તિબીઞ્જેનાઙ્ગાનિ કલ્પયેત્ ।
વર્ણન્યાસં તથા ધ્યાનં પુરશ્ચર્યાર્ચનાદિકમન્

દશાક્ષરોક્તવત્કુર્યાચ્ચાપબાણધરં સ્મરેત્ ।
તારો નમો ભગવતે રામાન્તે ચન્દ્રભદ્રકૌ

ઙેંતાવર્કાક્ષરૌ મન્ત્રૌ ઋષિધ્યાનાદિ પૂર્વવત્ ।
શ્રીપૂર્વં જયપૂર્વં ચ તદ્દ્વિધા રામનામ ચ

ત્રયોદશાક્ષરો મન્ત્રો મુનિર્બ્રહ્મા વિરાટ્ સ્મૃતમ્ ।
છન્દસ્તુ દેવતા પ્રોક્તો રામઃ પાપૌઘનાશનઃઋ

ષડઙ્ગાનિ પ્રકુર્વીત દ્વિરાવૃત્ત્યા પદત્રયૈઃ ।
ધ્યાનાર્ચનાદિકં સવ હ્યસ્ય કુર્યાદ્દશાર્ણવત્

તારો નમો ભગવતે રામાયાન્તે મહાપદમ્ ।
પુરુષાય હૃદન્તો ઽયં મનુરષ્ટાદશાક્ષરઃ

વિશ્વામિત્રો મુનિશ્છદો ધૃતી રામો ઽસ્ય દેવતા ।
તારો બીજં નમઃ શક્તિશ્ચન્દ્રાક્ષ્યબ્ધ્યગ્નિષડ્ભુજૈઃ

વર્ણૈમન્ત્રોત્થિતૈઃ કુર્યાત્ષડઙ્ગાનિ સમાહિતઃ ।
નિઃશાણભેરીપટહશઙ્ખતુર્યાદિનિઃસ્વનૈઃ

પ્રવૃત્તનૃત્યે પરિતો જયમઙ્ગલભાષિતે ।
ચન્દનાગરુકસ્તૂરીકર્પૂરાદિસુવાસિતે

નાનાકુસુમસૌરભ્યવાહિગન્ધવહાન્વિતે ।
દેવગન્ધર્વનારીભિર્ગાયન્તીભિરલકૃતે

સિંહાસને સમાસીનં પુષ્પકોપરિ રાઘવમ્ ।
સૌમિત્રિસીતાસહિતં જટામુકુટશોભિતમ્

ચાપબાણધરં શ્યામં સસુગ્રીવવિભીષણમ્ ।
હત્વા રાવણમાયાન્તં કૃતત્રૈલોક્યરક્ષણમ્

એવં ધ્યાત્વા જપેદ્વર્ણં લક્ષં મત્રી દશાંશતઃ ।
ઘૃતાક્તૈઃ પાયસૈર્હુત્વા યજનં પૂર્વવઞ્ચરેત્

પ્રણવો હૃદયં સીતાપતયે તદનન્તરમ્ ।
રામાય હનયુગ્માન્તે વર્માસ્ત્રાગ્નિપ્રિયાન્તિમઃ

એકોનવિંશદ્વર્ણો ઽયં મન્ત્રઃ સર્વાર્થસાધકઃ ।
વિશ્વામિત્રો મુનિશ્ચાસ્યાનુષ્ટુપ્છન્દ ઉદાહૃતમ્

દેવતા રામભદ્રો જં બીજં શક્તિર્નમ ઇતિ ।
મન્ત્રોત્થિતૈઃ ક્રમાદ્વર્ણૈસ્તતો ધ્યાયેઞ્ચ પૂર્વવત્

પૂજનં કામ્યકર્માદિ સર્વમસ્ય ષડર્ણવત્ ।
તારઃ સ્વબીજં કમલા રામભદ્રેતિ સંપઠેત્

મહેષ્વાસપદાન્તે તુ રઘુવીર નૃપોત્તમ ।
દશાસ્યાન્તકશબ્દાન્તે માં રક્ષ દેહિ સંપઠેત્

પરમાન્તે મે શ્રિયં સ્યાન્મન્ત્રો બાણગુણાક્ષરઃ ।
બીજૈર્વિયુક્તો દ્વાત્રિંશદર્ણો ઽયં ફલદાયકઃ

