નારદ પુરાણ · અધ્યાય 1.71

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને તૃતીયપાદે સપ્તતિતમો ઽધ્યાયઃ
સનત્કુમાર ઉવાચ
શૃણુ નારદ વક્ષ્યામિ દિવ્યાન્નરહરેર્મનૂન્ ।
યાન્સમારાધ્ય બ્રહ્માદ્યાશ્ચક્રુઃ સૃષ્ટ્યાદિ કર્મ વૈ

સંવર્તકશ્ચન્દ્રમૌલિર્મનુર્વહ્નિવિભૂષિતઃ ।
એકાક્ષરઃ સ્મૃતો મન્ત્રો ભજતાં સુરપાદપઃ

મુનિરત્રિશ્ચ જગતીં છન્દો બુદ્ધિમતાં વર ।
દેવતા નૃહરિઃ પ્રોક્તો વિનિયોગો ઽખિલાપ્તયે

ક્ષં બીજં શક્તિરી પ્રોક્તા ષડ્દીર્ઘેણ ષડઙ્ગકમ્ ।
અર્કેન્દુવહ્નિનયનં શરદિન્દુરુચં કરૈઃ

ધનુશ્ચક્રાભયવલરાન્દધતં નૃહરિં સ્મરેત્ ।
લક્ષં જપસ્તદ્દશાંશહોમશ્ચ ઘૃતપાયસૈઃ

યજેત્પીઠે વૈષ્ણવે તુ કેસરેષ્વઙ્ગપૂજનમ્ ।
ખગેશં શઙ્કરં શેષં શતાનન્દં દિગાલિષુ

શ્રિયં હ્રિયં ધૃતિં પુષ્ટિં કોણપત્રેષુ પૂજયેત્ ।
દન્તચ્છદેષુ નૃહરીંસ્તાવતઃ પૂજયેત્ક્રમાત્મ

કૃષ્ણો રુદ્રો મહાઘોરો ભીમો ભીષણ ઉજ્જ્વલઃઋ ।
કરાલો વિકરાલશ્ચ દૈત્યાન્તો મધુસૂદનઃ

રક્તાક્ષઃ પિઙ્ગલાક્ષશ્ચાઞ્જનો દીપ્તરુચિસ્તથા ।
સુઘોરકશ્ચ સુહનુર્વિશ્વકો રાક્ષસાંતકઃ

વિશાલકો ધૂમ્રકેશો હયગ્રીવો ઘનસ્વનઃ ।
મેઘવર્ણઃ કુભઘકર્ણઃ કૃતાન્તતીવ્રતેજસૌ

અગ્નિવર્ણો મહોગ્રશ્ચ તતો વિશ્વવિભૂષણઃ ।
વિઘ્નક્ષમો મહાસેનઃ સિંહા દ્વાત્રિંશદીરિતાઃ

તદ્બ્રહિઃ પ્રાર્ચયેદ્વિદ્વાંલ્લોકપાલાન્સહેતિકાન્ ।
એવં સિદ્ધે મનૌ મન્ત્રી સાધેયેદખિલેપ્સિતાન્

વિષ્ણઃ પ્રદ્યુમ્નયુક્ શાર્ઙ્ગી મહાંસ્તતઃ ।
વિષ્ણું જ્વલન્તં ભૃગ્વીશો જલં પદ્માસનં તતઃ

હરિસ્તુ વાસુદેવાય વૈકુણ્ઠો વિષ્ણુસંયુતઃ ।
ગદી સેંદુનૃસિંહં ચ ભીષણં ભદ્વમેવ ચ

મૃત્યુમૃત્યું તતઃ શૌરિર્ભાનોર્નારાયણાન્વિતઃ ।
નૃહરેર્દ્વાવિંશદર્ણો ઽયં મન્ત્રઃ સામ્રાજ્યદાયકઃ

બ્રહ્મા મુનિસ્તુ ગાયત્રી છન્દો ઽનુષ્ટુબુદાહૃતમ્ ।
દેવતા નૃહરિશ્ચાસ્ય સર્વેષ્ટુફલદાયકઃ

હં બીજં ઇં તથા શક્તિર્વિનિયોગો ઽખિલાપ્તયે ।
વેદૈશ્ચતુર્ભિર્વસુભિઃ ષડ્ભિઃ ષડ્ભિર્યુગાક્ષરૈઃ

ષડઙ્ગાનિ વિધાયાથ મૂર્ધ્નિ ભાલે ચ નેત્રયોઃ ।
મુખબાહ્વઙ્ઘ્રિસંધ્યગ્રેષ્વથ કુક્ષૌ તથા હૃદિ

ગલે પાર્શ્વદ્વયે પૃષ્ટે કકુદ્યર્ણાન્મનૂદ્ભવાન્ ।
પ્રણવાન્તરિતાન્ કૃત્વા ન્યસેત્સાધકસત્તમઃ

નૃસિંહસાંનિધ્યકરો ન્યાસો દશવિધો યથા ।
કરાઙ્ઘ્ષષ્ટાદ્યઙ્ગુલીષુ પૃથગાદ્યન્તપર્વણોઃ

સર્વાઙ્ગુલીષુ વિન્યસ્યાવશિષ્ટં તલયોર્ન્યસેત્ ।
શિરોલલાટે ભ્રુમધ્યે નેત્રયોઃ કર્ણયોસ્તથા

કપોલકર્ણમૂલે ચ ચિબુકોર્દ્ધાધરોષ્ટકે ।
કણ્ઠે ઘોણે ચ ભુજયોર્દ્દત્તનૌ નાભિમણ્ડલે

દક્ષાન્પદોસ્તલે કટ્યાં મેઢ્રોર્વોજાનુજઘયચોઃ ।
ગુલ્ફે પાદકરાઙ્ગુલ્યોઃ સર્વસન્ધિષુ રોમસુ

રક્તાસ્થિમજ્જાસુ તનૌ ન્યસેદ્વર્ણાન્વિ ચક્ષણઃ ।
વર્ણાન્પદે ગુલ્ફજાનુકટિનાભિહૃદિ સ્થલે

બાહ્વોઃ કણ્ઠે ચ ચિબુકે ચૌષ્ટૌ ગણ્ડે પ્રવિન્યસેત્ ।
કર્ણયોર્વદને નાસાપુટે નેત્રે ચ મૂર્દ્ધનિ

પદાનિ તુ મુખે મૂર્ધ્રિ નસિ ચક્ષુષિ કર્ણયોઃ ।
આસ્યે ચ હૃદય નાભૌ પાદાન્સર્વાઙ્ગકેન્યસેત્

અર્દ્ધદ્વયં ન્યસેન્મૂર્ધ્નિ આહૃત્પાદાત્તદઙ્ગકમ્ ।
ઉગ્રાદીનિ પદાની હ મૃત્યુમૃત્યું નમામ્યહમ્

