મહાભારત · અધ્યાય 3.170

કૃતાસ્ત્રમતિવિશ્વસ્તમથ માં હરિવાહનઃ ।
રસંસ્પૃશ્ય મૂર્ધ્નિ પાણિબ્યામિદં વચનમબ્રવીત્ ॥

ન ત્વમદ્ય યુધા જેતું શક્યઃ સુરગણૈરપિ ।
કિં પુનર્માનુષે લોકે માનુષૈરકૃતાત્મભિઃ ॥

અપ્રમેયોઽપ્રધૃષ્યશ્ચ યુદ્ધેષ્વપ્રતિમસ્તથા ।
અજેયસ્ત્વં હિ સઙ્ગ્રામે સર્વૈરપિસુરાસુરૈઃ ॥

અથાબ્રવીત્પુનર્દેવઃ સમ્પ્રહૃષ્ટતનૂરુહઃ ।
અસ્ત્રયુદ્ધે સમો વીર ન તે કશ્ચિદ્ભવિષ્યતિ ॥

અપ્રમત્તઃ સદા દક્ષઃ સત્યવાદી જિતેન્દ્રિયઃ ।
બ્રહ્મણ્યશ્ચાસ્ત્રવિચ્ચાસિ શૂરશ્ચાસિ કુરૂદ્વહ ॥

અસ્ત્રાણિ સમવાપ્તાનિ ત્વયા દશ ચ પઞ્ચ ચ ।
પઞ્ચભિર્વિધિભિઃ પાર્થ વિદ્યતે ન ત્વયા સમઃ ॥

પ્રયોગમુપસંહારમાવૃત્તિં ચ ધનઞ્જય ।
પ્રાયશ્ચિત્તં ચ વેત્થ ત્વં પ્રતીઘાતં ચ સર્વશઃ ॥

તવ ગુર્વર્થકાલોઽયં સમુત્પન્નઃ પરન્તપ ।
પ્રતિજાનીષ્વ તં કર્તું તતો વેત્સ્યામ્યહં પરમ્ ॥

તતોઽહમબ્રવં રાજન્દેવરાજમિદં વચઃ ।
વિષહ્યં યન્મયા કર્તું કૃતમેવ નિબોધ તત્ ॥

તતો મામબ્રવીદ્રાજન્પ્રહસન્બલવૃત્રહા ।
નાવિપહ્યં તવાદ્યાસ્તિ ત્રિષુ લોકેષુ કિઞ્ચન ॥

નિવાતકવચા નામ દાનવા મમ શત્રવઃ ।
સમુદ્રકુક્ષિમાશ્રિત્ય દુર્ગે પ્રતિવસન્ત્યુત ॥

તિસ્રઃ કોટ્યઃ સમાખ્યાતાસ્તુલ્યરૂપબલપ્રભાઃ ।
તાંસ્તત્રજહિ કૌન્તેય ગુર્વર્થસ્તે ભવિષ્યતિ ॥

તતો માતલિસંયુક્તં મયૂરસમરોમભિઃ ।
હયૈરુપેતં પ્રાદાન્મે રથં દિવ્યં મહાપ્રભમ્ ॥

બબન્ધ ચૈવ મે મૂર્ધ્નિ કિરીટમિદમુત્તમમ્ ।
સ્વરૂપસદૃશં ચૈવ પ્રાદાદઙ્ગવિભૂષણમ્ ॥

અભેદ્યં કવચં ચેદં સ્પર્સરૂપવદુત્તમમ્ ।
અજરાં જ્યામિમાં ચાપિ ગાણ્ડીવે સમયોજયત્ ॥

તતઃ પ્રાયામહં તેન સ્યન્દનેન વિરાજતા ।
યેનાજયદ્દેવપતિર્બલિં વૈરોચનિં પુરા ॥

તતો દેવાઃ સર્વ એવ તેન ઘોષેણ બોધિતાઃ ।
મન્વાના દેવરાજં માં સમાજગ્મુર્વિશામ્પતે ॥

દૃષ્ટ્વા ચ મામપૃચ્છન્ત કિં કરિષ્યસિ ફલ્ગુન ।
તાનબ્રુવં યથાભૂતમિદં કર્તાઽસ્મિ સંયુગે ॥

નિવાતકવચાનાં તુ પ્રસ્થિતં માં તધૈપિણમ્ ।
નિબોધત મહાભાગા શિવં ચાશાસ્ત મેઽનઘાઃ ॥

તતો વાગ્ભિઃ પ્રશસ્તાભિસ્ત્રિદશાઃ પૃથિવીપતે ।
તુષ્ટુવુર્માં પ્રસન્નાસ્તે યથા દેવં પુરન્દરમ્ ॥

રથેનાનેન મઘવા જિતવાઞ્શમ્બરં યુધિ ।
નમુચિં બલવૃત્રૌ ચ પ્રહ્લાદનરકાવપિ ॥

બહૂનિ ચ સહસ્રાણિ પ્રયુતાન્યર્બુદાન્યપિ ।
રથેનાનેન દૈત્યાનાં જિતવાન્મઘવા યુધિ ॥

ન્વમપ્યનેન કૌન્તેય નિબાતકવચાન્રણે ।
વિજેતા યુધિ વિક્રમ્ય પુરેવ મઘવા વશી ॥

અયઞ્ચ શઙ્ખપ્રવરો યેન જેતાસિ દાનવાન્ ।
અનેન વિજિતા લોકા શક્રેણાપિ મહાત્મના ॥

પ્રદીયમાનં દેવૈસ્તં દેવદત્તં જલોદ્ભવમ્ ।
પ્રત્યગૃહ્ણાં જયાયૈનં સ્તૂયમાનસ્તદાઽમરૈઃ ॥

સ શઙ્ખી કવચી વાણી પ્રગૃહીતશરાસનઃ । દાનવાલયમત્યુગ્રં પ્રયાતોસ્મિ યુયુત્સયા ॥