નારદ પુરાણ · અધ્યાય 1.100

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને ચતુર્થપાદે ઽગ્નિપુરાણાનુક્રમણીનિરૂપણં નામૈકોનશતતમો ઽધ્યાયઃ
શ્રીબ્રહ્મોવાચ
અથ તે સંપ્રવક્ષ્યામિ પુરાણં સર્વસિદ્ધિદમ્ ।
ભવિષ્યં ભવતઃ સર્વલોકાભીષ્ટપ્રદાયકમ્

યત્રાહં સર્વદેવાનામાદિકર્તા સમુદ્ગતઃ ।
સૃષ્ટ્યર્થં તત્ર સંજાતો મનુઃ સ્વાર્યભુવઃ પુરા

સ માં પ્રણમ્ય પપ્રચ્છ ધર્મં સર્વાથસાધકમ્ ।
અહં તસ્મૈ તદા પ્રીતઃ પ્રાવોચં ધર્મસંહિતામ્

પુરાણાનાં યદા વ્યાસો વ્યાસં ચક્ત્રે મહામતિઃ ।
તદા તાં સંહિતાં સર્વાં પઞ્ચધા વ્યભજન્મુનિઃ

અધોરકલ્પવૃત્તાન્તં નાનાશ્ચર્યકથન્વિતમ્ ।
તત્રાદિમં સ્મૃતં પર્વં બ્રાહ્મં યત્રાસ્ત્યુપક્રમઃ

સૂતશૌનકસંવાદે પુરાણપ્રશ્નસંક્રમઃ ।
આદિત્યચરિતપ્રાયઃ સર્વાખ્યાનસમન્વિતઃ

સૃષ્ટ્યાદિલક્ષણોપેતઃ શાસ્ત્રસર્વસ્વરૂપકઃ ।
પુસ્તલેખકલેખાનાં લક્ષણં ચ તતઃ પરમ્

સંસ્કારાણાં ચ સર્વેષાં લક્ષણં ચાત્ર કીર્તિતમ્ ।
પક્ષસ્યાદિતિથીનાં ચ કલ્પાઃ સપ્ત ચ કીર્તિતાઃ

અષ્ટમ્યાદ્યાઃ શેષકલ્પા વૈષ્ણવે પર્વણિ સ્મૃતાઃ ।
શૈવે ચ કાયતો ભિન્નાઃ સૌરે ચાન્ત્યકથાન્વયઃ

પ્રતિસર્ગાહ્વયં પશ્ચાન્નાનાખ્યાનસમન્વિતમ્ ।
પુરાણસ્યોપસંહારસહિતં પર્વ પઞ્ચમમ્

એષુ પઞ્ચસુ પૂર્વસ્મિન્ બ્રહ્મણો મહિમાધિકાઃ ।
ધર્મે કામે ચ મોક્ષે તુ વિષ્ણોશ્ચાપિ શિવસ્ય ચ

દ્વિતીયં ચ તૃતીયે ચ સૌરે વર્ગચતુષ્ટયે ।
પ્રતિસર્ગાહ્વયં ત્વન્ત્યં પ્રોક્તં સર્વકથાન્વિતમ્

સભવિષ્યં વિનિર્દ્દિષ્ટં પર્વ વ્યાસેન ધીમતા ।
ચતુર્દ્દશસહસ્રં તુ પુરાણં પરિકીર્તિતમ્

ભવિષ્યં સર્વદેવાનાં સામ્યં યત્ર પ્રકીર્તિતમ્ ।
ગુણાનાં તારતમ્યેન સમં બ્રહ્મેતિ હિ શ્રુતિઃ

તં લિખિત્વા તુ યો દદ્યાત્પૌષ્યાં વિદ્વાન્વિમત્સરઃ ।
ગુડધેનુયુતં હેમવસ્ત્રમાલ્યવિભૂષણૈઃ

વાચકં પુસ્તકં ચાપિ પૂજયિત્વા વિધાનતઃ ।
ગન્ધાદ્યૈર્ભોજ્યભક્ષ્યૈશ્ચ કૃત્વા નીરાજનાદિકમ્

યો વૈ જિતેન્દ્રિયો ભૂત્વા સોપવાસઃ સમાહિતઃ ।
અથ વૈકહવિષ્યાશી કીર્તયેચ્છૃણુયાદપિ

સ મુક્તઃ પાતકૈર્ઘોરૈઃ પ્રયાતિ બ્રહ્મણઃ પદમ્ ।
યો ઽપ્યનુક્રમણીમેતાં ભવિષ્યસ્ય નિરૂપિતામ્

પઠેદ્વા શૃણુયાચ્ચૈતાં ભુક્તિં મુક્તિં ચ વિન્દતિ