ઇત્યન્તાન્યાસ્યકઘ્નાણચક્ષુઃશ્રોત્રેષુપક્ષ્મસુ ।
હૃદિ નાભૌ ચ કટ્યાદિપાદાન્તં નવસુ ન્યસેત્

વીરાદ્યાનપિ તાન્યેવ યથાપૂર્વં પ્રવિન્યસેત્ ।
નૃસિંહાદ્યાનિ તાન્યેવ પૂર્વવદ્વિન્યસેત્સુધીઃ

ચન્દ્રાગ્નિવેદષડ્રામનેત્રદિગ્બાહુભૂમિતાન્ ।
વિભક્તા પન્ત્રવર્ણાંશ્ચ ક્રમાત્સ્થાનેષુ વિન્યસેત્

મૂલે મૂલાચ્ચ નાભ્યન્તં નાભ્યાદિહૃદયાવધિ ।
હૃદયાદ્ભ્રૂયુગાન્તં તુ નેત્રત્રયે ચ મસ્તકે

બાહ્વોરઙ્ગુલિષુ પ્રાણેમૂર્દ્ધાદિ ચરણાવધિ ।
વિન્યસેન્નામતો ધીમાન્હરિન્યાસો ઽયમીરિતઃ

ન્યાસસ્યાસ્ય તુ માહાત્મ્યં જાનાત્યેકો હરિઃ સ્વયમ્ ।
એવં ન્યાસવિધિં કૃત્વા ધ્યાયેચ્ચ નૃહરિં હૃદિ

ગલાસક્તલસદ્બાહુસ્પૃષ્ટકેશો ઽબ્જચક્રધૃક્ ।
નખાગ્રભિન્નદૈત્યેશો જ્વાલામાલાસમન્વિતઃ

દીપ્તજિહ્વસ્ત્રિનયનો દંષ્ટ્રોગ્રં વદનં વહન્ ।
નૃસિંહો ઽસ્માન્સદા પાતુસ્થલાંબુગગનોપગઃ

ધ્યાત્વૈવં દર્શયેન્મુદ્રાં નૃસિંહસ્ય મહાત્મનઃ ।
જાનુમધ્યગતૌ કૃત્વા ચિબુકોષ્ટૌ સમાવુભૌ

હસ્તૌ ચ ભૂમિસંલગ્નૌ કંપમાનઃ પુનઃ પુનઃ ।
મુખં વિજૃંભિતં કૃત્વા લેલિહાનાં ચ જિહ્વિકામ્

એષા મુદ્રા નારસિંહી પ્રધાનેતિ પ્રકીર્તિતા ।
વામસ્યાઙ્ગુષ્ટતો બદ્ધ્વાકનિષ્ટામઙ્ગલીત્રયમ્

ત્રિશૂલવત્ સંમુખોર્દ્ધ્વે કુર્યાન્મુદ્રાં નૃસિંહગામ્ ।
અઙ્ગુષ્ટાભ્યાં ચ કરયોસ્તથાઽક્રમ્ય કનિષ્ટકે

અધોમુખાભિઃ શિષ્ટાભિઃ શેષાભિર્નૃહરૌ તતઃ ।
હસ્તાવધોમુખૌ કૃત્વા નાભિદેશે પ્રસાર્ય ચ

તર્જંનીભ્યાં નયેત્સ્કન્ધૌ પ્રોક્તા ચાન્ત્રણમુદ્રિકા ।
હસ્તાવૂર્દ્ધ્વમુખૌ કૃત્વા તલે સંયોજ્ય મધ્યમે

અનામાયાં તુ વામાયાં તુવામાયાં દક્ષિણાં તુ વિનિક્ષિપેત્ ।
તર્જન્યૌ પૃષ્ટતો લગ્નૌ અઙ્ગુષ્ટૌ તર્જનીશ્રિતૌ

ચક્રમુદ્રાભવેદેષા નૃહરેઃ સંનિધૌ મતા ।
ચક્રમુદ્રા તથા કૃત્વા તર્જનીભ્યાં તુ મધ્યમે

પીડયેદ્વંષ્ટ્રમુદ્રૈષા સર્વપાપપ્રણાશિની ।
એતા મુદ્રા નૃસિંહસ્ય સર્વમન્ત્રેષુ સંમતાઃ

વર્ણલક્ષં જપેન્મન્ત્રં તદ્દશાંશં ચ પાયસૈઃ ।
ઘઋતાક્તર્જુહુયાદ્વહ્નૌ પીઠે પૂર્વોદિતેર્ઽચયેત્

અઙ્ગાન્યાદૌ સમારાધ્ય દિક્પત્રેષુ યજેત્પુનઃઋ ।
ગરડાદીન્ શ્રીમુખાંશ્ચ વિદિક્ષુ લોકપાન્બહિઃ

એવં સંસાધિતો મન્ત્રઃ સર્વાન્કામાન્પ્રપૂરયેત્ ।
સૌમ્યે કાર્યે સ્મરેત્સૌમ્યં ક્રૂરં ક્રૂરે સ્મરેદ્બુધઃ

પૂર્વમૃત્યુપદે શત્રોર્નામ કૃત્વા સ્વયં હરિઃ ।
નિશિતૈર્નખદંષ્ટ્રાગ્રૈઃ ખાદ્યમાનં ચ સંસ્મરેત્

અષ્ટોત્તરશતં નિત્યં જપેન્મન્ત્રમતન્દ્રિતઃ ।
જાયતે મણ્ડલાદર્વાક્ શત્રુર્વૈ શમનાતિથિઃ

ધ્યાનભેદાનથો વક્ષ્યે સર્વસિદ્ધિપ્રદાયકાન્ ।
શ્રીકામઃ સતતં ધ્યાયેત્પૂર્વોક્તં નૃહરિં સિતમ્

વામાઙ્કસ્થિતયા લક્ષ્મ્યાલિઙ્ગતં પદ્મહસ્તયા ।
વિષમૃત્યૂપરોગાદિસર્વોપદ્રવનાશનમ્

નરસિંહં મહાભીમં કાલાનલ સમપ્રભમ્ ।
આન્ત્રમાલાધરં રૌદ્રં કણ્ઠહારેણ ભૂષિતમ્

નાગયજ્ઞોપવીતં ચ પઞ્ચાનનસુશોભિતમ્ ।
ચન્દ્રમૌલિં નીલકણ્ઠં પ્રતિવક્ત્રં ત્રિનેત્રકમ્

