મહાભારત · અધ્યાય 3.274

એવં હૃતાયાં કૃષ્ણાયાં પ્રાપ્ય ક્લેશમનુત્તમમ્ ।
અત ઊર્દ્વં નરવ્યાઘ્રાઃ કિમકુર્વત પાણ્ડવાઃ ॥
વૈશમ્પાયન ઉવાચ ।

એવં કૃષ્ણાં મોક્ષયિત્વાવિનિર્જિત્ય જયદ્રથમ્ ।
આસાઞ્ચક્રે મુનિગણૈર્ધર્મરાજો યુધિષ્ટિરઃ ॥

તેષાં મધ્યેમહર્ષીણાં શૃણ્વતામનુશોચતામ્ ।
માર્કણ્ડેયમિદં વાક્યમબ્રવીત્પાણ્ડુનન્દનઃ ॥

ભગવન્દેવર્ષીણાં ત્વં ખ્યાતો ભૂતભવિષ્યવિત્ ।
સંશયં પરિપૃચ્છમિ ચ્છિન્ધિ મે હૃદિ સંસ્થિતમ્ ॥

દ્રુપદસ્ય સુતા હ્યેષા વેદિમધ્યાત્સમુત્થિતા ।
અયોનિજા મહાભાગાસ્નુષા પાણ્ડોર્મહાત્મનઃ ॥

મન્યે કાલશ્ચ ભગવાન્દૈવં ચ દુરતિક્રમમ્ ।
ભવિતવ્યં ચ ભૂતાનાં યસ્ નાસ્તિ વ્યતિક્રમઃ ॥

કથં હિ પત્નીમસ્માકં ધર્મજ્ઞાં ધર્મચારિણીમ્ ।
સંસ્પૃશેદીદૃશો ભાવઃ શુચિં સ્તૈન્યમિવાનૃતમ્ ॥

ન હિ પાપં કૃતન્કિઞ્ચિત્કર્મ વા નિન્દિતં ક્વચિત્ ।
દ્રૌપદ્યા બ્રાહ્મણેષ્વેવ ધર્મઃ સુચરિતો મહાન્ ॥

તાં જહાર બલાદ્રાજા મૂઢબુદ્ધિર્જયદ્રથઃ ।
તસ્યાઃ સંહરણાત્પાપઃ શિરસઃ કેશવાપનમ્ ॥

પરાજયં ચ સન્ગ્રામે સસહાઃ સમાપ્તવાન્ ।
પ્રત્યાહૃતા તથાઽસ્માભિર્હત્વા તત્સૈન્ધવં બલમ્ ॥

તદ્દારહરણં પ્રાપ્તમસ્માભિરવિતર્કિતમ્ ।
દુઃખશ્ચાયં વને વાસો મૃગયાયાં ચ જીવિકા ॥

હિંસા ચ મૃગજાતીનાં વનૌકોભિર્વનૌકસામ્ ।
જ્ઞાતિભિર્વિપ્રવાસશ્ચ મિથ્યાવ્યવસિતૈરિયમ્ ॥

અસ્તિ નૂનં મયા કશ્ચિદલ્પભાગ્યતરો નરઃ । ભવતા દૃષ્ટપૂર્વો વા શ્રુતપૂર્વોઽપિ વા ક્વચિત્ ॥