Narada Purana · Chapter 1.71

iti śrībṛhannāradīyapurāṇe pūrvabhāge bṛhadupākhyāne tṛtīyapāde saptatitamo 'dhyāyaḥ
sanatkumāra uvāca
śṛṇu nārada vakṣyāmi divyānnaraharermanūn /
yānsamārādhya brahmādyāścakruḥ sṛṣṭyādi karma vai

saṃvartakaścandramaulirmanurvahnivibhūṣitaḥ /
ekākṣaraḥ smṛto mantro bhajatāṃ surapādapaḥ

muniratriśca jagatīṃ chando buddhimatāṃ vara /
devatā nṛhariḥ prokto viniyogo 'khilāptaye

kṣaṃ bījaṃ śaktirī proktā ṣaḍdīrgheṇa ṣaḍaṅgakam /
arkenduvahninayanaṃ śaradindurucaṃ karaiḥ

dhanuścakrābhayavalarāndadhataṃ nṛhariṃ smaret /
lakṣaṃ japastaddaśāṃśahomaśca ghṛtapāyasaiḥ

yajetpīṭhe vaiṣṇave tu kesareṣvaṅgapūjanam /
khageśaṃ śaṅkaraṃ śeṣaṃ śatānandaṃ digāliṣu

śriyaṃ hriyaṃ dhṛtiṃ puṣṭiṃ koṇapatreṣu pūjayet /
dantacchadeṣu nṛharīṃstāvataḥ pūjayetkramātma

kṛṣṇo rudro mahāghoro bhīmo bhīṣaṇa ujjvalaḥṛ /
karālo vikarālaśca daityānto madhusūdanaḥ

raktākṣaḥ piṅgalākṣaścāñjano dīptarucistathā /
sughorakaśca suhanurviśvako rākṣasāṃtakaḥ

viśālako dhūmrakeśo hayagrīvo ghanasvanaḥ /
meghavarṇaḥ kubhaghakarṇaḥ kṛtāntatīvratejasau

agnivarṇo mahograśca tato viśvavibhūṣaṇaḥ /
vighnakṣamo mahāsenaḥ siṃhā dvātriṃśadīritāḥ

tadbrahiḥ prārcayedvidvāṃllokapālānsahetikān /
evaṃ siddhe manau mantrī sādheyedakhilepsitān

viṣṇaḥ pradyumnayuk śārṅgī mahāṃstataḥ /
viṣṇuṃ jvalantaṃ bhṛgvīśo jalaṃ padmāsanaṃ tataḥ

haristu vāsudevāya vaikuṇṭho viṣṇusaṃyutaḥ /
gadī seṃdunṛsiṃhaṃ ca bhīṣaṇaṃ bhadvameva ca

mṛtyumṛtyuṃ tataḥ śaurirbhānornārāyaṇānvitaḥ /
nṛharerdvāviṃśadarṇo 'yaṃ mantraḥ sāmrājyadāyakaḥ

brahmā munistu gāyatrī chando 'nuṣṭubudāhṛtam /
devatā nṛhariścāsya sarveṣṭuphaladāyakaḥ

haṃ bījaṃ iṃ tathā śaktirviniyogo 'khilāptaye /
vedaiścaturbhirvasubhiḥ ṣaḍbhiḥ ṣaḍbhiryugākṣaraiḥ

ṣaḍaṅgāni vidhāyātha mūrdhni bhāle ca netrayoḥ /
mukhabāhvaṅghrisaṃdhyagreṣvatha kukṣau tathā hṛdi

gale pārśvadvaye pṛṣṭe kakudyarṇānmanūdbhavān /
praṇavāntaritān kṛtvā nyasetsādhakasattamaḥ

nṛsiṃhasāṃnidhyakaro nyāso daśavidho yathā /
karāṅghṣaṣṭādyaṅgulīṣu pṛthagādyantaparvaṇoḥ

sarvāṅgulīṣu vinyasyāvaśiṣṭaṃ talayornyaset /
śirolalāṭe bhrumadhye netrayoḥ karṇayostathā

kapolakarṇamūle ca cibukorddhādharoṣṭake /
kaṇṭhe ghoṇe ca bhujayorddattanau nābhimaṇḍale

dakṣānpadostale kaṭyāṃ meḍhrorvojānujaghayacoḥ /
gulphe pādakarāṅgulyoḥ sarvasandhiṣu romasu

raktāsthimajjāsu tanau nyasedvarṇānvi cakṣaṇaḥ /
varṇānpade gulphajānukaṭinābhihṛdi sthale

bāhvoḥ kaṇṭhe ca cibuke cauṣṭau gaṇḍe pravinyaset /
karṇayorvadane nāsāpuṭe netre ca mūrddhani

padāni tu mukhe mūrdhri nasi cakṣuṣi karṇayoḥ /
āsye ca hṛdaya nābhau pādānsarvāṅgakenyaset