વિશ્વામિત્રો મુનિશ્ચાસ્યાનુષ્ટુપ્છન્દ ઉદાહૃતમ્ ।
દેવતા રામભદ્રો ઽત્ર બીજં સ્વં શક્તિરિન્દિરા

બીજત્રયાદ્યૈઃ કુર્વીત પદૈઃ સર્વેણ મન્ત્રવિત્ ।
પઞ્ચાઙ્ગાનિ ચ વિન્યસ્ય મન્ત્રવર્ણાન્ક્રમાન્ન્યસેત્

મૂર્ધ્નિ ભાલે દૃશોઃ શ્રોત્રે ગણ્ડયુગ્મે સનાસિકે ।
આસ્યે દોઃસંધિયુગલે સ્તનહૃન્નાભિષુ ક્રમાત્

કટૌ મેઢ્રે પાયુપાદસંધિષ્વર્ણાન્ન્યસેન્મનોઃ ।
ધ્યાનાર્ચનાદિકં ચાસ્ય પૂર્વવત્સમુપાચરેત્

લક્ષત્રયં પુરશ્ચર્યાં પાયસૈર્હવનં મતમ્ ।
ધ્યાત્વા રામં પીતવર્ણં જપેલ્લક્ષં સમાહિતઃ

દશાંશં કમલૈર્હુત્વા ધનૈર્ધનપતિર્ભવેત્ ।
તારો માયા રમાદ્વન્દ્વં દાશરથાય હૃઞ્ચ વૈ

એકાદશાક્ષરો મન્ત્રો મુન્યાદ્યર્ચાસ્ય પૂર્વવત્ ।
ત્રૈલોક્યાન્તે તુ નાથાય હૃદન્તો વસુવર્ણવાન્

અસ્યાપિ પૂર્વવત્સર્વં ન્યાસધ્યાનાર્ચનાદિકમ્ ।
આઞ્જનેયપદાન્તે તુ ગુરવે હૃદયાન્તિમઃ

મન્ત્રો નવાક્ષરો ઽસ્યાપિ યજનં પૂર્વવન્મતમ્ ।
ઙેતં રામપદ પશ્ચાદ્ધૃદયં પઞ્ચવણવત્

મુનિધ્યાનાર્ચનં ચાસ્ય પ્રોક્તં સર્વં ષડર્ણવત્ ।
રામાન્તે ચન્દ્રભદ્રૌ ચ ઙેંતૌ પાવકવલ્લભા

મન્ત્રો દ્વૌ ચ સમાખ્યાતૌ મુન્યાદ્યર્ચાદિ પૂર્વવત્ ।
વહ્નિઃ શેષાન્વિતશ્ચૈવ ચન્દ્રભૂષિતમસ્તકઃ

એકાક્ષરો રઘુપતેર્મન્ત્રઃ કલ્પદ્રુમો ઽપરઃ ।
બ્રહ્મા મુનિઃ સ્યાદ્ગાયત્રી છન્દો રામો ઽસ્ય દેવતા

ષડ્દીર્ઘાઢ્યેન મન્ત્રેણ ષડઙ્ગાનિ સમાચરેત્ ।
સરયૂતીરમન્દારવેદિકાપઙ્કજાસને

શ્યામં વીરાસનાસીનં જ્ઞાનમુદ્રોપશોભિતમ્ ।
વામોરુન્યસ્તં તદ્ધસ્તં સીતાલક્ષ્મણસંયુતમ્

અવેક્ષણાણમાત્માનં મન્મથામિતતેજસમ્ ।
શુદ્ધસ્ફટિકસંકાશં કેવલં મોક્ષકાઙ્ક્ષયા

ચિન્તયેત્પરમાત્માનમૃતુલક્ષં જપેન્મનુમ્ ।
સર્વ્વં ષડર્ણવઞ્ચાસ્ય હોમનિત્યાર્ચનાદિકમ્

