નારદ પુરાણ · અધ્યાય 1.69

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને તૃતીયપાદે ગણેશમન્ત્રવિધાનનિરૂપણં નામાષ્ટષષ્ટિતમો ઽધ્યાયઃ
સનત્કુમાર ઉવાચ
અથ વક્ષ્યે ત્રયીમૂર્તેર્વિધાનં ત્વબ્જિનીપતેઃ ।
મન્ત્રાણાં યત્સમારાધ્ય સર્વેષ્ટં પ્રામુયાહૃવિ

તારો રેચિકયા યુક્તો મેધાનેત્રયુતા રતિઃ ।
સસર્ગા બામકર્ણોઢ્યો ભૃગુર્વઢ્યાસનો મરુત્

શેષોદિત્ય ઇતિ પ્રોક્તો વસ્વર્ણો ભુક્તિમુક્તિદઃ ।
દેવભાગો મુનિશ્છન્દો ગાયત્રી દેવતા રવિઃ

માયા વીજં રમા શક્તિર્દૃષ્ટાદૃષ્ટે નિયોગકઃ ।
સત્યાય હૃદયં પશ્ચાદ્બ્રહ્મણે શિર ઈરિતમ્

વિષ્ણવે તુ શિખાવર્મ રુદ્રાય પરિકીર્તિતમ્ ।
નેત્રં સ્યાદગ્રયે પશ્ચાત્શર્વાયાસ્રમુદાહૃતમ્

નેત્રો જ્વાલા મનો હું ફટ્સ્વાહાન્તા મનવો ગણાઃ ।
પુનઃ ષડર્ણૈર્હ્રી લક્ષ્મ્યાઃ કૃત્વાન્તઃ સ્થૈઃ ષડઙ્ગકમ્

શિષ્ટારૌજઠરે પૃષ્ટે તયોર્ઙેંતાખ્યયા ન્યસેત્ ।
આદિત્યં ચ રવિં પશ્ચાદ્ભાનું ભાસ્કરમેવ ચ

સૂર્યં ચ મૂર્ધ્નિ વદને હૃદિ ગુહ્યે ચ પાદયોઃ ।
સદ્યાદિપઞ્ચ હ્રસ્વાદ્યાન્ ન્યસેન્ઙેં હૃદયોંઽતિમાન્

હ્રીં રમામધ્યગામષ્ટૌ વર્ણાંસ્તારાદિકાન્ન્યસેત્ ।
મૂર્દ્ધાસ્યકણ્ઠહૃત્કુક્ષિનાભિલિઙ્ગગુદેષુ ચ

સચન્દ્રસ્વરપૂર્વં તુ ઙેતં શીતાંશુમણ્ડલમ્ ।
મૂર્દ્ધાદિકણ્ઠપર્યન્તં ન્યસેઞ્ચાન્દ્રિમનુસ્પ્રરન્

સ્પર્શાન્સેંદૂન્સમુઞ્ચાર્ય ઙેંતં ભાસ્કરમણ્ડલમ્ ।
ન્યસેત્કણ્ઠાદિનાભ્યન્તં ધ્યાયન્પ્રદ્યોતનં હૃદિ

યાદીન્સચન્દ્રાનુઞ્ચાર્ય ઙેતં ચ વહ્નિમણ્ડલમ્ ।
નાભ્યાદિપાદપર્યન્તં ન્યસેદ્વહ્નિમનુસ્મરન્

પ્રોક્તો ઽયં મણ્ડલન્યાસો મહાતેજોવિધાયકઃ ।
આદિઠાન્તાર્ણપૂર્વં ઙેંનમોન્તં સોમમણ્ડલમ્

મૂર્દ્ધાદિહૃદયાન્તં તુ વિન્યસેત્સાધકોત્તમઃ ।
ડકારાદિક્ષકારાન્તવર્ણાદ્યં પહ્નિમણ્ડલમ્

ઙેંતં હૃદાદિપાદાન્તં વિન્યસેત્સુસમાહિતઃ ।
અગ્રીષોમાત્મકો ન્યાસઃ કથિતઃ સર્વસિદ્ધિદઃ