arddhadvayaṃ nyasenmūrdhni āhṛtpādāttadaṅgakam /
ugrādīni padānī ha mṛtyumṛtyuṃ namāmyaham

ityantānyāsyakaghnāṇacakṣuḥśrotreṣupakṣmasu /
hṛdi nābhau ca kaṭyādipādāntaṃ navasu nyaset

vīrādyānapi tānyeva yathāpūrvaṃ pravinyaset /
nṛsiṃhādyāni tānyeva pūrvavadvinyasetsudhīḥ

candrāgnivedaṣaḍrāmanetradigbāhubhūmitān /
vibhaktā pantravarṇāṃśca kramātsthāneṣu vinyaset

mūle mūlācca nābhyantaṃ nābhyādihṛdayāvadhi /
hṛdayādbhrūyugāntaṃ tu netratraye ca mastake

bāhvoraṅguliṣu prāṇemūrddhādi caraṇāvadhi /
vinyasennāmato dhīmānharinyāso 'yamīritaḥ

nyāsasyāsya tu māhātmyaṃ jānātyeko hariḥ svayam /
evaṃ nyāsavidhiṃ kṛtvā dhyāyecca nṛhariṃ hṛdi

galāsaktalasadbāhuspṛṣṭakeśo 'bjacakradhṛk /
nakhāgrabhinnadaityeśo jvālāmālāsamanvitaḥ

dīptajihvastrinayano daṃṣṭrograṃ vadanaṃ vahan /
nṛsiṃho 'smānsadā pātusthalāṃbugaganopagaḥ

dhyātvaivaṃ darśayenmudrāṃ nṛsiṃhasya mahātmanaḥ /
jānumadhyagatau kṛtvā cibukoṣṭau samāvubhau

hastau ca bhūmisaṃlagnau kaṃpamānaḥ punaḥ punaḥ /
mukhaṃ vijṛṃbhitaṃ kṛtvā lelihānāṃ ca jihvikām

eṣā mudrā nārasiṃhī pradhāneti prakīrtitā /
vāmasyāṅguṣṭato baddhvākaniṣṭāmaṅgalītrayam

triśūlavat saṃmukhorddhve kuryānmudrāṃ nṛsiṃhagām /
aṅguṣṭābhyāṃ ca karayostathā'kramya kaniṣṭake

adhomukhābhiḥ śiṣṭābhiḥ śeṣābhirnṛharau tataḥ /
hastāvadhomukhau kṛtvā nābhideśe prasārya ca

tarjaṃnībhyāṃ nayetskandhau proktā cāntraṇamudrikā /
hastāvūrddhvamukhau kṛtvā tale saṃyojya madhyame

anāmāyāṃ tu vāmāyāṃ tuvāmāyāṃ dakṣiṇāṃ tu vinikṣipet /
tarjanyau pṛṣṭato lagnau aṅguṣṭau tarjanīśritau

cakramudrābhavedeṣā nṛhareḥ saṃnidhau matā /
cakramudrā tathā kṛtvā tarjanībhyāṃ tu madhyame

pīḍayedvaṃṣṭramudraiṣā sarvapāpapraṇāśinī /
etā mudrā nṛsiṃhasya sarvamantreṣu saṃmatāḥ

varṇalakṣaṃ japenmantraṃ taddaśāṃśaṃ ca pāyasaiḥ /
ghaṛtāktarjuhuyādvahnau pīṭhe pūrvoditer'cayet

aṅgānyādau samārādhya dikpatreṣu yajetpunaḥṛ /
garaḍādīn śrīmukhāṃśca vidikṣu lokapānbahiḥ

evaṃ saṃsādhito mantraḥ sarvānkāmānprapūrayet /
saumye kārye smaretsaumyaṃ krūraṃ krūre smaredbudhaḥ

pūrvamṛtyupade śatrornāma kṛtvā svayaṃ hariḥ /
niśitairnakhadaṃṣṭrāgraiḥ khādyamānaṃ ca saṃsmaret

aṣṭottaraśataṃ nityaṃ japenmantramatandritaḥ /
jāyate maṇḍalādarvāk śatrurvai śamanātithiḥ

dhyānabhedānatho vakṣye sarvasiddhipradāyakān /
śrīkāmaḥ satataṃ dhyāyetpūrvoktaṃ nṛhariṃ sitam

vāmāṅkasthitayā lakṣmyāliṅgataṃ padmahastayā /
viṣamṛtyūparogādisarvopadravanāśanam

narasiṃhaṃ mahābhīmaṃ kālānala samaprabham /
āntramālādharaṃ raudraṃ kaṇṭhahāreṇa bhūṣitam

nāgayajñopavītaṃ ca pañcānanasuśobhitam /
candramauliṃ nīlakaṇṭhaṃ prativaktraṃ trinetrakam

bhujaiḥ parighasaṃkāśairddaśabhiścopaśobhitam /
akṣasūtraṃ gadāpadmaṃ śaṅkhaṃ gokṣīrasannibham