વહ્નિઃ શેષાસનો ભાન્તઃ કેવલો દ્વ્યક્ષરો મનુઃ ।
એકાક્ષરોક્ત વત્સર્વં મુનિધ્યાનાર્ચનાદિકમ્

તારમાનારમાનઙ્ગચાસ્ત્રબીજૈર્દ્વિવર્ણકઃ ।
ત્ર્યક્ષરો મન્ત્રરાજઃ સ્યાત્ષડ્વિધઃ સકલેષ્ટદઃ

વ્દ્યક્ષરશ્ચન્દ્રભદ્રાન્તો દ્વિવિધશ્ચતુરક્ષરઃ ।
એકાર્ણોક્તવદેતેષાં મુનિધ્યાનાર્ચનાદિકમ્

તારો રામશ્ચતુર્થ્યન્તો વર્માસ્ત્રં વહ્નિવલ્લભા ।
અષ્ટાર્ણો ઽયં મહામન્ત્રો મુન્યાદ્યર્ચા ષડર્ણવત્

તારો મયા હૃદન્તે સ્યાદ્રામાય પ્રણવાન્તિમઃ ।
શિવોમારામમન્ત્રો ઽયમષ્ટાર્ણઃ સર્વસિદ્ધિદઃ

ઋષિઃ સદાશિવઃ પ્રોક્તો ગાયત્રી છન્દ ઈરિતમ્ ।
શિવોમારામચન્દ્રો ઽત્ર દેવતા પરિકીર્તિતઃ

ષડ્વીર્યયામાય યાતુ ધ્રુવપઞ્ચાર્ણયુક્તયા ।
ષડઙ્ગાનિ વિધાયાથ ધ્યાયેદ્ધૃદિ સુરાર્ચિતમ્

રામં ત્રિનેત્રં સોમાર્દ્ધધારિણં શૂલિનં વરમ્ ।
ભસ્મોદ્ધૂલિતસર્વાઙ્ગં કપર્દ્દિનમુપાસ્મહે

રામાભિરામં સૈન્દર્યસીમાં સોમાવતંસિનીમ્ ।
પાશાઙ્કુશધનુર્બાણધરાં ધ્યાયેત્રિલોચનામ્

એવં ધ્યાત્વા જપેદ્વર્ણલક્ષં ત્રિમધુરાન્વિતૈઃ ।
બિલ્પપત્રૈઃ ફલૈઃ પુષ્પૈસ્તિલૈર્વા પઙ્કજૈર્હુનેત્

સ્વયમાયાન્તિ નિધયઃ સિદ્ધયશ્ચ સુરેપ્સિતાઃ ।
તારો માયા ચ ભરતાગ્રજરામમનોભવઃ

વહ્નિજાયાદ્વાદશાર્ણો મન્ત્રઃ કલ્પદ્રુમો ઽપરઃ ।
અઙ્ગિરાશ્ચ મુનિશ્છન્દો ગાયત્રી દેવતા પુનઃ

શ્રીરામો ભુવનાબીજં સ્વાહાશક્તિઃ સમીરિતઃ ।
ચન્દ્રૈકમુનિભૂનેત્રૈર્મન્ત્રાર્ણૈરઙ્ગકલ્પનમ્

ધ્યાનપૂજાદિકં ચાશ્ચ સર્વં કુર્યાત્ષડર્ણવત્ ।
પ્રણવો હૃદયં સીતાપતે રામશ્ચ ઙેંતિમઃ

હનદ્વયાન્તે વર્માસ્ત્રં મન્ત્રઃ ષોડશવર્ણવાન્ ।
અગસ્ત્યો ઽસ્ય મુનિશ્છન્દો બૃહતી દેવતા પુનઃ

શ્રીરામો ઽહં તથા બીજં રાં શક્તિઃ સમુદીરિતા ।
રામાબ્ધિવહ્નિવેદાક્ષિવર્ણૈઃ પઞ્ચાઙ્ગકલ્પના

ધ્યાનપૂજાદિકં સર્વમસ્ય કુર્યાત્ષડર્ણવત્ ।
તારો હૃઞ્ચૈવ બ્રહ્મણ્યસેવ્યાય પદમીરયેત્

