માલિનીવિજયોત્તરતન્ત્રમ્ · અધ્યાય 11

અથાતઃ સંપ્રવક્ષ્યામિ દીક્ષાં પરમદુર્લભામ્
ભુક્તિમુક્તિકરીં સમ્યક્સદ્યઃપ્રત્યયકારિકામ્

નાસ્યાં મણ્ડલકુણાદિ કિં ચિદપ્યુપયુજ્યતે
ન ચ ન્યાસાદિકં પૂર્વં સ્નાનાદિ ચ યથેચ્છયા

પ્રવિશ્ય યાગસદનં સૂપલિપ્તં સુચર્ચિતમ્
પ્રાઙ્મુખોદઙ્મુખો વાપિ સુપુષ્પામ્બરભૂષિતઃ

દીપ્તાં શક્તિમનુસ્મૃત્ય પાદાગ્રાન્મસ્તકાવધિ
મહામુદ્રાપ્રયોગેન નિર્દગ્ધાં ચિન્તયેત્તનુમ્

અનુલોમપ્રયોગાચ્ચ માલિનીમમૃતપ્રભામ્
ચિન્તયેત્તનુનિષ્પત્ત્યૈ તદ્ધ્યાનગતમાનસઃ

શોધ્યાધ્વાનં તતો દેહે પૂર્વોક્તમનુચિન્તયેત્
તતઃ સંશોધ્ય વસ્તૂનિ શક્ત્યૈવામૃતતાં નયેત્

પરાસંપુટમધ્યસ્થાં માલિનીં સર્વકર્મસુ
યોજયેત્વિધાનજ્ઞઃ પરાં વા કેવલાં પ્રિયે

ગણેશં પૂજયિત્વા તુ પુરા વિઘ્નપ્રશાન્તયે
તતઃ સ્વગુરુમારભ્ય પૂજયેદ્ગુરુપદ્ધતિમ્

ગણેશાધસ્તતઃ સર્વં યજેન્મન્ત્રકદમ્બકમ્
તત્પતીનાં તતોઽર્ઘં તત્રૈવ પરિપૂજયેત્

અન્ત્યાધઃ પૂજયેદ્વિદ્યાં તદ્વદ્વિદ્યાં મહેશ્વરીમ્
મન્ત્રવિદ્યાગણસ્યાન્તઃ કુલશક્તિં નિવેશયેત્

પૂર્વયામ્યાપરોદક્ષુ માહેશ્યાદિચતુષ્ટયમ્
ઇન્દ્રાણીપૂર્વકં તદ્વદૈશાદિદલ અન્તગમ્

તત્રોપરિ ન્યસેદ્દેવં કૂટરૂપાણુનામુના
જીવં દણ્ડસમાક્રાન્તં શૂલસ્યોપરિ સંસ્થિતમ્

દક્ષાઙ્ગુલિં તતોઽધસ્તાત્તતો વામપયોધરમ્
નાભિકણ્ઠૌ તતોધસ્તાદ્વામસ્કન્ધવિભૂષણૌ

શિવજિહ્વાન્વિતઃ પશ્ચાત્તદૂર્ધ્વોષ્ઠેન ચોપરિ
સર્વયોગિનિચક્રાણામધિપોઽયમુદાહૃતઃ

અસ્યાપ્યુચ્ચારણાદેવ સંવિત્તિઃ સ્યાત્પરોદિતા
તતો વીરાષ્ટકં પશ્ચાચ્છક્ત્યુક્તવિધિના યજેત્

પ્રભૂતૈર્વિવિધૈરિષ્ટ્વા ગન્ધધૂપૈઃ સ્રગાદિભિઃ
શ્રીકારપૂર્વકં નામ પાદાન્તં પરિકલ્પયેત્

તતઃ શિષ્યં સમાહૂય બહુધા સુપરીક્ષિતમ્
રુદ્રશક્ત્યા તુ સંપ્રોક્ષ્ય દેવાગ્રે વિનિવેશયેત્

ભુજૌ તસ્ય સમાલોક્ય રુદ્રશક્ત્યા પ્રદીપયેત્
તથૈવાપ્યર્પયેત્પુષ્પં કરયોર્ગન્ધદિગ્ધયોઃ

નિરાલમ્બૌ તુ તૌ ધ્યાત્વા શક્ત્યાકૃષ્ટૌ વિચિન્તયેત્
શક્તિમન્ત્રિતનેત્રેણ બદ્ધ્વા નેત્રે તુ પૂર્વવત્

તતઃ પ્રક્ષેપયેત્પુષ્પં સા શક્તિસ્તત્કરસ્થિતા
યત્ર તત્પતતે પુષ્પં તત્કુલં તસ્ય લક્ષયેત્

મુખમુદ્ઘાટ્ય તં પશ્ચાત્પાદયોઃ પ્રતિપાતયેત્
તતોઽસ્ય મસ્તકે ચક્રં હસ્તયોશ્ચાર્ચ્ય યોગવિત્

તદ્ધસ્તૌ પ્રેરયેચ્છક્ત્યા યાવન્મૂર્ધાન્તમાગતૌ
શિવહસ્તવિધિઃ પ્રોક્તઃ સદ્યઃપ્રત્યયકારકઃ

ચરુકં દાપયેત્પશ્ચાટ્ખર્જૂરાદિફલોદ્ભવમ્
શક્ત્યાલમ્બાં તનું કૃત્વા સ્થાપયેદગ્રતઃ શિશોઃ

