મઞ્જુશ્રીમૂલકલ્પ · અધ્યાય 40

બોધિસત્ત્વપિટકાવતંસકાન્મહાયાનવૈપુલ્યસૂત્રાત્ આર્યમઞ્જુશ્રિયમૂલકલ્પાત્ સપ્તત્રિંશતિમઃ મહાકલ્પરાજપટલવિસરાદ્ ઉત્તમસાધનોપયિકસર્વકર્માર્થસાધનતત્ત્વેષુ પ્રથમઃ ધ્યાનપટલવિસરઃ પરિસમાપ્ત ઇતિ ॥
અથ ચત્વારિંશઃ પટલવિસરઃ ।
અથખલુ ભગવાં શાક્યમુનિઃ શુદ્ધાવાસભવનમવલોક્ય મઞ્જુશ્રિયં કુમારભૂતમામન્ત્રયતે સ્મ । અસ્તિ મઞ્જુશ્રીઃ ત્વદીયે મહાકલ્પરાજે પટલવિસરે ધ્યાનજે ઽનાશ્રવે પરમશિવશાન્તીભૂતે અત્યન્તભૂતકોટિધર્મધાતુપ્રવિષ્ટે સર્વતથાગતધર્મનેત્રીમનુગતે પરમનિર્વાણમાર્ગાં સાનુપ્રવિષ્ટે આર્યપથક્ષેમશાન્તીભૂતે મહાધર્મનૈરાત્મ્યશૂન્યતાસ્વભાવમનુપ્રવિષ્ટે સર્વલૌકિકલોકોત્તરતત્ત્વાવતારધ્યાનાનુગતમનુપ્રવિષ્ટે સર્વમન્ત્રચર્યાસાધનવિધિસમાસક્રીડાનાટકબાલચર્યાવિસ્ફૂર્યાનાનુગતસન્તોષણસત્ત્વચર્યાનુગતૈઃ । કતમં ચ તત્ ॥
શૃણુ ત્વં મઞ્જુરવ થ્રીમાં સર્વસત્ત્વાનુવર્તનમ્ ।
ધ્યાનં સર્વજ્ઞતો જ્ઞેયં સર્વમન્ત્રાર્થસાધનમ્

પૂરણં સર્વમન્ત્રાણાં શોધનં પાપકર્મિણામ્ ।
યં ધ્યાત્વા ચ જનાઃ સર્વે સિદ્ધિં પ્રાપ્સ્યન્ત્યનાંવિલામ્ ।
સર્વાકારવરોપેતાં ધ્યાનસૌખ્યમચિન્તિતામ્

બોધિત્વં ત્રિવિધં પ્રાપ્ય ઉત્તમાધમમધ્યમાઃ ।
અતુલાં મન્ત્રસિદ્ધિં ચ અસ્તુવન્તિ જના ભવેત્ ।
સર્વાર્થસાધનં લોકે યશઃકીર્ત્તિસુખોદયમ્

દીર્ઘાયુષ્કતાં લોકે ઽસ્મિં દેવાનાં ચ મહદ્ગતિમ્ ।
સર્વાશાવાપ્તિતાં ક્ષિપ્રં પ્રાપ્નુવન્તિ ન સંશયઃ

દ્વિપ્રપઞ્ચાનુત્તરાં બોધિં લપ્સ્યતે ધ્યાનચિન્તકાઃ ।
સર્વસત્ત્વાહિતહ્યગ્રં સર્વમન્ત્રેષુ કીર્ત્યતે

સ્મરણાદેવ મન્ત્રેષુ સર્વતન્ત્રેષુ ચ પુનઃ ।
સિદ્ધયઃ સિદ્ધિહેતૂનાં ક્ષિપ્રમાશાનિબન્ધનમ્

આશાસ્યં ભુવિ તાં મર્ત્યા પુનર્ગચ્છન્તિ દેવતા ।
આજહાર પુરં દિવ્યં દેવતામન્દિરેષ્વિહ

તિષ્ઠન્તે મન્ત્રરાટ્ સર્વે તન્મુખાપિધ્યાયિને ।
આગત્ય ચ પુનઃ સર્વં દેવતામન્ત્રરૂપિણામ્

કથયન્તિ યથાતથ્યં શુભાશુભફલોદ્ભવમ્ ।
વાચાં પ્રબુદ્ધઃ સ્વપ્ને પ્રત્યક્ષં વાથ જાપિને

શુભોદયં ફલં કર્મ પ્રત્યક્ષં વાપિ દેવતામ્ ।
પશ્યન્તે સ્વપ્નગતાઃ સર્વે મન્ત્રિણા વાપિ તદન્તરે

ઇતરાં ચાપિ ન પશ્યન્તે જાપિનો મન્ત્રલૌકિકા ।
ધ્યાનેન પાપં ક્ષીયેત જપે ચાપિ સુપુષ્કલે

સિધ્યન્તે મન્ત્રરાટ્ સર્વે અચિરાત્ તસ્ય મન્ત્રિણઃ ।
પ્રભાવા ધ્યાનયોગસ્ય અચિન્ત્યાદ્ભુતચેષ્ટિતા

એવમુક્તસ્તુ ધીરેણ શાક્યસિંહેન તાપિના ।
ભૂન્મઞ્જુરવસ્તૂષ્ણીં શુદ્ધાવાસપુરે તદા

સર્વે દેવગણા મુખ્યા ત્રિધા ધાતુસમાશ્રિતા ।
અમુચદ્ વાક્યવરં શુદ્ધં સર્વમન્ત્રેશ્વરં ગુરુમ્

સાધુ સાધુ મહાવીર સાધુ ધર્મેશ્વરો વિભોઃ ।
યસ્ત્વં હિ સર્વસત્ત્વાનાં હિતાર્થં મન્ત્રજાપિનામ્

ધ્યાનાં ચ તત્ત્વનિર્દિષ્ટં પૂર્વનિર્દિષ્ટતામિતિ ।
ઇદાનીં તુ મહાવીર + + + + + + + + + + + +

એવમુક્તાઃ સુરાઃ સ + અગ્રા હ્યગ્રતમે હિતાઃ ।
તૂષ્ણીમ્ભૂતાસ્તતસ્તસ્મિન્ શુદ્ધાવાસપુરે પુરે

ઇત્યુવાચ મહાધીરો મુનિસ્તેજો + + + + + ।
શુભયા વાચાયા દિવ્યાં લોકતત્ત્વાર્થદર્શનમ્

કથયામાસ સમ્બુદ્ધઃ મધુરાક્ષરઘોષજમ્ ।
શૃણોથ ભૂતગણાઃ સર્વે સ્થિતા ત્રિવિધાલયા

ધ્યાનં ચ ભવનિર્દેશં કથ્યન્તઃ સમાહિતાઃ ।
અનેકાર્થમનાનાત્વં નૈરાત્મ્યં તત્ત્વદર્શનમ્

સર્વમન્ત્રાર્થરિધિંસાર્થં વિવિધાર્થં તુ લૌકિકે ।
સર્વધર્મેશ્વરા લોકે યેનાયાન્તિ સુચિન્તિતા ।
ક્ષિપ્રં ચ જાપિનાં સર્વે આશુ મન્ત્રાર્થસિદ્ધયે

