નારદ પુરાણ · અધ્યાય 1.70

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને તૃતીયપાદે મન્ત્રવિધાનનિરૂપણં નામૈકોનસપ્તતિતમો ઽધ્યાયઃ
સનત્કુમાર ઉવાચ
અથ વક્ષ્યે મહાવિષ્ણોર્મન્ત્રાન્લોકેષુ દુર્લભાન્ ।
યાન્પ્રાપ્ય માનવાસ્તૂર્ણં પ્રાપ્નુવન્તિ નિજેપ્સિતમ્

યેષામુઞ્ચારણેનેવ પાપસંઘઃ પ્રલીયતે ।
બ્રહ્માદયો ઽપિ યાઞ્જ્ઞાત્વા સમર્થાઃ સ્યુર્જગત્કૃતૌ

તારહૃત્પૂર્વકં ઙેંતં નારાયણપદં ભવેત્ ।
અષ્ટાક્ષરો મનુશ્ચાસ્ય સાધ્યો નારાયણો મુનિઃ

છન્દઃ પ્રોક્તં ચ ગાયત્રી દેવતા વિષ્ણુખ્યયઃ ।
ઓં બીજં યં ચ તથા શક્તિર્વિનિયોગો ઽખિલાપ્તયે

ક્રુદ્ધોલ્કાય હૃદાખ્યાતં મહોલ્કાય શિરઃ સ્મૃતમ્ ।
વીરોલ્કાય શિખા પ્રોક્તા દ્યુલ્કાય કવચં મતમ્

મહોલ્કાયેતિ ચાસ્રં સ્યાદિત્થં પઞ્ચાઙ્ગકલ્પના ।
પુનઃ ષડઙ્ગમન્ત્રોત્થૈઃ ષડ્વર્ણૈશ્ચ સમાચરેત્

અવશિષ્ટૌ ન્યસેત્કુક્ષિપૃષ્ટયોર્મન્ત્રવર્ણકૌ ।
સુદર્શનસ્ય મન્ત્રેણ કુર્યાદ્દિગ્બન્ધનં તતઃ

તારો નમશ્ચતુર્થ્યન્તં સુદર્શનપદં વદેત્ ।
અસ્ત્રાયફડિતિ પ્રોક્તો મન્ત્રો દ્વાદશવર્ણવાન્

દશાવૃત્તિમય ન્યાસં વક્ષ્યે વિભૂતિપઞ્ચરમ્ ।
મૂલાર્ણાન્સ્વતનૌ ન્યસ્યેદાધારે હૃદયે મુખે

દોઃપન્મૂલેષુ નાસાયાં પ્રથમાવૃત્તિરીરિતા ।
ગલે નાભૌ હૃદિ કુચપાર્શ્વપૃષ્ટેષુ તત્પરાઃ

મૂર્દ્ધાસ્યનેત્રશ્રવણઘ્રાણેષુ ચ તૃતીયકાઃ ।
દોઃપાદસંધ્યઙ્ગુલિષુ વેદાવૃત્ત્યા ચ વિન્યસેત્

ધાતુપ્રાણેષુ હૃદયે વિન્યસેત્તદનન્તરમ્ ।
શિરોનેત્રા સ્યહૃત્કુક્ષિસોરુજઙ્ઘાપદદ્વયે

એકૈકશો ન્યસેદ્વર્ણાન્મન્ત્રસ્ય ક્રમતઃ સુધીઃ ।
ન્યસેદ્ધૃદંસોરુપદેષ્વર્ણાન્વેદમિતાન્મનોઃ

ચક્રશં ખગદાંભોજપદેષુ સ્વસ્વમુદ્રયા ।
શેષાંશ્ચ ન્યાસવર્યો ઽયં વિભૂતિપઞ્જરાભિધઃ

ન્યસેન્મૂલાર્ણમેકૈકં સચન્દ્રં તારસમ્પુટમ્ ।
અથવા વૈ નમોન્તેન ન્યસેદિત્યપરે જગુઃ

તત્ત્વન્યાસં તતઃ કુર્યાદ્ધિષ્ણુભાવપ્રસિદ્ધયે ।
અષ્ટાર્ણો ઽષ્ટપ્રકૃત્યાત્મા ગદિતઃ પૂર્વસૂરિભિઃ

પૃથિવ્યાદીનિ ભૂતાનિ તતો ઽહૄઙ્કારમેવ ચ ।
મહાંશ્ચ પ્રકૃતિશ્ચૈવેત્યષ્ટૌ પ્રકૃતયો મતાઃ

પાદે લિઙ્ગે હૃદિ મુખે મૂર્ધ્નિ વક્ષસિ હૃત્સ્થલે ।
સર્વાઙ્ગે વ્યાપકં કુર્યાદેકેન સાધકોત્તમઃ

મન્ત્રાર્ણહૃત્પરાયાદ્યમાત્મને હૃદયાન્તિમમ્ ।
તત્તન્નામ સમુઞ્ચાર્ય્ય ન્યસેત્તત્તત્સ્થલે બુધઃ

અયં તત્ત્વાભિધો ન્યાસઃ સર્વન્યાસોત્તમોત્તમઃ ।
મૂર્તીન્યંસેદ્દ્વાદશ વૈ દ્વાદશાદિત્યસંયુતાઃ

દ્વાદશાક્ષરવર્ણાદ્યા દ્વાદશાદિત્યસંયુતાઃ ।
અષ્ટાર્ણો ઽયં મનુશ્ચાષ્ટપ્રકૃત્યાત્મા સમીરિતઃ

તાસામાત્મચતુષ્કસ્ય યોગાદર્કાક્ષરો ભવેત્ ।
લલાટકુક્ષિહૃત્કણ્ઠદક્ષપાર્શ્વાંસકેષુ ચ

ગલે ચ વામપાર્શ્વાં સગલપૃષ્ટેષ્વનન્તરમ્ ।
કકુદ્યપિ ન્યસેન્મન્ત્રી મૂર્તીર્દ્વાદશ વૈ ક્રમાત્

ધાત્રા તુ કેશવં ન્યસ્યાર્યમ્ણ નારાયણં પુનઃ ।
મિત્રેણ માધવં ન્યસ્ય ગોવિન્દં વરુણેન ચ

વિષ્ણું ચૈવાંશુના યુક્તં ભગેન મધુસૂદનમ્ ।
ન્યસેદ્વિવસ્વતા યુક્તં ત્રિવિક્રમમતઃ પરમ્