ભુજૈઃ પરિઘસંકાશૈર્દ્દશભિશ્ચોપશોભિતમ્ ।
અક્ષસૂત્રં ગદાપદ્મં શઙ્ખં ગોક્ષીરસન્નિભમ્

ધનુશ્ચ મુશલં ચૈવ બિભ્રાણં ચક્રસુત્તમમ્ ।
ખડ્ગં શૂલં ચ બાણં ચ નૃહરિં રુદ્રરૂપિણમ્

ઇન્દ્રગોપાભનીલાભં ચન્દ્રાભં સ્વર્ણસન્નિભમ્ ।
પૂર્વાદિ ચોત્તરં યાવદૂદ્ધ્વાર્સ્યં સર્વવર્ણકમ્

એવં ધ્યાત્વા જપેન્મન્ત્રી સર્વવ્યાધિવિમુક્તયે ।
સર્વમૃત્યુહરં દિવ્ય સ્મરણાત્સર્વસિદ્ધિદમ્

ધ્યાયેદ્યદા મહાત્કર્મ તદા ષોડશહસ્તવાન્ ।
નૃસિંહઃ સર્વલોકેશઃ સર્વાભરણભૂષિતઃ

દ્વૌ વિદારણકર્માપ્તૌ દ્વૌ ચાન્ત્રોદ્ધરણાન્વિતૌ ।
શઙ્ખચચક્રધરૌ દ્વૌ તુ દ્વૌ ચ બાણઘનુર્દ્ધરૌ

ખડ્ગખેટધરૌ દ્વૌ ચ દ્વૌ ગદાપદ્મધારિણૌ ।
પાશાઙ્કુશધરૌ દ્વૌ ચ દ્વૌ રિપોર્મુકુટાર્પિતૌ

ઇતિ ષોડશદોર્દણ્ડમણ્ડિતં નૃહરિં વિભુમ્ ।
ધ્યાયેન્નારદ નીલાભમુગ્રકર્મમણ્યનન્યધીઃ

ધ્યેયો મહતમે કાર્યે દ્વાત્રિંશદ્ધસ્તવાન્બુધૈઃ ।
નૃસિંહઃ સર્વભૂતેશઃ સર્વસિદ્ધિકરઃ પરઃ

દક્ષિણે ચક્રપદ્મે ચ પરશુંપાશમેવ ચ ।
હલં ચ મુશલં ચૈવ અભયં ચાઙ્કુશં તથા

પટ્ટિશં ભિન્દિપાલં ચ ખડ્ગમુદ્ગરતોમરાન્ ।
વામભાગે કરૈઃ શંઙ્ખં ખેટં પાશં ચ શૂલકમ્

અગ્નિં ચ વરદં શક્તિં કુણ્ડિકાં ચ તતઃ પરમ્ ।
કાર્મુકં તર્જનીમુદ્રાં ગદાં ડમરુશૂર્પકૌ

દ્વાભ્યાં કરાભ્યાં ચ રિપોર્જાનુમસ્તકપીડનમ્ ।
ઊર્દ્ધ્વીકૃતાભ્યાં બાહુભ્યાં આન્ત્રમાલાધરં વિભુમ્

અધઃ સ્થિતાભ્યાં બાહુભ્યાં હિરણ્યકવિદારણમ્ ।
પ્રિયઙ્કરં ચ ભક્તાનાં દૈત્યાનાં ચ ભયઙ્કરમ્

નૃસિહં તં સ્મરેદિત્થં મહામૃત્યુભયાપહમ્ ।
એવં ધ્યાત્વા જપેન્મન્ત્રી સર્વકાર્યાર્થસિદ્ધયે

અથોચ્યતે ધ્યાનમન્યન્મુખરોગહરં શુભમ્ ।
સ્વર્ણવર્ણસુપર્ણસ્થં વિદ્યુન્માલાસટાન્વિતમ્

કોટિપૂર્ણેન્દુવર્ણં ચ સુમુખં ત્ર્યક્ષિવીક્ષણમ્ ।
પીતવસ્ત્રોરુભૂષાઢ્યં નૃસિંહં શાન્તવિગ્રહમ્ ।
ચક્રશઙ્ખાભયવરાન્દધતં કરપલ્લવૈઃ

ક્ષ્વેડરોગાદિશમનં સ્વૈર્ધ્યાનૈઃ સુખન્દિતમ્ ।
શત્રોઃ સેનાનિરોધેન યત્નં કુર્યાઞ્ચ સાધકમ્

અક્ષકાષ્ટૈરેધિતે ઽગ્નૌ વિચિન્ત્ય રિપુમર્દનમ્ ।
દેવં નૃસિંહં સંપૂજ્ય કુસુમાદ્યુપચારકૈઃ

સમૂલમૂલૈર્જુંહુયાચ્ચરૈર્દશશતં પૃથક્ ।
રિપું ખાદન્નિવ જપેન્નિર્દહન્નિવ તં ક્ષિપેત્

હુત્વા સપ્તદિનં મન્ત્રી સેનામિષ્ટાં મહીપતેઃ ।
પ્રસ્થાપયેચ્છુભે લગ્ને પરરાષ્ટ્રજયેચ્છયા

તસ્યાઃ પુરસ્તાન્નૃહરિં નિઘ્નન્તં રિપુમણ્ડલમ્ ।
સ્મૃત્વા જપં પ્રક્લર્વીત યાવદાયાતિ સા પુનઃ

નિર્જત્ય નિખિલાઞ્છત્રૂન્સહ વીરશ્રિયાસુખાત્ ।
પ્રીણયેન્મન્ત્રિણં રાજા વિભવૈઃ પ્રીતમાનસઃ

ગજાશ્વરથરત્નૈશ્ચ ગ્રામક્ષેત્રધનાદિભિઃ ।
યદિ મન્ત્રી ન તુષ્યેત તદાનર્થો મહીપતેઃ

જાયતે તસ્ય રાષ્ટ્રેષુ પ્રાણેભ્યો ઽપિ મહાભયમ્ ।
અષ્ટોત્તરશતમૂલમન્ત્રમન્ત્રિતભસ્મના

નાશયેન્મૂષિકાલૂતાવૃશ્ચિકાદ્યુત્થિતં વિષમ્ ।
લિપ્તાઙ્ગઃ સર્વરોગૈશ્ચ મુચ્યતે નાત્ર સંશયઃ

સેવન્તીકુસુમૈર્હુત્વા મહતીં શ્રિયમાપ્નુયાત્ ।
ઔદુમ્બરસમિદ્ભિસ્તુ ભવેદ્ધાન્યસમૃદ્ધિમાન્

અપૂપલક્ષહોમે તુ ભવેદ્વૈશ્રવણોપમઃ ।
ક્રુદ્ધસ્ય સન્નિધૌ રાજ્ઞો જપેદષ્ટોત્તરં શતમ્

સદ્યો નૈર્મલ્યમાપ્નોતિ પ્રસાદં ચાધિગચ્છતિ ।
કુન્દપ્રસૂનૈરુદયં મોચાભિર્વિઘ્નનાશનમ્