dhanuśca muśalaṃ caiva bibhrāṇaṃ cakrasuttamam /
khaḍgaṃ śūlaṃ ca bāṇaṃ ca nṛhariṃ rudrarūpiṇam

indragopābhanīlābhaṃ candrābhaṃ svarṇasannibham /
pūrvādi cottaraṃ yāvadūddhvārsyaṃ sarvavarṇakam

evaṃ dhyātvā japenmantrī sarvavyādhivimuktaye /
sarvamṛtyuharaṃ divya smaraṇātsarvasiddhidam

dhyāyedyadā mahātkarma tadā ṣoḍaśahastavān /
nṛsiṃhaḥ sarvalokeśaḥ sarvābharaṇabhūṣitaḥ

dvau vidāraṇakarmāptau dvau cāntroddharaṇānvitau /
śaṅkhacacakradharau dvau tu dvau ca bāṇaghanurddharau

khaḍgakheṭadharau dvau ca dvau gadāpadmadhāriṇau /
pāśāṅkuśadharau dvau ca dvau ripormukuṭārpitau

iti ṣoḍaśadordaṇḍamaṇḍitaṃ nṛhariṃ vibhum /
dhyāyennārada nīlābhamugrakarmamaṇyananyadhīḥ

dhyeyo mahatame kārye dvātriṃśaddhastavānbudhaiḥ /
nṛsiṃhaḥ sarvabhūteśaḥ sarvasiddhikaraḥ paraḥ

dakṣiṇe cakrapadme ca paraśuṃpāśameva ca /
halaṃ ca muśalaṃ caiva abhayaṃ cāṅkuśaṃ tathā

paṭṭiśaṃ bhindipālaṃ ca khaḍgamudgaratomarān /
vāmabhāge karaiḥ śaṃṅkhaṃ kheṭaṃ pāśaṃ ca śūlakam

agniṃ ca varadaṃ śaktiṃ kuṇḍikāṃ ca tataḥ param /
kārmukaṃ tarjanīmudrāṃ gadāṃ ḍamaruśūrpakau

dvābhyāṃ karābhyāṃ ca riporjānumastakapīḍanam /
ūrddhvīkṛtābhyāṃ bāhubhyāṃ āntramālādharaṃ vibhum

adhaḥ sthitābhyāṃ bāhubhyāṃ hiraṇyakavidāraṇam /
priyaṅkaraṃ ca bhaktānāṃ daityānāṃ ca bhayaṅkaram

nṛsihaṃ taṃ smareditthaṃ mahāmṛtyubhayāpaham /
evaṃ dhyātvā japenmantrī sarvakāryārthasiddhaye

athocyate dhyānamanyanmukharogaharaṃ śubham /
svarṇavarṇasuparṇasthaṃ vidyunmālāsaṭānvitam

koṭipūrṇenduvarṇaṃ ca sumukhaṃ tryakṣivīkṣaṇam /
pītavastrorubhūṣāḍhyaṃ nṛsiṃhaṃ śāntavigraham /
cakraśaṅkhābhayavarāndadhataṃ karapallavaiḥ

kṣveḍarogādiśamanaṃ svairdhyānaiḥ sukhanditam /
śatroḥ senānirodhena yatnaṃ kuryāñca sādhakam

akṣakāṣṭairedhite 'gnau vicintya ripumardanam /
devaṃ nṛsiṃhaṃ saṃpūjya kusumādyupacārakaiḥ

samūlamūlairjuṃhuyāccarairdaśaśataṃ pṛthak /
ripuṃ khādanniva japennirdahanniva taṃ kṣipet

hutvā saptadinaṃ mantrī senāmiṣṭāṃ mahīpateḥ /
prasthāpayecchubhe lagne pararāṣṭrajayecchayā

tasyāḥ purastānnṛhariṃ nighnantaṃ ripumaṇḍalam /
smṛtvā japaṃ praklarvīta yāvadāyāti sā punaḥ

nirjatya nikhilāñchatrūnsaha vīraśriyāsukhāt /
prīṇayenmantriṇaṃ rājā vibhavaiḥ prītamānasaḥ

gajāśvaratharatnaiśca grāmakṣetradhanādibhiḥ /
yadi mantrī na tuṣyeta tadānartho mahīpateḥ

jāyate tasya rāṣṭreṣu prāṇebhyo 'pi mahābhayam /
aṣṭottaraśatamūlamantramantritabhasmanā

nāśayenmūṣikālūtāvṛścikādyutthitaṃ viṣam /
liptāṅgaḥ sarvarogaiśca mucyate nātra saṃśayaḥ

sevantīkusumairhutvā mahatīṃ śriyamāpnuyāt /
audumbarasamidbhistu bhaveddhānyasamṛddhimān

apūpalakṣahome tu bhavedvaiśravaṇopamaḥ /
kruddhasya sannidhau rājño japedaṣṭottaraṃ śatam

sadyo nairmalyamāpnoti prasādaṃ cādhigacchati /
kundaprasūnairudayaṃ mocābhirvighnanāśanam