રામાયાકુણ્ઠશબ્દાન્તં તેજસે ચ સમીરયેત્ ।
ઉત્તમશ્લોકધુર્યાય સ્વં ભૃગુઃ કામિકાન્વિતઃ

દણ્ડાર્પિતાં પ્રિયે મન્ત્રો રામરામાક્ષરો મતઃ ।
ઋષિઃ શુક્રસ્તથાનુષ્ટુપ્છન્દો રામો ઽસ્ય દેવતા

પાદૈઃ સર્વેણ પઞ્ચાઙ્ગં કુર્યાચ્છેષં ષડર્ણવત્ ।
લક્ષં જપો દશાંશેન જુહુયાત્પાયસૈઃ સુધીઃ

સિદ્ધમન્ત્રસ્ય ભુક્તિઃ સ્યાન્મુક્તિઃ પાતકનાશનમ્ ।
આદૌ દાશરથાયાન્તે વિદ્મહે પદમુચ્ચરેત્

તતઃ સીતાવલ્લભાય ધીમહીતિ સમુચ્ચરેત્ ।
તન્નો રામઃ પ્રોચો વર્ણો દયાદિતિ ચ સંવદેત્

એષોક્તારા મગાયત્રી સર્વાભીષ્ટફલપ્રદા ।
પદ્માસીતાપદં ઙેતં ઠદ્વયાન્તઃ ષડક્ષરઃ

વાલ્મીકિશ્ચ મુનિશ્છન્દો ગાયત્રી દેવતા પુનઃ ।
સીતા ભગવતી પ્રોક્તા શ્રીં બીજં વહ્નિસુન્દરી

શક્તિઃ ષડ્દીર્ઘયુક્તેન બીજેનાઙ્ગાનિ કલ્પયેત્ ।
તતો ધ્યાયન્મહાદેવીં સીતાં ત્રૈલોક્યપૂજિતામ્

તપ્તહાટકવર્ણાભાં પદ્મયુગ્મં કરદ્વયે ।
સદ્રત્નભૂષણસ્ફૂર્જદ્દિવ્યદેહાં શુભાત્મિકામ્

નાનાવસ્ત્રાં શશિમુખીં પદ્માક્ષીં મુદિતાન્તરામ્ ।
પશ્યન્તીં રાઘવં પુણ્યં શય્યાર્ધ્યાં ષડ્ગુણેશ્વરીમ્

એવં ધ્યાત્વા જપેદ્વર્ણલક્ષં મન્ત્રી દશાંશતઃ ।
જુહુયાત્કમલૈઃ ફુલ્લૈઃ પીઠે પૂર્વોદિતે યજેત્

મૂર્તિં સંકલ્પ્ય મૂલેન તસ્યામાવાહ્ય જાનકીમ્ ।
સંપૂજ્ય દક્ષિણે રામમભ્યર્ચ્યાગ્રે ઽનિલાત્મજમ્

પૃષટે લક્ષ્મણમભ્યર્ચ્ય ષટ્કોણેષ્વઙ્ગપૂજનમ્ ।
પત્રેષુ મન્ત્રિમુખ્યંશ્ચ બાહ્યે લોકેશ્વરાન્પુનઃ

વજ્રાદ્યાનપિ સંપૂજ્ય સર્વસિદ્ધીશ્વરો ભવેત્ ।
જાતીપુષ્પૈશ્ચન્દનાક્તૈ રાજવશ્યાય હોમયેત્

કમલૈર્ધનધાન્યાપ્તિર્નીલાબ્જૈર્વશયન્ જગત્ ।
બિલ્વપત્રૈઃ શ્રિયઃ પ્રાપ્ત્યૈ દૂર્વાભીરોરાશાન્તયે

કિં બહૂક્તુન સૌભાગ્યં પુત્રાન્પૌત્રાન્પરં સુખમ્ ।
ધનં ધાન્યં ચ મોક્ષં ચ સીતારાધનતો લભેત્

શક્રઋ સેંદુર્લક્ષ્મણાય હૃદયં સપ્તવર્ણવાન્ ।
અગસ્ત્યો ઽસ્ય મુનિશ્છન્દો ગાયત્રી દેવતા પુનઃ