ન્યસેત્સેંદૂન્માતૃકાર્ણાઞ્જયાન્તપુરુષાત્મને ।
નમોન્તે વ્યાપકં મન્ત્રી હંસ્નયાસો ઽયમીરિતઃ

અષ્ટાવષ્ટૌ સ્વરાઞ્શેષાન્પઞ્ચપઞ્ચ મિતાન્પુનઃ ।
ઉક્તાદિત્યમુખાનેતાન્વિન્યસેઞ્ચ નવગ્રહાન્

આધારલિઙ્ગયોર્નાભૌ હૃદિ કણ્ઠે મુખાન્તરે ।
ભ્રૂમધ્યે ચ તથા ભાલે બ્રહ્મરઙ્ઘ્રે ન્યસેત્ક્રમાત્

હંસાખ્યમગ્નીષોમાખ્યં મણ્ડલત્રયમેવ ચ ।
પુનર્ન્યાસત્રયં કુર્યાન્મૂલેન વ્યાપકં ચરેત્

એવં ન્યાસવિધિં કૃત્વા ધ્યાયેત્સૂર્યં હૃદબુજે ।
દાનાભયાબ્જયુગલં ધારયન્તં કરૈ રવિમ્

કુણ્ડલાં ગદકેયૂરહારિણં ચ ત્રયીતનુમ્ ।
ધ્યાત્વૈવં પ્રજપેન્મન્ત્રી વસુલક્ષં દશાંશતઃ

રક્તાંભોજૈસ્તિલૈર્વાપિ જુહુયાદ્વિધિવદ્વસૌ ।
પ્રથમં પીઠયજને ધર્માદીનાં સ્થલે યજેત્

પ્રભૂતં વિમલં શારં સમારાધ્યમનન્તરમ્ ।
પરમાદિમુખં મધ્યે ખબિંબાન્તં પ્રપૂજયેત્

સોમાગ્નિમણ્ડલં પૂજ્યરવિમણ્ડલમર્ચયેત્ ।
દીપ્તા સૂક્ષ્મા જયા ભદ્રા વિભૂતિર્વિમલા તથા

અમોઘા વિદ્યુતા સર્વતોમુખી પીઠશક્તયઃ ।
હ્રસ્વત્રયોક્તિજાઃ ક્લીબહી ના વહ્નીન્દુસંયુતાઃ

સ્વરા બીજાનિ શક્તીનાં તદાદ્યાઃ પૂજયેત્તુઃ તાઃ ।
બ્રહ્મવિષ્ણુશિવાત્મા તે સૃષ્ટિઃ શેષાન્વિતાપ્યસૌ

એવં ચાન્તે યોગ પીઠાત્મને હૃદયમીરયેત્ ।
તારાદ્યો ઽયં પીઠમન્ત્રસ્ત્વનેનાસનમાદિશેત્

ધ્રુવો વિયદ્બિન્દુયુતં ખં ખખોલ્કાય દૃન્મનુઃ ।
નવાર્ણાય ચ મનવે મૂર્તિં સંકલ્પયેત્સુધીઃ

સાક્ષિણં જગતાં તસ્યામાવાહ્ય વિધિવદ્યજેત્ ।
તતઃ ષડઙ્ગામારાધ્ય દ્વિક્ષ્વષ્ટાઙ્ગં પ્રપૂજયેત્

સંપૂજ્ય મધ્યે વાદિત્યં રવિં ભાનું ચ ભાસ્કરમ્ ।
સૂર્યં દિશાસુ સદ્યાદિપઞ્ચ હ્રસ્વાદિકાનિમાન્

સ્વસ્વનામાદિવર્ણાદ્યાઃ શક્તયોર્ઽચ્યા વિદિક્ષુ ચ ।
ઉષાં પ્રજ્ઞાં પ્રભાં સંધ્યાં તતો બ્રહ્માદિકાન્યજેત્

પુરતો ઽરુણમભ્યર્ચ્ય સોમં જ્ઞં ચ ગુરું ભૃગુમ્ ।
દિક્ષ્વર્યમાદિકાનિષ્ટ્વા ભૂમિજં ચ શનૈશ્ચરમ્

રાહું કેતું ચ કોણેષુ પૂર્વવત્પરિપૂજયેત્ ।
ઇન્દ્રાદ્યાનપિ વજ્રાદ્યાન્પૂજયેત્પૂર્વવત્સુધીઃ

