મહાસુભાષિતસંગ્રહ · શ્લોક 8076-8095

એવં સંચિન્ત્ય મનસા પ્રેત્ય કર્મફલોદયમ્ ।
મનોવાક્કર્મભિર્નિત્યં શુભં કર્મ સમાચરેત્ ॥

એવં સન્ત્યેવ દેવેહ ભર્તૃભક્તાઃ કુલાઙ્ગનાઃ ।
ન પુનઃ સર્વથા સર્વા દુર્વૃત્તા એવ યોષિતઃ ॥

એવં સર્વં વિધાયેદમ્ ઇતિકર્તવ્યમાત્મનઃ ।
યુક્તશ્ ચૈવાપ્રમત્તશ્ ચ પરિરક્ષેદિમાઃ પ્રજાઃ ॥

એવં સર્વજગદ્ વિલોક્ય કલિતં દુર્વારવીર્યાત્મના નિસ્ત્રિંશેન સમસ્તસત્ત્વસમિતિપ્રધ્વંસિના મૃત્યુના ।
સદ્રત્નત્રયશાતમાર્ગણગણં ગૃહ્ણન્તિ તચ્છિત્તયે સન્તઃ શાન્તધિયો જિનેશ્વરતપઃ સામ્રાજ્યલક્ષ્મીશ્રિતાઃ ॥

એવં સર્વજનાનાં દુઃખકરં જઠરશિખિનમતિવિષમમ્ ।
સંતોષજલૈરમલૈઃ શમયન્તિ યતીશ્વરા યે તે ॥

એવં સર્વમિદં કૃત્વા યન્ મયાસાદિતં શુભમ્ ।
તેન સ્યાં સર્વસત્ત્વાનાં સર્વદુઃખપ્રશાન્તિકૃત્ ॥

એવં સર્વમિદં રાજા સંમન્ત્ર્ય સહ મન્ત્રિભિઃ ।
વ્યાયમ્યાપ્લુત્ય મધ્યાહ્ને ભોક્તુમન્તઃપુરં વ્રજેત્ ॥

એવં સર્વાત્મના કાર્યા રક્ષા યોગવિદાનિશમ્ ।
ધર્માર્થકામમોક્ષાણાં શરીરં સાધનં યતઃ ॥

એવં સર્વેષુ ભૂતેષુ ભક્તિરવ્યભિચારિણી ।
કર્તવ્યા પણ્ડિતૈર્જ્ઞાત્વા સર્વભૂતમયં હરિમ્ ॥

એવં સાધારણં દેહમ્ અવ્યક્તપ્રભવાપ્યયમ્ ।
કો વિદ્વાનાત્મસાત્કૃત્વા હન્તિ જન્તૂનૃતેઽસતઃ ॥

એવં સિદ્ધો ભવેદ્ યોગી વઞ્ચયિત્વા વિધાનતઃ ।
કાલં કલિતસંસારં પૌરુષેણાદ્ભુતેન હિ ॥

એવં સ્થાપય સુભ્રુ બાહુલતિકામેવં કુરુ સ્થાનકં નાત્યુચ્ચૈર્નમ કુઞ્ચયાગ્રચરણૌ માં પશ્ય તાવત્ ક્ષણમ્ ।
એવં નર્તયતઃ સ્વવક્ત્રમુરજેનામ્ભોધરધ્વાનિના શંભોર્વઃ પરિપાન્તુ નર્તિતલયચ્છેદાહતાસ્ તાલિકાઃ ॥

... ... ... ... ... ... ।
એવં સ્વદોષઃ પ્રકટોઽપ્ય્ અજ્ઞૈર્દેવ ન બુધ્યતે ॥

એવં સ્વભાવં જ્ઞાત્વાસાં પ્રજાપતિનિસર્ગજમ્ ।
પરમં યત્નમાતિષ્ઠેત્ પુરુષો રક્ષણં પ્રતિ ॥

... ... ... ... ... ... ।
એવં હિ કુરુતે દેવ યોષિદીર્ષ્યાનિયન્ત્રિતા ॥

શિક્ષયત્યન્યપુરુષાઽસંગમીર્ષ્યૈવ હિ સ્ત્રિયઃ ।
તદીર્ષ્યામપ્રકાશ્યૈવ રક્ષ્યા નારી સુબુદ્ધિના ॥

રહસ્યં ચ ન વક્તવ્યં વનિતાસુ યથા તથા ।
પુરુષેણેચ્છતા ક્ષેમમ્ ... ... ... ॥

એવમજ્ઞાતહૃદયા મૂર્ખાઃ કૃત્વા વિપર્યયમ્ ।
ઘ્નન્તિ સ્વાર્થં પરાર્થં ચ તાદૃગ્ દદતિ ચોઽત્તરમ્ ॥

એવમનેકવિધં વિદધાતિ યો જનનાર્ણવપાતનિમિત્તમ્ ।
ચેષ્ટિતમઙ્ગજબાણવિભિન્નો નેહ સુખી ન પરત્ર સુખી સઃ ॥

એવમન્યાય્યયા બુદ્ધ્યા કૃતં કર્માશુભાવહમ્ ।
તસ્માત્ તન્ ન્યાય્યયા કુર્યાદ્ બકેનાહેઃ કૃતં યથા ॥