નારદ પુરાણ · અધ્યાય 1.121

ઇતિ શ્રીબૃહન્નારદીય પુરાણે પૂર્વભાગે બૃહદુપાખ્યાને ચતુર્થભાગે દ્વાદશમાસસ્તિતૈકાદશીવ્રતકથનં નામ વિંશત્યધિકશતતમો ઽધ્યાયઃ
સનાતન ઉવાચ
અથ વ્રતાનિ દ્વાદશ્યાઃ કથયામિ તવાનઘ ।
યાનિ કૃત્વા નરો લોકે વિષ્ણોઃ પ્રિયતરો ભવેત્

ચૈત્રસ્ય શુક્લદ્વાદશ્યાં મદનવ્રતમાચરેત્ ।
સ્થાપયેદવ્રણં કુંભં સિતતન્દુલપૂરિતમ્

નાનાફલયુતં તદ્વદિક્ષુદણ્ડસમન્વિતમ્ ।
સિતવસ્ત્રયુગચ્છન્નં સિતચન્દનચર્ચ્ચિતમ્

નાનાભક્ષ્યસમોપેતં સહિરણ્યં સ્વશક્તિતઃ ।
તામ્રપાત્રં ગુડોપેતં તસ્યોપરિ નિવેશયેત્

તત્ર સંપૂજયેદ્દેવં કામરૂપિણમચ્યુતમ્ ।
ગન્ધાદ્યૈરુપચારૈસ્તુ સોપવાસો પરે ઽહનિ

પુનઃ પ્રાતઃ સમભ્યર્ચ્ય બ્રાહ્મણાય નિવેદયેત્ ।
બ્રહ્મણાન્ભોજયેચ્ચૈવ તેભ્યો દદ્યાચ્ચ દક્ષિણામ્

વર્ષમેવં વ્રતં કૃત્વા ઘૃતધેનુસમન્વિતામ્ ।
શય્યાં તુ દદ્યાદ્ગુરવે સર્વોપસ્કરસંયુતામ્

કાઞ્ચનં કામદેવં ચ શુક્તાં ગાં ચ પયસ્વિનીમ્ ।
વાસોભિર્દ્વિજદાંપત્યં પૂજયિત્વા સમર્પયેત્

પ્રીયતાં કામરૂપી મે હરિરિત્યેવમુચ્ચરન્ ।
યઃ કુર્યાદ્વિધિનાનેન મદનદ્વાદશીવ્રતમ્

સ સર્વપાપનિર્ભુક્તઃ પ્રાપ્નોતિ હરિસામ્યતામ્ ।
અસ્યામેવ સમુદ્દિષ્ટં ભર્તૃદ્વાદશિકાવ્રતમ્

સ્વાસ્તૃતાં તત્ર શય્યાં તુ કૃત્વાત્ર શ્રીયુતં હરિમ્ ।
સંસ્થાપ્ય મણ્ડપં પુષ્પૈસ્તદુપર્પ્યુપકલ્પયેત્

તતઃ સંપૂજ્ય ગન્ધાદ્યૈર્વ્રતી જાગરણં નિશિ ।
નૃત્યવાદિત્રગીતાદ્યૈસ્તતઃ પ્રાતઃ પરે ઽહનિ

સશય્યં શ્રીહરિં હૈમં દ્વિજગ્ર્યાય નિવેદયેત્ ।
દ્વિજાન્સંભોજ્ય વિસૃજદ્દક્ષિણાભિઃ પ્રતોષિતાન્

એવં કૃતવ્રતસ્યાપિ દાંપત્યં જાયતે સ્થિરમ્ ।
સપ્તજન્મસુ ભુઙ્ક્તે ચ ભોગાન્ લોકદ્વયેપ્સિતાન્

વૈશાખશુક્લદ્વાદશ્યાં સોપવાસો જિતેન્દ્રિયઃ ।
સંપૂજ્ય માધવં ભક્ત્યા ગન્ધાદ્યૈરુપચારકૈઃ