વામનં ચ તથાદ્રણ પૂષ્ણા શ્રીધરમેવ ચ ।
હૃષીકેશં ન્યસેત્પશ્ચાત્પર્જન્યેન સમન્વિતમ્

ત્વષ્ટ્રા યુતં પદ્મનાભં દામોદરં ચ વિષ્ણુના ।
દ્વાદસાર્ણં તતો મન્ત્રં સમસ્તે શિરસિ ન્યસેત્

વ્યાપકં વિન્યસેત્પશ્ચાત્કિરીટમનુના સુધીઃ ।
ધ્રુવઃકિરીટકેયૂરહારાન્તે મકરેતિચ

કુણ્ડલાન્તે ચક્રશઙ્ખગદાન્તેંઽભોજહસ્તતઃ ।
પીતાંબરાન્તે શ્રીવત્સાં કિતવક્ષઃ સ્થલેતિ ચ

શ્રીભૂમિસહિતસ્વાત્મજ્યોતિર્દ્વયમતઃ પરમ્ ।
વદેદ્દીપ્તિકરાયાન્તિ સહસ્રાદિત્યતેજસે

નમોન્તો બાણષઙ્વર્ણૈઃ કિરીટમનુરીરિતઃ ।
એવં ન્યાસવિધિં કૃત્વા ધ્યાયેન્નારાયણં વિભુમ્

ઉદ્યત્કોટ્યર્કસદૃશં શઙ્ખં ચક્રં ગદાંબુજમ્ ।
દધતં ચ કરૈર્ભૂમિશ્રીભ્યાં પાર્શ્વદ્વયાઞ્ચિતમ્

શ્રીવત્સવક્ષસં ભ્રાજત્કૌસ્તુભામુક્તકન્ધરમ્ ।
હારકેયૂરવલયાઙ્ગદં પીતાંબરં સ્મરેત્

વર્ણલક્ષં જપેન્મન્ત્રં વિધિવન્નિયતેન્દ્રિયઃ ।
પ્રથમેન તુ લક્ષેણ સ્વાત્મશુદ્ધિર્ભવેદ્ ધ્રુવમ્

લક્ષદ્વયજપેનાથ મન્ત્રશુદ્ધિમવાપ્નુયાત્ ।
લક્ષત્રયેણ જપ્તેન સ્વર્લોકમધિગચ્છતિ

વિષ્ણોઃ સમીપમાપ્નોતિ વેદલક્ષજપાન્નરઃ ।
તથા ચ નિર્મલં જ્ઞાનં પઞ્ચલક્ષજપાદ્ભવેત્

લક્ષષષ્ટેન ચાપ્નોતિ મન્ત્રી વિષ્ણૌ1સ્થિરા મતિમ્ ।
સપ્તલક્ષજપાન્મન્ત્રી વિષ્ણોઃ સારૂપ્યમાપ્નુયાત્

અષ્ટલક્ષં જપેન્મન્ત્રી નિર્વાણમધિગચ્છતિ ।
એવં જપ્ત્વા તતઃ પ્રાજ્ઞો દશાંશં સરસીરુહૈઃ

મધુરાક્તૈઃ પ્રજુહુયાત્સંસ્કૃતે હવ્યવાહને ।
મણ્ડૂકાત્પરતત્વાન્તં પીઠે સંપૂજ્ય યત્નતઃ

વિમલોત્કર્ષિણી જ્ઞાના ક્રિયા યોગા તતઃ પરા ।
પ્રહ્વી સત્યા તથેશાનનુગ્રહા નવમી મતા

તારો નમનો ભગવતે વિષ્ણવે સર્વભૂ તતઃ ।
તાત્મને વાસુદેવાય સર્વાત્મેતિ પદં વદેત્

સંયોગયોગપદ્માન્તે પીઠાય હૃદયાન્તિમઃ ।
ષડ્વિંશદક્ષરઃ પીઠમન્ત્રો ઽનેનાસનં દિશેત્

મૂર્તિં સંકલ્પ્ય મૂલેન તસ્યામાવાહ્ય પૂજયેત્ ।
આદૌ ચાઙ્ગાનિ સંપૂજ્ય મન્ત્રાણાં કેશરેષુ ચ

પ્રાગાદિદિગ્દલે વાસુદેવં સંકર્ષણં તથા ।
પ્રદ્યુમ્નમનિરુદ્ધં ચ શક્તીઃ કોણેષ્વથાર્ચયેત્

શાન્તિં શ્રિયં સરસ્વત્યા રતિં સંપૂજયેત્ક્રમાત્ ।
હેમપીતતમાલેન્દ્રનીલાભાઃ પીતવાસસઃ

ચતુર્ભુજાઃ શઙ્ખચક્રગદાંભઘોજધરા ઇમે ।
સિતકાઞ્ચનગોદુગ્ધદૂર્વાવર્ણાશ્ચ શક્તયઃ

દલાગ્રેષુ ચક્રશઙ્ખગદાપઙ્કજકૌસ્તુભાન્ ।
પૂજયેન્મુસલં ખડ્ગં વનમાલાં યથાક્રમાત્

રક્તાજપીતકનકશ્યામકૃષ્ણાસિતાર્જુનાન્ ।
કુઙ્કુમાભં સમભ્યર્ચ્યેદ્વહિરગ્રે ખગેશ્વરમ્

પાર્શ્વયોઃ પૂજયેત્પશ્ચાઙ્ખપદ્મનિધી ક્રમાત્ ।
મુક્તામાણિક્યસંકાશૌ પશ્ચિમે ધ્વજમપર્ચયેત્

રક્તં વિઘ્નં તથાગ્નેયે શ્યામમાર્યં ચ રાક્ષસે ।
દુર્ગાં શ્યામાં વાયુકોણે સેનાન્યં પીતમૈશ્વરે

લોકેશા નાયુધૈર્યુક્તાન્બહિઃ સંપૂજયેત્સુધીઃ ।
એવમાવરણૈર્યુક્તં યોર્ઽચજયેદ્વિષ્ણુમવ્યયમ્

ભુક્ત્વેહસકલાન્ભોગાનન્તે વિષ્ણુપદં વ્રજેત્ ।
ક્ષેત્રધાન્યસુવર્ણાનાં પ્પાપ્તયે ધારણીં સ્મરેત્

દેવીં દૂર્વાદલશ્યામાં દધાનાં શાલિમઞ્જરીમ્ ।
ચિન્તયેદ્ભારતીં દેવીં વીણાપુસ્તકધારિણીમ્

