મઞ્જુશ્રીમૂલકલ્પ · અધ્યાય 20

મહાત્મા જાયતે શૂરઃ ધાર્મિકો ઽથ નરાધિપઃ ।
ક્રૂરતરૈર્ગ્રહૈર્દૃષ્ટઃ શન્યર્કાઙ્ગારસિંહજૈઃ ॥ મ્મ્ક્_19.71(="80") ॥
તુલાયા જાતરાશ્યર્થઃ મત્સરો ભવતે પુમાં ।
બહુરોગો દરિદ્રશ્ચ વ્યાધિરોગાર્તસમુદ્ભવમ્ ॥ મ્મ્ક્_19.72(="81") ॥
પ્રચણ્ડઃ સર્વકર્મેષુ ક્રૂરઃ સાહસિકઃ સદા ।
ન ભજેચ્છાન્તિકર્માણિ જિનતત્ત્વાઙ્ગભાષિતમ્ ॥ મ્મ્ક્_19.73(="82") ॥
રૌદ્રં કુરુતે કર્માં વજ્રિણે સમુદયોદિતામ્ ।
આભિચારુકકર્માણિ નાનાયુદ્ધકૃતાનિ તુ ॥ મ્મ્ક્_19.74(="83") ॥
તસ્મિં રાશૌ સદા તત્ર કુલે તત્ર સમુદ્ભવે ।
કુત્સિતા જિનવરૈઃ કર્મ સિદ્ધિમાયાતિ તત્ર તુ ॥ મ્મ્ક્_19.75(="84") ॥
પ્રધાનગુણવિસ્તારં પ્રભાવં ચાપિ વર્જયેત્ ।
પ્રવાસગમનં ચૈવ નાચરેદ્દિશિ માશુજમ્ ॥ મ્મ્ક્_19.76(="85") ॥
મન્દરં વાહનં ચાપિ સત્ત્વધાતુકૃતાકૃતમ્ ।
નાચરેત્ સર્વકર્માણિ તસ્મિં રાશૌ દિવાકરે ॥ મ્મ્ક્_19.77(="86") ॥
વૃશ્ચિકાત્તુ સમુત્પાદે સત્ત્વયોનિ સમાશ્રયેત્ ।
ભવતે લિઙ્ગવૈચિત્ર્યં કથ્યમાનં નિબોધતામ્ ॥ મ્મ્ક્_19.78(="87") ॥
તીવ્રઃ સાહસિકઃ ક્રૂરો દુર્ધર્ષો માનદર્પિતઃ ।
વક્રો લુબ્ધસ્તથા મર્ત્યો જાયતે વસુધાતલે ॥ મ્મ્ક્_19.79(="88") ॥
પ્રાજ્ઞો ધાર્મિકો વિદ્વાન્ વક્રશ્ચૈવ દુરાસદઃ ।
સ્ત્રીષુ કાન્તો ભવેન્મર્ત્યઃ કૃતજ્ઞો દૃઢપરાક્રમઃ ॥ મ્મ્ક્_19.80(="89") ॥
તન્ત્રમન્ત્રસદોદ્યુક્તઃ સેવાયાં ગુરુપૂજકઃ ।
દર્શનં ગ્રહમુખ્યાનાં શુક્રચન્દ્રબુધો ગુરુઃ ॥ મ્મ્ક્_19.81(="90") ॥
પ્રશસ્તં શ્રેયસં લક્ષ્યં આયુરારોગ્યવર્દ્ધનમ્ ।
તેષાં દર્શનસિદ્ધ્યર્થં મન્ત્રિણામૂર્ધ્વસાધને ॥ મ્મ્ક્_19.82(="91") ॥
શન્યર્કાઙ્ગારકૌ રાહુઃ પશ્યતિ તં નરં યદા ।
ક્રૂરઃ સાહસિકો વક્રો જાયતે રૌદ્રકર્મકૃત્ ॥ મ્મ્ક્_19.83(="92") ॥
તેષાં ચ વજ્રિણે મન્ત્રાઃ સિદ્ધ્યન્તે ક્રૂરકર્મિણામ્ ।
નાગચ્છેત્ સર્વતો મર્ત્યો દિનેષ્વેવ સુકુત્સિતૈઃ ॥ મ્મ્ક્_19.84(="93") ॥
તતઃ પરેણ ધન્વાખ્યં રાશિમુક્તં તથાગતૈઃ ।
જાયન્તે બહુધા મર્ત્યા ગતિદેશસમાશ્રયાત્ ॥ મ્મ્ક્_19.85(="94") ॥
અન્તે ચ શોભનાઃ સર્વે બાલ્યા દુઃખભાગિનઃ ।
યથાવિભાગનિર્દેશા આયુષઃ પરિકીર્તિતાઃ ॥ મ્મ્ક્_19.86(="95") ॥
તથા ધનાર્થનિષ્પત્તિં વાચિષ્યે અર્થસમ્પદામ્ ।
સ્વયોનિં નાશયેન્નિત્યં પરયોનિં વિવર્દ્ધયેત્ ॥ મ્મ્ક્_19.87(="96") ॥
વહપત્યો બહુભાષ્ય બહુરાગરતિપ્રિયઃ ।
અસંયતો ભવેન્મર્ત્યઃ ધનૂરાશિસમાશ્રયાત્ ॥ મ્મ્ક્_19.88(="97") ॥
પ્રભુઃ શ્રીમાં સદા દક્ષો ધાર્મિકો વાપિ જાયતે ।
દર્શનં યદિ મુખ્યાનાં ગ્રહાણાં સિતપીતકામ્ ॥ મ્મ્ક્_19.89(="98") ॥
તેષામાચરેન્મન્ત્રા નાનાપ્રહરણોદ્ભવામ્ ।
નાનાશસ્ત્રફલા વાપિ વસ્ત્રભૂષણવાહના ॥ મ્મ્ક્_19.90(="99") ॥
નાનાધાતુકૃતાંશ્ચૈવ નાનાધાતુફલોદ્ભવામ્ ।
સિદ્ધ્યન્તે તસ્ય મન્ત્રં વૈ મુનિજુષ્ટાઙ્ગસમ્ભવા ॥ મ્મ્ક્_19.91(="100") ॥
તતઃ પરેણ કર્માણિ સર્વદ્રવ્યૈસ્તુ કારયેત્ ।
પ્રસવેત્ સર્વતો મન્ત્રી ગતિદેશનિરત્યયામ્ ॥ મ્મ્ક્_19.92(="101") ॥
સ્વાલયં વાહનમ્ ચાપિ સ્વસુતાં ચ નિવેશનમ્ ।
ભુષજં સર્વમિષ્ટં તુ મહાર્થં ચોર્ધ્વગામિનમ્ ॥ મ્મ્ક્_19.93(="102") ॥
સિદ્ધયે તસ્ય મુક્તાત્મા ક્ષિપ્રમેવ કરે સ્થિતા ।
તતઃ પરેણ રાશ્યાયાં મકરસ્થો દૃશ્યતે સમ ॥ મ્મ્ક્_19.94(="103") ॥
તેષુ જાતઃ સદા મર્ત્યઃ લિઙ્ગૈરેતૈર્હિ લક્ષયેત્ ।
માતૃભક્તો પિતૃભક્તશ્ચ ખ્યાતો બહુમતઃ પ્રભુઃ ॥ મ્મ્ક્_19.95(="104") ॥
દુઃસહઃ સર્વદુઃખાનામાઢ્યો ઽપિ ધનસઞ્ચકઃ ।
કૃપણો લુબ્ધચિત્તશ્ચ શઠશ્ચૈવમજાયત ॥ મ્મ્ક્_19.96(="105") ॥
શુક્રેન્દ્રગ્રહદૃષ્ટાનાં સર્વસમ્પત્તિ જાયતે ।
કૃષ્ણરક્તગ્રહા યે તુ ક્રૂરકર્મા તુ પૂર્વવત્ ॥ મ્મ્ક્_19.97(="106") ॥
નાગચ્છેત્ તત્ર મન્ત્રજ્ઞઃ વિદિશાં ચૈવ સર્વતઃ ।
દુષ્ટાં સાધયેત્ કર્માં અનિષ્ટં ચૈવ વર્જયેત્ ॥ મ્મ્ક્_19.98(="107") ॥
વમનગમનં ચૈવ ઉત્તરાં દિશિમાશ્રયેત્ ।
મહાસમુદ્રાર્થગતાં દ્રવ્યાં નૌયાનમાવિશેત્ ॥ મ્મ્ક્_19.99(="108") ॥
પ્રાપ્નુયાત્ સમ્પદાં તત્ર નિમ્નમાધ્યક્ષદેશજમ્ ।
તતઃ પરેણ કુમ્ભેતિ મકરાત્ સમુદિતાત્ પરઃ ॥ મ્મ્ક્_19.100(="109") ॥
કુમ્ભરાશિસમાખ્યેયા સત્ત્વજાતાશ્રયા સદા ।
બહુધા બહુલિઙ્ગાસ્તુ કથિતા તે નરોત્તમૈઃ ॥ મ્મ્ક્_19.101(="110") ॥
વિચિત્રા ચિત્રરૂપાસ્તુ વર્ણજાતિસમાશ્રયાત્ ।
શ્યામવર્ણો વિશાલાક્ષો જાયન્તે બહુમતા નરાઃ ॥ મ્મ્ક્_19.102(="111") ॥
મૈથુનાશક્તવસ્તે તુ ગ્રામ્યધર્માર્થચિન્તકાઃ ।
કૃતજ્ઞા ધાર્મિકા પ્રોક્તા મન્ત્રજાઃ કુમ્ભરાશયઃ ॥ મ્મ્ક્_19.103(="112") ॥
શુક્લપીતા ગ્રહા દૃષ્ટા લોકે ઽસ્મિન્ સમ્પ્રપૂજિતાઃ ।
કૃષ્ણરક્તા ગ્રહા યે તુ દૃષ્ટજાતિસમોદયા ॥ મ્મ્ક્_19.104(="113") ॥
વ્યઙ્ગા કૃપણયો મૂર્ખા ચપલાઃ તસ્કરાવહા ।
બહુરોગા દરિદ્રાશ્ચ જાયન્તે માનવા સદા ॥ મ્મ્ક્_19.105(="114") ॥
તેષાં ન કારયેત્ કર્મ ઉત્તમં મુનિપૂજિતમ્ ।
અઙ્ગાર્થસમ્ભવા યેન દદ્યુઃ સર્વકર્મસુ ॥ મ્મ્ક્_19.106(="115") ॥
ન ગચ્છેત્ પ્રાપ્ય તીરાન્તં અતો નૈવાપિ વર્ણિતમ્ ।
કુર્યાત્ વજ્રકુલે કર્મ મન્ત્રસિદ્ધિલિલિપ્સયા ॥ મ્મ્ક્_19.107(="116") ॥
ક્રૂરં ક્રૂરકર્માન્તં સ્ફટ્ હુઙ્કારભૂષિતમ્ ।
મન્ત્રં સાધયેચ્ચાત્ર ક્રોધરાજસુયોજિતમ્ ।
સિદ્ધ્યન્તે પાપકર્માસ્તુ રૌદ્રકર્માસુ યોજિતા ॥ મ્મ્ક્_19.108(="117") ॥
તતઃ પરેણ મીનેતિ રાશિરુક્તા તથાગતૈઃ ।
તત્રસ્થા માનવાઃ સર્વે દૃશ્યન્તે બહુલિઙ્ગિનઃ ॥ મ્મ્ક્_19.109(="118") ॥
મીનરાશિસમાજાતા રૂપાણ્યેતાનિ સમુદ્ભવૈઃ ।
પ્રભુર્માનધીઃ શ્રીમાં ભોગસમ્પચ્છતાન્વિતઃ ।
પ્રભવઃ સર્વલોકાનાં જાયતે ઽસૌ મહીતલે ॥ મ્મ્ક્_19.110(="119") ॥
ક્ષિપ્રમર્થકરો ધીમાં નરાધિપો ઽથ અજાયત ।
શુક્રેન્દુદર્શનાજ્જાતઃ ભવેલ્લોકે નરોત્તમઃ ॥ મ્મ્ક્_19.111(="120") ॥
દર્શનાદ્ બુધજીવાનાં ધનાઢ્યો ઽથમજાયત ।
પ્રાંશુમૂર્ત્તિર્વિશાલાક્ષઃ સ્ત્રીષુ કાન્તો ભવેત્ સદા ॥ મ્મ્ક્_19.112(="121") ॥
બહ્વમિત્રો નરાધ્યક્ષઃ કુટિલશ્ચૈવમજાયત ।
બહુમિત્રો ઽથ શુક્રશ્ચ જાયતે મિત્રવત્સલઃ ॥ મ્મ્ક્_19.113(="122") ॥
તતઃ પરેણ ક્રૂરો વૈ ગ્રહમુખ્યો દિવાકરઃ ।
પશ્યતે યદ્યસૌ મર્ત્યાન્ શનિરાહુસુ ભૂમિજા ॥ મ્મ્ક્_19.114(="123") ॥
તદા કષ્ટમિતિ ધ્વજઃ ક્રૂરશ્ચૈવ જાયતે ।
પૂર્વવત્ કથિતા હ્યેતે ગ્રહાઃ કૃષ્ણાન્તશુક્લયોઃ ॥ મ્મ્ક્_19.115(="124") ॥
કુર્યાત્ સર્વકર્માણિ મીનરાશિસમાશ્રયાઃ ।
તત્રસ્થશ્ચન્દ્રમાં પશ્યેત્ સર્વાંશ્ચૈવ સાધયેત્ ॥ મ્મ્ક્_19.116(="125") ॥
અતઃ પરેણ રાશીનાં ગજમાનુષમાનુષામ્ ।
ગન્ધર્વા રાક્ષસા ગરુડાશ્ચાપિ પન્નગાઃ ॥ મ્મ્ક્_19.117(="126") ॥
તેષાં સ્વરૂપતો જાતિગતિદેશમચિહ્નિતઃ ।
મના ઉદ્ભવસ્તેષાં લિઙ્ગૈરેવૈસ્તુ લક્ષયેત્ ॥ મ્મ્ક્_19.118(="127") ॥
યથા સત્ત્વપ્રકૃતિશ્ચ તથા લિઙ્ગં વિભાષ્યતે ।
સ્વમન્ત્રા ભાષિતા હ્યેતૈઃ તેષાં ચૈવ નિયોજયેત્ ॥ મ્મ્ક્_19.119(="128") ॥
રાશયઃ કથિતા લોકે દ્વાદશૈવ ગણોદ્ભવાઃ ।
ગણિતા ગ્રહમુખ્યૈસ્તુ નક્ષત્રૈસ્તુ નિયોજિતાઃ ॥ મ્મ્ક્_19.120(="129") ॥
સંક્ષેપાત્ કથિતા હ્યેતે કથ્યમાનાતિવિસ્તરા ।
માનુષાણાં તદા ચક્રે નક્ષત્રે ગ્રહમણ્ડલૈઃ ॥ મ્મ્ક્_19.121(="130") ॥