તુલસીપત્રહોમેન મહતીં કીર્તિમાપ્નુયાત્ ।
શાલ્યુત્થસક્તુહોમેન વશયેદખિલં જગત્

મધૂકપુષ્પૈરિષ્ટં સ્યાત્સ્તંભનં ધાત્રિખણ્ડકૈઃ ।
દધિમધ્વાજ્યમિશ્રાં તુ ગુડૂચીં ચતુરઙ્ગુલામ્

જુહુયા દયુતં યો ઽસૌ શતં જીવતિ રોગજિત્ ।
શનૈશ્ચરદિને ઽશ્વત્થં સ્પૃષ્ટ્વા ચાષ્ટોત્તરં શતમ્

જપેજ્જિત્વાસો ઽપમૃત્યું શતવર્ષાણિ જીવતિ ।
અથ તે સંપ્રવક્ષ્યામિ યન્ત્રં ત્રૈલોક્યમોહનમ્

યસ્ય સંધારણાદેવ ભવેયુઃસર્વસંપદઃ ।
શ્વેતભૂર્જ્જે લિખેત્પદ્મં દ્વાત્રિંશત્સિંહસંયુતમ્

મધ્યે સિંહે સ્વબીજં ચ લિખેત્પૂર્વવદેવ તુ ।
શ્રીબીજેન તુ તુસંવેદ્ય વલયત્રયસંયુતમ્

પાશાઙ્કુશૈશ્ચ સંવેષ્ટ્ય પૂજયેદ્યન્ત્રમુત્તમમ્ ।
ત્રૈલોક્યમોહનં નામ સર્વકામાર્થસાધનમ્

ચક્રરાજં મહારાજં સર્વચર્કેશ્વરેશ્વરમ્ ।
ધારણાજ્જયમાપ્નોતિ સત્યં સત્યં ન સંશયઃ

અથ યન્ત્રાન્તરં વક્ષ્યે શૃણુ નારદ સિદ્ધિદમ્ ।
અષ્ટારં વિલિખેદ્યન્ત્રં શ્લક્ષ્ણં કર્ણિકયા યુતમ્

મૂલમન્ત્રં લિખેત્તત્ર પ્રણવેન સમન્વિતમ્ ।
એકાક્ષરં નારસિંહં મધ્યે ચૈવ સસાધ્યકમ્

જપેદષ્ટસહસ્રં તુ સૂત્રેણાવેષ્ટ્ય તદ્બહિઃ ।
સ્વર્ણરૌપ્યસુતામ્રૈશ્ચ વેષ્ટયેત્ક્રમતઃ સુધીઃ

લાક્ષયા વેષ્ટિતં કૃત્વા પુનર્મન્ત્રેણ મન્ત્રયેત્ ।
કણ્ઠે ભુજે શિખાયાં વા ધારયેદ્યન્ત્રમુત્તમમ્

નરનારીનરેદ્રાશ્ચ સર્વે સ્યુર્વશગા ભુવિ ।
દુષ્ટાસ્તં નૈવ બાધન્તે પિશાચોરગરાક્ષસાઃ

યન્ત્રરાજપ્રસાદેન સર્વત્ર જયમાપ્નુયાત્ ।
અથાન્યત્સંપ્રવક્ષ્યામિ યન્ત્રં સર્વવશઙ્કરમ્

દ્વાદશારં મહાચક્રં પૂર્વવદ્વિલિખેત્સુધીઃ ।
માત્રાદ્વાદશસંભિન્નદલેન વિલિખેદ્રુધઃ

મધ્યે મન્ત્રં શક્તિયુક્તં શ્રીબીજેન તુ વેષ્ટયેત ।
કાલાન્તકં નામ ચક્રં સુરાસુખશઙ્કરમ્

ચક્રમુલ્લેખયેદ્ભૂર્જે સર્વશત્રુનિવારણમ્ ।
યસ્ય ધારણમાત્રેણ સર્વત્ર વિજયી ભવેત્

અથ સર્વેષ્ટદં જ્વાલામાલિસંજ્ઞં વદામ્યહમ્ ।
બીજં હૃદ્ભગવાન્ઙેંતો નરસિંહાય તત્પરમ્

જ્વાલિને માલિને દીપ્તદંષ્ટ્રાય અગ્નિને પદમ્ ।
ત્રાય સર્વાદિરક્ષોઘ્નાય ચ નઃ સર્વભૂપદમ્

હરિર્વિનાશનાયાન્તે સર્વજ્વરવિનાશનઃ ।
નામાન્તે દહયુગ્મં ચ પચદ્વયમુદીરયેત્

રક્ષયુગ્મં ચ વર્માસ્ત્રઠદૂયાન્તો ધ્રુવાદિકઃ ।
અષ્ટષષ્ટ્યક્ષરૈઃ પ્રોક્તો જ્વાલામાલી મનૂત્તમઃ

પુણ્યાદિકં તુ પૂર્વોક્તં ત્રયોદશભિરક્ષરૈઃ ।
પઙ્ક્તિભી રુદ્રાસંખ્યાકૈરષ્ટાદશભિરક્ષરૈઃ

ભાનુભિઃ કરણૈર્મન્ત્રી વરૈરઙ્ગાનિ કલ્પયેત્ ।
પૂર્વોક્તરૂપિણં જ્વાલામાલિન નૃહરિં સ્મરેત્

લક્ષં જપો દશાંશં ચ જુહુયાત્કપિલાઘૃતૈઃ ।
રૌદ્રાપસ્મારભૂતાદિનાશકો ઽયં મનૂત્તમઃ

પ્રાણો માયા નૃસિંહશ્ચ સૃષ્ટિર્બ્રહ્માસ્ત્રમીરિતઃ ।
ષડક્ષરો મહામન્ત્રઃ સર્વાભીષ્ટપ્રદાયકઃ

મુનિર્બ્રહ્મા તથા છન્દઃ પઙ્ક્તિર્દેવો નૃકેસરી ।
ષડ્દીર્ઘભાજા બીજેન ષડઙ્ગાનિ સમાચરેત્

પૂર્વોક્તેનૈવ વિધિના ધ્યાનં પૂજાં સમાચરેત્ ।
સિદ્ધેન મનુનાનેન સર્વસિદ્ધિર્ભવેન્નૃણામ્

રમાબીજાદિકો ઽનુષ્ટુપ્ત્રયસ્ત્રિંશાર્ણવાન્મનુઃ ।
પ્રજાપતિર્મુનિશ્ચ્છન્દો ઽનુષ્ટુપ્ લક્ષ્મીનૃકેસરી

