મહાભારત · અધ્યાય 7.42

બાલમત્યન્તસુખિનં સ્વબાહુબલદર્પિતમ્ ।
યુદ્ધેષ્વકુશલં વીરં કુલપુત્રં તનુત્યજમ્ ॥

ગાહમાનમનીકાનિ સદશ્વૈશ્ચ ત્રિહાયનૈઃ ।
અપિ યૌધિષ્ઠિરાત્સૈન્યાત્કશ્ચિદન્વપતદ્બલી ॥
સઞ્જય ઉવાચ ।

યુધિષ્ઠિરો ભીમસેનઃ શિખણ્ડી સાત્યકિર્યમૌ ।
ધૃષ્ટદ્યુમ્નો વિરાટશ્ચ દ્રુપદશ્ચ સઙ્કેકયઃ ॥

ધૃષ્ટકેતુશ્ચ સંરબ્ધો માત્સ્યાશ્ચાભ્યપતન્રણે ।
તેનૈવ તુ પથા યાન્તઃ પિતરો માતુલૈઃ સહ ॥

અભ્યદ્રવન્પરીપ્સન્તો વ્યૂઢાનીકાઃ પ્રહારિણઃ ।
તાન્દૃષ્ટ્વા દ્રવતઃ શૂરાંસ્ત્વદીયા વિમુખાઽભવન્ ॥

તતસ્તદ્વિમુખં દૃષ્ટ્વા તવ સૂનોર્મહદ્બલમ્ ।
જામાતા તવ તેજસ્વી સંસ્તમ્ભયિષુરાદ્રવત્ ॥

સૈન્ધવસ્ય મહારાજ પુત્રો રાજા જયદ્રથઃ ।
સ પુત્રગૃદ્ધિનઃ પાર્થાન્સહસૈન્યાનવારયત્ ॥

ઉગ્રધન્વા મહેષ્વાસો દિવ્યમસ્ત્રમુદીરયન્ ।
વાર્ધક્ષત્રિરુપાસેધત્પ્રવણાદિવ કુઞ્જરઃ ॥
ધૃતરાષ્ટ્ર ઉવાચ ।

કતિભારમહં મન્યે સૈન્ધવે સઞ્જયાહિતમ્ ।
યદેકઃ પાણ્ડવાન્ક્રુદ્ધાન્પુપ્રેપ્સૂનવારયત્ ॥

અત્યદ્ભુતમહં મન્યે બલં શૌર્યં ચ સૈન્ધવે ।
તસ્ય પ્રબ્રૂહિ મે વીર્યં કર્મ ચાગ્ર્યં મહાત્મનઃ ॥

કિં જપ્તં હુતમિષ્ટં વા કિં સુતપ્તમથો તપઃ ।
દમો વા બ્રહ્મચર્યં વા સૂત યચ્ચાસ્ય સત્તમ ॥

દેવં કતમમારાધ્ય વિષ્ણુમીશાનમબ્જજમ્ ।
સિન્ધુરાટ્ તનયે સક્તાન્ક્રુદ્ધાન્પાર્થાનવારયત્ ॥

નૈવં કૃતં મહત્કર્મ ભીષ્મેણાજ્ઞાસિષં તથા ।
સિન્ધુરાજો હિ યેનૈકઃ પાણ્ડવાન્સમવારયત્ ॥
સઞ્જય ઉવાચ ।

દ્વીપદીહરણે યત્તદ્ભીમસેનેન નિર્જિતઃ ।
માનાત્સ તપ્તવાન્રાજા વરાર્થી સુમહત્તપઃ ॥

ઇન્દ્રિયાણીન્દ્રિયાર્થેભ્યઃ પ્રિયેભ્યઃ સન્નિવર્ત્ય સઃ ।
ક્ષુત્પિપાસાતકપસહઃ કૃશો ધમનિસન્તતઃ ॥

દેવમારાધયચ્છર્વં ગૃણન્બ્રહ્મ સનાતનમ્ ।
ભક્તાનુકમ્પી ભગવાંસ્તસ્ય ચક્રે તતો દયામ્ ॥

સ્વપ્નાન્તેઽપ્યથ ચૈવાહ હરઃ સિન્ધુપતેઃ સુતમ્ ।
વરં વૃણીષ્વ પ્રીતોઽસ્મિ જયદ્રથ કિમિચ્છસિ ॥

એવમુક્તસ્તુ શર્વેણ સિન્ધુરાજો જયદ્રથઃ ।
ઉવાચ પ્રણતો રુદ્રં પ્રાઞ્જલિર્નિયતાત્મવાન્ ॥

પાણ્ડવેયાનહં સઙ્ખ્યે ભીમવીર્યપરાક્રમાન્ ।
વારયેયં રથેનૈકઃ સમસ્તાનિતિ ભારત ॥

એવમુક્તસ્તુ દેવેશો જયદ્રથમથાબ્રવીત્ । દદામિ તે વરં સૌમ્ય વિના પાર્થં ધનઞ્જયમ્ ।
વારયિષ્યસિ સઙ્ગ્રામે ચતુરઃ પાણ્ડુનન્દનાન્ ॥

એકાહમિતિ રાજેન્દ્ર તત્રૈવાન્તરધીયત ।
એવમસ્ત્વિતિ દેવેશમુક્ત્વાબુદ્ધ્યત પાર્થિવઃ ॥

સ તેન વરદાનેન દિવ્યેનાસ્ત્બલેન ચ ।
એકઃ સંવારયામાસ પાણ્ડવાનામનીકિનીમ્ ॥

તસ્ય જ્યાતલઘોષેણ ક્ષત્રિયાન્ભયમાવિશત્ ।
પરાંસ્તુ તવ સૈન્યસ્ય હર્ષઃ પરમકોઽભવત્ ॥

દૃષ્ટ્વા તુ ક્ષત્રિયા ભારં સૈન્ધવે સર્વમાહિતમ્ ।
ઉત્ક્રુશ્યાભ્યદ્રવન્રાજન્યેન યૌધિષ્ઠિરં બલમ્ ॥