લક્ષ્મણાખ્યો મહાવીરશ્ચાઢ્યં હૃદ્વીજશક્તિકે ।
ષડ્દીર્ઘાઢ્યેન બીજેન ષડઙ્ગાનિ સમાચરેત્

દ્વિભુજં સ્વર્ણરુચુરતનું પદ્મનિભેક્ષણમ્ ।
ધનુર્બાણકરં રામસેવાસંસક્તમાનસમ્

ધ્યાત્વૈવં પ્રજપેદ્વર્ણલક્ષં મન્ત્રી દશાંશતઃ ॥ઠ
મધ્વાક્તૈઃ પાયસૈર્હુત્વા રામપીઠે પ્રપૂજયેત

રામવદ્યજનં ચાસ્ય સર્વસિદ્ધિપ્રદો હ્યયમ્ ।
સાકલ્યં રામપૂજાયા યદીચ્છેન્નિયતં નરઃ

તેન યત્નેન કર્ત્તવ્યં લક્ષ્મણાર્ચનમાદરાત્ ।
શ્રીરામચન્દ્રભેદાસ્તુ બહવઃ સંતિ સિદ્ધિદાઃ

તત્સાધકૈઃ સદા કાર્યં લક્ષ્મણારાધનં શુભમ્ ।
અષ્ટોત્તરસહસ્રં વા શતં વા સુસમાહિતૈઃ

લક્ષ્મણસ્ય મનુર્જપ્યો મુમુક્ષુભિરતન્દ્રિતૈઃ ।
અજપ્ત્વા લક્ષ્મણમનું રામમન્ત્રાન્ જપન્તિ યે

ન તેષાં જાયતે સિદ્ધિર્હાનિરેવ પદે પદે ।
યો જપેલ્લક્ષ્મણમનું નિત્યમેકાન્તમાસ્થિતઃ

મુચ્યતે સર્વપાપેભ્યઃ સર્વાન્કામાનવાપ્નુયાત્ ।
જયપ્રધાનો મન્ત્રો ઽયં રાજ્યપ્રાપ્ત્યૈકસાધનમ્

નષ્ટરાજ્યાપ્તયે મન્ત્રં જપેલ્લક્ષં સમાહિતઃ ।
સો ઽચિરાન્નષ્ટરાજ્યં સ્વં પ્રાપ્નોત્યેવ ન સંશયઃ

ધ્યાયન્રામમયોધ્યાયામભિષિક્ત મનન્યધીઃ ।
પઞ્ચાયુતં મનું જપ્ત્વા નષ્ટરાજ્યમવાપ્નુયાત્

નાગપાશવિનિર્મુક્તં ધ્યાત્વા લક્ષ્મણમાદરાત્ ।
અયુતં પ્રજપેન્મન્ત્રં નિગડાન્મુચ્યતે ધ્રુવમ્

વાતાત્મજેનાનીતાભિરોષધીભિર્ગતવ્યથમ્ ।
ધ્યાત્વા લક્ષં જપન્મન્ત્રમલ્પમૃત્યું જયેદ્ધુવમ્

ઘાતયન્તં મેઘનાદં ધ્યાત્વા લક્ષં જપેન્મનુમ્ ।
દુર્જયં વાપિ વેગેન જયેદ્રિપુકુલં મહત્

ધ્યાત્વા શૂર્પણખાનાસાછેદનોદ્યુક્તમાનસમ્ ।
સહસ્રં પ્રજપેન્મન્ત્રં પુરુહૂતાદિકાન્ જયેત્

રામપાદાબ્જસેવાર્થં કૃતોદ્યોગમથો સ્મરન્ ।
પ્રજપલ્લઙ્ક્ષમેકાન્તે મહારોગાત્પ્રમુચ્યતે

ત્રિમાસં વિજિતાહારો નિત્યં સપ્તસહસ્રકમ્ ।
અષ્ટોત્તરશતૈઃ પુષ્પૈર્નિશ્છેદ્રૈઃ શાતપત્રકૈઃ

પૂજયિત્વા વિધાનેન પાયસં ચ સશર્કરમ્ ।
નિવેદ્ય પ્રજપેન્મન્ત્રં કુષ્ટરોગાત્પ્રનુચ્યતે