tulasīpatrahomena mahatīṃ kīrtimāpnuyāt /
śālyutthasaktuhomena vaśayedakhilaṃ jagat

madhūkapuṣpairiṣṭaṃ syātstaṃbhanaṃ dhātrikhaṇḍakaiḥ /
dadhimadhvājyamiśrāṃ tu guḍūcīṃ caturaṅgulām

juhuyā dayutaṃ yo 'sau śataṃ jīvati rogajit /
śanaiścaradine 'śvatthaṃ spṛṣṭvā cāṣṭottaraṃ śatam

japejjitvāso 'pamṛtyuṃ śatavarṣāṇi jīvati /
atha te saṃpravakṣyāmi yantraṃ trailokyamohanam

yasya saṃdhāraṇādeva bhaveyuḥsarvasaṃpadaḥ /
śvetabhūrjje likhetpadmaṃ dvātriṃśatsiṃhasaṃyutam

madhye siṃhe svabījaṃ ca likhetpūrvavadeva tu /
śrībījena tu tusaṃvedya valayatrayasaṃyutam

pāśāṅkuśaiśca saṃveṣṭya pūjayedyantramuttamam /
trailokyamohanaṃ nāma sarvakāmārthasādhanam

cakrarājaṃ mahārājaṃ sarvacarkeśvareśvaram /
dhāraṇājjayamāpnoti satyaṃ satyaṃ na saṃśayaḥ

atha yantrāntaraṃ vakṣye śṛṇu nārada siddhidam /
aṣṭāraṃ vilikhedyantraṃ ślakṣṇaṃ karṇikayā yutam

mūlamantraṃ likhettatra praṇavena samanvitam /
ekākṣaraṃ nārasiṃhaṃ madhye caiva sasādhyakam

japedaṣṭasahasraṃ tu sūtreṇāveṣṭya tadbahiḥ /
svarṇaraupyasutāmraiśca veṣṭayetkramataḥ sudhīḥ

lākṣayā veṣṭitaṃ kṛtvā punarmantreṇa mantrayet /
kaṇṭhe bhuje śikhāyāṃ vā dhārayedyantramuttamam

naranārīnaredrāśca sarve syurvaśagā bhuvi /
duṣṭāstaṃ naiva bādhante piśācoragarākṣasāḥ

yantrarājaprasādena sarvatra jayamāpnuyāt /
athānyatsaṃpravakṣyāmi yantraṃ sarvavaśaṅkaram

dvādaśāraṃ mahācakraṃ pūrvavadvilikhetsudhīḥ /
mātrādvādaśasaṃbhinnadalena vilikhedrudhaḥ

madhye mantraṃ śaktiyuktaṃ śrībījena tu veṣṭayeta /
kālāntakaṃ nāma cakraṃ surāsukhaśaṅkaram

cakramullekhayedbhūrje sarvaśatrunivāraṇam /
yasya dhāraṇamātreṇa sarvatra vijayī bhavet

atha sarveṣṭadaṃ jvālāmālisaṃjñaṃ vadāmyaham /
bījaṃ hṛdbhagavānṅeṃto narasiṃhāya tatparam

jvāline māline dīptadaṃṣṭrāya agnine padam /
trāya sarvādirakṣoghnāya ca naḥ sarvabhūpadam

harirvināśanāyānte sarvajvaravināśanaḥ /
nāmānte dahayugmaṃ ca pacadvayamudīrayet

rakṣayugmaṃ ca varmāstraṭhadūyānto dhruvādikaḥ /
aṣṭaṣaṣṭyakṣaraiḥ prokto jvālāmālī manūttamaḥ

puṇyādikaṃ tu pūrvoktaṃ trayodaśabhirakṣaraiḥ /
paṅktibhī rudrāsaṃkhyākairaṣṭādaśabhirakṣaraiḥ

bhānubhiḥ karaṇairmantrī varairaṅgāni kalpayet /
pūrvoktarūpiṇaṃ jvālāmālina nṛhariṃ smaret

lakṣaṃ japo daśāṃśaṃ ca juhuyātkapilāghṛtaiḥ /
raudrāpasmārabhūtādināśako 'yaṃ manūttamaḥ

prāṇo māyā nṛsiṃhaśca sṛṣṭirbrahmāstramīritaḥ /
ṣaḍakṣaro mahāmantraḥ sarvābhīṣṭapradāyakaḥ

munirbrahmā tathā chandaḥ paṅktirdevo nṛkesarī /
ṣaḍdīrghabhājā bījena ṣaḍaṅgāni samācaret

pūrvoktenaiva vidhinā dhyānaṃ pūjāṃ samācaret /
siddhena manunānena sarvasiddhirbhavennṛṇām

ramābījādiko 'nuṣṭuptrayastriṃśārṇavānmanuḥ /
prajāpatirmuniścchando 'nuṣṭup lakṣmīnṛkesarī