આદૌ ધ્યાયીત મહાવીરં રત્નકેતું તથાગતમ્ ।
રત્નશૈલનિષણ્ણં તુ ગુહાયાં રત્નજોદ્યતે ।
પદ્મરાગમયં દિવ્યં મહાપદ્મં મહોન્નતમ્

ભગવાં તત્ર નિષણ્ણસ્થં પર્યઙ્કે ધર્મદેશિતમ્ ।
ધ્યાયન્તં મહાવીરં પદ્મસમ્ભવમેવ તુ

પદ્મોત્તરં ચ સમ્બુદ્ધં પદ્માભં ચૈવ બુદ્ધિમામ્ ।
ધ્યાયીત મુનિવરાં પઞ્ચ રત્નાભં ચ તથાગતમ્

સમતઃ સુપ્રતિષ્ઠિતા જ્ઞેયા ગુહેષ્વેવ પઞ્ચસુ ।
સર્વાં શૈલમયાં સાદ્રિ પદ્મરાગમયં ક્વચિત્

ભિન્નેન્દ્રનીલમાભાસં ક્વચિત્ સ્ફટિકસન્નિભમ્ ।
ઉચ્છ્રયં મરકતાભાસં પ્રમાણં ચાપિ શતાષ્ટકમ્

યોજનાનાં સહસ્રં તુ લક્ષષોડશવિસ્તરમ્ ।
ઉપરિષ્ટાત્તુ સમ્બુદ્ધા અપર્યન્તા નરોત્તમા

ઇત્યૂર્ધ્વમધઃ સર્વદિગ્વિદિશશ્ચાપિ સર્વતો ।
પ્રાપ્તં મુનિવરૈઃ સર્વં સમ્બુદ્ધૈર્દ્વિપદોત્તમૈઃ

ચન્દ્રાભાસં ચ નિર્ભાસૈઃ શ્વેતપુણ્ડરિકાસનૈઃ ।
હંસગોક્ષીરનિર્ભાસૈઃ શઙ્ખકુન્દેન્દુહિમપ્રભૈઃ

સમ્બુદ્ધૈઃ સર્વમિદં વ્યાપ્તં ઇત્યૂર્ધ્વમધસ્સપ્તતિર્યકમ્ ।
સદ્વ્યોમ્નિ પુષ્પવર્ષાદ્યૈઃ સુરમુખ્યૈઃ સમન્તતઃ

અદૃશ્યકાયસારૂપ્યૈઃ ઉપરિષ્ટાત્ ખસમાગતૈઃ ।
અધશ્ચાત્માનં સદા ચિન્તેત્ પર્યઙ્કેનોપવિષ્ટકમ્

પદ્મપત્રે સ્થિતં મુખ્યં શરીરં ચાપિ નિર્મલમ્ ।
અભિષિઞ્ચન્તં સદાપશ્યન્તં તોયધારાભિઃ સર્વતઃ

અસઙ્ખ્યેયૈર્મુનિમુનિમુખ્યૈઃ સમ્બુદ્ધૈઃ દ્વિપદોત્તમૈઃ ।
પ્રસૃતૈર્દક્ષિણાગ્રકરૈઃ સમન્તાદઙ્ગુલિભિઃ સદા

શુક્લતોયા બહુભિઃ બહુધારાભિરૂર્ધ્વતઃ ।
સમન્તાત્ સર્વતશ્ચૈવ મૂર્ત્તિ ચાત્માન એવ તુ

અષ્ટાઙ્ગસલિલધારાભિઃ સુગન્ધૈર્લયશીતલૈઃ ।
અચ્છૈરનાવિલૈશ્ચૈવ સર્વવ્યાધિહરૈસ્તથા

જરામૃત્યુવિનાશિન્યૈઃ ભિન્નસ્ફટિકસન્નિભૈઃ ।
તાદૃશૈસ્તોયધારાભિઃ આત્માનં ચાપિ ચિન્તયેત્

અભિષિઞ્ચ્યાત્મતો ચિન્ત્યા તૈશ્ચાપ્યાયિતમાનસઃ ।
સમન્તાદ્ વારિધારાભિસ્તતો ધ્યાયી સુખી ભવેત્

સન્તુષ્ટમાનસો ધીમાં પશ્યેદ્ જ્ઞાનં તદાસનમ્ ।
ચિત્તે સમાધિતાં લિપ્સ્યે પઞ્ચાભિજ્ઞાસુ ચિન્ત્યધીઃ

એવં યુક્તઃ સદા યોગી પશ્યેદ્ ધર્માં તદા સ્વયમ્ ।
દિવ્યં શ્રોત્રં તથા જ્ઞાનં પૂર્વજાતિમનુસ્મરમ્

ઋદ્ધિવિક્રીડિતં જ્યોતિર્દિવ્યં ચક્ષુરનાવૃતમ્ ।
પરચિત્તગત્તિં ચિન્તાં સર્વસત્ત્વાશ્રયં તમ્

સર્વં જ્ઞાસ્યતિ યોગીશો તદા યુક્તેઃ સમાહિતઃ ।
અનિવર્ત્ત્યઃ સદા બોધો અનુત્તરાયાં ન સંશયઃ

બુદ્ધભૂમિગતાં ધર્માં પ્રથમાયામવિકલ્પતઃ ।
પ્રાપ્સ્યતે ઽસૌ સદા જાપી અનિવર્ત્યો ઽમૃતે પદે

અનાભોગેનૈવ સમ્યઙ્મન્ત્રાઃ સિધ્યન્તિ સર્વતઃ ।
યે ચ લોકોત્તરાઃ સર્વે અભિમુખ્યૈઃ પ્રભાષિતાઃ

બોધિસત્ત્વૈસ્તુ સર્વત્ર અબ્જા વજ્રોદ્ભવાશ્ચ યે ।
લૌકિકા યે ચ મન્ત્રા વૈ બ્રહ્મરુદ્રેન્દ્રભાષિતા

યક્ષમુખ્યગણૈઃ સર્વૈઃ ........ ।
માતૃભૂતગ્રહગણૈઃ યક્ષરાક્ષસકિન્નરૈઃ

દેવૈર્નાગગરુડૈશ્ચ સિદ્ધવિદ્યાધરૈસ્તદા ।
કૂશ્માણ્ડૈર્વ્યન્તરૈશ્ચાપિ કશ્મલૈઃ પિશિતાશનૈઃ

પરપ્રાણહરૈશ્ચાપિ રાક્ષસૈઃ પ્રેતદુઃસ્વપૈઃ ।
પિશાચૈઃ ભૃતયક્ષૈશ્ચ અનેકાકારજાતિજૈઃ

યે મન્ત્રા ભાષિતા લોકે + + + + + ।
તે તસ્ય યોગિનો યાન્તિ ઈષદ્ બોધાય બોધિતા

ક્ષિપ્રં સિદ્ધિતાં યાન્તિ મન્ત્રા સર્વાર્થસાધકાઃ ।
વચનં તસ્ય વૈ મન્ત્રઃ ક્ષિપ્રં તત્ત્વાર્થદર્શિને

ઋષયો યે ચ વૈ દેવાઃ માનુષોદ્ભવાઃ ।
પ્રસહ્ય વૃત્તા મુખ્યાશ્ચ સ્ત્રીપુંસાશ્ચાપુંસકાઃ