અત ઊર્ધ્વં તુ દેવાનાં ઋષીણાં ચ મહર્દ્ધિકમ્ ।
જ્ઞાનં પ્રવર્ત્તતે તત્ર એતન્માનુષચેષ્ટિતમ્ ॥ મ્મ્ક્_19.122(="131") ॥
અચિન્ત્યા બુદ્ધધર્માણાં જ્ઞાનદૃષ્ટિ નરોત્તમામ્ ।
સાધયેત્ સર્વમન્ત્રજ્ઞઃ રાશિજાતૌ સમુદ્ભવા ॥ મ્મ્ક્_19.123(="132") ॥
+ રનક્ષત્રાં તિથયો નિત્યં શુક્લપક્ષે સમાચરેત્ ।
સિદ્ધિસ્તેષુ સદા પ્રોક્તા કૃષ્ણે કૃષ્ણકર્મિણામ્ ॥ મ્મ્ક્_19.124(="133") ॥
ગ્રહૈઃ સિતૈઃ પીતૈઃ દિનૈશ્ચૈવ સમાચરેત્ ।
શુક્લપૂર્ણગતા ચન્દ્રે પૌર્ણમાસ્યેષુ યોજયેત્ ॥ મ્મ્ક્_19.125(="134") ॥
પ્રતિપચ્છુક્લપક્ષે તુ તૃતીયે ચૈવ રોચયેત્ ।
પઞ્ચમી સપ્તમી ચૈવ દશમ્યેકાદશોદ્ભવામ્ ॥ મ્મ્ક્_19.126(="135") ॥
ત્રયોદશ્યાં તથા શુક્લે સર્વકર્માણિ આચરેત્ ।
પુષ્ટ્યર્થં શાન્તિયોગં ચ ગમનાગમનં શુભાશુભમ્ ॥ મ્મ્ક્_19.127(="136") ॥
આલોખ્યા મન્ત્રતન્ત્રસ્થં નૃત્યગીતરતિઃ સદા ।
ભૂષણં યાનમાવાસં ક્ષુરકર્મં ચ ધીમતા ॥ મ્મ્ક્_19.128(="137") ॥
પ્રયોક્તાઃ સર્વતો વિદ્વાં મર્ત્યૈશ્ચાપિ શ્રીમતૈઃ ।
ભોગસમ્પત્સદાસિદ્ધિરિષ્ટસત્ત્વસમાગમમ્ ॥ મ્મ્ક્_19.129(="138") ॥
નિર્દિષ્ટં મુનિમુખ્યૈસ્તુ અન્ય અન્યકર્માણિ અન્યતઃ ।
ધનાર્થિભિઃ શ્રીમતૈઃ ક્ષિપ્રં કુર્યાન્મન્ત્રાર્થસાધનમ્ ॥ મ્મ્ક્_19.130(="139") ॥
+ + + + + + + + + ચન્દ્રશુક્રગુરુર્બુધૈઃ ।
વારૈર્ગ્રહવરૈર્દિવ્યૈઃ સુપૂજિતૈઃ શુચિમઙ્ગલૈઃ ॥ મ્મ્ક્_19.131(="140") ॥
તિથિયુક્તૈઃ સમાસેન નિર્દિષ્ટૈશ્ચાપિ ભાવયેત્ ।
ઘોરૈર્ઘોરરૂપૈસ્તુ ગ્રહૈર્મન્ત્રૈસ્તિથિભિઃ સદા ॥ મ્મ્ક્_19.132(="141") ॥
આચરેદ્ રૌદ્રકર્માણિ કૃષ્ણે કૃષ્ણકર્મિણામ્ ।
ગતિદેશસમાસં ચ યુક્તિમન્ત્રાર્થસાધને ॥ મ્મ્ક્_19.133(="142॥
ગ્રહા") રાશ્યર્થનક્ષત્રા તિથયશ્ચ સમોદિતા ।
કર્મસિદ્ધિપ્રભાવં ચ નિયમં સર્વકર્મસુ ॥ મ્મ્ક્_19.134(="143") ॥
ઇતિ ।
બોધિસત્ત્વપિટકાવતસંકાન્મહાયાનવૈપુલ્યસૂત્રાદ્ આર્યમઞ્જુશ્રિયમૂલકલ્પાત્ સપ્તદશમઃ પટલવિસરાત્ તૃતીયો જ્યોતિષજ્ઞાનપટલવિસરઃ પરિસમાપ્ત ઇતિ ।
અથ વિંશઃ પટલવિસરઃ ।
અથ ખલુ ભગવાન્ શાક્યમુનિઃ પુનરપિ શુદ્ધાવાસભવનમવલોક્ય મઞ્જુશ્રિયં કુમારભૂતમામન્ત્રયતે સ્મ । અસ્તિ મઞ્જુશ્રીસ્ત્વદીયકલ્પવિસરે સર્વભયોત્પાદનિમિત્તનિર્ઘાતગતાનિ આશ્ચર્યનિમિત્તલિઙ્ગાનિ કથયન્તિ શુભાશુભં સુભિક્ષદુર્ભિક્ષપરરાષ્ટ્રગમનં અનાવૃષ્ટિમતિવૃષ્ટિં સત્ત્વાનાં સૂચયન્તિ મહાસાધનાદિષુ યો વિઘ્નં કારયન્તિ તતો સાધકેન ચ મન્તવ્યં સાધ્યાસાધ્યાનિ ચ તસ્મિં દેશે કર્તવ્યમકર્તવ્યેતિ જ્ઞાતવ્યમ્ । તતો યદિ ન શોભનાનિ નિમિત્તાનિ ભવન્તિ તસ્માદ્ દેશાદપક્રમ્ય અન્યત્ર ગત્વા સાધયિતવ્યાનિ । અથ ચેચ્છોભનાનિ નિમિત્તાનિ ભવન્તિ । તસ્મિન્નેવ દેશે સાધયિતવ્યાનિ । તત્રૈવ ચ સ્થાતવ્યમ્ । એવં જ્ઞાત્વા સાધકેન મન્ત્રચર્યાભિયુક્તેન કર્તવ્યમકર્તવ્યમિતિ મન્ત્રચર્યાયાં નિમિત્તાનિ જ્ઞાત્વા શુભાશુભં બોદ્ધવ્યમિતિ ॥
અથ ખલુ મઞ્જુશ્રીઃ કુમારભૂતો ભગવતઃ પાદયોર્નિપત્ય પુનરપ્યેવમાહ - તત્ સાધુ ભગવાં દેશયતુ નિમિત્તજ્ઞાનપરિવર્તવિસરમ્ । તદ્ ભવિષ્યતિ સર્વસત્ત્વાનાં હિતાય સુખાય સર્વમન્ત્રચર્યાભિયુક્તાનાં બોધિસત્ત્વાનાં મહાસત્ત્વાનાં શુભાશુભફલોદયનિમિત્તલિઙ્ગાનિ । યસ્તે સર્વસત્ત્વા મન્ત્રચર્યાનુપ્રવિષ્ટા સાધ્યાસાધ્યં કાલનિમિત્તં જ્ઞાત્વા સ્થાતવ્યં, પ્રક્રમિતવ્યમિતિ પશ્યન્તે ॥
એવમુક્તે ભગવાં શાક્યમુનિઃ મઞ્જુશ્રિયં કુમારભૂતમામન્ત્રયતે સ્મ । તેન હિ મઞ્જુશ્રીઃ શૃણુ સાધુ ચ સુષ્ઠુ ચ મનસિ કુરુ ભાષિષ્યે ઽહં તે ॥
આદૌ તાવદ્ ભવેલ્લિઙ્ગમુત્પાતાનાં સમોદયમ્ ।
મહદ્ ભયમનાદિસ્થમમાનુષાણાં તુ ચેષ્ટિતમ્