દેવતા ચજ પદૈઃ સર્વેણાઙ્ગકલ્પનમીરિતમ્ ।
વિન્યસ્યૈવં તુ પઞ્ચાઙ્ગં સ્વાત્મરક્ષાં સમાચરેત્

સંસ્પૃશન્ દક્ષિણં બાહું શરભસ્ય મનું જપેત્ ।
પ્રણવો હૃચ્છિવાર્યન્તિ મહતે શરભાય ચ

વહ્નિપ્રિયાન્તો મન્ત્રસ્તુ રક્ષાર્થે સમુદાહૃતઃ ।
અથવા રામમન્ત્રાન્તે પરં ક્ષદ્વિતયં પઠેત્

અથવા કેશવાદ્યૈસ્તુ રક્ષાં કુર્યાત્પ્રયત્નતઃ ।
કેશવઃ પાતુ પાદૌ મે જઙ્ઘે નારાયણો ઽવતુ

માધવો મે કટિં પાતુ ગોવિન્દો ગુહ્યમેવ ચ ।
નાભિં વિષ્ણુશ્ચ મે પાતુ જઠરં મધુસૂદનઃ

ઊરૂ ત્રિવિક્રમઃ પાતુ હૃદયં પાતુ મે નરઃ ।
શ્રીધરઃ પાતુ કણ્ઠં ચ હૃષીકેશો મુખં મમ

પદ્મનાભઃ સ્તનૌ પાતુ શીર્ષં દામોદરો ઽવતુ ।
એવં વિન્યસ્ય ચાઙ્ગેષુ જપકાલે તુ સાધકઃ

નિર્ભયો જાયતે ભૂતવેતાલગ્રહરાક્ષસાત્ ।
પુનર્ન્યસેત્પ્રયત્નેન ધ્યાનં કુર્વન્સમાહિતઃ

પુરસ્તાત્કેશવઃ પાતુઃ ચક્રી જાંબૂનદપ્રભઃ ।
પશ્ચાન્નારાયણઃ શઙ્ખી નીલજીમૂતસન્નિભઃ

ઉર્દ્ધ્વમિન્દીવરશ્યામો માધવસ્તુ ગદાધરઃ ।
ગિવિન્દો દક્ષિણે પાર્શ્વે ધન્વી ચન્દ્રપ્રભો મહાન્

ઉત્તરે હલધૃગ્વિષ્ણુઃ પદ્મકિઞ્જલ્કસન્નિભઃ ।
આગ્નેય્યામરવિન્દાક્ષો મુસલીમધુસૂદનઃ

ત્રિવિક્રમઃ ખડ્ગપાણિર્નૈરૃત્યાં જ્વલનપ્રભઃ ।
વાયવ્યાં માધવો વજ્રી તરુણાદિત્યસન્નિભઃ

ઐશાન્યાં પુણ્ડરીકાક્ષઃ શ્રીધરઃ પટ્ટિશાયુધઃ ।
વિદ્યુત્પ્રભો હૃષીકેશ ઉર્દ્ધૂ પાતુ સમુદ્ગરઃ

અધશ્ચ પદ્મનાભો મે સહસ્રાંશુસમપ્રભેઃ ।
સર્વાયુધઃ સર્વશક્તિઃ સર્વાદ્યઃ સર્વતોમુખઃ

ઇન્દ્રગોપપ્રભઃ પાયાત્પાશહસ્તો ઽપરાજિતઃ ।
સ બાહ્યાભ્યન્તરે દેહમવ્યાદ્દામો દરો હરિઃ

એવં સર્વત્ર નિશ્છિદ્રં નામ દ્વાદશપઞ્જરમ્ ।
પ્રવિષ્ટો ઽહં ન મે કિઞ્ચિદ્ભયમસ્તિ કદાચન

એવં રક્ષાં વિધાયાથ દુર્દ્ધર્ષો જાયતે નરઃ ।
સર્વેષુ નૃહરેર્મન્ત્રવર્ગેષ્વેવં વિધિર્મતઃ

પૂર્વોક્તવિધિના સર્વં ધ્યાનપૂજાદિકં ચરેત્ ।
જિતં તે પુણ્ડરીકાક્ષ નમસ્તે વિશ્વભાવન

નમસ્તે ઽસ્તુ હૃષીકેશ મહાપુરુષ તે નમઃ ।
ઇત્થં સંપ્રાર્થ્ય જપ્ત્વા ચ પટિત્વા વિસૃજેદ્વિભુમ્

એવં સિદ્ધે મનૌ મન્ત્રી જાયતે સમ્પદાં પદમ્ ।
જયદ્વયં શ્રીનૃસિંહેત્યષ્ટાર્ણો ઽયં મનૂત્તમઃ

મુનિર્બ્રહ્માથ ગાયત્રી છન્દઃ પ્રોક્તો ઽસ્ય દેવતા ।
શ્રીમાઞ્જયનૃસિંહસ્તુ સર્વાભીષ્ટપ્રદાયકઃ

સેંદુગોર્વિદપૂર્વેણ વિયતા સેન્દુના પુનઃ ।
ષડ્વીર્ઘાઢ્યે ન કુર્વીત ષડઙ્ગાનિ વિશાલધીઃ

તતો ધ્યાયેદ્ધૃદિ વિભું નૃસિંહં ચન્દ્રશેખરમ્

શ્રીમન્નૃકેસરિતનો જગદેકબંન્ધો શ્રીનીલકણ્ઠ કરુણાર્ણવે સામરાજ ।
વહ્નીન્દુતીવ્રકરનેત્ર પિનાકપાણે શીતાંશુશેખર રમેશ્વર પાહિ વિષ્ણો

ધ્યાત્વૈવં પ્રપેલ્લક્ષાષ્ટકં મન્ત્રી દશાંશતઃ ।
સાજ્યેન પાયસાન્નેન જુહુયાત્પ્રાગ્વદર્ચનમ્

તારો માયા સ્વબીજાન્તે કર્ણોગ્રં વીરમીરયેત્ ।
મહાવિષ્ણુ તતો બ્રૂયાજ્જ્વલન્તં સર્વતોમુખમ્

સ્ફુરદ્દ્વયં પ્રસ્ફુરેતિ દ્વયં ઘોરપદં તતઃ ।
વદેદ્ધોરતરં તે તુ તનુરૂપં ચ ઠદ્વયમ્

પ્રચટદ્વયમાભાષ્ય કહયુગ્મ ચ મદ્વયમ્ ।
બન્ધદ્વયં ઘાતયેતિ દ્વયં વર્માસ્ત્રમીરયેત્

નૃસિંહં ભીષણં ભદ્રં મૃત્યુમૃત્યું નમામ્યહમ્ ।
પઞ્ચાશીત્યક્ષરો મન્ત્રો ભજતામિષ્ટદાયકઃ

