મહાભારત · અધ્યાય 3.13

નૈતત્કૃચ્છ્રમનુપ્રાપ્તો ભવાન્સ્યાદ્વસુધાધિપ ।
યદ્યહં દ્વારકાયાં સ્યાં રાજન્સન્નિહિતઃ પુરા ॥

આગચ્છેયમહં દ્યૂતમનાહૂતોઽપિ કૌરવૈઃ । આમ્બિકેયેન દુર્ધર્ષ રાજ્ઞા દુર્યોધનેન ચ ।
વારયેયમહં દ્યૂતં બહૂન્દોપાન્પ્રદર્શયન્ ॥

ભીષ્મદ્રોણૌ સમાનાય્ય કૃપં બાહ્લીકમેવ ચ ।
વૈચિત્રવીર્યં રાજાનમલં દ્યૂતેન કૌરવ ॥

પુત્રાણાં તવ રાજેન્દ્ર ત્વન્નિમિત્તમિતિ પ્રભો ।
તત્રાચક્ષમહં દોષાન્યૈર્ભવાન્વ્યતિરોપિતઃ ॥

વીરસેનસુતો યૈસ્તુ રાજ્યાત્પ્રભ્રંશિતઃ પુરા ।
અતર્કિતવિનાશશ્ચ દેવનેન વિશામ્પતે ॥

સાતત્યં ચ પ્રસઙ્ગસ્ય વર્ણયેયં યથાતથમ્ ॥

સ્ત્રિયોઽક્ષા મૃગયા પાનમેતત્કામસમુત્થિતમ્ ।
દુઃખં ચતુષ્ટય પ્રોક્તં યૈર્નરો ભ્રશ્યતે શ્રિયઃ ॥

તત્રસર્વત્રવક્તવ્યં મન્યન્તે શાસ્ત્રકોવિદાઃ ।
વિશેષતશ્ચ વક્તવ્યં દ્યૂતે પશ્યન્તિ તદ્વિદઃ ॥

એકાહાદ્દ્રવ્યનાશોઽત્ર ધ્રુવં વ્યસનમેવ ચ ।
અભુક્તનાશશ્ચાર્થાનાં વાક્પારુષ્યં ચ કેવલમ્ ॥

એતચ્ચાન્યચ્ચ કૌરવ્ય પ્રસઙ્ગિકટુકોદયમ્ ।
દ્યૂતે બ્રૂયાં મહાબાહો સમાસાદ્યામ્બિકાસુતમ્ ॥

એવમુક્તો યદિ મયા ગૃહ્ણીયાદ્વચનં મમ ।
અનામયં સ્યાદ્ધર્મશ્ચ કુરૂણાં કુરુવર્દન ॥

ન ચેત્સ મમ રાજેન્દ્ર ગૃહ્ણીયાન્મધુરં વચઃ ।
પથ્યં ચ ભરતશ્રેષ્ઠ નિગૃહ્ણીયાં બલેન તમ્ ॥

અથૈનમવિનીતેન સુહૃદો નામ દુર્હૃદઃ ।
સભાસદોઽનુવર્તેરંસ્તાંશ્ચ ઇન્યાં દુરોદરાન્ ॥

અસાન્નિધ્યં તુ કૌરવ્ય મમાનર્તેષ્વભૂત્તદા ।
યેનેદં વ્યસનં પ્રાજ્ઞા ભવન્તો દ્યૂતકારિતમ્ ॥

સોહમેત્ય કુરુશ્રેષ્ઠ દ્વારકાં પાણ્ડુનન્દન ।
અશ્રૌષં ત્વાં વ્યસનિનં યુયુધાનાદ્યથાતથમ્ ॥

શ્રુત્વૈવ ચાહં રાજેન્દ્ર પરમોદ્વિગ્રમાનસઃ ।
તૂર્ણમભ્યાગતોસ્મિત્વાં દ્રષ્ટુકામો વિશમ્પતે ॥

અહો કૃચ્છ્રમનુપ્રાપ્તાઃ સર્વે સ્મ ભરતર્ષભ । સોઽહં ત્વાં વ્યસને મગ્નં પશ્યામિ સહ સોદરૈઃ ॥