માનવગૃહ્યસૂત્ર · અધ્યાય 2.3

ઇતિ દ્વિતીયપુરુષે દ્વિતીયઃ ખણ્ડઃ ॥2॥
તૃતીયઃ ખણ્ડઃ
અગ્નયે સ્વાહેતિ સાયં જુહોતિ પ્રજાપતય ઇતિ દ્વિતીયામ્

સૂર્યાય સ્વાહેતિ પ્રાતઃ પ્રજાપતય ઇતિ દ્વિતીયામ્

અગ્નીષોમીયઃ સ્થાલીપાકઃ પૌર્ણમાસ્યામૈન્દ્રાગ્નો ઽમાવાસ્યાયામુભયત્ર ચાગ્નેયઃ આગન્તુઃ પૂર્વઃ પૌર્ણમાસ્યામુત્તરોમાવાસ્યાયામ્

આશ્વયુજ્યાં પૌર્ણમાસ્યાં પ્રતર્નિત્યેષુ સ્થાલીપાકેષુ સ્થાલીપાકમન્વાયાતયતિ

તસ્યાગ્નિંરુદ્રં પશુપતિમીશાનં ત્ર્યમ્બકં શરદં પ્રષાતકં ગા ઇતિ યજતિ

દધિઘૃતમિશ્રઃ પ્રષાતકસ્તસ્યા નો મિત્રાવરુણા પ્રવાહવેતિ ચ હુત્વામ્ભઃ સ્થામ્ભો વો ભક્ષીયેતિ ગાઃ પ્રાશાપયતિ

અવસૃષ્ટાશ્ચ વસેયુઃ

બ્રાહ્મણાન્ ઘૃતવભ્દોજયેત્

નાનિષ્ટ્વાગ્રયણેન નવસ્યાશ્નીયાત્

પર્વણ્યાગ્રયણં કુર્વીત વસન્તે યવાનાં શરદિ વ્રીહીણામ્

અગ્રપાકસ્ય પયસિ સ્થાલીપાકં શ્રપયિત્વા તસ્ય જુહોતિ સજૂર્દ્યાવાપૃથિવીભ્યાં સ્વાહા સજૂઃ સોમાય સ્વાહેતિ

શરદિ સોમાય શ્યામાકાનાં વસન્તેવેણુયવાનામુભયત્ર વાજ્યેન

વત્સઃ પ્રથમજો દક્ષિણા

બ્રાહ્મણ એવ હવિઃ શેષં ભુજ્જીતેતિ શ્રુતિઃ