સર્વે મહર્દ્ધિકાશ્ચાપિ ઉત્તમાધમમધ્યમાઃ ।
સર્વે લૌકિકા ચાપિ યે મન્ત્રા લોકપૂજિતા

તૈશ્ચાપ્યથ મનૈશ્ચ મન્ત્રૈશ્ચાપિ મન્ત્રજાઃ ।
ભાષિતા મુનિમુખ્યૈશ્ચ સર્વે સિદ્ધ્યન્તિ યોગિને

તન્ત્રમન્ત્રગતાશ્ચાપિ ઓષધ્યો મણિભૂષણાઃ ।
સર્વે મન્ત્રવરા તસ્ય ઉત્તમાધમમધ્યમાઃ

સર્વાશાવાપ્તયે વાપિ અક્ષરે ક્ષરતે યદા ।
સિદ્ધ્યતે તસ્ય બૈં યુક્તસ્ય મન્ત્રિણે એવં યુક્તસ્ય મન્ત્રિણે

એવમુક્તસ્ય મન્ત્રસ્ય ધીમન્તસ્ય વિશેષતઃ ।
પ્રથમં ચિહ્નલિઙ્ગસ્તુ મન્ત્રાણાં સિદ્ધિહેતવઃ

શરીરં જાયતે શ્રેષ્ઠં પદ્માભાસં સુખોદયમ્ ।
ગાત્રસ્ય શૈત્યતા ચાપિ ચન્દનેન્દીવરગન્ધિતા

કર્પૂરાગરુસૌગન્ધ્યં પદ્મકિઞ્જલ્કવર્ણતઃ ।
વક્ત્રાદ્ રોમકૂપેભ્યઃ ગન્ધો વાન્તિ સચામ્પકમ્

જાતીયૂથિકપુન્નાગં નાગકેસરવકુલમ્ ।
ધાનુષ્કારી સસૌગન્ધી જાતિમલ્લિકકોલજમ્

વિવિધાં ધૂપમુખ્યા વા વિવિધા પુષ્પજાતયઃ ।
વિવિધા ગન્ધમુખ્યાશ્ચ વિવિધા દ્રવ્યજાતયઃ ।
વિવિધા સર્વગતા ગન્ધાઃ શુભકર્મસમોચિતાઃ

તેષાં ગન્ધવરં હૃદ્યં અભિભૂયોભિપ્રવર્તતે ।
દિવ્યં માન્દારવં ગન્ધં સકિઞ્જલ્કં સકોકણમ્ ।
સકસ્તૂર્યકં લોકે અભિભૂયં તાં પ્રવાયતે

તતશ્ચિહ્નમિમાં જ્ઞાત્વા ગાત્રે વૈ ચાપિ શૈત્યતામ્ ।
ચિત્તૈકાગ્રતાં ચૈવં મુખં ચૈવ વિવેકજમ્

પ્રથમં ધ્યાનજં ચૈવં ચિત્તં જ્ઞાત્વા તુ તીરિતમ્ ।
સુખદુઃખમુપેક્ષાય નિર્વૃતે ચાપિ વિરાગતામ્

ઉપેક્ષં સ્મૃતિપરિશુદ્ધિં દ્વિતીયે પ્રેરયતે જાપી ।
તૃતીયં ચિત્તતો ધ્યાનં ચતુર્થં અશ્રયતો વ્રતી

યથા મુનિવરોદ્દિષ્ટં ધ્યાનં સર્વતો શુભમ્ ।
તથા મન્ત્રગતો જાપી ધ્યાયેદેકાગ્રમનોમયમ્

યે નિર્દિષ્ટાદ્યાબુદ્ધૈસ્તુ વર્તમાનમનાગતૈઃ ।
સમ્બુદ્ધૈઃ શ્રાવકૈશ્ચાપિ સૂત્રાન્તાશ્ચાપિ કીર્તિતાઃ

તેષુ યોગેષુ મન્ત્રજ્ઞાઃ અનુપૂર્વ્યા ધ્યાનમાચરેત્ ।
નિર્વર્ત્ત્યં શ્રાવકી બોધિ પ્રત્યેકજિનમુદ્ભવામ્

મહાકરુણાનુભાવીત મહામૈત્રીં ચાપિ યત્નતઃ ।
યદ્ યદ્ ગોત્રાગતં ચિત્તં તથા ચિત્તં તુ ભાવયેત્

પરહિતચિત્તાન્મૈત્રી પરદુઃખકૃપાલુતા કરુણા ।
પરતુષ્ટિમુદિતા પરદોષમુપેક્ષણમુપેક્ષા

ઇત્યુવાચ મહાભાગા સમ્બુદ્ધા દ્વિપદોત્તમા ।
અનિત્યદુઃખમનાત્માશૂન્ય તત્ત્વં શિવં પદમ્

ક્ષેમં શિવં પરં સ્થાનં નિર્દિષ્ટં લોકનાયકૈઃ ।
ક્ષણિકઃ સર્વસંસ્કારાઃ ત્રિવિધાસ્તત્ત્વેષ્વચેષ્ટિતા

ત એવાસંસ્કૃતા ધર્માસ્ત્રિવિધા બોધિસંસ્થિતા ।
ત એવ શિવતમા લોકે કથિતા બોધિપરાયણૈઃ

પુદ્ગલાભાવનૈરાત્મ્યં તીક્ષ્ણપતનવર્ણિતમ્ ।
તં નાસ્તિ શિવે માર્ગે ક્ષેમે બુદ્ધોપદેશિતે

અત્યન્તનિષ્ઠે ધર્મે ઽસ્મિં ભૂતકોટિસમાશ્રિતે ।
ધર્મધાતુસમાનં તે અસ્તિનાસ્તિવિવર્જિતે

શુભે ધર્મોદયે બોધો ત્રિપ્રકારસમોદિતે ।
અત્યન્તનિષ્ઠે મોક્ષે ચ બહુધા ભેદમાશ્રિતે

સુપ્રયુક્તે સુનિર્દિષ્ટે સર્વબુદ્ધૈઃ સુદેશિતે ।
માર્ગે સ્થિતે ઽથ મન્ત્રજ્ઞઃ સર્વપાપહરે શિવે

યે ધર્મા મુનિવરૈઃ સર્વૈઃ પ્રતીત્યોત્પન્ના શુભાશુભાઃ ।
સર્વે તે જાતિભિર્યોગે ધ્યાતવ્યા મુનિહેતુભિઃ

શ્રાવકાનાં તુ યા શિક્ષા અધિશીલાનુપ્રવર્ત્તતે ।
અધિચિત્તં ચ યદ્ જ્ઞાનં શ્રાવણ્યફલહેતુકમ્

અનાસ્વરં સસ્વરં જ્ઞેયં જાપિભિઃ સર્વદા સ્વયમ્ ।
જ્ઞાતવ્યં ખડ્ગિણા શિક્ષા પ્રત્યેકાર્હસમ્ભવામ્

સર્વસત્ત્વાખ્યસત્ત્વૈવં સુસ્વરં ત્રિદિવોદિતમ્ ।
યથાજિનૈશ્ચ નિર્દિષ્ટં માર્ગતત્ત્વાનુગામિનમ્

સાશ્રવાનાશ્રવં ધ્યાનં સંવરં ચ શુભોદયમ્ ।
યથાવૃત્તિ યથાલિઙ્ગં તથા શિક્ષાસુ વ્યવસ્થિતમ્

તદ્ધર્માસેવતો જાપી મન્ત્રસિદ્ધિ સમશ્નુતે ।
ધ્યેયં ચ ધ્યાનજં પુણ્યં પુણ્યં બ્રહ્મશુભોદયમ્

