મઞ્જુશ્રીમૂલકલ્પ · અધ્યાય 19

ઇતિ ।
બોધિસત્ત્વપિટકાવતંસકાન્મહાયાનવૈપુલ્યસૂત્રાદાર્યમઞ્જુશ્રિયમૂલકલ્પાત્ ષોડશપટલવિસરાદ્ દ્વિતીયો ગ્રહનક્ષત્રલક્ષણક્ષેત્રજ્યોતિષજ્ઞાનપરિવર્ત પટલવિસરઃ ।
અથ એકોનવિંશઃ પટલવિસરઃ ।
અથ ખલુ ભગવાન્ શાક્યમુનિઃ પુનરપિ શુદ્ધાવાસભવનમવલોક્ય મઞ્જુશ્રિયં કુમારભૂતમામન્ત્રયતે સ્મ - અસ્તિ મઞ્જુશ્રીઃ તૃતીયમપિ જ્યોતિષજ્ઞાનનિયમપરિવર્તં ભાષિષ્યે પૂર્વકૈઃ સમ્યક્ સમ્બુદ્ધૈર્ભાષિતં ચાભ્યનુમોદિતં ચ ત્વદીયમન્ત્રતન્ત્રાર્થકલ્પિતમ્ । શૃણુ સાધુ ચ સુષ્ઠુ ચ મનસિ કુરુ ॥
એવમુક્તે ભગવતા શાક્યમુનિના મઞ્જુશ્રીઃ કુમારભૂતો બોધિસત્ત્વો મહાસત્ત્વઃ ઉત્થાયાસનાદેકાંશમુત્તરાસઙ્ગં કૃત્વા, દક્ષિણં જાનુમણ્ડલં પૃથિવ્યાં પ્રતિષ્ઠાપ્ય, યેન ભગવાં, તેનાઞ્જલિં પ્રગૃહ્ય, ભગવન્તમેતદવોચત્ । તત્ સાધુ ભગવાં ભાષતુ જ્યોતિષજ્ઞાનપટલવિસરમ્ । તદ્ ભવિષ્યતિ સત્ત્વાનામર્થાય હિતાય સુખાય । દેવમનુષ્યાણાં સર્વમન્ત્રચર્યાનુપ્રવિષ્ટાનાં ચ સત્ત્વાનામનુત્તરાયાં સમ્યક્ સમ્બોધો, અભિપ્રસ્થિતાનાં ચ, ઉપાયકૌશલ્યમન્ત્રચર્યા સુખેન સાધયિષ્યન્તિ । સર્વસત્ત્વાનુકૂલં યોગવિધાનકર્માનુકૂલં કાલનિયમનિષ્યન્દિતકર્મસ્વકતાં નક્ષત્રવારગ્રહયોનિક્ષેત્રરાશિસમોદયામ્ । તદ્ ભવિષ્યતિ સુખસાધનોપાયં મન્ત્રાનુવર્તનં સુખવિપાકં તદ્ ભવિષ્યતિ તે બોધિસત્ત્વાનાં વિષ્પન્દિતવિકુર્વણ ઋદ્ધ્યધિષ્ઠાનમ્ ॥
એવમુક્તે મઞ્જુશ્રિયા કુમારભૂતેન અથ ભગવાં મઞ્જુશ્રિયં કુમારભૂતમેતદવોચત્ । સાધુ સાધુ મઞ્જુશ્રીઃ! યસ્તથાગતમેતમર્થં પરિપૃચ્છસે । તેન હિ શૃણુ સાધુ ચ સુષ્ઠુ ચ મનસિ કુરુ । ભાષિષ્યે સર્વસત્ત્વાનામર્થાય । એવમુક્તે મઞ્જુશ્રીઃ કુમારભૂતો ભગવતશ્ચરણયોર્નિપત્ય, નિષણ્ણો ધર્મશ્રવણાય ॥