પક્કાન્નં તૃપ્તિજનકં મધુરં સોદકુંભકમ્ ।
વિપ્રાય દદ્યાદ્વિધિવન્માધવઃ પ્રીયતામિતિ

દ્વાદશ્યાં જ્યેષ્ઠશુક્લાયાં પૂજયિત્વા ત્રિવિક્રમમ્ ।
ગન્ધાદ્યૈર્મધુરાન્નાઢ્યં કરક વિનિવેદયેત્

વ્રતી દ્વિજાય તત્પશ્ચાદેકભક્તં સમાચરેત્ ।
વ્રતેનાનેન સંતુષ્ટો દેવદેવસ્ત્રિવિક્રમઃ

દદાતિ વિપુલાન્ભોગાનન્તે મોક્ષં ચ નારદ ।
આષાઢશુક્લદ્વાદશ્યાં દ્વિજાન્દ્વાદશ ભોજયેત્

મધુરાન્નેન તાન્પૂજ્ય પૃથગ્ગન્ધાદિકૈઃ ક્રમાત્ ।
તભ્યો વાસાંસિ દણ્ડાંશ્ચ બ્રહ્મસૂત્રાણિ મુદ્રિકાઃ

પાત્રાણિ ચ દદેદ્ભક્ત્યા વિષ્ણુમેં પ્રીયતામિતિ ।
દ્વાદશ્યાં તુ નભઃશુક્લે શ્રીધરં પૂજયેદ્વ્રતી

ગન્ધાદ્યૈસ્તત્પરો ભક્ત્યા દધિભક્તૈર્દ્વિજોત્તમાન્ ।
સંભોજ્ય દક્ષિણા રૌપ્યાં દત્વા નત્વા વિસર્જ્જયેત્

વ્રતેનાનેન દેવેશઃ શ્રીધરઃ પ્રીયતામિતિ ।
દ્વાદશ્યાં નભસ્યશુક્લે વ્રતી સંપૂજ્ય વામનમ્

તદગ્રે ભોજયેદ્વિપ્રાન્પાયસૈર્દ્વાદશૈવ ચ ।
સૌવર્ણી દક્ષિણાં દત્વા વિષ્ણુપ્રીતિકરો ભવેત્

દ્વાદશ્યામિષશુક્લાયાં પદ્મનાભં સમર્ચયેત્ ।
ગન્ધાદ્યૈરુપચારૈસ્તુ તદગ્રે ભોજયેદ્દ્વિજાન્

મધુરાન્નેન વસ્ત્રાઢ્યાં સૌવર્ણીં દક્ષિણાં દદેત્ ।
વ્રતેનૈતેન સંતુષ્ટઃ પદ્મનાભો દ્વિજોત્તમ

શ્વેતદ્વીપગતિં દદ્યાદ્દેહભોગાંશ્ચ વાઞ્છિતાન્ ।
કાર્તિકે કૃષ્ણપક્ષે તુ ગોવત્સદ્વાદશીવ્રતમ્

તત્ર વત્સયુતાં ગાં તુ સમાલિખ્ય સુગન્ધિભિઃ ।
ચન્દનાદ્યૈસ્તથા પુષ્પમાલાભિઃ પ્રાર્ચ્ય તામ્રકે

પાત્રે પુષ્પાક્ષતતિલૈરર્ઘ્યં કૃત્વા વિધાનતઃ ।
પ્રદદ્યાત્પાદમૂલે ઽસ્યા મન્ત્રેણાનેન નારદ

ક્ષીરોદાર્ણવસંભૂતે સુરાસુરનમસ્કૃતે ।
સર્વદેવમયે દેવિ સર્વદેવૈરલઙ્કૃતે

માતર્માતર્ગવાં માતર્ગૃહાણાર્ઘ્યં નમો ઽસ્તુ તે ।
તતો માષાદિસંસિદ્ધાન્વટકાંશ્ચ નિવેદયેત્

