મોક્ષોપાય · અધ્યાય 6.152

સત્યં ભવત્વ્ અસત્યં વાપ્ય્ અસતાપિ સતાપિ વા ।
ચેતસેષદ્ અપિ સ્પૃષ્ટમ્ અવશ્યમ્ અનુભૂયતે ॥

સદ્યẖ કાલાન્તરે વાપિ સકૃદ્ દૃષ્ટં હિ ચેતસા ।
દ્રવત્વમ્ અમ્ભસેવાન્તર્ અવશ્યમ્ અનુભૂયતે ॥

કાલાન્તરવિસાર્ય્ અન્તસ્ સકૃદ્ દૃષ્ટં દધન્ મનઃ ।
વિસ્મૃત્ય તિષ્ઠતિ જડં બર્હ્યણ્ડરસપિણ્ડવત્ ॥

વિના જ્ઞાનાગ્નિદાહેન ન કદાચિન્ નિવર્તતે ।
ચિત્તાત્ સકૃદ્ગૃહીતો ઽર્થો નીલીરાગ ઇવામ્બરાત્ ॥

ન ચાસ્ત્ય્ અવાસનં ચિત્તમ્ અકાર્ષ્ણ્યમ્ ઇવ કજ્જલમ્ ।
જગત્પદાર્થસાર્થાત્મા વાસનૌઘો મનોઽભિધઃ ॥

ન ચાસ્ય લભ્યતે સત્તા ચેતસẖ કાચિદ્ ઈક્ષિતા ।
તિમિરસ્યેવ દીપેન તદસત્તૈવ શિષ્યતે ॥

નાતશ્ ચિત્તં ન ચૈત્તાદિ વિદ્મ ઇત્યેવમાત્રકમ્ ।
વિદ્ધિ જ્ઞાનમ્ અનેનૈષા શામ્યેદ્ ભવવિષૂચિકા ॥

ખ એવાહન્ત્વમ્ ઉદિતં શૂન્યત્વમ્ ઇવ તન્ મનઃ ।
નોદિતં તદ્ ઇતિ જ્ઞપ્તેર્ મનશ્શાન્ત્યોપશામ્યતિ ॥

મનḫપ્રશમનોપાયો યોગ ઇત્ય્ અભિધીયતે ।
સપ્તભૂમિસ્ તુ સ પ્રોક્તસ્ તત્ર ભૂમિક્રમં શૃણુ ॥

ભૂમિકાનાં ત્રયં પ્રોક્તં તવ રામ યથાક્રમમ્ ।
ભૂમિકાત્રિતયસ્થા યે તે મહાપુરુષાસ્ સ્મૃતાઃ ॥

નિર્માનમોહા જિતસઙ્ગદોષા અધ્યાત્મનિત્યા વિનિવૃત્તકામાઃ ।
દ્વન્દ્વૈર્ વિમુક્તાસ્ સુખદુẖખસારૈર્ ભવન્તિ ભૂમિત્રયમ્ અભ્યુપેતાઃ ॥