માલિનીવિજયોત્તરતન્ત્રમ્ · અધ્યાય 7

અથાતઃ સંપ્રવક્ષ્યામિ મુદ્રાખ્યાઃ શિવશક્તયઃ
યાભિઃ સંરક્ષિતો મન્ત્રી મન્ત્રસિદ્ધિમવાપ્નુયાત્

ત્રિશૂલં ચ તથા પદ્મં શક્તિશ્ચક્રં સવજ્રકમ્
દણ્ડદંષ્ટ્રે મહાપ્રેતા મહામુદ્રા ખગેશ્વરી

મહોદયા કરાલા ચ ખટ્વાઙ્ગં સકપાલકમ્
હલં પાશાઙ્કુશા ઘણ્ટા મુદ્ગરસ્ત્રિશિખોઽપરઃ

આવાહસ્થાપનીરોધા દ્રવ્યદા નતિરેવ ચ
અમૃતા યોગમુદ્રેતિ વિજ્ઞેયા વીરવન્દિતે

તર્જનીમધ્યમાનામા દક્ષિણસ્ય પ્રસારિતાઃ
કણિષ્ઠાઙ્ગુષ્ઠકાક્રાન્તાસ્ત્રિશૂલં પરિકીર્તિતમ્

પદ્માકારૌ કરૌ કૃત્વા પદ્મમુદ્રાં પ્રદર્શયેત્
સંમુખૌ પ્રસૃતૌ કૃત્વા કરાવન્તરિતાઙ્ગુલી

પ્રસૃતે મધ્યમે લગ્ને કૌમાર્યાઃ શક્તિરિષ્યતે
ઉત્તાનવામમુષ્ટેસ્તુ દક્ષ

ક્ષિપેન્મુષ્ટિં ચક્રં નારાયણીપ્રિયમ્
ઉત્તાનવામકસ્યોર્ધ્વં ન્યસેદ્દક્ષમધોમુખમ્

કનિષ્ઠાઙ્ગુષ્ઠકૌ શ્લિષ્ટૌ શેષાઃ સ્યુર્મણિબન્ધગા
વજ્રમુદ્રેતિ વિખ્યાતા ઐન્દ્રીસંતોષકારિકા

ઊર્ધ્વપ્રસારિતો મુષ્ટિર્દક્ષિણોઽઙ્ગુષ્ઠગર્ભગઃ
દણ્ડમુદ્રેતિ વિખ્યાતા વૈવસ્વતકુલપ્રિયા

વામતો વક્ત્રગાં કુર્યાદ્વામમુષ્ટેઃ કનિષ્ઠિકામ્
દંષ્ટ્રેયં કીર્તિતા દેવિ ચામુણ્ડાકુલનન્દિની

વામજાનુગતં પાદં બુથસ્તૌ પૃષ્ઠપ્રલમ્બિનૌ
વિકૃતે લોચને ગ્રીવા ભગ્ના જિહ્વા પ્રસારિતા

સર્વયોગિગણસ્યેષ્ટા પ્રેતા યોગીશ્વરી મતા
હસ્તાવધોમુખૌ પદ્ભ્યાં હૃદયાન્તં નયેદ્બુધઃ

તિર્યગ્મુખાન્તમુપરિ સંમુખાવૂર્ધ્વગૌ નયેત્
મહામુદ્રેતિ વિખ્યાતા દેહશોધનકર્મણિ

સર્વકર્મકરી ચૈષા યોગિનાં યોગસિદ્ધયે
બદ્ધ્વા પદ્માસનં યોગી નાભાવક્ષેશ્વરં ન્યસેત્

દણ્ડાકારં તુ તં તાવન્નયેદ્યાવત્કખત્રયમ્
નિગૃહ્ય તત્ર તત્તૂર્ણં પ્રેરયેત્ખત્રયેણ તુ