ઋષી હ્યઘોરબ્રહ્મણૌ તથા ત્રિષ્ટુબનુષ્ટુભૌ ।
છન્દસી ચ તથા ઘોરનૃસિંહો દેવતા મતઃ

ધ્યાનાર્ચનાદિકં ચાસ્ય કુર્યાદાનુષ્ટુભં સુધીઃ ।
વિશેષાન્મન્ત્રવર્યો ઽયં સર્વરક્ષાકરો મતઃ

બીજં જયયુગં પશ્ચાન્નૃસિંહેત્યષ્ટવર્ણવાન્ ।
ઋષિઃ પ્રજાપતિશ્ચાસ્યાનુષ્ટુપ્છન્દ ઉદાહૃતમ્

વિદારણનૃસિંહો ઽસ્ય દેવતા પરિકીર્તિતઃ ।
જં બીજં હં તથા શક્તિર્વિનિયોગો ઽખિલાપ્તયે

દીર્ઘાઢ્યેન નૃસિંહેન ષડઙ્ગન્યાસમાચરેત્ ।
રૌદ્રં ધ્યાયેન્નૃસિંહં તુ શત્રુવક્ષો વિદારણમ્

નખદંષ્ટ્રાયુધં ભક્તાભયદ શ્રીનિકેતનમ્ ।
તપ્તહાટકકેશાન્તજ્વલપ્તાવકલોચનમ્

વજ્રાધિકનખસ્પર્શ દિવ્યસિંહ નમો ઽસ્તુ તે ।.
મુનિર્બ્રહ્મા સમાખ્યાતો ઽનુષ્ટુપ્છન્દઃ સમીરિતઃ

દેવતાસ્ય રગદાર્ણસ્ય દિવ્યપૂર્વો નૃકેસરી ।
પાદૈશ્ચતુર્ભિઃ સર્વેણ પઞ્ચાઙ્ગાનિ સમાચરેત્

ધ્યાનપૂજાદિકં સર્વં પ્રાગ્વત્પ્રોક્તં મુનીશ્વર ।
પૂર્વોક્તાનિ ચ સર્વાણિ કાર્યાણ્યાયાન્તિ સિદ્ધતામ્

તારો નમો ભગવતે નરસિંહાય હૃઞ્ચ તે ।
જસ્તેજસે આવિરાવિર્ભવ વજ્રનખાન્તતઃ

વ્રજદંષ્ટ્રેતિ કર્માન્તે ત્વાસયાક્રન્દયદ્વયમ્ ।
તમો ગ્રસદ્વયં પશ્ચાત્સ્વાહાન્તે ચાભયં તતઃ

આત્મન્યન્તે ચ ભૂયિષ્ટા ધ્રુવો બીજાન્તિમો મનુઃ ।
દ્વિષષ્ટ્યર્મો ઽસ્ય મુન્યાદિ સર્વં પૂર્વવદીરિતમ્

તારો નૃસિંહબીજં ચ નમો ભગવતે તતઃ ।
નરસિંહાય તારશ્ચ બીજમસ્ય યદા તતઃ

રૂપાય તારઃ સ્વર્બીજં કૂર્મરૂપાય તારકમ્ ।
બીજં વરાહરૂપાય તારો બીજ નૃસિંહતઃ

રૂપાય તાર સ્વં બીજં વામનાન્તે ચ રૂપતઃ ।
પાપધ્રુવત્રયં બીજં રામાય નિગમાદિતઃ

બીજં કૃષ્ણાય તારાન્તે બીજં ચ કલ્કિને તતઃ ।
જયદ્વયં તતઃ શાલગ્રામાન્તે ચ નિવાસિને

દિવ્યસિંહાય ઙેન્તઃ સ્યાત્સ્વયંભૂઃ પુરુષાય હૃત્ ।
તારઃ સ્વં બીજમિત્યેષ મહાસામ્રાજ્યદાયકઃ

નૃસિંહમન્ત્રઃ ખાઙ્કાર્ણો મુનિરત્રિઃ પ્રકીર્તિતઃ ।
છન્દો ઽતિજગતી પ્રોક્તં દેવતા કથિતા મનોઃ

દશાવતારો નૃહરિં બીજં ખં શક્તિરવ્યયઃ ।
ષડૂદીર્ઘાઢ્યેન બીજેન કૃત્વાઙ્ગાનિ ચ ભાવયેત્

અનેકચન્દ્રપ્રતિમો લક્ષ્મીમુખકૃતેક્ષણઃ ।
દશાવતારૈઃ સહિતસ્તનોતુ નૃહરિઃ સુખમ્

જપો ઽયુતં દશાંશેન હોમઃ સ્યાત્પાયસેન તુ ।
પ્રાગુક્તે પૂજયેત્પીઠે મૂર્તિસંકલ્પ્ય મૂલતઃ

અઙ્ગાન્યાદૌ ચ મત્સ્યાદ્યાન્દિગ્દલેષુ તતોર્ઽચયેત્ ।
ઇન્દ્રાદ્યાનપિ વજ્રાદ્યાન્સમ્પૂજ્યેષ્ટમવાપ્નુયાત્

સહસ્રાર્ણં મહામન્ત્રં વક્ષ્યે તન્ત્રેષુ ગોપિતમ્ ।
તારો માયા રમા કામો બીજં ક્રોધપદં તતઃ

મૂર્તે નૃસિંહ શબ્દાન્તે મહાપુરુષ ઈરયેત્ ।
પ્રધાનધર્માધર્માન્તે નિગડેતિપદં વદેત્

નિર્મોચનાન્તે કાલેતિ તતતઃ પુરુષ ઈરયેત્ ।
કાલાન્તકસદૃક્તોયં સ્વેશ્વરાન્તે સદૃગ્જલમ્

શ્રાન્તાન્તે તુ નિવિષ્ટેતિ ચૈતન્યચિત્સદા તતઃ ।
ભાસકાન્તે તુ કાલાદ્યતીતનિત્યોદિતેતિ ચ

ઉદયાસ્તમયાક્રાન્તમહાકારુણિકેતિ ચ ।
હૃદયાબ્જચતુશ્ચોક્તા દલાન્તે તુ નિવિષ્ટિતઃ

ચૈતન્યાત્મંશ્ચતુરામન્દ્વાદશાત્મંસ્તતઃ પરમ્ ।
ચતુર્વિંશાત્મન્નન્તે તુ પઞ્ચવિંશાત્મન્નિત્યપિ