ઇત્થં સંપૂજ્ય વિધિવદ્ભાસ્કરં ભક્તવત્સલમ્ ।
સમાહિતો દિનેશાય દદ્યાદર્ધ્યં દિને દિને

પ્રાણાનાયમ્ય સદ્ભૂમૌ ન્યાસાન્કૃત્વા પુરોદિતાન્ ।
વિધાય મણ્ડલં ભાનોઃ પીઠં પૂર્વવદર્ચયેત્

ધ્યાત્વાર્કં પ્રયજેદ્દ્વિવ્યૈર્માનસૈરુપચારકૈઃ ।
પાત્રં તામ્રમયં પ્રસ્થતોયગ્રાહિ સુશોભનમ્

નિધાય મણ્ડલે રક્તચન્દનાદિવિનિર્મિતે ।
વિલોમમાતૃકામૂલમુઞ્ચરન્પૂરયેજ્જલૈઃ

સૂર્યબિંબવિનિર્ગચ્છત્સુધાંબુધિવિભાવિતૈઃ ।
કુઙ્કુમં રોજનાં રાજીં ચન્દનં રક્તચન્દનમ્

કરવીરં જપાશાલિકુશશ્યામાકતણ્ડુલાન્ ।
તિલવેણુયવાંશ્ચૈવ નિક્ષિપેત્સલિલે શુભે

સાંગં સાવરણં તત્રાવાહ્યાર્કં પૂર્વવદ્યજેત્ ।
ગન્ધપુષ્પધૂપદીપનૈવેદ્યાદ્યૈ ર્વિધાનતઃ

પ્રાણાયામત્રયં કૃત્વા કુર્યાદઙ્ગાનિ પૂર્વવત્ ।
સુધાબીજં ચન્દનેન દક્ષે કરતલે લિખેત્

તેનાચ્છાદ્યાર્ધ્યપાત્રં ચ જપેન્મનુમનન્યધીઃ ।
અષ્ટોત્તરશતાવૃત્ત્યા પુનઃ સંપૂજ્ય ભાસ્કરમ્

હસ્તાભ્યાં પાત્રમાદાય જાનુભ્યામવનીં ગતઃ ।
આમૂર્ધ્નિ પાત્રમુદ્ધૃત્યાંબરેણ વરણે રવેઃ

દૃષ્ટિં ચાધાય મનસા પૂજયિત્વા રવિં પુનઃ ।
સાધકેન સ્વકૈક્યેન મૂલમન્ત્રં ધિયા જપન્

અર્ધ્યં દદ્યાદ્રવિં ધ્યાયવ્રક્તચન્દનમણ્ડલે ।
દત્ત્વા પુષ્પાઞ્જલિં ભૂયો જપેદષ્ટોત્તરં શતમ્

નિત્યં વા તદ્વિને ઽપ્યેવમર્ધ્યં દદ્યાદ્વિવસ્વતે ।
તેન તુષ્ટો દિનેશો ઽસ્મૈ દદ્યાદ્વિત્તં યશઃ સુખમ્

પુત્રાન્પૌત્રાનભીષ્ટં ચ યદ્યત્સર્વં પ્રયચ્છતિ ।
અર્ધ્યદાનમિદં પ્રોક્તમાયુરારોગ્યવર્દ્ધનમ્

ધનધાન્યપશુક્ષેમક્ષેત્રમિત્રકલત્રદમ્ ।
તેજોવીર્યયશઃકીર્તિવિદ્યાવિભવભોગદમ્

ગાયત્ર્યારાધનાસક્તઃ સંધ્યાવન્દનતત્પરઃ ।
એવં મનું જપન્વિપ્રો દુઃખં નૈવાપ્નુયાત્ક્વચિત્

વિકર્તનાય નિર્માલ્યમેવં સંપૂજ્ય દાપયેત્ ।
વિયદ્વહ્નિમરુત્સાદ્યાન્તાર્વીસેંદુસમન્વિતમ્