એવં પઞ્ચ દશૈકં વા યથાવિભવમાત્મનઃ ।
સુરભિ ત્વં જગન્માતા નિત્યં વિષ્ણુપદે સ્થિતા

સર્વદેવમયે ગ્રાસં મયા દત્તમિમં ગ્રસ ।
સર્વદેવમયે દેવિ સર્વદેવૈરલઙ્કૃતે

માતર્મમાભિલષિતં સફલં કુરુ નન્દિની ।
તદ્દિને તૈલપક્વં ચ સ્થાલીપક્વં દ્વિજોત્તમ

ગોક્ષીરં ગોઘૃતં ચૈવ દધિ તક્રં ચ વર્જયેત્ ।
દ્વાદશ્યામૂર્જશુક્લાયાં દેવં દામોદરં દ્વિજ

સમભ્યર્ચ્યોપચારૈસ્તુ ગન્ધાદ્યૈઃ સુસમાહિતઃ ।
તદગ્રે ભોજયેદ્વિપ્રાન્પક્વાન્નેનાર્કસંખ્યકાન્

તતઃ કુંભાનપાંપૂર્ણાન્વસ્ત્રાચ્છન્નાન્સમર્ચિતાન્ ।
સપૂગમોદકસ્વર્ણાંસ્તેભ્યઃ પ્રીત્યા સમર્પયેત્

એવં કૃતે પ્રિયો વિષ્ણોર્જાયતે ઽખિલભોગભુક્ ।
દેહાન્તે વિષ્ણુસાયુજ્યં લભતે નાત્ર સંશયઃ

નીરાજનવ્રતં ચાત્ર ગદિતં તન્નિબોધ મે ।
સુપ્તોત્થિતં જગન્નાથમલઙ્કૃત્ય નિશાગમે

અલઙ્કૃતો નવં વહ્નિમુત્પાદ્યાભ્યર્ચ્ય મન્ત્રતઃ ।
હુત્વા તત્ર સમુદ્દીપ્તે રૌપ્ય દીપિકયા મુને

ગન્ધપુષ્પાદ્યર્ચિતયા જનૈર્નીરાજયેદ્ધરિમ્ ।
તત્રૈવાનુગતાં લક્ષ્મીં બ્રહ્માણીં ચણ્ડિકાં તથા

આદિત્યં શઙ્કરં ગૌરીં યક્ષં ગણપતિં ગ્રહાન્ ।
માતૄઃ પિતૄન્નગાન્નાગાન્સર્વાન્નીરાજયેત્ક્રમાત્

ગવાં નીરાજનં કુર્યાન્મહિષ્યાદેશ્ચ મણ્ડલમ્ ।
નમો જયેતિ શબ્દૈશ્ચ ઘણ્ટાશઙ્ખા દિનિઃસ્વનૈઃ

સિંદૂરાલિપ્તશૃઙ્ગાણાં ચિત્રાઙ્ગાણાં ચ વર્ણકૈઃ ।
ગવાં કોલાહલે વૃત્તે નીરાજનમહોત્સવે

તુરગાંલ્લક્ષણોપેતામ્ ગજાંશ્ચ મદવિપ્લુતાન્ ।
રાજચિહ્નાનિ સર્વાણિ ચ્છત્રાદીનિ ચ નારદ

રાજા પુરોધસા સાર્ધં મન્ત્રિભૃત્યપરઃ સરઃ ।
પૂજયિત્વા યથાન્યાયં નીરજ્ય સ્વયમાદરાત્

શઙ્ખતૂર્યાદિઘોષૈશ્ચ નાનારત્નવિનિર્મિતે ।
સિંહાસને નવે કૢપ્તે તિષ્ઠેત્સમ્યગલઙ્કૃતઃ

તતઃ સુલક્ષણૈર્યુક્તા વેશ્યા વાથ કુલાઙ્ગના ।
શીર્ષોપરિ નરેદ્રસ્ય તયા નીરાજયેચ્છનૈઃ

એવમેષા મહાસાંતિઃ કર્તવ્યા પ્રતિવત્સરમ્ ।
રાજ્ઞા વિત્તવતાન્યેન વર્ષમારોગ્યમિચ્છતા

યેષાં રાષ્ટ્રે પુરે ગ્રામે ક્રિયતે શાન્તિરુત્તમા ।
નીરાજનાભિધા વિપ્ર તદ્રોગા યાન્તિ સંક્ષયમ્

