મોક્ષોપાય · અધ્યાય 6.151

સતાસતા વા જીવેન કેનાપ્ય્ અન્યેન વા ગુરો ।
તથા ન કેનચિદ્ વાપિ દેહેનૈવાથ વાપિ ચ ॥

ભાવિતં પિણ્ડદાનાદેḫ ફલં યદ્ય્ અનુભૂયતે ।
તદાકર્તુર્ ન દોષેણ સમ્બન્ધ ઇતિ મે મતિઃ ॥

અકર્તુḫ પિણ્ડદાનાદેẖ ક્રિયાપીઠસ્ય સન્મતે ।
વિરોધભાવનં ચિત્તાત્ ક્વ ગચ્છતિ વદાશુ મે ॥

પરસ્પરાનપેક્ષિત્વાત્ ક્રિયાત્યાગાત્ પ્રજાહિતમ્ ।
ભવેત્ તેનેહ સંયોગો જાયતે મહતૈનસા ॥

અહમ્ ઇત્ય્ એવ યસ્યાસ્તિ સંવિત્ તસ્યાસ્તિ ચિત્તભૂઃ ।
યત્ર યત્ પતિતં બીજં તદ્ અવશ્યં પ્રરોહતિ ॥

જ્ઞાનાદ્ ઋતે વિમૂઢસ્ય બાલસ્ય ચ સચેતસઃ ।
સત્યં સમસ્તમ્ એવેદમ્ આ સર્ગનિયતિક્રમાત્ ॥

મૃતેન જીવતા વાપિ સર્વẖ કર્તવ્યતાક્રમઃ ।
ભાવિતસ્ તેન સર્વત્ર સ હિ સર્વફલપ્રદઃ ॥

એવં ચેત્ તત્ સુરગુરો ન કિઞ્ચિદ્ યેન ભાવિતમ્ ।
પાષાણેનેવ મનસા સ મુક્ત ઇતિ વેદ્મ્ય્ અહમ્ ॥

ન કિઞ્ચિદ્ ભાવિતં યેન દૃષજ્જાડ્યે તુ તિષ્ઠતા ।
સ મુક્તો નાત્ર સન્દેહો મુક્તિẖ કેવલતૈવ હિ ॥

નકિઞ્ચિદ્ભાવનં જન્તોર્ જીવતો નોપપદ્યતે ।
જ્ઞાનાદ્ ઋતે જીવતૈવ કિલ કિઞ્ચિન્મયી યતઃ ॥

યયા કયાચિદ્ વા યુક્ત્યા નકિઞ્ચિદ્ભાવનં યદિ ।
નૂનં રૂઢમ્ અરૂઢસ્ય તત્ પ્રાપ્યં નાવશિષ્યતે ॥

ઇત્થં પુરા સુરપુરે ઽસુરનાયકસ્ય રામૈવમુત્તમવિદા ગુરુણા સુરાણામ્ ।
તત્ તે મયાદ્ય કથિતં કથયાનયેહ પિણ્ડાદિદાનકૃતચારુ વિચારયેતિ ॥