માર્તણ્ડભૈરવાખ્યં હિ બીજં ત્રૈલોક્યમોહનમ્ ।
બિંબબીજેન પુટિતં સર્વકામફલપ્રદમ્

પૂર્વવત્સકલં ચાન્યદત્ર જ્ઞેયં મનીષિભિઃ ।
ભૃગુર્જલેન્દુમન્વાઢ્યઃ સોમાય હૃદયાન્તિમઃ

ષડક્ષરો મન્ત્રરાજો મુનિરસ્ય ભૃગુર્મતઃ ।
છન્દઃ પઙ્ક્તિસ્તુ સોમો ઽસ્ય દેવતા પરિકીર્તિતા

આદ્યં બીજં નમઃ શક્તિર્વિનિયોગો ઽખિલાપ્તયે ।
ષડ્દીર્ઘેણ સ્વબીજેન ષડઙ્ગાનિ સમાચરેત્

પૂર્ણેદ્વાસ્યં સ્ફટિકભં નીલાલકલસન્મુખમ્ ।
વિભ્રાણમિષ્ટં કુમુદં ધ્યાયેન્મુક્તાસ્રજં વિધુમ્

ઋતુલક્ષં જપેન્મન્ત્રં પાયસેન સસર્પિષા ।
જુહુયાત્તદ્દશાંશેન પીઠે સોમાન્તપૂજિતે

મૂર્તિમૂલેન સંકલ્પ્ય પૂજયેદ્વિધિવદ્વિધુમ્ ।
કેસરેષ્વઙ્ગપૂજા સ્યાત્પત્રેષ્વેતાશ્ચ શક્તયઃ

રોહિણી કૃત્તિકા ચૈવ રેવતી ભરણી પુરઃ ।
રાત્રિરાર્દ્રા તતો જ્યેત્સ્ના કલા હારસમપ્રભા

સુશુક્લમાલ્યવસનામુક્તાહારવિભૂષિતાઃ ।
સર્વાઃસ્તનભરાક્રાન્તા રચિતાઞ્જલયઃ શુભાઃ

સ્વપ્રિયાસક્તમનસો મદવિભ્રમમન્થરાઃ ।
સમભ્યર્ચ્યાઃ સરોજાક્ષ્યઃ પૂર્ણેન્દુસદૃશાનનાઃ

દલાગ્રેષુ સમભ્યર્ચ્યાસ્ત્વષ્ટૌ સૂર્યાદિકા ગ્રહાઃ ।
આદિત્યભૂસુતબુધમન્દદેવેજ્યરાહવઃ

શુક્રકેતુયુતા હ્યેતે પૂજ્યાઃ પત્રગ્રગાગ્રહાઃ ।
રક્તારુણશ્વેતનીલપીતધૂમ્રસિતાસિતાઃ

વામોરુન્યસ્તતદ્ધસ્તા દક્ષિણેન ધૃતાભયાઃ ।
સોકપાલાંસ્તદસ્ત્રાણિ તદ્વાહ્યે પૂજયેત્સુધીઃ

એવ સંસાધિતો મન્ત્રઃ પ્રયચ્છેદિષ્ટમાત્મનઃ ।
પૌર્ણમાસ્યાં જિતાહારો દદ્યાદર્ધ્યં વિધૂદયે

મણ્ડલત્રિતર્યં કુર્યાત્પ્રાક્પ્રત્યગાયતં ભુવિ ।
પશ્ચિમે મણ્ડલે સ્થિત્વા પૂજાદ્રવ્યં ચ મધ્યમે

સંસ્થાપ્ય સોમમન્યસ્મિન્મણ્ડલે ઽબ્જસમન્વિતે ।
સમભ્યર્ચ્યં વિધાનેન પીઠપૂજનપૂર્વકમ્

સ્થાપયેદ્રાજતં પાત્રં પુરતસ્તત્ર મન્ત્રવિત્ ।
સુરભીપયસાપૂર્ય્ય તં સ્પૃશન્પ્રજપેન્મનુમ્

અષ્ટોત્તરશતં પશ્ચાદ્વિદ્યા મન્ત્રેણ મન્ત્રવિત્ ।
દદ્યાન્નિશાકરાયાર્ધ્યં સર્વાભીષ્ટાર્થસિદ્ધયે

