મઞ્જુશ્રીમૂલકલ્પ · અધ્યાય 25

આર્યમઞ્જુશ્રિયમૂલકલ્પાદ્બોધિસત્ત્વપિટકાવતંસકાન્મહાયાનવૈપુલ્યસૂત્રાદ્દ્વાવિંશતિતમ નિમિત્તજ્ઞાનજ્યોતિષપટલવિસરઃ પરિસમાપ્ત ઇતિ ॥
અથ પઞ્ચવિંશતિતમઃ પટલવિસરઃ ।
અથ ભગવાન્ શાક્યમુનિઃ પુનરપિ ગ્રહનક્ષત્રતારકજ્યોતિષગણાનામન્ત્રયતે સ્મ । + + + + શૃણ્વન્તુ ભવન્તઃ સર્વે । અનતિક્રમણીયો ઽયં કલ્પરાજા મઞ્જુશ્રિયઃ કુમારભૂતસ્ય મન્ત્રતન્ત્રાભિષેકમણ્ડલવિધાન નિચ જપહોમનિયમવિદ્યાસાધનપ્રવૃત્તાનામસ્મિં કલ્પવરે વિદ્યાધરાણાં તિથિનક્ષત્રચરિતગણિતામભિજ્ઞાનાં નક્ષત્ર ભવદ્ભિઃ વિઘ્નં કર્તવ્યમ્ । પ્રવૃત્તાનાં શાસને ઽસ્મિન્ સર્વૈશ્ચ દેવસઙ્ઘૈઃ તત્ર રક્ષા કાર્યા । સર્વે ચ દુષ્ટસત્ત્વાનિ નિષેદ્ધવ્યાનિ, રોદ્ધવ્યાનિ, શાસયિતવ્યાનિ, સર્વે સર્વં ન ઘાતયિતવ્યાનિ, વ્યવસ્થાસુ ચ સ્થાપયિતવ્યાનિ શાસને ઽસ્મિન્ દશબલાનામ્ ॥
અથ ભગવાં શાક્યમુનિઃ સર્વતથાગતોષ્ણીષાભ્યુન્નતં નામ સમાધિં સમાપદ્યતે સ્મ સર્વદુષ્ટનિવારણાર્ત્થં સર્વસત્ત્વાનામ્ । સમનન્તરસમાપન્નસ્ય ભગવતઃ શાક્યમુનેઃ સર્વે ચ તે તથાગતાઃ દશદિગ્લોકધાતુવ્યવસ્થિતા ભગવન્તં શાક્યમુનિઃ તથાગતં શુદ્ધાવાસભવનસ્યં વ્યલોક્યોપસઙ્ક્રમન્તે । ઉપસઙ્ક્રમ્ય અચિન્ત્યબુદ્ધસ્વકાધિષ્ઠાનેન ભગવન્તં શાક્યમુનિં તથાગતમામન્ત્રયતે સ્મ ॥
ભાષ ભાષ ભો મહાવીર લોકાનાં ચ હિતોદયમ્ ।
પ્રવૃત્તે સર્વમન્ત્રાણાં સમન્ત્રતન્ત્ર યથાવિધિ

ભાષિતઃ સર્વબુદ્ધૈસ્તુ વિદ્યારાજા મહર્દ્ધિકઃ ।
એકાક્ષરઃ પ્રવરો હ્યગ્રો નષ્ટે કાલે કલૌ યુગે

પ્રવરઃ સર્વમન્ત્રાણાં સર્વબુદ્ધૈસ્તુ ભાષિતમ્ ।
ઉષ્ણીષરાજા મહાવીર્યઃ સર્વભૂતનિવારણમ્

નિષેદ્ધા ગ્રહનક્ષત્રાં માતરાં દુષ્ટચેતસામ્ ।
વિઘ્નાઃ સર્વે તથા લોકે યે ચાન્યે દુષ્ટચેતસા

અનુગ્રહાર્ત્થં તુ સત્ત્વાનાં જાપિનાં ચ સુખોદયામ્ ।
સકલે ઽસ્મિન્ શાસને હ્યગ્રઃ ચક્રવર્તિર્મહર્દ્ધિકઃ ।
ઉષ્ણીષરાજા મહાવીર્યઃ સર્વસ્મિં પરમેશ્વરઃ