વિજને વિજિતાહારઃ ષણ્માસં વિધિનામુના ।
ક્ષયરોગાત્પ્રમુચ્યેત સત્યં સત્યં ન સંશયઃ

અભિમન્ત્ર્ય જલં પ્રાતર્મન્ત્રેણ ત્રિઃ સમાહિતઃ ।
ત્રિસંધ્યં વા પિબેન્નિત્યં મુચ્યતે સર્વરોગતઃ

દારિદ્રયં ચ પરાભૂતં જાયતે ધનદોપમઃ ।
વિષાદિદોષસંસ્પર્શો ન ભવેત્તુ કદાચન

મનુના મન્ત્રિતૈસ્તોયૈઃ પ્રત્યેહં ક્ષાલયેન્મુખમ્ ।
મુખનેત્રાદિસંભૂતાઞ્જયેદ્દ્વ્રોગાંશ્ચ દારુણાન્

પીત્વાભિમન્ત્રિતં ત્વંભઃ કુક્ષિરોગાન્ જયેદ્ધ્રુવમ્ ।
લક્ષ્મણપ્રતિમાં કૃત્વા દદ્યાદ્ભક્ત્યા વિધાનતઃ

સ સર્વેભ્યો ઽથ રોગેભ્યો મુચ્યતે નાત્ર સંશયઃ ।
કન્યાર્થી વિમલાપાણિગ્રહણાસક્તમાનસઃ

ધ્યાયન્ લક્ષં જપેન્મન્ત્રી અબ્જૈર્હુત્વા દશાંશતઃ ।
ઈપ્સિતાં લભતે કન્યાં શીગ્રમેવ ન સંશયઃ

દીક્ષિતં જુંભણાસ્ત્રાણાં મન્ત્રેષુ નિયતવ્રતમ્ ।
ધ્યાત્વા ચ વિધિવન્નિત્યં જપેન્માસત્રયં મનુમ્

પૂજાપુરઃસરં સપ્તસહસ્રં વિજિતેન્દ્રિયઃ ।
સર્વાસામપિ વિદ્યાનાં તત્ત્વજ્ઞો જાયતે નરઃ

વિશ્વામિત્રક્રતુવરે કૃતાદ્ભુતપરાક્રમમ્ ।
ધ્યાયંલ્લક્ષં જપેન્મન્ત્રં મુચ્યતે મહતો ભયાત્

કૃતનિત્યક્રિયઃ શુદ્ધસ્ત્રિકાલં પ્રજપેન્મનુમ્ ।
સર્વપાપવિનિર્મુક્તો યાતિ વિષ્ણોઃ પરં પદમ્

દીક્ષિતો વિધિવન્મન્ત્રી ગુણૈર્વિગતકલ્મષઃ ।
સ્વાચારનિયતો દાન્તો ગૃહસ્થો વિજિતેન્દ્રિયઃ

ઐહિકાનનપેક્ષ્યૈવ નિષ્કામો યોર્ઽચયેદ્વિભુમ્ ।
સ સર્વાન્પુણ્યપાપૌધાન્દગ્ધ્વા નિર્મલમાનસઃ

પુનરાવૃત્તિરહિતઃ શાશ્વતં પદમશ્વતં પદમશ્નુતે ।
સકામો વાઞ્છિતાન્ લબ્ધ્વા ભુક્ત્વા ભોગાન્ મનોગતાન્

જાતિરમરશ્ચિરં ભૂત્વા યાતિ વિષ્ણોઃ પરં પદમ્ ।
નિદ્રાચન્દ્રાન્વિતા પશ્ચાદ્ભરતાય હૃદન્તિમઃ

સપ્તાક્ષરો મનુશ્ચાસ્ય મુન્યાદ્યર્ચાદિ પૂર્વવત્ ।
બકઃ સેંદુશ્ચ શત્રુધ્નપરં ઙેતં હૃદન્તિમઃ

સપ્તાક્ષરો ઽયં શત્રુધ્નમન્ત્રઃ સર્વેષ્ટસિદ્ધિદઃ