devatā caja padaiḥ sarveṇāṅgakalpanamīritam /
vinyasyaivaṃ tu pañcāṅgaṃ svātmarakṣāṃ samācaret

saṃspṛśan dakṣiṇaṃ bāhuṃ śarabhasya manuṃ japet /
praṇavo hṛcchivāryanti mahate śarabhāya ca

vahnipriyānto mantrastu rakṣārthe samudāhṛtaḥ /
athavā rāmamantrānte paraṃ kṣadvitayaṃ paṭhet

athavā keśavādyaistu rakṣāṃ kuryātprayatnataḥ /
keśavaḥ pātu pādau me jaṅghe nārāyaṇo 'vatu

mādhavo me kaṭiṃ pātu govindo guhyameva ca /
nābhiṃ viṣṇuśca me pātu jaṭharaṃ madhusūdanaḥ

ūrū trivikramaḥ pātu hṛdayaṃ pātu me naraḥ /
śrīdharaḥ pātu kaṇṭhaṃ ca hṛṣīkeśo mukhaṃ mama

padmanābhaḥ stanau pātu śīrṣaṃ dāmodaro 'vatu /
evaṃ vinyasya cāṅgeṣu japakāle tu sādhakaḥ

nirbhayo jāyate bhūtavetālagraharākṣasāt /
punarnyasetprayatnena dhyānaṃ kurvansamāhitaḥ

purastātkeśavaḥ pātuḥ cakrī jāṃbūnadaprabhaḥ /
paścānnārāyaṇaḥ śaṅkhī nīlajīmūtasannibhaḥ

urddhvamindīvaraśyāmo mādhavastu gadādharaḥ /
givindo dakṣiṇe pārśve dhanvī candraprabho mahān

uttare haladhṛgviṣṇuḥ padmakiñjalkasannibhaḥ /
āgneyyāmaravindākṣo musalīmadhusūdanaḥ

trivikramaḥ khaḍgapāṇirnairṛtyāṃ jvalanaprabhaḥ /
vāyavyāṃ mādhavo vajrī taruṇādityasannibhaḥ

aiśānyāṃ puṇḍarīkākṣaḥ śrīdharaḥ paṭṭiśāyudhaḥ /
vidyutprabho hṛṣīkeśa urddhū pātu samudgaraḥ

adhaśca padmanābho me sahasrāṃśusamaprabheḥ /
sarvāyudhaḥ sarvaśaktiḥ sarvādyaḥ sarvatomukhaḥ

indragopaprabhaḥ pāyātpāśahasto 'parājitaḥ /
sa bāhyābhyantare dehamavyāddāmo daro hariḥ

evaṃ sarvatra niśchidraṃ nāma dvādaśapañjaram /
praviṣṭo 'haṃ na me kiñcidbhayamasti kadācana

evaṃ rakṣāṃ vidhāyātha durddharṣo jāyate naraḥ /
sarveṣu nṛharermantravargeṣvevaṃ vidhirmataḥ

pūrvoktavidhinā sarvaṃ dhyānapūjādikaṃ caret /
jitaṃ te puṇḍarīkākṣa namaste viśvabhāvana

namaste 'stu hṛṣīkeśa mahāpuruṣa te namaḥ /
itthaṃ saṃprārthya japtvā ca paṭitvā visṛjedvibhum

evaṃ siddhe manau mantrī jāyate sampadāṃ padam /
jayadvayaṃ śrīnṛsiṃhetyaṣṭārṇo 'yaṃ manūttamaḥ

munirbrahmātha gāyatrī chandaḥ prokto 'sya devatā /
śrīmāñjayanṛsiṃhastu sarvābhīṣṭapradāyakaḥ

seṃdugorvidapūrveṇa viyatā sendunā punaḥ /
ṣaḍvīrghāḍhye na kurvīta ṣaḍaṅgāni viśāladhīḥ

tato dhyāyeddhṛdi vibhuṃ nṛsiṃhaṃ candraśekharam

śrīmannṛkesaritano jagadekabaṃndho śrīnīlakaṇṭha karuṇārṇave sāmarāja /
vahnīndutīvrakaranetra pinākapāṇe śītāṃśuśekhara rameśvara pāhi viṣṇo

dhyātvaivaṃ prapellakṣāṣṭakaṃ mantrī daśāṃśataḥ /
sājyena pāyasānnena juhuyātprāgvadarcanam

tāro māyā svabījānte karṇograṃ vīramīrayet /
mahāviṣṇu tato brūyājjvalantaṃ sarvatomukham

sphuraddvayaṃ prasphureti dvayaṃ ghorapadaṃ tataḥ /
vadeddhorataraṃ te tu tanurūpaṃ ca ṭhadvayam

pracaṭadvayamābhāṣya kahayugma ca madvayam /
bandhadvayaṃ ghātayeti dvayaṃ varmāstramīrayet

nṛsiṃhaṃ bhīṣaṇaṃ bhadraṃ mṛtyumṛtyuṃ namāmyaham /
pañcāśītyakṣaro mantro bhajatāmiṣṭadāyakaḥ