સર્વે ચ ગ્રહનક્ષત્રાઃ કૂષ્માણ્ડા ગ્રહરાક્ષસાઃ ।
માતરા દેવતાશ્ચૈવ સર્વે પ્રેતા મહર્દ્ધિકાઃ

દર્શયન્તિ તદા લિઙ્ગં મહોત્પાતાનાં ચ સમ્ભવે ।
આદિમન્તં તતો મધ્યં અશુભં ચૈવ તે તદા

ભૂમિસ્થિતિર્નાશકં ચ કથયન્તિ વિવિધાશ્રયાત્ ।
સર્વમાનુષસત્ત્વેષુ ભૂતલે ઽસ્મિન્નિબોધતામ્

કબન્ધા વિવિધાશ્ચાપિ પક્ષિણશ્ચ સમાકુલાઃ ।
દૃશ્યન્તે સર્વતો લોકે તસ્માદ્ દેશાદપક્રમેત્

રાત્રૌ શક્રાયુધં દૃષ્ટ્વા ધનુશ્ચાપિ વિશેષતઃ ।
શરનારાચપાશાશ્ચ વિવિધા પ્રહરણોદ્ભવાઃ ।
દૃશ્યન્તે ગગનાદ્ રાત્રૌ તસ્માદ્ દેશાદપક્રમેત્

ચન્દ્રબિમ્બે યદાકાશે દૃશ્યન્તે વિકૃતરૂપિણઃ ।
કબન્ધા પુત્તલાશ્ચૈવ નૃત્યન્તા ગગનાલયે ।
સુષિરં છિદ્રમિત્યાહુર્દૃશ્યતે શશિમણ્ડલે

પુરુષા ઉચ્ચનીચાશ્ચ યુધ્યન્તાં શશિમણ્ડલે ।
દૃશ્યેયુર્માનુષે લોકે તસ્માદ્ દેશાદપક્રમેત્

વિવિધા પ્રાણહરાશ્ચાપિ નાનાભૂતગણાસ્તથા ।
નૃત્યમાનાશ્ચ યુધ્યેયુસ્તસ્માદ્ દેશાદપક્રમેત્

મણ્ડલાકારંસઙ્કાશં દૃશ્યસ્થઃ શશિમણ્ડલમ્ ।
તાદૃશં તુ તતો દૃષ્ટ્વા તસ્માદ્ દેશાદપક્રમેત્

યુદ્ધ્યન્તાં સર્વસઙ્ખ્યાંશ્ચ દૃશ્યન્તે શશિમણ્ડલે ।
એકસ્તત્ર પતેત્ ક્ષિપ્રં યસ્ય યો દિશિમાશ્રિતઃ ।
તં દેવદિશિમિત્યાહુઃ ભૂપતિર્મૃયતે ધ્રૂવમ્

તાદૃશં દૃષ્ટ્વા સત્ત્વાખ્યં વિવિધાકારસમ્ભવમ્ ।
અચિરાત્ તત્ર ભયાત્ ક્ષિપ્રં તસ્માદ્ દેશાદપક્રમેત્

શરનારાચશક્તિશ્ચ દૃષ્ટ્વા તત્ર નિશાકરે ।
તસ્કરોપદ્રવં ક્ષિપ્રં શસ્ત્રસમ્પાતજં ભયમ્

દૃષ્ટ્વા વિકૃતરૂપાસ્તુ નાનાસત્ત્વસમાશ્રયામ્ ।
રાત્રૌ ભૂતલે ચન્દ્રે તસ્માદ્ દેશાદપક્રમેત્

કૃષ્ણવર્ણા વિહઙ્ગાસ્તુ શુક્લા ચૈવ સપીતલાઃ ।
રક્તાશ્ચૈવ તથા ધૂમ્રાઃ સ્વભાવવિકૃતાશ્રયા

તે વૈ વિવર્ણવર્ણાસ્તુ દૃશ્યન્તે ભૂતલે યદા ।
તાદૃશં લક્ષણં દૃષ્ટ્વા તસ્માદ્ દેશાદપક્રમેત્

શુક્લા પક્ષા ભવેત્ કૃષ્ણા કૃષ્ણા પક્ષા તથા સિતા ।
દૃશ્યન્તે વિકૃતરૂપાસ્તુ વિહઙ્ગાશ્ચૈવ મહીતલે ।
તાદૃશં લક્ષણં દૃષ્ટ્વા તસ્માદ્ દેશાદપક્રમેત્

મૃગક્રોષ્ટુકગણાઃ સર્વે પ્રવિશેયુર્ગ્રામમાલયમ્ ।
શ્વાપદા વ્યાલિનો ધૂર્તા મ્લેચ્છોપદ્રવતસ્કરાઃ

ભવેયુર્ભયકૃતં તેષાં દુર્ભિક્ષં વાપિ વર્ણિતમ્ ।
વિવિધા ભૂતગણાશ્ચાપિ દૃશ્યન્તે તુ મહીતલે

વિકૃતાવિકૃતરૂપિણ્યઃ યક્ષરાક્ષસકિન્નરાઃ ।
દિવા રાત્રૌ તથા નિત્યં નૃત્યન્તે ચ મહીતલે ।
તાદૃશં લક્ષણં દૃષ્ટ્વા તસ્માદ્ દેશાદપક્રમેત્

નરનારીકુમારાંશ્ચ ક્રન્દેયુર્ભૃશં ભૂતલે ।
રાત્રૌ દિવા તથા નિત્યં વ્યાધિસ્તત્ર મિહાગમઃ

ઉરગા વિકૃતબીભત્સા દૃશ્યન્તે વસુધાતલે ।
ગૃહે રથ્યે તથા ભિન્ધ્યા મન્દિરે વૃક્ષસન્નિધૌ ।
સર્વતો વ્યાપ્ય તિષ્ઠન્તે ભવેત્ તત્ર મહાભયેમ્

મહામાર્યોપસર્ગં ચ વિષવિસ્ફોટમૂર્ચ્છનમ્ ।
દુર્ભિક્ષં રાષ્ટ્રભઙ્ગં ચ ભવેત્ તત્ર જનાગમે

વિકૃતાવિકૃતબીભત્સા પક્ષિણશ્વાનક્રોષ્ટુકા ।
ઊર્ધ્વતુણ્ડા યદાકાશે રવન્તે વિકૃતાનના

અર્ધરાત્રૌ તુ મધ્યાહ્ને ઉભે મર્ત્યે ચ કુત્સિતા ।
ભવેન્મહાભયં ક્ષિપ્રં પરચક્રસમાગમમ્

દુર્ભિક્ષમતિવૃષ્ટિશ્ચ ભવેત્ તત્ર સમાસતઃ ।
માસમેકેન સપ્તાહાન્મહાદુઃખોપપીડિતાઃ

અન્યોન્યં ભૂતલે વાસા માનુષા તસ્કરાગ્નિના ।
મહાશસ્ત્રભયં તત્ર તસ્માદ્ દેશાદપક્રમેત્

ગગનસ્થા સર્વતો મેઘા દૃશ્યન્તે ચ વક્રસમ્ભવા ।
સ્ફુટાકારાથ રૌદ્રાશ્ચ તીવ્રગર્જનનાદિનઃ

સપ્તસ્ફુટા દ્વિશ્ચતુર્વા ચ દૃશ્યન્તે ઉરગાશ્રયાઃ ।
સુઘોરા ઘોરવક્રાશ્ચ દૃશ્યન્તે ગગનાશ્રયા

તાદૃશં લક્ષણં દૃષ્ટ્વા અચિઅરાત્ તત્ર મહાભયમ્ ।
મહામાર્યોપદ્રવં ચ જ્વરો વ્યાધિઃ રોગાશ્ચૈવ મહાભયાઃ

સદ્યઃ પ્રાણહરાઃ ક્ષિપ્રં વિષાઃ સ્થાવરજઙ્ગમાઃ ।
ઉત્સૃજન્તિ તદા મેઘાં તદા વૃષ્ટિં ચ દારુણમ્

નશ્યતે ભૂતયસ્તત્ર અન્યોન્યા નિરપેક્ષિણઃ ।
તાદૃશં લક્ષણં દૃષ્ટ્વા તસ્માદ્ દેશાદપક્રમેત્

મહાપ્રપાતદુર્ભિક્ષમુલ્કાપાતાં સમન્તતઃ ।
ધૂમકેતોશ્ચ નિર્ઘાતાં દિશાદાહાં કથયિષ્યામિ તે

શૃણુ પ્રપાતં દૃશ્યસ્થં ઉલ્કિનાં ચૈવ જાયતે ।
રાત્રૌ દિવા સમન્તા વૈ ઉલ્કાપાતો ભવેદ્ યદિ ।
મહાભયમનારોગ્યં જ્ઞાત્વા મન્ત્રી વ્રજેત્ તતઃ

મહોલ્કાજ્વલમાનાયા દિશં ગચ્છેત્ વૈ સદા ।
તાદૃશં નૃપતીનાં ભઙ્ગઃ યતો વક્ત્રં તતો ભયમ્

વિદિશાં પતતે ઉલ્કાં સમન્તાદ્વૈ નિશિ સર્વદા ।
તત્ર દેશે મહાવ્યાધિઃ દુર્ભિક્ષનૃપઘાતનમ્

દિવારાત્રૌ યદા ઉલ્કા પતતે વૈ સમન્તતઃ ।
તાદૃશં ચ ભવેન્મૃત્યુર્નૃપતીનાં ચ મન્ત્રિણામ્ ।
તં બુદ્ધ્વા મન્ત્રજાપી સ્યાદ્ જ્ઞાત્વા તસ્માદ્દેશાદપક્રમેત્

ઉલ્કિનઃ પ્રપતે યુદ્ધાદ્ યતો પુચ્છસ્તતો ભયમ્ ।
અન્યા વા દૃશ્યતે ભઙ્ગો નૃપતીનાં રણસઙ્કટે

