મહાભારત · અધ્યાય 3.245

યુધિષ્ઠિરવચઃ શ્રુત્વા ભીમસેનપુરોગમાઃ ।
પ્રહૃષ્ટવદનાઃ સર્વે સમુત્તસ્થુર્નરર્ષભાઃ ॥

અભેદ્યાનિ તતઃ સર્વે સમનહ્યન્ત ભારત । જામ્બૂનદવિચિત્રાણિ કવચાનિ મહારથાઃ ।
આયુધાનિ ચ દિવ્યાનિ વિવિધાનિ સમાદધુઃ ॥

તે દંશિતા રથૈઃ સર્વે ધ્વજિનઃ સશરાસનાઃ ।
પાણ્ડવાઃ પ્રત્યદૃશ્યન્ત જ્વલિતા ઇવપાવકાઃ ॥

તાન્રથાન્સાધુસમ્પન્નાન્સંયુક્તાઞ્જવનૈર્હયૈઃ ।
આસ્થાય રથશાર્દૂલાઃ શીઘ્રમેવ યયુસ્તતઃ ॥

તતઃ કૌરવસૈન્યાનાં પ્રાદુરાસીન્મહાસ્વનઃ ।
પ્રયાતાન્સહિતાન્દૃષ્ટ્વા પાણ્ડુપુત્રાન્મહારથાન્ ॥

જિતકાશિનશ્ચ સ્વચરાસ્ત્વરિતાશ્ચ મહારથાઃ ।
ક્ષણેનૈવ વને તસ્મિન્સમાજગ્મુરભીતવત્ ॥

ન્યવર્તન્ત તતઃ સર્વે ગન્ધર્વા જિતકાશિનઃ ।
દૃષ્ટ્વા રથગતાન્વીરાન્પાણ્ડવાંશ્ચતુરો રણે ॥

તાંસ્તુ વિભ્રાજિતાન્દૃષ્ટ્વા લોકપાલાનિવોદ્યતાન્ ।
વ્યૂઢાનીકા વ્યતિષ્ઠન્ત ગન્ધમાદનવાસિનઃ ॥

રાજ્ઞસ્તુ વચનં શ્રુત્વા ધર્મપુત્રસ્ય ધીમતઃ ।
ક્રમેણ મૃદુના યુદ્ધમુપક્રાન્તં ચ ભારત ॥

ન તુ ગન્ધર્વરાજસ્ય સૈનિકા મન્દચેતસઃ ।
શક્યન્તે મૃદુના શ્રેયઃ પ્રતિપાદયિતું તદા ॥

તતસ્તાન્યુધિ દુર્ધર્ષાન્સવ્યસાચી પરન્તપઃ ।
સાન્ત્વપૂર્વમિદં વાક્યમુવાચ ખચરાન્રણે ॥

નૈતદ્ગન્ધર્વરાજસ્ય યુક્તં કર્મ જુગુપ્સિતમ્ ।
પરદારાભિમર્શશ્ચ માનુષૈશ્ચ સમાગમઃ ॥

ઉત્સૃજધ્વં મહાવીર્યાન્ધૃતરાષ્ટ્રસુતાનિમાન્ ।
દારાંશ્ચૈષાં પ્રમુઞ્ચધ્વં ધર્મરાજસ્ય શાસનાત્ ॥

ત એવમુક્તા ગન્ધર્વાઃ પાણ્ડવેન યશસ્વિના ।
ઉત્સ્મયન્તસ્તદા પાર્થમિદં વચનમબ્રુવન્ ॥

એકસ્યૈવ વયં તાત કુર્યામ વચનં ભુવિ ।
યસ્ય શાસનમાજ્ઞાય ચરામો વિગતજ્વરાઃ ॥

તેનૈકેન રકયથાદિષ્ટં તથા વર્તામ ભારત ।
ન શાસ્તા વિદ્યતેઽસ્માકમન્યસ્તસ્માત્સુરેશ્વરાત્ ॥

એવમુક્તઃ સ ગન્ધર્વૈઃ કુન્તીપુત્રો ધનઞ્જયઃ ।
ગન્ધર્વાન્પુનરેવૈતાન્વચનં પ્રત્યભાષત ॥

યદિ સામ્ના ન મુઞ્ચધ્વં ગન્ધર્વા ધૃતરાષ્ટ્રજાન્ ।
મોક્ષયિષ્યામિ વિક્રમ્ય સ્વયમેવ સુયોધનમ્ ॥

એવમુક્ત્વા તતઃ પાર્થઃ સવ્યસાચી ધનઞ્જયઃ ।
સસર્જ નિશિતાન્બાણાન્ખચરાન્ખચરાન્પ્રતિ ॥

તથૈવ શરવર્ષેણ ગન્ધર્વાસ્તે બલોત્કાટાઃ ।
પાણ્ડવાનભ્યવર્તન્ત પાણ્ડવાશ્ચ દિવૌકસઃ ॥

તતઃ સુતુમુલં યુદ્ધં ગન્ધર્વાણાં તરસ્વિનામ્ । બભૂવ ભીમવેગાનાં ચ ભાત ॥