દ્વાદશ્યાં માર્ગશુક્લાયાં સાધ્યવ્રતમનુત્તમમ્ ।
મનોભવસ્તથા પ્રાણો નરો યાતશ્ચ વીર્યવાન્

ચિતિર્હયો નૃપશ્ચૈવ હંસો નારાયણસ્તથા ।
વિભુશ્ચાપિ પ્રભુશ્ચૈવ સાધ્યા દ્વાદશ કીર્તિતાઃ

પૂજયેદ્ગન્ધપુષ્પાદ્યૈરેતાંસ્તન્દુલકલ્પિતાન્ ।
તતો દ્વિજાગ્ર્યાન્સંભોજ્ય દ્વાદશાત્ર સુદક્ષિણાઃ

દત્વા તેભ્યસ્તુ વિસૃજેત્પ્રીયાન્નારયણસ્ત્વિતિ ।
એતસ્યામેવ વિદિતં દ્વાદશાદિત્યસંજ્ઞિતમ્

વ્રતં તત્રાર્ચયેદ્ધીમાનાદિત્યાન્દ્વાદશાપિ ચ ।
ધાતામિત્રોર્ઽયમા પૂષા શક્રોંઽશો વરુણો ભગઃ

ત્વષ્ટા વિવસ્વાન્સવિતા વિષ્ણુર્દ્વાદશ ઈરિતાઃ ।
પ્રતિમાસં તુ શુક્લાયાં દ્વાદશ્યામર્ચ્ય યત્નતઃ

વર્ષં નયેદ્વ્રતાન્તે તુ પ્રતિમા દ્વાદશાપિ ચ ।
હૈમીઃ સંપૂજ્ય વિધિના ભોજયિત્વા દ્વિજોત્તમાન્

મધુરાન્નૈઃ સુસત્કૃત્ય પ્રત્યેકં ચાર્પયેદ્વ્રતી ।
એવ વ્રતં નરઃ કૃત્વા દ્વાદશાદિત્યસંજ્ઞકમ્

સૂર્યલોકં સમાસાદ્ય ભુક્ત્વા ભોગાંશ્ચરં તતઃ ।
જાયતે ભુવિ ધર્માત્મા માનુષ્યે રોગવર્જિતઃ

તતો વ્રતસ્ય પુણ્યેન પુનરેવ લભેદ્વ્રતમ્ ।
તત્પુણ્યેન રવેન્ભિત્વા મણ્ડલં દ્વિજસત્તમ

નિરઞ્જનં નિરા કારં નિર્દ્વન્દ્વં બ્રહ્મ ચાપ્નુયાત્ ।
અત્રૈવાખણ્ડસંજ્ઞં ચ વ્રતમુક્ત દ્વિજોત્તમ

મૂર્તિં નિર્માય સૌવર્ણીં જનાર્દનસમાહ્વયામ્ ।
અભ્યર્ચ્ય ગન્ધપુષ્પાદ્યૈસ્તદગ્રે ભોજયેદ્દ્વિજાન્

દ્વાદશ પ્રતિમાસં તુ નક્તાશીઃ સ્યાજ્જિતેન્દ્રિયઃ ।
તતઃ સમાન્તે તાં મૂર્તિં સમભ્યર્ચ્ય વિધાનતઃ

ગુરવે ધેનુસહિતાં દદ્યાત્સંપ્રાર્થયેત્તથા ।
શતજન્મસુ યત્કિઞ્ચિન્મયાખણ્ડવ્રતં કૃતમ્

ભગવંસ્ત્વત્પ્રસાદેન તદખણ્ડમિહાસ્તુ મે ।
તતઃ સંભોજ્ય વિપ્રાગ્ર્યાન્સખણ્ડાઢ્યૈસ્તુ પાયસૈઃ

દ્વાદશૈવ હિ સૌવર્ણીં દક્ષિણાં પ્રદદેન્નમેત્ ।
ઇતિ કૃત્વા વ્રતં વિપ્ર પ્રીણયિત્વા જનાર્દનમ્