અથ ભગવાં સર્વાવન્તં શુદ્ધાવાસભવનમાભયા સ્ફુરિત્વા, સર્વબુદ્ધાવલોકનદ્યોતનીં નામ સમાધિં સમાપદ્યતે સ્મ । સમનન્તરસમાપન્નસ્ય ભગવતઃ કાયાન્નીલપીતાવદાતમાઞ્જિષ્ઠસ્ફટિકવર્ણાદયો રશ્મયો નિશ્ચરન્તિ સ્મ । નિર્ગત્ય ચ સત્ત્વાનાં બુદ્ધક્ષેત્રાં અવભાસ્ય, સર્વાણિ ચ ગ્રહનક્ષત્રયોનિં સમાશ્રયરાશિતારાં ભવનાન્યવભાસ્ય, ગગનતલગતાં નરકતિર્યક્પ્રેતદેવભવનમનુષ્યસર્વસત્ત્વભવનાનિ ચાવભાસ્ય સર્વદુઃખાનિ ચ પ્રતિપ્રસ્રભ્ય સર્વસત્ત્વાનાં પુનરેવ ભગવતઃ શાક્યમુનેઃ કાર્યે ઽન્તર્દ્ધીયતે સ્મ ॥
અથ ભગવાન્ શાક્યમુનિસ્તસ્માત્ સમાધેર્વ્યુત્થાય સર્વાં તાં નક્ષત્રગ્રહરાશિદેવસઙ્ઘાનામન્ત્રયતે સ્મ । શૃણ્વન્તુ ભવન્તઃ સર્વનક્ષત્રદેવસઙ્ઘાઃ યો હ્યસ્મિન્ ધર્મવિનયે મન્ત્રચર્યાયાં સમનુપ્રવિષ્ટ ઇહ કલ્પવિસરે તત્ સાધયેત્ સર્વમન્ત્રાણાં સર્વદ્રવ્યકર્મવિધાનાદિષુ, ન ભવદ્ભિસ્તત્ર વિઘ્નં કર્તવ્યં સર્વૈરેવ સન્નિપતિતૈઃ રક્ષાવિધાનસાન્નિધ્યં કથયિતવ્યમ્ । યો હ્યેનં સમયમતિક્રમેત્, તસ્ય યમાન્તકઃ ક્રોધરાજા સર્વનક્ષત્રગ્રહાણાં તત્ક્ષણાદેવમપર્યન્તલોકધાતુસ્થિતાનાં સસુતાનાં સબાન્ધવાં સપાર્ષદાનાનયતિ સ્મ, સર્વેષાં ચ મૂર્ધનિ સ્થિત્વા પાદેનાક્રમ્ય વિવિધાનિ ક્રૂરકર્મઋદ્ધિપ્રાતિહાર્યાણિ દર્શયતિ સ્મ, બુદ્ધાધિષ્ઠાનેન પ્રાણૈર્વિયોજયતિ સ્મ, સમયે ચ સ્થાપયતિ સ્મ, વિકૃતરૂપમાત્માનં દર્શયતિ સ્મ, અન્તે સર્વભૂતયક્ષરાક્ષસનક્ષત્રગ્રહરાશયો નિસત્ત્વગરુડમરુતમહોરગગણા ( વૈદ્ય 139 ) સર્વૈર્ભીતાસ્ત્રસ્તાઃ, થરથરાયમાનાઃ, મહાવિક્રોશં કુર્વાણઃ ભગવતઃ પાદયોર્નિપત્ય પ્રકમ્પ્યમાના એવમાહુઃ - પરિત્રાયસ્વ ભગવન્ પરિત્રાયસ્વ । સુગત અનાથાઃ સ્મ, અત્રાણાઃ સ્મ, મહાક્રોધરાજ ભયભીતા જીવિતં નો ભગવાન્ સમનુપ્રયચ્છાસ્માકમ્ । ઇત્યેવમુક્ત્વા તૂષ્ણીમ્ભૂતાઃ પ્રવેપમાનગાત્રાઃ ॥