દક્ષિણે દેવદેવસ્ય પૂર્ણચન્દ્રનિભાનનામ્ ।
ક્ષીરાબ્ધિફેનપુઞ્જાભે વસાનાં શ્વેતવાસસી

ભારત્યા સહિતં યો વૈ ધ્યાયેદ્દ્વેવં પરાત્પરમ્ ।
વેદવેદાર્થતત્ત્વજ્ઞો જાયતે સર્વવિત્તમઃ

નારસિંહમિવાત્માનં દેવં ધ્યાત્વાતિભૈરવમ્ ।
શશ્ત્રં સંમન્ત્ર્ય મન્ત્રેણ શબ્રૂન્હત્વા નિવર્તતે

નારસિંહેન બીજેન મન્ત્રં સંયોજ્ય સાધકઃ ।
શતમષ્ટોત્તરં જણ્ત્વા વામહસ્તાભિમન્ત્રિતાઃ

પુનઃ પુનરપઃ સિંચેત્સર્પદષ્ટો ઽપિ જીવતિ ।
ગારુડેન ચ સંયોજ્ય પઞ્ચાર્ણેન જપેત્તદા

નિર્વિષીકરણે ધ્યાયેદ્વિષ્ણું ગરુડવાહનમ્ ।
અશોકફલકે તાર્ક્ષ્યમાલિખ્યાશોકસંહતૌ

અશોકપુષ્પૈઃ સંપૂજ્ય ભગવન્તં તદગ્રતઃ ।
જુહુયાત્તાનિ પુષ્પાણિ ત્રિસંધ્યં સપ્તપત્રકમ્

પ્રત્યક્ષો જાયતે પક્ષી વરમિષ્ટં પ્રયચ્છતિ ।
ગાણપત્યેન સંયોજ્ય જપેલ્લક્ષં પયોવ્રતઃ

મહાગણપતિં દેવં પ્રત્યક્ષમિહ પશ્યતિ ।
વાણિબીજેન સંયુક્તં ષણ્માસં યોજયેન્નરઃ

મહાકવિવરો ભૂત્વા મોહયેત્સકલં જગત્ ।
હુત્વા ગુઙ્ચીશકલાન્યર્દ્ધાગુલમિતાનિ ચ

દધિમધ્વાજ્યયુક્તાનિ મૃત્યું જયતિ સાધકઃ ।
શનૈશ્વર દિને સમ્યક્ સ્પૃષ્ટ્વા શ્વત્થં ચ પાણિના

જપ્ત્વા ચાષ્ટશતં યુદ્ધે હ્યપમૃત્યું જયત્યસૌ ।
પઞ્ચવિંશતિધા જપ્ત્વા નિત્યં પ્રાતઃ પિબેજ્જલમ્

સર્વપાપવિનિર્મુક્તો જ્ઞાનવાન્ રોગવર્જિતઃ ।
કુંભં સંસ્થાપ્ય વિધિવદાપૂર્ય શુદ્ધવારિણા

જપ્ત્વાયુતં તતસ્તેનાભિષેકઃ સર્વરોગનુત્ ।
ચન્દ્રસૂર્યોપરાગે તુ હ્યુપોષ્યાષ્ટસહસ્રકમ્

સ્પૃષ્ટ્વા બ્રાહ્મીધૃતં જપ્ત્વા પિબેત્સાધકસત્તમઃ ।
મેધાં કવિત્વં વાક્સિદ્ધિં લભતે નાત્ર સંશયઃ

જુહુયાદયુતં વિલ્વૈર્મહાધનપતિર્ભવેત્ ।
નારાયણસ્ય મન્ત્રો ઽયં સર્વમન્ત્રોત્તમોત્તમઃ

આલયઃ સર્વસિદ્ધીનાં કથિતસ્તવ નારદ ।
નારાયણાય શબ્દાન્તે વિદ્મહે પદમીરયેત્

વાસુદેવપદં ઙેંતં ધીમહીતિ તતો વદેત્ ।
તન્નો વિષ્ણુઃ પ્રચોવર્ણાન્સંવદેઞ્ચોદયાદિતિ

એષોક્તા વિષ્ણુગાયત્રી સર્વપાપપ્રણાશિની ।
તારો હૃદ્ભગવાન્ ઙેંતો વાસુદેવાય કીર્તિતઃ

દ્વાદશાર્ણો મહામન્ત્રો ભુક્તિમુક્તિપ્રદાયકઃ ।
સ્ત્રીશૂદ્રાણાં વિતારો ઽયં સતારસ્તુ દ્વિજન્મનામ્

પ્રજાપતિર્મુનિશ્ચાસ્ય ગાયત્રી છન્દ ઈરિતઃ ।
દેવતા વાસુદેવસ્તુ બીજં શક્તિર્ધ્રુવશ્ચ હૃત્

ચન્દ્રાક્ષિવેદપઞ્ચર્ણૈઃ સમસ્તેનાઙ્ગકલ્પનમ્ ।
મૂર્ધ્નિ ભાલે દૃશોરાસ્યે ગલે દોર્હૃદયે પુનઃ

કુક્ષૌ નાભૌ ધ્વજે જાનુદ્વયે પાદદ્વયે તથા ।
ન્યાસેત્ક્રમાન્ મન્ત્રવર્ણાન્સૃષ્ટિન્યાસો ઽયમીરિતઃ

હૃદાદિમસ્તકાન્તં તુ સ્થિતિન્યાસં પ્રચક્ષતે ।
પાદાદારભ્ય મૂર્દ્ધાનં ન્યાસં સંહારકં વિદુઃ

તત્ત્વન્યાસં તતઃ કુર્યાત્સર્વતન્ત્રેષુ ગોપિતમ્ ।
બીવં પ્રાણં તથા ચિત્તં હૃત્પદ્મં સૂર્યમણ્ડલમ્

ચન્દ્રાગ્નિમણ્ડલે ચૈવ વાસુદેવં તતઃ પરમ્ ।
સંકર્ષણં ચ પ્રદ્યુમ્નમનિરુદ્ધં તતઃ પરમ્

નારાયણં ચક્રમતસ્તત્ત્વાનિ દ્વાદશૈવ તુ ।
મૂલાર્ણહૃત્પરાયાદ્યમાત્મને હૃદયાન્તિમમ્

તત્ત્વે નામ સમુઞ્ચર્ય્ય ન્યસેન્મૂર્દ્ધાદિષુ ક્રમાત્ ।
પૂર્વોક્તં ધ્યાનમત્રાપિ ભાનુલક્ષજપો મનોઃ