મહાક્ષોભં તદા ચક્રે મહોલ્કા ગ્રહચિહ્નિતે ।
સમન્તાત્ પતતે ક્ષિપ્રં તસ્માદ્ દેશાદપક્રમેત્

યાદૃશં ઉલ્કમાવેશ્ય આશ્રયાત્ પતતે સદા ।
તાં દિશં વ્યાધિદુર્ભિક્ષં રાષ્ટ્રભઙ્ગં ચ જાયતે

ગમનાગમનયોર્મૃત્યુસ્તારકાણાં તદાશ્રયાત્ ।
યો ઽયં નક્ષત્રજાતસ્થઃ તસ્ય મૃત્યુભયં ભવેત્

દ્વિરાત્રાન્નશ્યતે જન્તુર્નક્ષત્રા પતતે ભુવિ ।
નરાધિપાનાં ચ સર્વેષામેષ એવ વિધિર્ભવેત્

યો ઽયં પશ્યતે દેવઃ ઇષ્ટં + ષ્વેદમાકુલમ્ ।
રાત્રૌ દર્શને ઽવશ્યં પ્રતિમાયાં દિવા તદા ।
તસ્ય મૃત્યુભયં વિદ્યાન્માસૈઃ ષટ્ભિસ્તદા સ્મૃતઃ

પ્રતિમા ચલિતા યસ્ય દેવતેષ્ટસ્ય જન્તુનઃ ।
હસતે રુદતે ચૈવ તં દેશં વર્જયેત્ સદા

પ્રતિમા પતતે ચૈવ વિશીર્યતે વા સ્વકાત્મના ।
તસ્ય ભઙ્ગં ભવેત્ ક્ષિપ્રં ગૃહાશ્ચૈવ નરાધિપે ।
કુર્વન્તિ વિવિધાકારાં લિઙ્ગાં વિવિધરૂપિણામ્

પ્રતિમા યદિ દૃશ્યસ્થા દેવાયતનમન્દિરે ।
તાદૃશં તુ તતો દૃષ્ટ્વા તસ્માદ્ દેશાદપક્રમેત્

સમન્તાત્ સર્વતો મન્ત્રી પશ્યેયુઃ પ્રતિમાં સદા ।
વિકૃતરૂપબીભત્સાં નાનાવિકૃતમાશ્રિતામ્

સ્વયં વા પશ્યતે મન્ત્રી અન્યૈર્વા ભુવિ ।
તાદૃશં લક્ષણં દૃષ્ટ્વા તસ્માદ્ દેશાદપક્રમેત્

અર્ઘરાત્રે તથા યામે તૃતીયે ઽર્ધે યદિ દૃશ્યતે ।
તારકાણાં મહાવૃષ્ટિં તસ્માદ્ દેશાદપક્રમેત્

ચતુર્થભાગે તથા રાત્રૌ તારકા ક્ષિપ્રગામિનઃ ।
ખદ્યોત ઇવ ગચ્છન્તિ તં દેશં સર્વતો ન ભજેત્

બસુધાતલેન ગચ્છન્તિ તસ્મિં દેશે તતો વ્રજેત્ ।
યત્ર સંશયતે વૃષ્ટિ યત્ર ગચ્છન્તિ તારકાઃ

તં દેશં મા વિશેત્ ક્ષિપ્રં યત્ર વૃષ્ટિ મહદ્ ભયમ્ ।
તં દેશં નશ્યતે ક્ષિપ્રં પરચક્રસમાગમમ્

દુર્ભિક્ષં શસ્ત્રસમ્પાતં તં વિદ્યાત્ દેશમાકુલમ્ ।
ચોરોરગવ્યાલાનાં મ્લેચ્છધૂર્તસમાગમમ્

તં દેશં નરાધિપાં નિત્યં પ્રવસેત્ સર્વતો દિશમ્ ।
વિલુપ્તરાજ્યો વિભ્રષ્ટપરચક્રસમાશ્રિતઃ

વર્ષા અષ્ટ એકં ચ તં દેશં તત્ર લેભિરે પુનઃ ।
પ્રાપ્નુયાત્ તદા રાજ્યં દેશાદાગમનં પુનઃ

જ્ઞાત્વા દુપક્રમાત્ સર્વાં વિક્રિયાં ક્રિયયોજિતામ્ ।
ક્રિયાકાલં સમાસેન તં જાપી આરભેત્ સદા

ઉલ્કાપાત મહાન્તો વૈ દૃશ્યતે યદિ મિશ્રિતમ્ ।
સમન્તાન્નિત્યકાલં ચ તસ્માદ્ દેશાદપક્રમેત્

ઉલ્કિનો બહુધાકારા દૃશ્યન્તે વિવિધાશ્રયા ।
વિચિત્રા ચિત્રરૂપિણ્યઃ યક્ષિણ્યશ્ચ મહર્દ્ધિકાઃ

જ્વલન્તાં વક્ત્રદેશાભ્યાં ક્રવ્યાદાંશ્ચ પિશાચિકાઃ ।
તસ્માત્ પરીક્ષયેદુલ્કાં લિઙ્ગૈરેભિઃ સમોદિતામ્

અતિદીર્ઘ તથા હ્રસ્વો મધ્યાશ્ચૈવ પ્રકીર્તિતા ।
ચતુર્હસ્તા દ્વિહસ્તા વા હસ્તમાત્રપ્રમાણતઃ

દૃશ્યન્તે ભૂતલે મર્ત્યૈરાશ્રયન્તે મહોદયા ।
મહાપ્રાણા સ્વરૂપાશ્ચ દેવતૈષા મહર્દ્ધિકા

વિચિત્રાકારરૂપાસ્તુ હૂતાસ્તે ચ દિવૌકસામ્ ।
દેવાસુરે ઽય સઙ્ગ્રામે વર્તમાને મહદ્ભયે

શક્રમાજ્ઞામિહ ક્ષિપ્રં ગચ્છન્તે ઽથ ભૂતલે ।
જમ્બૂદ્વીપગતાં મર્ત્યાં નરાશ્યક્ષાં નરાધિપામ્

પશ્યન્તે સર્વલોકાંશ્ચ ધર્માધર્મવિચારકામ્ ।
માતૃજ્ઞા પિતૃભક્તાશ્ચ કુલે જ્યેષ્ઠાપચાયકા

મહામન્ત્રધરા સર્વે જાપિનો યદ્યજામ્બૂદ્વીપગતા નરાઃ ।
તદા દેવા મહોત્સવાપિ જાયન્તે તદા દૈત્યાં કુર્વન્તે ચ પરાભવમ્

ધર્મિષ્ઠા ભૂલતે મર્ત્યા જામ્બૂદ્વીપનિવાસિનઃ ।
મહોત્સાહં તદા કાલે તૃદશાધ્યક્ષો ઽથ વાસવઃ

તદા ભગ્નવતોત્સાહા અસુરા ભિન્નમાનસા ।
અભિમાનં લભેતાં યેન પાતાલે તેન તાઃ

પ્રવિશન્તે સ્વપુરં તત્ર ભિન્નમાના કૃતવ્યથાઃ ।
મહાપ્રમોદં તદા દેવા લેભિરે તૃદશેશ્વરાઃ

તદા જમ્બૂદ્વીપે ઽથ સર્વત્ર સુભિક્ષમારોગ્યતે જનાઃ ।
સ્વસ્થા ચ સર્વતો જગ્મુઃ નરનારી ગતવ્યથા

તસ્માત્ સર્વપ્રકારેણ બુદ્ધેઃ ભક્તિઃ કૃથે જનાઃ ।
ધર્મસઙ્ઘે ચ ભૂયિષ્ઠે ગતદ્વન્દ્વે નિરામયે

પૂજાં કુરુથ મર્ત્યાતો લાલિલિપ્સઃ સર્વસમ્પદામ્ ।
મન્ત્રચર્યાં તદા ચક્રે વવ્રે વાચાં શુભોદયા

દશકર્મ યથાલોકાં સમ્પ્રતિષ્ઠા નિરોપગામ્ ।
કુરુધ્વં જનસમ્પાતાં ત્રિધા શુદ્ધેન માનસાઃ

વિરતિઃ પ્રાણિવધે નિત્યં અદત્તં વાપિ નાચરેત્ ।
ન ભજેદઙ્ગનાદન્યાં અગમ્યાપરિવર્જિતામ્ । જપેત્

સન્તુષ્ટિઃ સ્વેન ધર્મેણ સઙ્કુરુધ્વ જનસત્તમાઃ ।
મૃષાવાદં ન ભાષેત વિપાકં યદ્યદુઃખદમ્

નાભાષેત્ કર્કશાં વાણીં સર્વસત્ત્વાર્થદુઃખદામ્ ।
યત્કિઞ્ચિત્ ક્લેશસંયુક્તાં વાચાદર્થવિવર્જિતામ્

શૂન્યા ધર્માર્થસંયુક્તામભિન્નાં નાચરેત્ સદા ।
પૈશુન્યં વર્જયેન્નિત્યં વચનં પરભેદને

ક્લિષ્ટચિત્તસ્ય સર્વત્ર નિષિદ્ધં મુનિપુઙ્ગવૈઃ ।
અભિધ્યં નાચરેત્ કર્મ પરસત્ત્વોપકારિણઃ

યો યસ્ય સદા સૃતં ન કુર્યાદ્ દ્વેષસમુત્થિતમ્ ।
વ્યાપાદં વર્જયેત્ કર્મ સત્ત્વદ્વેષમનાસ્પદમ્

ઉપઘાતં પરસત્ત્વસ્ય ન કુર્યાત્ સર્વતો જનાઃ ।
મિથ્યાદૃષ્ટિં ન કુર્યાન્તાં સર્વધર્મવિનાશિનીમ્

નાસ્તિ દત્તં હુતં ચૈવ ન ચેષ્ટમન્ત્રસાધને ।
ન સિધ્યન્તે તથા મન્ત્રાઃ સર્વતન્ત્રાર્થકલ્પિતાઃ

ન બુદ્ધાનાં સુખોત્પત્તિઃ ન શાન્તં નિર્વાણમિષ્યતે ।
ન ચાપિ ચર્યા તથા બોધો પ્રત્યેકાર્થસમ્ભવામ્

ન ચાર્હત્વં ભુવિ લોકે ઽસ્મિં નાપિ ધર્મેષુ જાયતે ।
સ્વભાવૈષા વિવિધા લોકે અર્થાદર્થતથાતથા

એવમાદ્યાં અનેકાંશ્ચ વિવિધાકારચિહ્નિતા ।
ન તાં ભજેત્ સદા મન્ત્રી પાપદૃષ્ટિસમુદ્ભવામ્

દશકર્મ યથા પ્રોક્તા વિરત્યા સ્વર્ગોપગા સ્મૃતાઃ ।
ભાવના ચૈવ ફલં તેષાં નિર્વાણામર્થસમ્ભવામ્

અનિષ્ટા તુ ભવે લોકે તદા સુરાણાં પરાજયમ્ ।
દૈત્યાનાં વર્ધતે માનઃ અતિદર્પાર્થસમ્ભવામ્