કુર્યાદનેન વિધિના પ્રતિમાસમતન્દ્રિતઃ ।
વષાન્તરેણ સવષ્ટં પ્રાપ્નોતિ ભુવિમાનવઃ

વિદ્યે વિદ્યામાલિનિ સ્યાદન્ત ચન્દ્રિણિ કતવદેત્ ।
ચન્દ્રમુખિ દ્વિઠાન્તો ઽયં વિદ્યામન્ત્ર ઉદાહૃતઃ

એવં કુમુદિનીનાથમન્ત્રં યો જપતિ ધ્રુવમ્ ।
ધનં ધાન્યં સુતાન્પૌત્રાન્સૌભાગ્યં લભતે ઽચિરાત્

અથાઙ્ગારકમન્ત્રં તુ વક્ષ્યે ધનસુતપ્રદમ્ ।
તારો દીર્ઘેન્દુયુગ્વ્યોમ તદેવેન્દુયુતઃ પુનઃ

ષાન્તઃ સર્ગી ચ ચણ્ડીશૌ ક્રમાર્દિદુવિસર્ગિણૈ ।
ષડર્ણો ઽયં મહામન્ત્રો મઙ્ગલસ્યાખિલેષ્ટદઃ

વિરૂપાક્ષો મુનિશ્છન્દોગાયત્રં દેવતા કુજઃ ।
મન્ત્રાર્ણૈઃ ષડ્ભિરઙ્ગાનિ ક્રુર્વન્ધ્યાયેદ્ધરાત્મજમ્

મેષસ્થં રક્તવસ્રાઙ્ગં શૂલશક્તિગદાવરાન્ ।
કરૈર્બિભ્રાણમીશાનસ્વેદજં ભૂંસુતં સ્મરેત્

રસલક્ષં જપેન્મન્ત્રં દશાંશં ખદિરોદ્ભવૈઃ ।
સમિદ્ભિર્જુહુયાદગ્નૌ શૈવે પીઠે યજેત્કુજમ્

પ્રાગઙ્ગાનિ સમારાધ્ય હ્યેકવિંશતિકોષ્ટકમ્ ।
મઙ્ગલોભૂમિપુત્રશ્ચ ઋણહર્તા ધનપ્રદઃ

સ્થિરાસનો મહાકાયઃ સર્વકર્માવરોધકઃ ।
લોહિતો લોહિતાક્ષશ્ચ સામગાનાં કૃપાકરઃ

ધરાત્મજઃ કુજો ભૌમો ભૂમિદો ભૂમિનન્દનઃ ।
અઙ્ગારકો મહીસૂનુઃ સર્વરોગાપહારકઃ

વૃષ્ટિકર્તા વૃષ્ટિહર્તા સર્વકાર્યાર્થસિદ્ધિદઃ ।
ઇત્યેક ર્વિશતિઃ પ્રોક્તા મૂર્તયો ભૂસુતસ્ય વૈ

મઙ્ગલાદીન્યજેન્મન્ત્રી સ્વસ્વસ્થાનસ્થિતાન્ક્રમાત્ ।
ઇન્દ્રાદ્યાનપિ વજ્રાદીનેવં સિદ્ધો ભવેન્મનુઃ

સુતકામા કુરઙ્ગાક્ષી ભૌમવ્રતમુપાચરેત્ ।
માર્ગશીર્ષે ઽથ વૈશાખે વ્રતારંભઃ પ્રશસ્યતે

અરુણોદયવેલાયામુત્થાયાવશ્યકં પુનઃ ।
વિનિર્વર્ત્ય રદાન્ધાવેદપામાર્ગેણ વાગ્યતા

સ્નાત્વા રક્તાંબરધરા રક્તમાલ્યવિલેપના ।
નૈવેદ્યાદીંશ્ચ સંભારાન્રક્તાન્સર્વાન્પ્રકલ્પયેત્

યોગ્યં વિપ્રં સમાહૂય કુજમર્ચેત્તદાજ્ઞયા ।
રક્તગોગોમયાલિપ્તભૂમૌ રક્તાસને વિશેત્

આચમ્ય દેશકાલૌ ચ સ્મૃત્વા કામ્ય સમુચ્ચરન્ ।
મઙ્ગલાદીનિ નામાનિ સ્વકીયાઙ્ગેષુ વિન્યસેત્

