મહાભારત · અધ્યાય 3.8

ધતરાષ્ટ્ર મહાપ્રાજ્ઞ નિબોધ વચનં મમ ।
વક્ષ્યામિ ત્વાં કૌરવાણાં સર્વેષાં હિતમુત્તમમ્ ॥

ન મે પ્રિયં મહાબાહો યદ્ગતાઃ પાણ્ડવા વનમ્ ।
નિકૃત્ત્યા નિકૃતાશ્ચૈવ દુર્યોધનપુરોગમૈઃ ॥

તે સ્મરન્તઃ પરિક્લેશાન્વર્ષે પૂર્ણે ત્રયોદશે ।
વિમોક્ષ્યન્તિ વિષં ક્રુદ્ધાઃ કૌરવેયેષુ ભારત ॥

તદયં કિન્નુ પાપાત્મા તવ પુત્રઃ સુમન્દધીઃ ।
પાણ્ડવાન્નિત્યસન્ક્રુદ્ધો રાજ્યહેતોર્જિઘાંસતિ ॥

વાર્યતાં સાધ્વયં મૂઢઃ શમં ગચ્છતુ તે સુતઃ ।
વનસ્થાંસ્તાનયં હન્તુમિચ્છન્પ્રાણાન્વિમોક્ષ્યતિ ॥

યથાઽહ વિદુરઃ પ્રાજ્ઞો યથા ભીષ્મો યથા વયમ્ ।
યથા કૃપશ્ચ દ્રોણશ્ચ તથા સાધુ વિધીયતામ્ ॥

વિગ્રહો હિ મહાપ્રાજ્ઞ સ્વજનેન વિગર્હિતઃ ।
અધર્મ્યમયશસ્યં ચ મા રાજન્પ્રતિપદ્યથાઃ ॥

સમીક્ષા યાદૃશી હ્મસ્ય પાણ્ડવાન્પ્રતિ ભારત ।
ઉપેક્ષ્યમાણા સા રાજન્મહાન્તમનયં વ્રજેત્ ॥

અથવાઽયં સુમન્દાત્મા વનં ગચ્છતુ તે સુતઃ ।
પાણ્ડવૈઃ સહિતો રાજન્નેક એવાસહાયવાન્ ॥

તતઃ સંસર્ગજઃ સ્નેહઃ પુત્રસ્ય તવ પાણ્ડવૈઃ ।
યદિ સ્યાત્કૃતકૃત્યસ્ત્વં ભવેથાઃ પુરષર્ષભ ॥

અથવા જાયમાનસ્ય યચ્છીલમનુજાયતે ।
શ્રૂયતે તન્મહારાજ નામૃતસ્યાપસર્પતિ ॥

કથં વા મન્યતે ભીષ્મો દ્રોણોઽથ વિદુરોપિવા । ભવાન્વાઽત્ર પરં કાર્યં પુરા ચાર્થો નિવર્તતે ॥