ṛṣī hyaghorabrahmaṇau tathā triṣṭubanuṣṭubhau /
chandasī ca tathā ghoranṛsiṃho devatā mataḥ

dhyānārcanādikaṃ cāsya kuryādānuṣṭubhaṃ sudhīḥ /
viśeṣānmantravaryo 'yaṃ sarvarakṣākaro mataḥ

bījaṃ jayayugaṃ paścānnṛsiṃhetyaṣṭavarṇavān /
ṛṣiḥ prajāpatiścāsyānuṣṭupchanda udāhṛtam

vidāraṇanṛsiṃho 'sya devatā parikīrtitaḥ /
jaṃ bījaṃ haṃ tathā śaktirviniyogo 'khilāptaye

dīrghāḍhyena nṛsiṃhena ṣaḍaṅganyāsamācaret /
raudraṃ dhyāyennṛsiṃhaṃ tu śatruvakṣo vidāraṇam

nakhadaṃṣṭrāyudhaṃ bhaktābhayada śrīniketanam /
taptahāṭakakeśāntajvalaptāvakalocanam

vajrādhikanakhasparśa divyasiṃha namo 'stu te /.
munirbrahmā samākhyāto 'nuṣṭupchandaḥ samīritaḥ

devatāsya ragadārṇasya divyapūrvo nṛkesarī /
pādaiścaturbhiḥ sarveṇa pañcāṅgāni samācaret

dhyānapūjādikaṃ sarvaṃ prāgvatproktaṃ munīśvara /
pūrvoktāni ca sarvāṇi kāryāṇyāyānti siddhatām

tāro namo bhagavate narasiṃhāya hṛñca te /
jastejase āvirāvirbhava vajranakhāntataḥ

vrajadaṃṣṭreti karmānte tvāsayākrandayadvayam /
tamo grasadvayaṃ paścātsvāhānte cābhayaṃ tataḥ

ātmanyante ca bhūyiṣṭā dhruvo bījāntimo manuḥ /
dviṣaṣṭyarmo 'sya munyādi sarvaṃ pūrvavadīritam

tāro nṛsiṃhabījaṃ ca namo bhagavate tataḥ /
narasiṃhāya tāraśca bījamasya yadā tataḥ

rūpāya tāraḥ svarbījaṃ kūrmarūpāya tārakam /
bījaṃ varāharūpāya tāro bīja nṛsiṃhataḥ

rūpāya tāra svaṃ bījaṃ vāmanānte ca rūpataḥ /
pāpadhruvatrayaṃ bījaṃ rāmāya nigamāditaḥ

bījaṃ kṛṣṇāya tārānte bījaṃ ca kalkine tataḥ /
jayadvayaṃ tataḥ śālagrāmānte ca nivāsine

divyasiṃhāya ṅentaḥ syātsvayaṃbhūḥ puruṣāya hṛt /
tāraḥ svaṃ bījamityeṣa mahāsāmrājyadāyakaḥ

nṛsiṃhamantraḥ khāṅkārṇo muniratriḥ prakīrtitaḥ /
chando 'tijagatī proktaṃ devatā kathitā manoḥ

daśāvatāro nṛhariṃ bījaṃ khaṃ śaktiravyayaḥ /
ṣaḍūdīrghāḍhyena bījena kṛtvāṅgāni ca bhāvayet

anekacandrapratimo lakṣmīmukhakṛtekṣaṇaḥ /
daśāvatāraiḥ sahitastanotu nṛhariḥ sukham

japo 'yutaṃ daśāṃśena homaḥ syātpāyasena tu /
prāgukte pūjayetpīṭhe mūrtisaṃkalpya mūlataḥ

aṅgānyādau ca matsyādyāndigdaleṣu tator'cayet /
indrādyānapi vajrādyānsampūjyeṣṭamavāpnuyāt

sahasrārṇaṃ mahāmantraṃ vakṣye tantreṣu gopitam /
tāro māyā ramā kāmo bījaṃ krodhapadaṃ tataḥ

mūrte nṛsiṃha śabdānte mahāpuruṣa īrayet /
pradhānadharmādharmānte nigaḍetipadaṃ vadet

nirmocanānte kāleti tatataḥ puruṣa īrayet /
kālāntakasadṛktoyaṃ sveśvarānte sadṛgjalam

śrāntānte tu niviṣṭeti caitanyacitsadā tataḥ /
bhāsakānte tu kālādyatītanityoditeti ca

udayāstamayākrāntamahākāruṇiketi ca /
hṛdayābjacatuścoktā dalānte tu niviṣṭitaḥ

caitanyātmaṃścaturāmandvādaśātmaṃstataḥ param /
caturviṃśātmannante tu pañcaviṃśātmannityapi

bako hariḥ sahasrānte mūrte ehyehi śabdataḥ /
bhagavannṛsiṃhapuruṣa krodheśvara rasā saha

sravanditānte pādeti kalpāntāgnisahasra ca /
koṭyābhānte mahādeva nikāyadaśaśabdataḥ