મુખે પ્રવિન્યસેત્સાધ્વી સામગાનાં કૃપાકરમ્ ।
ધરાત્મજં નસોરક્ષ્ણોઃ કુજં ભૌમં લલાટકે

ભૂમિદં તુ ભ્રુવોર્મધ્યે મસ્તકે ભૂમિનન્દનમ્ ।
અઙ્ગારકં શિખાયાં ચ સર્વાઙ્ગે ચ મહીસુતમ્

બાહુદ્વયે ન્યસેત્પશ્ચાત્સર્વરોગાપહારકમ્ ।
મૂર્દ્ધાદિ વૃષ્ટિકર્તારમાપાદાન્તં ન્યસેત્સુધીઃ

વિન્યસેદ્રૃષ્ટિહર્તારં મૂર્દ્ધાન્તં ચરણાદિતઃ ।
ન્યસેદન્તે તતો દિક્ષુ સર્વકાર્યાર્થસિદ્ધિદમ્

નાભૌ હૃદિ શિરસ્યારં વક્રે ભૂમિજમેવ ચ ।
વિન્યસ્યૈવં નિજે દેહે ધ્યાયેત્પ્રાગ્વદ્ધરાત્મજમ્

માનસૈરુપચારૈશ્ચ સંપૂજ્યાર્ધ્યં નિધાપયેત્ ।
એકવિંશતિકોષ્ઠાઢ્યે ત્રિકોણે તામ્રપત્રગે

આવાહ્યાઙ્ગારકં તત્ર રક્તપુષ્પાદિભિર્યજેત્ ।
અઙ્ગાનિ પૂર્વમારાધ્ય મઙ્ગલાદીન્પ્રપૂજયેત્

એકવિંશતિકોષ્ઠેષુ ચક્રમારં ચ ભૂમિજમ્ ।
ત્રિકોણેષુ ચ સમ્પૂજ્ય બહિરષ્ટૌ ચ માતૃકાઃ

ઇન્દ્રાદીનથ વજ્રાદીન્બાહ્યે સંપૂજયેત્પુનઃ ।
ધૂપદીપૌ સમર્પ્યાથ ગોધૂમાન્નં નિવેદયેત્

તામ્રપાત્રે શુદ્ધતોયપૂરિતે રક્તચન્દનમ્ ।
રક્તપુષ્પાક્ષતફલાન્યાક્ષિપ્યાર્ધ્યં સમર્પયેત્ ।
મઙ્ગલાય તતો મન્ત્રી ઇદં મન્ત્રદ્વયં પઠેત્

ભૂમિપુત્ર મહાતેજઃ સ્વેદોદ્ભવપિનાકિનઃ ।
સુતાર્થિની પ્રપન્ના ત્વાં ગૃહાણાર્ધ્યં નમો ઽસ્તુ તે

રક્તપ્રવાલસંકાશ જપાકુસુમસન્નિભ ।
મહીસુત મહાભાગ ગૃહાણાર્ધ્યં નમો ઽસ્તુ તે

એકવિંશતિપૂર્વોક્તૈર્ઙેનમોન્તૈંશ્ચ નામભિઃ ।
તારાદ્યૈઃ પ્રણમેત્પશ્ચાત્તાવત્યશ્ચ પ્રદક્ષિણાઃ

ધરણીગર્ભસંભૂતં વિદ્યુત્તેજઃ સમપ્રભમ્ ।
કુમારં શક્તિહસ્તં ચ મઙ્ગલં પ્રણમામ્યહમ્

તતો રેખાત્રયં કુર્યાત્ખદિરાઙ્ગારકેણ ચ ।
માર્જયેદ્વામપાદેન મન્ત્રાભ્યાં ચ સમાહિતા

દુઃખદૌર્ભાગ્યનાશાય પુત્રસંતાનહેતવે ।
કૃતરેખાત્રયં વામપાદેનૈતત્પ્રમાર્જ્મ્યહમ્

ઋણદુઃ ખવિનાશાય મનોભીષ્ટાર્થસિદ્ધિયે ।
માર્જયામ્યસિતા રેખાસ્તિસ્રો જન્મત્રયોદ્ભવાઃ