સૌવર્ણેન વિમાનેન યાતિ વિષ્ણોઃ પરં પદમ્ ।
પૌષસ્ય કૃષ્ણદ્વાદશ્યાં રૂપવ્રતમુદીરિતમ્

દશમ્યાં વિધિવત્સ્નાત્વા ગૃહ્ણીયાદ્ગોમયં વ્રતી ।
શ્વેતાયા વૈકવર્ણાયા અન્તરિક્ષગતં દ્વિજ

અષ્ટોત્તરશતં તેન પિણ્ડિકાઃ કલ્પ્ય નારદ ।
શોષયેદાતપે ધૃત્વા પાત્રે તામ્રે ઽથ મૃન્મયે

એકાદશ્યાં સોપવાસઃ સમભ્યર્ચ્ય વિધાનતઃ ।
સૌવર્ણીં પ્રતિમાં વિષ્ણોર્નિશાયાં જાગરં ચરેત્

સુમઙ્ગલૈર્ગીતવાદ્યૈઃ સ્તોત્રપાઠૈર્જપાદિભિઃ ।
તતઃ પ્રભાતે દ્વાદશ્યાં તિલપાત્રોપરિ સ્થિતામ્

અંબુપૂર્ણે ઘટે ન્યસ્ય પૂજયેદુપચારકૈઃ ।
તતો ઽગ્નિં નવમુત્પાદ્ય કાષ્ઠસંઘર્ષણાદિભિઃ

તં સમભ્યર્ચ્ય વિધિવદેકૈકાં પિણ્ડિકાં સુધીઃ ।
હોમયેત્સતિલાજ્યાં ચ દ્વાદશાક્ષરવિદ્યયા

વૈષ્ણવ્યાથ ચ પૂરણાં ચ શતમષ્ટોત્તર તતઃ ।
ભોજયેત્પાયસૈર્વિપ્રાન્પ્રીત્યા સુસ્નિગ્ધમાનસઃ

સહિતાં ચ ઘટેનૈવ પ્રતિમાં ગુરવઽપેયેત્ ।
વિપ્રેભ્યો દક્ષિણાં શક્ત્યા દત્વા નત્વા વિસર્જયેત્ ।
નરો વા યદિ વા નારી વ્રતં કૃત્વૈવમાદરાત્

લભતે રૂપસૌભાગ્યં નાત્ર કાર્યા વિચારણા ।
સહસ્યે શુક્લપક્ષે તુ સુજન્મદ્વાદશીવ્રતમ્

સ્નાત્વા વિધાનેન ગૃહ્ણોયાદ્વાર્ષિકવ્રતમ્ ।
પીત્વા ગશૃઙ્ગવાર્યાદૌ તાં ચ કૃત્વા પ્રદક્ષિણમ્

પ્રતિમાસં તતઃ શુક્લેદ્વાદશ્યાં દાનમાચરેત્ ।
ઘૃતપ્રસ્થં તચ્ચતુષ્કં ક્રમાદ્વીહેર્યવસ્ય ચ

દ્વિરક્તિકં હેમ તિલાઢકાર્દ્ધં પયસાં ઘટમ્ ।
રૌપ્યસ્ય માષમેકં ચ તૃપ્તિકૃન્મિષ્ટપક્વકમ્

છત્રં માષાર્ધહેમ્નશ્ચ પ્રસ્થં ફઆણિતમુત્તમમ્ ।
ચન્દનં પલિકં વસ્ત્રં પઞ્ચહસ્તોન્મિતં તનુમ્

એવં તુ માસિકં દાનં કૃત્વા પ્રાશ્ય યથાક્રમમ્ ।
ગોમૂત્રં જલમાજ્યં વા પક્ત્વા શાકં ચતુર્વિધમ્

દધિયુક્તં ચ યાવાન્નં તિલાજ્યં શર્કરાન્વિતામ્ ।
દર્ભાંબુક્ષીરમુદિતં પ્રાશનં પ્રતિમાસિકમ્

