મહાસુભાષિતસંગ્રહ · શ્લોક 8056-8075

એવં ભવતિ લોકેઽસ્મિન્ દેવ સર્વસ્ય સર્વદા ।
પ્રાક્કર્મોપાર્જિતં જન્તોઃ સર્વમેવ શુભાશુભમ્ ॥

એવં ભવન્તિ વેશ્યાઃ સ્વાર્થૈકરતા વ્યપેતસદ્ભાવાઃ ।
અભિલષિતવિષયસિદ્ધેઃ કા હાનિસ્ તદપિ યુષ્માકમ્ ॥

એવં મનઃ કર્મવશં પ્રયુઙ્ક્તે અવિદ્યયાત્મન્યુપધીયમાને ।
પ્રીતિર્ન યાવન્મયિ વાસુદેવે ન મુચ્યતે દેહયોગેન તાવત્ ॥

... ... ... ... ... ... ।
એવં મૂઢપ્રભુર્વેત્તિ નિગ્રહં નાપ્યનુગ્રહમ્ ॥

એવં મૂઢસ્ય મૂઢત્વં સ્વાર્થાન્ધસ્યાતિચિત્રતા ।
... ... ... ... ... ... ॥

એવં મોહપ્રભવો રાગો ન સ્ત્રીષુ કસ્ય દુઃખાય ।
તાસ્વેવ વિવેકભૃતાં ભવતિ વિરાગસ્ તુ મોક્ષાય ॥

એવં યથાહ ભવતી મમ સર્વદોષાઃ કઃ સ્વામિના કુવલયાક્ષિ સહાનુબન્ધઃ ।
એષોઽઞ્જલિર્વિરચિતઃ કુરુ નિગ્રહં મે દાસેઽપરાધવતિ કોઽવસરઃ ક્ષમાયાઃ ॥

એવં લેપત્રયં કુર્યાત્ સપ્તમે સપ્તમેઽહનિ ।
તતો જન્માવધિ કચાઃ કૃષ્ણાઃ સ્યુર્ભ્રમરપ્રભાઃ ॥

એવં લોકં પરં વિદ્યાન્ નશ્વરં કર્મનિર્મિતમ્ ।
સતુલ્યાતિશયધ્વંસં યથા મણ્ડલવર્તિનામ્ ॥

એવં વશીકૃતસ્વાત્મા નિત્યં સ્મિતમુખો ભવેત્ ।
ત્યજેદ્ ભ્રકુટિસંકોચં પૂર્વાભાષી જગત્સુહૃત્ ॥

એવંવાદિનિ દેવર્ષૌ પાર્શ્વે પિતુરધોમુખી ।
લીલાકમલપત્રાણિ ગણયામાસ પાર્વતી ॥

એવં વિચારશ્ ચિન્તા ચ સારં રાજ્યેઽધિકં નુ કિમ્ ।
... ... ... ... ... ... ॥

એવંવિધાન્ ગજાઞ્ જાત્યાન્ વનાદાનીય પાર્થિવઃ ।
વિનયે શિષ્યવત્ કુર્યાત્ પુત્રવત્ પરિપાલયેત્ ॥

એવંવિધે ભાવિ ન વેતિ ચિત્તે નિવેશ્ય કાર્યં ભષણં વિમુઞ્ચેત્ ।
સંભક્ષ્ય પિણ્ડં સ્થિરતાં ગતસ્ય ચેષ્ટાદિકં તસ્ય નિરૂપણીયમ્ ॥

એવં વિલોક્યાસ્ય ગુણાનનેકાન્ સમસ્તપાપારિનિરાસદક્ષાન્ ।
વિશુદ્ધબોધા ન કદાચનાપિ જ્ઞાનસ્ય પૂજાં મહતીં ત્યજન્તિ ॥

એવં વિષપ્રયોગેણ શત્રૂણાં ક્ષુદ્રધાતકમ્ ।
ક્ષીણેન ક્રિયતે યત્ તુ વિષદણ્ડઃ સ ઉચ્યતે ॥

એવં વિષહ્ય વિધુરસ્ય વિધેર્નિયોગમ્ આપત્સુ રક્ષિતચરિત્રધના હિ સાધ્વ્યઃ ।
ગુપ્તાઃ સ્વસત્ત્વવિભવેન મહત્તમેન કલ્યાણમાદધતિ પત્યુરથાત્મનશ્ચ ॥

એવંવૃત્તસ્ય રાજ્ઞસ્ તુ શિલોઞ્છેનાપિ જીવતઃ ।
વિસ્તીર્યતે યશો લોકે તૈલબિન્દુરિવામ્ભસિ ॥

એવં વેધત્રયં કુર્યાચ્ શઙ્ખદુન્દુભિનિઃસ્વનૈઃ ।
તતઃ પ્રણમ્ય ગુરવે ધનુર્બાણાન્ નિવેદયેત્ ॥

એવં શ્રમવિધિં કુર્યાદ્ યાવત્ સિદ્ધિઃ પ્રજાયતે ।
શ્રમે સિદ્ધે ચ વર્ષાસુ નૈવ ગ્રાહ્યં ધનુઃ કરે ॥