તસ્ય સિદ્ધિ સદા જ્ઞેયા ધ્યાનૈઃ પુણ્યૈશ્ચ બૃંહિતૈઃ ।
ઉપોહ્ય સર્વતો મન્ત્રી જપહોમરતો વ્રતી

ધ્યાતવ્યઃ સર્વતો મુખ્યઃ જિનપુત્રો મહર્દ્ધિકઃ ।
મઞ્જુઘોષો મહાવીરઃ કુઙ્કુમાકારસમત્ત્વિષઃ

ઈષિસ્મિતમુખો દેવો સવ્યામાભોગમણ્ડલઃ ।
પ્રસન્નમૂર્ત્તિઃ પદ્મસ્થઃ સમન્તરશ્મ્યાવભાસિતઃ

પૂર્વનિર્દિષ્ટજે સ્થાને સ્વમૂર્ત્ત્યાભિષેકસેવિતે ।
ઉપરિષ્ટાત્ તોયતારાણાં મધ્યે જિનવરાલયે

તત્રસ્થં તુ સુખાસીનં ધ્યાયીતં મઞ્જુરવં શુભમ્ ।
સર્વબુદ્ધોર્ધ્વકં દૃષ્ટિં સનમસ્કારં શુભં પ્રભુમ્

વામે કરવિન્યસ્તં નીલોત્પલં શુભમ્ ।
દક્ષિણેન કરે હ્યુક્ત શુચિસ્થાને સદાશુભે

સનમસ્કારં સદા બુદ્ધં ઈષચ્છીલાસબાલિશમ્ ।
તં ધ્યાત્વા મુનિપુત્રે વૈ સદા મન્ત્રી પુનઃ પુનઃ

તત્રસ્થો ધ્યાનજો ધીમાં આતુરાયાં તુ પશ્યતિ ।
સર્વે તે વ્યાધિનિર્મુક્તા દૃષ્ટમાત્રેણ મન્ત્રિણા

અધશ્ચ પશ્યત્પાતાલં સર્વે ભૂમિગતા ધના ।
વશિતા સર્વમન્ત્રજ્ઞઃ નિત્યોચ્ચાટનમન્ત્રિણામ્

યદૂર્ધ્વં સમપશ્યેત્ સિદ્ધાં વ્યોમ્નાનુગામિનામ્ ।
સર્વં વશયિતા લોકે સિદ્ધદ્રવ્યાણિ સર્વતઃ

અથોત્તરાં દિશાં પશ્યેદ્ યક્ષાધ્યક્ષાંશ્ચ સર્વદા ।
કૂષ્માણ્ડા વિત્તદાશ્ચૈવ વિત્તેશશ્ચ મહર્દ્ધિકા

ઈશાનો ભૂતપતિશ્ચૈવ + + + + + + + + ।
ઔષધ્યો હમેજાઃ સર્વે રુદ્રશ્ચૈવ સહોમયા

કિન્નરા મરુગન્ધર્વા ઋષયો ગરુડસ્તથા ।
સર્વસત્ત્વાશ્રયા યે ચ તથોત્તરા વિદિશે

વિદિક્ષુ ચૈવ સર્વત્ર તથા સ્થાવરજઙ્ગમાઃ ।
સર્વે સ્યુર્વશમાયાન્તિ દૃષ્ટમાત્રેણ જાપિને

એવં પશ્ચિમતો જ્ઞેયં વરુણ મહર્દ્ધિકઃ ।
મહાનાગૈઃ સદા સર્વં દૃષ્ટ્વા યાન્તિ સમ્મૂર્ચ્છિતા

એવં વૈવસ્વતાં લોકાં યમશ્ચૈવ મહર્દ્ધિકઃ ।
સર્વે યે રાક્ષસા દુષ્ટા ઘોરરૂપા મહર્દ્ધિકા

સસુતા ભૃત્યવર્ગૈશ્ચ પરપ્રાણહરાઃ ખગાઃ ।
પિશિતાશ્ચનરૂપાશ્ચ ભીમરૂપાનુગાઃ સદા

વ્યન્તરા કશ્મલાશ્ચૈવ પ્રેતાપ્રેતમહર્દ્ધિકા ।
પિશાચા ભૂતક્રવ્યાદા વ્યાલશ્ચૈવ મહર્દ્ધિકાઃ

અનેકાકારરૂપાસ્તુ અનેકાકારયોનિજાઃ ।
રૂપા મનોજવાશ્ચૈવ સત્ત્વા હિણ્ડન્તિ મેદિનીમ્

દારુણા રુધિરગન્ધેન સમન્તાદ્ યોજનં શતમ્ ।
સહસ્રં પુનરાયાન્તિ સપ્તસપ્તે ઽનુગે સદા ।
માનુષાણાં વિહેઠન્તાં પર્યટન્તિ મહીતલે

આહારાર્ત્થિનઃ કેચિત્ કેચિત્ ક્રીડાનુગામિનઃ ।
સર્વે સ્યુર્વશમાયાન્તિ દૃષ્ટમાત્રેણ જાપિને ।
એવં પૂર્વયાં તથા દિક્ષિ પૂર્વાધ્યક્ષાદિશાનુગઃ

સવિતુઃ સર્વનક્ષત્રા સજ્યોતિગ્રહચન્દ્રમા ।
મહોત્પાદોપગ્રહાં સત્ત્વે વિરાજાશ્ચૈવ દિશાં પતિઃ

સસુતો સપરિવારો વૈ શસ્ત્રી વા ચાપિ સર્વતઃ ।
સર્વે તે વશમાયાન્તિ ધ્યાનેનાવર્જિતે જિતા

વિદિક્ષુશ્ચૈવ સર્વત્ર સર્વં સર્વાસુ દિક્ષુષુ ।
સુરશ્રેષ્ઠા સુરશ્ચૈવ સ્ત્રીપુંસાદયે ભુવિ

સર્વસત્ત્વા તથા લોકે માનુષા અમાનુષોદ્ભવા ।
સર્વે તે વશમાયાન્તિ યે સત્ત્વા ત્રિષુ સ્થાવરા

યે તુ ધાતુજા મુખ્યા તથા મધ્યમકન્યસાઃ ।
સર્વે તે વશમાયાન્તિ અદૃશ્યો દૃશ્યાશ્ચ ધ્યાયિને

ત્રિવિધં ધ્યાનજં કર્મ જ્યેષ્ઠમધ્યમકન્યસમ્ ।
જ્યેષ્ઠે ઉત્તમાં બોધિં પ્રાપ્ય ધ્યાયી નિવર્ત્તતે

અનુત્તરં ચ પદં શાન્તં પ્રત્યેકં માર્ગખડ્ગિણામ્ ।
કન્યસા શ્રાવકી બોધિઃ પ્રાપ્યતે પરનિશ્રિતા

પ્રતીત્યોત્પત્તિકધર્માણાં હેતુસમ્ભૂતલક્ષણમ્ ।
તેષાં નિરોધધર્માણાં એવં વાદી નરોત્તમઃ

સાક્ષાત્ક્રિયેન મર્હત્ત્વં ચતુરો પટલસમ્ભવામ્ ।
હેત્વાભાસવિદ જ્ઞાનં શૂન્યતા દુઃખસમ્ભવમ્