śatayajñātalaṃ jñeyaṃ tataścāmalayugmakam /
piṅgalekṣaṇasaṭādaṣṭrā daṃṣṭrāyudha nakhāyudha

dānavendrāntakāvahniṇaśoṇitapadaṃ tataḥ /
saṃ saktivigrahānte tu bhūtāpasmārayātudhān

surāsuravandyamānapādapaṅkajaśabdataḥ /
bhagavanvyomacakreśvarānte tu prabhavāpyaya

rūpeṇottiṣṭa cottiṣṭa avidyānicayaṃ daha /
daha jñānaiśvaryamante prakāśayayugaṃ tataḥ

oṃ sarvajña aroṣānte jaṃbhājṛṃbhyavatārakam /
satyapuruṣa śabdānte sadasanmadhya īrayet

niviṣṭaṃ mama duḥsvapnabhayaṃ nigaḍaśabdataḥ /
bhayaṃ kāntāraśabdānte bhayaṃ viṣapadāttataḥ

jvarānte ḍākinī kṛtyādhvarevatībhayaṃ tataḥ /
aśanyante bhayaṃ durbhikṣabhayaṃ mārīśabdataḥ

bhayaṃ mārīcaśabdānte bhayaṃ chāyāpadaṃ tataḥ /
skandāpasmāraśabdānte bhayaṃ caurabhayaṃ tataḥ

jalasvapnāgnibhayaṃ gajasiṃhabhujaṅgagataḥ /
bhayaṃ janmajarānte maraṇādiśabdamīrayet

bhayaṃ nirmocayayugaṃ praśamayayugaṃ tataḥ /
jñeyarūpadhāraṇānte nṛsiṃhabṛhatsāmataḥ

puruṣānte sarvabhayanivāraṇapadaṃ tataḥ /
aṣṭāṣṭakaṃ catuḥṣaṣṭi ceṭikābhayamīrayet

vidyāvṛtastrayastriṃśaddevatākoṭiśabdataḥ /
namitānte padapadātpaṅkajānvita īrayet

saha sravadanānte tu sahasrodara saṃvadet /
sahasrekṣaṇaśabdānte sahasrapādamīrayet

sahasrabhuja saṃprocya sahasrajihva saṃvadet /
sahastānte lalāṭeti sahasrāyudhato dharāt

tamaḥprakāśaka puramathanānte tu sarva ca /
mantrerājeśvarapadādvihāyasagatiprada

pātālagatipradānte yantramarddana īrayet /
ghorāṭṭahāsahasitaviśvāvāsapadaṃ tataḥ

vāsudeva tato 'krūra tato hayamukheti ca /
paramahaṃsa viśveśa viśvānte tu viḍaṃbana

niviṣṭānte tataḥpradurbhāvakāraka īrayet /
hṛṣīkeśa ca svacchanda niḥśeṣajīva vinyaset

grāsakānte mahā paścātpiśitāsṛgitīrayet /
laṃpaṭānte khecarīti siddhyateṃ tu pradāyaka

ajeyāvyaya avyakta brahmāṇḍodara ityapi /
tato brahmasahasrānte koṭisragruṇḍaśabdataḥ

māla paṇḍitamuṇḍeti matsya kūrmaṃ tataḥ param /
varāhānte nṛsiṃheti vāmanānte samīrayet

trailokyākramaṇānte tu pādaśālika īrayet /
rāmatraya tato viṣṇurūpānte dhara eva ca

tattvatrayānte praṇavādhāratastacchikhāṃ padam /
niviṣṭavahnijāyānte svadhā caiva tato vaṣaṭ

netra varmāstramuñcāryya prāṇādhāra itariyet /
ādidevapadātprāṇāpānapaścānniviṣṭitaḥ

pāñcarātrika ditija vinidhanānte kareti ca /
mahāmāyā amoghānte daryaṃ daityandraśabdataḥ

daryānte dalanetyuktā tejorāśin dhruvaṃ smaraḥ /
tejasvarānte puruṣapaṃṅeṃte satyapūruṣa

astratāro 'cyutāstraṃ ca tāro vācā sudeva phaṭ /
tāramāyāmūrteḥ phaṭ vaḥ kāmaḥ svarādimaḥ

mūrtestramavyayobījaṃ viśvamūrtestrimavyayaḥ /
māyāviśvātmane ṣaṭ ca tāraḥ saucaṃ turātmane

phaṭ tārohaṃ viśvarūpinnastraṃ ca tadanantaram /
tārauhnaiparamānte tu hraṃsaphaṭpraṇavastataḥ

hraḥ hiraṇaayagarbharūpa dhāraṇānte ca phaṭ dhruvaḥ /
hraiṃ anaupamyarūpadhāriṇāstraṃ dhruvastataḥ

kṣaiṃ nṛsiṃharūpadhārin oṃ klaṃ ślaśca svarādikaḥ /
ṣṭāṅgavinyāsavinya stamūrtidhāriṃstataśca phaṭ

hrau nisargasiddhyaikarūpadhāriṃstataśca phaṭ /
tāro varmatrayaṃ saṃkaraṃ vaṃ cāmukamastakam

khaṇḍadvayaṃ khāda yetidvayaṃ klīṃ sādhyamānaya /
dvayaṃ tato mahātmansyānsamyagdarśayayugmakam

