માલિનીવિજયોત્તરતન્ત્રમ્ · અધ્યાય 21

અથાતઃ પરમં ગુહ્યં શિવજ્ઞાનામૃતોત્તમમ્
વ્યાધિમૃત્યુવિનાશાય યોગિનામુપવર્ણ્યતે

ષોડશારે ખગે ચક્રે ચન્દ્રકલ્પિતકર્ણિકે
સ્વરૂપેણ પરાં તત્ર સ્રવન્તીમમૃતં સ્મરેત્

પૂર્વન્યાસેન સંનદ્ધઃ ક્ષણમેકં વિચક્ષણઃ
તતસ્તુ રસનાં નીત્વા લમ્બકે વિનિયોજયત્

સ્રવન્તમમૃતં દિવ્યં ચન્દ્રબિમ્બસિતં સ્મરેત્
મુખમાપૂર્યતે તસ્ય કિં ચિલ્લવણવારિણા

લોહગન્ધેન તચ્ચાત્ર ન પિબેત્કિં તુ નિક્ષિપેત્
એવં સમભ્યસેત્તાવદ્યાવત્તત્સ્વાદુ જાયતે

જરાવ્યાધિવિનિર્મુક્તો જાયતે તત્પિબંસ્તતઃ
ષડ્ભિર્માસૈરનાયાસાદ્વત્સરાન્મૃત્યુજિદ્ભવેત્

તત્ર સ્વાદુનિ સંજાતે તદાપ્રભૃતિ તત્રગમ્
યદેવ ચિન્તયેદ્દ્રવ્યં તેનાસ્યાપૂર્યતે મુખમ્

રુધિરં મદિરં વાથ વસાં વા ક્ષીરમેવ વા
ઘૃતતૈલાદિકં વાથ દ્રવદ્દ્રવ્યમનન્યધીઃ

અથાન્યં સંપ્રવક્ષ્યામિ સંક્રાન્તિવિધિમુત્તમમ્
મૃતે જીવચ્છરીરે તુ પ્રવિશેદ્યોગવિદ્યયા

નિવાતસ્થો જિતપ્રાણો જિતાસનવિધિક્રમઃ
કુર્વીત વાયુનાવેશમર્કતૂલે શનૈઃ શનૈઃ

સ્વાદાકૃષ્ટિવિધિં યાવદ્ગુડે નિમ્બે ચ કારયેત્
શ્રીખણ્ડગુડકર્પૂરૈસ્તતઃ કૃત્વાકૃતિં શુભામ્

પ્રગુણામગુણ[લચુન]ન્યઙ્ગેષુ સંદધત્
ન્યાસં કૃત્વાપિ તત્રાપિ વેધં કુર્યાચ્છનૈઃ શનૈઃ

નિરોધં તત્ર કુર્વીત ઘટ્ટનં તદનન્તરમ્
ઘટ્ટનં નામ વિજ્ઞેયમઙ્ગપ્રત્યઙ્ગચાલનમ્

એવમભ્યસતસ્તસ્ય યોગયુક્તસ્ય યોગિનઃ
ચલતે પ્રતિમા સા તુ ધાવતે ચાપિ સંમુખી

પુનસ્તાં પ્રેરયેત્તાવદ્યાવત્સ્વસ્થાનમાગતમ્
પતિતાં ચાલયેદ્ભૂય ઉત્તાનાં પાર્શ્વતઃ સ્થિતઃ

એવં સર્વાત્મનસ્તાવદ્યાવત્સ્વવશતાં ગતામ્
તતઃ પ્રભૃત્યસૌ યોગી પ્રવિશેદ્યત્ર રોચતે

મૃતે જીવચ્છરીરે વા સંક્રાન્ત્યાક્રાન્તિભેદતઃ
પ્રક્ષિપ્ય જલવચ્છક્તિજાલં સર્વાઙ્ગસંધિષુ

પ્રત્યઙ્ગમઙ્ગતસ્તસ્ય શક્તિં તેનાક્રમેદ્બુધઃ
સ્વકીયં રક્ષયેદ્દેહમાક્રાન્તાવન્યથા ત્યજેત્