તદૃશાંશં તિલૈરાજ્યલોલિતૈર્હવનં ચરેત્ ।
પીઠે પૂર્વોદિતે મન્ત્રી મૂર્તિ સંકલ્પ્ય મૂલતઃ

તસ્યામાવાહ્ય દેવેશં વાસુદેવં પ્રપૂજયેત્ ।
અઙ્ગાનિ પૂર્વમભ્યર્ચ્ય વાસુદેવાદિકાસ્તતઃ

શાન્ત્યાદિશક્તયઃ પૂજ્યાઃ પ્રાગ્વદ્દિક્ષુ વિદિક્ષુ ચ ।
તૃતીયાવરણે પૂજ્યાઃ પ્રોક્તા દ્વાદશ મૂર્તયઃ

ઇન્દ્રાદ્યાનાયુધૈર્યુક્તાન્ પૂજયેદ્ધરણીગૃહે ।
એવમાવરણૈરિષ્ટ્વા પઞ્ચભિર્વિષ્ણુમવ્યયમ્

પ્રાપ્નુયાત્સકલાનર્થાનન્તે વિષ્ણુપદે વ્રજેત્ ।
પુરુષોત્તમસંજ્ઞસ્ય વિષ્ણોર્ભેદચતુષ્ટયમ્

ત્રૈલોક્યમોહનસ્તેષાં પ્રથમઃ પરિકીર્તિતઃ ।
શ્રીકરશ્ચ હૃષીકેશઃ કૃષઅણશ્ચાત્ર ચતુર્થકઃ

તારઃ કામો રમા પશ્ચાન્ ઙેંતઃ સ્યાત્પુરુષોત્તમઃ ।
વર્માસ્ત્રાણ્યગ્નિપ્રિયાન્તો મન્ત્રો વહ્નીન્દુવર્ણવાન્

બ્રહ્મા મુનિઃ સ્યાદ્ગાયત્રી છન્દઃ પ્રોક્તો ઽથ દેવતા ।
પુરુષોત્તમસંજ્ઞો ઽત્ર બીજશક્તીસ્મરન્દિરે

ભૂચન્દ્રૈકરસાક્ષ્યક્ષિમન્ત્રવર્ણોર્વિભાગતઃ ।
કૃત્વાઙ્ગાનિ તતો ધ્યાયેદ્વિધિવત્પુરુષોત્તમમ્

સમુદ્યદાદિત્યનિભં શઙ્ખચક્રગદાંબુજૈઃ ।
લસત્કરં પીતવસ્રં સ્મરેચ્છ્રીપુરુષોત્તમમ્

મહારત્નૌઘખચિતસ્ફુરત્તોરણમણ્ડપે ।
મૌક્તિકૌઘશમદમવિરાજિતવિતાનકે

નૃત્યદ્દેવાઙ્ગનાવૃન્દક્વણાત્કિઙ્કિણિનૂપુરે ।
લસન્માણિક્યવેદ્યાં તુ દીત્પાર્કાયુતતેજસિ

વૃન્દારકવ્રાતકિરીટાગ્રરત્નાભિચર્ચિતે ।
નવલક્ષં જપેન્મન્ત્રં જુહુયાત્તદ્દશાંશતઃ

ઉત્ફુલ્લૈઃ કમલૈઃ પીઠે પૂર્વોક્તે વૈષ્ણવેર્ઽચયેત્ ।
એવમારાધ્ય દેવેશં પ્રાપ્નોતિ મહતીં શ્રિયમ્

પુત્રાન્પૌત્રાન્યશઃ કાન્તિં ભુક્તિં મુક્તિં ચ વિન્દતિ ।
ઉત્તિષ્ટેતિ પદં પશ્ચાચ્છ્રીકરાગ્નિપ્રિયાન્તિમઃ

અષ્ટાર્ણો ઽસ્ય મુનિર્વ્યાસઃ પઙ્ક્તિશ્છન્દ ઉદાહૃતમ્ ।
શ્રીકારાખ્યો હરિઃ પ્રોક્તો દેવતા સકલેષ્ટદઃ

ભીષયદ્વિતયં હૃત્સ્યાત્ ત્રાસયદ્વિતયં શિરઃ ।
શિખા પ્રમર્દ્દયદ્વન્દ્વં વર્મ પ્રધ્વંસયદ્વયમ્

અસ્રં રક્ષદ્વયં સર્વે હુમન્તાઃ સમુદીરિતાઃ ।
મસ્તકે નેત્રયોઃ કણ્ઠહૃદયે નાભિદેશકે

ઊરૂજઙ્ઘાંયુગ્મેષુ મન્ત્રવર્ણાન્ક્રમાન્ન્યતસેત્ ।
તતઃ પુરુષસૂક્તોક્તમન્ત્રૈર્ન્યાસં સમાચરેત્

મુખે ન્યસેદ્બ્રાહ્મણો ઽસ્ય મુખમાસીદિમં મનુમ્ ।
બાહુયુગ્મે તથા બાહૂંરાજન્ય ઇતિ વિન્યસેત્

ઊરૂ તદસ્ય યદ્વૈશ્ય ઇમમૂરુદ્વયે ન્યસેત્ ।
ન્યસેત્પાદદ્વયે મન્ત્રી પદ્ભ્યાં શૂદ્રો અજાયત

ચક્રં શઙ્ખં ગદાં પદ્મં કરાગ્રેષ્વથ વિન્યસેત્ ।
એવં ન્યાસવિધિં કૃત્વા ધ્યાયેત્પૂર્વોક્તમણ્ડપે

અરુણાબ્જાસનસ્થસ્ય તાર્ક્ષ્યસ્યોપરિ સંસ્થિતમ્ ।
પૂર્વોક્તરૂપિણં દેવં શ્રીકરં લોકમોહનમ્

ધ્યાત્વૈવં પૂજયેદષ્ટલક્ષં મન્ત્રી દશાંશતઃ ।
રક્તાંબુજૈઃ સમિદ્ભિશ્ચ વિલ્વક્ષીરિદ્રુમોદ્ભવૈઃ

પયો ઽન્નૈઃ સર્પિષા હુત્વા પ્રત્યેકં સુસમાહિતઃ ।
અશ્વત્થોદુંબરપ્લક્ષવટાઃ ક્ષીરિદ્રુમાઃ સ્મૃતા

