મહાભારત · અધ્યાય 3.233

ભગવઞ્શ્રોતુમિચ્છામિ નામાનિ ચ મહાત્મનઃ ।
તરિષુ લોકેષુ યાન્યસ્ય વિખ્યાતાનિ દ્વિજોત્તમ ॥
વૈશમ્પાયન ઉવાચ ।

ઇત્યુક્તઃ પાણ્ડવેયેન મહાત્મા ઋષિસન્નિધૌ ।
ઉવાચ ભગવાંસ્તત્ર માર્કણ્ડેયો મહાતપાઃ ॥

આગેયશ્ચૈવ સ્કનદશ્ચ દીપ્તકીર્તિરનામયઃ ।
મયૂરકેતુર્ધર્માત્મા ભૂતેશો મહિષાર્દનઃ ॥

કામજિત્કામદઃ કાન્તઃ સત્યવાગ્ભુવનેશ્વરઃ ।
શિશુઃ શીઘ્રઃ શુચિશ્ચણ્ડો દીપ્તવર્ણઃ શુભાનનઃ ॥

અમોઘસ્ત્વનઘો રૌદ્રઃ પ્રિયશ્ચન્દ્રાનનસ્તથા ।
દીપ્તશક્તિઃ પ્રશાન્તાત્મા નદ્રકુક્કુટમોહનઃ ॥

ષષ્ઠીપ્રિયશ્ચ ધર્માત્મા પવિત્રો માતૃવત્સલઃ ।
કન્યાભર્તા વિભક્તશ્ચ સ્વાહેયો રેવતીસુતઃ ॥

પ્રભુર્નેતા વિશાખશ્ચ નૈગમેયઃ સુદુશ્ચરઃ ।
સુવ્રતો લલિતશ્ચૈવબાલક્રીડનકપ્રિયઃ ॥

ખચારી બ્રહ્મચારી ચ શૂરઃ શરવણોદ્ભવઃ । વિશ્વામિત્રપ્રિયશ્ચૈવ દેવસેનાપ્રિયસ્તથા ।
વાસુદેવપ્રિયશ્ચૈવ પ્રિયઃ પ્રિયકૃદેવ તુ ॥

નામાન્યેતાનિ દિવ્યાનિ કાર્તિકેયસ્ય યઃ પઠેત્ ।
સ્વર્ગં કીર્તિં ધનં ચૈવ સ લભેન્નાત્ર સંશયઃ ॥
માર્કણ્ડેય ઉવાચ ।

સ્તોષ્યામિ દેવૈરૃષિભિશ્ચ જુષ્ટં શક્ત્યા ગુહન્નામભિરપ્રમેયમ્ ।
ષડાનનં શક્તિધરં સુવીરં નિબોધ ચૈતાનિ કુરુપ્રવીર ॥

બ્રહ્મણ્યો વૈ બ્રહમજો બ્રહ્મવિચ્ચ બ્રહ્મેશયો બ્રહ્મવતાંવરિષ્ઠઃ ।
બ્રહ્મપ્રિયો બ્રાહ્મણસર્વમન્ત્રી ત્વં બ્રહ્મણાં બ્રાહ્મણાનાઞ્ચ નેતા ॥

સ્વાહા સ્વધા ત્વમ્પરમં પવિત્રં મન્ત્રસ્તુતસ્ત્વમ્પ્રથિતઃ ષડર્ચિઃ ।
સંવત્સરસ્ત્વમૃતવશ્ચ ષડ્વૈ માસાર્ધમાસાશ્ચદિનં દિશશ્ચ ॥

ત્વમ્પુષ્કરાક્ષસ્ત્વરવિન્દવક્રઃ સહસ્રચક્ષોસિ સહસ્રબાહુઃ ।
ત્વં લોકપાલઃ પરમં હવિશ્ચ ત્વં ભાવનઃ સર્વસુરાસુરાણામ્ ॥

ત્વમેવ સેનાધિપતિઃ પ્રચણ્ડઃ પ્રભુર્વિભુશ્ચાપ્યથ શક્રજેતા ।
સહસ્રપાત્ત્વં ધરણી ત્વમેવ સહસ્રતુષ્ટિશ્ચ સહસ્રભુક્વ ॥

સહસ્રશીર્ષસ્ત્વમનન્તરૂપઃ । સહસ્રપાત્ત્વન્દશશક્તિધારી ।
ગઙ્ગાસુતસ્ત્વં સ્વમતેન દેવ સ્વાહામહીકૃત્તિકાનાં તથૈવ ॥

ત્વં ક્રીડસે ષણ્મુખ કુક્કુટેન યથેષ્ટનાનાવિધકામરૂપી ।
દીક્ષાઽસિ સોમો મરુતઃ સદૈવ ધર્મોઽસિ વાયુરચલેન્દ્ર ઇન્દ્રઃ ॥

સનાતનાનામપિ શાશ્વતસ્ત્વં પ્રભુઃ પ્રભૂણામપિ ચોગ્રધન્વા ।
ઋતસ્ય કર્તા દિતિજાન્તકસ્ત્વં જતા રિપૂણાં પ્રવરઃ સુરાણામ્ ॥

સૂક્ષ્મં તપસ્તત્પરમં ત્વમેવ પરાવરજ્ઞોસિ પરાવરસ્ત્વમ્ ।
ધર્મસ્ય કામસ્ય પરસ્ય ચૈવ ત્વત્તેજસા કત્સ્નમિદં મહાત્મન્ ॥

વ્યાપ્તં જગત્સર્વસુરપ્રવીર શક્ત્યા મયા સંસ્તુત લોકનાથ ।
નમોસ્તુ તે દ્વાદશનેત્રબાહો અતઃ પરં વેદ્મિ ગતિં ન તેઽહમ્ ॥

સ્કન્દસ્ય ય ઇદં વિપ્રઃ પઠેજ્જન્મ સમાહિતઃ ।
શ્રાવયેદ્બ્રાહ્મણેભ્યો યઃ શૃણુયાદ્વા દ્વિજેરિતમ્ ॥

ધનમાયુર્યશો દીપ્તં પુત્રાઞ્શત્રુજયં તથા । સ પુષ્ટિતુષ્ટી સમ્પ્રાપ્ય સ્કન્દસાલોક્યમાપ્નુયાત્ ॥