જનાલયે તદા સર્વં જમ્બૂદ્વીપનિવાસિનઃ ।
બાધ્યન્તે વ્યાધિભિઃ ક્ષિપ્રં અન્યોન્યાં તે ઽપિ મૂર્છિતા

જનાધ્યક્ષાસ્તદા સર્વે અન્યોન્યાપરાધિનઃ ।
ક્ષિપ્રં નશ્યન્તિ તે સર્વે મુનિધર્માર્થવર્જિતાઃ

સમરે ક્રુદ્ધચિત્તાનાં શસ્ત્રસમ્પાતમૃત્યવઃ ।
ન તે ભેજે દેવમુખ્યાનાં તર્જન્યાપદ્યનાલયે

બુદ્ધં ધર્મ તથા સઙ્ઘં ન પૂજેદશુભા નૃપા ।
ન મન્ત્રાં જપ્તુ તે ક્ષિપ્રં તે નૃપા તસ્થુરે સદા

વિનશ્યન્તે તદા લોકા વિવિધાયાસમૂર્છિતાઃ ।
તતસ્તે દૈત્યવરાઃ ક્ષિપ્રં સુસંરબ્ધા રુરોહ તમ્

સુમેરુપર્વતમૂર્ધાનમાવિશન્તે જનસત્તમાઃ ।
પરિષણ્ડો તદા મેરો વિભજેન્મન્દિરા શુભૌ

સમન્તાદ્વનવિધ્વસ્તં દિવૌકસાં કારયન્તિ તે ।
વિવિધા રથવરૈ રૂઢા નાનાભરણભૂષિતા

નાનાપ્રહરણા દદ્યુઃ પુરઃ શ્રેષ્ઠાં પરાજયામ્ ।
તતસ્તે ખરં ભેજે અપ્સરાણાં ભજ જગ્રહે

ઈશ્વરાઃ પ્રભવઃ સર્વે અસુરાસ્તે વલદર્પિતાઃ ।
જગ્રાહ સુરકન્યાં વૈ સુધા ચૈવ ચ ભોજનમ્

તતસ્તે સુરવરાઃ શ્રેષ્ઠાઃ પ્રવિષ્ટાઃ નગરોત્તમમ્ ।
મેરુમૂર્ધ્નિ તતો ગત્વા નગરં દર્શનાશ્રયમ્

શક્રાનુયાતા સર્વે વૈ પિશિતા દ્વારપુરોત્તમે ।
ન તુ માયા પુરી ભીતિઃ ઉપજગ્મુ મુદાશ્રયમ્

નિવર્ત્ય તત્ર વૈ સર્વે સ્વાલયં જગ્મુ તે સુરા ।
યદેકા મન્ત્રસિદ્ધિસ્તુ નિવશેર્જન્યુમાશ્રયમ્

જપ્તમન્ત્રો ઽપિ વા મર્ત્યઃ નિવસં તત્ર આલયે ।
તત્ર દેશે ન ચાર્તીનિ ન દુર્ભિક્ષં ન શત્રવઃ

ન રોગા નાપિ ભયં વિદ્યાજ્જપ્તમન્ત્રે સ્થિતે ભુવિ ।
ન ચાસ્યા દસ્યવઃ સર્વે શક્નુવન્તીહ હિંસિતુમ્

ન ચાર્તિમૃત્યવસ્તત્ર અમર્યાદા પ્રવર્તતે ।
ન રુજા વ્યાધિસમ્મૂર્છા જ્વરરોગાપહારિણઃ

બિભ્યન્તે ભૂતલે તસ્મિં જપ્તમન્ત્રો યદાશ્રયઃ ।
યે ઽત્ર મન્ત્રવરા હ્યુક્તા જિનેન્દ્રકુલ + દ્ભવા

અબ્જાકે તુ તથા મન્ત્રા મન્ત્રિણં મન્ત્રપૂજિતાઃ ।
તત્ર મન્ત્રવરાં મન્ત્રી જહ્નુજોપમહર્દ્ધિકામ્

તદા તે સુરવરા શ્રેષ્ઠા અસુરાણાં તુ પરાજયઃ ।
એવમુક્તા ગુણા હ્યત્ર દૃશ્યતે ભૂતલે કદા

તાર્કિકા વિવિધાકારા કથયન્તીહ મહીતલે ।
ગ્રહમેષો ઇતિ શ્ર્ત્યા અવતારાર્થવિસ્તરા

ગીતં ઋષિવરૈર્જ્ઞાનમુલ્કિનાં ગ્રહચિહ્નિતામ્ ।
નિર્દિષ્ટં તત્ર નિર્દેશઃ નિઘાતસ્ય પ્રવક્ષ્યતે

ઉલ્કાપાતે યદાં લોકા નિર્ઘાતો ભુવિ મણ્ડલે ।
પ્રદ્યુન્નાગર્જના કસ્માચ્છ્રૂયતે ચ મહીતલે

ભૃશં ચુચુક્ષુત્ર તદ્દેશં તિથિરેભિ સમાયુતૈઃ ।
અતુલ્યશબ્દનિર્ઘોષ રૌદ્રાં વાપિ તમાહ્વયામ્

શ્રૂયતે ગર્જ ચ ક્ષિપ્રં મહામેઘવચઃ શ્રૂયતે ।
ષષ્ઠ્યચમથમષ્ટમ્યાં ત્રયોદશ્યામથ શ્રૂયતે

કૃષ્ણપક્ષે તથા નિત્યં દ્વાદશ્યાં તુ ચતુર્દશી ।
નક્ષત્રૈરેભિ સંયુક્તા વારૈશ્ચાપિ ગ્રહોત્તમૈઃ

અશ્વિન્યાં કૃત્તિકાનાં ચ ભરણ્યાં યાતં નિબોધતામ્ ।
પૂર્વભદ્રપદે ચૈવ આર્દ્રામઘાશ્લેષસંયુક્તે

+ + + + + + + + + ગ્રહૈશ્ચાપિ સુપૂજિતે ।
શન્યર્કાઙ્ગારકૈઃ ક્રૂરૈઃ ભૂમ્યા નિપતતે યદા

અવર્ષોદકર્મા ક્રૂરં શબ્દો નિઘાત ઉચ્યતે ।
મહદ્ ભયં તત્ર દેશે વૈ દુર્ભિક્ષં રાષ્ટ્રમર્દનમ્

પરચક્રભયં વિદ્યાન્નાનાવ્યાધિમહદ્ભયમ્ ।
નિર્ઘાતં પતતે ચોર્વ્યાં નક્ષત્રૈરેભિ કીર્તિતૈઃ

વારૈરશુભૈશ્ચાપિ ગ્રહૈઃ કૃષ્ણરક્તકૈઃ ।
તત્ર દેશે નૃપો ભૃશં હન્યતે શસ્ત્રિભિઃ સદા

તસ્મિં કાલે રૌદ્રે ચ કર્માણિ તત્ર દેશે તદા જપેત્ ।
વિવિધા વ્યાધયસ્તત્ર અર્થનાશશ્ચ દૃશ્યતે

મૃત્યુસ્તત્ર ભવેદ્ વ્યાધિર્દુર્ભિક્ષૈશ્ચાપિ નિન્દિતૈઃ ।
અનાવૃષ્ટિ સદાકાલે દ્વાદશાબ્દાનિ નિર્દિશેત્

પશ્ચિમાં દિશમાશ્રિત્ય પ્રપતે ભૂતલે નભાત્ ।
નિર્ઘાતં મૃત્યુસઙ્કીર્ણં દૃશ્યતે મૃત્યુતસ્કરૈઃ

મધ્યાહ્ને તુ તદા કાલે યુવાપ્યસ્તમિતે ઽપિ વા ।
ઉદયન્તં ભાસ્કરં રક્તે સુશબ્દૈઃ શ્રાવકૈરેવમ્

ત્રિઃસન્ધ્યાત્ કુત્સિતઃ શબ્દઃ શેષકાલે તુ તુષ્ટયે ।
અર્ધરાત્રે યદા શબ્દઃ નિર્ઘાતસ્ય મહદ્ ભયમ્

ગુપ્તાં પુરવરાં તત્ર કારયન્તુ નૃપોત્તમા ।
નાનામ્લેચ્છગણા ધૂર્તા તસ્કરાધિષ્ઠિતાપિ તે

પરદ્રવ્યોપકારાર્થં કુર્વન્તીહ મહીતલે ।
શેષકાલે ભવેચ્છબ્દઃ નિર્ઘાતસ્ય સુપુષ્કલમ્

મન્ત્રિમુખ્યો ભવેત્ તત્ર બહુવ્યાધિસમાકુલમ્ ।
બહુવ્યાધિતત્વં ચ નૃપાસ્તસ્ય વિધીયતે

પત્ની વા હન્યતે તસ્ય મન્ત્રિમુખ્યસ્ય હન્યતઃ ।
સર્વે સૌલ્કિકાસ્તત્ર નાનાજાતિસમાશ્રિતાઃ

હન્યન્તે મૃત્યુના તે ઽપિ તથા જીવકસેવકા ।
પ્રકૃષ્ટા વણિજા મુખ્યા નિયુક્તા સર્વતો નૃપાઃ

મધ્યાહ્નપરિમિત્યાહુઃ ઋષિભૂતો રવે તદા ।
નિર્ઘાતમતુલે શબ્દં યદા શુશ્રાવતે જનાઃ

વ્યાધિભિર્વ્યસ્તસર્વત્ર ભવતીહ મહીતલે ।
અન્યથા તુમુલં શબ્દો યદિ શુશ્રાવ માનવા

અકસ્માત્ સર્વતો નિત્યં નૃપસ્તત્ર ન જીવતે ।
દક્ષિણાં દિશમાશૃત્ય નિર્ઘાતો પતતેચ્છુભઃ

વિદ્યુચ્ચોર્ધ્વં તથા વૃષ્ટિરચિરાત્ તં વિનિર્દિશેત્ ।
પૂર્વાયાં દિશિમાશ્રિત્ય શુશ્રુવઃ યદિ નાદિતે

નિર્ઘાતસ્ય ભવેત્ તત્ર પ્રાચ્યાધ્યક્ષો વિનશ્યતિ ।
હિમાદ્રિકુક્ષિસન્નિવિષ્ટા જનાસ્તત્ર નિવાસિનઃ

શુશ્રાવ શબ્દં મહાભૈરવે ગ્રહે ચિહ્નિતે ।
તસ્મિં દેશે જનાધ્યક્ષો વિનશ્યન્તે મ્લેચ્છતસ્કરાઃ

વત્સે વત્સાશ્ચ યે મુખ્યા નેપાલાધિપતિસ્તદા ।
હન્યન્તે શત્રુભિઃ ક્ષિપ્રં નાનાદ્વીપનિવાસિનઃ