સ્તુવીત ધરણીપુત્રં પુષ્પાઞ્જલિકરા તતઃ ।
ધ્યાયન્તી તત્પદાંભોજં પૂજાસાંગત્વસિદ્ધયે

ઋણહર્ત્રે નમસ્તુભ્યં દુઃખદારિદ્રયનાશિને ।
સૌભાગ્યસુખદો નિત્યં ભવ મે ધરણીસુત

તપ્તકાઞ્ચનસંકાશ તરુણાર્કસમપ્રભ ।
સુખસૌભાગ્યધનદ ઋણદારિદ્ષનાશક

ગ્રહરાજ નમસ્તે ઽસ્તુ સર્વકલ્યાણકારક ।
પ્રસાદં કુરુ દેવેશ સર્વકલ્યાણભાજન

દેવદાનવગન્ધર્વયક્ષરાક્ષસપન્નગાઃ ।
આપ્નુવન્તિ શિવં સર્વે સદા પૂર્ણમનોરથાઃ

આચિરાદેવ લોકે ઽસ્મિન્યસ્યારાધનતો જનાઃ ।
પ્રાપ્નુવન્તિ સુખં તસ્મૈ નમો ધરણિસૂનવે

યો વક્રગતિમાપન્નો નૃણાં દુઃખં પ્રયચ્છતિ ।
પૂજિતઃ સુખસૌભાગ્યં તસ્મૈ ક્ષ્માસૂનવે નમઃ

નભસિ દ્યોતમાનાય સર્વકલ્યાણહેતવે ।
મઙ્ગલાય નમસ્તુભ્યં ધનસંતાનહેતવે

પ્રસાદં કુરુ મે ભૌમમઙ્ગલપ્રદ મઙ્ગલ ।
મેષવાહન રુદ્રાત્મન્દેહિ પુત્રાન્ધનં યશઃ

એવં સ્તુત્વા પ્રણમ્યાથ વિસૃજ્ય ધરણીસુતમ્ ।
યથાશક્ત્યા પ્રદાય સ્વં ગૃહ્ણીયાદ્બ્રણાશિષઃ

ગુરવે દક્ષિણાં દત્ત્વા ભુઞ્જીયાત્તન્નિવેદિતમ્

એવમાવત્સરં કુર્યાત્પ્રતિમઙ્ગલવાસરમ્ ।
તિલૈર્હેમં વિધાયાથ શતાર્દ્ધં ભોજયોદ્દ્વિજાન્

ભૌમમૂર્તિં સ્વર્ણમયીમાચાર્યાય સમર્પયેત્ ।
મણ્ડલસ્થે ઘટે ઽભ્યર્ચ્યેત્સુતસૌભાગ્યસિદ્ધયે

એવં વ્રતપરા નારી પ્રાપ્નુયાત્સુભગાન્સુતાન્ ।
ઋણનાશાય વિત્તાર્થં વ્રતં કુર્યાત્પુમાનપિ

બ્રાહ્મણઃ પ્રજપેન્મન્ત્રંમગ્નિર્મૂર્દ્ધેતિ વૈદિકમ્ ।
અઙ્ગારકસ્ય ગાયત્રીં વક્ષ્યે યજનસિદ્ધયે

અઙ્ગારકાય શબ્દાન્તે વિદ્મહે પદમીરયેત્ ।
શક્તિહસ્તાય વર્ણાન્તે ધીમહીતિ સમુઞ્ચરેત્

તન્નો ભૌમઃ પ્રચોવર્ણાન્દયાન્દિતિ ચ સંવદેત્ ।
ભૌમસ્યૈષા તુ ગાયત્રી જપ્તુઃ સર્વેષ્ટસિદ્ધિદા

ભૌમોપાસનમેતદ્ધિ બુધમન્ત્રમથોચ્યતે ।
ફઆન્તઃ કર્ણેન્દુસંયુક્તો બુધો ઙેંતે હદન્તિમઃ

રસાણોં બુધમન્ત્રો ઽયં મુનિબ્રહ્માસ્ય કીર્તિતઃ ।
પઙ્ક્તિશ્છૈદો દેવતા તુ બુધઃ સર્વેષ્ટદો નૃણામ્