પૂજયેદ્વૈષ્ણવે પીઠે મૂર્તિં સંકલ્પ્ય મૂલતઃ ।
અઙ્ગાવરણદિક્પાલહેતિભિઃ સહિતં વિભુમ્

ઇત્થં સિદ્ધે મનૌ મત્રી પ્રયોગાન્પૂર્વવઞ્ચરેત્ ।
તારો હૃદ્ભગવાન્ ઙેંતો વરાહેતિ તતઃ પરમ્

રૂપાય ભૂર્ભુવઃ સ્વઃ સ્યાલ્લોહિતકામિકા ચ યે ।
ભૂપતિત્વં ચ મે દેહિ દદાપય શુચિપ્રિયા

રામાગ્નિવર્ણો મન્ત્રો ઽયં ભાર્ગવો ઽસ્ય મુનિર્મતઃ ।
છન્દો ઽનુષ્ટુબ્દેવતાદિવરાહઃ સમુદીરિતઃ

એકદંષ્ટ્રાય હૃદયં વ્યોમોલ્કાયગ શિરઃ સ્મૃતમ્ ।
શિખા તેજો ઽધિપતયે વિશ્વરૂપાય વર્મ ચ

મહાદંષ્ટ્રાય ચાસ્ત્રં સ્યાત્પઞ્ચાઙ્ગમિતિ કલ્પયેત્ ।
અથવા ગિરિષટ્સપ્તબાણૈર્વસુભિરક્ષરૈઃ

વિભક્તૈર્મન્ત્રવર્યસ્ય પઞ્ચાગાંનિ પ્રકલ્પયેત્ ।
તતૌ ધ્યાયેદનેકાર્કનિભમાદિવરાહકમ્

આં હ્રીં સ્વર્ણનિભં જાન્વોરધો નાભેઃ સિતપ્રભમ્ ।
ઇષ્ટાભીતિગદાશઙ્ખચક્રશક્ત્યસિખેટકાન્

દધતં ચ કરૈર્દંષ્ટ્રાગ્રલસદ્ધરણિં સ્મરેત્ ।
એવં ધ્યાત્વા જપેલ્લક્ષં દશાંશં સરસીરુહૈઃ

મધ્વક્તૈર્જુહયાત્પીઠે પૂર્વોક્તે વૈષ્ણવે યજેત્ ।
મૂલેન મૂર્તિં સઙ્કલ્પ્ય તસ્યાં સમ્પૂજયેદ્વિભુમ્

અઙ્ગાવરણદિક્પાલહેતિયન્ત્રપ્રસિદ્ધયે ।
જપાદેવાવર્નિ દદ્યાદ્ધનં ધાન્યં મહીં શ્રિયમ્

સિંહાર્કે સિતપક્ષસ્યાષ્ટમ્યાં ગવ્યેષુ પઞ્ચસુ ।
શિલાં શુદ્ધાં વિનિક્ષિપ્ય સ્પૃષ્ટ્વા તામયુતં જપેત્

ઉદઙ્મુખસ્વતો મન્ત્રી તાં શિલાં લિખનેદ્ભુવિ ।
ભૂતપ્રેતાહિચૌરાદિકૃતાં બાધાં નિવારયેત્

પ્રાતર્ભૃગુદિને સાધ્યભૂતલાન્મૃદમાહરેત્ ।
મન્ત્રિતાં મૂલમન્ત્રેણ વિભજેત્તાં ત્રિધા પુનઃ

ચુલ્લ્યામેકં સમાલિપ્યાપ્યપરં પાકભાજને ।
ગોદુગ્ધે પરમાલોડ્ય શોધિતાંસ્તન્દુલાન્ ક્ષિપેત્

સમ્યક્ શુદ્ધે શુચિઃ કેશે જપન્મન્ત્રં પચેઞ્ચરુમ્ ।
અવતાર્ય ચરું પશ્ચાદ્વહ્નૌ દેયં યથાવિધિ

સમ્પૂજ્ય ધૂપદીપાદ્યૈઃ પશ્ચાદાજ્યપ્લુતં ચરુમ્ ।
જુહુયાત્સંસ્કૃતે વહ્નૌ અષ્ટોત્તરશતં સુધીઃ

એવં પ્રજુહુયાન્મન્ત્રી કવિવારેષુ સપ્તસુ ।
વિરોધો નશ્યતિ ક્ષેત્રે શત્રુચૌરાદ્યુપદ્રવાઃ

ભાનૂદયેપ્યારવારે સાધ્યક્ષેત્રાન્મૃદં પુનઃ ।
આદાય પૂર્વવિધિના હવિરાપાદ્ય પૂર્વવત્

જુહુયાદેધિતે વહ્નૌ પૂર્વસંખ્યાકમાદરાત્ ।
એવં સ સપ્તારવારેષુ જુહુયાત્ક્ષેત્રસિદ્ધયે

જુહુયાલ્લક્ષસંખ્યાકં ગવ્યૈ શ્ચૈવ સપાયસૈઃ ।
અભીષ્ટભૂમ્યાધિપત્યં લભતે નાત્ર સંશયઃ

ઉદ્યદ્દોઃ પરિધં દિવ્યં સિતદંષ્ટ્રાગ્રભૂધરમ્ ।
સ્વર્ણાભં પાર્થિવે પીતે મણ્ડલે સુસમાહિતઃ

ધ્યાત્વાપ્નોતિ મહીં રમ્યાં વરાહસ્ય પ્રસાદતઃ ।
વારુણે મણ્ડલે ધ્યાયેદ્વારાહં હિમસન્નિભઘમ્

મહોપદ્રવશાન્તિઃ સ્યાત્સાધકસ્ય ન સંશયઃ ।
વશ્યાર્થં ચ સદા ધ્યાયેદ્વર્હ્યાભં વહ્નિમણ્ડે

ધ્યાયેદેવં રિપૂઞ્ચાટે કૃષ્ણાભં વાયુમણ્ડલે ।
હ્યમણ્ડલગતં સ્વચ્છં વારાહં સર્વસિદ્ધિદમ્

શત્રુભૂતગ્રહક્ષ્વેડામયપીડાદિશાન્તયે ।
ભગ્વર્ધીશયુતં વ્યોમબિન્દુભૂષિતમસ્તકમ્

એકાક્ષરો વરાહસ્ય મન્ત્રઃ કલ્પદ્રુમો ઽપરઃ ।
પૂજાદ્યાર્ધ્યાદિકં સર્વમસ્યાં પૂર્વોક્તવઞ્ચરેત્