નૈરાત્મ્યધર્મતો નિષ્ઠં અત્યન્તં ભૂતકોટિજમ્ ।
નિરોધમાર્ગવદ્ જ્ઞેયનર્હત્વં ચાપિ કન્યસમ્

આલયોદ્ધાતનો વર્ત્ત્માપર્છેદો વદનાત્મતામ્ ।
પિપાસા પ્રતિપચ્છોષાવર્ત્મોપછેદો ઽથ દેહિનામ્

કામનદ્યાં સહતૃષ્ણાં શોકશલ્યો ઽથ દેહિનામ્ ।
રુધ્યન્તે સર્વતો ધ્યાને માર્ગે ઽસ્મિં ધ્યાનજે હિતે

ત્રિપ્રકારં તથા કર્મ અનેકાકારચિહ્નિતમ્ ।
ત્રિધા ચૈવ સમુખ્યાણાં ત્રિવિધા બોધિકીર્તિતા

કન્યસં શ્રાવકે બોધિઃ પ્રત્યેકાર્હખડ્ગિણામ્ ।
મધ્યમે ચ સદા લોકે નિર્દિષ્ટા જિનવરૈઃ પુરા

ઉત્તમં તુ સદા બોધિં સમ્યક્ સમ્બુદ્ધતાં ગતિમ્ ।
એવમાદ્યા પ્રયોગેન ત્રિધા કર્મક્રિયાક્રમમ્

શતધા ભિદ્યતે તત્ર સહસ્રો ઽથ મસઙ્ખ્યકમ્ ।
વ્રીહ્યઙ્કુરવદ્ જ્ઞેયં પુનઃ ક્ષેત્રાઙ્કુરવત્ સદા

તતો ઽઙ્કુરાઙ્કુરવન્નિત્યં સન્તત્યા સમ્પ્રકીર્તિતામ્ ।
વીજોષધવત્ કર્મ શુક્લધર્મસમન્વિતઃ

સત્ત્વવિજ્ઞાનસન્તત્યા પુનસ્તોયતરદ્ ભવત્ ।
પ્રવર્તતે ધ્યાનજા ધર્મા પુનધ્યીયીત બુદ્ધિમામ્

યથા ધ્યાનગતા યોગી શુદ્ધિં પશ્યેત્ સર્વતઃ ।
ત્રિધિધં ત્રિપ્રકારં તુ અનેકાકારસમ્ભવામ્

સિદ્ધિં મન્ત્રયુક્તિં ચ સમાધિં ચૈવ કીર્તિતમ્ ।
ધારણ્યા બોધિસત્ત્વાનાં ત્રિવિધૈવ સમોદિતા

અનેકાકારવરોપેતા મન્ત્રાશ્ચૈવ સુપૂજિતા ।
લૌકિકા લોકમુખ્યાશ્ચ તથા લોકોત્તરા સદા

સૌગતીવર્ત્મમાસ્થાય ધ્યાનં ધ્યાનપરમ્પરા ।
સિધ્યન્તે સર્વમન્ત્રા વૈ સર્વસત્ત્વાર્ત્થદર્શનામ્

પ્રાપ્નુવસ્તં જનાઃ સર્વે ધ્યાયતાં સર્વતો હિતામ્ ।
યશઃ કીર્તિયથાયુષ્યં સર્વવ્યાધિપ્રણાશનમ્

માર્ગતત્ત્વાર્થદં જ્ઞાનં જીવિતં ચાપિ સુપુષ્કલમ્ ।
પ્રાપ્નુવધ્વં નરાઃ શ્રેષ્ઠાઃ નિત્યં ધ્યાને સમાહિતાઃ

એષ યોગઃ સમાસેન નિર્દિષ્ટો મુનિવરૈઃ પુરા ।
અધુના ચ મયોક્તેદં વિધિયોગં સમાહિતમ્

મયાપ્યનુત્તરાં બોધિં સમ્પ્રાપ્તે મે ઽમૃતે પદમ્ ।
એભિરેવ સમાયોગૈઃ મન્ત્રૈશ્ચાપિ સુપૂજિતાઃ

ધ્યાનકર્મગતૈઃ દિવ્યૈઃ શુભૈશ્ચાપિ સમાધિભિઃ ।
પ્રાપ્યમનુત્તરં જ્ઞાનં બુદ્ધત્વં ભગવાનાહ

અપરં તુ પ્રવક્ષ્યામિ તન્મે નિગદતઃ શૃણુ ।
ક્રીડાર્થં સર્વમન્ત્રાણાં ક્રીડાશતકર્મજમ્

ધ્યાનજેનૈવ પ્રયોગેણ શૃણુ મઞ્જુરવો જનાઃ ।
સદા હિતાહિતં જ્ઞેયં મન્ત્રિણાં ચ વિકુર્વણમ્

ધ્યાનજેનૈવ યોગેન કુર્યાદ્ બાલિશબુદ્ધિનામ્ ।
આદૌ તાવદ્ સદા ધ્યાયેન્મહાનાગોચ્છ્રયં જલે

મહોદધિઃ સમન્તાદ્ વૈ શૈલરાજવિભૂષિતમ્ ।
રત્નશૃઙ્ગં મહોચ્ચં વૈ ચતુરન્તમયં શુભમ્

તત્રાસીનં મહાત્માનં બુદ્ધં ત્રૈલોક્યવિશ્રુતમ્ ।
સુનેત્રં ધર્મભૂયિષ્ઠં અમિતાભં ચ જિનોત્તમમ્

જિનપુત્રં સદા શ્વેતં લોકેશં ચ યશસ્વિનમ્ ।
પદ્મકેતું મહાસત્ત્વં મહાકરુણજોદ્ભવમ્

સુનેત્રે મુનિવરે સ્થાને કુમારં બાલરૂપિણમ્ ।
સદા મઞ્જુરવં વિન્દ્યાદ્ વિચિત્રો ભૂતિલક્ષણમ્

ઇન્દીવરકરં વામે દક્ષિણે સુગતાનભમ્ ।
જલે યો ઽત્ર મહાનાગો અનન્તો નામ નામતઃ

સર્વશ્વેતસ્તથા નિત્યં સપ્તશીર્ષજૈઃ સ્ફટૈઃ ।
તં ધ્યાત્વા ચિન્તયેજ્જાપી વિચિત્રાલઙ્કારભૂષિતમ્

સુગતાત્ સમ્પ્રતીચ્છન્તં તન્મુખં ચાપિ ચિન્તયેત્ ।
એવં નન્દોપનન્દૌ ચ નાગરાજૌ મહર્દ્ધિકૌ

તત્પ્રમાણોચ્છ્રિતૌ વૃદ્ધ્યા દ્વિગુણં ચાપિ સર્વતઃ ।
અનન્તકર્કોટકસ્તુલ્યૈઃ પદ્મશ્ચાપિ મહર્દ્ધિકઃ

કુલિકઃ શઙ્ખપાલશ્ચ કપિલશ્ચાપિ વર્ણતઃ ।
મહાપદ્મો ઽથ નાગેન્દ્રઃ પદ્માભશ્ચ લતે સદા

વાસુકિસ્તક્ષકશ્ચૈવ ઈષિત્કિઞ્જલ્કવર્ણતઃ ।
પદ્માભૌ સર્વતો જ્ઞેયૌ વિચિત્રાકારભૂષણૌ

શઙ્ખશ્ચૈવ મહાનાગો શુક્લાભો વર્ણતઃ શુભૌ ।
શઙ્ખપાલો મણિર્નાગઃ શ્વેતાભો ઈષિ વર્ણતઃ ।
સાગરશ્ચ મહાનાગઃ મુચિલિન્દશ્ચૈવ વિશ્રુતઃ