ṣaḍdīrghāḍyāṃ svabījaṃ ca kṣapitānte tu kalmaṣa /
uttarāyaṃ dvayaṃ pañcabāṇabījāni voñcaret

nṛsiṃhānte tato jvālātmane svāhā samīrayet /
nṛsiṃhānte tataḥ kālātmane svāhā dhruvastataḥ

khabījaṃ kāmabījaṃ ca lakṣmībījadvayaṃ tataḥ /
māyātārāntimo mantraḥ sahasrākṣarasaṃmitaḥ

kapilo 'sya muniśchando jagatī devatā punaḥ /
śrīlakṣmīrnṛharirbījaṃ kṣaiṃ śaktirvahnivallabhā

śveto varṇa udāttaśca svaraḥ prokto manīṣibhiḥ /
kṣetraṃ ca paramātmā tu viniyogo 'khilātpaye

kṣaḥ sahasrabāhavente sahasrāyudhadharāya ca /
nṛsiṃhāntaṃ vahnijāyāstrāyaphaṭū mantra īritaḥ

anena karaśuddhiṃ ca kṛtvāṅgāni samācaret /
tāraḥ kṣāṃ ca sahasrānte kṣaraśabdādvijṛṃbhitam

nṛsiṃhāyāgnijāyānto hṛdaye manurīritaḥ /
māraḥ kṣīṃ ca mahātenuṃ prabhānte vikareti ca

nṛsiṃhāyāgnijāyānte śiromantraḥ prakīrtitaḥ /
tāraḥ kṣūṃ taptayaṃhāyaścādṛkkeśānta īrayet

jvalatyāvakalo mūrmo dīrghā vajrādhiketi ca /
nakha sparśāddivyasiṃha namo 'stu bhagavan hariḥ

mahādhvasta jagadrūpa nṛsiṃhāya dvayandvayam /
anena ca śikhā proktā kavacaṃ tadanantaram

tāraḥ kṣaiṃ ca suvarṇaṃ te madamattapadaṃ tataḥ /
vihvalitanṛsiṃhāya svāhāntaṃ kavacaṃ smṛtam

tāraḥ rkṣau ca sahasrākṣa viśvasrākṣa viśvarūpapadaṃ vadet /
dhāraṇegni priyānto 'yaṃ netramantraḥ prakīrtitaḥ

tāro kṣaśca sahasrānte vārāvepadamīrayet /
sahasrānte yudhāyāthaṃ nṛsiṃhāyāgnisuṃdarī

astramantraḥ samākhyātastato dhyāyennṛkesarī /
udyadarkasahasrābhaṃ trīkṣaṇaṃ bhīsabhūṣaṇam

sutīkṣṇāgrabhujo daṇḍairdaityadāraṇakaṃ smaret /
evaṃ dhyātvā japenmantrī sahasraṃ pāyena caga

ājyaplutena juhuyātsamyaksiddho bhavenmanuḥ /
prāgukte vaiṣṇave pīṭhe mūrtiṃ saṃkalpya mūlataḥ

saṃpūjya nṛhariṃ paścādādāvaṅgāni pūjayet /
cakra śaṅkhaṃ ca pāśaṃ vāṅkuśaṃ kuliśameva ca

gadākṛpāṇikṣveḍāni daleṣu paripūjayet /
lokeśānapi vajrādyānpūjayettadanantaram

evaṃ siddhe manau mantrī prayogānkartumarhati /
bhasmābhimantritaṃ kṛtvā grahagrastaṃ vilepayet

bhasmasaṃlepanādeva sarvagrahavināśanam /
anenaiva vidhānena yakṣarākṣasakinnaraḥ

bhūtapretapiśācāśca naśyantyeva na saṃśayaḥ /
parābhicārakṛtyāni manunānena mantritam

bhasma saṃlepayetsadyo durādharṣo bhavennaraḥ /
sudine sthāpayetkumbhe sarvatobhadramaṇḍale

tīrthatoyena saṃpūrya japedaṣṭottaraṃ śatam /
tenābhiṣikto manujaḥ sarvāpattiṃ tared dhruvam

kiṃ bahūktena sarveṣṭadāyako 'yaṃ manūttamaḥ /
vajranakhāya vidmahe tīkṣṇadaṃṣṭrāya dhīmahi /
tanno nṛsiṃhaḥ śabdānte vadeṃścaiva pracodayāt

eṣā nṛsiṃhagāyatrī sarvābhīṣṭapradāyinī /
etasyāḥ smaraṇādeva sarvapāpakṣayo bhavet