સવામકર્ણાનિદ્રાસ્યાદ્વરાહાય હૃદન્તિમઃ ।
તારાદ્યો વસુવર્ણો ઽયં સર્વૈશ્વર્યપ્રદાયકઃ

બ્રહ્મા મુનિઃ સ્યાદ્ગાયત્રી છન્દો વારાહસંજ્ઞકઃ ।
દેવશ્ચન્દ્રેદ્વબ્ધિનેત્રૈઃ સવેણાઙ્ગક્રિયા મતા

ધ્યાનપૂજાપ્રયોગાદિ પ્રાગ્વદસ્યાપિ કલ્પયેત્ ।
પ્રણવાદૌ ચ ઙેન્તં ચ ભગવતીતિ પદં તતઃ ।
ધરણિદ્વિતયં પશ્ચાદ્ધરેર્દ્વયમુદીરયેત્

એકોનવિંશત્યર્ણાઢ્યો મન્ત્રો વહ્નિપ્રિયાન્તિમઃ ।
વરાહો ઽસ્ય મુનિશ્છન્દો ગાયત્રી નિવૃદાદિકા

દેવતા ધરણી બીજં તારઃશક્તિર્વસુપ્રિયા ।
રામવેદાગ્નિબાણાક્ષિનેત્રાર્ણૈરઙ્ગરકલ્પનમ્

શ્યામાં ચિત્રવિભૂષાઢ્યાં પદ્મસ્થાં તુઙ્ગસુસ્તનીમ્ ।
નીલાંબુજદ્વયં શાલિમઞ્જરીં ચ શુક્રં કરૈઃ

દધતીં ચિત્રવસનાં ધરાં ભગવતીં સ્મરેત્ ।
એવં ધ્યાત્વા જપેલ્લક્ષં દશાંશં પાયસેન તુ

સાજ્યેન જુહુયાન્મન્ત્રી વિષ્ણોઃ પીઠ્ઠે સમર્ચયેત્ ।
મૂર્તિં સંકલ્પ્ય મૂલેન તસ્યાં વસુમતીં યજેત્

અઙ્ગાનિ પૂર્વમારાધ્ય ભૂવહ્નિજલમારુતાન્ ।
દિક્પાત્રેષુ ચ સમ્પૂજ્ય કોણપત્રેષુ તત્કલાઃ

નિવૃત્તિશ્ચ પ્રતિષ્ટા ચ વિદ્યાનાં તૈશ્ચ તત્કલાઃ ।
ઇન્દ્રાદ્યાનપિ વઞ્ચાદીન્પૂજયેત્તદનન્તરમ્

એવં સિદ્ધે મનૌ મન્ત્રી સાધયેદિષ્ટમાત્મનઃ ।
ધરણી પ્રભજન્નેવં પશુરત્નાંબરાદિભિઃ

ધરમ્યા વલ્લભઃ સ સ્યાત્સુખી જીવેચ્છતં સમા ।
ત્રૈલોક્યમોહનો મન્ત્રો જગન્નાથસ્ય કીર્ત્યતે

તારઃ કામો રમા બીજં હૃદન્તે પુરુષોત્તમઃ ।
શ્રીકણ્ઠઃ પ્રતિરૂપાન્તે લક્ષ્મીતિ ચ નિવાસિ ચ

સકલાન્તે જગત્પશ્ચાત્ક્ષોભણેતિ પદં વદેત્ ।
સર્વસ્ત્રીહૃદયાન્તે તુ વિદારણપદં વદેત્

તતસ્ત્રિભુવનાન્તં તુ મદોન્માદકરેતિ ચ ।
સુરાસુરાન્તે મનુજસુંદરીજનવર્ણતઃ

મનાંસિ તાપયદ્વન્દ્વં દીપયદ્વિતયં તતઃ ।
શોષયદ્વિતયં પશ્ચાન્મારયદ્વિતયં તતઃ

સ્તંભયદ્વિતયં ભૂયો મોહયદ્વિતય તતઃ ।
દ્રાવયદ્વિતયં તાવદાકર્ષયયુગં તતઃ

ધ્યાનપૂજાપ્રયોગાદિ પ્રાગ્વદસ્યાપિ કલ્પયેત્ ।
પ્રણવાદૌ ચ ઙેન્તં ચ ભગવતીતિ પદં તતઃ ।
ધરણિદ્વિતયં પશ્ચાદ્ધરેર્દ્વયમુદીરયેત્

એકોનવિંશત્યર્ણાઢ્યો મન્ત્રો વહ્નિપ્રિયાન્તિમઃ ।
વરાહો ઽસ્ય મુનિશ્છન્દો ગાયત્રી નિવૃદાદિકા

દેવતા ધરણી બીજં તારઃશક્તિર્વસુપ્રિયા ।
રામવેદાગ્નિબાણાક્ષિનેવાર્ણૈરઙ્ગકલ્પનમ્

શ્યામાં ચિત્રવિભૂષાઢ્યાં પદ્મસ્થાં તુઙ્ગસુસ્તનીમ્ ।
નીલાંબુજદ્વયં શાલિમઞ્જરીઞ્ચ શુકં કરૈઃ

દધતીં ચિત્રવસનાં ધરાં ભગવતીં સ્મરેત્ ।
એવં ધ્યાત્વા જપેલ્લક્ષં દશાંશં પાયસેન તુ

સાજ્યેન જુહુયાન્મન્ત્રી વિષ્ણોઃ પીઠે સમર્ચયેત્ ।
મૂર્તિં સંકલ્પ્ય ગૂલેન તસ્યાં વસુમતીં યજેત્

અઙ્ગાનિ પૂર્વમારાધ્ય ભૂવહ્નિજલમારુતાન્ ।
દિક્પાત્રેષુ ચ સમ્પૂજ્ય કોણપત્રેષુ તત્કલાઃ

નિવૃત્તિશ્ચ પ્રતિષ્ટા ચ વિદ્યાનાં તૈશ્ચ તત્કલાઃ ।
ઇન્દ્રાદ્યાનપિ વજ્રાદીન્પૂજયેત્તદનન્તરમ્

પૂર્નં સિદ્ધે મનૌ મન્ત્રી સાધયેદિષ્ટમાત્મનઃ ।
ધરણીં પ્રભજન્નેવં પશુરત્નાંબરાદિભિઃ