એવં કૃતવ્રતો વર્ષં સૌવર્ણીં પ્રતિમાં રવેઃ ।
કૃત્વા વૈ તામ્રપાત્રસ્થાં ન્યસ્યાભ્યર્ચ્ય વિધાનતઃ

ગુરવે ધેનુસહિતાં પ્રત્યર્પ્ય પ્રણમેત્પુરઃ ।
વિપ્રાન્દ્રાદશ સંભોજ્ય તેભ્યો દદ્યાચ્ચ દક્ષિણામ્

એવં કૃતવ્રતો વિપ્ર જન્માપ્નોત્યુત્તમે કુલે ।
નિરોગો ધનધાન્યાઢ્યો ભવેચ્ચાવિકલેદ્રિયઃ

માઘસ્ય શુક્લદ્વાદશ્યાં શાલગ્રામશિલાં દ્વિજ ।
અભ્યચ્ય વિધિવદ્ભક્ત્યા સુવર્ણં તન્મુખે ન્યસેત્

તાં સ્થાપ્ય રૌપ્યપાત્રે તુ સિતવસ્ત્રયુગાવૃતામ્ ।
પ્રદદ્યાદ્વેદવિદુષે તં હિ સંભોજયેત્તતઃ

પાયસાન્નેન ખણ્ડાજ્યસહિતેન હિતેન ચ ।
એવં કૃત્વૈકભક્તઃ સન્વિષ્ણુ ચિન્તનતત્પરઃ

વૈષ્ણવં લભતે ધામ ભુક્ત્વા ભોગાનિહેપ્સિતાન્ ।
અન્ત્યે સિતાયાં દ્વાદશ્યાં સૌવર્ણીં પ્રતિમાં હરેઃ

અભ્યર્ચ્ય ગન્ધપુષ્પાદ્યૈર્દદ્યાદ્વેદવિદે દ્વિજ ।
દ્વિષટ્કસંખ્યાન્વિપ્રાંશ્ચ ભોજયિત્વા ચ દક્ષિણામ્

દત્વા વિસર્જયેત્પશ્ચાત્સ્વયં ભુઞ્જીત બાન્ધવૈઃ ।
ત્રિસ્પૃશોન્મીલિની પક્ષવર્દ્ધિની વઞ્જુલી તથા

જયા ચ વિજયા ચૈવ જયન્તી ચાપરાજિતા ।
એતા અષ્ટૌ સદોપોષ્યા દ્વાદશ્યઃ પાપહારિકાઃ

શ્રીનારદ ઉવાચ
કીદૃશં લક્ષણં બ્રહ્મન્નેતાસાં કિં ફલં તથા ।
તત્સર્વં મે સમાચક્ષ્વ યાશ્ચન્યાઃ પુણ્યદાયુકાઃ

સૂત ઉવાચ
ઇત્થં સનાતનઃ પૃષ્ટો નારદેન દ્વિજોત્તમઃ ।
પ્રશસ્ય ભ્રાતરં પ્રાહ મહાભાગવતં મુનિઃ

સનાતન ઉવાચ
સાધુ પૃષ્ટં ત્વયા ભ્રાતઃ સાધૂનાં સંશયચ્છિદા ।
વક્ષ્યે મહાદ્વાદશીનાં લક્ષણં ચ ફલં પૃથક્

એકાદશી નિવૃત્તા ચેત્સૂર્યસ્યોદયતઃ પુરા ।
તદા તુ ત્રિસ્પૃશા નામ દ્વાદશી સા મહાફલા

અસ્યામુપોષ્ય ગોવિન્દં યઃ પૂજયતિ નારદ ।
અશ્વમેધસહસ્રસ્ય ફલં લભતે ધ્રુવમ્

યદારુણોદયે વિદ્ધા દશમ્યૈકાદશી તિથિઃ ।
તદા તાં સંપરિત્યજ્ય દ્વાદશીં સમુપોષયેત્

તત્રેષ્ટ્વા વાસુદેવાખ્યં સમ્યક્પૂજાવિધાનતઃ ।
રાજસૂયસહસ્રસ્ય ફલમુન્મીલિતે લભેત્

યદોદયે તુ સવિતુર્યામ્યા ત્વેકાદશીં સ્પૃશેત્ ।
તદા વઞ્જુલિકાખ્યાં તુ તાં ત્યક્ત્વોપોષયેત્સદા