વિદિક્ષુ ભૈરવંં નાદે ઊર્ધ્વમુત્તરતો ભવેત્ ।
કામરૂપેશ્વરો હન્યા ગૌડાધ્યક્ષેણ સર્વદા

લૌહિત્યાત્ પરતો યે વૈ જરાધ્યક્ષાથ જીવિના ।
કલશાહ્વા ચર્મરઙ્ગાશ્ચ સમોતદ્યાશ્ચ વઙ્ગકાઃ

નૃપાંશ્ચ વિવિધાં હન્યા સશબ્દે ભૈરવા ગ્રહે ।
પૂર્વદક્ષિણતો ભાગે યદિ શબ્દો મહદ્ ભયમ્

કલિઙ્ગા કોસલાશ્ચૈવ સામુદ્રા મ્લેચ્છવાસિનઃ ।
હન્યન્તે શસ્ત્રિભિઃ ક્રૂરૈઃ તદાધ્યક્ષાશ્ચ નૃપા ચરાઃ

પૂર્વપશ્ચિમતો ભાગે યદા શબ્દો મહાન્ ભવેત્ ।
મેઘગર્જનવત્ ક્રૂરો દિવારાત્રૌ મહામ્બુદે

તં નિર્ઘાતમિતિ વેદ્મિ દેવસઙ્ઘા નિબોધતામ્ ।
શુભાશુભં તદા ચક્રે માનુષાણાં જનોત્તમાઃ

યદા શુભે ચ નક્ષત્રે લગ્ને ચાપિ શુભોત્તમે ।
તિથિશ્રેષ્ઠે સિતે ચાપિ શબ્દો શુશ્રાવ મેદિનીમ્

શુભો સુભિક્ષમારોગ્યં સમ્પત્ ક્રીડાય સાધનમ્ ।
સિદ્ધમન્ત્રસ્તુ જાયેત્ વરદા જાપિનાં સદા

તદા કાલે ભવેત્ સિદ્ધિઃ સર્વકર્મસુ યોજિતા ।
ક્રૂરૈર્ગ્રહૈશ્ચાપિ વિદ્યાત્ શુભૈશ્ચાપિ ફલોદયા

કર્મસિદ્ધિર્ભવેત્ તત્ર સર્વકર્મસુ યોજિતા ।
નિર્ઘાતા બહુધા પ્રોક્તા ક્ષ્માતલે ઽસ્મિન નિબોધતા

કેચિત્ પ્રાણહરાઃ સદ્યઃ કેચિત્ સત્યફલોદયા ।
સર્વાર્થસાધના કેચિચ્છબ્દા ગમ્ભીરનાદિનઃ

તં ચ શબ્દં શ્રુયાત્ ક્ષિપ્રં દેવસઙ્ઘા નિબોધતામ્ ।
ધીરો ગમ્ભીરયુક્તશ્ચ સ્તનિતં ચાપિ ગર્જિતે

દીર્ઘદુન્દુભયો યદ્વત્ તચ્છબ્દસમ્મુખાવહમ્ ।
સ શબ્દો ભૈરવઃ ક્રૂરો યથાનિર્દિષ્ટકારકઃ

ઉલ્કાપાતસમે કાલે ભૂમિકમ્પાન્ન જાયતે ।
શબ્દં ક્રૂરનિર્ઘોષં નિર્દિશં ચાપિ યોજયેત્

મહદ્ ભયં તદા વિદ્યાત્ સર્વનિર્દેશભામિમામ્ ।
સત્ત્વાઘાતં તતો વિદ્યાત્ દુર્ભિક્ષં વ્યાધિસમ્ભવમ્

અમાનુષં ચ તદા ચક્રે માયોપદ્રવાદિકમ્ ।
ભૂપાલાં તદા મૃત્યુર્દિવસૈસ્ત્રિંશવિંશતિઃ ।
યથોદ્દિષ્ટકરાઃ સર્વે શબ્દા રૌદ્રનિનાદિતે

ભૂમિકમ્પં તુ નિર્દિક્ષ્યે કથ્યમાનં નિબોધત ।
નક્ષત્રેષ્વેવ કમ્પા યે + + + + + + + + + + + + +

તિથિભિઃ સર્વત્ર યોજ્યં સ્યાન્નક્ષત્રં ચાપિ યુક્તવામ્ ।
નિર્ઘાતે યથા સર્વં કર્મેષ્વેવ યોજયેત્

અશ્વિન્યાં ચલિતા ભૂમિર્દુર્ભિક્ષં ચાપિ નિર્દિશેત્ ।
ભરણ્યાં કૃત્તિકાં ચૈવ ઉભૌ કમ્પૌ સુખૌદયૌ ।
રોહિણ્યાં મૃગશિરઃ કમ્પો જાયતે અર્થસમ્પદઃ

આર્દ્રઃ પુનર્વસુશ્ચૈવ નક્ષત્રા પરિચિહ્નિતૌ ।
એષુ કમ્પેદ્ યથા પૃથ્વી તત્ર દેશે મહદ્ભયમ્

મધ્યદેશા વિનશ્યન્તે તદ્દેશાશ્ચ નરાધિપાઃ ।
પુષ્યે યદિ કમ્પ્યેત મૂર્વી ભૂતલવાસિનીમ્ ।
તત્ર દેશે શિવં શાન્તિં સુભિક્ષમારોગ્યં વિનિર્દિશેત્

આશ્લેષાયાં ચલતે ક્ષિપ્રં કૃત્સ્ના ચૈવ વસુન્ધરા ।
તત્ર દેશે સમાકીર્ણં મ્લેચ્છતસ્કરરૌદ્રિભિઃ

મઘાસુ ચલિતા ભૂમિઃ સર્વેષ્વેવ ન સર્વતઃ ।
અઙ્ગદેશે વિનશ્યન્તે માગઘો નૃપતિસ્તથા ।
માગધા જનપદાઃ સર્વે પીડ્યન્તે વ્યાધિતસ્કરૈઃ

ઉભૌ ફલ્ગુનનક્ષત્રે ક્ષ્માકમ્પો યદિ જાયતે ।
હિમાદ્રિકુક્ષિસન્નિવિષ્ટા ગઙ્ગામુત્તરતસ્તદા

હન્યન્તે વ્યાધિભિઃ ક્ષિપ્રં વૃજિમૈથિલવાસિના ।
વૈશાલ્યામધિપાઃ સર્વે હન્યન્તે અર્તિભિસ્તદા

વિવિધા મ્લેચ્છમુખ્યાસ્તુ હિમાદ્રેઃ સાનુસમ્ભવાઃ ।
નિવસ્તાઃ કુક્ષિમધ્યે વૈ નિતમ્બેષ્વેવ દ્રોણયઃ ।
મ્લેચ્છાધ્યક્ષવરા મુખ્યા હન્યન્તે ઽસ્ત્રિભિઃ સદા

હસ્તચિત્રૌ યદા ભૂમિશ્ચલતે સન્ધ્યયોર્યદા ।
મ્લેચ્છતસ્કરનરાધ્યક્ષા હન્યન્તે શસ્ત્રિભિઃ સદા

સ્વાત્યા વિશાખયુક્ત્યા વૈ નક્ષત્રેષ્વેવ યોજિતા ।
ચલતે મેદિની કૃત્સ્ના દૃશ્યન્તે વણિજા પરે

વણિજાધ્યક્ષવરાઃ શ્રેષ્ઠા મુખ્યાશ્ચૈવ શુક્લિનઃ ।
વ્યાધિભિઃ શસ્ત્રસમ્પાતૈર્વિનશ્યન્તે જલચારિણઃ ।
અનુરાધે જ્યેષ્ઠવિખ્યાતે નક્ષત્રેષ્વેવ સર્વદા

ભ્રમતે વસુમતી કૃત્સ્ના નમતે ચાપિ દારુણમ્ ।
યદા ઉન્નતનિમ્નસ્થા પર્વતા નિમ્નગા વરા

ક્ષ્માતલં કમ્પતે ક્રૂરં ઉભે સઙ્ઘ્યે તદા પરે ।
ભવેત્ તત્ર ભયં ક્ષિપ્રં દુર્ભિક્ષં ચાપિ નિન્દિતમ્

મરણં દિવસૈઃ ષડ્ભિર્મહાનૃપસ્ય ભવેત્ તદા ।
નશ્યન્તે પુરવરા ક્ષિપ્રં મધ્યદેશેષુ તે જનાઃ

ઈષચ્ચ ચલિતા ભૂમિરનુરાધાયાં શુભોદયા ।
સસ્યનિષ્પત્તિ સર્વત્ર મધ્યા યદિ જાયતે

મૂલાષાઢામિતિ જ્ઞેયં નક્ષત્રેષ્વેવ કમ્પતે ।
પૂર્વ ઉત્તરાષાઢે તૃધા દુઃખસમોદયે

વ્યાધિદુર્ભિક્ષ સર્વત્ર તસ્કરાદિભિ પીડ્યતે ।
મેદિની સર્વતો જ્ઞેયા યદિ કમ્પો ભવેદ્ દિવા

શ્રવણાસુ ચલિતા ભૂમિર્ધનિષ્ઠેષ્વેવ સર્વતઃ ।
સુભિક્ષમાયુરારોગ્યં દુર્ભિક્ષૈશ્ચાપિ વર્જિતા

મેદિની સસ્યસમ્પન્ના યદિ કમ્પો ભવેન્નિશમ્ ।
શતભિષે ભદ્રપદે ચાપિ યદિ કમ્પેત મેદિની

દુર્ભિક્ષં રાષ્ટ્રભઙ્ગં વૈ દૃશ્યતે તત્ર આસ્પદે ।
હન્યતે તસ્કરે મર્ત્યા દુર્ભિક્ષં ચાપિ કુત્સિતમ્

ભવન્તિ ભૂતલે મર્ત્યા અર્ધરાત્રે નિશિ કમ્પતે ।
ઉત્તરાસુ ચ સર્વાસુ રેવત્યાસુ ચ કીર્ત્તિતા

ઉભૌ નક્ષત્રૌ સર્વત્ર રેવતી ભદ્રપદસ્તથા ।
એતેષ્વેવ હિ સર્વત્ર યદા કમ્પ અજાયત

નક્ષત્રેષ્વેવ પૂર્વોક્તકમ્પો દૃષ્ટઃ સુખાવહઃ ।
એતે કમ્પા સમાખ્યાતા નિર્ઘાતા વરચિહ્નિતા

ઉલ્કાપાતસમે કાલે ત્રિદોષા જન્તુપીડના ।
નિર્યાતે ચ યદા પૂર્વિં નિર્દિષ્ટં વિસ્તરાન્વિતમ્

ગુહાસ્તત્રૈવ કર્તવ્યા સર્વં ચૈવ દિશાહ્વયે ।
સરવઃ કમ્પનિર્દિષ્ટઃ સાલોકશ્ચાપિ સુખાન્વિતમ્