ધરણ્યા વલ્લભઃ સ સ્યાત્સુખી જીવેચ્છતં સમા ।
ત્રૈલોક્યમોહનો મન્ત્રો જગન્નાથસ્ય કીર્ત્યતે

તારઃ કામો રમા બીજં હૃદન્તે પુરુષોત્તમઃ ।
શ્રીકણ્ઠઃ પ્રતિરૂપાન્તે લક્ષ્મીતિ ચ નિવાસિં ચ

સકલાન્તે જગત્પશ્ચાત્ક્ષોભણેતિ પદં વદેત્ ।
સર્વસ્ત્રીહૃદયાન્તે તુ વિદારણપદં વદેત્

તતસ્ત્રિભુવનાન્તં તુ મદોન્માદકરેતિ ચ ।
સુરાસુરાન્તે મનુજસુંદરીજનવર્ણતઃ

મનાંસિ તાપયદ્વન્દ્વં દીપયદ્વિતયં તતઃ ।
શોષયદ્વિતયં પશ્ચાન્મારયદ્વિતયં તતઃ

સ્તંભયદ્વિતયં ભૂયો મોહયદ્વિતય તતઃ ।
દ્રાવયદ્વિતયં તાવદાકર્ષયયુગં તતઃ

સમસ્તપરમો યેન સુભગેન ચ સંયુતમ્ ।
સર્વસૌભાગ્યશબ્દાન્તે કરસર્વપદં વદેત્

કામપ્રદાદમુન્બ્રહ્માસેંદુર્હનુયુગં તતઃ ।
ચક્રેણ ગદયા પશ્ચાત્ખડ્ગેન તદનન્તરમ્

સર્વબાણૈર્ભેદિયુગં પાશેનાન્તે કટદ્વયમ્ ।
અઙ્કુશેનેતિ સંપ્રોચ્ય તાડયદ્વિતયં પુનઃ

કુરુશબ્દદ્વયમથો કિં તિષ્ટસિ પદં વદેત્ ।
તાવદ્યાવત્પદસ્યાન્તે સમાહિતમનન્તરમ્ ।
તતો મે સિદ્ધિરાભાસ્ય ભવમન્તે ચ વર્મ ફટ્

હૃદન્તો ઽયં મહામન્ત્રો દ્વિશતાર્ણઃ સમીરિતઃ ।
જૈમિનિર્મુનિરસ્યોક્તશ્છન્દશ્ચામિતમીરિતમ્

દેવતા જગતાં મોહે જગન્નાથઃ પ્રકીર્તિતઃ ।
કામો બીજં રમા શક્તિર્વિનિયોગો ઽખિલાપ્તયે

પુરુષોત્તમત્રિભુવનોન્માદકાન્તે ઽગ્નિવર્મ ચ ।
હૃદયં કીર્તિતં પશ્ચાજ્જગત્ક્ષોભણશબ્દતઃ

લક્ષ્મીદયિતવર્માન્તઃ શિરઃ પ્રોક્તં શિખા પુનઃ ।
મન્મથો તમશબ્દાન્તે મઙ્ગજે પદમીરયેત્

કામદાયેતિ હું પ્રોચ્ય ન્યસેદ્વમ તતઃ પરમ્ ।
પરમાન્તે ભૃગુકર્ણાભ્યાં ચ સર્વપદં તતઃ

સૌભાગ્યકરવર્માન્તે કવચં પારિકીર્તિતમ્ ।
સુરાસુરાન્તે મનુજસુંદરીતિ પદં વદેત્

હૃદયાન્તે વિદા પશ્ચાદ્રણસર્વપદં વદેત્ ।
તતઃ પ્રહરણધરસર્વકામુકતત્પદમ્

હનયુગ્મં ચ હૃદયં બન્ધનાનિ તતો વદેત્ ।
આકર્ષયદ્વયં પશ્ચાન્મહાબલપદં તતઃ

વર્મ ચાસ્ત્રં સમાખ્યાતં નેત્રં સ્યાત્તદનન્તરમ્ ।
વદેત્રિભુવનં પશ્ચાચ્ચર સર્વજનેતિ ચ

મનાંસિ હરયુગ્માન્તે દારયદ્વિતયં ચ મે ।
વશમાનય વર્માન્તે નેત્રમન્ત્રઃ સમીરિતઃ

ષડઙ્ગમન્ત્રાસ્તારાદ્યાઃ ફટ્નમોન્તાઃ પ્રકીર્તિતાઃ ।
તારસ્ત્રૈલોક્યશબ્દાન્તે મોહનેતિ પદં વદેત્

હૃષીકેશેતિ સંપ્રોચ્યાપ્રતિરૂપાદિશબ્દતઃ ।
મમ્નથાનન્તરં સર્વસ્ત્રીણાં હૃદયમીરયેત્

આકર્ષણપદા ગચ્છદાગચ્છહૃદયાન્તિમઃ ।
અનેન વ્યાપકં કૃત્વા જગન્નાથં સ્મરેત્ સુધીઃ

ક્ષીરાબ્ધેસ્તુ તટે રમ્યં સુરદ્રુમલતાઞ્ચિતમ્ ।
ઉદ્યદર્કાભુજાલાભં સ્વધામ્નોજ્વાલદિઙ્મુખમ્

પ્રસૂનાવલિસૌરભ્યમાદ્યન્મધુકરારવમ્ ।
દિવ્યવાતોઞ્ચલત્કઞ્જપરાગોદ્ધૂલિતાંબરમ્

સ્વર્વધૂગીતમાધુર્યાભિરામ ચિન્તયેદ્વનમ્ ।
તદન્તર્મણિસમ્પત્તિસ્ફુરત્તોરણમણ્ડપે

વિલસન્મૌક્તિકોદ્દામદામરાજદ્વિતાનકે ।
મણિવેદ્યાદિ વિયત્કિરીટાગ્રસમર્ચિતે

દિવ્યસિંહાસને વિપ્ર સમાસીનં સ્મરેદ્વિભુમ્ ।
શઙ્ખપાશેષુ ચાપાનિ મુસલં નન્દકં ગદામ્

અઙ્કુશં દધતં દોર્ભિઃ શ્લિષ્ટે કમલયોરસિ ।
પશ્યત્યઙ્કસ્થયાંભોજશ્રિયા રાગોલ્લસદૃશા

ધ્યાત્વૈવં પ્રજપેલ્લક્ષચતુષ્કં તદ્દશાંશતઃ ।
કુણ્ડેર્ઽદ્ધચન્દ્રે પદ્મૈર્વા જાતીપુષ્પૈશ્ચ હોમયેત્