કૃષ્ણનાગો ઽથ સર્વત્ર કૃષ્ણવર્ણાઃ પ્રકીર્તિતાઃ ।
સર્વે તુલ્યપ્રમાણાસ્તુ નન્દોપનન્દો ઽથ સુર્ચ્છ્રિતૌ

એલપત્રો ઽથ નાગેન્દ્રો ભોગવાં લોકવિશ્રુતઃ ।
સાગરો હ્યુરગાધ્યક્ષઃ અચિન્ત્યાદ્ભુતચેષ્ટિતઃ

કરોતિ વિવિધાં કર્માં શુક્લાંશ્ચૈવ નિબોધતામ્ ।
મૃતકં વિષસુપ્તાં વા સાગરે નૈવ કારયેત્

વસ્ત્રેનાવૃત કૃત્વા વૈ ધ્યાનયોગેન ધીમતા ।
આકૃત્ય સાગરે સ્થાને શીઘ્રમુત્તિષ્ઠતે મૃતઃ

વિષસુપ્તસ્ય સદા નાગો પાદેનાક્રમ્ય ચાલયેત્ ।
તં ન્યસેત્ સાગરે સ્થાને નિર્વિષો ભવતિ તત્ક્ષણાત્ ।
એવં જ્વરપિશાચાંશ્ચ ક્રવ્યાદાં વ્યન્તરાં શુભામ્

રક્ષસાં પ્રેતકૂષ્માણ્ડાં પિશાચોરગમાતરામ્ ।
ગ્રહશ્ચૈવ સદા લોકે પરપ્રાણહરાં નરામ્

+ + + + + + + વિચિત્રા શ્રમમાશ્રિતા ।
માનુષિં તનુમાશ્રિત્ય તિષ્ઠન્તે ભુવિ માનુષામ્

ગૃહ્ણન્તે બાલિનાં સત્ત્વાં તેષાં ધ્યાનેનાનેન ચિન્તયેત્ ।
સાગરસ્ય તુ નાગેન્દ્રા ચિન્ત્યાદગ્રતોત્થિતમ્ ।
ધ્યાયીત માતરં સત્ત્વં ક્ષિપ્રં મુઞ્ચતિ બાલિસમ્

એવં દષ્ટમદષ્ટાનાં કીટલૂતોત્થિતાં નૃણામ્ ।
દદ્રુકિટિમકુષ્ઠાનાં પામાકણ્ડૂવિચર્ચિકામ્ ।
અન્યાં ચોત્થિતાં ચૈવ નિત્યં ભગન્દરરોહિતામ્

પ્લીહમેદોદરાં ચૈવ તથા પદ્મં સુપદ્મકમ્ ।
યક્ષાણાં સપદ્મકં ચૈવ તથા પદ્મોત્તરં કૃશમ્

જ્વરરોગગતાં સર્વાં બાધ્યન્તાં નૃજબાલિસામ્ ।
સર્વાં સાગરે સ્થાને સન્યસેત્ પન્નગોત્તમે

વિવિધાયાસદુઃખાનાં સર્વવ્યાધિગદર્ત્તિનામ્ ।
સન્યસેત્ સાગરે સ્થાને ધ્યાનચિન્ત્યાહિતેન વૈ ।
ક્ષિપ્રં મોચયતે નાગઃ સુગતાજ્ઞાં પ્રતીચ્છકઃ

એવઞ્ચમુરગૈઃ સર્વૈઃ સર્વકર્મકરૈઃ શિવૈઃ ।
ઉરગાધ્યક્ષૈસ્તદા સર્વં વ્યાપ્તમમ્ભોદતિર્યગમ્

સમન્તાત્ સર્વતો શ્રેષ્ઠા ઉરગાધ્યક્ષા મહર્દ્ધિકાઃ ।
સમયજ્ઞા મઞ્જુઘોષસ્ય આજ્ઞે દીક્ષણતત્પરાઃ ।
દૈવયક્ષાશ્રિતા નિત્યં માનુષાણાં શુભોદયાઃ

વ્યતિમિશ્રૈસ્તુ કર્મજ્ઞૈર્વ્યતિમિશ્રફલોદયા ।
કાલે વર્ષધરા નિત્યં ધાર્મિકાં વૃત્તિમાશ્રિતામ્

સમન્તાત્ તોયધારાભિઃ + + + + + + + ।
સસ્યૌષધ્યે તથા બ્રીહ્યાં નિષ્પન્ને ફલતિ હૈતુકમ્

મેઘરૂપેણ માશ્લિષ્ટા પર્યટન્તિ મહીતલે ।
મહર્દ્ધિકા મહેશાખ્યા કલ્પસ્થા મહોદયા ।
તેષાં ભોગવતી નામ પુરી અમ્ભોદમાશ્રિતા

યદા ધર્મપરા મર્ત્ત્યા જમ્બૂદ્વીપેષુ સર્વતઃ ।
તતો તિષ્ઠન્તે મહાનાગાઃ પરિવારાશ્ચ તેષુ વૈ

તદા દેવાસુરે યુદ્ધે અનુભૂય જયૈષિણઃ ।
જમ્બૂવૃક્ષગતા તસ્થુઃ જમ્બૂદ્વીપં ચ મધ્યતઃ

પુનઃ પુનર્નરાં ભેજે સર્વત્રાપ્રતિગોચરાઃ ।
સર્વશુક્લગતાં કર્માં તેષુ નાગેષુ યોજયેત્

કુર્વન્તિ સમયે ભ્રષ્ટા યે નાગા જલમાશ્રિતા ।
કીટવોપદ્રુતાં સર્વાં વિષાં સ્થાવરજઙ્ગમામ્ ।
મુમુચુઃ સર્વતો નાગા આસુરો પક્ષમાશ્રિતાઃ

પ્રમાથી ઝલુઝલુશ્ચૈવ કપર્દી ચાપિ મહોદધિઃ ।
ભીમો ભીષણશ્ચૈવ દુર્મુખો બહુમુખસ્તથા

એતે ચાન્યે મહાનાગા અતિદર્પાભિમાનિનઃ ।
કૃષ્ણકર્મે સ્થિતા નિત્યં વ્યતિમિશ્રેણ વા પરે

મહેશાખ્યા ભીમરૂપાશ્ચ વિષોગ્રથિજનાજને ।
અધર્મિષ્ઠા યદા મર્ત્ત્યા જમ્બૂદ્વીપનિવાસિનઃ

તદા મહાભયં કુર્યુર્વિષમૂર્ચ્છાતિદારુણમ્ ।
છર્દિર્ભ્રમિશ્ચ જાયેત મહામાર્યોપદ્રવાં બહૂમ્

દુષ્ટશરીસૃપાં લોકે વિસૃજન્ત્યહિતોદયા ।
એવં તે ચ મહાનાગા બહુપ્રકારોપદ્રવાશુભા

અનાવૃષ્ટિ અનાવૃષ્ટિં વિસૃજન્ત્યહિતે રતા ।
તેષાં ચ દર્પનાશાય ઇદં ધ્યાનં સમારભેત્

મઞ્જુઘોષં મહાધીરં બોધિસત્ત્વં મહર્દ્ધિકમ્ ।
વામોત્પલકરં સવ્યં દક્ષિણેન વરપ્રદમ્ ।
ભિન્નગોરોચનાભાસં હેમકુઙ્કુમવિદ્વિષમ્