એતાં બદ્ધ્વા મહાવીરઃ ખે ગતિં પ્રતિપદ્યતે
અધોમુખસ્ય દક્ષસ્ય વામમુત્તાનમૂર્ધ્વતઃ

અનામામધ્યમે તસ્ય વામાઙ્ગુષ્ઠેન પીડયેત્
તર્જન્યા તત્કનિષ્ઠાં ચ તર્જનીં ચ કનિષ્ઠયા

મધ્યમાનામિકાભ્યાં ચ તદઙ્ગુષ્ઠં નિપીડયેત્
મુદ્રા મહોદયાખ્યેયં મહોદયકરી નૃણામ્

અનામિકાકનિષ્ઠાભ્યાં સૃક્વિણ્યૌ પ્રવિદારયેત્
જિહ્વાં ચ લાલયેન્મન્ત્રી હાહાકારં ચ કારયેત્

ક્રુદ્ધદૃષ્ટિઃ કરાલેયં મુદ્રા દુષ્ટભયઙ્કરી
વામસ્કન્ધગતો વામ મુષ્ટિરુચ્છ્રિતતર્જની

ખટ્વાઙ્ગાખ્યા સ્મૃતા મુદ્રા કપાલમધુના શૃણુ
નિમ્નં પાણિતલં દક્ષમીષત્સંકુચિતાઙ્ગુલિ

કપાલમિતિ વિજ્ઞેયમધુના હલમુચ્યતે
મુષ્ટિબદ્ધસ્ય દક્ષસ્ય તર્જની વામમુષ્ટિના

વક્રતર્જનિના ગ્રસ્તા હલમુદ્રેતિ કીર્તિતા
મુષ્ટ્યા પૃષ્ઠગયોર્દક્ષ વામયોસ્તર્જનીદ્વયમ્

વામાઙ્ગુષ્ઠાગ્રસંલગ્નં પાશઃ પ્રસૃતકુઞ્ચિતઃ
હલે મુષ્ટિર્યથા વામો દક્ષહીનસ્તથાઙ્કુશઃ

અધોમુખસ્થિતે વામે દક્ષિણાં તર્જનીં બુધઃ
ચાલયેન્મધ્યદેશસ્થાં ઘણ્ટામુદ્રા પ્રિયા મતા

કરાવૂર્ધ્વમુખૌ કાર્યાવન્યોન્યાન્તરિતાઙ્ગુલી
અનામે મધ્યપૃષ્ઠસ્થે તર્જન્યૌ મૂલપર્વગે

મધ્યમે દ્વે યુતે કાર્યે કનિષ્ઠે પુરુષાવધિ
તર્જન્યૌ મધ્યપાર્શ્વસ્થે વિરલે પરિકલ્પિતે

મુદ્ગરસ્ત્રિશિખો હ્યેષ ક્ષણાદાવેશકારકઃ
કરાભ્યામઞ્જલિં કૃત્વા અનામામૂલપર્વગૌ

અઙ્ગુષ્ઠૌ કલ્પયેદ્વિદ્વાન્મન્ત્રાવાહનકર્મણિ
મુષ્ટી દ્વાવુન્નતાઙ્ગુષ્ઠૌ સ્થાપની પરિકીર્તિતા

દ્વાવેવ ગર્ભગાઙ્ગુષ્ઠૌ વિજ્ઞેયા સંનિરોધિની
દ્રવ્યદા તુ સમાખ્યાતા ત્ર સંમુખી

હૃદયે સંમુખૌ હસ્તૌ સંલગ્નૌ પ્રસૃતાઙ્ગુલી
નમસ્કૃતિરિયં મુદ્રા મન્ત્રવન્દનકર્મણિ

અન્યોન્યાન્તરિતાઃ સર્વાઃ કરયોરઙ્ગુલીઃ સ્થિતાઃ
કનિષ્ઠાં દક્ષિણાં વામેઽનામિકાગ્રે નિયોજયેત્

દક્ષિણે ચ તથા વામં તર્જનીમધ્યમે તથા
અઙ્ગુષ્ઠૌ મધ્યમૂલસ્થૌ મુદ્રેયમમૃતપ્રભા

દક્ષિણં નાભિમૂલે તુ વામસ્યોપરિ સંસ્થિતમ્
તર્જન્યઙ્ગુષ્ઠકૌ લગ્નૌ ઉચ્છ્રિતૌ યોગકર્મણિ

એવં મુદ્રાગણં મન્ત્રી બધ્નીયદ્ધૃદયે બુધઃ
સર્વાસાં વાચકાશ્ચાસામોં હ્રીં નામ તતો નમઃ