યાગભૂમિં તથાત્માનં યાગોપકરણં તથા ।
પૂજયિષ્યન્ જગન્નાથં ગાયત્ર્યા પ્રોક્ષયેદ્વુધઃ

ત્રૈલોક્યમોહનાયાન્તે વિદ્મહે પદમીરયેત્ ।
સ્મરાય ધીમહીત્યુક્ત્વા તન્નો વિષ્ણુઃ પ્રચોદયાત્

ગાયત્ર્યેષા સમાખ્યાતા સર્વશુદ્ધિકરી પરા ।
કલ્પયેદાસનં પીઠે પૂર્વોક્તે વૈષ્ણવે સુધીઃ

પક્ષિરાજાય ઠદ્વન્દ્વં પીઠમન્ત્રો ઽયમીરિતઃ ।
મૂર્તિં સંકલ્પમૂલેન તસ્યામાવાહયેદતઃ

વ્યાપકન્યાસમન્ત્રેણ તતઃ સમ્પૂજ્ય ભક્તિતઃ ।
શ્રીવત્સહૃદયં તેન શ્રીવત્સં સ્તનયોર્યજેત્

કૌસ્તુભાય હૃદન્તેન યજેદ્વક્ષસિ કૌસ્તુભમ્ ।
પૂજયેદ્વનમાલાયૈ હૃદન્તેન ગલે ચ તામ્

કર્ણિકાયાં તતો ઽભ્યર્ચયેદ્વિધિવઞ્ચાઙ્ગદેવતાઃ ।
દલેષુ પૂજયેત્પશ્ચાલ્લક્ષ્મ્યાદ્યાવૃત્તચામરાઃ

બન્ધૂકકુસુમાભાસાઃમુક્તાહારલસત્કુચાઃ ।
ઉત્ફુલ્લાંભઘોજનયના મદવિભ્રમમન્થરાઃ

લક્ષ્મી સરસ્વતી ચૈવ ધૃતિઃ પ્રીતિસ્તતઃ પરમ્ ।
કાન્તિઃ શાન્તિસ્તુષ્ટિપુષ્ટિબીજાદ્યા ઙેનમોન્તિકાઃ

ભૃગુઃ ખડ્રાશચન્દ્રાઢ્યો દેવ્યા બીજમુદાહૃતમ્ ।
હ્રસ્વત્રયક્લીબસર્વરહિતસ્વરસંયુતમ્

દેવ્યા બીજં ક્રમાદાસામાદૌ ચ વિનિયોજયેત્ ।
દલાગ્રેષુ યજેચ્છઙ્ખં શાર્ઙ્ગં ચક્રમસિં ગદામ્

અઙ્કુશં મુસલં પાશં સ્વમુદ્રામનુભિઃ પૃથક્ ।
મહાજલચરા યાન્તે વર્માસ્ત્રં વહ્નિવલ્લભા

પાઞ્ચજન્યા પ્રતારાદ્યો નમોન્તઃ શઙ્ખપૂજને ।
શાર્ઙ્ગાય સશયાન્તે ચ વર્માસ્ત્રં વહ્નિવલ્લભા

શાર્ઙ્ગાય હૃદયં મન્ત્રો મહાદ્યઃ શાર્ઙ્ગપૂજને ।
સુદર્શનમહાન્તે તુ ચક્રરાજપદં વદેત્

હયયુગ્મં સર્વદુષ્ટભયમન્તે કુરુદ્વયમ્ ।
છિન્ધિદ્વયં તતઃ પશ્ચાદ્વિદારયયુગં તતઃ

પરમન્ત્રાન્ ગ્રસદ્વન્દ્વં ભક્ષયદ્વિતયં પુનઃ ।
ભૂકાનિ ત્રાસયદ્વન્દ્વં વર્મફડ્વહ્નિસુંદરી

સુદર્શનાય હૃદયં પ્રોક્તશ્ચક્રર્ચને મનુઃ ।
મહાખડ્ગતીક્ષ્ણપદાચ્છિવિયુગ્મં સમીરયેત્

હું ફટ્ સ્વાહા ચ ખડ્ગાય નમઃ ખડ્ગાર્ચને મનુઃ ।
મહાકૌમોદકીત્યન્તે વદેઞ્ચૈવ મહાબલે

સર્વાસુરાન્તકે પશ્ચાત્પ્રસીદયુગલેતિ ચ ।
વર્માસ્ત્રવહ્નિજાયાન્તકૌમોદકિ હૃક્ષતિમઃ

કૌમોદક્યર્ચને પ્રોક્તો મન્ત્રઃ સર્વાર્થસાધકઃ ।
મહાઙ્કુશપદાત્કુટ્ચયુગ્મં હુંફટ્વસુપ્રિયા

અઙ્કુશાય નમઃ પ્રોક્તો મન્ત્રગ્રૌવાકુશર્ચને ।
સંવર્તકમહાન્તે તુ મુસલેતિ પદં વદેત્

યોધયદ્વિતયં વર્મ ફડન્તે વહ્નિસુંદરી ।
મુસલાય નમઃ પ્રોક્તો મન્ત્રો સુસલપૂજને

મહાપાશ હદાદઘટયમાકર્ષયદ્વયમ્ ।
હું ફટે સ્વાહા ચ પાશાય નમઃ પાશાર્ચને મનુઃ

તારાદ્યા મનવો હ્યેતે તતઃ શક્રાદિકાન્યજેત્

વજ્રાદ્યાનપિ સંપૂજ્ય સર્વસિદ્ધીશ્વરો ભવેત્ ।
માસમાત્રં તુ કુસુમૈઃ પૂજયિત્વા હયારિજૈઃ

કુમુદૈર્વા પ્રજુહુયાદષ્ટોત્તરસહસ્રકમ્ ।
માસમાત્રેણ વશ્યાઃસ્યુસ્તસ્ય સર્વે નૃપોત્તમાઃ

યસ્ય નામ યુતં મન્ત્રં જપેદયુતસંખ્યયા ।
સ ભવેદ્દાસવત્સદ્યો મન્ત્રસ્યાસ્ય પ્રભાવતઃ

બહુના કિમિહોક્તેન મનુનાનેન સાધકઃ ।
સાધયેત્સકલાન્કામાન્વિષ્ણુતુલ્યો ન સંશયઃ