પુષ્પક્ષેપપ્રયોગેન હસ્તમાકૃષ્ય દક્ષિણમ્
ચરુકં ગ્રાહયેન્મન્ત્રી તદ્ધ્યાનગતમાનસઃ

શિવહસ્તપ્રયોગેન સમારોપ્ય મુખં નયેત્
અનેનૈવ વિધાનેન ક્ષીરવૃક્ષસમુદ્ભવમ્

દન્તકાષ્ઠં દદેત્દેવિ ષોડશાઙ્ગુલમાયતમ્
એતેષાં ચાલનાન્મન્ત્રી શક્તિપાતં પરીક્ષયેત્

મન્દતીવ્રાદિભેદેન મન્દતીવ્રાદિકાન્ બુધઃ
ઇત્યયં સમયી પ્રોક્તઃ સંસ્થિતોક્તેન વર્ત્મના

ચિકીર્ષુશ્ચ યદાળ્દીક્ષામસ્યૈવાર્પિતમાનસઃ
તદિષ્ટ્વા પૂર્વવદ્યોગી કુલેશં તમનુક્રમાત્

સંપૂજ્ય પૂર્વવચ્છિષ્યમૃજુદેહે વિલોકયેત્
શક્તિં સંચિન્ત્ય પાદાગ્રાન્મસ્તકાન્તં વિચક્ષણઃ

શોધ્યાધ્વાનં તતો ન્યસ્ય સર્વાધ્વવ્યાપ્તિભાષનામ્
શક્તિતત્ત્વાદિભેદેન પૂર્વોક્તેન ચ વર્ત્મના

ઉપવિશ્ય તતસ્તસ્ય વિધાનમિદમાચરેત્
મૂલશોધ્યાત્સમારભ્ય શક્તિં દીપ્તાનલપ્રભામ્

યોજયેચ્છોધ્યસંશુદ્ધિ ભાવનાગતમાનસઃ
એવં સર્વાણિ શોધ્યાનિ નિર્દહન્તીમનામયામ્

શિવે સંચિન્તયેલ્લીનાં નિષ્કલે સકલેઽપિ વા
યોગિના યોજિતા માર્ગે સ્વજાતીયસ્ય પોષણમ્

કુરુતે નિર્દહત્યન્યદ્ભિન્નજાતિકદમ્બકમ્
અનયા શોધ્યમાનસ્ય શિષ્યસ્યાસ્ય મહામતિઃ

લક્ષયેચ્ચિહ્નસંઘાતમાનન્દાદિકમાદરાત્
આનન્દ ઉદ્ભવઃ કમ્પો નિદ્રા ઘૂર્ણિશ્ચ પઞ્ચમી

એવમાવિષ્ટયા શક્ત્યા મન્દતીવ્રાદિભેદતઃ
પાશસ્તોભપશુગ્રહૌ પ્રકુર્વીત યથેચ્છયા

ગૃહીતસ્ય પુનઃ કુર્યાન્નિયોગં શેષભુક્તયે
અથવા કસ્ય ચિન્નાયમાવેશઃ સંપ્રજાયતે

તદેનં યુગપચ્છક્ત્યા સબાહ્યાભ્યન્તરે દહેત્
તયા સંદહ્યમાનોઽસૌ ચ્છિન્નમૂલ ઇવ દ્રુમઃ

પતતે કાશ્યપીપૃષ્ઠે આક્ષેપં વા કરોત્યસૌ
યસ્ય ત્વેવમપિ સ્યાન્ન તં ચૈવોપલવત્ત્યજેત્

પૃથક્તત્ત્વવિધૌ દીક્ષાં યોગ્યતાવશ્યવર્જિનઃ
તત્ત્વાભ્યાસવિધાનેન વક્ષ્યમાણેન કારયેત્

ઇતિ સંદીક્ષિતસ્યાસ્ય મુમુક્ષોઃ શેષવર્તનમ્
કુલક્રમેષ્ટિરાદેશ્યા પઞ્ચાવસ્થાસમન્વિતા

બુભુક્ષોસ્તુ પ્રકુર્વીત સમ્યગ્યોગાભિષેચનમ્
તત્રેષ્ટ્વા પૂર્વવદ્દેહં વિસ્તીર્ણૈર્વિબુધૈર્બુધૈઃ [?]

હેમાદિદીપકાનષ્ટૌ ઘૃતેનારુણવર્તિકાન્
કુલાષ્ટકેન સંબોધ્ય શિવં શઙ્ખે પ્રપૂજયેત્

સર્વરત્નૌષધીગર્ભે ગન્ધામ્બુપરિપૂરિતે
તેનાભિષેચયેત્તં તુ શિવહસ્તોક્તવર્ત્મના

આચાર્યસ્યાભિષેકોઽયમધિકારપદાન્વિતઃ
કુર્યાત્પિણ્ડાદિભિસ્તદ્વચ્ચતુઃષષ્ટિં પ્રદીપકાન્

અભિષિક્તવિધાવેવ સર્વયોગિગણેન તુ
વિદિતૌ ભવતસ્તત્ર ગુરુર્મોક્ષપ્રદો ભવેત્

અનયોઃ કથયેજ્જ્ઞાનં ત્રિવિધં સર્વમપ્યલમ્
સ્વકીયાજ્ઞાં દદેદ્યોગી સ્વક્રિયાકરણં પ્રતિ