અથ ભગવાન્ શાક્યમુનિઃ । તાં નક્ષત્રગ્રહસઙ્ઘાતાંશ્ચ યક્ષરાક્ષસપ્રેતપિશાચમાતરગણાનામન્ત્રયતે સ્મ । મા ભૈષ્ટથ માર્ષાઃ ભો ભૈષ્ટથ માર્ષાઃ નાસ્તિ અથાગતાનામન્તિક ઉપસઙ્ક્રાન્તાનાં ભયં વા મરણં વા । સર્વદુઃખા નિવાર્યો હિ માર્ષાઃ બુદ્ધં શરણં ગચ્છેદ્, વિપદાનામગ્ર્યં ધર્મં શરણં ગચ્છેદ્, વિરાગાણામગ્ર્યં સઙ્ઘં શરણં ગચ્છેદ્, ગણાનામગ્ર્યં ન તસ્ય ભવતિ લોમહર્ષમ્ । વાઞ્છન્તિ તત્ત્વો વાકઃ પુનર્વાદો મૃત્યુભયં સર્વભયદુઃખેભ્યો મુક્ત એવ દ્રષ્ટવ્યઃ । સર્વસાંસારિકં ભયં ન કદાચિદ્ વિદ્યતે । દુઃખોપશમં શાન્તિં નિજ્વરં સન્નિયતં બોધિપરાયણં પદમવાપ્નુયાદિતિ ॥
અથ તત્ક્ષણાદેવ ભગવતા તેષાં સર્વદુઃખાનિ ઋદ્ધ્યા પ્રતિપ્રમુગ્ધાનીતિ યમાન્તકશ્ચ ક્રોધરાજા ભગવતશ્ચરણયોર્નિપત્ય, મઞ્જુશ્રિયસ્ય કુમારભૂતસ્ય સમીપે સન્નિષણ્ણો ધર્મશ્રવણાય । સર્વે ચ તે ગ્રહનક્ષત્રગણાઃ સર્વદુઃખાનિ ચ પ્રતિપ્રસ્રભ્યન્તે સ્મ । સર્વશ્ચ કેતવો પ્રશાન્તા નિષણ્ણાશ્ચ ધર્મશ્રવણાય સ્વસ્થીભૂતા એકાગ્રમનસો ભગવન્તં વ્યવલોકમાના વિસ્મયોત્ફુલ્લનયના + દ્વિલ્પમનસશ્ચ સંવૃત્તા અભૂવં ॥
અથ ભગવતા લોકાનુકમ્પાર્થં તથા તથા ધર્મદેશના કૃતા ચતુરાર્યસત્યસમ્પ્રયુક્તા યથા યથા તૈઃ સત્ત્વૈઃ કૈશ્ચિત્ સત્યાનિ દૃષ્ટાનિ કૈશ્ચિદર્હત્વં કૃતમ્, કૈશ્ચિત્ પ્રત્યેકબોધઃ, કૈશ્ચિદનુત્તરાયાં સમ્યક્ સમ્બોધૌ ચિત્તાન્યુત્પાદિતાનિ, સર્વં ચ નિયતાવ્યાકૃતાનુત્તરાયાં સમ્યક્ સમ્બોધૌ, સર્વૈશ્ચ પિથિતાન્યપાપદુર્ગતિવિનિપાતાનિ દેવમનુષ્યોપપત્તૌ દ્વારાણ્યુત્પાદિતાનિ, સ્વર્ગાર્ગલમપાવૃતમ્ । સર્વે ચ સમયમધિતિષ્ઠન્તિ ॥
અથ ભગવાન્ શાક્યમુનિસ્તેષામનુશયં જ્ઞાત્વા, વિનયકાલસમયમનન્તરમેવ તેષાં વિનીતાં સત્ત્વાં જ્ઞાત્વા, ધર્મં ભાષતે સ્મ ॥
અરિદુઃખસમાક્રાન્તં દોષજં વિનિધાશ્રયમ્ ।
અભાવો દેવગણાઃ સર્વે પૃજ્યન્તે શાસને ઇહ

