માનવગૃહ્યસૂત્ર · અધ્યાય 2.4

ઇતિ દ્વિતીયપુરુષે તૃતીયઃ ખણ્ડઃ ॥3॥
ચતુર્થઃ ખણ્ડઃ
પશુના યક્ષ્યમાણઃ પાકયજ્ઞોપચારાગ્નિમુપચરતિ

પશુબન્ધવત્તૂષ્ણીમાવૃદ્દેવતાહોમવર્જમ્ ॥ મન્ગ્સ્_2,4. 2 ॥
પ્રોક્ષ્યાનુમાન્યોપપાય્ય પર્યગ્નિં કૃત્વા શામિત્રં પ્રણીય વપાશ્રપણીભ્યામુદઞ્ચં પ્રક્રમમાણમન્વારભન્તે

સંજ્ઞપ્યમાનમવેક્ષતે

સંજ્ઞપ્તંસ્નપયિત્વા યથાદૈવતં વપામુત્કૃત્ય શ્રપયિત્વાઽધારાવાજ્યભાગૌ હુત્વા--જાતવેદો વપયા ગચ્છ દેવાંસ્ત્વંહિ હોતા પ્રથમો બભૂવ ।
ઘૃતસ્યાગ્ને તન્વા સંભવ સત્યાઃ સન્તુ યજમાનસ્ય કામાઃ સ્વાહા ।
ઇતિ
વપાં જુહોતિ

સ્વાહા સ્વહેતિ પરિવપ્યૌ

સ્થાલીપાકમન્વાયાતયતિ સમાનદેવતં પશુના

તધ્ધુતાવાજ્યભાગૌ

અનિરુક્તઃ સ્વિષ્ટકૃત્

પાશુબન્ધિકાનામવદાનાનાં રસસ્યાવદાય દૈવતૈઃ પ્રચર્ય વસાહોમશેષેણ દિશઃ પ્રતિજયતિ યથા વાજિનેન વનસ્પતિમાજ્યસ્ય

જયાન્ હુત્વા ત્ર્યઙ્ગાણાં સ્વિષ્ટકૃતે સમવદ્યતિ

સ્થાલીપાકેન શેષો વ્યાખ્યાતઃ

પશોઃ પશુરેવ દક્ષિણા