ગરુડં પક્ષિરાજાનં આરૂઢં સુગતાત્મજમ્ ।
ધ્યાયીત મસ્તકે તેષાં દંષ્ટ્રિણાં સર્વવિષોત્કટામ્

તતસ્તે ભિન્નહૃદયાઃ ત્રસ્તોદ્વિગ્નમાનસાઃ ।
પુનર્નિવર્ત્ત્ય ગચ્છન્તે પ્રવિશન્તે ચ રુષાલયમ્

ઉત્પાતાં બહુવિધાં દૃષ્ટ્વા અશુભાંશ્ચૈવ સશબ્દકામ્ ।
એવં ધ્યાયીત મન્ત્રજ્ઞ મઞ્જુઘોષં સમાહિતઃ

બહુપ્રકારા મન્ત્રજ્ઞ નાગદંષ્ટ્રાં પ્રકલ્પયેત્ ।
અનેકાકારરૂપાસ્તુ અણ્ડજાંશ્ચ પ્રદંશિનામ્

વક્ષ્યે સમ્યગ્બુદ્ધ્યા શાસ્ત્રદૃષ્ટેન કર્મણા ।
તદ્ગોત્રજશ્ચ ઉરગા વૈ દશન્તે ભુવિ માનુષામ્

તેષાં વિધિદૃષ્ટેન શાસ્ત્રેણૈવ ગરુત્મના ।
કુર્યાત્ સર્વાણિ કર્માણિ પક્ષિરાજેન દેહિનામ્

કૃષ્ણશુક્લાદયો નાગા યે નાગા ભુવિ મણ્ડલે ।
વિચરન્તિ મહીં કૃત્સ્નાં સૂર્યરૂપેણ દેહિનામ્

સાધ્યાસાધ્યે તતો જ્ઞાત્વા વિષં ચ ચતુરો હિતામ્ ।
પિત્તશ્લેષ્મગતં ચૈવ વાયુવ્યતિવિમિશ્રિતામ્

શ્લેષ્મણા વારુણેત્યાહુઃ શુક્લવર્ણો ઽથ મણ્ડલઃ ।
પિત્તમજ્ઞેયજં નામ તૃકોણાકારસમ્ભવામ્

અગ્નિવર્ણ સદા રક્તમીષદ્ બાહુભપિઙ્ગલમ્ ।
કુલસ્થમિવ બન્ધાન્તં ચતુરસ્રં વ્યતિમિશ્રિતમ્

માહેન્દ્રમિતિ તં જ્ઞેયં કૃષ્ણવર્ણં મહોન્નતમ્ ।
શ્લેષ્માણાં ચ ગજેત્યાહુઃ પિત્તજં દ્વેષસમ્ભવમ્

મોહં વાયુજં જ્ઞેયં વ્યતિમિશ્રં કૃષ્ણવર્ણિતમ્ ।
તદેવ સાત્ત્વિકં વિન્દ્યાચ્છેલષ્મણં શુક્લવર્ણિતમ્

રાજતં પૈત્તિકં જ્ઞેયં પીતરક્તાવભાસિતમ્ ।
તામસં વાતિકં જ્ઞેયં વ્યતિમિશ્રહિતોત્વતામ્

વ્યન્તરેષ્વપિ સર્વેષુ કીટવિસ્ફોટકાદિષુ ।
સરીસૃપેષુ ચ સર્વત્ર વ્યતિમિશ્રં લિઙ્ગમીક્ષયેત્

કૃષ્ણાભં તત્રમુદ્યન્તં મઞ્જુઘોષં સુચિન્તયેત્ ।
ગરુત્મસ્થં સુખાસીનં બાલરૂપં સુખોદયમ્ ।
ચિન્તયેદ્ વ્યન્તરૈર્દુષ્ટં માનુષેષાદસન્ધિષુ

તતો ઽર્દ્ધં ચિન્તયેદ્ દિવ્યં કુમારં બાલરૂપિણમ્ ।
વિશ્વરૂપં મહાત્માનં ગરુત્મત્તોપરિસ્થિતમ્

તદાસીનં મહાભાગં શરત્કાણ્ડાકારવિદ્વિષમ્ ।
ઊસભ્યાં ચિન્તયેદ્ ધીમાન્ નાભિસ્યાદધ્યોમગમ્

પીતાભં ચિન્તયેદ્ ધ્યાયી ઉરઃસ્થાને સુસુપ્તિગમ્ ।
મઞ્જુઘોષં મહાવીર્યં પક્ષિરાજાગ્રવાહનમ્

શિરઃસ્થાને તથાચિન્ત્યઃ ધ્યાયીત ગરુડધ્વજમ્ ।
શુક્લાભં વૈનતેયસ્થં બહિસ્થં ચાથ ચિન્તયેત્

સાત્ત્વિકે વિષમૂર્ચ્છા તુ શ્લેષ્મં વમન્તિ સર્વતઃ ।
લાલા ચ સ્રુવતે ઽજસ્રં નિમજ્જતે ચ મુહુર્મુહુઃ ।
તં વિદ્યાત્ સાત્ત્વિકં દષ્ટં શુક્લપક્ષાહિતો ભવેત્

ભ્રમતે કમ્પતે ચૈવ સ્તબ્ધે ક્ષોભે સર્વેશ્વરઃ ।
વિષે ચ પિત્તજે મૂર્ચ્છા દાઘો જાયતિ દારુણામ્

રાજસે દંષ્ટ્રિણે દષ્ટ્રો એતદ્ ભવતિ ચેષ્ટિતમ્ ।
તામસે તમસં મોહઃ મૂર્ચ્છા નિદ્રા ચ જાયતે

વ્યતિમિશ્રૈર્વ્યતિમિશ્રં તુ ચેષ્ટા ભવતિ દારુણમ્ ।
સત્ત્વે ભવતિ શુક્લાભઃ દંષ્ટ્રે ભવતિ માનુષે

રાજસી પીતવજ્જ્ઞેયઃ છવિવર્ણાશ્ચ કિઞ્ચન ।
કૃષ્ણવર્ણાથ મોહાત્મા છવિવર્ણાથ જાયતે

વ્યતિમિશ્રે ધૂમ્રવર્ણસ્તુ આપાણ્ડુશ્ચાપિ ક્વચિત્તથા ।
સાત્ત્વિકો રાજસશ્ચૈવ શુક્લપક્ષાહિજોદ્ભવા

તામસો મિશ્રિણશ્ચૈવ અહિજા કૃષ્ણવર્ણિનામ્ ।
તત્કુલાકુલિનો હ્યેતે ઉરગાધ્યક્ષેશ્વરો સુ વે ।
આસુરં પક્ષમાશ્લિષ્ટા વિચરન્તિ મહીતલે

દંશતેષાં માનુષાં લોકે અધર્મિષ્ઠા નાગજાતયઃ ।
ક્રૂરાઃ ક્રૂરતરા લોકે આહારાર્થપરા સદા

કેચિદ્ વિહેઠનાર્થાય દંષ્ટ્રિણો પ્રાણહરા પરે ।
વિષનિર્નાશનાર્થાય સર્વદંષ્ટ્રોપજીવિનામ્