આરભધ્વં પરં વીર્યં બોધિસોપાનહેતુકમ્ ।
પ્રાપ્નુયાદેવ સઙ્ઘાતાઃ શાન્તનિજ્વરમાલયમ્

અશોકં વિરજં ક્ષેમં નિર્વાણં વાપિ નૈષ્ઠિકમ્ ।
નિર્મલં ગગનતુલ્યાખ્યં અભાવં તુ સ્વભાવિકમ્

પરં પ્રાપ્સ્યથાનિન્દિતં દિવ્યં સુજુષ્ટમનાવૃતમ્ ।
અનિત્યદુઃખશૂન્યાર્થમનાત્મં તુ સમોદિતમ્ ।
ભાવયન્તો દિવા સર્વં પ્રાપ્સ્યન્તે ચૈવ નૈષ્ઠિકમિતિ

મન્ત્રતન્ત્રાભિધાનેન ચર્યા ચૈવ સુખોદયા ।
કથિતા જિનવરૈઃ શ્રેષ્ઠા મન્ત્રસિદ્ધિરુદાહૃતા

ઉપાયં સત્ત્વાનાં અગ્રે નિયોગેનૈવ ધીમતૈઃ ।
કથિતા મન્ત્રસિદ્ધિસ્તુ ફલકાલે સમોદયે

વિચિત્રં કર્મણાં જાતિ વિચિત્રેવ યોજિતા ।
વિચિત્રા કર્મતઃ સિદ્ધિર્વિચિત્રં કર્મયોનિજમ્

વિચિત્રા ચિત્રરૂપેણ મન્ત્રૈરેભિર્નિયોજિતા ।
વિચિત્રાર્થાઃ કર્મવિસ્તરા વિચિત્રં કર્મ ઉચ્યતે

કર્મ ચિન્ત્યા તથા ચિત્રં અચિન્ત્યં ચાપિ ચિન્તિતમ્ ।
તસ્માત્ પ્રારમ્ભન્મન્ત્રી મન્ત્રચિત્રેષુ પુષ્કલામ્

રાશયઃ કથિતાશ્ચિત્રા તેષુ જાતા નરા સદા ।
સદેવાસુરમુખ્યાસ્તુ વિવિધા પ્રાણિવિહઙ્ગમા

તેષાં ચ યાનિ ચિહ્નાનિ તાનિ સિદ્ધિષુ યોજયેત્ ।
મેષરાશૌ તથા જાતઃ મનુજા વા દિવૌકસા

બહ્વપત્યો બહુભાષ્યો સુરૂપશ્ચાપિ જાયતે ।
વણિક્ શીલી તથા શૂરઃ મનુજઃ સ્ત્રીષુ વર્ણિતઃ

વક્રો લુબ્ધચિત્તશ્ચ ભૂપતિર્ગૃહસેવિનઃ ।
તત્રસ્થશ્ચન્દ્રમા પ્રોક્તઃ સર્વકર્મે પ્રયોજયેત્

આદિત્યો યદિ દૃશ્યેત મેપરાશિસમાશ્રિતઃ ।
તત્ર કર્મ સદા સિદ્ધિ ક્રૂરકર્મસુયોજિતામ્

યાનં ગમનં ચૈવ આસનં શયનં સદા ।
ન ભજેત્ તન્ત્રમન્ત્રજ્ઞો વિરુદ્ધા સર્વયોગિભિઃ ।
તત્ર જાતઃ સદા મર્ત્યો મન્ત્રં દેયાભિચારુકમ્

વૃષરાશૌ તદા જાતો મનુજો ભોગવાન્સદા ।
સ્ત્રીષુ કાન્તઃ સદા લુબ્ધઃ ધર્માધર્મવિચારકઃ

ગ્રામ્યસેવી સદાધ્યક્ષો દેવરાઙ્ગાનિ બોધતામ્ ।
તત્રસ્થશ્ચન્દ્રમા જાતો ધાર્મિકો ઽસૌ સુરેશ્વરઃ

ભવેત્ તસ્ય ચિત્તં વૈ રાજ્યમાશ્રયતા સદા ।
તસ્ય મન્ત્રા સદા દેયા ચૈત્યા જિનભાષિતઃ

તેન ચન્દ્રાર્થયુક્તેનરાશ્રયો ઽર્થનિબોધિતાઃ ।
ગમનાગમનં કર્મ સ્મશ્રુકર્મ ચ યુક્તિમામ્