બકો હરિઃ સહસ્રાન્તે મૂર્તે એહ્યેહિ શબ્દતઃ ।
ભગવન્નૃસિંહપુરુષ ક્રોધેશ્વર રસા સહ

સ્રવન્દિતાન્તે પાદેતિ કલ્પાન્તાગ્નિસહસ્ર ચ ।
કોટ્યાભાન્તે મહાદેવ નિકાયદશશબ્દતઃ

શતયજ્ઞાતલં જ્ઞેયં તતશ્ચામલયુગ્મકમ્ ।
પિઙ્ગલેક્ષણસટાદષ્ટ્રા દંષ્ટ્રાયુધ નખાયુધ

દાનવેન્દ્રાન્તકાવહ્નિણશોણિતપદં તતઃ ।
સં સક્તિવિગ્રહાન્તે તુ ભૂતાપસ્મારયાતુધાન્

સુરાસુરવન્દ્યમાનપાદપઙ્કજશબ્દતઃ ।
ભગવન્વ્યોમચક્રેશ્વરાન્તે તુ પ્રભવાપ્યય

રૂપેણોત્તિષ્ટ ચોત્તિષ્ટ અવિદ્યાનિચયં દહ ।
દહ જ્ઞાનૈશ્વર્યમન્તે પ્રકાશયયુગં તતઃ

ઓં સર્વજ્ઞ અરોષાન્તે જંભાજૃંભ્યવતારકમ્ ।
સત્યપુરુષ શબ્દાન્તે સદસન્મધ્ય ઈરયેત્

નિવિષ્ટં મમ દુઃસ્વપ્નભયં નિગડશબ્દતઃ ।
ભયં કાન્તારશબ્દાન્તે ભયં વિષપદાત્તતઃ

જ્વરાન્તે ડાકિની કૃત્યાધ્વરેવતીભયં તતઃ ।
અશન્યન્તે ભયં દુર્ભિક્ષભયં મારીશબ્દતઃ

ભયં મારીચશબ્દાન્તે ભયં છાયાપદં તતઃ ।
સ્કન્દાપસ્મારશબ્દાન્તે ભયં ચૌરભયં તતઃ

જલસ્વપ્નાગ્નિભયં ગજસિંહભુજઙ્ગગતઃ ।
ભયં જન્મજરાન્તે મરણાદિશબ્દમીરયેત્

ભયં નિર્મોચયયુગં પ્રશમયયુગં તતઃ ।
જ્ઞેયરૂપધારણાન્તે નૃસિંહબૃહત્સામતઃ

પુરુષાન્તે સર્વભયનિવારણપદં તતઃ ।
અષ્ટાષ્ટકં ચતુઃષષ્ટિ ચેટિકાભયમીરયેત્

વિદ્યાવૃતસ્ત્રયસ્ત્રિંશદ્દેવતાકોટિશબ્દતઃ ।
નમિતાન્તે પદપદાત્પઙ્કજાન્વિત ઈરયેત્

સહ સ્રવદનાન્તે તુ સહસ્રોદર સંવદેત્ ।
સહસ્રેક્ષણશબ્દાન્તે સહસ્રપાદમીરયેત્

સહસ્રભુજ સંપ્રોચ્ય સહસ્રજિહ્વ સંવદેત્ ।
સહસ્તાન્તે લલાટેતિ સહસ્રાયુધતો ધરાત્

તમઃપ્રકાશક પુરમથનાન્તે તુ સર્વ ચ ।
મન્ત્રેરાજેશ્વરપદાદ્વિહાયસગતિપ્રદ

પાતાલગતિપ્રદાન્તે યન્ત્રમર્દ્દન ઈરયેત્ ।
ઘોરાટ્ટહાસહસિતવિશ્વાવાસપદં તતઃ

વાસુદેવ તતો ઽક્રૂર તતો હયમુખેતિ ચ ।
પરમહંસ વિશ્વેશ વિશ્વાન્તે તુ વિડંબન

નિવિષ્ટાન્તે તતઃપ્રદુર્ભાવકારક ઈરયેત્ ।
હૃષીકેશ ચ સ્વચ્છન્દ નિઃશેષજીવ વિન્યસેત્

ગ્રાસકાન્તે મહા પશ્ચાત્પિશિતાસૃગિતીરયેત્ ।
લંપટાન્તે ખેચરીતિ સિદ્ધ્યતેં તુ પ્રદાયક

અજેયાવ્યય અવ્યક્ત બ્રહ્માણ્ડોદર ઇત્યપિ ।
તતો બ્રહ્મસહસ્રાન્તે કોટિસ્રગ્રુણ્ડશબ્દતઃ

માલ પણ્ડિતમુણ્ડેતિ મત્સ્ય કૂર્મં તતઃ પરમ્ ।
વરાહાન્તે નૃસિંહેતિ વામનાન્તે સમીરયેત્

ત્રૈલોક્યાક્રમણાન્તે તુ પાદશાલિક ઈરયેત્ ।
રામત્રય તતો વિષ્ણુરૂપાન્તે ધર એવ ચ

તત્ત્વત્રયાન્તે પ્રણવાધારતસ્તચ્છિખાં પદમ્ ।
નિવિષ્ટવહ્નિજાયાન્તે સ્વધા ચૈવ તતો વષટ્

નેત્ર વર્માસ્ત્રમુઞ્ચાર્ય્ય પ્રાણાધાર ઇતરિયેત્ ।
આદિદેવપદાત્પ્રાણાપાનપશ્ચાન્નિવિષ્ટિતઃ

પાઞ્ચરાત્રિક દિતિજ વિનિધનાન્તે કરેતિ ચ ।
મહામાયા અમોઘાન્તે દર્યં દૈત્યન્દ્રશબ્દતઃ

દર્યાન્તે દલનેત્યુક્તા તેજોરાશિન્ ધ્રુવં સ્મરઃ ।
તેજસ્વરાન્તે પુરુષપંઙેંતે સત્યપૂરુષ

અસ્ત્રતારો ઽચ્યુતાસ્ત્રં ચ તારો વાચા સુદેવ ફટ્ ।
તારમાયામૂર્તેઃ ફટ્ વઃ કામઃ સ્વરાદિમઃ

મૂર્તેસ્ત્રમવ્યયોબીજં વિશ્વમૂર્તેસ્ત્રિમવ્યયઃ ।
માયાવિશ્વાત્મને ષટ્ ચ તારઃ સૌચં તુરાત્મને

ફટ્ તારોહં વિશ્વરૂપિન્નસ્ત્રં ચ તદનન્તરમ્ ।
તારૌહ્નૈપરમાન્તે તુ હ્રંસફટ્પ્રણવસ્તતઃ

હ્રઃ હિરણઅયગર્ભરૂપ ધારણાન્તે ચ ફટ્ ધ્રુવઃ ।
હ્રૈં અનૌપમ્યરૂપધારિણાસ્ત્રં ધ્રુવસ્તતઃ

ક્ષૈં નૃસિંહરૂપધારિન્ ઓં ક્લં શ્લશ્ચ સ્વરાદિકઃ ।
ષ્ટાઙ્ગવિન્યાસવિન્ય સ્તમૂર્તિધારિંસ્તતશ્ચ ફટ્