ઇદં ધ્યાનવરં મુખ્યં યથાલિઙ્ગાનુવર્નિનમ્ ।
સન્ન્યસેત્ પ્રાણિનાં ચિન્ત્યા ક્ષિપ્રં મુઞ્ચતિ તદ્વિષમ્

સર્વદા સર્વકાલં તુ સર્વવ્યાધિષુ યોજયેત્ ।
સર્વોપદ્રવાં હન્તિ ધ્યાનેષ્વેવ પ્રતિષ્ઠિતા

યથા નાગા તથા સત્ત્વા રાક્ષસા ગ્રહમાતરા ।
પરપ્રાણહરાશ્ચૈવ દુષ્ટચિત્તાથ માનુષાઃ ।
સર્વવ્યાધિમતા લોકે લિઙ્ગેષ્વેવ તુ યોજયેત્

ધ્યાનં ધ્યેયં તથા મુક્તિં કર્મં ચાપિ સદા ન્યસેત્ ।
કુમારરૂપં માઙ્ગલ્યં પવિત્રમઘનાશનમ્

મઞ્જુઘોષં મહાવીરં જિનપુત્રં મહર્દ્ધિકમ્ ।
સગરુત્મન્તે સુખાસીનં ઉદયન્તે રવિમણ્ડલે

ધ્યાયીત સર્વતો મુખ્યં મન્ત્રનાથેશ્વરં વિભુમ્ ।
સર્વત્ર ચિન્તિતો ધ્યાનસર્વવ્યાધિપ્રનાશનઃ

સર્વકર્માણિ કુર્વીત સર્વસત્ત્વેષુ સર્વદા ।
સર્વં સ્તમ્ભયતે હ્યેષ સર્વં શોભયતે શુભમ્

સર્વમન્ત્રાશ્ચ લોકાનાં અસ્મિન્ ધ્યાને નિબોધિતા ।
સિદ્ધિં ગચ્છન્તિ તે ક્ષિપ્રં પરકલ્પે ઽપીહોદિતા

યે ચ તાથાગતા મન્ત્રા વજ્રાબ્જકુલયોરપિ ।
+ + + + + શક્રેન્દ્રબ્રહ્મરુદ્રયોઃ

આદિત્યવસવેન્દ્રાણાં નક્ષત્રગ્રહજ્યોતિષામ્ ।
ગરુડોરગયક્ષાણાં ઋષિમુખ્યા સપૂતનામ્ ।
સર્વમન્ત્રાશ્ચ સિદ્ધ્યન્તે અસ્મિં કલ્પે તુ ધ્યાયિને

પરતન્ત્રવિધાને ઽપિ સ્વતન્ત્રેણાભ્યન્તરેણ વા ।
કુર્યાત્ કર્મસિદ્ધિં ચ ક્ષિપ્રં ધ્યાનગતેન વૈ ।
આદિત્યમણ્ડલે ધ્યાત્વા ઉદયન્તે વિશ્વરૂપિણમ્

કુમારં બાલિશાકારં શિશુભૂષણભૂષિતમ્ ।
આરૂઢમણ્ડલે દીપ્તં ગરુત્મન્તે ઽથ વૈનતે

મીદૃશાકારમવ્યક્તં મૂર્જે ચાપિ સુચિન્તિતે ।
દૃષ્ટ્વા પરબલસ્તમ્ભં જાયતે ચ મનીષિતમ્

સર્વે ચ દષ્ટાઃ સ્તભ્યન્તે નૃત્યન્તે ચ પરસ્પરમ્ ।
હસન્તે આતુરાઃ સર્વે ગ્રહાવિષ્ટાશ્ચ દેહિનામ્

જ્વરાર્તા મૂર્ચ્છિતા યે ચ ઉત્તિષ્ઠન્તે દ્રુતં તતઃ ।
ક્રન્દન્તે વિવિધા આર્તા ભીમનાદં કરોતિ વૈ

ગ્રહમાતરકૂષ્માણ્ડૈઃ ગૃહીતાનાં ભુવિ માનુષામ્ ।
એભિર્લિઙ્ગૈસ્તદા મન્ત્રી લક્ષયેદેતાં સમાહિતઃ

ઇચ્છયા મોચયેત્ ક્ષિપ્રં વિષસઙ્ક્રમણં તુ વૈ ।
ક્રીડાપયતિ ભૂતાનાં તદા યોગી રિરિંસયા

આદિત્યમણ્ડલે નાડી પ્રયોક્તવ્યા વિષમૂર્ચ્છિતે ।
રવિનાડીપ્રયોગેણ સર્વપ્રાણિ સ ચાલયેત્

નિર્વિષો ભવતે સુપ્તઃ વિષસ્થાવરજઙ્ગમઃ ।
તતોત્તિષ્ઠતે ક્ષિપ્રં વિષસુપ્તો ન સંશયઃ

અન્યશ્ચ વર્દ્ધતે ક્ષિપ્રં વિષાર્ત્તો ભુવિ ભૂતલે ।
પુનરન્યો પુનશ્ચાપિ અન્યાદન્યતરો ઽપિ વા

એવમ્પ્રકારૈઃ સર્વત્ર શતશો ઽથ સહસ્રઃ ।
યાવન્નાડીપ્રયોગેણ તાવદ્ ભૂતાનિ પાચયેત્

વસ્ત્રકુદ્યસ્તથા કુમ્ભે અસ્મતોયહુતાશને ।
ક્ષણેન ચાલયેન્નાડીં તત્રસ્થં વિષમાવિષે

સર્વે હ્યાતુરાઃ સ્વસ્થાસ્તત્ક્ષણાદેવ ભૂતલે ।
એવમાદ્યપ્રયોગેણ કુર્યાત્ કર્મ શતાષ્ટકમ્ ।
અસઙ્ખ્યં ચ વિધિં કુર્યાત્ પરમન્ત્રાસૃતેન વા

એષ પ્રયોગઃ સમાસેન ધ્યાનો હ્યુક્તો ઽથ જાપિનામ્ ।
પ્રયોક્તવ્યઃ કલ્પનિખિલઃ પરતન્ત્રો ગરુત્મનઃ

મતં સઙ્કલ્પજં પ્રોક્તં શૈવં ચાપિ વિશેષતઃ ।
સર્વે ચ લૌકિકા મન્ત્રા પ્રયોક્તવ્યા ધ્યાનવિસ્તરે

ઇહ મઞ્જુરવે કલ્પે ધ્યાનેનૈવ વિશેષતઃ ।
સર્વતન્ત્રપ્રયોગૈશ્ચ મન્ત્રૈશ્ચાપિ સુપૂજિતે ।
મતયો યે ઽપિ કલ્પાર્થાઃ પ્રયોક્તવ્યા ઇહ તે સદા

યોગે ઽસ્મિન્ ધ્યાનયે દિવ્યે કલ્પરાજોદિતે ઇહ ।
ધ્યાનેન સર્વે નિયોક્તવ્યા યુક્તિહેતુનિરઞ્જને

સૂક્ષ્મશ્ચિત્તવિષયે મન્ત્રસિદ્ધિનિબન્ધને ।
મુનિપુત્રોદિતે શુદ્ધે સર્વબુદ્ધાર્થમોદિતે ।
જાપિનો ધ્યાયતે નિત્યં સર્વસિદ્ધિસુપુષ્કલા