આચરેદ્ ગ્રહકર્માણિ ન કુર્યાદ્યાભિચારુકમ્ ।
સર્વકર્મસમુદ્યોગં મન્ત્રસિદ્ધિસુખોદયમ્

આલિખેન્મણ્ડલાદીનાં બુદ્ધબિમ્બાંશ્ચ કારયેત્ ।
સિદ્ધદ્રવ્યસુરાશ્રેષ્ટા સાધ્યમાના દિવૌકસા ।
સિધ્યન્તે મન્ત્રિભિર્યુક્તા નક્ષત્રેષ્વેવ રિસિષુ

મિથુનાયાં યદા જાતો માનુષો ઽથ દિવૌકસઃ ।
તેષાં ચ ગતિચિહ્નાનિ સિદ્ધિકાલં નિબોધતામ્

આઢ્યો ઉદ્યુક્તચિત્તશ્ચ શઠો મૂર્ખો ઽથ જાયતે ।
તત્રસ્થો યદિ વિખ્યાતઃ નક્ષત્રા નિશિ ભૂષણમ્

તતઃ કાન્તો કવેન્મર્ત્યો બન્ધૂનાં વલ્લભઃ સદા ।
ધનાઢ્યો યુક્તિમન્તશ્ચ મહેશાખ્યો ઽથ જાયતે

શેષૈ ગ્રહૈઃ ક્રૂરૈસ્તુ વિવિધૈશ્ચાપિ કુત્સિતૈઃ ।
જાયતે ધૂર્ત્તરાગાર્ત્તઃ વ્યાધિભિશ્ચ સમાકુલઃ

નેદદ્યુસ્તસ્ય મન્ત્રા વૈ શાન્તિકં પૌષ્ટિકં પરમ્ ।
ક્ષુદ્રાં કશ્મલાંશ્ચૈવ ક્રવ્યાદાં પિશિતાશિનામ્ ।
ક્રૂરૈ ગ્રહમુખ્યૈસ્તુ દર્શનાશ્ચ ભવેત્ સદા

એતેષાં મન્ત્રસિધ્યર્થં ક્રૂરકર્મેષુ યોજયે ।
નિષિઅદ્ધં ગમનં તત્ર અગ્રપઞ્ચવિવર્જિતમ્

ગમનાગમનયોસ્તત્ર ન સિદ્ધિઃ સર્વકર્મસુ ।
ક્ષુદ્રકર્મ તથા તેષાં દદ્યઃ સર્વતો જાના

સિતાખ્યૌ ગ્રહમુખ્યૌ તૌ પાતકૌ દ્વે પરે ઽપરૌ ।
ચતુર્થા ગ્રહમુખ્યાનાં દર્શનં શ્રેયસોદ્ભવમ્

ઉભૌ રક્તૌ ઉભૌ કૃષ્ણૌ દર્શનં ક્રૂરકર્મિણામ્ ।
સિતૌ શુક્લેન્દુમુખ્યૌ તૌ પીતકૌ બુધબૃહસ્પતૌ

અર્કાઙ્ગારકશ્ચૈવ રક્તૌ તૌ દિશિ ભૂમિજૌ ।
ષણ્ડો રાહો તથા કૃષ્ણૌ વિચિત્રા શેષકા ગ્રહા

નાનાગ્રહગૃહા પ્રોક્તા વિચિત્રા ધાતુસુભૂષિતાઃ ।
વિચિત્રાકૃતયઃ કેચિદ્ વિચિત્રપ્રહરણોદ્યતા

નાનાધાતુગણાધ્યક્ષા નાનાઋષિપુરાતનૈ ।
શિષ્યન્તે ગ્રહાણાં સર્વં અપ્સરાભિશ્ચ કિન્નરૈઃ

ગગનસ્થા વર્ણતો યાતા ગતિયોનિવિદિતા ।
અન્તરીક્ષચરાઃ સર્વે નક્ષત્રૈઃ સહચારિણઃ

વ્યોમ્નિ ધાનસમાયાતા વિચિત્રા ગતિચેષ્ટિતા ।
મહર્દ્ધિકા પ્રભાવતઃ ગત્યા રૂપવેષસમાશ્રયાત્

