મહાભારત · અધ્યાય 3.268

તથાઽસીનેષુ સર્વેષુ તેષુ રાજસુ ભારત ।
કોટિકાશ્યો જગામાશુ સિન્ધુરાજનિવેશનમ્ ॥

યદુક્તં કૃષ્ણયા સાર્ધં તત્સર્વં પ્રત્યવેદયત્ ।
કોટિકાશ્યવચઃ શ્રુત્વા શૈબ્યં સૌવીરકોઽબ્રવીત્ ॥

યદા વાચં વ્યાહરન્ત્યામસ્યાં મે રમતે મનઃ ।
સીમન્તિનીનાં સુખ્યાયાં વિનિવૃત્તઃ કથં ભવાન્ ॥

એતાં દૃષ્ટ્વા સ્ત્રિયો મેઽન્યા યથા શાખામૃગસ્ત્રિયઃ ।
પ્રતિભાન્તિ મહાબાહો સત્યમેતદ્બ્રવીમિ તે ॥

દર્શનાદેવ હિ મનસ્તયા મેઽપહૃતં ભૃશમ્ ।
તાં સમાચક્ષ્વ કલ્યાણીં યદિ સ્યાચ્છૈબ્ય માનુષી ॥
કોટિક ઉવાચ ।

એષા વૈ દ્રૌપદી કૃષ્ણા રાજપુત્રી યશસ્વિની ।
પઞ્ચાનાં પાણ્ડુપુત્રાણાં મહિષી સમ્મતા ભૃશમ્ ॥

સર્વેષાં ચૈવ પાર્થાનાં પ્રિયા બહુમતા સતી ।
તયા સમેત્ય સૌવીર સૌવીરાભિમુખો વ્રજ ॥
વૈશમ્પાયન ઉવાચ ।

એવમુક્તઃ પ્રત્યુવાચ પશ્યામિ દ્રૌપદીમિતિ ।
પતિઃ સૌવીરસિન્ધૂનાં દુષ્ટભાવો જયદ્રથઃ ॥

સ પ્રવિશ્યાશ્રમં પુણ્યં સિંહગોષ્ઠં વૃકો યથા ।
આત્મના સપ્તમઃ કૃષ્ણામિદં વચનમબ્રવીત્ ॥

કુશલં તે વરારોહે ભર્તારસ્તેઽપ્યનામયાઃ ।
યેષાં કુશલકામાસિ તેઽપિકચ્ચિદનામયાઃ ॥
દ્રૌપદ્યુવાચ ।

અપિ તે કુશલં રાજન્રાષ્ટ્રે કોશે બલે તથા । કચ્ચિદેકઃ શિબીનાઢ્યાન્સૌવીરાન્સહ સિન્ધુભિઃ ।
અનુતિષ્ઠસિ ધર્મેણ યે ચાન્યે વિદિતાસ્ત્વયા ॥

કૌરવ્યઃ કુશલી રાજા કુન્તીપુત્રો યુધિષ્ઠિરઃ ।
અહં ચ ભ્રાતરશ્ચાસ્ય યાંશ્ચાન્યાન્પરિપૃચ્છસિ ॥

પાદ્યં પ્રતિગૃહાણેદમાસનં ચ નૃપાત્મજ ।
મૃગાન્વિતા મૃગીશ્ચૈવ પ્રાતરાશં દદાનિ તે ॥

ઐણેયાન્પૃષતાન્ન્યઙ્કૂન્હરિણાઞ્શરભાઞ્શશાન્ ।
ઋક્ષાવ્રુરૂઞ્શમ્બરાંશ્ચ ગવયાંશ્ચ મૃગાન્બહૂન્ ॥

વરાહામહિષાંશ્ચૈવ યાશ્ચાન્યા મૃગજાતયઃ ।
પ્રદાસ્યતિ સ્વયં તુભ્યં કુન્તીપુત્રો યુધિષ્ટિરઃ ॥
જયદ્રથ ઉવાચ ।

કુશલં પ્રાતરાશસ્ય સર્વં મે દિત્સિતં ત્વયા ।
એહિ મે રથમારોહ સુખમાપ્નુહિ કેવલમ્ ॥

ગતશ્રીકાન્હૃતરાજ્યાન્કૃપણાન્ગતચેતસઃ ।
અરણ્યવાસિનઃ પાર્થાન્નાનુરોદ્ધું ત્વમર્હસિ ॥

નૈવ પ્રાજ્ઞા ગતશ્રીકં ભર્તારમુપયુઞ્જતે ।
યુઞ્જાનમનુયુઞ્જીત ન શરિયઃ સન્ક્ષયે વસેત્ ॥

શ્રિયા વિહીના રાષ્ટ્રાચ્ચ વિનષ્ટાઃ શાશ્વતીઃ સમાઃ ।
અલં તે પાણ્ડુપુત્રાણાં ભક્ત્યા ક્લેશમુપાસિતુમ્ ॥

ભાર્યા મે ભવ સુશ્રોણિ ત્યજૈનાન્મુખમાપ્નુહિ ।
અખિલાન્સિન્ધુસૌવીરાનાપ્નુહિ ત્વં મયા સહ ॥
વૈશમ્પાયન ઉવાચ ।

ઇત્યુક્તા સિન્ધુરાજેન વાક્યં હૃદયકમ્પનમ્ ।
કૃષ્ણા તસ્માદપાક્રામદ્દેશાત્સભ્રુકુટીમુખી ॥

અવમત્યાસ્ય તદ્વાન્ક્યમાક્ષિપ્ય ચ સુમધ્યમા ।
મૈવમિત્યબ્રવીત્કૃષ્ણા લજ્જસ્વેતિ ચ સૈન્ધવમ્ ॥

સા કાઙ્ક્ષમાણા ભર્તૃણામુપયાતમનિન્દિતા ।
વિલમ્બયામાસ પરં વાક્યૈર્વાક્યાનિ યુઞ્જતી ॥
દ્રૈપદ્યુવાચ ।

નૈવં વદ મહાબાહો ન્યાય્યં ત્વં ન ચ મન્યસે ।
પાણ્ડૂનાં ધાર્તરાષ્ટ્રાણાં સ્વસા ચૈવ કનીયસી ॥

દુશ્શલા નામ તસ્યાસ્ત્વં ભર્તા રાજકુલોદ્વહ ।
મમ ભ્રાતા ચ ન્યાય્યેન ત્વયા રક્ષ્યા મહારથ ॥

ધર્મિષ્ઠાનાં કુલે જાતો ન ધર્મં ત્વમવેક્ષસે ।
ઇત્યુક્તઃ સિન્ધુરાજોથ વાક્યમુત્તરમબ્રવીત્ ॥

રાજ્ઞાં ધર્મં ન જાનીષે સ્ત્રિયો રત્નાનિ ચૈવ હિ ।
સાધારણાનિ લોકેઽસ્મિન્પ્રવદન્તિ મનીષિણઃ ॥

સ્વસા ચ સ્વસ્રિયા ચૈવ ભ્રાતૃભાર્યા તથૈવ ચ । સુખં ગૃહ્ણન્તિ રાજાનસ્તાશ્ચ તત્ર નૃપોદ્ભવાઃ ॥