બહૂન્યપિ શરીરાણિ દૃઢલક્ષ્યો યદાળ્ભવેત્
તદાળ્ગૃહ્ણાત્યસંદેહં યુગપત્સંત્યજન્નપિ

અથાપરં પ્રવક્ષ્યામિ સદ્યઃપ્રત્યયકારકમ્
સમાધાનામૃતં દિવ્યં યોગિનાં મૃત્યુનાશનમ્

ચન્દ્રાકૃષ્ટિકરં નામ માસાદ્વાળ્યોગભોગદમ્
શુક્લપક્ષે દ્વિતીયાયાં મેષસ્થે તિગ્મરોચિષિ

સ્નાતઃ શુચિર્નિરાહારઃ કૃતપૂજાવિધિર્બુધઃ
ન્યસેચ્ચન્દ્રે કલાજાલં પરયા સમધિષ્ઠિતમ્

સર્વબાધાપરિત્યક્તે પ્રદેશે સંસ્થિતો બુધઃ
એકચિત્તઃ પ્રશાન્તાત્મા શિવસદ્ભાવભાવિતઃ

તાવદાલોકયેચ્ચન્દ્રં યાવદસ્તમુપાગતમ્
તતો ભુઞ્જીત દુગ્ધેન ચન્દ્રધ્યાનસમન્વિતઃ

એવં દિને દિને કુર્યાદ્યાવત્પઞ્ચદશી ભવેત્
શેષાં રાત્રિં સ્વપેદ્ધ્યાયંશૢચન્દ્રબિમ્બગતાં પરામ્

પૌર્ણમાસીં તથા યોગી અર્ધરાત્ર ઉપસ્થિતઃ
જને નિઃશબ્દતાં યાતે પ્રસુપ્તે સર્વજન્તુભિઃ

ચન્દ્રકોટિકરપ્રખ્યાં તારહારવિભૂષણામ્
સિતામ્બરપરીધાનાં સિતચન્દનચર્ચિતામ્

મૌક્તિકાભરણોપેતં સુરૂપાં નવયૌવનામ્
આપ્યાયનકરીં દેવીં સમન્તાદમૃતસ્રવામ્

રાજીવાસનસંસ્થાં ચ યોગનિદ્રામવસ્થિતામ્
ચન્દ્રબિમ્બે પરાં દેવીમીક્ષતે નાત્ર સંશયઃ

તતસ્તાં ચેતસા વ્યાપ્ય તાવદાકર્ષયેત્સુધીઃ
યાવન્મુખાગ્રમાયાતા તત્ર કુર્યાત્સ્થિરં મનઃ

તતઃ પ્રસાર્ય વદનં ધ્યાનાસક્તેન ચેતસા
નિગિરેત્તાં સમાકૃષ્ય ભૂયો હૃદિ વિચિન્તયેત્

તયા પ્રવિષ્ટયા દેહં યોગી દુઃખવિવર્જિતઃ
શક્તિતુલ્યબલો ભૂત્વા જીવેદાચન્દ્રતારકમ્

એકોઽપ્યનેકધાત્માનં સંવિભજ્ય નિજેચ્છયા
ત્રૈલોક્યં યૌગપદ્યેન ભુનક્તિ વશતાં ગતમ્

આસાદ્ય વિપુલાન્ ભોગાન્ પ્રલયે સમુપસ્થિતે
પરમભ્યેતિ નિર્વાણં દુષ્પ્રાપમકૃતાત્મનામ્

અથવા તન્ન શક્નોતિ ગગને પરિચિન્તિતુમ્
પ્રતિબિમ્બે તથા ધ્યાયેદુદકાદિષુ પૂર્વવત્

તત્પીત્વાળ્મનસા શેષાં સ્વપેદ્રાત્રિમનુસ્મરન્
પૂર્વોક્તં સમવાપ્નોતિ ષડ્ભિર્માસૈરખણ્ડિતમ્