કથિતા મુનિવરૈઃ સર્વૈઃ કર્મતત્ત્વાર્થયોજિતાઃ ।
ચતુર્થે ઽહનિ સંયુક્તાશ્ચતુઃસત્ત્વનિયોજિતાઃ

ચત્વારો ગ્રહવરા પ્રોક્તા સિતો પીતો ઽર્થસાધકાઃ ।
શેષાઃ ક્રૂરકર્મસુ રક્તૌ કૃષ્ણૌ ચ યોજિતૌ

નાચરેત્ સર્વકર્માણિ શાન્તિકાનિ વિશેષતઃ ।
કૃષ્ણરક્તૌ ગ્રહૌ હ્યેતૌ તિથૌ ચાપિ ચતુર્દશી

નાચરેત્ સર્વકાર્યાણિ ક્ષુદ્રકર્માણિ સાધયેત્ ।
માનુષે સાધયેદર્થી ગણનામે શુભોદયામ્

તૈરેવ કારયેત્ ક્ષિપ્રં આસનં શયનં સદા ।
મન્દિરં ચ વિશેદ્ધીમાં સર્વદુર્ગાણિ કારયેત્

કર્કટરાશિજાતસ્થો દૃશ્યતે મનુજાઃ શુભઃ ।
શાસ્તા ચ ભવેત્ ક્ષિપ્રં રાજાનશ્ચક્રવર્તિનઃ

ભવન્તે જન્મિનો બોધો પૂર્વકર્મસમુદ્ભવૈઃ ।
શુક્રેન્દ્રગ્રહમુખ્યાનાં દર્શનં ચૈવ જાયતામ્

શુભે ઽહનિ શુભે દેશે બોધિસત્ત્વ અજાયત ।
પુષ્યનક્ષત્રયોગેન જાયન્તે મરુપૂજિતા

બુદ્ધાસ્ત્રૈલોક્યગુરવો ઽન્યે ઽપિ મહર્દ્ધિકાઃ ।
રાજ્યકર્ત્તા નિકૃન્તા ચ બહુપ્રાણિનરાધિપાઃ

જાયન્તે વિવિધા લોકે શન્યર્કાઙ્ગારચિહ્નિતાઃ ।
કેચિજ્જનભૂયિષ્ઠા મર્ત્યા કર્મપરાયણા

જાયન્તે વિવિધાચારા પુષ્યે જાતાપિ તે સદા ।
તસ્માત્ કર્મફલં વિદ્ધિ ગતિમાત્માનચેષ્ટિતા

કેવલં તુ સદાચારા ગ્રહકર્મનિયોજિતા ।
લોકધર્માનપેક્ષેહ નિર્દિશન્તિ તથા જિનાઃ

કર્મ લોકવૈચિત્ર્યં લોકધાતુસમાધિજમ્ ।
ભાજનં સર્વલોકનામાશ્રયોદ્ભવસમ્ભવમ્

વિચિત્રં કથિતં લોકે સુરાઃ શ્રેષ્ઠાં નિબોધતામ્ ।
કર્મજં હિ પુરા પ્યાસી કથયામાસ વત્સલઃ

સત્ત્વસાધારણા ધીમાં બોધિસત્ત્વો મહર્દ્ધિકઃ ।
મઞ્જુઘોષસ્તદા વવ્રે સત્ત્વાનાં હિતકામ્યયા

કર્મજં કથિતં સર્વં મન્ત્રતન્ત્રસવિસ્તરમ્ ।
એષો વઃ સુરાઃ સર્વે ધર્મો હ્યેકેન યઃ સદા

કર્કટો રાશિજાતસ્ય દદ્યાન્મન્ત્રં તુ પૌષ્ટિકમ્ ।
તતઃ પરેણ સિંહસ્ય રાશિર્દૃશ્યતિ માનવામ્

સિંહજાતો ભવેન્મર્ત્ય અશૂન્ લુબ્ધ એવ તુ ।
સ્ત્રીશઠો માંસભોજી સ્યાદ્ ગિરિકન્દરવાસિનઃ

