Mānavagṛhyasūtra · Chapter 2.3
iti dvitīyapuruṣe dvitīyaḥ khaṇḍaḥ //2//
tṛtīyaḥ khaṇḍaḥ
agnaye svāheti sāyaṃ juhoti prajāpataya iti dvitīyām
sūryāya svāheti prātaḥ prajāpataya iti dvitīyām
agnīṣomīyaḥ sthālīpākaḥ paurṇamāsyāmaindrāgno 'māvāsyāyāmubhayatra cāgneyaḥ āgantuḥ pūrvaḥ paurṇamāsyāmuttaromāvāsyāyām
āśvayujyāṃ paurṇamāsyāṃ pratarnityeṣu sthālīpākeṣu sthālīpākamanvāyātayati
tasyāgniṃrudraṃ paśupatimīśānaṃ tryambakaṃ śaradaṃ praṣātakaṃ gā iti yajati
dadhighṛtamiśraḥ praṣātakastasyā no mitrāvaruṇā pravāhaveti ca hutvāmbhaḥ sthāmbho vo bhakṣīyeti gāḥ prāśāpayati
avasṛṣṭāśca vaseyuḥ
brāhmaṇān ghṛtavabhdojayet
nāniṣṭvāgrayaṇena navasyāśnīyāt
parvaṇyāgrayaṇaṃ kurvīta vasante yavānāṃ śaradi vrīhīṇām
agrapākasya payasi sthālīpākaṃ śrapayitvā tasya juhoti sajūrdyāvāpṛthivībhyāṃ svāhā sajūḥ somāya svāheti
śaradi somāya śyāmākānāṃ vasanteveṇuyavānāmubhayatra vājyena
vatsaḥ prathamajo dakṣiṇā
brāhmaṇa eva haviḥ śeṣaṃ bhujjīteti śrutiḥ
Original text: Mānavagṛhyasūtra (= Maitrāyaṇīyamānavagṛhyasūtra) · Edition: Ramakrishna Harshaji Sastri: Mānavagṛhyasūtra of the Mitrāyaṇīya Śākhā, Baroda : Central Library 1926 (Gaekwad's Oriental Series, 35) · Data entry members of the Sansknet Project · GRETIL (Göttingen) · CC BY-NC-SA 4.0