આદ્યં બીજં નમઃ શક્તિર્વિનિયોગો ઽખિલાપ્તયે ।
વન્દે બુધં સદા ભક્ત્યા પીતામ્બરવિભૂષણમ્

જાનુસ્થવામહસ્તાઢ્યં સાભયેતરપાણિકમ્ ।
ધ્યાત્વેવં પ્રજપેસહસ્રં વિજિતેન્દ્રિયઃ

દશાંશં જુહુયાદાજ્યૈઃ પીઠે પૂર્વોદિતેર્ઽચયેત્ ।
અઙ્ગમાતૃદિશાપાલહેતિભિર્બુધમર્ચયેત્

એવં સિદ્ધે મનૌ મન્ત્રી સાધયેત્સ્વમનોરથાન્ ।
સહસ્રં પ્રજપેન્મન્ત્રં નિત્યં દશદિનાવધિ

તસ્યાશુ ગ્રહજા પીડા નશ્યત્યેવ ન સંશયઃ ।
બુધસ્યારાધનં પ્રોક્તં ગુરોરારાધનં શૃણુ

બૃંહસ્પતિપદં ઙેંતં સેંદ્વાદ્યર્ણાઘમણ્ડિતમ્ ।
નમોન્તો વસુવર્ણો ઽયં મુનિર્બ્રહ્માસ્ય સંમતઃ

છન્દો ઽનુષ્ટુપ્સુરાચાર્યો દેવતા બીજમાદિમમ્ ।
હૃચ્છક્તિર્દીર્ઘવહ્નીન્દુયુગલેનાઙ્ગકલ્પના

ન્યસ્તવામકરં રાશૌ રત્નાનાં દક્ષિણાત્કરાત્ ।
કિરન્તં પીતપુષ્પાલઙ્કારાલેપાંશુકાર્ચિતમ્

સર્વવિદ્યાનિધિં દેવગુરું સ્વર્ણદ્યુતિં સ્મરેત્ ।
લક્ષં જપો દશાંશેન ઘૃતેનાન્નેન વા હુનેત્

ધર્માદિપીઠે પ્રયજેદઙ્ગદિક્પાલહેતિભિઃ ।
એવં સિદ્ધે મનૌ મન્ત્રી સાધયેદિષ્ટમાત્મનઃ

વિપરોગાદિપીડાસુ કલહે સ્વજનોદ્ભવે ।
પિપ્પલોત્થસમિદ્ભિશ્ચ જુહુયાત્તન્નિવૃત્તયે

હુત્વા દિનત્રયં મન્ત્રી નિશાપુષ્પૈર્ઘૃતપ્લુતૈઃ ।
સ વિંશતિશતં શીઘ્રં વાસાંસિ લભતે મહીમ્

ગુરોરારાધનં પ્રોક્તં શૃણુ શુક્રસ્ય સાંપ્રતમ્ ।
વસ્રં મે દેહિ શુક્રાય ઠદ્વયાન્તો ધ્રુવાદિકઃ

રુદ્રાર્ણો ઽયં મનુર્બ્રહ્મા મુનિશ્છન્દો વિરાહુત ।
દૈત્યેજ્યો દેવતા બીજં ધ્રુવઃ શક્તિર્વસુપ્રિયા

ભૂનેત્ર ચન્દ્રનેત્રાગ્નિનેત્રાર્ણૈઃ સ્યાત્ષડઙ્ગકમ્ ।
શુક્લાંબરાલેપભૂષં કરેણ દદતં ધનમ્

વામેન શુક્રં વ્યાખ્યાનમુદ્રાદોષં સ્મરેત્સુધીઃ ।
અયુતં પ્રજપેન્મન્ત્રં દશાંશં જુહુયાદ્ ઘૃતૈઃ

ધર્માદિપીઠે પ્રયજેદઙ્ગેન્દ્રાદિતદાયુધૈઃ ।
શ્વેતપુષ્પૈઃ સુગન્ધૈશ્ચ જુહુયાદ્ ભૃગુવાસરે

એકવિંશતિવારં યો લભતેસોંઽશુકં મણીન્ ।
મનવો ઽમો સદા ગોપ્યા ન દેયા યસ્ય કસ્યચિત્

ભક્તિયુક્તાય શિષ્યાય દેયા વા નિજસૂનવે