સિદ્ધિકાલે તદા સર્વે દૃશ્યન્તે મન્ત્રજાપિનામ્ ।
યોગિનાં ચ તથા સિદ્ધિ અભિક્ષાં તુ સમ્ભવે

બોધિસત્ત્વાનાં તથા જાતે બુદ્ધબોધિં ચ પ્રાપ્તયે ।
પ્રભાવા ઋષિમુખ્યાનાં ઋદ્ધ્યા વર્જિતચેતસામ્

સુરશ્રેષ્ઠસ્તદા કાલે આગમં ચાપિ કીર્તયેત્ ।
સાલોકા સરવા મૂરી ઘોષનિઃસ્વનગર્જનમ્ ।
કમ્પમુત્પદ્યતે ક્ષિપ્રં એતેષ્વેવ ચ કારણૈઃ

નિઃશબ્દા ચ નિરાલોકા યદા કમ્પેત મેદિની ।
નારકાણાં તુ સત્ત્વાનાં ચલિતાનાં તુ નિર્દિશેત્ ।
દુઃખં બહુવિધૈઃ ખિન્ના મયા કાયાતિ ભીષણા

તેષાં ચ કર્મજં દુઃખં પશ્યમાવૃત્તિ દૃશ્યતે ।
કથિતાં કર્મનિર્ઘોષાં તં જનાનૃષિસત્તમા

નિબોધ્યમખિલં સર્વં ધારયધ્વ સુખેચ્છયા ।
કેતુના દૃશ્યતે સર્વં ગગનસ્થં તુ કીર્તયેત્

રાત્રૌ દિવા ચ કથ્યેતે દૃશ્યન્તે ચોત્તરા નભે ।
મધ્યાહ્નિ સર્વત્ર દૃશ્યતે દીર્ઘતો ધ્રુવા

ધૂમ્રવર્ણા મહારશ્મા ધૂમાયન્તં મહદ્ ભયમ્ ।
યદેવ દેશમાશૃત્ય ધૂમયેત નભસ્તલમ્

તદેવ દેશે નૃપો હ્યગ્રો હન્યતે વ્યાધિભિર્ધ્રુવમ્ ।
યદેવ ગ્રહમાશૃત્ય વારં નક્ષત્રમુજ્જ્વલા

દૃશ્યતે ધૂમ્રરેખાયાઃ ગગને ચાપિ ઉજ્જ્વલમ્ ।
તદેવ રાશિનક્ષત્રં ગ્રહં ચૈવ સુલક્ષયેત્

તદેવ હન્યતે જન્તુઃ શસ્ત્રિભિર્વ્યાધિભિસ્તદા ।
યસ્માત્ તુ દૃશ્યતે રેખા ધૂમ્રવર્ણા મહદ્ભયા

તં દેશં નાશયેત્ ક્ષિપ્રં ગ્રહઃ ક્રૂરો ન સંશયઃ ।
સ્નિગ્ધા ચ નીલસઙ્કાશા ધૂમ્રરેખામજાયત

તચ્છિવં શાન્તિકં વિદ્યાદાયુરારોગ્યવર્ધનમ્ ।
રૂક્ષવર્ણા વિવર્ણા વા ધૂમ્રવર્ણા તુ નિન્દિતા

પ્રશસ્તા શુક્લસઙ્કાશા ચતુરશ્મિસમુદ્ભવા ।
સૌમ્યા કીર્તિતા નિત્યં શુભવર્ણફલપ્રદા

કીર્તિતા પુષ્પલક્ષ્મીકં તં વિદ્યાદ્યત્ર મા તિથાઃ ।
હિમપુઞ્જનિભા શુભ્રા સ્નિગ્ધસ્ફટિકસન્નિભા

સોમસૌમ્ય વિજ્ઞેયા રૂક્ષવર્ણસમપ્રભા ।
કલ્યાણં ચાર્થનિષ્પત્તિં દુઃખનિર્વાણતે દૃશમ્

+ + + + + + + + + + + યસ્મિન્ દેશે સમોદિતા ।
નક્ષત્રે વાપિ યુક્તે ઽગ્રે તલે તારકમણ્ડલે

નિર્ગતે નભસિ વિખ્યાતે દૃશ્યતે યં મહીતલે ।
સર્વા સમન્તાદાયુરારોગ્યં જાતા યે તારકાશ્રયાઃ

પ્રભવિષ્ણુ ભવેત્ તત્ર સુખી ધર્મચરઃ પ્રભુઃ ।
શ્રેષ્ઠો જાયતે મર્ત્યઃ તસ્મૈઃ નક્ષત્રમાશ્રયેત્

ગ્રહે વા શુચિતે પ્રોક્તા સર્વદુઃખનિવારણી ।
રેખા ચ દૃશ્યતે યત્ર તં વિદ્યાત્ સુખસમર્પિતમ્

પ્રહૃષ્ટરૂપસમ્પન્નસ્નિગ્ધાકારભૂષિતમ્ ।
રેખા નભસ્તલે યાતા ધૂમાયન્તી મહદ્ભયા

તતો ઽન્યશ્રેયસિ યુક્તા પ્રશસ્તા વાપિ નભસ્તલે ।
શિવં સુભિક્ષમારોગ્યં તં દેશં વિદુર્બુધાઃ

ધાર્મિકં તત્ર ભૂયિષ્ઠં ધૂમકેતોરજાયતે ।
સિતા સ્ફટિકસઙ્કાશા પ્રભાઃ સઞ્ચેયુ સર્વતઃ

એકશઃ શ્રીમતો ખ્યાતાઃ તારકે ઽસ્મિં નભસ્તલે ।
તતઃ સ્ફટિકસઙ્કાશા રશ્મ્યા ચાપિ મૂર્તિજઃ

પ્રભવઃ શ્રીમતઃ ખ્યાતઃ તસ્મિન્ નક્ષત્રમાશ્રયેત્ ।
કેતવો બહુધા હુક્તા સહસ્રૌ દ્વૌ ત્રયો ઽથ વા

ત્રિંશમેકં ચ બહુધા નાનાકર્મફલોદયા ।
કેચિચ્છ્રેષ્ઠા તથા મધ્યા કેચિદ્ધર્મપરાન્મુખાઃ

ઉદયન્તં તદા કેચિન્મહદ્ભયસુદારુણા ।
સ્નિગ્ધાકારસમા જ્ઞેયા સ્ફટિકાકારસમપ્રભા

સ્નિગ્ધા શોભના જ્ઞેયા સ્ફટિકાકારસમપ્રભા ।
સ્નિગ્ધા શોભના જ્ઞેયા ચારુવર્ણાલ્પભોગતા

કેચિત્ તિર્યગઃ ક્રૂરા ઉત્તરા દક્ષિણા પરા ।
શ્રેયસા ચૈવ ભૂતાનાં ઉદયન્તે શશિસમપ્રભા

મહાપ્રાણા વિકૃતાસ્તુ અતિદીર્ઘા નૃપનાશના ।
મધ્યે ઉદિતા હ્યેતે પ્રાચ્યાવસ્થિતરશ્મિજાઃ

પૂર્વપશ્ચિમતો યાતા પૂર્વદેશાધિપતિં હનેત્ ।
પૂર્વપશ્ચિમતો યાતા પશ્ચાદ્ દેશા નૃપતિં હનેત્

સમન્તાદ્ રશ્મિજાતાયાઃ સમન્તાદ્ દુર્ભિક્ષમાદિશેત્ ।
વિદિક્ષા હ્યુદિતા હ્યેતે મ્લેચ્છપ્રત્યન્તગણધિકા

નિહનેત્ સર્વતો યાતા તસ્મિં સ્થાને સમાદિશેત્ ।
ધૂમ્રવર્ણા વિવર્ણાસ્તુ રૂક્ષવર્ણા મહાભયાઃ

પ્રભવઃ સર્વતો યાતા સર્વપ્રાણિષુ આદિશેત્ ।
દિવા સર્વતો નિત્યં મધ્યાહ્ને યદિ દૃશ્યતે યદા ।
મહદ્ દુઃખં મહોત્પાતં નૃપતીનાં તદા વિશેત્

યત્ર તિર્યગ્ગતા રેખા યત્ર સ્થિતે સમોદિતા ।
તત્રસ્થા નૃપતિં હન્તિ યસ્મિં દેશે સમાગતા

દિવા વિદિક્ષુ નિર્દિષ્ટા મહાવ્યાધિસમાગમમ્ ।
તસ્કરોપદ્રવાં મૃત્યું તસ્મિં સ્થાને સમાદિશેત્

નીલવર્ણં યદાકાશે દિવા પશ્યેત કેતવમ્ ।
વિવિધાયાસદુઃખૈસ્તુ વિવિધોપદ્રવભૂમિપા

સમન્તાત્ કથિતા હ્યેતે મહાદુઃખભયાનકાઃ ।
યાતિરૌદ્રા વિદાહ્યુક્તા રાત્રૌ કેચિત્ શુભોદયા

રક્તવર્ણં યદા પશ્યેત્ કેતુશ્ચન્દ્રસમાશ્રિતમ્ ।
રુધિરાક્તાં મહીં ક્ષિપ્રં શસ્ત્રસમ્પાતિતં તદા

પૃથિવ્યાં ક્ષિપ્રમસૃક્ર + + રાત્ર્યવસુન્ધરામ્ ।
બહુસત્ત્વોપઘાતાય બહુદુઃખનિરાશ્રયમ્

જાયન્તે જનપદાસ્તત્ર યસ્મિં સ્થાને સમાદિશેત્ ।
પીતા ચ પીતનિર્ભાસા દૃશ્યતે વ્યોમ્નિ મૂર્તિના

હરિદ્રાકારસઙ્કાશા હરિતાલસમપ્રભા ।
હેમવર્ણા યદાકાશે કેતવો ઉદયન્તિ વૈ ।
તત્ર વિદ્યાન્મહદ્ દુઃખં સર્વસત્ત્વેષુ લક્ષણમ્

મહામારિગતાધ્યક્ષો જનાસ્વેવ નિબોધિતા ।
દ્વાદશાબ્દં તથા હન્તિ અનાવૃષ્ટ્યોપદ્રવાદિષુ

અતિકૃષ્ણા રૌદ્રમિત્યાહુરતિધૂમ્રાસ્તુ વર્જિતા ।
અતસીપુષ્પસઙ્કાશા પાવકોચ્છિષ્ટવર્જિતા

મહામેઘસમાકારા નીલકજ્જલવર્ણિતા ।
વરાહાકાર તથા કેચિત્ પરપુષ્ટસમપ્રભા ।
દૃશ્યન્તે ગગના ઘોરા તસ્માદ્ દેશાદપક્રમેત્

મહાક્રૂરા તથા રૌદ્રા દૃશ્યન્તે ક્રૂરકર્મિણઃ ।
મહાદુઃખં મહાઘોરં માર્યોપસૃષ્ટિરેવ વા ।
મહાદુર્ભિક્ષમિત્યાહુસ્તસ્મિં દેશે ભયાનકમ્