અસ્યાં સંકર્ષણં દેવં ગન્ધાદ્યૈરુપચારકૈઃ ।
પૂજયેત્સતતં ભક્ત્યા સર્વસ્યાભયદં પરમ્

એષા મહાદ્વાદશી તુ સર્વક્રતુફલપ્રદા ।
સર્વપાપહરા પ્રોક્તા સર્વસંપત્પ્રદાયિની

કુહૂરાકે યદા વૃદ્ધે સ્યાતાં વિપ્ર યદા તદા ।
પક્ષવર્દ્ધનિકા નામ દ્વાદશી સા મહાફલા

તસ્યાં સંપૂજયેદ્દેવં પ્રદ્યુમ્નં જગતાં પતિમ્ ।
સર્વૈશ્વર્ય્યપ્રદં સાક્ષાત્પુત્ર પૌત્રવિવર્ધનમ્

યદા તુ ધવલે પક્ષે દ્વાદશી સ્યાન્મધાન્વિતા ॥ઠ
તદા પ્રોક્તા જયા નામ સર્વશત્રુવિનાશિની

અસ્યાં સંપૂજયેદ્દેવ મનિરુદ્ધં રમાપતિમ્ ।
સર્વકામપ્રદં નૄણાં સર્વસૌભાગ્યદાયકમ્

શ્રવણર્ક્ષયુતા ચેત્સ્યાદ્દ્વાદશી ધવલે દલે ।
તદા સા વિજયા નામ તસ્યામચેદ્ગદાધરમ્

સર્વસૌખ્યપ્રદં શશ્વત્સર્વભોગપરાયણમ્ ।
સર્વતીર્થફલં વિપ્ર તાં ચોપોષ્યાપ્નુયાન્નરઃ

યદા સ્યાચ્ચ સિતે પક્ષે પ્રાજાપત્યર્ક્ષસંયુતા ।
દ્વાદશી સા મહાપુણ્યા જયન્તી નામતઃ સ્મૃતા

યસ્યાં સમર્ચ્ચયેદ્દેવં વામનં સિદ્ધિદં નૃણામ્ ।
ઉપોષિતૈષા વિપ્રેન્દ્ર સર્વવ્રતફલપ્રદા

સર્વદાનફલા ચાપિ ભુક્તિમુક્તિપ્રદાયિની ।
યદા તુ સ્યાત્સિતે પક્ષે દ્વાદશી જીવભાન્વિતા

તદાપરાજિતા પ્રોક્તા સર્વજ્ઞા નપ્રદાયિની ।
અસ્યાં સમર્ચયેદ્દેવં નારાયણમનામયમ્

સંસારપાશવિચ્છિત્તિકારકં જ્ઞાનસાગરમ્ ।
અસ્યાસ્તૂપોષણાદેવ મુક્તઃ સ્યાદ્વિપ્ર ભોજનઃ

યદા ત્વાષાઢશુક્લાયાં દ્વાદશ્યાં મૈત્રભં ભવેત્ ।
તદા વ્રતદ્વયં કાર્ય્યં ન દોષો ઽત્રૈકદૈવતમ્

શ્રવણર્ક્ષયુતાયાં ચ દ્વાદશ્યાં ભાદ્રશુક્લકે ।
ઊર્જ્જે સિતાયાં દ્વાદશ્યામન્ત્યભે ચ વ્રતદ્વયમ્

એતાભ્યો ઽન્ત્ર વિપ્રેન્દ્ર દ્વાદશ્યામેકભુક્તકમ્ ।
નિસર્ગતઃ સમુદ્દિષ્ટં વ્રતં પાતકનાશનમ્

એકાદશ્યા વ્રતં નિત્યં દ્વાદશ્યાઃ સહિતં યતઃ ।
નોદ્યાપનમિહોદ્દિષ્ટં કર્ત્તવ્યં જીવિતાવિધિ