હ્રૌ નિસર્ગસિદ્ધ્યૈકરૂપધારિંસ્તતશ્ચ ફટ્ ।
તારો વર્મત્રયં સંકરં વં ચામુકમસ્તકમ્

ખણ્ડદ્વયં ખાદ યેતિદ્વયં ક્લીં સાધ્યમાનય ।
દ્વયં તતો મહાત્મન્સ્યાન્સમ્યગ્દર્શયયુગ્મકમ્

ષડ્દીર્ઘાડ્યાં સ્વબીજં ચ ક્ષપિતાન્તે તુ કલ્મષ ।
ઉત્તરાયં દ્વયં પઞ્ચબાણબીજાનિ વોઞ્ચરેત્

નૃસિંહાન્તે તતો જ્વાલાત્મને સ્વાહા સમીરયેત્ ।
નૃસિંહાન્તે તતઃ કાલાત્મને સ્વાહા ધ્રુવસ્તતઃ

ખબીજં કામબીજં ચ લક્ષ્મીબીજદ્વયં તતઃ ।
માયાતારાન્તિમો મન્ત્રઃ સહસ્રાક્ષરસંમિતઃ

કપિલો ઽસ્ય મુનિશ્છન્દો જગતી દેવતા પુનઃ ।
શ્રીલક્ષ્મીર્નૃહરિર્બીજં ક્ષૈં શક્તિર્વહ્નિવલ્લભા

શ્વેતો વર્ણ ઉદાત્તશ્ચ સ્વરઃ પ્રોક્તો મનીષિભિઃ ।
ક્ષેત્રં ચ પરમાત્મા તુ વિનિયોગો ઽખિલાત્પયે

ક્ષઃ સહસ્રબાહવેન્તે સહસ્રાયુધધરાય ચ ।
નૃસિંહાન્તં વહ્નિજાયાસ્ત્રાયફટૂ મન્ત્ર ઈરિતઃ

અનેન કરશુદ્ધિં ચ કૃત્વાઙ્ગાનિ સમાચરેત્ ।
તારઃ ક્ષાં ચ સહસ્રાન્તે ક્ષરશબ્દાદ્વિજૃંભિતમ્

નૃસિંહાયાગ્નિજાયાન્તો હૃદયે મનુરીરિતઃ ।
મારઃ ક્ષીં ચ મહાતેનું પ્રભાન્તે વિકરેતિ ચ

નૃસિંહાયાગ્નિજાયાન્તે શિરોમન્ત્રઃ પ્રકીર્તિતઃ ।
તારઃ ક્ષૂં તપ્તયંહાયશ્ચાદૃક્કેશાન્ત ઈરયેત્

જ્વલત્યાવકલો મૂર્મો દીર્ઘા વજ્રાધિકેતિ ચ ।
નખ સ્પર્શાદ્દિવ્યસિંહ નમો ઽસ્તુ ભગવન્ હરિઃ

મહાધ્વસ્ત જગદ્રૂપ નૃસિંહાય દ્વયન્દ્વયમ્ ।
અનેન ચ શિખા પ્રોક્તા કવચં તદનન્તરમ્

તારઃ ક્ષૈં ચ સુવર્ણં તે મદમત્તપદં તતઃ ।
વિહ્વલિતનૃસિંહાય સ્વાહાન્તં કવચં સ્મૃતમ્

તારઃ ર્ક્ષૌ ચ સહસ્રાક્ષ વિશ્વસ્રાક્ષ વિશ્વરૂપપદં વદેત્ ।
ધારણેગ્નિ પ્રિયાન્તો ઽયં નેત્રમન્ત્રઃ પ્રકીર્તિતઃ

તારો ક્ષશ્ચ સહસ્રાન્તે વારાવેપદમીરયેત્ ।
સહસ્રાન્તે યુધાયાથં નૃસિંહાયાગ્નિસુંદરી

અસ્ત્રમન્ત્રઃ સમાખ્યાતસ્તતો ધ્યાયેન્નૃકેસરી ।
ઉદ્યદર્કસહસ્રાભં ત્રીક્ષણં ભીસભૂષણમ્

સુતીક્ષ્ણાગ્રભુજો દણ્ડૈર્દૈત્યદારણકં સ્મરેત્ ।
એવં ધ્યાત્વા જપેન્મન્ત્રી સહસ્રં પાયેન ચગ

આજ્યપ્લુતેન જુહુયાત્સમ્યક્સિદ્ધો ભવેન્મનુઃ ।
પ્રાગુક્તે વૈષ્ણવે પીઠે મૂર્તિં સંકલ્પ્ય મૂલતઃ

સંપૂજ્ય નૃહરિં પશ્ચાદાદાવઙ્ગાનિ પૂજયેત્ ।
ચક્ર શઙ્ખં ચ પાશં વાઙ્કુશં કુલિશમેવ ચ

ગદાકૃપાણિક્ષ્વેડાનિ દલેષુ પરિપૂજયેત્ ।
લોકેશાનપિ વજ્રાદ્યાન્પૂજયેત્તદનન્તરમ્

એવં સિદ્ધે મનૌ મન્ત્રી પ્રયોગાન્કર્તુમર્હતિ ।
ભસ્માભિમન્ત્રિતં કૃત્વા ગ્રહગ્રસ્તં વિલેપયેત્

ભસ્મસંલેપનાદેવ સર્વગ્રહવિનાશનમ્ ।
અનેનૈવ વિધાનેન યક્ષરાક્ષસકિન્નરઃ

ભૂતપ્રેતપિશાચાશ્ચ નશ્યન્ત્યેવ ન સંશયઃ ।
પરાભિચારકૃત્યાનિ મનુનાનેન મન્ત્રિતમ્

ભસ્મ સંલેપયેત્સદ્યો દુરાધર્ષો ભવેન્નરઃ ।
સુદિને સ્થાપયેત્કુમ્ભે સર્વતોભદ્રમણ્ડલે

તીર્થતોયેન સંપૂર્ય જપેદષ્ટોત્તરં શતમ્ ।
તેનાભિષિક્તો મનુજઃ સર્વાપત્તિં તરેદ્ ધ્રુવમ્

કિં બહૂક્તેન સર્વેષ્ટદાયકો ઽયં મનૂત્તમઃ ।
વજ્રનખાય વિદ્મહે તીક્ષ્ણદંષ્ટ્રાય ધીમહિ ।
તન્નો નૃસિંહઃ શબ્દાન્તે વદેંશ્ચૈવ પ્રચોદયાત્

એષા નૃસિંહગાયત્રી સર્વાભીષ્ટપ્રદાયિની ।
એતસ્યાઃ સ્મરણાદેવ સર્વપાપક્ષયો ભવેત્