ઓડ્રપુષ્પસમાકારં રક્તભાસ્કરવિદ્વિષમ્ ।
અસૃગ્વર્ણં યદા પશ્યેદુદિતં કેતુનભસ્તલમ્

સર્વત્ર વ્યાધિતદ્વેગં બહુસત્ત્વોપરોધિનમ્ ।
નૃપતીનાં તદા મૃત્યુસ્તત્ક્ષણાદેવમાદિશેત્

અકસ્માત્ પશ્યતે યો હિ નરો વા યદિ વા સ્ત્રિયઃ ।
તસ્ય મૃત્યુ સમાદિષ્ટં સપ્તાહાભ્યન્તરેણ તુ

દ્વિરાત્રૈસ્ત્રિભિર્વાપિ દિવસૈઃ શસ્ત્રિભિર્હન્યતે ।
તદા દિવા વા યદિ વા પશ્યેદકસ્માન્નિશિરેવ વા

તસ્ય મૃત્યુ સમાદિષ્ટા તત્ક્ષણાદેવ ભૂતલે ।
વિષેણ હન્યતે જન્તુઃ શસ્ત્રિભિર્વા ન સંશયઃ

શુક્લા સ્નિગ્ધવર્ણાશ્ચ નિશિરેવ સુખોદયા ।
અન્યથા દર્શનં નેષ્ટં વિવિધાકારરૂપિણામ્

સ્વકાયપરકાયે વા યદિ કેતુસમાશ્રિતા ।
રાત્રૌ ચાપિ દિવા ચાપિ સદ્યઃ પ્રાણહરાઃ સ્મૃતા

શુક્લવર્ણાં યદા પશ્યે શશિગોક્ષીરસમપ્રભામ્ ।
હિમકુન્દસમાકારાં નાનારત્નસમપ્રભામ્ ।
તસ્ય રાજ્યં સમાખ્યાતં સિદ્ધિર્વા મન્ત્રજાપિને

એતે કેતવો ઇષ્ટા શરીરે મન્દિરે ઽપિ વા ।
સ્વસૈન્યપરસૈન્યે વા યત્રસ્થં તત્ર ફલપ્રદમ્ ।
તમાહુઃ કીર્તિતાં શ્રેષ્ઠાં નાનાચિત્રસમપ્રભામ્

દૃશ્યન્તે સર્વતો મર્ત્યૈઃ બહ્વાનર્થાવહાઃ સ્મૃતાઃ ।
સર્વતઃ કથિતા મર્ત્યૈર્વિગ્રહે મન્દિરે ઽપિ વા

કેતવઃ સિદ્ધકાયાનાં સર્વેષ્ટાઃ સફલાઃ સ્મૃતાઃ ।
અન્યથા કુત્સિતાઃ સર્વે બહુદુઃખભયપ્રદાઃ

સર્વે વૈ કથિતા હ્યેતે કેતવો ગ્રહચિહ્નિતાઃ ।
પૂર્વવત્ કથિતં સર્વં તિથિનક્ષત્રરાશિજાઃ

વિવિધૈર્વારયોગૈસ્તુ ગ્રહૈશ્ચાપિ મહર્દ્ધિકાઃ ।
પૂર્વવત્ સર્વમિત્યેષાં કથિતાઃ સર્વતઃ લોકે

તદા સર્વે તે સંજ્ઞિનો કેચિચ્ચારુસમપ્રભા ।
ચિત્રા ક્વચિત્તતઃ શુભ્રઃ સ્નિગ્ધો વર્ણતઃ શુભઃ

સુનેત્રો નેત્રનામઃ શુશિકુન્દસમપ્રભઃ ।
સુભ્રૂ સુનયનશ્ચૈવ રુગ્મવર્ણઃ સહેમજઃ

સર્વે સિતા વિચિત્રાશ્ચ નાનાનામસમોદિતાઃ ।
ષડ્વર્ણાનામપિ તેષાં કેતૂનાં નિબોધિતા

નાનાવર્ણરૂપાણાં તત્સંજ્ઞાશ્ચ પ્રયોજયેત્ ।
નાનાવિકૃતિનો યે ઽપિ ઘોરાઃ સુદારુણાઃ

યે મયા કથિતા પૂર્વં તત્સંજ્ઞાશ્ચ સર્વતઃ ।
એવમાદ્યાધિકા પ્રોક્તા કેતવો બહુરૂપિણઃ

માનુષાણાં તદા ચક્રે શુભાશુભફલોદયાઃ ।
વિગ્રહા ગ્રહમુખ્યાનાં દૃશ્યતે ચ સમન્તતઃ

દેવાસુરે ચ યુદ્ધે વૈ દર્શયન્તિ તદાત્મનામ્ ।
મહાપ્રભાવા મહેશાખ્યા દિવ્યા દિવ્યયોનયઃ

સિતાઃ શુભોદયાઃ સર્વે દેવપર્ષત્સમાશ્રિતાઃ ।
વિકૃતાવિકૃતરૂપાસ્તુ કુત્સિતા વિકૃતવર્ણિનઃ ।
સર્વે વૈ અસુરપક્ષે તુ ક્રૂરકર્માન્તચારિણા

યદા દેવાસુરે યુદ્ધે વર્તમાને મહદ્ભયે ।
અસુરાઃ પરાજિતા દેવૈઃ કેતવઃ સૂચયન્તિ તે ।
દર્શને ભૂ(ત)લે મર્ત્યં પ્રદદ્યુઃ સર્વતો નભઃ

સિતાઃ શુભફલા નિત્યમિષ્ટાશ્ચૈવ સુરપ્રિયા ।
દર્શયન્તિ તદાત્માનં દેવપક્ષસમાશ્રિતાઃ ।
મર્ત્યાનાં તદા ક્ષિપ્રં સુભિક્ષમારોગ્યવિનિર્દિશેત્

અસુરૈર્નિર્જિતા દેવા યદા કાલે ભવન્તિ વૈ ।
તદા વિકૃવર્ણાસ્તુ ક્રૂરકર્મનિયોજિતા ।
અસુરાણાં તદા પક્ષે કેતવ ઉદયન્તિ વૈ

તદા સર્વતઃ ક્રૂરા વાતા વાયન્તિ જન્તુનામ્ ।
મહાવૃષ્ટિમનાવૃષ્ટિનાગાશ્ચૈવ ક્રૂરિણઃ

મુમોચ વિષજાં તોયં બહુવ્યાધિસમાકુલમ્ ।
માનુષાણાં તદા ચક્રે વિષવિસ્ફોટમૂર્ચ્છનમ્

વિવિધા રાક્ષસા ચૈવ દૈત્યયક્ષસમાશ્રિતા ।
કુર્વન્તિ માનુષાં હિંસામતિદારુણવિઘ્નકામ્

પ્રાણોપરોધિનં દુઃખં કુર્વન્તીહ મહીતલે ।
અશ્મવૃષ્ટિં તદાકાશે પ્રપતેદ્ ભૂતલે તદા

મહાવાતાઃ પ્રવાયન્તિ તસ્મિં કાલે તુ ભીષણાઃ ।
પ્રચણ્ડા વાયવો વાન્તિ બહુસત્ત્વાપકારિણઃ

નાનાતિર્યગતા પ્રાણા સસ્યનાશં પ્રચક્રિરે ।
બહુભૂતગણાઃ ક્રૂરા કુર્વન્તીહ ચ ભૂતલે ।
માનુષાણાં તદા વિઘ્નં ચક્રિરે પ્રાણોપરોધિનામ્

એવંપ્રકારા હ્યનેકાશ્ચ બહુવિઘ્નસમાશ્રયા ।
નાનાતિર્યગ્ગતાશ્ચૈવ ચણ્ડાઃ શ્વાપદમૌરગાઃ

વિવિધા નાગયોનિસ્થા સત્ત્વાનામપકારકા ।
પ્રાણોપરોધિનં કુર્વન્તિ વિવિધા મ્લેચ્છતસ્કરા

કપિલા ભાસતો વર્ણા વાતા ક્રૂરાશ્ચ અગ્નિજાઃ ।
વાયન્તિ વિવિધા લોકે યદા દેવપરાજયેત્

અધર્મિષ્ઠા તદા મર્ત્યા જામ્બૂદ્વીપગતા સદા ।
તદા તે દેવપક્ષાસ્તુ હીયન્તે દૈત્યયોનિભિઃ

યદા ધર્મવતઃ સત્ત્વા ભૂતલે ઽસ્મિં સમાગતા ।
બુદ્ધધર્મરતાઃ શ્રેષ્ઠા સઙ્ઘે ચૈવ સદા વરા

માતૃપિતૃભક્તાશ્ચ સત્યસત્ત્વા જપે રતા ।
તદા તે સર્વતો દેવા નિર્જિજે દૈત્યયોનિજમ્

તદા સસ્યફલસમ્પન્ના બહુપૂર્ણા વસુન્ધરા॥
દીર્ઘકાલાયુષો મર્ત્યા બહુસઙ્ખ્યપરાયણા

ધાર્મિકા નૃપતયઃ સર્વે સુખદાઃ સૌખ્યપરાયણાઃ ।
તદા તાસુ સુખા દૈત્યા હ્લાદિનો વ્યાધિનાશકાઃ ।
ભવેયુઃ સર્વે તે લોકે સુખકારણશીતલાઃ

નાતિશીતા ન ચોષ્ણા વૈ ઋતવઃ સુખદા સદા ।
નાનાપક્ષિગણાશ્ચૈવ કૂજયેન્મધુરં સદા

બહુપુષ્પફલાઢ્યા તુ તરવઃ સર્વતો શુભા ।
સર્વે વ્યાધિવિનિર્મુક્તા જન્તવો ભૂનિવાસિનઃ

ન ચોદ્વેગં તદા ચક્રે નૃપતિર્ધાર્મિકો ભવેત્ ।
બહુધાન્યસુખાશ્ચૈવ નાનારત્નથ મન્દિરમ્

પશ્યતે સર્વયોન્યાંસ્તુ જમ્બૂદ્વીપગતા નરાઃ ।
ફલાઢ્યા તરવો નિત્યં બહુક્ષીરાશ્ચ ધેનવઃ

ધર્માયતનશત્રાશ્ચ કૂપવાક્ય સમન્તતઃ ।
કુર્વન્તે ચ જનાઃ સર્વે જમ્બૂદ્વીપગતા નરાઃ

બહુધા બહુવિધાશ્ચૈવ પ્રાણિધર્મરતઃ સ્થિતાઃ ।
સમન્તાત્ સર્વતો તેષાં યસ્ય પૂર્ણા વસુન્ધરા

વિપરીતા તદન્યથા તેષાં ભ્રષ્ટમર્યાદચેષ્ટિતામ્ ।
કર્મે યુગાધમે કાલે અન્યથા ફલમાદિશેત્

નિઃફલં સફલં ચૈવ + + + + + + + + + + ।
વિકૃતં હેતુજં કર્મ અશુભા ચૈવ કામયેત્