સેનાપત્ય તથા નિત્યં કારયેચ્ચ વસુન્ધરામ્ ।
મહીપાલો મહાધ્યક્ષઃ ક્રૂરકર્મા સદા શુચિઃ

કૃતઘ્નઃ કૃતમન્ત્રશ્ચ પાપકર્મસદારતઃ ।
મિત્રદ્રોહી સદા લુબ્ધઃ શઠશ્ચૈવમજાયત

ગ્રહૈશ્ચાપિ સદા દૃષ્ટા સિતૈઃ પીતૈશ્ચ ધીમતૈઃ ।
જાયતે ધાર્મિકસ્તત્ર કૃષ્ણૈશ્ચાપિ શઠઃ સ્મૃતઃ

તત્ર કર્મ સમુદ્દિષ્ટં પૌષ્ટિકં સિદ્ધિલિપ્સિતામ્ ।
ઉત્તિષ્ઠં ખેચરં ચાપિ અતિમાનસમોદ્ગતમ્

નાન્યં કર્મ સમુદ્વેતં સમાનં ચાપિ વર્જયેત્ ।
તતઃ પરેણ સિંહસ્ય કન્યરાશિરિતિ સ્મૃતઃ

તત્ર જાતો ભવેદ્ધૂર્તસ્તસ્કરઃ કૃપણઃ શઠઃ ।
સ્ત્રીષુ કાન્તઃ સદા લુબ્ધઃ ક્રૂરઃ સાહસિકઃ સદા

મૂર્ખઃ પરદારી ચ સ્તબ્ધો માનોન્નતઃ સદા ।
શુભનક્ષત્રવારેણ શુભદૃષ્ટિગ્રહોદિતૈઃ

પીતશુક્લૈર્ગ્રહૈર્દૃષ્ટા જાયન્તે ચ મહાધનાઃ ।
શુદ્ધમન્ત્રઃ સદા ધીમાન્ શુચિવૃત્તિસમાશ્રયે

સમ્ભૂતા મન્ત્રતન્ત્રાશ્ચ સાધયેત્ મહીતલે ।
ક્ષિપ્રમર્થકરા યે તુ પુષ્ટ્યર્થા યે તુ કીર્તિતા

સાધયેન્મન્ત્રવિત્ સર્વાં જિનાઙ્ગીકુલયોરપિ ।
જિનેન્દ્રમુખ્યા યે મન્ત્રા બહુધા ચાપિ કીર્તિતા

સાધયેન્મન્ત્રવિત્ સર્વાં રાશ્યર્થેષ્વેવ જાતિષુ ।
તતઃ પરેણ ભવેદ્ રાશિઃ તુલાનામનિ કીર્તિતા

પ્રસિદ્ધાં કર્મભૂયિષ્ઠાં તન્નાસેવેત્ તદાશ્રિતામ્ ।
તુલાયાં જાયતે ધીમાન્મન્ત્રસિદ્ધિષુ યોજિતઃ

ન કારયેત્ સાધનાં સર્વાં ઉત્તિષ્ઠં ભૂનિબન્ધનામ્ ।
સર્વમન્ત્રપ્રસિદ્ધ્યર્થં ગતિયોનિષુ આચરેત્

ધૂર્તઃ કૃપણો લુબ્ધઃ મત્સરી ચૈવ જાયતે ।
તુલાયાં રાશિજાતસ્થો દૃશ્યતે ચ સદા રતઃ

તં કુર્યાત્ સદા મન્ત્રી તસ્મિં રાશૌ સમાસૃતઃ ।
યં ન ચાચક્ષતે લોકે ભૂમિરર્થાર્થસમ્પદામ્

ગ્રહમુખ્યે તદા જાતો પીતૈઃ શુક્લૈશ્ચ સર્વતઃ ।
ન ભજેન્મન્ત્રસિદ્ધિં ચ યત્નરક્ષાર્થસમ્પદે

ક્ષણમાત્રે તથા સર્વં સાધ્યન્તં નિયોજિતૈઃ ।
શુભૈર્ગ્રહૈર્યદા દૃષ્ટઃ પીતૈઃ શુક્લૈશ્ચ સર્વતઃ